|
نعى اليم الزميل عبدالوهاب علي الحاج...المستنير وهبة فى رحمه الله
|
|
 Re: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود) (Re: وليد محمد المبارك)
|
(2004)
الفرقه بين الدفعات زي عشره سنين .. نقول عشره ..
ناس الخمسينات جيل التحرر من الاستعمار.. استلموها من ناس الاربعينات القاومو الانقليز .. وسلموها لي ناس الستينات جيل بلورة الفهم السياسي السوداني .. ومفروض انو ناس الستينات يسلموها لينا نحنا ناس السبعينات .. وكان مفروض يكون التسليم والتسلم في بداية التسعينات حتى الالفين .. يعني في عز عهد الانقاذ ..
الحصل انو ما استلمنا اي عهدة عن الثقافة والاخلاق السودانية من اي زول ... لقينا الناس القدامنا .. يابره البلد .. يا محابي .. يا خايف .. يا مسجون .. ياكوز
طيب نسوي شنو !!!؟؟؟؟؟
نعلم روحنا برانا
وما قصرنا علمنا روحنا قدر قدرتنا
وطبعا ما حا تطلبو مننا في الغابة دي انو نكون نماذج مستفحلة في الخير.. لانو ما حانقدر
ماهو يا اما تكون عزال وديع .. وبفترسوك
يا تكون ضبع متملق .. عشان تعيش على فتات المفترسين
يا تكون مع المفترسين .. وتاكل اي غزال قدامك وتخلي الضبع يتملقك وينظف ما تركته من وساخه
او تكون نصف مفترس ونصف وديع وغير متملق ... عشان تحافظ ليك على دائرة قدر مساحة جسدك .. مملكه خاصة بيك ما يدخلها لا مفترس ولا وديع .. حقتك براك .. يهاب منطقتك المفترسين لان الدخول في معارك معك يخرجهم بخسائر وان فازو
ده الشي اللقينا قدامنا
دي الخيارات اللقيناها
واخترنا الخيار الاخير
وعشان ما لقينا قدامنا زول يربينا ، انا ما قاصد التربيه الخام البتربيك ليها الاسرة ... الاسره بتذودك باساسيات التربية والاخلاق .. والشارع هو البفسرها وبوريك فنيات استخدامها...يعني كمثال .. بربوك بقولو ليك الكضب حرام ... لمن تمرق الشارع بتعرف انو الكضب ما كلو حرام .. في كضب مباح واحتمال تلقى فيه حسنات .
-أخرج مسلم في صحيحه عن أم كلثوم رضى الله عنها قالت: "ما سمعت رسول الله (ص) يرخص في شيء من الكذب إلا في ثلاث: الرجل يقول القول، يريد به الإصلاح (أي بين الناس)، والرجل يقول القول في الحرب، والرجل يحدث امرأته، والمرأة تحدث زوجها".-
يعني في كذب حلال ... وبحلك من مشاكل وبحل الدنيا كلها معاك ... اها دي ما بورونا ليها اهلنا.. بنعرفها من الناس القدامنا ... بنتعلمها من الشارع
والحمد لله .. والله عشان رحيم .. لحقنا بالانترنت .. عشان نتربي في البورتات .. وكت ما اتربينا في الشوارع ... وما قصرنا ... سكيناكم وكسناكم وفتشنا عنكم .. عشان نتعلم ونشيل منكم.... ونتحاور معاكم حسب الشي الاتعلمناه هنا وبرانا ...
لكن ....
لقيناكم رافضننا وما قبلانين بينا .... وما فاضين عشان تعلمونا .. بس فاضين عشان تنتقدونا ... زي ابوين ولدو ولد وخلو الشارع يربيه .. وبعد ما كبر جمعتهم به الظروف ... واتصرف الولد تصرف غير مقبول مع ابويه .. فما كان من الابوين الا ان نعتاه بقلت الادب ...
بالله شوف !!!!!
ما لازم يكون قليل ادب .. وكت انتو ابيتو تربوه وخليتوه للشارع يربه..
انا ما بتهم زول بالتقصير ... وما بطالب زول بالاجتهاد ..
انا عاوز بس تفهمونا
وتعرفو انو ده العندنا .. وسويناه برانا
وتقبولونا على علاتنا وكت ما ساهمتو في ازالت علاتنا دي
لحدي ما تعاد تربيتنا على اياديكم
وشكرا كتير
وليد
ــــــــــــــــــــــــــــــــــــــــــــ
اي مصطلحات او احصائيات مقطوعة من راسي .. ما لقيت لي زول يوريني منهجية انشاء المصطلحات والاحصائيات فخلقت لي فلسفة حقتي
| |
 
|
|
|
|
|
|
|
|
Re: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود) (Re: وليد محمد المبارك)
|
(2005)
عودٌ على بدء
لا يزال نفس النمط.. ونفس اللهجة هي السائده .. في في البورد
اتهامات بالكوذنة شمال ويمين
ونجد العضوء في هذا البورد بنصب نفسه القاضي ، وهيئة الادعاء ، والمتحري ، والشاكي ،وحاجب المحكمة ، والجلاد ... وان كانت هناك طريقة لنصب نفسه المتهم ايضاً
بس بطل فلم هندي .. اي شي بسويهو براهو
نحنا البرالمة كيزان وطيب حانكون شنو
وكت لقينا بلد ما فيها الا الكيزان
التلفزيون عندو دقن
والازاعة عندها دقن
والجرايد عنها دقن
والشرطة عندها دقن
والقوات المسلحة عندها دقن
والادارة الاهلية عندها دقن
وبعد ده مفروض نطلع شنو
لمن استولو الكيزان على السلطه انا كان عمري 14 سنة و 9 شهور و 11 يوم .. يعني في نظر القانون السوداني ... حدث ... قاصر .. غير مسئول عن تصرفاتي .. خليك مسئول عن بلد عديل كده
اين كنتم انت حينما استولى الكيزان على السلطه ؟؟؟
هذا السؤال موجه الى كل من تخطي 18 سنة في عام 1989م شهر 6 يوم 30 .. اين كنتم لتدافعو عن الدمقراطية..
استولى الكيزان على الحكم بليل .. واين انتم يا رجال السودان ونسائه في ذلك الليل ...
وهل تترك الدمقراطية هكذا من دون حماية ؟؟؟؟
والحامي الله
انظروا الى البلدان الانتم بها ... وعايشين دمقراطيه جد جد ... دمقراطيه في الممارسة .. ودمقراطيه في الفهم ... هل دمقراطيتهم متروكه على عواهنها .. وحاميها الخالق
كلا
اعينهم يقظه .. واياديهم جاهزة للدفاع عنها في اي لحظة .. وان كانت هذه اللحظة بليل
ورغما عن ذلك لم نتكوزن ولن ....
لا اعتبر هذا الا اسقاط نفسي ...
خجل يعني
زول عاوز ليه شماعة يداري فيها تفريطه في الدمقراطيه التي كانت بين يديه..
ووكت غلبو يرجعها .. دور فينا نحنا .. الكيزان تربية الكيزان ..
انحنا لينا الله
لا فرطنا في الدمقراطية
ولا كنا في عمر بسمح لينا بالدفاع عنها
وان كانت مسئولية الدفاع تشملنا .. سنكون في اخر الصف .. بعد ما يسئل كل من هم امامنا في العمر وفي الفهم وفي العقل ...
تاني بقول ما تزهجو مننا
وما تزهجونا منكم
وعونا ، انصحونا ، انبونا ، لاكن ما تحكمو علينا بغلطكم انتم
صلحونا
وصلحو غلطاتكم فينا
والله يهون
| |
|
|
|
|
|
|
|
|
|
Re: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود) (Re: وليد محمد المبارك)
|
(2009)
عودٌ على العَودُ
لم تختلف اللهجة السائدة ... بل تركزت في إساءاتها ... طاشت في مقاصدها
اتهامات الكوزنة تخطت المنبر .... لتصل عامة الشعب الكادح
نجد احدهم يصف مسيرة مظاهرة – سمها ما شئت – فيها عشرات الألوف إن لم يكن المئات منها ... يصف كل من خرج فيها إما الكوزنة أو إتباع المصلحة والرزق .... وينسى هذا الجاهل انه بوصفه هذا.. لكل من خرج في مسيرة -لا اسميها مسيرات تدعم الإنقاذ بقدر ما هي مسيرات ضد الجنائية والنظام العالمي الجديد – ينسى انه حين يفعل هذا يزيد الإنقاذ عضوية....
لو كانت الإنقاذ لديها عضوية بهذا العدد حتى وان كانت عضوية نفعية فهي تستحق أن تحكم هذا البلد ....
حتى لو كانت الإنقاذ وبعد كل هذه السنوات تستطيع إن تجبر كل هذا العدد الخروج لدعمها قصرا.. فهي تستحق أن تحكمه أيضا... إما بسبب قوة تنظيمها أو بسبب الخوف والجبن من شعب يخرج قصرا بمئات الألوف لدعم موقف لا يدعمه
اغلب من خرج يدعم البشير ضد الجنائية .. خرج طائعا مختارا ...
فيهم من يدعم البشير كليةً ..
لكن اغلبهم يدعمونه في موقفه ضد الجنائية فقط... وبالأحرى أنهم يقفون ضد الجناية بغض النظر هي تقف ضد من !!.
دعونا من مسيرات الخرطوم ...!
ماذا عن اللذين خرجوا في مدن دارفور ... الفاشـــــــر .. نيالا .. !!!!
هل كل من خرج فيها كوز أو نفعي ؟؟!
مفروض الواحد يفكر مليون مرة قبل ما يطلق الاتهامات جزافاً
خصوصا لو كانت الاتهامات دي تصب في مصلحة من يعاديه
وكل الود
| |
|
|
|
|
|
|
|
|
|
Re: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود) (Re: د.محمد حسن)
|
.
.
.
| Quote: جيل العواسة ( وديل ناس هسة حكومة ومعارضة) |
دكتور محمد حسن تحياتي
ان تقسيماتك بها الكثير من الوجاهة
لكن اسمح لي ان ازيد بعض الهوامش للجيل الاخير
الذي انحصرت تكتيكاتهم تكتيكات مناشط المرحلة الوسطى
بتتذكر لعبة الكراسي والتي فيها تكون الكراسي اقل من المتبارين
الذين يدورون حولها في تحفز للانقضاض مع انطلاق الصافرة
الاخ وليد
وفوق لهذا الموضوع الثر
لان هناك جيل او جيلين ضيع دورهما
في استلام راية الوطن ليقدما فكرهما وجهدهما
البصاص
| |
|
|
|
|
|
|
|
|
|
Re: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود) (Re: وليد محمد المبارك)
|
Quote: الحصل انو ما استلمنا اي عهدة عن الثقافة والاخلاق السودانية من اي زول ... لقينا الناس القدامنا .. [يابره البلد .. يا محابي .. يا خايف ..يا مسجون.. ياكوز
|
وليد
أزيك
تعرف ياوليد واظننا جيل واحد ...كلنا مرات بنحس بكدة ..خصوصا لمن يتم إتهام جيلنا بالسطحية وأننا تربية
إنقاذ ...وما عايزة أقول إننا ضحايا..لكن إتهامنا بالسطحية دون وضع إعتبارات ما جرى ..والسياسة المكثفة
في إبعادنا عنالواقع المرير وشغلنا بقضايا لمن كبرنا إكتشفنا أنها ما بتعنينا كتير .. وخطب واناشيد
ومجاهدين وشعارنا جهاد ..نصر.. شهادة ..مدرساتنا اللبسوا الحجاب فجاة ..وأولاد الحلة البعملو ليهم عرس
شهيد ..وفجأة ده كلوا مافي ...سلام وقرنق داخل الخرطوم ..وتحولات ...بإختصار نحن أكتر جيل حصلت ليه
صدمة ...فيناالركب الموجة وبقى مدير وهو في العشرينات ...وفي الصمت وانزوى وبقى حاقد في الخفا ..وفي
السافروبعد وأشترى دماغو وفي البكبو جام غضبهم على الاجيال السابقة وبحملوها المسؤولية وفي القعد وحاول
يشغل نفسو بمهنة بمشاغل حياة وأوهم نفسو بأنو عايش وجنا تعرفو أحسن من جنا تاني ديل للاسف الأغلبية..
وأنا من الناس المرات بصبوا غضبهم على الأجيال الما أخدت بأيدنا ...لكن لمن أروق وأهدأ بلقاها ردة فعل
غاضبة لشخص كان بتمنى يعيش جيلهم ويعايش إنتصاراتم ويفرح بجو حر ...حتى لي برهة من الزمن وفي شبابو قبل ما
يروح ..
| |
|
|
|
|
|
|
|
|
|
Re: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود) (Re: حيدر حسن ميرغني)
|
وليد
ازييك وصباح الخير
انا ما متأكد انت بتكلم عن شنو بالضبط ..عن السياسة ولا الاخلاق ؟ طيب ما مشكلة لأنهم الاتنين مرتبطين بمنظومة واحدة ..
الاتنين اتعرضو لي عمل منظم لتشويههم في الفترة الفاتت دي عشان الناس تكون حيرانة والحكومة تقعد اطول فترة ..وللأسف ده الحاصل ..
الدولة كمان لها منظومة رسمية للقوانين والسياسة والادارة والاقتصاد والاجتماع والثقافة والفكر بجانب منظومة نظرية للأخلاق والمنظومة الرسمية دي يا ولي بتحاول (بين حين وآخر ) التدخل لإدارة المنظومة غير الرسمية لأن المنظومة الرسمية ليها سلطة عامة بتقدر (تسن قوانين ) وتخطط وتراقب .. يعني الحصل ده كلو في السنين الفاتت دي يا ولي بسبب الدولة .... والخراب ده كلو لأن المنظومة الاخلاقية أصابها الضرر الشديد المتعمد ... وما ممكن نصلحها براها لأنو ده حا يكون ( ضرب من الخيال ) لأنو الفساد كتير ....
الجانب النفسي برضو مهم يعني واحد عايش في دولة فاسدة ومنهارة اخلاقياً الضرر حا يجيهو بي مهلة لحدي باب بيتو ولا بستأذنو .. وهنا بتظهر القيم المغروسة من الاسرة ( عشان كده الاسرة ليها دور كبير في الصراع الاخلاقي ) يعني الفساد ده لمن يجيك ( الوازع أو الدافع الاخلاقي ) هو الحا يحدد قبولو او رفضو _ وفي حالة الجيل الذي تنتمي وانتمي له _ ظهرت الحالة بتاعت ( نصف مفترس ونصف وديع وغير منافق ) ... في حالة تانية هي حالة العزلة ودي عايشين فيها مجموعة كبيرة من الناس ..
كلامي ما كمل لكن قلت اساهم شوية ولو في اي واحد زعل من كلامي العفو والعافية ...
مودتي
اسامة
ملحظة :-
ضرب من الخيال التحتها خط دي بت عم ( ضرب غرائب الابل ) ..
| |
|
|
|
|
|
|
|
|
|
Re: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود) (Re: داليا حافظ)
|
مرحب داليا
عارفة يا داليا المشكلة وين ؟
المشكلة في الجيل القدامنا طوالي ..!
جيل مربى تربية شديده .. لدرجة انه ما بعرف يقلع حقو ... وضيع حقو وحقنا معاه
مشكلتنا تتلخص في انه ما في زول من الجيل الذي يلي جيل الديناصورات ( الصادق - نقد -الترابي - الميرغني ) مافي اي زول قدر يقول ليهم من الجيل الذي يليهم كفاكم هذا وقتنا ...
لتستمر الديناصورات ما يزيد عن الاربعين سنة في حكم البلاد والعباد بالتناوب ... ما قدروا عليهم الا العساكر عشان حقارين
ياخ في اسرائيل المعادنها دي .. بن جريون بعد اتم تاسيس دولة اسرائيل ... استقال من الرئاسة اشترى ليه مزرعة وتركتر وقعد يزرع في الارض .. وكت احتاجوا ليه رجع رئاسة الوزارة تاني .. مهمته انته
تاااااااااااااااااااني استقال
مكنكشين فيها يا داليا ما عاوزين يفكوها !!!!!
والتحتهم بحبوهم وبخافوا منهم قربوا يالهوهم زاتو !!!!!
وضع ميئوس منو
| |
|
|
|
|
|
|
|
|
|
Re: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود) (Re: وليد محمد المبارك)
|
وليد سلام
كما انت دائما كتاباتك بتصل اللحم الحي جوووووووووووووه ,,,
ومن يعرف او يقرا لك يعرف انك نظيف ولم تتلوث كالكثيرين ولهذذا تجد الصدق فيما تكتب بلا مواربه ,,,
تعجبني تحليلاتك وجراتك في الطرح ,,,
______________________________________________
معليش كلمة حق كان علي ان اقولها ,,,
| |
|
|
|
|
|
|
|
|
|
Re: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود) (Re: حسين نوباتيا)
|
وليد
كيفك.....
اجاوب ليك على سؤال المبدع المرحوم استاذنا وشيخنا الطيب صالح
انت ذكرت بأنك ومجموعة كبيرة من جيلكم قد قمتم بتربية انفسكم ( أو رسم طريق ) لكم تحاولون الحياة بطريقة لا تؤذي الآخرين ( يعني الاسلوب ده ظهر بسبب الموقف العام او الوضع العام ) ولا تركنون للنفاق ولا تسلمون رقابكم للحكومة ...
الكيزان ديل ما مجموعة متفرقة زي جيلكم الكيزان ديل مجموعة منظمة وعارفين بسوو في شنو ..طيب اذا انتو قدرتو تلقو ليكم طريقة تتعايشو بيها مع الوضع الحالي وانتو ناس غير منظمين البمنع شنو انو الكيزان ديل برضو ربو نفسهم ولقو ليهم طريقة براهم تخليهم يختلفو عن باقي الشعب رغم انهم من الشعب نفسه .........
يا وليد العامل المشترك بين كل الحرامية انهم بفكروا في اقتناء ممتلكات الغير .....
الحالة النحنا فيها دي يا وليد سببها الانقاذ( الكيزان ) بي بساطة كدة وشلة من المنتفعين والمصحلجية ...
مودتي
اسامة
| |
|
|
|
|
|
|
|
|
|
Re: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود). (Re: Balla Musa)
|
| Quote: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود). |
وليد إزيكـ ؟؟؟
طيب سؤال بسيط ..
الجيل البعدكـ اللى هو انا ممكن تقول منو !!! ده جيل اتقال عليو شنو ؟
جيل الضياع ؟ ولاّ جيل الأموات وسط الصراع ؟
أنـا من جيلٍ شبّ فوجد الكل لا يُقدّر الآخر ...
أنـا من جيلٍ إستفاق على إنشقاقات البلاد ...
أنـا من جيلٍ عرف أن السياسه هى دبلوماسية الحوار والإقناع
لكنه فوجئ بأنها نغمة الطلقه وأيدلوجية القمع ...
أنـا من جيلٍ لم يدرى لأى جيلٍ ينتمى ...
أنـا من جيل الضياع وإفرازات الصراع ...
| |
|
|
|
|
|
|
|
|
|
Re: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود). (Re: محمد الجيلى)
|
محمد الجيلي
سلامات
يظهر يا صديقي ان مشكلتكم اكبر من التي نحن فيها
Quote: الجيل البعدكـ اللى هو انا ممكن تقول منو !!! ده جيل اتقال عليو شنو ؟
جيل الضياع ؟ ولاّ جيل الأموات وسط الصراع ؟
أنـا من جيلٍ شبّ فوجد الكل لا يُقدّر الآخر ...
أنـا من جيلٍ إستفاق على إنشقاقات البلاد ...
أنـا من جيلٍ عرف أن السياسه هى دبلوماسية الحوار والإقناع
لكنه فوجئ بأنها نغمة الطلقه وأيدلوجية القمع ...
أنـا من جيلٍ لم يدرى لأى جيلٍ ينتمى ...
أنـا من جيل الضياع وإفرازات الصراع ... |
| |
|
|
|
|
|
|
|
|
|
Re: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود) (Re: Osama Mohammed)
|
سلام يا وليد
مداخله من سوسن سناده، كانت كاتباها نووت في الفيس بوك، و سالتها لو عندها مانع انزلها في سودانيز، و قالت تمام...
---------
(1) الحلقة إعادة
سؤال طرح علينا قبل فترة, ياتري أين هم جيل الستينات من القرن الماضي؟ فأجابت احدي الصديقات نصهم استشهد والنص التأني اغترب!!! فكان أن ضحكنا بعلو صوتنا واعتبرنا الأمر مزحه, ولكن لماذا طرح هذا السؤال؟ هو حديثنا المتداخل هذه الأيام , والذي يبدأ بالحديث عن ( الفيس بوك) كأحد اخطر
الانجازات المعرفية التي قام بها ( الخواجة) مرورا بان ( اوزون) لم تعد بنفس الجمال السابق وصولا إلي أحولنا السياسية والنظرة للمستقبل, ما يزيد الأمر تعجبا أننا نعلم كيف تسير الامور بنا من ضيق اقتصادي وحتى اجتماعي مع تزايد معدلات العطالة والثقالة, وكل يوم نري تطورا جديد في الوضع العام
في البلاد , هؤلا هم اهل دارفور يناضلون منذ وقت طويل عن قضية لم نعد نفهمها بوضوح مثل فهمنا الواضح إلي انك يمكنك إضافة خمسة من العائلة والأصدقاء واحد الأرقام لصديق أو قريب (مغترب) لتتمتع بالحديث علي هاتفك بمزاج دون خوف أو حرج, نعم نتحدث عن جنوب السودان وعن الحركة الشعبية عن
الاستقرار وعدم الاستقرار وعن المرض وعن وعن....
ولكننا نعود إلي الواقع لنتذكر اننا يمكننا الذهاب الي شارع النيل والجلوس وشراب القهوة والحديث الطويل عن اخر نكات ( المساطيل), يدخلنا حديثنا الشيق للحديث عن الوضع الاقتصادي وتقليص المرتبات وفصل كل من يحتج, وبعدها نستعد للذهاب
لحضور حفل غنائي يحيه الفنان الكبير عقد الجلاد, نستعجل الحديث عن الانتخابات وعن الرئيس القادم وتقرير المصير وهل الأحزاب والتنظيمات السياسية هي خيارنا الأفضل والأوحد بشكلها التقليدي ,, فنعود أدرجنا إلي حيث طلبنا (ملك شيك) ولم يحضره ( الويتر) لنا!!! أعود إلي جيل الستينات والذي كان
من المفترض أن يكون في رأس الدولة حاليا!! ولكن نسبة للوضع العام للدولة اكتفي هذا الجيل بالتواجد علي الشبكة العنكبويتة والحديث عن الأحلام , يتحدثون كالمراهقين الذين لا يوعون ما يفعلون , وينظرون إلي المستقبل البعيد وكأنه لم يعد بين أيديهم, يسرقون الأوقات للحديث مع الجميلات
متناسين ما هو عليهم من دور فعلي وحقيقي في هذا الوقت , واصبحوا يعرفون بتلك الجملة الرنانة: ممكن أشوفك صورتك؟ دي صورتي لمن كنتا في جبال الهلولو؟؟!!!! فكان أن عدلت اجابت صديقتي في جلسة ( اوزونية ) طرح فيها نفس السؤال أنهم النصف مات!!! واخر يوجد علي غرف الدردشة ( الشات)!!!.
| |
|
|
|
|
|
|
|
|
|
Re: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود) (Re: Rihab Khalifa)
|
مرحب ست الاسم رحاب
ياخ مداخلة قيمة للحد البعيد
سلسة وبتهبش جوه طوالي
Quote: من المفترض أن يكون في رأس الدولة حاليا!! ولكن نسبة للوضع العام للدولة اكتفي هذا الجيل بالتواجد علي الشبكة العنكبويتة والحديث عن الأحلام , يتحدثون كالمراهقين الذين لا يوعون ما يفعلون , وينظرون إلي المستقبل البعيد وكأنه لم يعد بين أيديهم, يسرقون الأوقات للحديث مع الجميلات
متناسين ما هو عليهم من دور فعلي وحقيقي في هذا الوقت , واصبحوا يعرفون بتلك الجملة الرنانة: ممكن أشوفك صورتك؟ دي صورتي لمن كنتا في جبال الهلولو؟؟!!!! فكان أن عدلت اجابت صديقتي في جلسة ( اوزونية ) طرح فيها نفس السؤال أنهم النصف مات!!! واخر يوجد علي غرف الدردشة ( الشات)!!!. |
دي هجمة مرتده خطيره
وتشخيص واقع
تصدقي انه اخجلني جدا
وكشفني قادم نفسي
ياخ نحن منتهين عديييييييييييل كده
| |
|
|
|
|
|
|
|
|
|
Re: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود) (Re: Osama Mohammed)
|
Quote: يا وليد الحال كان افضل من اليوم .... الآن الوضع الذي يمر به السودان اسوأ وضع يمكن أن تمر به دولة ...
وليد كلامي الأول افهمو كويس ( بدون زعل ) حا تعرف انا قاصد شنو .... |
ابدا يا اسامه ما كان افضل ولا حاجة
الحالة العالمية ساهمت كتير في وضوح الرؤية ... يعني زمان كان بحصل زي الحصل ده .. والناس بتعرفه بعد عشرات السنين في مذكرات مكتوبة من زول مشارك او حاضر ... هسع كل شي بتعرف في لحظته ولو اتاخر بتاهخر ساعات او بالاكتر ايام
تانيا زمان كان العالم متوازن وعنده قطبين .... اي زول بيتضايق من قطب ... بشيل كوما وبمشي القطب التاني وبدعمه وبقيف معاه للاخر ... عشان كده مواقف زي الهسع دي ما كان في ليها طريقة ....
يعني حاجات حصلت كتيره ومرت ..
حرب الجنوب
احداث الجزيرة ابا
احداث ودنوباوي
دارفور دي تحديدا كان فيها قطارات كاملة بتباد عن اخرها ولا نعلم عنها شيا الا ما يصلنا بعد سنوات ويكون اقرب الى الاساطير منه الى الحقيقة
انا فاهم كلامك
لكن ما عاوز اننا نغطي اعيننا وندفن راسنا في رمال تحميل اللوم للانقاذ فقط
خالص الود
| |
|
|
|
|
|
|
|
|
|
Re: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود) (Re: وليد محمد المبارك)
|
الاخ العزيز وليد ..
سلامات..
اولا شكرا على اعادة فتح البوست الذى قرات مقتطفات منه في بوست اخر ولم ارى انه اخذ حظه من النقاش ..واهمية هذا البوست انه يحكى عن جيل كامل افاق في الظلام حيث الدقون الكيزانية تملاء الدنيا بالباطل ..و تفرش الطريق امامه بالشوك..هذا الجيل ازعم ان ملاين السودانين في بلاد المنافى والاغتراب لا يعرفون عنه شيئا..خياراته ..طموحاته..معاناته..ورغم انى من نفس الجيل "تقريبا" و عاصرت بدايات الانقاذ الاولى لكنى سافرت للدراسة وانقطعت علاقتى به ..و كنت عندما ااتى زيارات للسودان ارى ضبابية في تفكيرهم اكاد لا استشف منها شيئا حتى اولئك الذين كانت لهم مواقف واضحة رائت الاحباط بداء في اكل دواخلهم وهناك من غلبتهم الحياة فصارت حدود الوطن بالنسبة لهم لا تتعدى جدران منازلهم ..
ورغما عن ذلك تجد الكثيرين من الشباب امثالك يناون بنفسهم عن هذه الفئة الضالة رغم المرارات والتخويف والتتضييق و اعتقد ان السبب هو التنشاءة كما قال الاخ اسامة
Quote:
الجانب النفسي برضو مهم يعني واحد عايش في دولة فاسدة ومنهارة اخلاقياً الضرر حا يجيهو بي مهلة لحدي باب بيتو ولا بستأذنو .. وهنا بتظهر القيم المغروسة من الاسرة ( عشان كده الاسرة ليها دور كبير في الصراع الاخلاقي ) يعني الفساد ده لمن يجيك ( الوازع أو الدافع الاخلاقي ) هو الحا يحدد قبولو او رفضو _ وفي حالة الجيل الذي تنتمي وانتمي له _ ظهرت الحالة بتاعت ( نصف مفترس ونصف وديع وغير منافق ) ... في حالة تانية هي حالة العزلة ودي عايشين فيها مجموعة كبيرة من الناس ..
|
وهو ما دعاك لقول
| Quote: ورغما عن ذلك لم نتكوزن ولن . |
ولكن من فرط احباطك استوت عندك كل الحكومات و خلطت بين وميضات الديمقراطية وليل الشمولية والفرق بينهما شاسع ..
فالديمقراطية تبداء ضعيفة و بمرور الزمن تقوى و تثمر اما الشمولية فتبداء باطشة و تنتهى منبوذه ..
| |
|
|
|
|
|
|
|
|
|
Re: جيلي انا .. يحيى وحيداً ..يقاتل وحيداً.. ويموت وحيداً .. (عودٌ على العَود) (Re: حسين نوباتيا)
|
مرحب سلامات الاخ حسين
Quote: ولكن من فرط احباطك استوت عندك كل الحكومات و خلطت بين وميضات الديمقراطية وليل الشمولية والفرق بينهما شاسع ..
فالديمقراطية تبداء ضعيفة و بمرور الزمن تقوى و تثمر اما الشمولية فتبداء باطشة و تنتهى منبوذه .. |
من سيتركها لتقوى يا حسين ؟
نميري كما اخبرونا انقلب على الدمقراطية بدعم من الشيوعيين ؟
بل الشيوعيون حالوا الانقلاب عليه ( هاشم العطا)
البشير انقلب على الدمقراطية بدعم من الاسلاميين ( الجبهة الاسلامية )
حاول البعثيون الانقلاب عليهم (21 رمضان )
يحاول الاسلاميون الانقلاب عليه حتى الان ( عدل ومساواة)
اذن الاحذاب نفسها المناط بها ان تدافع عن الدمقراطية هي من ينتهكها
الناس تحمل على الجيش وتحمله الوزر الاكبر
وفي رائي الشخصي الجيش كان اداء منسوبية الذين لا يحملون ولا حزبي او ايدلوجي واضح افضل من جميع الساسة
ودونك عبود
عبود هو بطل ثورة 21 اكتوبر وكفانا تزويرا للحقايق
عبود تنازل طوعا وكان في امكانه ان يفعل فعل البشير الان ويركب راسه ، ويدور مجازر
لكنه تنازل طوعا عن الحكم ليستلمها الاحزاب
فماذا حدث ؟
انقلب عليهم احد منسوبي الجيش بدعم حزبي
ثم انقلب بعد ذلك على الحزب نفسه
مرة اخرى الجيش استلم الحكم من النميري سنة 85 وسلمه للاحذاب بعد عام
فماذا حدث؟
انقلب عليهم احد منسوبي الجيش بدعم حزبي
ثم انقلب بعد ذلك على الحزب نفسه
| |
|
|
|
|
|
|
| |
وليد محمد المبارك
د.محمد حسن
أبو عبيدة البصاص
داليا حافظ
حيدر حسن ميرغني
Osama Mohammed
العوض المسلمي
حسين نوباتيا
محمد الجيلى
باسط المكي
naeem ali
Rihab Khalifa
Ishraga Mustafa
معتز تروتسكى
فيس بوك
تويتر
انستقرام
يوتيوب
بنتيريست