Post: #1
Title: كان انتوا بتحبونا يا الأمريكان نحن ذاتنا بنحبكم! رويتر
Author: jini
Date: 04-02-2009, 02:40 PM
Parent: #0
Quote: الخرطوم (رويترز) - أبلغ المبعوث الامريكي الخاص الجديد السودان يوم الخميس بأمله في صداقة وتعاون الخرطوم في تغير في نغمة واشنطن تحت قيادة الرئيس باراك أوباما.
وقال المبعوث الامريكي سكوت جراتيون للصحفيين في الخرطوم "جئت الى هنا ويداي ممدودتان. الامر متروك للحكومة السودانية لتقرر كيف تريد ان تستمر العلاقات. امل ان تكون من خلال الصداقة والتعاون."
وأضاف متحدثا ببعض العبارات العربية في اول زيارة له للسودان "أنا أحب السودان مثلي مثل كل زملائي الأمريكيين |
نعم للتفكيك لا للاجتثاث من الجذور!
نعم لسودان لكل السودانيين سودان خير عاتى وديمقراطى كما يقول شاعر الشعب دايرين البنحلم بيهو يوماتى!
سوداننا ناو من سوداننا بكرة!
والله انا مبسوط 24 قيراط
جنى
|
Post: #2
Title: Re: كان انتوا بتحبونا يا الأمريكان نحن ذاتنا بنحبكم! رويتر
Author: smart_ana2001
Date: 04-02-2009, 04:52 PM
Parent: #1
سلامات يا جنى
الكيزان من زمان بيتودوا لامريكا...ادارة بش كانت مطنشه...
ان شاء الله ادارة اوباما تكون اعقل....شويه.
اهم حاجه يفتحوا السفارة فى الخرطوم...روحنا طلعت من المشورة للقاهرة فى المشيه و الرجعه.
________________________
اصحابى الامركان بيستغربوا جدا لما اقول ليهم ان اغلب السودانيين اللى عندهم اطباق فضائيه بيحبوا اوبرا. ...و ما عندهم مشكله نهائى مع الثقافه الامريكيه
|
Post: #4
Title: Re: كان انتوا بتحبونا يا الأمريكان نحن ذاتنا بنحبكم! رويتر
Author: jini
Date: 04-02-2009, 05:02 PM
Quote: سلامات يا جنى
الكيزان من زمان بيتودوا لامريكا...ادارة بش كانت مطنشه...
ان شاء الله ادارة اوباما تكون اعقل....شويه.
اهم حاجه يفتحوا السفارة فى الخرطوم...روحنا طلعت من المشورة للقاهرة فى المشيه و الرجعه.
________________________ |
smart_ana2001
يديكى العافية يا اسمارت
الامريكان العادييين شانهم شأن السودانيين مسالمين
اذا الناس الفوق فتحت آفاق للتعاون والاستثمار بدلا عن التآمر فهنالك خير كتير ينتظر الجميع
أخشى ما أخشاه ان يفهم الكيزان هذه الرسالة فهما خاطئا كعادتهم ويركعوا للامريكان ويتفرعنو على الشعب!
اشارة اوباما بطيخة صيفى فى بطن البشير وهى نهاية للجنائية وتشجيع للآخرين بالقضاء عليها دون ان تظهر امريكا فى الصورة لان بقاء الجنائية هو احراج لامريكا!
جنى
|
Post: #3
Title: Re: كان انتوا بتحبونا يا الأمريكان نحن ذاتنا بنحبكم! رويتر
Author: Elawad
Date: 04-02-2009, 05:01 PM
Parent: #1
| Quote: والله انا مبسوط 24 قيراط |
أدام الله انبساطك يا جني.
النائحة الثكلى ليست كالمستأجرة... الله وحده يعلم ما في قلوبنا للإنقاذ و للبشير و حزبه. لكن يظل السودان بلدنا تمشي على ترابه أمهاتنا و أخواتنا و إخواننا و مهما بلغ بنا الحزن و اليأس مما آل إليه حاله فلن ننحط للدرجة التي تجعلنا نهلل لاحتراقه. ربنا يحفظ السودان و أهله و ليذهب البشير و حزبه و الحالمون بانهيار السودان و تفككه و تحوله لصومال آخر ليذهبوا إلى مزبلة التاريخ.
|
|