Post: #1
Title: الرئيس المؤمن يقبل الحجر الاسود واخرون يقبلون يدي اوكامبو ( صورة )
Author: ود الباوقة
Date: 04-05-2009, 12:49 PM
الرئيس المؤمن عمر حسن احمد البشير يقبل الحجر الاسود ابان ادائه منسك العمرة في الاسبوع الفائت....
|
Post: #2
Title: Re: الرئيس المؤمن يقبل الحجر الاسود واخرون يقبلون يدي اوكامبو ( صورة )
Author: عاطف عبدون
Date: 04-05-2009, 12:52 PM
Parent: #1
لو كان مؤمن كان اقتنع بي رأي الدين الحرم عليهو السفر
ولا شنو
برضو مش ديك علماء دين ؟
هذا البوست للتضامن مع ( هيئة علماء السودان )
|
Post: #4
Title: Re: الرئيس المؤمن يقبل الحجر الاسود واخرون يقبلون يدي اوكامبو ( صورة )
Author: عاطف عبدون
Date: 04-05-2009, 12:58 PM
Parent: #2
وبعدين مؤمن دي كلمه فضفاضه
يعني ما عرفنا هو مؤمن بي شنو
بي قتل الابرياء وتشريدهم في دارفور؟
ولا بي الشباب الكتلهم بي اسم الجهاد في الجنوب؟
ولا بي ضرورة قتل المتظارهين سلميا ضد الحكام زي ما قتل شهداء كجبار في وضح النهار؟
ولا مؤمن بي انو يغتنم نساء اخوانو بعد ما يركبهم (التونسيه) ؟
|
Post: #3
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: اسماعيل عمر ابراهيم
Date: 04-05-2009, 12:57 PM
Parent: #1
| Quote: الرئيس المؤمن يقبل الحجالاسود |
" ........ مأكله حرام و مشربه حرام و ملبسه حرام فآنى يستجاب له ......" ؟؟؟؟؟؟
|
Post: #5
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: عاطف عبدون
Date: 04-05-2009, 01:03 PM
Parent: #3
يا اسماعيل
في النقاط القبل مأكله انت قاصد زوجته ؟
| Quote: .......مأكله حرام و مشربه حرام و ملبسه حرام فآنى يستجاب له ......" ؟؟؟؟؟؟ |
غايتو حرام دي انا ما حفتي فيها بس بعرف انو عييييييييييييييب وخيانه
|
Post: #6
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: ود الباوقة
Date: 04-05-2009, 01:10 PM
Parent: #3
شتان ما بين من يقبلون على الله بالتسبيح بالعشي والابكار وبين من يولون الادبار ...
|
Post: #8
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: عاطف عبدون
Date: 04-05-2009, 01:17 PM
Parent: #6
Quote:
شتان ما بين من يقبلون على الله بالتسبيح بالعشي والابكار وبين من يولون الادبار ... |
قصدك هيئه علماء السودان ولا البشير؟
ياتو فيهم اللعب بالدين؟
وياتو فيهم البسبح بالعشي والابكار ومنو البولوا الادبار؟
|
Post: #7
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: ود الباوقة
Date: 04-05-2009, 01:14 PM
Parent: #3
يعني ما عرفنا هو مؤمن بي شنو
مؤمن بالله سبحانه وتعالى ...
|
Post: #9
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: ود الباوقة
Date: 04-05-2009, 01:18 PM
Parent: #7
رئيس مؤمن بالقضاء والقدر ومؤمن بأن ما أصاب العبد لم يكن ليخطئه، وما أخطأه لم يكن ليصيبه، وما تقدم لم يكن ليتأخر، و ما تأخر لم يكن ليتقدم،
|
Post: #10
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: ود الباوقة
Date: 04-05-2009, 01:25 PM
Parent: #9
الرئيس مواطن سوداني اصيل واخرون ارتموا في حضن الاجنبي بدولارات بائسة ولجوء كسيح ..
|
Post: #11
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: عاطف عبدون
Date: 04-05-2009, 01:31 PM
Parent: #10
ما جاوبتني لسع
منو الصاح فيهم البشير ولا ناس رجال الدين؟
|
Post: #13
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: مزمل خيرى
Date: 04-05-2009, 01:41 PM
Parent: #11
ود عبدون سلامات ..
ماتحكها خااالص كدة .!!
وينك ياراجل والله ليك وحشة كبيرة
ياحليلك وياحليك ايام نسق... صاحبك وليد طوالى فى سيرتك
|
Post: #12
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: عبدالكريم الامين احمد
Date: 04-05-2009, 01:34 PM
Parent: #10
هلا يا باوقة
وكلامك ده متاجرة واضحة بشعائر الدين...
والبشير في زيه هذا وهو في بيت الله العظيم يتساوي مع اي مسلم مهما كان شانه في هذه الدنيا
ولا جاه ولا سلطان ولا متاجرة امام بيت الله وبشعائر الدين الحنيف...
الذي خلق كل هذه البشرية
|
Post: #14
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: fadlabi
Date: 04-05-2009, 01:47 PM
Parent: #12
الحجر الأسود ده بنفع الناس كيف؟
أنا محتار من زمان في الموضوع ده
مش حجر؟
البوس لي شنو بالضبط.. هسي دي ما وثنية و طوطمية عديل كده.
|
Post: #16
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: HAIDER ALZAIN
Date: 04-05-2009, 01:55 PM
Parent: #14
وكوتة
وكوتة
تفوت الفوتة
بأسرع صهوة
عمرة وحجة … وتسأل ربك
يقبل توبتك يغفر ذنبك
يمسح سفك ..
خيرات شعبك ..
أصلها كانت عترة في دربك
لما تعبت … وفاتك حزبك
لما ضهبت … وخانك قلبك
كانت هفوة في لحظة سهوة
عن الإنسان والحال الأسوأ
ودابك فقت ..
وجاتك صحوة
جيت وتكفِّر ..
يا رب تغفر ..
أغفر ..
أغفر
عبدك خاسر شيء ما بيسوى
إنت القادر .. إنت الأقوى
يا البتخادع حتي الله .. !!!
وين الشهرة .. المال … والجاه؟
وين السطوة ..؟؟
الجشع ..؟؟
القسوة ..؟؟
أركز ..
أركز
لا تجيب رخوة
يا متلبك في الأدران ..
الحجر الأسود ما هو البروة
وما ها مكاوى الكعبة تجيها ..
حين ينكرفس توب التقوى
وما في خرط للجنة تودي ..
لا في خطط ممهورة برشوة
والمشروع الديني الخالص …
ما محتاج لدراسة جدوى
ويات قال يا رب من قلبو ..
رد الخالق دائماً أيوة
اركز ..
اركز ..
لا تجيب رخوة
|
Post: #17
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: عبداللطيف محجوب
Date: 04-05-2009, 02:03 PM
Parent: #14
Quote: الحجر الأسود ده بنفع الناس كيف؟
أنا محتار من زمان في الموضوع ده
مش حجر؟
البوس لي شنو بالضبط.. هسي دي ما وثنية و طوطمية عديل كده. |
الأخ الغير كريم ..
لك إحتقاري ..
وبعد .. يبدو أنك من جيل ..، .. أو أنك على غير الإسلام .. فإن كنت على الإسلام ما ظننتك لتقول هذا ..
قليلاً ما أرد أو أكتب موضوع في هذا المنبر ..
الأخ غير المحترم ..
تريد أن تخلق الفتن .. في هذا المنبر الملئ بالفتن .. ما أردت أن ارد عليك .. فدين الله محفوظ .. وكلما وجدنا من أمثالك نجد مناصري الحق أكثر ..
إننا نقبل الحجر الأسود من باب السنة التي أستنها لنا رسول الله محمد بن عبدالله .. المرسل بالحق ..
قال عمر رضي الله عنه لما قبّل الحجر الأسود : ((والله إني لأعلم أنك حجر لا تضر ولا تنفع ، ولولا أني رأيت رسول الله صلى الله عليه قبّلك ما قبَّلتك)) .
أرجو أن أكون قد أجبت على تساؤلك غير المحترم بالطريقة الإستفزازية غير الجادة ..
كما قلت لك عادة لا أرد على أمثالك .. ولكني متأكد أنك أستفزيت كل من آمن بالله وبالرسول بردك القبيح هذا ..
إحتقاري لك ..
عبدو ..
|
Post: #20
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: fadlabi
Date: 04-05-2009, 02:24 PM
Parent: #17
عبدو
شكرا على الصورة الراقية التي عكستها عن الإسلام و المسلمين
نموذج ممتاز للمسلم
لو على حق ما في شي بجرسك و يخليك تنبذ
|
Post: #15
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: علاء الدين يوسف علي محمد
Date: 04-05-2009, 01:48 PM
Parent: #12
ربنا بتقل منه
رجُل مؤمن و متوكِّل على ربّه
|
Post: #19
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: HAIDER ALZAIN
Date: 04-05-2009, 02:13 PM
Parent: #15
Quote: قال عمر رضي الله عنه لما قبّل الحجر الأسود : ((والله إني لأعلم أنك حجر لا تضر ولا تنفع ،
ولولا أني رأيت رسول الله صلى الله عليه قبّلك ما قبَّلتك)) . |
عجييييب ..!!!
يعني فرقت دي من ديك شنو يا اخونا المحتقر لخلق الله ؟؟
مُش نفس التساؤل والا اختلف !!
غايتو لو دي عينة مشاركاتك
اخير موقفك الاول ...
|
Post: #21
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: عبداللطيف محجوب
Date: 04-05-2009, 02:38 PM
Parent: #19
Quote: يعني فرقت دي من ديك شنو يا اخونا المحتقر لخلق الله ؟؟
مُش نفس التساؤل والا اختلف !! |
دي عبادة زيها وزي أي عبادة وهي سنة .. سنة .. أؤكد لك سنة .. يعني إن لم تفلعها لا تؤثم .. بعدين هي ما فرض زي الصلاة والصيام وكده ..
لو أسئلتكم كلها زي دي يا بني علمان .. معناتها ما حتتبعو أي دين .. لأنو الأديان كلها في حاجات مبهمة .. لأنو لو الأديان دي أي زول فهم الحاصل شنو، النار دي عاملينا لي منو .. ؟
لأنو حتقولو الناس بتصلي ليه .. وبتسجد ليه وبتركع ليه ..
حتقولو السجود ده في الأرض ليه وعشان شنو ..
...
إنتو دايرين شغل من البداية .. من (أ) ..
..
الله يهدينا ويهديكم ..
|
Post: #24
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: HAIDER ALZAIN
Date: 04-05-2009, 02:52 PM
Parent: #21
| Quote: الله يهدينا ويهديكم .. |
اللهم آآآآآمين واول واحد يهديهو الفنان الكافر الاسمو فاضلابي دا ..
| Quote: إنتو دايرين شغل من البداية .. من (أ) .. |
بالله يا عبدو عاوزك هنا تبدأ معاى الدين دا من اول الكتابة في الرملة مش ( أ ) طوالي
وود الباوقة دا اصلاً بوستو ما جايب حقو يبقي تعال شغل ليك حصة هنا ..
Quote: لو أسئلتكم كلها زي دي يا بني علمان .. معناتها ما حتتبعو أي دين .. لأنو الأديان كلها في حاجات مبهمة .. لأنو لو الأديان دي أي زول فهم الحاصل شنو، النار دي عاملينا لي منو .. ؟
|
يا زووول
يعني هسع الناس دي بتدخل النار لانها ما عارفة والدين مُبهم ؟
عجيييييب لكن
ياخي كدة بالمناسبة انت بتنفي صفة العدل من ربك عديل وتقول ظالم بيدقس الناس ويجي يحشرهم في النار
يازول راجع ايمانك دا بعدين تعال لبني ( علمان )
Quote: دي عبادة زيها وزي أي عبادة وهي سنة .. سنة .. أؤكد لك سنة ..
يعني إن لم تفلعها لا تؤثم .. بعدين هي ما فرض زي الصلاة والصيام وكده .. |
كدي تعال يا العاوز تفهمنا الدين من الألف .. وبرضو ما بنختلف ..
ورينا كيف العبادة بتكون سُنة ؟
والعبادة دي هي ذاااتها شنو ؟
بتختلف من المناسك والا بتتم من خلال مناسك ..
يا زول هوووووي والله انت باقي لي من اهل البدع والضلال وانسان مبتدع لو دا كلامك
وكل بدعة ضلالة وربنا بيحشر في النار دي مش عشان في مبهمة لا .. عشان فهمك دا علي قدرك ..
ربنا يهديك ويديك من علمه
|
Post: #31
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: ود الباوقة
Date: 04-05-2009, 04:12 PM
Parent: #12
هلا يا باوقة
وكلامك ده متاجرة واضحة بشعائر الدين...
والبشير في زيه هذا وهو في بيت الله العظيم يتساوي مع اي مسلم مهما كان شانه في هذه الدنيا
ولا جاه ولا سلطان ولا متاجرة امام بيت الله وبشعائر الدين الحنيف...
الذي خلق كل هذه البشرية
كيكي ..
يا اخوي تجارة شنو....
انتو ما تاجرتو وبعتو واشتريتو ورهنتو ( وارتهنتو ) في زول اتكلم معاكم ...
الصورة قصدنا بها فقط الحالة التي نحن فيها بحمد الله والحالة التي وصلتو اليها انتم بفعل افعالكم ..
|
Post: #18
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: عاطف عبدون
Date: 04-05-2009, 02:09 PM
Parent: #10
Quote:
الرئيس مواطن سوداني اصيل |
والديل انو الرئيس الوحيد في العالم البكتل في في شعبو
طبعا بعد رحيل زميلو صدام
ومن هنا بكون بستمد اصلالتو عندكم
مش كدا؟
|
Post: #22
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: عاطف عبدون
Date: 04-05-2009, 02:42 PM
Parent: #18
الفاضلابي
فوردان قرديت؟
شفت كيف الزول دا مُربي بي خُلق الدين الحنيف؟
وشف كيف بجادلك بالتي هي أسوء؟
انتو الناس دي بتجي من وين؟
|
Post: #23
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: علاء الدين يوسف علي محمد
Date: 04-05-2009, 02:49 PM
Parent: #22
Quote: الحجر الأسود ده بنفع الناس كيف؟
أنا محتار من زمان في الموضوع ده
مش حجر؟
البوس لي شنو بالضبط.. هسي دي ما وثنية و طوطمية عديل كده. |
فادلابي يا ود يا ختييييييييييير يا جِبتة الهِناي من ديلو
قال ليك ضرب عصفورين بحجر واحد
أثبت إنو زول مُتحضِّر و ما تقليدي و علماني و كِدة لزوم إرضاء العم سام
و التانية شرّك للجماعة التكفيرين
باقي أي زول يجي يجادلو يقول ليهو يا ود يا نموذج المسلم الما متحضر
يا ود يا إرهابي
يا ود يا مُتطرِّف
لكن لقيتك ختييييييييييير يا فادلابي
كدي عليك الله نحن الإرهابيين ديل خلِّينا أنا متأكد إنو عيلتك أي زول مستطيع فيهم حجّ البيت و الما مُستطيع لو استطاع سيكون السبيل للحجر الأسود عِدِل
كدي نحن خلِّينا أمشي ليهم لي أهلك ديل و قول ليهم الحجر الأسود دة مُقرِف و مُقزِّز و بعمل طمطوم
و قول لينا النتيجة
سمِح
|
Post: #25
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: علاء الدين يوسف علي محمد
Date: 04-05-2009, 03:04 PM
Parent: #23
يا فادلابي
خشيت موقعك الجميل و أثارتني الملاحظة دي
كِلِك يمين على الصورة
jesus
ما تقول لي البِحيت دة ما أخلاق مسلمين كمان
موقع على النت و مفتوح صاح
بقينا ليك زوار كمان
|
Post: #35
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: fadlabi
Date: 04-05-2009, 05:19 PM
Parent: #25
علاء إنت قايل أي شي هلال مريخ هو
يعني الما مسلم لازم يكون شي تاني
أنا لا أدين بأي دين سماوي يا منقة
بحترم البحترمني ممن دان بيهم و ده حقهم
و حقي اسألهم لامن يجيبوا الدم.
و عقلك في راسك تعرف خلاصك
الموقع صممه نرويجي إتيست زيي كده.. و هو السمى معظم الصور و أتمنى إنك تكون شايف الريسامبلنس
لأنه أكتر من كده ما بقدر أشرح ليك
|
Post: #36
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: علاء الدين يوسف علي محمد
Date: 04-05-2009, 05:26 PM
Parent: #35
Quote: علاء إنت قايل أي شي هلال مريخ هو
يعني الما مسلم لازم يكون شي تاني
أنا لا أدين بأي دين سماوي يا منقة
بحترم البحترمني ممن دان بيهم و ده حقهم
و حقي اسألهم لامن يجيبوا الدم.
و عقلك في راسك تعرف خلاصك
الموقع صممه نرويجي إتيست زيي كده.. و هو السمى معظم الصور و أتمنى إنك تكون شايف الريسامبلنس
لأنه أكتر من كده ما بقدر أشرح ليك |
و هل أساء لك مسلموا العالم جميعهم لتسيء لهم بالإستهزاء بمعتقداتهم
شوف يا فادلابي
عندك دين
ما عندك دين
حاجة تخُصّك مع ربّك
تعمل نفسك علامة زايد
تعمل نفسك نجمة
تعمل نفسك قِرِد
برضو حاجة بتخصك
لكن المعتقدات العامة للغير اللي بتدعي إحترامهم دي ما بتخُصّك
ولا إنتو الزول ما ببقى مناضل قال ما سبّ الدين
و تحديداً الدين الإسلامي
و البلد و رئيسو
الأخيرات ديل ما زي الأول
مافي مُسلٍم تعرّض للمسيحية أو لليهودية بسوء
فدع عنك هذا و خلِّيك لي نضالك
إنشاء الله تشتغل رئيس ما شغلتنا بيك
بس الدين أبعِد منو
|
Post: #45
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: fadlabi
Date: 04-05-2009, 09:03 PM
Parent: #36
علاء ياخي الاساء لحضرتك منو؟
سؤال و غلبك تجاوبو
مؤمن كيف انت؟
و أنا ما ببطل أسأل نهائي كان ده الدايره إنت..
|
Post: #50
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: علاء الدين يوسف علي محمد
Date: 04-06-2009, 06:42 AM
Parent: #45
Quote: علاء ياخي الاساء لحضرتك منو؟
سؤال و غلبك تجاوبو
مؤمن كيف انت؟
و أنا ما ببطل أسأل نهائي كان ده الدايره إنت.. |
فادلابي
يبدو إنو في واحد فينا ما بيفهم
إنت متين سألتني ياخينا!!!؟
أنا جيت لقيتك كاتب كلام يسيء لكل المسلمين اللهم إلا إذا إعتبرتني أنا ما مِنهم زي ما إعتبرتة نفسك
ولا كلامك عن الحجر الأسود دة ما فيهو إساءة؟
متين سألتني سؤال أياً كان!!!؟
كدي راجع مداخلاتي معاك و مداخلاتك معاي فوق
أنا ما جيت شان أسألك و تسألني
جيت أقول ليك كلمتين و رد غطاهم
لا تسيء لمعتقدات الغير
أسأل زي ما عايز بس بدون إساءة
و أكيد حتلقى الممكن يجاوبك بس ما أنا لأنو أنا ما مُتفقِّه في الدين
أتمنى كلامي يكون واضح
|
Post: #26
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: هشام آدم
Date: 04-05-2009, 03:06 PM
Parent: #23
| Quote: الحجر الأسود ده بنفع الناس كيف؟ |
الحجر الأسود، بينفع في اليوم الأسود (:)
| Quote: الرئيس المؤمن يقبل الحجالاسود ر واخرون يقبلون يدي اوكامبو |
براكم بتكفّروا الدايرنو، وتزكوا على الله الدايرنو!!!!
أمركم عجيب بالجد
حسّي إنتو الحديث ده ما مرّ عليكم؟ ولا مسلمين بالنيّة إنتو؟
ثبت عند احمد عن عبد الرحمن ابن ابى بكرة عن ابيه قال مدح رجل رجلآ عند النبى صلى الله عليه وسلم فقال عليه الصلاة والسلام: "ويللك قطعت عنق صاحبك -مرارآ- إذا كان احدكم مادحآ صاحبه لا محالة فليقل "أحسب فلانآ والله حسيبه ولا ازكى على الله احدآ" أحسبه كذ وكذا إن كان يعلم ذلك (رواه مسلم والبخارى ).
|
Post: #27
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: ALazhary2
Date: 04-05-2009, 03:31 PM
Parent: #26
.
.
روى بن شهاب أن عمر بن الخطاب قبل الحجر وقال : والله إني لأعلم أنك حجر لا تضر ولا تنفع لولا أني رأيت رسول الله صلى الله عليه وسلم يقبلك ما قبلتك " فقال علي بن أبي طالب عليه السلام أما أنه ينفع ويضر سمعت النبي صلى الله عليه وسلم يقول :" أن الله تبارك وتعالى لما أخذ العهد على آدم وذريته ، أودعه في رق في هذا الحجر ، فهو يشهد لمن وافاه يوم القيامة " فقال عمر : لا أحياني الله لمعضلة لا يكون لها بن أبي طالب حياً .
.
.
|
Post: #28
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: Nagi Ahmed
Date: 04-05-2009, 03:38 PM
Parent: #26
تقبيله للحجر الاسود او عدمه
حج او لم يحج'
عمر او لم يعمر
صلي او لم يصلي
ما فرقت كتير حا يظل مجرم هارب من العدالة مغتصب نساء ظالم لرعيته و حا تسجل ليهو في تاريخ السودان
|
Post: #29
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: jini
Date: 04-05-2009, 03:46 PM
Parent: #28
ادع له بالهداية والله على كل شي قدير
بعملوها الكبار ويقعوا فيها الصغار
|
Post: #30
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: ود الباوقة
Date: 04-05-2009, 04:08 PM
Parent: #29
الجقلبة والفرنبة لن تفيدكم بشيء طالما هذه ردودكم ...
|
Post: #32
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: AnwarKing
Date: 04-05-2009, 04:17 PM
Parent: #30
ود الباوقة...
الإيمان وممارسة الشعائر لا علاقة لها بمقصدك للنيل السياسي...
والمقابلة ما بين أنصار البشير ومؤيدي طلب أوكامبو غير موفقة في نظري
|
Post: #33
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: اسماعيل عمر ابراهيم
Date: 04-05-2009, 04:26 PM
Parent: #30
احدى تجليات " إيمانه "  و ( نعم ) الإيمان .
|
Post: #34
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: ود الباوقة
Date: 04-05-2009, 05:10 PM
Parent: #33
اول مرة اشوف لي مدعي عام يرقص ويهجج في حفلة وفي رمضان كمان ..
شفتو الفرق كيف ....
|
Post: #37
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: elsawi
Date: 04-05-2009, 05:27 PM
Parent: #34
Quote:
اول مرة اشوف لي مدعي عام يرقص ويهجج في حفلة وفي رمضان كمان .. |
قرقرقرقرقرقرقرقر
الرقيص فضلة خير رئيسك يا ود الباوقة
قال تعالى
"وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا"
صدق الله العظيم
ما بحلو من غضب ربنا و لعنته
يا مؤيدي البشير: عليكم بالآية 93 من سورة النساء
|
Post: #38
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: محمد على طه الملك
Date: 04-05-2009, 05:31 PM
Parent: #34
ود الباوقة يا غياظ ..
تقبل الله ..
علا يا اللخو دحين ( الرئيس المؤمن ) دا مو قتلو زماااان ناسه المؤمنين شديد ؟
الله يهون.
|
Post: #39
Title: Re: الرئيس المؤمن يقبل الحجالاسود ر واخرون يقبلون يدي اوكامبو ( صورة )
Author: علاء الدين يوسف علي محمد
Date: 04-05-2009, 05:32 PM
Parent: #34
خنزير لا راح لا جِي
|
Post: #40
Title: Re: الرئيس المؤمن يقبل الحجر الاسود واخرون يقبلون يدي اوكامبو ( صورة )
Author: ود الباوقة
Date: 04-05-2009, 05:36 PM
Parent: #1
هجيج وسكسكة في الليالي المباركة من شهر رمضان ومع من ؟؟؟
نسال الله العافية ...
في هذا الشهر المبارك الفضيل يكثر المسلمون من الدعاء والاستغفار والانابة الى الله وتتطلع افئدتهم الى رحمته
وعفوه ومغفرته .
في هذا الشهر الفضيل كل يمنى نفسه بالذهاب الى مكة المكرمة حيث الكعبة المشرفة وحيث ان عمرة في رمضان تعادل
حجة مع نبينا محمد صلى الله عليه وسلم ..
في العشر الاواخر من الشهر الفضيل يعتكف المسلمون بالتضرع الى الله طمعا في ليلة القدر التي هي خير من الف شهر
|
Post: #41
Title: Re: الرئيس المؤمن يقبل الحجر الاسود واخرون يقبلون يدي اوكامبو ( صورة )
Author: ود الباوقة
Date: 04-05-2009, 05:43 PM
Parent: #40
حبيبنا علاء الدين ..
ارمي قدام ورا مؤمن ...
ارمي ولا تخشى في الحق لومة لائم ....
|
Post: #42
Title: Re: الرئيس المؤمن يقبل الحجر الاسود واخرون يقبلون يدي اوكامبو ( صورة )
Author: Deng
Date: 04-05-2009, 05:48 PM
Parent: #41
مسيلمة الانقاذ ود الباوقة.
رئيسك ده بلعب في الزمن الضائع، ومسألة القبض عليه هي مسألة وقت فقط.
دينق.
|
Post: #43
Title: Re: الرئيس المؤمن يقبل الحجر الاسود واخرون يقبلون يدي اوكامبو ( صورة )
Author: ود الباوقة
Date: 04-05-2009, 05:50 PM
Parent: #42
تقبل الله ..
اللهم امين ..
شكرا الملك ....
|
Post: #44
Title: Re: الرئيس المؤمن يقبل الحجر الاسود واخرون يقبلون يدي اوكامبو ( صورة )
Author: بدر الدين الأمير
Date: 04-05-2009, 08:47 PM
Parent: #43
| Quote: رئيس مؤمن بالقضاء والقدر ومؤمن بأن ما أصاب العبد لم يكن ليخطئه، وما أخطأه لم يكن ليصيبه، وما تقدم لم يكن ليتأخر، و ما تأخر لم يكن ليتقدم، |
ودالباوقة
لك التقدير
بعيدا عن البشير هل انت مؤمن وموقن بما اوردته أعلاه وتقبل لاحتكام له
في التحاور معك ؟
تنهدات: هل تعلم ان الحجر الاسود سبق وان اقتلع من الكعبة المشرفة
ونقل لمنطقة الاحساء وبقى فيها مايقارب العشرين سنة قبل ان يعاد
اليها مرة أخرى ...
وهل تعلم ماذا قال الخليفة عمر ابن الخطاب للحجر الاسود حين قبله ...
قال له اعلم انك حجر لا تنفع ولاتضر ولولا انى رايت الرسول يقبلك ما قبلتك
ترى ماذا قال عمر البشير للحجر الاسود ...
|
Post: #46
Title: Re: الرئيس المؤمن يقبل الحجر الاسود واخرون يقبلون يدي اوكامبو ( صورة )
Author: ود الباوقة
Date: 04-05-2009, 09:56 PM
Parent: #44
بعيدا عن البشير هل انت مؤمن وموقن بما اوردته أعلاه وتقبل لاحتكام له
في التحاور معك ؟
اخي الامير ..
نعم مؤمن بذلك ..مؤمن بالقدر خيره وشره . ومؤمن أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعوا على أن يضروك بشيء لم يضروك إلا بشيء قد كتبه الله عليك ,
ليس انا فحسب بل انت تشاركني هذا الايمان . ويشاركنا في ذلك كل المسلمين في كل مكان ...
|
Post: #47
Title: Re: الرئيس المؤمن يقبل الحجر الاسود واخرون يقبلون يدي اوكامبو ( صورة )
Author: imad hassan
Date: 04-05-2009, 10:18 PM
Parent: #46
سؤال بريء ومشروع : لماذا ينحدر النقاش فجأة إلى أمور شخصية ومحاولات للزج بتفاصيل حياة الشخص الخاصة في معرض النقاش ؟ لماذا لا نلتزم بنقاش مهني ومنهجي يخلو من السب ؟ إذا كنا نناقش مسالة إطلاق الصاروخ الكوري ، فهذا لا يعني أن أرد على مؤيديه بان ابحث في سيرة أهاليهم وسيرتهم الذاتية. أحيانا يبدو لي أن أمامنا طريق طويل جدا حتى نبلغ مرحلة النقاش الهادف البناء المفيد المثمر.
|
Post: #48
Title: Re: الرئيس المؤمن يقبل الحجر الاسود واخرون يقبلون يدي اوكامبو ( صورة )
Author: قيقراوي
Date: 04-05-2009, 10:58 PM
Parent: #47
Quote: اول مرة اشوف لي مدعي عام يرقص ويهجج في حفلة وفي رمضان كمان ..
شفتو الفرق كيف .... |
انت يا ود الباوقة شفت مدعي قبل دا اصلاً ؟ و برضو عام كمان ؟
يا زول ؟
يا ود الباوقة يا اخوي خاف الله في الخلط البتسوي فوقو دا
وين وجه المقارنة بين نفرين بدينوا بدينين مختلفين في منسك ؟
وبعدين :
| Quote: الرئيس المؤمن يقبل الحجر الاسود واخرون يقبلون يدي اوكامبو ( صورة ) |
خاف الله في حق الناس البهتها دي . . .
و ين القبل اسي ؟ و وين صورة الناس القاعد تقبل يد اوكامبو ؟
يا حبيب دا تفضيل في منسك بدوه للرؤساء و بفجوا ليهم الحجاج و المعتمرين ( ودي معلومة عامة بعرفا اي زول )
النسألك ما دام قطعت بايمان الرئيس متجاوز الحديث الصحيح الاوردوا هشام آدم:
| Quote: ثبت عند احمد عن عبد الرحمن ابن ابى بكرة عن ابيه قال مدح رجل رجلآ عند النبى صلى الله عليه وسلم فقال عليه الصلاة والسلام: "ويللك قطعت عنق صاحبك -مرارآ- إذا كان احدكم مادحآ صاحبه لا محالة فليقل "أحسب فلانآ والله حسيبه ولا ازكى على الله احدآ" أحسبه كذ وكذا إن كان يعلم ذلك (رواه مسلم والبخارى ). |
النسألك :
تقبيل الحجر و العمرة عموماً كانت نابعة من الايمان دا و لا الصور لشنو بالضبط ؟ مش هي لله ؟
اتمنى تقرأ الكلام دا كويس قبل ما ترد علي
كدا اضريت جدا بمن تحب
|
Post: #49
Title: Re: الرئيس المؤمن يقبل الحجر الاسود واخرون يقبلون يدي اوكامبو ( صورة )
Author: ibrahim alnimma
Date: 04-06-2009, 01:18 AM
Parent: #48
من قال لك انها بائسة تقصد انها شوية (حفنة)؟؟
ياخي اخجلو علي الكلام دة ....يعني انت بدولارات واجدة؟
| Quote: اول مرة اشوف لي مدعي عام يرقص ويهجج في حفلة وفي رمضان كمان .. |
هل الرقيص حرام ؟؟ام هو حرام في رمضان؟؟ارجو ان تجيب علي هذه الاسئلة ...وعلي فكرة
ما تفتكر انها مفخخة.....قيل ان الكيزان يتناقضون ولكني لم اكن اتوقع بهذه السرعة
يعني في بوست واحد....
Quote: رئيس مؤمن بالقضاء والقدر ومؤمن بأن ما أصاب العبد
لم يكن ليخطئه، وما أخطأه لم يكن ليصيبه، وما تقدم لم يكن
ليتأخر، و ما تأخر لم يكن ليتقدم، |
وكيف يمكنك ان تتحق من ذلك ؟؟هل تقبيل الحجر الاسود
او حتي اداء العمرة كافٍ ....
ان امر الايمان لا يمكن قياسة لذلك متروك تقديره الي يوم القيامة...
او ان الانسان يستطيع ان ينعت نفسه بهذه النعوت ...
وبعدين انت الوحيد الذي جعلت من هذه العمرة للشهرة وليس لله....
|
|