|
|
|
 Re: صلاح غريبه حبوبتى عشه بت فاطمه بتسلم عليك وقالت ليك الزول الحاول يضربك يدقو تتقصا (Re: محمد عادل)
|
يا خوي يا عادِل إنت ما حدثت حبوبتي عشه بِت فاطنة بالسواهو ( غريبة الضريبة )
الزول عزموهو لِحفل تكريم الأُستاذة / نادِية مُختار دخل الحفل مُتأخِر ولابِس قميص
صحفي وقنب يِصَوِر فوق الناس وإدعى إنهُم ( سكارى ) وجا فتح ليهو بوست هِنا وقال
حينزِل صُور السكارى الحيارى ... دحين حبوبتي عشه بترضى أولادنا يتبشتنو في
الإسفير جِنس ده ... حليلا حبوبتي وتاج راسي أدبتنا كُلنا مالا ما قِدرت على الود
غريبة الضريبة ده ... والناس ما بِتريدو عاد نسو شنو مع فعايلو يا خوي يا عادِل
الزول مِحِل يصنقِر يِحمِس دلوكتو ويبقى في ده ( جانا البشير الزول القدير ) و( سير
سير يا سيدي البشير ) البشير بِصمه خشمو قال قتلت (10) ألف سوداني مِتِل ده
بِغنو ليهو كيفِن ... كلم حبوبتي عشه قول ليها الجنا بقى ما بِنطاق ... مرقت
ثقالتو مِن الفِجج والطاق ... الزول الحاول يكسِر كاميرا غريبة الضريبة أكان
همو يِستُر حالو أو حال أصحابو ... غريبة الضريبة أكيد مِن دخل مشى لِلزوايا
والمضايِق والكواليس قنب يِفتِش على سبق صحفي يِورِط بيهو أخوانو وده إسمو تجسُس
وخِيانة ... إنت يا خوي يا عادِل ما تحدِث حبوبتي عشه قول ليها الجنا خلا الهندسة
وقنب في قطع أرزاق الخلِق والتطبيل ... وفوق العليهو عِندو حساده ودالموج مسك
المايكروفون وسأل الوزير بِتاع الشحاده داك سؤال ... تاني يوم جا غريبة الضريبة
وفتح ليهو بوست عنونو بِما معناهو ( هل كُل مَن يكتُب في سودانيز أون لايِن يُعتبر
صحفي ... ودالموج مِثال ) يعني قصدو يقول لِودالموج أكتِب في سودانيز زي ما
دايِر بس كِتابتك دي ما بِتخليك صحفي ... هو ودالموج لامِن سأل وزير الشِحاده قال
معاكُم صديق الموج مُراسِل البي بي سي ما سأل وبس ... بس حساده غريبة الضريبة
إبت إلا أن تطِل بِرأسِها ... أصلو يا خوي يا عادِل سؤال ودالموج قلب قلبه الجِن
إنتشر السؤال ورد وزير الشحاده تاني يوم في الإسفير والصُحُف والله ودالموج بقى
مُنتظِر الزيدي بِتاع السودان ...
سلم لي على حبوبتي عشه وقول ليها ود بِتِك فَوزِية بِسلِم عليك وبِبوس عينيك وقول ليها
قال ليك أكان الله أراد بجي قريب ...
| |
 
|
|
|
|
|
| |
محمد عادل
أيمن الطيب
عزام حسن فرح
SHIBKA
محمد أبوالعزائم أبوالريش
ghariba
فيس بوك
تويتر
انستقرام
يوتيوب
بنتيريست