الاستاذ جمال محمد ابوزيد ( المنصوري ) ذاكرة عطبراوية تدخل الشبكة

مرحب بك عمنا الاستاذ جمال المنصوري بالمنبر وانت آخر واجمل الواصلين ..

بعد التراحيب واللازم منه ..

سنحاول نحت الذاكرة علي طريقة حبيبنا مكي الجمري ابو نورة ( مواقف وطرائف واشقياء )

استعد...

ومرحب بك مرة اخري

الشكر الجزيل يا حيدر يا زين
ومعك وابناء الجمري ابو نورة (المعز، ومكي) ذكريات امتدت بأمتداد السكة حديد، من نظارة الاقسام الجنوبية وحتي الاقليم الشمالي، والمقر دائما وابدا، اتبرا ام دالات ، وكانت السكة هي السودان

أخي... حيدر الزين...
ســــلامـ...

نحي معك ونرحب, بل نقف إجلآلآ وتقديرا لهذا الآتي من عاصمة
الحديد والنار...ممتطيا درآجته, يحملها تارة ليقطع خط السكة
حديد والأسلاك الموآزية له, ويمطتيها بعد عبور خطوط السكة الحديد,
ليترجل عنها لمطايبة ناس سمحين فراقهم هو المبكينا...تعالوا نجتر
الذكريات هنا, سالين المولي أن يجمعنا علي رصيف محطة أتبرا .أجمل
أرصفة حياتنافي أجمل محطآت عمرنا ...تعالوا يا أبنا اتبرا...

أخي حيدر...
أشــكرك جزيل الشكر وأنت أحد الذين شاركوا في
وجودي هنا...

ود المدير...

العزيز معاوية ود المدير (الباوقة اللذيذ تفاحا)
حي العموم، العمال،الداخلة،السودنة، الصاج، القيقر، حلة بوليس السكة حديد، المدرسة الاميرية والحكومية،نادي الامير والكوكب، الحلفا،امبكول،ارض الحيوان، زقلونا، المورده، الملجأ الطليح، المربعات شرق وغرب، شارع السلك، والسوق الكبير، الغريبة وجدعو،مدني (الفكي) عمارة عباس محمود، حديقة البلدية، بنك السودان، والمجلس البلدي العتيق،مكتبة البلدية، حي التمرجية،بيرم،والوسطي، حي الزهور، اشلاك البوليس، واشلاك الديش، السندة الحصايا، الدرجة، القلعة، الشرقي، الشمالي، حي المطار، خليوة، والقوسين كنور والمقرن، وما بينهما الفحامة والخدمات، ماذكرت منها ومالم اذكر، تظل عطبرة هي الاساس وهي الساس وهي الراس، والتحية لمدارس الاقباط، والجلود واسطي وثانوي القومية ومسعود، ودباغين الجلود، القشاشة والانادي واشوف من هناك الدامر بييي غادي ،الاهلية المصرية، نادي الامل والنسر، العدف والنيل، الوطن والوادي، الاهلي حديد، والسيالة تكسب، مرحب بيك شديد وتب..

الأخ معاوية المدير ..

تحايا ود وتقدير ..
ومرحب بك بسودانييز ..

Quote: سالين المولي أن يجمعنا علي رصيف محطة أتبرا .أجمل أرصفة حياتنافي أجمل محطآت عمرنا ...تعالوا يا أبنا اتبرا...

مشتاق لعطبرة ..

مشتاق لريحة الزيت وضجيج القاطرات .. والكتاحة ،،

سوف نمسك في عمنا المنصوري قوي .. ونحلم معه بصورة مكتوبة عن البلد ..

دمت مع محبتي ومرحب بك مرة اخري

الاخ جمــال

مليون مرحب و نورت البورد

و خلينا نقراء ليك

علي ود خليفة (العسكوري)

مليون سلام، وشوق بقدر موية النيل، يسعدني ويشرفني مرورك وسلامك، ياعمدة

ان شاء اللة الاسرة بالف خير

++

حيدر الزين يا غالي
سلامات ياخي ومشتاقين


حبينا نرحب بي عمنا المنصوري
ونقول ليه نورت البورد



خالص الود
ياسر بيناوي

الف مرحب بى جمال ابوزيد ود عمنا ابوزيد حامد كرارالرجل الكريم.




وكيف انت والاسرة الكريمة؟



مرحب بى ناس "عطبرة ام دالات ربابت اليتامى ومقتع الكاشفات "


دايرن ذكرياتك مع تلك المدينة الجميلة.

بالله ماتخلى شى من حى السودنة والسكة حديدوحى العمال والزونة وصيد الزازير

والداخلة والسيالة والاندية وليالى رمضان والمسحراتى.

نحن فى الانتظار .

مع تحياتى

عبدالواحد ابراهيم احمدون

ياسر بيناوي الجميل

تحايا الود والمحبة يا صديق ،

شوق لك ولكل الاصدقاء

بعدين وين ابو شروق قاطع الخبر ؟


ودي لك ومشكور للترحيب بعمنا المنصوري ..

سلام ياحيدر

سعدت مثلك بمقدم المنصوري الذي إنتظر طويلا حتى يتسلل إلينا هنا

شرع اليوم في استنطاق ذاكرة الزمان والمكان بطريقة سرد جميلة انتظره ليواصل فيها على مهل

للمنصوري العزيز مساهمات راقية مريت عليها بالصدفة في احد منابر عطبرتنا العزيزة

ليته ينقل منها ما يراه مناسبا هنا

التحية لعطبرة ولكل مخاليقها الجميلين

الاعزاء ياسر بيناوي
وود عمي وخالتي عبد الواحد ود الشهيد ابراهيم احمدون، اخر شهداء قطارات الشرق، والله كويس جدا جدا، سمعت انو الجماعة رحلوا الخرطوم، عاد ما بعدتو المسافة خالص، سلامي للجميع، وللخالة بصفة خاصة
الحيدران (احمد و علي) كيفينكم انا لي زمان ما شفتكم