في أخطر تحدي .. البشير إلى فنزويلا بدعوة من الرئيس تشافيز ..

Quote: رئيس فنزويلا هوغو تشافيز في الدوحة في 31 اذار/مارس 2009 ©ا ف ب - مروان نعماني - الدوحة (ا ف ب) - دعا الرئيس الفنزويلي هوغو تشافيز نظيره السوداني عمر البشير الذي صدرت بحقه مذكرة توقيف من المحكمة الجنائية الدولية، الثلاثاء لزيارة كراكاس، ولكن من دون ان يخفي مخاوفه ازاء تلبية الدعوة. وقال تشافيز في كلمة القاها امام قمة الدول العربية ودول اميركا الجنوبية التي عقدت الثلاثاء في قطر "دعيته الى كراكاس وقال انه ذاهب"، الا انه اردف "لكن ربما يكون هناك خطر". ودان تشافيز في وقت سابق الثلاثاء مذكرة التوقيف التي اصدرتها المحكمة الجنائية الدولية بحق الرئيس السوداني، معتبرا انها "ترهيب قضائي وقلة احترام لشعوب العالم الثالث". وقال تشافيز قبيل افتتاح القمة بين الدول ال22 الاعضاء في الجامعة العربية و12 دولة من اميركا الجنوبية "لماذا لا يأمرون باعتقال (الرئيس الاميركي السابق جورج) بوش؟ لماذا لا يأمرون باعتقال الرئيس الاسرائيلي" شيمون بيريز؟. وكانت المحكمة الجنائية الدولية اصدرت في الرابع من اذار/مارس مذكرة توقيف بحق البشير بتهمة ارتكاب جرائم حرب وجرائم ضد الانسانية في دارفور الاقليم الواقع غرب السودان ويشهد حربا اهلية منذ ست سنوات. وحصل الرئيس السوداني عمر البشير على دعم ثمين من نظرائه العرب الذين شددوا في ختام قمتهم في الدوحة الاثنين، على رفض اجراءات المحكمة الجنائية الدولية في حقه على خلفية النزاع في دارفور. واكد اعلان الدوحة الذي تلاه الامين العام للجامعة العربية عمرو موسى "رفض" الدول الاعضاء لقرار المحكمة الجنائية التي اصدرت مذكرة توقيف في حق البشير. وشدد اعلان الدوحة على "التضامن مع السودان" و"دعم السودان الشقيق في مواجهة كل ما يستهدف النيل من سيادته وامنه واستقراره ووحدة اراضيه". كذلك اكد القادة العرب "رفض كل الاجراءات التي تهدد جهود السلام (في دارفور) التي تبذلها دولة قطر في اطار اللجنة الوزارية العربية الافريقية وبالتنسيق مع الوسيط المشترك للامم المتحدة والاتحاد الافريقي". وشكر الرئيس السوداني في الجلسة الختامية للقمة الدعم العربي له بقوله "ان وقفتكم القوية مع السودان ورفض القرارات الجائرة التي تستهدف وحدته الوطنية ودعمكم الاوضاع الانسانية في دارفور هي موضع شكرنا وعرفاننا. وعهدا ان نعمل للوصول الى الاستقرار والسلام في كافة مناطق السودان" وقدوم البشير الى الدوحة كان بمثابة تحد لمذكرة التوقيف وقد اثار سيلا من التكهنات لاسيما لجهة امكانية اعتقاله اثناء سفر الى الدوحة او منها.

الله يجازيك يا شافيز ..

الفينا مكفينا ..

و أتمنى أن لا ( تشيل ) الهاشمية الرئيس البشير ( فيحلف ) ( بالحرام ) على الوفد المرافق له على أن يستغلوا وجودهم في فنزويلا ليقوموا بزيارة سريعة إلى الأرجنتين ( بلد أو كامبو ) في زيارة ظاهرها ( مواجبة ) الرئيسة الأرجنتينية / كريستينا فيرنانديز و تقديم العزاء لها في وفاة الرئيس الارجنتيني السابق راول الفونسين ـ تولى الحكم بين 1983 و1989 ـ و الذي توفى يوم أمس الثلاثاء 31/1/ 2009م و باطنها ( يدى أو كامبو سيك في حنانو ).

هلا يا عصام
وتحياتي ياخي
وبمناسبة مشية كركاس دي ضروري احكي ليك نكتة خطافية كده...
قالو في زول ودا خروف ضعيييييف وتعبان خلاص للزريبة عشان يبيعو فيها..
اها جاء واحد سال عن سعر الخروف ده كم..؟؟
سيد الخروف زول حالم وطمعان في قروش كثيرة قام قال ليهو الخروف بمليون..!!!
الخروف لمن سمع المليون ده استغرب و(ضحك) ضحكة كتامية كده ...
فاعذرني ياخي لاني مع العنوان الحالم ده ضحكت علي طريقة الخروف الشهيرة تلك
(نظام تضحك وتقفل الضحكة بيدك عشان الزول التاني ما يعرفك بتضحك)...

اذن كركاس موعدنا وماتشنا التالي
فمعا من اجل كركاس .

الزول دا بتاع هوا؟!!
شكلوا كدا داير يتصالح مع الامريكان
لالا!!

ممغوص علي رجالة البشير فقال تمها بيفنزويلا!!

خايف البشير يكون دق ليهو عضان جلد

ألبينو .. أزيك

Quote: الزول دا بتاع هوا؟!! شكلوا كدا داير يتصالح مع الامريكان لالا!!

يا زول تشافيز دة طلع ( شفتيز ) عدييل كدة ..
و ما عندو كبير إلا ( الله ) ..

Quote: خايف البشير يكون دق ليهو عضان جلد

بالعكس البشير قالوا قال ليه ..
يا زول أبشر بالخير حرّم نوصلك زي الما حصل شيئ .

Quote: اذن كركاس موعدنا وماتشنا التالي فمعا من اجل كركاس .

كيكى كسرت كراعك,,,وعاوز تكسر رقبت الجعلى

ياخوى فى جعلى بخاف,,,اخر خبر الزول دا ماشى دس
وبرجع دس,,,والله المسافة طويلة خلاص


كفارة لرجلك واسف للتاخير....يعنى ما حضرت الجمهرة والله خسارة
قالو هارون دياب خلى المريخ غالب 2/صفر ومشى لتايد البشير
لما رجع لقى اوكامبو جاب هدفين
هههها
تحياتى لصاحب البوست

كيكي تحياتي و كل سنة و أنت طيب ياخي ..

و إكراماً ( لنكتتك ) دي و الله عندي ليك واحدة بـمليون ( ما حق الخروف ) بس رسل لي الإيميل ..

Quote: اذن كركاس موعدنا وماتشنا التالي فمعا من اجل كركاس

أهة المرة دي يا كيكي ( كركاس ) ..

الخوف المرة الجاية تكون بدون ....

نظام ( حراق ) روح ساكت كدة ؟؟


ـ

بالله أمانة تبلغ سلامي للزول الجميل بوكش .

في الأنباء أن زيارة الرئيس البشير المعلن عنها لأداء ( العمرة ) هي ( تمويه ) لمفاجأة العالم بزيارته إلى فنزويلا .

دي ما حتكون ذي الدوحة!!
امانة الرئيس يصوروا وصولوا في شريط فيديو وما يبثوا الا مابث خبر وصوله للخرطوم!!
بين فنزويلا وافريقيا مياه اقليمية ما عارفها تابعة لي منو!!
تسافر وترجع بالسلامة ولا الناس تقنع وتقول مع السلامة

كركاس مرة واحدة
حيمشي بالدس ام زيارة معلنة
زي زيارات الرؤوساء المحترمين

Quote: سيد الخروف زول حالم وطمعان في قروش

قلبي على الحالمين
المصيبة زول تفكترو وتسحبوا مصحح
يصدمك
تلفاه
نائم
وبيحلم
بس ما زي احلام زلوط
بتاع الامانم المتراضي

دهب تحياتى




لا بد من كراكاس وان طال السفر

تحياتي يا ود محجوب ..

Quote: لا بد من كراكاس وان طال السفر

الخوف الزول دا ( الهاشمية ) تشيو ، بكرة يمرق ليهم في ( لاهاي ) شخصياً ..

اها وانقووول كده وصل كركاس ثم تفضل سيادته بزيارة الجالية
الموجودة في مدينة امبده .. لا تقولوا لي ان فنزويلا ليس بها
حي يسمي امبده ..وحات نظري سمعتها (سوزانا) البطلة في مسلسل
طوله جغجموية حلقة كده وهي تقول ان الشيلة بتاعتها
مرسلة اليها من امبده ..

ياربي ح يجيب لينا شنو .؟؟؟

اوع تقول لي ..
انه الكعك الفنزويلي ..

عن نفسي افضل ان يأتيني بـ بامبرز لعيالي .. فسمعت من جارتنا
ادعت انها زيارة فنزويلا يوما .. ان بامبرزهم لا يسبب البلل

Quote: ياربي ح يجيب لينا شنو .؟؟؟

حيجيب ليكم ( الهوا ) ..

Quote: اوع تقول لي ..انه الكعك الفنزويلي ..

ما تجيبي لي ( الهوا ) ..
أصلو ( الهوى ) ما ليهو دوا ..

Quote: عن نفسي افضل ان يأتيني بـ بامبرز لعيالي .. فسمعت من جارتنا ادعت انها زيارة فنزويلا يوما .. ان بامبرزهم لا يسبب البلل

حسب علمي و كترة ( مراسيلي ) أن البامبرز لا يسبب ( البلل ) ..
البلل سببه (الحشرنة ) ..

ـ

مرسي لـ ها ( البلة ) .. أقصد الطلة ..

و كل ( 1 أبريل ) و إنتو طيبين ..

ـ


هذا كل ما في الأمر