همهمة

حلمي القبيل كان الوطن

قطية قش

وامكن برش

شلة صحاب فارشة الارض

لقمة أكل قرقوش قرش

امي الحنينة هناك تعوس

غنماية جات ليها بتهش

حلما فضل ممدود بعيد

حاحيت وراو حفيان بمش

وفضل بيصغر كل يوم

لمن في يوم

وينو الحلم ؟

ماشفتو وين ؟

فتشتا ليو ما لقيتو راح

زي الرهاب يوم جيتو ساح

او امكن الدودو القبيل

خاتف شليل

جاك يا وطن .

ـــــــ

ادينا للحلم سوطاً

ف القفا

شان يملا اعماقنا خريف

يخضر ريف ..

القمرة تغازل وراء

الصريف ..

وطنناً علي الرصيف

وحده ما بيعرف

التعب ..

يناحي لفراغ المضيعة

الصعب ..

والعتب

علي

العاقون

الحالمون

الساحرون

لا لا لا

لكهوف الضلال

ولا ل تلال القبح

في جفن الصبح

نهمهم بالجمال

نطرد اليأس

من أحداقنا

تكبر احلامنا

وتزيد آملنا

بثورة في الصميم

تحاكم كل لئيم

الشوهوه

وأنكروه

ف المزاد باعوه

بالمسكنة رصعوه

والشحده أوصفوه

يلاّ نشمر

للعمل

بالأمل

كانت همهة

ـــ
مازن الجمّال مشتاقووون وكدا , وين إنت والغيبة الطويلة دي ياخي

مازن الجمال..........

عماد الدهشة..........

واصلوا.........

الابداع

سيف الدولة كامل

عيش الحُلم رغم الظروف
في دنيا رب
يقسم رزق
المكوب يبين رغم الغُلب
لاتنسى
الفي اللوح رُفع
لكن نعيش الحُلم الجميل
ونسعى ولا نكل

مع أمنياتي أن تتحق كل أمانيك
أيها الشاعر الشفيف

مازن الجمال
ولك مني أصدق وأنبل الأمنيات والتحايا والمودة

لرائع مازن سلامات

متابع جمال حروفك

وتسلم احلامك دهشة


تيف تيف

.