Post: #1
Title: توصية بسحب عضوية العضو الغير نشط صديق ود الموج من البورد.
Author: Deng
Date: 04-03-2009, 01:31 PM
Parent: #0
السيد/ بكري أبوبكر.
نحن الموقعين في القائمة السرية المرفقة ، نطالب السيد / بكري أبوبكر صاحب موقع سودانينز أونلاين بالتكرم بسحب عضوية المدعوا صديق ود الموج من عضوية المنبر نسبة لعدم ألتزامه بشروط عضوية المنبر في الاونة الاخيرة وظهوره الغريب في أحتفالات البورداب والتحدث بأسمهم. مرفق مع هذا الطلب حتى هذا اللحظة خمسة وخمسين توقيع والمفاجئة الكبرى أن الاخ مصطفى سري رفض التوقيع وقال أن لعامل السن أحكام ويجب أعطاء ود الموج فرصة أخرى. وهنالك عضوا أخر طالب بأن تعطى عضوية ود الموج فورا الى أحدا الحسناوات من القائمة الطويلة من طالبات العضوية التي بحوزة صاحب وأمين الموقع.
ملحوظة:
تم رفض توقيعيي صلاح غريبة وود الباوقة لعد أهليتهم.
دينق
الناطف الرسمي بأسم المجموعة
|
Post: #2
Title: Re: توصية بسحب عضوية العضو الغير نشط صديق ود الموج من البورد.
Author: Zakaria Joseph
Date: 04-03-2009, 06:18 PM
Parent: #1
الاخ دينق,
هذه موامرة منكم و سوف اقف مدافعا عن الكومريد ود الموج الذى موج بحنكة العبيط الذى وصف السودانين بالشحادين. اما الحسناء التى تريد اخذ مكانة ود الموج فى المنبر, فاننى اقترح ان تاخذ مكان ود الباوقة شريطة ان تكون "شدتها" مثل شدة البنت الورطت الناس فى "وصيف البيوت فى الصحافة".
ياى كوال.
|
Post: #3
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-03-2009, 06:29 PM
Parent: #2
Quote: الاخ دينق,
هذه موامرة منكم و سوف اقف مدافعا عن الكومريد ود الموج الذى موج بحنكة العبيط الذى وصف السودانين بالشحادين. اما الحسناء التى تريد اخذ مكانة ود الموج فى المنبر, فاننى اقترح ان تاخذ مكان ود الباوقة شريطة ان تكون "شدتها" مثل شدة البنت الورطت الناس فى "وصيف البيوت فى الصحافة".
ياى كوال. |
الاخ زكريا.
ود الموج أصابو الخرف وبقى ما قادر يفرز بين الماوس والريموت كنترول. خانة ود الباوقة دي أنا حاجزا من زمان وعندي زولة شرط جاية قريب. ويا ود الباوقة خلي عفشك جاهز دايرين نحولك لليق (الدرجة التالتة). لعب الدرجة الاولى أنت ما بتقدر عليهو. غايتوا قصة أمنة بت الصحافة المضروبة ديك هي الجابت النكسة لعمنا ود الموج . من القة ديك تاني ود الموج ما قامت ليهوا قايمة وبقت الصقور تنهش في جسده ، حتى صلاح غريبة بقى يهدد ود الموج . شفت الدنيا دي كيف . ما بتدي حريف والله يا ود الموج .
دينق.
|
Post: #5
Title: Re: توصية بسحب عضوية العضو الغير نشط صديق ود الموج من البورد.
Author: محمد على طه الملك
Date: 04-03-2009, 06:50 PM
Parent: #3
بس كده يا دينق أصلي مغبون من زمان ..
اول حاجة طفش لينا أمونه ..
تاني حاجة جاب لينا الشتيمة وشال حالنا في العالمين ..
ود الباوقة ما تستعجل عليه ..
براهو بسلم الباسورد بعد بلدياته يسلم العهدة .
|
Post: #18
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-04-2009, 02:12 PM
Quote: بس كده يا دينق أصلي مغبون من زمان ..
اول حاجة طفش لينا أمونه ..
تاني حاجة جاب لينا الشتيمة وشال حالنا في العالمين ..
ود الباوقة ما تستعجل عليه ..
براهو بسلم الباسورد بعد بلدياته يسلم العهدة . |
محمد علي طه.
أنا مغبون اكتر منك لكن كنت بقول ود الموج ده راجل أخونا وحبيبنا ، لكن يبدوا لي أنو الحسنة أصلوا ما بتنفع فيهوا. قريب ود الباوقة المطلوب ده لسه بفرفر وعندو باقي روح وما ح يسلم نفسوا ، لكني شاعر أنو النائب الأول والثاني ممكن يبيعوا الريس ويسلموا للأرجنتيني ، يا ود الباقة القصة ح تبقى ون تو علشان كده خليك جاهز.
|
Post: #4
Title: Re: توصية بسحب عضوية العضو الغير نشط صديق ود الموج من البورد.
Author: مصطفي سري
Date: 04-03-2009, 06:34 PM
Parent: #2
الاخ دينق
سلامات
هذه المذكرة مدعاة الى الترويج الى المدعو ود الموج ، والذي يحاول ان يتقرب مننا ، انا لم ارفض
التوقيع لسبب لن افصح عنه الان ، لكن استاذي حمزواي يعلم السبب ، وليتك يا دينق ان تسحب البوست
وتقدم اعتذار الان في بوست منفصل لانك قلت انني رفضت التوقيع ، ود الموج لن نعطيه شرف توقيعنا
يسقط
|
Post: #6
Title: Re: توصية بسحب عضوية العضو الغير نشط صديق ود الموج من البورد.
Author: haroon diyab
Date: 04-03-2009, 07:18 PM
Parent: #4
يادينق
| Quote: غايتوا قصة أمنة بت الصحافة المضروبة |
هي من الصحافة ولا الامتداد.....؟
بس عشان مايتلخبت علينا الاختساس وكده.....!!!!
|
Post: #8
Title: Re: توصية بسحب عضوية العضو الغير نشط صديق ود الموج من البورد.
Author: heba Elmahi
Date: 04-03-2009, 07:30 PM
Parent: #6
سـلامـي لـصـاحـب و زوار الـبـوسـت
والله يا دينق يا حلاتك في بوستات الونسة ! الله يسألني
ما كنتا قايلك بتعرف تتونس و تهزر لكن أهو ماشاءالله
عليك طلعتا زول لذيذ
مـرفـق ودي
_______________________
لا مـنـبـر عـــام بــدون ود الـمـوج
|
Post: #20
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-05-2009, 05:43 PM
Parent: #6
Quote: هي من الصحافة ولا الامتداد.....؟
بس عشان مايتلخبت علينا الاختساس وكده.....!!!! |
هارون دياب.
الجواب على سؤالك ده بتلقاهو عند إنعام حيمورة المشت ليها بالدرب عديل كده ولم تجدها.
طبعا ود الموج كان بتمنى أنو شخصية أمنة تبقى وحتى لو كانت خيال . وتلقاه لي هسع زعلان من إنعام حيمورة . علشان كده يا إنعام حيمورة لمن تسافري الرياض أعملي حسابك من ود الموج ده. أصلو عندو معاك غبينة وأنتي ما جابية خبر.
دينق.
|
Post: #7
Title: Re: توصية بسحب عضوية العضو الغير نشط صديق ود الموج من البورد.
Author: Al-Shaygi
Date: 04-03-2009, 07:24 PM
Parent: #1
دينق
كدي عليك الله تحت تحت باصي لي الورقة السرية عشان أوقع وأطمنك معاي قلم بيكتب بالحبر السري.
Quote: تم رفض توقيعيي صلاح غريبة وود الباوقة لعد أهليتهم.
|
ممكن أتوسط لأصحابي ديل ياخ عزيزين علي ...
يعني لو ما عندك مانع نعمل توقيعاتهم الإتنين بي واحد....
يعني مشيها المرة دي يا صاحبي....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #9
Title: Re: توصية بسحب عضوية العضو الغير نشط صديق ود الموج من البورد.
Author: حبيب نورة
Date: 04-03-2009, 08:47 PM
Parent: #7
حرام عليك يا دينق
دة أصلو حبيبي
ما موافق
|
Post: #10
Title: Re: توصية بسحب عضوية العضو الغير نشط صديق ود الموج من البورد.
Author: عمران حسن صالح
Date: 04-04-2009, 08:40 AM
Parent: #9
ياخي بلا يخموا وفي ستين يغور بدون عودة ..
مريخابي متطرف وكلامو كتير وشايف نفسو بعد ما إشتهر لمقابلته الولد مصطفى وجالس في مطعم ريم ما عندو غير سالفة سؤالو الحفر بيهو حفرة لمصطفى
على كل حال لسانو حا يجي يجروا فيكم (سلبه) حسب نتيجة مباراة اليوم مع إتحاد ليبيا ...
توقيع معلن من عمران حسن صالح
|
Post: #11
Title: Re: توصية بسحب عضوية العضو الغير نشط صديق ود الموج من البورد.
Author: ALZOLZATOO
Date: 04-04-2009, 08:49 AM
Parent: #10
Quote: سـلامـي لـصـاحـب و زوار الـبـوسـت
والله يا دينق يا حلاتك في بوستات الونسة ! الله يسألني
ما كنتا قايلك بتعرف تتونس و تهزر لكن أهو ماشاءالله
عليك طلعتا زول لذيذ
مـرفـق ودي
|
ياختي دينق ده اظرف زول في الموقع تابعي مداخلاته مع صلاح غريبة لوول حاجة احلى منها مافي
يادينق سمعت اغنية كمال ترباس بتاعة ظروف الدنيا زي الموج تشيل وتودي ماتهتموا بالايام ظروف بتعدي
تحياتي يادينق
زاتوووو
التعديل لاضافة اغنية كمال ترباس
|
Post: #12
Title: Re: توصية بسحب عضوية العضو الغير نشط صديق ود الموج من البورد.
Author: طارق ميرغني
Date: 04-04-2009, 08:57 AM
Parent: #11
Quote: حتى صلاح غريبة بقى يهدد ود الموج . شفت الدنيا دي كيف . ما بتدي حريف والله يا ود الموج .
|
اخي دينق والله لو صلاح غريبه يهدد ود الموج يبقي الدنيا ما فيها عمار ونحن ما بندافع عن الموج لانو قادر وما شاء الله علي دستة غريبه ....مش غريبه!!!
خاصة انو الموج كان لاحس معانا في الليلة الحمراء او الخمراء بتاعة اختنا ناديه عثمان مختار..
|
Post: #13
Title: Re: توصية بسحب عضوية العضو الغير نشط صديق ود الموج من البورد.
Author: ود الباوقة
Date: 04-04-2009, 09:14 AM
Parent: #12
الفريطيق المنبصق عن الهريطيق دينق ....
يا اخوي ود الموج دا كبيرنا ود عمنا وقدامنا في كل شيء ..
لذا دعوتك مردودة بالمطالبة بسحب عضويته ..
يعني لا نوافق ..
فرطقة ارسل ليك زيارة تجي تحضر معنا عيد شم النسيم ....
|
Post: #15
Title: Re: توصية بسحب عضوية العضو الغير نشط صديق ود الموج من البورد.
Author: عبدالكريم الامين احمد
Date: 04-04-2009, 09:31 AM
Parent: #13
Quote: ود الباوقة ما تستعجل عليه ..
براهو بسلم الباسورد بعد بلدياته يسلم العهدة |
انا ادعم هذا الاتجاه يا دينق..
وود الباوقة يتعصر هنا لمن يقول الرووووووووب
ثم يسلم باصوريده في مهرجان كبير وعريض عقب استلام العهدة من قبل الدولي اوكمابو....
واما غريبة فنحن في الاستديو نعتبر حادثة (السكاري) محاولة خجولة منه لتسليم الباسويرد
لان بقرني استشعاره بكون عرف انو القصة بايظة وحابي يتخارج بفاول ليهو ضل زي ده....
ولكن نشكر بكري عل تفويت الفرصة...ليبقي اسيرا لراجماتنا حتي يتم العكش....
ود الموج نطالب بطرده من الاسافير العربية والافريقية كونه فكا القيد لغريبة وجعله يصول ويجول
في مدارات السواطة والخبورات الشينة
|
Post: #44
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-12-2009, 06:09 PM
Parent: #15
Quote: انا ادعم هذا الاتجاه يا دينق..
وود الباوقة يتعصر هنا لمن يقول الرووووووووب
ثم يسلم باصوريده في مهرجان كبير وعريض عقب استلام العهدة من قبل الدولي اوكمابو....
واما غريبة فنحن في الاستديو نعتبر حادثة (السكاري) محاولة خجولة منه لتسليم الباسويرد
لان بقرني استشعاره بكون عرف انو القصة بايظة وحابي يتخارج بفاول ليهو ضل زي ده....
ولكن نشكر بكري عل تفويت الفرصة...ليبقي اسيرا لراجماتنا حتي يتم العكش....
ود الموج نطالب بطرده من الاسافير العربية والافريقية كونه فكا القيد لغريبة وجعله يصول ويجول
في مدارات السواطة والخبورات الشينة |
الحبيب كيكي.
ياخي بصراحة كده ود الباوقة في الشهور الاخيرة دي حالتوا بقت تحنن. خصوصا مع قرار الدولية ده ومن قبلوا سيارتو الكانت رايحة. يعني بلاويهو مكفياهو. أما صلاح غريبة، الزول ده مدرب تدريب عالي جدا في الانتهازية وهو لاعب قديم من أيام الاتحاد الاشتراكي. والظاهر أنو ود الموج عجز وبقى ما بقدر على حالات الانفلات دي. علشان كده لازم ينزل المعاش ويسلم باسوردو ده قبل ما نقلعوا منوا قلع.
دينق.
|
Post: #42
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-12-2009, 02:55 PM
Parent: #13
Quote: يا اخوي ود الموج دا كبيرنا ود عمنا وقدامنا في كل شيء ..
لذا دعوتك مردودة بالمطالبة بسحب عضويته ..
يعني لا نوافق ..
فرطقة ارسل ليك زيارة تجي تحضر معنا عيد شم النسيم .... |
ود الباوقة.
كبيركم!! أنا كنت قايل الترابي هو الذي كبيركم الذي علمكم السحر.
يعني لمن أجي السعودية أجي بدعوة منك أنت؟ دي زيارة مستشفى ولا زيارة أصدقاء؟
دينق.
|
Post: #14
Title: Re: توصية بسحب عضوية العضو الغير نشط صديق ود الموج من البورد.
Author: حمزاوي
Date: 04-04-2009, 09:17 AM
Parent: #12
| Quote: ود الموج أصابو الخرف وبقى ما قادر يفرز بين الماوس والريموت كنترول |
إذا قال دينق فصدقوه خير القول ما قاله دينق
فعلاً بقى ما يفرز وما عندو قشه مرة
غايتو يا دينق الزول دا عندو حاسة اللصيف في الجنس اللطيف
تسوق امك معاك في مناسبة يتلصق فيها
دينق أخوي
أُثني أقتراحك بسحب عضويته
|
Post: #16
Title: Re: توصية بسحب عضوية العضو الغير نشط صديق ود الموج من البورد.
Author: abuguta
Date: 04-04-2009, 09:36 AM
Parent: #14
[B
]صدق يادينق
اى زول غير ود الموج لو كان سال المستشار ذلك السوال,,لكان شتم وضرب وطرد من حرم السفارة
او ربما فنشوه من السعودية,,لكن ود الموج شخص واصل,,تجد من يدافع عنه من الكيزان انفسهم
عارف ليه لانه عندهم راى فى بعض وزرائهم لكن مو قادرين يقولو البقلة فى الابريق,,وهم عارفين
ان بعضهم صار يلهظ قروش البلد وحاجات كتيرة غريبة ادرى بها وود الباوقة ربما له علم بها
لكنهم جميعا لهم لسان يتكلم بالسنتهم عشان ترجع لهم حقوقهم ,,هو صديق الموج
معك احى صديق الموج واطالب بسحب عضويته لان صار من المشاهير
بمجرد دفاعه عن الوطن المسلوب
|
Post: #17
Title: Re: توصية بسحب عضوية العضو الغير نشط صديق ود الموج من البورد.
Author: أحمد الشايقي
Date: 04-04-2009, 09:44 AM
Parent: #16
والله يا دينـق
دا أحسن وقت إنه الخال ود الموج يعتـزل الاسافير دي,
أنا حافقده أكتر من أي واحد هنا لكن أنا بعرف ألقاه وين...
ياخي ود الموج دا, شغل الصحافة الإقليمية بسؤال واحـد لسعادة مستشار رئيس جمهوريتنا,
وخلا الدنيا كلها تتطاقـش,
ولك التحية ولضيوفك,
أحمـد
|
Post: #19
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-05-2009, 07:18 AM
Parent: #17
Quote: هذه المذكرة مدعاة الى الترويج الى المدعو ود الموج ، والذي يحاول ان يتقرب مننا ، انا لم ارفض
التوقيع لسبب لن افصح عنه الان ، لكن استاذي حمزواي يعلم السبب ، وليتك يا دينق ان تسحب البوست
وتقدم اعتذار الان في بوست منفصل لانك قلت انني رفضت التوقيع ، ود الموج لن نعطيه شرف توقيعنا
يسقط |
سري.
يا أخوي ود الموج ده لو ما غطسنا حجرو هسع تاني ما حنقدرعليهو خلينا ننتهز الفرصة الما بتتعوض دي. صدقني المزكرة دي صحيحة مية المية وسريتها مهمة جدا . خصوصا من بعض حسنوات البورد القالو لي " ود الموج ده سغيل وبايخ ودمو تقيل" علشان كده السرية مطلوبة .
Deng
|
Post: #21
Title: Re: توصية بسحب عضوية العضو الغير نشط صديق ود الموج من البورد.
Author: ود الباوقة
Date: 04-05-2009, 05:46 PM
Parent: #19
فرطقة ارسل ليك زيارة تجي تحضر معنا عيد شم النسيم ....
نحن هنا طبعا النسيم بنشموا في شهر ستة ....
|
Post: #22
Title: Re: توصية بسحب عضوية العضو الغير نشط صديق ود الموج من البورد.
Author: عمران حسن صالح
Date: 04-09-2009, 11:15 PM
Parent: #21
الدنيــــا أصبحت يا ود الموج وشايفكـ (تتاوق) بين الحضور ..
|
Post: #23
Title: Re: توصية بسحب عضوية العضو الغير نشط صديق ود الموج من البورد.
Author: مصطفي سري
Date: 04-10-2009, 01:21 AM
Parent: #22
دينق
سلامات
اسع ود الموج قالو بيعمل في نيو لوك ، وطابي شئ جديد- زي بتاعت الامتداد اللي الزملاء في المنبر الاعمى شال المكسر-
وقال ح ينزل في الربيع دة ، والايام الفاتت كان مؤجر الباسوورد بتاعو ، الساعة بريالين - طبعاً المصادر بتاعت خطيرة-
وانو فتح دكان لتاجير الباسوورد في الرياض وفرع في جدة ...
اولاد ندين هذا السلوك ، ونشجبه ، ونطالب توقيع اشد العقوبات عليه - اليوم قبل الغد - ونناشد السيد بكري بسحب العضوية
الذي يستغلها لمنفعته الخاصة ، والغريبة يا دينق التأجير لكل الجنسيات - بنغال على فلبين ، ومرات بعمل تخفيض اسعار
لجذب الزبائن ...
|
Post: #24
Title: Re: توصية بسحب عضوية العضو الغير نشط صديق ود الموج من البورد.
Author: صديق الموج
Date: 04-10-2009, 02:10 AM
Parent: #23
انا زاتى اطالب بسحب باسورد هذا الشحات المسمى مجازا صديق الموج للاسباب التاليه
1/ اصبح البسوى والما بسوى يتكلم عنه بل يفتح بوست
حاشية؛
البسوى مثال احمد الشايقى وعبد الكريم الامين وابو قوته
وجكس المنبر المكسرين فوقى وحارقين المدعيين والتى سوف ترد اسماؤهم ادناه
التانين مثال دينق وعمران حسن صالح ومصطفى سرى وحمزاوى
السبب الثانى: اصبح كل من يريد ان يشتهر يعمل صاحب صديق الموج
مثال مصطفى عثمان واوكامبو وصموئيل ايتو
السبب الثالث:حاجات تانى حاميانى،،،،
راجع ليكم واحد واحد بدا بالهريطيق او كما قال ود الباوقه حفظ الله سره.
|
Post: #25
Title: Re: توصية بسحب عضوية العضو الغير نشط صديق ود الموج من البورد.
Author: الفاتح ميرغني
Date: 04-10-2009, 02:53 AM
Parent: #24
العزيز دينق
تحياتي
أويد بشدة سحب العضوية وكمان الجنسية من الخال صديق الموج.
لانه اصبح هو ومنتظر الزيدي في خانة " العملاء" الاول لأنه رشق ضيف " عزيز" بالحذاء والخال صديق أخرج "أبو الدبلوماسية" من طوره بسؤاله العجيب داك وجاب لينا الهوا. وكمان بيني وبينك انا عندي سبب شخصي جدا لانه ما رسل لي شرايط الحقيبة الطلبتها منو.
|
Post: #26
Title: Re: توصية بسحب عضوية العضو الغير نشط صديق ود الموج من البورد.
Author: صديق الموج
Date: 04-10-2009, 03:33 AM
Parent: #25
Quote: الاخ دينق,
هذه موامرة منكم و سوف اقف مدافعا عن الكومريد ود الموج الذى موج بحنكة العبيط الذى وصف السودانين بالشحادين. اما الحسناء التى تريد اخذ مكانة ود الموج فى المنبر, فاننى اقترح ان تاخذ مكان ود الباوقة شريطة ان تكون "شدتها" مثل شدة البنت الورطت الناس فى "وصيف البيوت فى الصحافة".
ياى كوال. |
زكريا جوزيف ياخى كتر خيرك وانا مطمئن مادام انت موجزد باعوضه ما يتقرصنى
تسلم ياحبيب،،،،
|
Post: #27
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-10-2009, 05:31 AM
Parent: #26
حاج موت ظهرته؟
|
Post: #28
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-10-2009, 06:29 AM
Parent: #27
Quote: سـلامـي لـصـاحـب و زوار الـبـوسـت
والله يا دينق يا حلاتك في بوستات الونسة ! الله يسألني
ما كنتا قايلك بتعرف تتونس و تهزر لكن أهو ماشاءالله
عليك طلعتا زول لذيذ
مـرفـق ودي |
يا هبة الماحي.
أنا بعرف أتونس وأهزر وأشاكل كمان. والحاجات دي لازم تمشي مع بعض.
بس أنتي اللذة دي مجاملة منك ساكت. تحياتي لك حتى نلتقيك في مناسبة ما بواشنطن.
بس لازم توقعي على إبعاد ود الموج من البورد قبل ما تمشي.
دينق.
|
Post: #29
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-10-2009, 09:56 AM
Parent: #28
Quote: دينق
كدي عليك الله تحت تحت باصي لي الورقة السرية عشان أوقع وأطمنك معاي قلم بيكتب بالحبر السري. |
الشايقي
شكرا لتوقيعك ودعمك اللا محدود للتخلص من هذا الكهل.
Quote: Quote: تم رفض توقيعيي صلاح غريبة وود الباوقة لعد أهليتهم.
ممكن أتوسط لأصحابي ديل ياخ عزيزين علي ...
يعني لو ما عندك مانع نعمل توقيعاتهم الإتنين بي واحد....
يعني مشيها المرة دي يا صاحبي.... |
ديل إنتهازيتهم ممكن تخليهم يبيعو الانقاذ ذاتها، لأنوا ود الموج ده ممكن ياكل رأسم براحة علشان كده أنا أستبعدتهم في كل الحالات.
دينق.
|
Post: #30
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-10-2009, 05:54 PM
Parent: #29
Quote: حرام عليك يا دينق
دة أصلو حبيبي
ما موافق |
حبيب نورة.
بعد ده لازم تشوف لك حب جديد.
دينق.
|
Post: #31
Title: Re: توصية بسحب عضوية العضو الغير نشط صديق ود الموج من البورد.
Author: abdulhalim altilib
Date: 04-10-2009, 09:48 PM
Parent: #30
أخي العزيز / دينق
يا لذيذ يا رايق !
تحياتي ،
ذكر عنتر بن شحات الديسابوري:
| Quote: السبب الثانى: اصبح كل من يريد ان يشتهر يعمل صاحب صديق الموج |
أثني سحب الجنسية البوردابية من (صاحبي) ود الموج حتى تزول
عنه حالة الشهرة المتمثلة في : (عنتريات شحات في الغربة) .
و يا دينق أخوي .. أؤيد وهبة في اتهامه لك
بأنك زول لذيذ ووناس خالص ،
رغم كيد كل الهراطقة والفراطقة؟!
مودتي ،
( ليمو )
|
Post: #32
Title: Re: توصية بسحب عضوية العضو الغير نشط صديق ود الموج من البورد.
Author: ود الباوقة
Date: 04-11-2009, 06:11 AM
Parent: #31
رغم كيد كل الهراطقة والفراطقة؟!
حقوق الطبع محفوظة ..
شكرا ليمو ..
شكرا فرطقة ....
|
Post: #33
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-11-2009, 07:21 AM
Parent: #32
Quote: ياخي بلا يخموا وفي ستين يغور بدون عودة ..
مريخابي متطرف وكلامو كتير وشايف نفسو بعد ما إشتهر لمقابلته الولد مصطفى وجالس في مطعم ريم ما عندو غير سالفة سؤالو الحفر بيهو حفرة لمصطفى
على كل حال لسانو حا يجي يجروا فيكم (سلبه) حسب نتيجة مباراة اليوم مع إتحاد ليبيا ...
توقيع معلن من عمران حسن صالح |
عمران.
يعني أنتو بقت عليكم أتنين. في البورد وفي الرياض. الله يعينكم. نحنا غايتوا بعد ما نتخلص منو هنا ده تاني ما عندنا شغله معاهو. بعدين ود الموج ده بي شتارتو دي يقوم يمشي يزعل لينا "أبو الدبلوماسية" ويخرجو من طورو ويخاي يشتم الشعب الشعب السوداني بالطريقة دي؟ شايف يا ود الموج. جبت لينا الاهانة. علشان كده تمشي بي كرامكتك قبل طردك.
دينق.
|
Post: #34
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-11-2009, 07:45 AM
Parent: #33
خبر مستعجل.
وصلني بريد ألكتروني ممهورا بتوقيع 30 عضوا من أعضاء البورد بالرياض. يطالبونني بالتخلص من هذا اللعين(ود الموج) فورا. ولكن لديهم تحفظ واحد وهو: إذا تم طرد ود الموج من البورد فسوف يسبب لهم إزعاج شديد ولن يكون له أي مكان أخر يذهب اليه سوى التسبب في إزعاجهم.
دينق.
|
Post: #35
Title: Re: توصية بسحب عضوية العضو الغير نشط صديق ود الموج من البورد.
Author: على محمد على بشير
Date: 04-11-2009, 08:36 AM
Parent: #34
نوافق ونؤيد بشده ماجاء فى المزكره السريه اعلاه
ويا دينق اضربوا الموج بيد من حديد ولا نامت اعين الجبناء
الناطق الرسمى باسم بورداب المنطقه الجنوبيه بالسعوديه
ومعاى مزكره بتوقيع خمسين عضو او نيف 
|
Post: #36
Title: Re: توصية بسحب عضوية العضو الغير نشط صديق ود الموج من البورد.
Author: محمد عمر الفكي
Date: 04-11-2009, 09:33 AM
Parent: #35
والله يا دينق دخلتنا في اضافرينا، عمنا ود الموج راجل ركازة وشيخ قبيلة واكان ثنينا بشيل حالنا في القبيلة واكان عارضنا بنقيف مع الفريطيق في صف واحد واليوم البقيف فيه مع الفريطيق في صف واحد الله لا جابه وكمان لو عارضنا حنفوت ابدال الكومر بالكامري الجديدة.
اقول لك حاجة اؤيد وكان قامت عنكبة شيخ المحرب قاعد وبحلها
|
Post: #37
Title: Re: توصية بسحب عضوية العضو الغير نشط صديق ود الموج من البورد.
Author: مصطفي سري
Date: 04-11-2009, 10:27 AM
Parent: #36
يا دينق
شايفك قصة انو الموج بيأجر الباسوورد بتاعو في الرياض وما جاورها ( خاصة الفلبينيين والبنغال ) لم يتم تضمينه
في بيانكم ، نطالب بتضمينها ، والا سنسحب توقيعاتنا ، المملكة المتحدة وايرلندا .
|
Post: #38
Title: Re: توصية بسحب عضوية العضو الغير نشط صديق ود الموج من البورد.
Author: MOHAMMED ELSHEIKH
Date: 04-11-2009, 12:28 PM
Parent: #37
انا أقف مع ود الموج غلبا و غالبا. يعني اكان داير يوقع لي نفسو يوقع لي معاه
(طبعا انا عاوز اشتهر و كدى)
|
Post: #39
Title: Re: توصية بسحب عضوية العضو الغير نشط صديق ود الموج من البورد.
Author: معتز القريش
Date: 04-11-2009, 01:23 PM
Parent: #38
أنا أوافق بشدة
أول مرة أتفق معاك في حاجة يا دينق (بختك)
السبب : ود الموج عامل لي مقصات مع جكس البورد
|
Post: #40
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-11-2009, 05:07 PM
Parent: #39
Quote: ياختي دينق ده اظرف زول في الموقع تابعي مداخلاته مع صلاح غريبة لوول حاجة احلى منها مافي
يادينق سمعت اغنية كمال ترباس بتاعة ظروف الدنيا زي الموج تشيل وتودي ماتهتموا بالايام ظروف بتعدي
تحياتي يادينق |
الزول زاتوو.
تخيل أنا وهبة الماحي دي ساكنين في نفس الولاية ولغاية هسع ما قابلتها. علشان كده هي عندها أحكام زي دي.
بيني وبينك أغنية ترباس دي خايلة مع مع ود الموج، ويا حبذا لو ود الموج خيط ليهو عمة زي عمة ترباس وأشترى ليهو فرجية حمرا.
دينق.
|
Post: #41
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-12-2009, 06:42 AM
Parent: #12
Quote: اخي دينق والله لو صلاح غريبه يهدد ود الموج يبقي الدنيا ما فيها عمار ونحن ما بندافع عن الموج لانو قادر وما شاء الله علي دستة غريبه ....مش غريبه!!!
خاصة انو الموج كان لاحس معانا في الليلة الحمراء او الخمراء بتاعة اختنا ناديه عثمان مختار.. |
الاخ طارق ميرغني.
زي مل المثل بقول: الاسد لمن يعجز ... الى أخره. هسع لو كان ود الموج ده في كامل هيبته لما تجراء صلاح غريبة وأمثاله في الاسائة لبورداب الرياض لكن تقول شنو. جنينية وغفيرا نايم ويا حليلك يا ود الموج. أما ظهور ود الموج المفجئ في أحتفائية الاخت نادية مختار شوفت عيني دي للصور حميدة كان متكل ود الموج رغم محاولة ود الموج بالظهور بأنه في تمام الصحة والعافية.
دينق.
|
Post: #43
Title: Re: توصية بسحب عضوية العضو الغير نشط صديق ود الموج من البورد.
Author: haroon diyab
Date: 04-12-2009, 03:05 PM
Parent: #41
سلام يادينق
وتحايا لصديق الموج
|
Post: #45
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-13-2009, 10:45 AM
Parent: #43
Quote: إذا قال دينق فصدقوه خير القول ما قاله دينق
فعلاً بقى ما يفرز وما عندو قشه مرة
غايتو يا دينق الزول دا عندو حاسة اللصيف في الجنس اللطيف
تسوق امك معاك في مناسبة يتلصق فيها
دينق أخوي
أُثني أقتراحك بسحب عضويته |
حمزاوي. ود الموج تشابه عليه البقر. وبقى ما قادر يفرز بين "أمنة بت الصحافة" وبين جماعة جهاز الامن.
دينق.
|
Post: #46
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-14-2009, 07:47 AM
Parent: #45
Quote: اى زول غير ود الموج لو كان سال المستشار ذلك السوال,,لكان شتم وضرب وطرد من حرم السفارة
او ربما فنشوه من السعودية,,لكن ود الموج شخص واصل,,تجد من يدافع عنه من الكيزان انفسهم
عارف ليه لانه عندهم راى فى بعض وزرائهم لكن مو قادرين يقولو البقلة فى الابريق,,وهم عارفين
ان بعضهم صار يلهظ قروش البلد وحاجات كتيرة غريبة ادرى بها وود الباوقة ربما له علم بها
لكنهم جميعا لهم لسان يتكلم بالسنتهم عشان ترجع لهم حقوقهم ,,هو صديق الموج
معك احى صديق الموج واطالب بسحب عضويته لان صار من المشاهير
بمجرد دفاعه عن الوطن المسلوب |
أبو قوتة.
علشان كده نحنا عوزين ود الموج ده ينزل المعاش ويرتاح من متاهات الدنيا دي. بعدين شهرته دي لقاها من أمنة ولا من مصطفى إسماعيل؟
دينق.
|
Post: #47
Title: Re: توصية بسحب عضوية العضو الغير نشط صديق ود الموج من البورد.
Author: حسن الملك
Date: 04-14-2009, 11:15 AM
Parent: #46
يادينق تحية بعد غيبة
ود الموج ده سفرتوه أخر الزمن ...
مالو عامل لينا بطولات ... مازمان وقفنا نحن قدام عبد الرحيم وقلنا الماقالو ود الموج..
اسحبوا جنسيته بالاول...بعدين نحن نرجع للشيخ حمزاوي ونتوسط ليه باسبورت من عندنا(غير الناطقين بها)
|
Post: #48
Title: Re: توصية بسحب عضوية العضو الغير نشط صديق ود الموج من البورد.
Author: Deng
Date: 04-15-2009, 11:46 AM
Parent: #47
Quote: دا أحسن وقت إنه الخال ود الموج يعتـزل الاسافير دي,
أنا حافقده أكتر من أي واحد هنا لكن أنا بعرف ألقاه وين...
ياخي ود الموج دا, شغل الصحافة الإقليمية بسؤال واحـد لسعادة مستشار رئيس جمهوريتنا,
وخلا الدنيا كلها تتطاقـش,
ولك التحية ولضيوفك, |
أحمد الشايقي.
نعم من الافضل لود الموج ده يعتزل وهو في قمة نجوميته، لأنو عطائو بقى يقل كتير.
ود الموج كان محظوظ لأنو لمة في طفل الدببلوماسية العوير داك ولسانوا فالت.
ده حظ العمايا. وفي رواية أخرى حظ ود الموج.
دينق.
|
|