|
نعى اليم الزميل عبدالوهاب علي الحاج...المستنير وهبة فى رحمه الله
|
|
 Re: هنا.....مرارات (Re: Albino Akoon Ibrahim Akoon)
|
(ياخي انا جعان افتكرت عندك لينا صور مرارة وشطة بالدكوة!!!
بس لقيت بوسطك ذي الوطن الما وطن كلو سراب في سراب)
العزيز البينو سلام
ومرحب بيك فى مرارة شوقك لصحن مرارة
بس هنا مرارة ما يكون عندك حقها
| |
 
|
|
|
|
|
|
|
|
Re: هنا.....مرارات (Re: Siham Elmugammar)
|
ومرارات بالكوم يا سهام
مرارة منافي
ومرارات عودة
ومرارات وضع سوداني يخليك يوم تصحي عشان تنزف وتنوم عشان تصحي تنزف تاني
انه زمن المرارات وشية الوجدان السوداني
ولكن الله في يا سهام
| |
|
|
|
|
|
|
|
|
|
Re: هنا.....مرارات (Re: Siham Elmugammar)
|
مرارة حارة و من نارها
مرارة ان تقرأ
(سمعنا فقط عن الابادة في دارفور ولم نرى شيئاً كما رأينا الابادة في غزة ولا تعني عده صور لأشخاص نحيفي البنية ان دارفور تموت جوعاً ولا صورة رجل يحمل جمجمة أن الجثث تتراكم في الطرقات
ولكن بالمقابل رأينا السد والكباري والطرق والمشاريع التنموية وهذا ما دعانا لنحمل رايات المناصرة ونذهب من الساعة الخامسة للقاء البشير)
| |
|
|
|
|
|
|
|
|
|
Re: هنا.....مرارات (Re: Siham Elmugammar)
|
هي قطعا مرارات شنيعة..
أن يسو الظلم ونقف عاجزون امامه..مراره..
ان نري الخطأ ولا نستكيع مواجهته مراره..
أن يضيع حقنا في الحياة بأشكالكفاحها وثمراتها مرارة..
أن نعجز عن رؤية أشكال العدو المتعددة .. مرارة..
أن نتفرق اخوه في الوطن بهذا الشكل مراره..
أن تضيع السبل الصحيحة للنضال من وعينا وطريقنا مراره..
ان نقف في نفس المربع في الحياة ثم نتقهقر بقوة للخلف مرارة..
أن يصير نومنا كيقظتنا..كله كوابيس وشقاء مراره..
ولعل افظعها مرارات أن يموت الألاف ولا ندري عنهم شيئا..
ولا نبكيهم بل نكذب ما حدث لهم..
المراره أن يكون الانكار هو سبيل لنوم الضمير والاستلقاء علي الجانب المريح..
المراره ان الانسانيه لا تتعدي عند الكثير حدود الراحة الشخصية..
المراره ان يسكن البعض قصور من طراز ألف ليلة وليلو والمشردين تضج بهم الشوارع..
ولا يجدون مؤسسات تحميهم..
............
............
و
| |
|
|
|
|
|
|
|
|
|
Re: هنا.....مرارات (Re: Muna Khugali)
|
منى خوجلى هى مرارت تزداد كل يوم شناعة
و الصفاقين يحررو الداره و يقفزون الى الاعلى اكثر و اكثر
و النقاره تضرب و الدلاليك تندق
ويدور الجميع كدارويش بحثا عن راحة الغياب
منى... مرارة خاصة:
مرارة ان يدور المتشككون و ضاربى الطبول حول مرارة احساسك بالظلم
متابعة يا منى
بس اعانى المرارت و ما اكثرها فى بوستاتك
| |
|
|
|
|
|
|
|
|
|
Re: هنا.....مرارات (Re: Siham Elmugammar)
|
ياروح غناى الغربة ملّت
من أساى وغربتى وبقيت براى
حاضن أساى الوحشة ملت من شقاى
وحدتى لا غنوة
لا موّال يبدد حسرتى
غير الدموع ياملهمة
ـــــــــــ
ماعارف أقول ليكي شنو يا سهام
الله في !
| |
|
|
|
|
|
|
|
|
|
Re: هنا.....مرارات (Re: Siham Elmugammar)
|
(في حركة فاجأتني حتى كاد قلبي ان يتخلى عني فيها وجدتني اخرج مسودة حقوق الانسان دون اي مناسبة ، ولا تسألوني ما الذي دعاني لان افعل ، ذلك وحده مدعاة لانني ربما كنت افكر في فقع مرار احدهم)
مرارة ان يخطر على شيرى ان اخراجها لمسودة حقوق الانسان قد تفقع مرارة احدهم....
مرارة ان الخاطرة تصيب عين الحقيقة
| |
|
|
|
|
|
|
|
|
|
Re: هنا.....مرارات (Re: ibrahim kojan)
|
هلا حمد الله على السلامة
والله التعليق خطفتي من خشمي في البوست اياه
لكن نقول شنو الة الاعلام ومسح الذاكرة
مرارة الاعلام الانتقائي
واكبر كوم مرارة لاقاني بهناك يا ريت لو كنت حضور
صورة المراة في مقررات الشعادة الثانوية
النبي كان ما مشيتي
اكلت ليك فشفاشة
احي انا نسوي شنو نقبل وين
خارج التص:
شفتي مرارة قمة العشرين
معليش حا اعولم القضية
في بحثي عن تاكيد او نفي خبر تاجيل الانتخابات
قعدت افتش في القنوات
اها لقيت ليك ناس الجزيرة وما وراء الخبر
قمة العشرين
المذيعة الجميلة الانيقة ذات الرداء الاسود
والمراسل والمضيوف كلهم من الجماعة اقصد صنف الرجالة
وقمة العشرين
لقيت ليك الصورة الجماعية اللحقت عديتهم تلاتين راجل تتوسطهم امراة واحدة
مرارة تهميش واقصاء كل النساء من كل ما يخص الاقتصاد وبالتالي السياسة
شفتي كيف هي وجه جميل وفرد مرة وسط تلاتين يناقشون اهم قضية اقتصادية وبالتالي سياسية في الوضع الراهن
عاد مرارتي دي الا افتح ليها بوست براه نخليك في مرارة الناس الما شافو دارفور وشافو التنمية
مشتاقين وكدة
تحياتي
| |
|
|
|
|
|
|
|
|
|
Re: هنا.....مرارات (Re: Safia Mohamed)
|
سلام يا سهام
تعرفي
نحن هنا حالنا يحزن ويبكي الجبال
انا ما عارفك انت في ياتو بلد
لكن نحن كابتن كوك بالغ معانا!
بعاد خلاص
وكمان اليومين ديل المدام مسافرة
ومعاي العيال يعني براي ْ+ براي
شفتي الجرسة دي لي وين
امس بالليل نومي خزاز قلت يا ولد
اتخيل نفسك قاعد في بيتكم في امتداد ناصر
لفيت شوارع الحلة كلها كداري
سالمت الناس وقالدتهم
صحاني صوت المطر البجي هنا بلا مواعيد ولا فصول
قلت امشي ادخن
لا ممنووع رسمي
افتح التلفزيون
لا كرهت وشبعت رطانة
طيب ليه نحن هنا؟
الاجابة تجيك سريع من تلفون :
" رسل الوضع خطير "
وتاني ارجع احوم
المرة دي في شوارع امدرمان
و..
و..
يمكن ارجع يا سهام
ويمكن لا
تحياتي
| |
|
|
|
|
|
|
|
|
|
Re: هنا.....مرارات (Re: خالد العبيد)
|
العزيزخالد
مرارة لمن تكتر الهموم تتدمدم و ما تقدر تنوم بل تحوم
قلبى معكم و انتم محاطون بالجبال
و قلبى معنا و نحن محاطون بجبال القمع الداخلى
مرارة ان تكمم افواهنا
وان نخاف على اوصالنا
__________________________
أفتكر كده عرفتنى فى ياتو بلد
غايتو امريكا دى بلد صعب خلاس :)
| |
|
|
|
|
|
|
|
|
|
Re: هنا.....مرارات (Re: ibrahim kojan)
|
ابراهيم اذيييييك
كماااان بالانجليزى فى؟؟؟؟ :D
مرارة ان يرسل المحسى سلامه لكوجان من خلالك و هو قادر على الكتابة ولكنه رافض!!!!!!!!
مرارات المطارات كيف؟؟
| |
|
|
|
|
|
|
| |
Siham Elmugammar
Albino Akoon Ibrahim Akoon
عبدالكريم الامين احمد
Muna Khugali
خضر حسين خليل
ibrahim kojan
Safia Mohamed
خالد العبيد
فيس بوك
تويتر
انستقرام
يوتيوب
بنتيريست