قصة اختطافي وتعذيبي من قبل جهاز الامن

لاخوة اعضاء المنبر الحر
يعد ان ضاقت بنا المليون ميل بما رحبت ها نحن نعود للتنفس من خلالكم وكان من الاجدر ان اكون هنا فور خروجي من المعتقل الا ان ظروفي الصحية لم تسمح لي بالاضافة لانشغالي بتوافد جموع النوبيين الي منزلي .انا اليوم هنا لاعبر لكم عن شكري واعتزازي وتقديري لوقفتكم الكريمة مع القضية النوبية طيلة فترة اعتقالي وكنت اراكم من خلال ضياء النور فى زنزانتي وانتم تعبرون عن تضامنكم .انها لحظات المخاض يجب ان تنجاوزها معا يكل عزيمة من اجل وطن يسع الجميع. ساروي لكم حكاية اختطافي منذ الغد فما زلت اعاني من اثار ما تعرضت له منذ اعتقالي وامر بفترة نقاهة اتمني الا تطول. الشكر لكم
كنت اود ان تكون كلمة الشكر هذه فور خروجي من المعتقل الا ان ظروف تقنية حالت دون دخولي للمنبر .سابدأ كتابة قصة اختطافي في حلقات منذ الان

تم اعتقالي ليلة الخميس الجمعة 5-6 مارس الجاري في عملية تشبه حوادث السطو في المدن ولا يزال تاثير هذا الحادث يلقي بظلاله السالبة علي قراناالامنة فليست هذه هي المرة الاولي التي اعتقل فيها ولكن تاثير هذا الاعتقال لا يزال محفورا في ذهن اطفال اخي وجيراننا بل واطفال الاحياء المجاورة بل وتجاوز الامر الاطفال فحتي كبار السن اصبحوا لا يحسون بالامان. قبل ان ابدأ في السرد لا بد من حقائق يجب ذكرها :
اولا :اعتقد ان امر الاعتقال لم يصدر من قبل سلطات الجهاز أي ان اوامر الاعتقال لم تصدر لكل من تناول هذا الامر ولكن هنالك من اراد ان ينتهز هذه السانحة لكي ينتقم من مناهضي كجبار او من شخص عبدالحكيم.وهذا موضوع ساكشفه في خاتمة سردي.
ثانيا :توخيت ان اسرد ما تم لي لكي ابين ان جهاز الامن لا يزال يمارس منهج بدايات الانقاذ دونما تراجع.
ثالثا:عوملت معاملة غير انسانية منذ اعتقالي فجر الجمعة حتي نهاية نهار السبت وهذا ما ساقصه بكل تفصيل ولا تزال اثاره باقية في جسدي حيث فقدت نعمة السمع في اذني اليمني وتاثير كبير في عيني اليمني وشعور بالدوار لم يفارقني ويمنعني من مزاولة عملي .
رابعا :تغيرت المعاملة بعد ذلك وقام مدير جهاز الامن بالاعتذار بشدة اكثر من مرة وتغيرت معاملته لي حتي لحظة مغادرتي المعتقل ولكنني انسان اولا واخيرا .لا زلت اعاني من ويلات الطريقة التي بها اعتقلت فاسرتي فقدت الامان حيث ان اطفال اخي يعانون من الكوابيس ليلا وتظل الابواب مغلقة ليل نهار وتعاني اسرتي جراء ما حل بهم .وفقدت شخصيا نعمة السمع مما يمنع التواصل بيني وبين اخي مزمل الذي يعاني من فقدان السمع منذ سنوات.
خامسا :كان كجبار في خاطري دائما منذ اعتقالي الي ان اطلق سراحي ولن ادعي انني كتبت ما بسببه اعتقلتjكان من منطلق سياسي.ولكنه كان انطلاقا من واقع الغبن والاحساس بازدواجية العدالة في وطني .
سادسا:هنالك من ضحي بروحه من اجل قضيتنا وما حدث لي ليس عملا بطوليا باي حال من الاحوال
كان يوم الخميس من الايام التي تكثر فيها الواجبات الاجتماعية حيث ذهبت الي دفوي للقيام بواجب العزاء في وفاة قريب لنا ثم سمعت بوفاة الاستاذ الفاضل محمدسيداحمد في جوقل فقمت بواجب العزاء ثم عدت الي منزلي بعد المغرب وكنت منهكا نوعا ما من اثر المشوار .نعيت الاستاذمحمد في المنتدي النوبي ومن ثم طفت علي عدد من المنتديات وشاركت بالردود في المنتدي النوبي في اكثر من موضوع وخلدت الي النوم حوالي العاشرة والنصف فضلت النوم في الفرندة امام الصالون الكبير بمنزلنا .احسست بحركة بجواري وظننت ان اخي الكبير قد دخل الصالون لبعض اغراضه الا ان صوت المتحدث نبهني فازحت الغطاء عني فاذا باضواء كثيرة مسلطة علي وجهي وبادرني احدهم بالسؤال عن اسمي واردف (ايوة قوم معانا بدون أي شوشرة واتعامل معانا كويس عشان نعاملك كويس)ووجدت يداي خلف ظهري وفوهة سلاحين خلف خاصرتي ومن طلب مني التحرك وعندما سالتهم عن هويتهم اسكتني احدهم وطلبوا مني الخروج عبر تسلق السور فرفضت ذلك وطلبت الخروج عبر البوابة فانصاعوا وطلبت منهم اخبار اسرتي فردوا بانهم سيقومون بذلك ولكن بمجرد وصولنا العربة التي كانت تنتظر بالخارج انطلقوا دون اخبار اهلي .وما لفت نظري ان العربة توجهت شمالا (العربة بوكس موديل الثمانينيات)الملاحظ انهم كانوا يسلطون الاضواء علي وجهي ويطلبون مني ان اجلس ووجهي علي الارض حتي وصلنا قرية تاجاب(علي بعد 2كلم من قريتي ) فوجدت عربة لاندكروزر تاتشر بهاشخصان ومحركها يدور تم انزالي من البوكس ونقلت اليها وانطلقنا جنوبا (كان عدد الافراد الذين جاءوا الي منزلي حوالي 11 فرد) وبعد مسيرة 3 كيلومترات وقفت العربة وتم انزالي وتوجية اسلحتهم الي صدري وقالوا انه ستتم تصفيتي لانني ضد سياسة الدولة واؤيد التدخل الاجنبي وايقنت انني لا بد هالك الا اهم اعادوني الي العربة ومن ثم انطلقنا .لم استطيع تبين الوقت حتي مررنا بقرية فوق(منها والدتي تبعد عن قريتي بخمس كلم) وكانت انوار المسجد تضاء استعدادا للاذان.كنا جميعا في حالة صمت الا انه بين الحين والاخر كانوا يهددون بانه ستتم تصفيتي ويوجهون اسلحتهم ناحيتي .تاكدت ان العربة البوكس اتت من الشمال وخمنت ان الدليل الذي قادهم الي منزلي جاء من المنطقة ولذا كان اصرارهم علي الانحناء حتي لا اعرف شخصيته.وصلنا قرية غرب سمت فتوقفوا لاداء الصلاة وعندها تبينت لي ملامحهم وبعد اداء الصلاة بدأ مسلسل التعذيب كانهم امروا بذلك اثناء السجود .نواصل

المحارب الكوشي عبدالحكيم ياالف مرحب.

الف حمد الله على السلامة ..
Baag oskur

الف حمد الله على السلامة ..
Baag oskur
متابع..

الاخ عبد الحكيم
اعتقال الشرفاء و تع>يبهم
يؤ>ينا جميعاَ
و الادهي اننا لا نملك سوي المناشدات و التضامن
نحلم بوطن يجد فيه الجميع
الحرية و الكرامة و المساواة في الحقوق و الواجبات

اخي حكيم
الخاسر هو الجلاد فشخصياتهم المريضة تذداد مرضا
وانت يا عزيزي تذداد قوة وهاانت اليوم اقوى من ليلة الخميس
برغم ما فعلوه بك ...............دم صامدا والعار للجبناء الذين يواجهون
العزل بالسلاح ..

Quote: الف حمدلله علي سلامتك المناضل الكريم عبدالحكيم... لا خنت لا سراق .....ولكن الذين تضيق بهم سماع واسماع الراي الاخر هذه حالهم ...وغدا لناظره قريب... تزيدك قوة انشاء الله

الاستاذ عبدالحكيم انوه الي ان هناك بوستين بهذا العنوان
رجاء نقل المشاركات في واحد ولك ودي ومتابعين

الاخ المناضل عبد الحكيم

هم الخاسرون كلاب الليل

والعملاء المندسين وسط النوبيين

لك التحية والانحناءة

المناضل الجسور عبدالحكيم،
حمدلله على سلامتك..

واصل يا أخي كشف وحشية هؤلاء البشر..
التحية والاحترام لك يا بطل وانت تنحاز لقضايا أهلك وبلدك..

الصنديد عبد الحكيم

حمد لله على السلامة






اليوم وغدا..

استاذ عبد الحكيم نصر..حبابك

الف حمدا لله على السلامة..
مرحب بعودتك لأسرتك و لأصدقائك و صديقاتك ..

كبر

عبدالحكيم

حمدلله بالسلامة...

طالما فى رجال زيك وزى زمراوى الولى ومدحت ونبيل .. المنطقة النوبية (تب) العوجة مابجيها

تحياتى لكل ابناء النوبة فى كل مكان

الف حمدا لله على السلامة
تعيش إنت يا بطلنا
وتسقط حكومة القتلة والسفاحين

الف حمدا لله على السلامة

الف حمد لله على السلامة يا عبد الحكيم نصر

وليهم يوم ايها الباسل ، ليهم يوم بالجد

عبدالحكيم ....

قدّم لجوء فى "أستراليا" ....










.... المهم ....

هم لم يعتقلوك
ولكنهم اعتقلوا
احساسهم بالمواطنة والوطن
فهنيئا لك ايها البطل

عبد الحكيم الف حمد الله على السلامة
واصل كفاحك

اخي العزيز عبد الحكيم..

لا يمكننى ان اضع نفسي مكانك ..لذا اي كلام تعاطف او دعم او مسانده سيكون منقوص ..و خالي من فهم ما مررتم به..
الا انني اقول لك انك عوقبت عنا جميعا .. لانك تحدثت عنا جميعا ..
جرمنا يا عزيزي كبير ..استحق الاعتقال والضرب والاهانة والاعاقة ..ولكن عدم العدالة يكمن في اننا اغترفناه جميعا و عوقبت وحدك..
والجرم هو حرية التعبير والخوف على اهالينا وارضنا..
حمدا لله على السلامة

السيد.. تبارك

Quote: عبدالحكيم .... قدّم لجوء فى "أستراليا" ....

هذه مداخلة باردة تخلو من اي حس انساني ..يملؤها التهكم و يشتم منها الشماتة ..
اذا اردت ان تمزح فليس هذا مقام مزح ..وان اردت ان تتهكم فانصحك بمراجعة طبيب نفسي..
فالانسان الذي لايحس بما يعانيه اخيه الانسان هو شخص ناقص الادمية..

حكيم
حمدالله الف علي السلامة ياخ
والجايات يسنن سن




لك ولكل الشرفاء التحية والتقدير

عبدالحكيم يا حكيم المنطقة النوبية

هذا يحدث لكل من صاح في وجه الظلم لا لا لا
نحن ابناؤك يا نوبة في الحزن النبيل
نحن ابناؤك يا نوبة في الفرح الجميل
سنغني لك يا وطني كما غني الخليل

ستزول دولة الامنجية الى غير رجعة
ستعود الديموقراطية حتما ولن تطول
وسيبقى الانسان الحر حرا يسطر التاريخ عبر الاجيال

أخي عبدالحكيم
مسكاقمي
الــ1000ـــف حمد الله على السلامة
نعيش عظماء ونموت في جملة الأشراف

ألف حمد الله على السلامة خروجك من براثن هؤلاء السفلة ، فقد عرفت اخوانك قبل أن اعرفك وأعتز بهم أيما إعتزاز

فقد عرفتهم كإخوة لا يخشون في الحق لومة لائم ، والتحية عبرك لأصدقائي إخوانك نصر وعبد المتعال

وصديقي وإبني عبد الناصر ، وربنا يجمعني بيهم تاني ، ولك التحية وأنت تدافع عن حقنا النوبي الذي لن نتنازل عنه
وأي مساس به خط احمر

Quote: عبدالحكيم .... قدّم لجوء فى "أستراليا" ....

فعلاً يا حكيم المابعرفك بجهلك.. مشكلتنا مع البزغردو ويطبلوا للجلاد
زي نوع تبارك دا أكتر من الامنجية البياخدو قروش مقابل تعذيب خلق الله..

عبد الحكيم

تحية والف حمد الله على السلامة

هؤلاء الجلادين والقتلة وفاقدى الانسانية كل يوم يثبتون لنا انهم لا علاقة لهم بالبشر .

يثبتون لنا ان فهمهم قاصر لأن اصحاب القضايا والمعتقدات لا يمكن محاربتهم بالحبس والتعذيب فهذا اهون شىء يمكن احتماله فى سبيل اى قضية يعتقد بها شخص ما .

حسنا انك بدأت تكتب عنهم فأكشفهم وعريهم واحدا واحد

بالتأكيد سوف يطلعون على ما تكتب هنا واذا كانت لهم ضمائر سوف ترتجف فى مكانها ولكننى اعتقد انهم لا يملكون هذا الحس الانسانى الرفيع فمكان ضمائرهم قطع بلاستيك .

هم بنفسهم يدمرون انفسهم فبالتأكيد انهم باعتقالك وتعذيبك كسبوا اعداء جدد واطلقوا النار على ارجلهم بغباءهم وسوء تدبيرهم .

التحية لك ، اكتب يا أخى وانشر افعالهم .

الف حمداً لله على السلامة
اتمنى أن يحفظ الله الوطن من كل المعتوهين

Quote: توقفوا لأداء الصلاة

أعجبتني هذه العبارة 00 كمان يصلون
والقرءان الكريم يقول لنا { لاتدخلوا بيوتاً غير بيوتكم حتى تستأنسوا وتسلموا على أهلها}
هذه الآية نزلت في الكتاب المقدس الذي يدعو للصلاة " إن الصلاة كانت على المؤمنين كتاباً موقوتا "
ولم تنزل بالطبع في كتاب الفيزياء !!!
والذي يروع الناس والأطفال في بيوتهم عليه ان لايصلي
وهذه اعتبروها فتوى مني
فما قيمة أن تصلي وأنت تدخل لبيت سوداني بهذه الطريقة الهمجية
بيت فيه أمك وأخواتك وأطفالك !!!

فلايجوز باي حال من الأحوال أن تقتحم منزل أسرة نائمة وآمنة في منتصف الليل
وكان من المفترض أن يتم اتخاذ اسلوب أمثل وحضاري
ليس بسلطة القانون
بل يتماشى مع عاداتنا وأعرافنا وتقاليدنا كسودانيين

والغريب أنهم أحد عشر كوكباً !!!!
هذا خلاف الجيب اللاندكروزر ومايحمله
وربما يكون به خمسة أو ستة آخرون
بالله الا يكفي اثنين فقط
والاستفادة من بقية افراد الأمن في حفظ الوطن وثرواته ومقدراته؟؟

هذا هو النظام الذي يريدوننا أن نخرج لمناصرة قائد مسيرته المجرم المطلوب للعدالة الدولية/عمر البشير! بالله كيف أُناصر من قتل أطفالي وشرد أهلي وكمم أفواه كل الوطن وهدد بتقطيع الأوصال، أخبروني بالله كيف؟؟؟

هذا النظام هو الوحيد في تأريخ منطقتنا الذي روّع الآمنين ودخل بيوتهم ليلا وقتل أطفالهم نهارا جهارا دونما أدنى رحمة أوشفقة. الموت البطىء لكلاب الأمن والعدالة ستطاردهم حتى المقابر، السفلة أبناء السفلة القتلة ابناء القتلة.

التحية لك يا أيها الصامد في وجه الأعاصير والمحن والإعتقالات، المحامي الذي هجر مكتبه بالخرطوم ووطن نفسه مع أهله، مدافعا ومنافحا عنهم، كيف يتركونك تنعم بدفء الأهل هؤلاء المجرمون، ولكن يا عبدالحكيم يُمهل ولا يهمل، أترى أن الله سيخلي سبيلهم ليموتوا كالبعير، لا وألف لا سيموتون في جحورهم كما مات من قبلهم طغاة مثلهم وسوف يسجل التاريخ مخازيهم ويجرفهم الى مزابله قريبا بإذن الله...

لا خيل عندي أهديك ولا مال فليسعد النطق إن لم يسعد الحال، هذا أقل ما نمنحه لك أيها البطل الكوشي!
ولا نامت أعين العسس والجلادين حتى دخولهم لجحور الضب!

Quote: السيد.. تبارك Quote: عبدالحكيم .... قدّم لجوء فى "أستراليا" .... هذه مداخلة باردة تخلو من اي حس انساني ..يملؤها التهكم و يشتم منها الشماتة .. اذا اردت ان تمزح فليس هذا مقام مزح ..وان اردت ان تتهكم فانصحك بمراجعة طبيب نفسي.. فالانسان الذي لايحس بما يعانيه اخيه الانسان هو شخص ناقص الادمية..

حمد لله على سلامتك عبد الحكيم
كن صامدا

متابعين



اها






بعد





داك





الحصل







شنو

عوداً حميداً يا المناضل عبد الحكيم ولا نامت اعين الجبناء
التهنئة موصولة لنظام الإنقاذ بتقلدهم وسام أول نظام يغتصب الأمان السائد فى المنطقة النوبية منذ قرون.

Quote: التحية لك يا أيها الصامد في وجه الأعاصير والمحن والإعتقالات، المحامي الذي هجر مكتبه بالخرطوم ووطن نفسه مع أهله، مدافعا ومنافحا عنهم، كيف يتركونك تنعم بدفء الأهل هؤلاء المجرمون، ولكن يا عبدالحكيم يُمهل ولا يهمل، أترى أن الله سيخلي سبيلهم ليموتوا كالبعير، لا وألف لا سيموتون في جحورهم كما مات من قبلهم طغاة مثلهم وسوف يسجل التاريخ مخازيهم ويجرفهم الى مزابله قريبا بإذن الله...

التحية المناضل الصنديد عبدالحكيم,,
الوحش يقتل ثائر والأرض تنبت ألف بل ملايين الثوار,,

أول حاجة حمداً لله على سلامتك أخي و زميلي الصنديد عبد الحكيم ..

ثم قبل كل شيئ رسل لي تلفونك على [email protected]

أنا و معاي ناس كتار عايزين يكلموا سعادتكم ..

ــ

عبد الحكيم قد نختلف بشأن الموقف من المحكمة الجنائية تحديداً ، لكني أقف معك في خندق واحد و أنت تتصدى للظلم و تدافع عن حقوق البسطاء .. أحي صمودك و أتضامن معك في مواجهة قوى البطش من الذين لم يرعووا رغم ما حاق بهم ،، هم لم يعرفوك والما بعرفك يجهلك ..
أكتب يا عبد الحكيم أنشر الحقائق و أفضح الممارسات فلن ينصلح الحال بالسكوت ..

ـ
يا تبارك ..

عبد الحكيم الذي أعرفه جيداً هو أول من يضحي و آخر من ينتفع ..

و مع إحترامي للمناضلين الشرفاء أمثاله في المنافي لكن عبد الحكيم هو المناضل الحقيقي الذي تحترمه بحق .. رجل صادق مع نفسه ومع الكل و لا يخشى في الحق شيئا..

و لو أن الأستاذ المحامي / عبد الحكيم كان يرغب في عيشة المنافى لما عاد إلى قريته الصغيرة مزارعاً منافحاً عن حقوق البسطاء ..

آلمني يا تبارك أنك ظلمته و أنت لا تعرفه و ليتك عرفته ..

ـ
و يا قريبي البقيت متردد سجون ..

سلملي عليك و على كل الناس البسطاء عندكم خاصة الراجل ( الكافر ) الذي حكيت لي عنه يوماً ..

و منتظرنك عوض و عروة و أنا ..

حمدلله على سلامتك..

يا تبارك...ما كل شئ قابل للبيع!

Quote: يا تبارك...ما كل شئ قابل للبيع!

كل إناء بما فيه ينضح ..

وددت لو استطيع ان اشدد علي اياديكم فردا فردا
ما تفعلونه هو دافعنا للثبات شكرا للجميع

الاخ عبد الغفار
سلامات
اشكرك علي المرور
ربما شاركت وانت لا تعلم ان ابن شقيقتي
هو صديقك(احمد رمرم)كوستي
فهو يقريك السلام
اتمني التواصل معك وهو يرجوك ان تمده باخبارك
الف شكر ودمت

بعد اداء الصلاة بدأ المسلسل حيث اسقطوا عن كاهلهم فريضة الرب وبدأوا في اداء تعليمات الجهاز .تحركت العربة ووضعوا علي راسي شالا وسالني احدهم (الحلة دي وين؟)وعندما اجبت ضربني الثاني قائلا(السالك منو؟)
واصبحوايتناوبون الضرب .كان الوضع في الصندوق الخلفي للعربة كالتالي انا جالسا علي ارضية العربة ووجهي للخلف وعلي جانبي العربة اربعة افراد ويجلس قبالتي اربعة افراد في خلفية العربة كانوا يستخدمون الخراطيش السوداء في ضربي اما الاربعه الذين يجلسون علي الاجناب فكانوا يستخدمون اياديهم ومؤخرة البنادق .
وصلنا قرية اشو وهي اخر قرية بالمحس جنوبا وتوقفت العربة امام سبيل به ازيار نزل من كانوا بمقدمة العربة وجلبواالماء البارد من السبيل وتم تبليلي بالكامل وواصلوا الضرب والاستفزاز والاساءة بصورة وحشية(كان الضرب مركزا علي الراس وظاهر اليد والارجل .بالله دي بلد تقعدوا فيها ؟انتو المفروض ترحلوا من هنا بدون ما يدوكم قرش.المفروض تضبحوا كرامة لما يرحلوكم من هنا واحيانا كانوايوجهون فوهة بنادقهم الي صدري لارهابي.لم يتركوا مفردة من مفردات الاستفزاز والاهانة الا واستعملوها معي .اصبحت بعد سكب الماء شبه مخدر لا احس بضرباتهم.واصلنا المسير والشمس تشرق وجنوبا حتي دنقلا في طريق وعر ووصلنا مدينةدنقلا حوالي الثامنة صباحا وولجت العربة داخل احدي المقرات وعندما ازاحوا الشال عن وجهي وجدت لافتة مكتوبة في المبني المجاور بها حددت انني في مقر امن الولاية الشمالية تم انزالي من العربة واوقفوني بجانب السور وقدم احدهم لي الشاي لكي اشرب فرفضت.وبعد برهة بدا مسلسل آخر.نواصل
ملحوظة :تحدث معي احد افراد الامن من الذين كانوا في مقدمة العربة عندما توقفوا لاداء الصلاة باللغة النوبية وللتاريخ كان هو الشص الوحيد من ضمن المجموعة الذي لم يسئ الي شخصي لا اقول هذا تعصبا بل احقاقا للحق.فانا سوداني اولا واخيرا واريد ان انصف كل من يعامل المواطنين بانسانية وهذا ما لمسته من كثيرين لا اريد ان اكرهم حتي لا يلحق بهم الاذي.
ثانيا:ساحاول سرد كل الحقائق واتحمل مسئولية ما يحدث لان ما حدث يجب ان يملك لهذا الشعب الذي ندين له بالكثير
ثالثا:ربما كان من الاجدر كتابة الموضوع في حلقة واحدة ولكني لا استطيع الجلوس طويلا امام الجهاز فلكم العتبي.ونواصل

Quote: بعد اداء الصلاة بدأ المسلسل حيث اسقطوا عن كاهلهم فريضة الرب وبدأوا في اداء تعليمات الجهاز .تحركت العربة ووضعوا علي راسي شالا وسالني احدهم (الحلة دي وين؟)وعندما اجبت ضربني الثاني قائلا(السالك منو؟) واصبحوايتناوبون الضرب .كان الوضع في الصندوق الخلفي للعربة كالتالي انا جالسا علي ارضية العربة ووجهي للخلف وعلي جانبي العربة اربعة افراد ويجلس قبالتي اربعة افراد في خلفية العربة كانوا يستخدمون الخراطيش السوداء في ضربي اما الاربعه الذين يجلسون علي الاجناب فكانوا يستخدمون اياديهم ومؤخرة البنادق . وصلنا قرية اشو وهي اخر قرية بالمحس جنوبا وتوقفت العربة امام سبيل به ازيار نزل من كانوا بمقدمة العربة وجلبواالماء البارد من السبيل وتم تبليلي بالكامل وواصلوا الضرب والاستفزاز والاساءة بصورة وحشية(كان الضرب مركزا علي الراس وظاهر اليد والارجل .بالله دي بلد تقعدوا فيها ؟انتو المفروض ترحلوا من هنا بدون ما يدوكم قرش.المفروض تضبحوا كرامة لما يرحلوكم من هنا واحيانا كانوايوجهون فوهة بنادقهم الي صدري لارهابي.لم يتركوا مفردة من مفردات الاستفزاز والاهانة الا واستعملوها معي .اصبحت بعد سكب الماء شبه مخدر لا احس بضرباتهم.واصلنا المسير والشمس تشرق وجنوبا حتي دنقلا في طريق وعر ووصلنا مدينةدنقلا حوالي الثامنة صباحا وولجت العربة داخل احدي المقرات وعندما ازاحوا الشال عن وجهي وجدت لافتة مكتوبة في المبني المجاور بها حددت انني في مقر امن الولاية الشمالية تم انزالي من العربة واوقفوني بجانب السور وقدم احدهم لي الشاي لكي اشرب فرفضت.وبعد برهة بدا مسلسل آخر.نواصل ملحوظة :تحدث معي احد افراد الامن من الذين كانوا في مقدمة العربة عندما توقفوا لاداء الصلاة باللغة النوبية وللتاريخ كان هو الشص الوحيد من ضمن المجموعة الذي لم يسئ الي شخصي لا اقول هذا تعصبا بل احقاقا للحق.فانا سوداني اولا واخيرا واريد ان انصف كل من يعامل المواطنين بانسانية وهذا ما لمسته من كثيرين لا اريد ان اكرهم حتي لا يلحق بهم الاذي. ثانيا:ساحاول سرد كل الحقائق واتحمل مسئولية ما يحدث لان ما حدث يجب ان يملك لهذا الشعب الذي ندين له بالكثير ثالثا:ربما كان من الاجدر كتابة الموضوع في حلقة واحدة ولكني لا استطيع الجلوس طويلا امام الجهاز فلكم العتبي.ونواصل

لا بد من العمل على توثيق هذه الإنتهاكات يا أستاذ. هل هل هناك أذى (بسيط أو جسيم) وإن كانت الإجابة بنعم، هل ذهبت للطبيب للكشف بالأورنيك. أنت محامي وتعرف كل هذه الأمور. إن لم تفعل هذه الأشياء، أرجو الإسراع بذلك. النقطة التي أود أن أصل إليها هي أن القضاء السوداني عاجز على محاكمة هؤلاء الأوباش، لذلك رفع المجتمع الدولي يده عنه وسيق رئيسنا كسوق النعاج للمحكمة الجنائية الدولية، جرّب لتعرف! أتحدى لو أن قاضيا واحدا بمقدوره إجراء محاكمة عادلة ونزيهة لرجل أمن واحد، أتحداهم واحدا واحدا!

ثم أن الذي يجب ان يُرّحل هو الجلاد الذي كان يستفزك، ثم أنني أشعر بالعار من مناصرة نوبي واحد واحد هذا النظام المجرم ودماء أطفالنا وأخوتنا لم تجف بعد في كجبار، خسئوا المتوركين وخسئوا الى يوم الدين!

الاستاذ عبد الحكيم
حمد الله علي السلامة.

Quote: بالله دي بلد تقعدوا فيها ؟انتو المفروض ترحلوا من هنا بدون ما يدوكم قرش.المفروض تضبحوا كرامة لما يرحلوكم من هنا واحيانا

الناس ديل بيجيبوهم من وين؟؟؟؟
انهم لا يعرفون قيمة انسان هذه المنطقة و يجهلون تماما علاقة الانسان النوبي بأرضه .
ويجهلون ما يكتنزه هذه المناطق من ارث يهم السودانين وكل البشرية.
لذا يستخدمون اساليبهم النتنة لاسكات صوت الحق.
وارتكبوا جرائم لم تعرفها المنطقة طوال العقود الماضية من اغتيالات واعتقالات وخطف للنوبيين الشرفاء.
انه الحقد علي اناس مكثوا ويريدون الحفاظ علي تاريخ امة.
يردون ان يرحلوا شعب عريق مقابل قروش ذي ما اخذ عبود وباع حلفا بمبلغ 150 مليون جنية ثمن عربة الاندكوزر الراكبنها الامنجية.

لن تسطيعوا مهما ارتكبتم من حماقات ان تزيلوا الارض النوبية من الوجود.

الاخ عبد الحكيم الف حمد لله علي سلامتك

ادمعت و انا أقرأ ما حدث لك

من أين أتوا هؤلاء الوحوش ؟؟؟؟؟؟؟

أهم حاجة اسماء هؤلاء الجبناء ... اذا تمكنت من معرفة اسمائهم ارجو ان تقوم بنشرها لسببين
الاول لحماية المناهضين في الداخل لانهم سيتخوفون من تكرار مثل هذه الافعال في المستقبل
ثانيا يوم الحساب قريب

Quote: المناضل الجسور عبدالحكيم، حمدلله على سلامتك.. واصل يا أخي كشف وحشية هؤلاء البشر.. التحية والاحترام لك يا بطل وانت تنحاز لقضايا أهلك وبلدك..

اصلو كتلك ياهو كتلك
الزميل عبد الحكيم احييك والخزي والعار للامنجية الارهابيين السفاحين
اكيد لن يضعفوا من عزيمتك وكلنا بالمرصاد لكشف جرائمهم
هؤلاء احقر البشر بانتهاكم لادميتنا بكل اصناف التعذيب الوحشية
جهاز الامن لازال يمارس عبثه بحياة المواطنيين فقط اذا عبروا عن رايهم فهؤلاء القتلة الي زوال وستخلد نضالات شعبنا

يا تبارك شيخ الدين
انت مشكلتك شنو بالضبط...قول يمكن الناس الهنا ديل يقدروا يساعدوك.

العزيز سردوب
سلامات وحمدالله علي السلامة
كنت اود ان اتعرف عليك منذ فترة ولكن (ان المصايب تجمعن المصابينا)
تحياتي لك عزيزي وحتما ساسعي للقائك خلال مقبل الايام

الاخ عبد الحكيم..
الف حمد لله علي سلامتك..

صديقي الغالي
عبد الحكيم عبد الرحمن نصر ...
والله إنك تجعلنا نتوارى خجلاً ...

:
:
:

اجعل نضالك مثل ساقية الجروف

تقتادها الثيران مغمضة العيون

لا شيء تبصره

إلا الحنين في هدأة الليل يطوف

الفجر تنساب المياه علي الحقول

فهل..


درت هذه العميان ما قامت به رغم حالكة الظروف ؟!

"التحية والاحترام لك يا بطل وانت تنحاز لقضايا أهلك وبلدك.."

The struggle continues!

حمد الله علي السلامة ..
وليهم يوم ...
لك الود يا عزيز ..

الاخ عبد الحكيم .. .. ياقريبي
اعرف ان التعذيب لا يهز فيك شعرة .. وانك تحمل مبدا لايمكن
ان يزال بقسوة علي جسدك فهم حتما واهمون اذا صدقوا ان هذا
الاسلوب سيثنيك عن طريقك ..
كفارة والف حمد الله علي السلامة .. الجميع معك فلاتحزن ..

الف حمد الله بالسلامة
نور ادو باركا

الاخ المناضل النوبي
الحكيم ... عبد الحكيم نصر

نحمد الله علي سلامتك من ايادي القتلة

ومثل هذا الاجرام حتما لن يذيدك الا صمودا و ذلك

لان معدنك اصيل.

Quote: يا تبارك شيخ الدين انت مشكلتك شنو بالضبط...قول يمكن الناس الهنا ديل يقدروا يساعدوك.

والله فكرة ما بطّالة .....

مشكلتى كالآتى:

دخلنا القرن الواحد وعشرين .... ولا زلنا نعانى ويلات دخول العرب السودان والتركية السابقة والحكم الثنائى والإمبرالية والإستعمار الجديد .... ماشة علينا عولمة ونحن لا زلنا نجهل "إنسان" يعنى شنو (إلاّ يكون ضحية تعذيب) ...

السودانيين ديل قايلين التاريخ حيقيف ليهم يتضايروا؟

ولاّ فى عدو .... وعندو أطماع .... بكون حنيّن وطيّب ولذيذ؟

ما عندنا أى استعداد لى حياة كريمة .... وقيمنا وتفاصيلنا كلها كذب فى كذب .... ناهيك عن الدفاع عن باقى الخير الفينا ....


... أها ....

أهى دى المشكلة .... واعيش فى نار كل يوم .... أرجو الحل السريع .... وشكراً










المعذّب ... تبارك شيخ الدين

كامل التضامن مع الاخ عبدالحكيم
ونتمني ونحلم باليوم الذي يكون فيه الوطن خالي من الاوباش وخفافيش السلاطين
الظالمة
الكاذبة
المتخلفة في ركب الانسانية

Quote: المعذّب ... تبارك شيخ الدين

كامل التضامن مع تبارك .....وربنا يحل ليك مشكلتك

Quote: ماشة علينا عولمة ونحن لا زلنا نجهل "إنسان" يعنى شنو (إلاّ يكون ضحية تعذيب) ...

طيب يا تبارك في الحالة الماثلة قدامنا دي..من الذي يجهل معنى(انسان)..عبد الحكيم الذي جرى تعذيبه
أم الناس العذبوه؟؟

الف حمداً لله على السلامة

الحمدلله علي سلامتك..

افاعيلهم لا تتغير ولا يخجلون مما يفعلون..
.........
.........

حمدلله على السلامة ونتظر اليوم الذى يقدم فيه كلاب الأمن للمحاكمة عن ما إفعلوه فى الشعب السودانى فى بيوت الأشباح .
توقفت عند عبارتان هما

اقتباس:

Quote: احدهم وطلبوا مني الخروج عبر تسلق السور مش قلنا كلاب الأمن

.
اقتباس:

Quote: وصلنا قرية غرب سمت فتوقفوا لاداء الصلاة وعندها تبينت لي ملامحهم وبعد اداء الصلاة بدأ مسلسل التعذيب كانهم امروا بذلك اثناء السجود .نواصل

قال صلاة قال!!
دول تجار دين وكما كررت من قبل إنهم يأخذون من الإسلام الشكل الخارجى فقط مثل الذقن والحجاب والمنظره فى المتاجره فى الصلاة فى الجامع لخداع الناس إنهم مسلمين
مع أن الدين معاملة
يعنى بعد مافعلوه من نط البيوت (مع إن الأدب والسنه تحس المسلمين على دخول الأبواب من أبوابها ولا تجسسوا )
وإهانات وضرب فى أخر يصلون فى الجامع عجبى ؟!
لك المودة

Quote: طيب يا تبارك في الحالة الماثلة قدامنا دي..من الذي يجهل معنى(انسان)..عبد الحكيم الذي جرى تعذيبه أم الناس العذبوه؟؟

سيف النصر محى الدين محمد احمد

أنت لاتستحق الرد

حمد لله علي السلامة ياحكيم

Quote: يعد ان ضاقت بنا المليون ميل بما رحبت ها نحن نعود للتنفس من خلالكم

ونحن هنا في بلاد الله الالكترونية الواسعة .... ورئتانا لك.

المناضل عبد الحكيم.

ألف تحية لك وأنت تقاوم الطغيان.

حمد الله على السلامة.


دينق.

عبد الحكيم كما أعرفك
يعيش الأصح يعيش النضال
وضروري النضال

حمدالله على السلامة

اذا التف حول الحق قوم فانه يصرم اجداث الزمان ويبرم
لك الويل يا صرح المظالم من غد اذا نهض المستضعفون وصمّموا
اذا حطم المستضعفون قيودهم وصبوا حميم السخط ايان تعلم

اغرك ان الشعب مغض على قذى وان الفضاء الرحب وسنان مظلم؟
الا ان احلام البلاد دفيـنة تجمجم في اعماقها ما تجمجم
ولكن سياتي بعد لأي نشورها وينبثق اليوم الذي يترنم

هو الحق يغفي ثم ينهض ساخطا فيهدم ما شاد الظلام ويحطم
غدا الروع ان هب الضعيف بباسه ستعلم من منا سيجرفه الدم
الى حيث تجني كفه بذر امسه ومزدرع الاوجاع لابد يندم

الف حمدالله علي السلامة يا حكيم...وربنا يبعد عنك شرور خلقه

الف حمدا على السلامة و ربنا يشفيك مما ألم بك.

الحمدلله علي سلامتك.. حاولت الاتصال بك ولم اوفق وجود امثالك من من لهم الاستعداد لبذل الغالي والنفيس يطمئننا يا حكيم ولك الف تحية

المجد لك ايها البطل
ولكل شرفاء بلادي المناضلين
والويل للخونة والعملاء وكلاب السلطان

يا تبارك مش عارف مين
حقو تركز شوية و تعرف انت داير تقول شنو ثم بعد داك ترمي درابك ده.
و في الحقيقة يبدو لي أن الأمر و ما عليه انك مجرد زول مسكين .

(رابعا :تغيرت المعاملة بعد ذلك وقام مدير جهاز الامن بالاعتذار بشدة اكثر من مرة وتغيرت معاملته لي حتي لحظة مغادرتي المعتقل ولكنني انسان اولا واخيرا .لا زلت اعاني من ويلات الطريقة التي بها اعتقلت فاسرتي فقدت الامان حيث ان اطفال اخي يعانون من الكوابيس ليلا وتظل الابواب مغلقة ليل نهار وتعاني اسرتي جراء ما حل بهم .وفقدت شخصيا نعمة السمع مما يمنع التواصل بيني وبين اخي مزمل الذي يعاني من فقدان السمع منذ سنوات.)

قق

أخي عبد الحكيم أسعد الله نهارك

حقيقة هذه مأساة محزنة أن تتعامل الأجهزة الأمنية مع المواطنين بهذه الصورة المفجعة التي ينتج عنها أضرار جسيمة وعاهات مستديمة. حرية الرأي بجب أن لا يصادرها أحد أما إن كانوا يعتقدون أنك قد خالفت القانون فعليهم أن يبعثوا لك رسالة لمراجعة أقرب مركز للشرطة خلال سبعة أيام وليس مكاتب الأمن وأقصى عقوبة تكون الغرامة المالية.

الغرامة المالية تستفيد منها الدولة وتعطيك الفرصة للمطالبة بحقك بشكل قانوني.

يجب أن يكون القانون هو الحكم وليست الأهواء السياسية.

تحياتي

حمدلله على السلامة يا حكيم

الف حمد لله علي السلامه ..
وويل للطغاة الجبناء...الذين ترعبهم الكلمه...والمطالبة بالحقوق ...

هنيئا للوطن بامثالك يا حكيم...

ان جردوك من السمع فصوتك بلغ الافاق ... وان غيبوك في السجون فرسالتك قد بلغت مداها...فانت يا حكيم رغم الالم حققت ما كان حلما... ليصير واقعا... فهنيئا لك اخي حكيم...

أوكى .... يا شباب ...


عبدالحكيم نصر ...

ما تقدّم لجوء فى استراليا ......











... المهم ..........

Quote: أوكى .... يا شباب ... عبدالحكيم نصر ... ما تقدّم لجوء فى استراليا ......

والله انت صورتك تدل على ان دمك تقيل

عبد الحكيم حمد الله ألف على السلامة
واثق أن السجن لن يزيدك إلا ( صلابة )

+ و لكن يحز فى نفسى ان ( الباسوورد) اللعين حرمنى من شرف الكتابة فى ( حضرتك ) حينما كنت خلف ( قضبان الظم) و حينما فك ( السجان )
أسر ( جسدك ) و هو لا يعلم أن السجن ( الحقيقى) هو أن ترهن عقلك و روحك لأشياء ( تتنافى ) مع القيم ( الإنسانية) !

+ و عزائى أن ( عقلك ) ظل ( متحرراً) منذ وعيت الكون فماذا يجدى سجن ( الجسد ) حينما يكون العقل متحرراً؟

+ أما المدعو ( تبارك ) الذى ( ينضح إناءه بما فيه ) فلا يرى الدنيا إلا بمنظاره ( الإنتهازى ) الذليل.

+ ( المسكين ) لا يدرى أن عبدالحكيم ليس ممن يلهثون وراء ( ذاتهم ) فقد نذر شبابه ( الغض ) و مستقبله كمحامى ناجح و آثر البقاء وسط اهله ( الغبش ) ليكون بمثابة ( الدرع ) الذى يقيهم ( الشرور ) و لن تنصحه ( أنت ) يا ( شاطر ) بالهجرة إلى استراليا او غيرها, الهجرة ( أشبع إنت ) إن شاء الله ( تنفعك ).

Quote: أوكى .... يا شباب ... عبدالحكيم نصر ... ما تقدّم لجوء فى استراليا ......

يا جماعة انتو الود دا بيتهنجك فينا كده مالو؟؟ يا ود ما تشد حيلك معانا شوية
الراجل دا اٍعتقلوه طلعوا دينوا، طلع من المعتقل ما بيسمع يا تقول كلام مفهوم
يا تقفّل ميتينك و تمشى بيتكم.

abubakr salih
___

Quote: يا جماعة انتو الود دا بيتهنجك فينا كده مالو؟؟ يا ود ما تشد حيلك معانا شوية الراجل دا اٍعتقلوه طلعوا دينوا، طلع من المعتقل ما بيسمع يا تقول كلام مفهوم يا تقفّل ميتينك و تمشى بيتكم.

... انا فى البيت ..... انت وين؟












... المهم ....

المهم...

هو أن تحترم ( آدمية) من تخاطبهم و تعمل حساب لمشاعرهم.

و لكن..

Quote: المهم... هو أن تحترم ( آدمية) من تخاطبهم و تعمل حساب لمشاعرهم. و لكن..

.. دا رايك؟

Quote: Quote: المهم... هو أن تحترم ( آدمية) من تخاطبهم و تعمل حساب لمشاعرهم. و لكن.. .. دا رايك؟

دة ما رأيى يا (ترابك ) أقصد تبارك
دة رأى اى إنسان ( سوى )

+ و لكن تاكد تماماً أن جرح مشاعر الآخرين ليس بالشىء الصعب و من السهل جداً ممارسته

و ربنا يقدرنا على الصبر و لكن

+ المضطر بركب الصعب

الاخ عبدالحكيم

حمدالله على السلامة
هؤلاء هم خفافيش الظلام من جبنهم وخوفهم يقفون هكذا امام الحق

كما قال الاخ علي سيد وجود امثالكم يجعلنا نطمئن على النوبة وارضنا الطيبة


دمت ذخرا للنوبة

[ كان عدد الافراد الذين جاءوا الي منزلي حوالي 11 فرد ]

الاخ ود نصر

لا يمكن اعتقال الضمير الحى الحر ... بسلاح محمول بفاوات الرجال ..

(منتخب ضد واحد... وهزمتهم شر هزيمة) ..

وعبركم نقول ... اوقفوا حملات اعتقال الشرفاء ..

والمجد والخلود شهداء الحرية ..
و

يا تبارك امشي نوم وللا اعمل ليك حاجة مفيدة..



قعادك في البوست حايجيب ليك الملطشة!!!

هسى فى الآاااخر كدة ....

دايرين عبدالحكيم نصر ...

يقدّم لجوء فى استراليا؟ ولاّ ما يقدّم؟

لأنو بى صراحة حيرتونا ....







.. المهم ...

Quote: هسى فى الآاااخر كدة .... دايرين عبدالحكيم نصر ... يقدّم لجوء فى استراليا؟ ولاّ ما يقدّم؟ لأنو بى صراحة حيرتونا ....

ياتبارك مشكور كتير لانك متمالك نفسك الجميلة ولم تستخدم عبارات وضيعة في البوست دا ، زي الكتبتها بالبورد أمس لعمار نجم الدين..

ياتبارك انت زول مشهور جداً على مستوى السودان وخارجه !! أنت ماعارف ولاشنوا؟؟؟.

أنا بقرأ ولسة مخلوعة...حسبنا الله ونعم الوكيل...ألف حمد لله على سلامتك عزيزي...وما تتنازل عن حقك

كل التضامن معك أخ عبدالحكيم.....

وذلك أضعف الأيمان....

هل من المعقول أن تبارك و تماضر شقيقان....سبحان في خلقة شئون....

لك اللة أخي حكيم...فاللة يمهل ولا يهمل

دوريكن

ستتواصل قصة إختطاف عبد الحكيم غداً

رأفت




حكيم


ادهم

الحال من بعضو


دوووراكين

قرأت حكايتك المؤلمة يا سيد حكيم نصر لأول مرة ..

كنت أحاول أن أرصد الممارسات غير القانونية أو الاجرامية من سياق القصة ولكن للأسف كانت كل خطوة اتخذوها ضدك وكل ممارسة مارسوها فى حقك عبارة عن ملف لجريمة كاملة ..

والحكاية هنا ليست الادانة والشجب ولكنه الألم الذى يعتصر من يسمع هذه الحكاية ومن يتخيل شعور الاطفال وبقية الاسرة والجوار وقد دخل قلوبهم الخوف، وليس هناك أشد عذابا من الخوف عندما يدخل القلوب

أما دخول الرعب وتهديدهم لك بالقتل فى مرات متعددة فهذا تأثيره أسوأ كثيرا من أن لو كانوا قد فعلوها حقا ...ونحمد الله على سلامتك ونجاتك من الموت المحقق ...وهذا كله

أقل خسارة اذا قارناه بفقدان السمع، والاحساس بالغبن الغلبة والاستقواء والاستكبار الذى مارسوه عليك، فهم كثر، مسلحون ،يقودون عربة ، فى مقابلك أنت وحيد ، أعزل ومطاطىء ومغلوب عليك،

أما حكاية الاعتذار والمعاملة الكريمة من الرجل النوبى هذه ..فأرجو أن تزيدنى علما فيهما ..اذا لم يزيد ذلك من آلامك التى تبدو أنها تزداد كلما جلست للكمبيوتر ...

أهم ما فى الأمر أننى وآخرون ، نتابع بغضب ..سردك المؤلم ...وقلوبنا معك ، ومع كل المقهورين العزل وضحايا التعذيب... وعلى استعداد لمعاونتك أذا أردت منا ذلك ...




(أرجو أن يكون مقصد الشقيق تبارك هو التعاطف مع الضحية وليس السخرية منه...ولعل التعبير قد خانه فقط..فأنا أعرف انسانية تبارك ووقفته مع المظلوم ...(كما تقول الاغنية ."ما بصدقكم ده حبيبى الروح بالروح ")

Quote: فأنا أعرف انسانية تبارك

احتمال يكون اتغير..

Quote: احتمال يكون اتغير..

أكيــــــــــــــــــد

Quote: أرجو أن يكون مقصد الشقيق تبارك هو التعاطف مع الضحية وليس السخرية منه...ولعل التعبير قد خانه فقط..فأنا أعرف انسانية تبارك ووقفته مع المظلوم ...(كما تقول الاغنية ."ما بصدقكم ده حبيبى الروح بالروح ")

الفنانة الجميلة الجليلة تماضر:
ما حدث لشقيقي عبد الحكيم هذ كل (انسان) صاحب ضمير (ولا انكر علي شقيقك الانسانية ...) لكن

شقيقك جبل علي التهكم علي كل ما يكتب ضد (الحكومة) ... قد يكون بعضها في شكل (خستكة) لكن

عندما يتهكم باستمرار ويفرغ معظم البوستات الجادة من مضمونها ويحول مسارها ويوصم بعض الشخصيات

بنعوت تافهة مثل (تاجر الشعب) للشاعر (الانسان) محجوب شريف عندها من (حقي ان اشك) في انسانية شقيقك

خصوصا وهو يدافع عن حكومة اقل ما يمكن ان يوصف بها افرادها (بالوحشية وعدم الانسانية)...

عموما ليس ذنبا ان يكون تبارك شقيقك فقد تعرفنا عليك منذ منتصف الثمانينات ولازلنا نفتخر

بان يكون لنا فنانة سودانية عظيمة مثلك ... بل اكاد اجزم ان معظم افراد الشعب السوداني يفتخرون

بك وباشقائك (المقداد ورشا...)

وايضا لا ننسي مساهماتك وشقيقتك رشا في اليوم النوبي العالمي بلندن وتضامنكم ضدانشاء السدود

في المنطقة النوبية...

ختاما اتمني ان يراجع تبارك مواقفه ويرجع لجادة الصواب يدافع عن كل الظلومين كما تقولين..

وان يحفظ الله كل السودانيين من كل سوء....

اتمني توثيق هذا الموضع تأكد ان لكل ظالم يوم

المناضل ان قسوة الجلاد تحلو طالما انك ثابت علي المبادي و القيم النبيلة التي تناضل من اجلها

التعذيب و الضرب هذه هي لغة الجبناء فقط

لا يوجد ظالم تركه الله سبحانه و تعالي استمر في ظلمة للناس

سوف تشرق شمس الحرية في القريب العاجل

؟؟؟؟؟؟؟؟؟؟؟؟

اتمني توثيق هذا الموضع تأكد ان لكل ظالم يوم

المناضل ان قسوة الجلاد تحلو طالما انك ثابت علي المبادي و القيم النبيلة التي تناضل من اجلها

التعذيب و الضرب هذه هي لغة الجبناء فقط

لا يوجد ظالم تركه الله سبحانه و تعالي استمر في ظلمة للناس

سوف تشرق شمس الحرية في القريب العاجل

؟؟؟؟؟؟؟؟؟؟؟؟

الفنانة الانسانة تماضر،،،
محبتي وتقديري،

كلماتك أمينة وصادقة كما عهدناك دائماً..ولي ان أتخيل مدى حزنك وألآمك على ما أصاب المناضل حكيم.
فأنت دوماً نصيرة للحق..كما لي أن أتخيل مدى الحزن الذي أصابك من سخرية تبارك من ألآم أخونا حكيم.
فارجوا ان تعرفي ياست الكل باننا نعرفك ونعرفك أسرتك الكريمة وكل أهلنا يكنون لكم محبة واحترام ..
.. السخرية والاستهزاء فيما قاله الاخ تبارك هنا بالطبع لايمثلكم..وأتمنى ان يصدق ظنك في تبارك
وان يبادر بالاعتذار علناً للاخ حكيم عن كلامه الجارح إن كان هو فعلاً لايقصد ماقال حسبما تظنين به خيراً..

لابد من محاسبة المجرمين ..
التحية لك يا عبدالحكيم رمز الصمود.

المناضل عبدالحكيم

هؤلاء السفله الساقطين من كلاب الامن وعصاباته دوى العاهات النفسيه المريضه والتى تعبر

ممارساتهم الاجراميه عن معادنهم الصدئه النتنه سيدفعون ثمن اجرامهم بتعديبكم غاليا-

وان غدا لناظره قريب .

الاخ عبد الحكيم .. ..
ارجو اكمال الحادث لاننا منتظرين .. ولازم توضح كل الحاصل
خاصة اسماء المتسببين

Quote: عندما يتهكم باستمرار ويفرغ معظم البوستات الجادة من مضمونها ويحول مسارها ويوصم بعض الشخصيات بنعوت تافهة مثل (تاجر الشعب) للشاعر (الانسان) محجوب شريف عندها من (حقي ان اشك) في انسانية شقيقك خصوصا وهو يدافع عن حكومة اقل ما يمكن ان يوصف بها افرادها (بالوحشية وعدم الانسانية)...

أولاً: قصص الشكوى من التعذيب فى نظرى .... قصص قانونية ذات قيمة أمام القضاء الذى يحاكم التعذيب .... ولكنها مدخل ضحل لأى حوار سياسى أو فكرى ....

وذلك لأن التعذيب يمارس بواسطة كل الأنظمة فى كوكب الأرض وبدون فرز ... وكل من يرفض - بدلاً من أن ينتقد ويقوّم - حكومة على أساس أنها تمارس التعذيب .... فعليه الإتصال بوكالة "ناسا" الفضائية بحثاً عن كوكب آخر للعيش فيه ... فكل حكومات هذا الكوكب تمارس التعذيب ... وهى كارثة إنسانية لن نتجاوزها بوصم نظام دون الآخر بطريقة إنتقائية تطابق هوانا وأطماعنا .....

ثانياً: قصص التعذيب تتجاوز الأزمة المحلية وتدخل فى صلب تاريخ الإنسان مع ممارسة السلطة ... وهى بالتالى إبعاد عن الرأى والرأى الآخر فى القضايا المحلية .....

وطرح عبدالحكيم الطاهر لنفسه كـ "ضحية تعذيب" يكسى رأيه السياسى ... قالباً تعاطفياً مع المحنة الإنسانية ... لا يمكن التعامل معه وتسميته إلا بالإبتزاز العاطفى لأغراض سياسية .... وفى ذلك إفساد لأى قيمة فكرية لرأيه السياسى ...

لقد مارست الدولة وسيلة "التعذيب" معه - كما يحدث كل يوم فى كل العالم - للتقليل من قيمة رأيه وموقفه السياسى ... فإن أتى الى هنا بحثاً عن التعاطف الإنسانى ... فلقصته بعد قانونى قوى قد يكون غير مجدى فى السودان ... فننصحه أن يجرّب حظه القانونى فى "أستراليا" .... وله أن يلغى الفكرة إذا أحس بأن فى ذلك تهكم وسخرية ....

أمّا إذا أتى بقصته إلى هنا بحثاً عن الدعم والمناصرة الفكرية والسياسية .... فبئس المدخل وبئس الغرض .... ماذا ترك لمن عذّبوه من إسفاف واتّجار بالقضايا .... هل يعتقد أن فقدان عين أو أذن يعطى رأيه وموقفه الفكرى والسياسى سلطة القبول دون تساءل عن ماهية هذا الرأى الذى أدى إلى رد الفعل هذا، من قبل الحكومة؟

هذا منبر مفتوح على الدنيا .... ويُقرأ فى جميع أركان الأرض ... فإن كان الغرض من القصة هو التبشيع بأعضاء النظام بغرض الكسب السياسى .... فعليه أن يتذكر أن من بين القراء من لا تهمه سمعة النظام ولا يهمه كسبه السياسى .... ويتعامل مع هذا المنبر للبحث والتفكر فى قضايا حقيقية وجوهرية تهم الشعب السودانى .... وعليه يجب على عبدالحكيم نصر التوقف عن الإبتزاز العاطفى وطرح رأيه السياسى والفكرى بموضوعية .....

وإن كان الغرض من قصته هو عرض حالته كحالة إنسانية لضحية تعذيب ... فإن معاهدة "جينيفا" لمحاربة التعذيب .... تضمن له حق اللجوء بعيداً عن معذبيه حماية لما تبقّى من جسده ونفسه .... فى أماكن كثيرة من العالم فى الدول التى صاغت قوانين لجوء محلّية تمشياً مع معاهدة "جينيفا" ..... من ضمنها - على سبيل المثال لا الحصر - أستراليا ....

وكانت جملة واحدة تكفى .... بدلاً من هذا الشرح المطوّل .... ويمكننا الحديث عن رأيه (إذا طرح رأياً) فى مداخلات لاحقة ...








... المهم ......

Quote: أهم ما فى الأمر أننى وآخرون ، نتابع بغضب ..سردك المؤلم ...وقلوبنا معك ، ومع كل المقهورين العزل وضحايا التعذيب... وعلى استعداد لمعاونتك أذا أردت منا ذلك ...

وأود أن أؤمّن هنا على كلام شقيقتى ..... وأؤكد على استعدادى لمعاونتك بأى شكل استطيعه ...

وأن أنقل هذه المقتطفات من المداخلة السابقة ... تجنّباً لتكرارها فى المستقبل .. وهى:

Quote: فكل حكومات هذا الكوكب تمارس التعذيب ... وهى كارثة إنسانية لن نتجاوزها بوصم نظام دون الآخر بطريقة إنتقائية تطابق هوانا وأطماعنا .....

فالموقف الذى يؤدى للحد من ظاهرة التعذيب .... هو دعم الآليات العالمية لبسط معايير موحّدة للعدالة (وهى من خسارات هذا الكوكب من استعرضات أوكامبو المراهقة) فالعدالة الدولية عانت ولازالت تعانى أزمة تحقيق مصالح وأجندات الدول المهيمنة .... عبر لعبة موازين القوى البائسة بمجلس أمن العصور الوسطى الذى لازال يتحكّم فى مصائر الناس دون تعديل ......

Quote: وفى ذلك إفساد لأى قيمة فكرية لرأيه السياسى ...

وأرجو أن يحسب ذلك حرصاً على أن يطرح عبدالحكيم نصر آراءه ومواقفه بنزاهة وحياد وموضوعية .....

Quote: ويتعامل مع هذا المنبر للبحث والتفكر فى قضايا حقيقية وجوهرية تهم الشعب السودانى

مثل قضايا التهميش الإقتصادى والسياسى وبناء السدود فى أرض النوبة .... وفى كل هذه القضايا نرجح الحوار وإعمال الفكر .... ولا يعنى لنا التكتل العرقى والإيديولوجى أى شئ ... مهما كبر عدد عضويته!!!!!





_____________________________________
كنت مسافراً فى الأيام الماضية .... ولكنى أشكر كل من فكّر فى مداخلاتى .... وكلّف نفسه عناء الكتابة والتداخل .... أيّاً كان ...













... المهم .......

والله يا تبارك أحسن حاجة تقدمها إنك ترحمنا من غثائك وثغائك ..
قال مساعدة قال

Quote: أولاً: قصص الشكوى من التعذيب فى نظرى .... قصص قانونية ذات قيمة أمام القضاء الذى يحاكم التعذيب .... ولكنها مدخل ضحل لأى حوار سياسى أو فكرى .... وذلك لأن التعذيب يمارس بواسطة كل الأنظمة فى كوكب الأرض وبدون فرز ... وكل من يرفض - بدلاً من أن ينتقد ويقوّم - حكومة على أساس أنها تمارس التعذيب .... فعليه الإتصال بوكالة "ناسا" الفضائية بحثاً عن كوكب آخر للعيش فيه ... فكل حكومات هذا الكوكب تمارس التعذيب ... وهى كارثة إنسانية لن نتجاوزها بوصم نظام دون الآخر بطريقة إنتقائية تطابق هوانا وأطماعنا ..... ثانياً: قصص التعذيب تتجاوز الأزمة المحلية وتدخل فى صلب تاريخ الإنسان مع ممارسة السلطة ... وهى بالتالى إبعاد عن الرأى والرأى الآخر فى القضايا المحلية ..... وطرح عبدالحكيم الطاهر لنفسه كـ "ضحية تعذيب" يكسى رأيه السياسى ... قالباً تعاطفياً مع المحنة الإنسانية ... لا يمكن التعامل معه وتسميته إلا بالإبتزاز العاطفى لأغراض سياسية .... وفى ذلك إفساد لأى قيمة فكرية لرأيه السياسى ... لقد مارست الدولة وسيلة "التعذيب" معه - كما يحدث كل يوم فى كل العالم - للتقليل من قيمة رأيه وموقفه السياسى ... فإن أتى الى هنا بحثاً عن التعاطف الإنسانى ... فلقصته بعد قانونى قوى قد يكون غير مجدى فى السودان ... فننصحه أن يجرّب حظه القانونى فى "أستراليا" .... وله أن يلغى الفكرة إذا أحس بأن فى ذلك تهكم وسخرية .... أمّا إذا أتى بقصته إلى هنا بحثاً عن الدعم والمناصرة الفكرية والسياسية .... فبئس المدخل وبئس الغرض .... ماذا ترك لمن عذّبوه من إسفاف واتّجار بالقضايا .... هل يعتقد أن فقدان عين أو أذن يعطى رأيه وموقفه الفكرى والسياسى سلطة القبول دون تساءل عن ماهية هذا الرأى الذى أدى إلى رد الفعل هذا، من قبل الحكومة؟ هذا منبر مفتوح على الدنيا .... ويُقرأ فى جميع أركان الأرض ... فإن كان الغرض من القصة هو التبشيع بأعضاء النظام بغرض الكسب السياسى .... فعليه أن يتذكر أن من بين القراء من لا تهمه سمعة النظام ولا يهمه كسبه السياسى .... ويتعامل مع هذا المنبر للبحث والتفكر فى قضايا حقيقية وجوهرية تهم الشعب السودانى .... وعليه يجب على عبدالحكيم نصر التوقف عن الإبتزاز العاطفى وطرح رأيه السياسى والفكرى بموضوعية ..... وإن كان الغرض من قصته هو عرض حالته كحالة إنسانية لضحية تعذيب ... فإن معاهدة "جينيفا" لمحاربة التعذيب .... تضمن له حق اللجوء بعيداً عن معذبيه حماية لما تبقّى من جسده ونفسه .... فى أماكن كثيرة من العالم فى الدول التى صاغت قوانين لجوء محلّية تمشياً مع معاهدة "جينيفا" ..... من ضمنها - على سبيل المثال لا الحصر - أستراليا .... وكانت جملة واحدة تكفى .... بدلاً من هذا الشرح المطوّل .... ويمكننا الحديث عن رأيه (إذا طرح رأياً) فى مداخلات لاحقة ...

كل ما في الامر يا سيد تبارك انك تحاول طرح نفسك كارسطو..
ومع اني لست بطبيب لكني اكاد اجزم انك تمر بمرحلة نفسية معقدة ..
هذه الخذعبلات التى قمت بافراغها هنا لن تخفف عنك ما تعانيه عليك بمراجعة طبيب نفسي ..
املا ان يمن الله عليك بنعمة الشفاء ..
مرحلة الانفلات "والطقيع في الشارع " تبداء بما قد يتراى للمريض انه يرى ما لا يراه غيره وانه امتك الحقيقة وانه العالم ببواطن الامور
والناظر لما تخفيه الصدور وحينها ينظر للناس كلهم على انهم اغبياء و مجانين وانه العاقل الوحيد ..
اللحق نفسك يا رجل..

Quote: كل ما في الامر يا سيد تبارك انك تحاول طرح نفسك كارسطو.. ومع اني لست بطبيب لكني اكاد اجزم انك تمر بمرحلة نفسية معقدة .. هذه الخذعبلات التى قمت بافراغها هنا لن تخفف عنك ما تعانيه عليك بمراجعة طبيب نفسي .. املا ان يمن الله عليك بنعمة الشفاء .. مرحلة الانفلات "والطقيع في الشارع " تبداء بما قد يتراى للمريض انه يرى ما لا يراه غيره وانه امتك الحقيقة وانه العالم ببواطن الامور والناظر لما تخفيه الصدور وحينها ينظر للناس كلهم على انهم اغبياء و مجانين وانه العاقل الوحيد .. اللحق نفسك يا رجل..

نجيب ليك الرد من فوق:

Quote: مشكلتى كالآتى: دخلنا القرن الواحد وعشرين .... ولا زلنا نعانى ويلات دخول العرب السودان والتركية السابقة والحكم الثنائى والإمبرالية والإستعمار الجديد .... ماشة علينا عولمة ونحن لا زلنا نجهل "إنسان" يعنى شنو (إلاّ يكون ضحية تعذيب) ... السودانيين ديل قايلين التاريخ حيقيف ليهم يتضايروا؟ ولاّ فى عدو .... وعندو أطماع .... بكون حنيّن وطيّب ولذيذ؟ ما عندنا أى استعداد لى حياة كريمة .... وقيمنا وتفاصيلنا كلها كذب فى كذب .... ناهيك عن الدفاع عن باقى الخير الفينا .... ... أها .... أهى دى المشكلة .... واعيش فى نار كل يوم .... أرجو الحل السريع .... وشكراً المعذّب ... تبارك شيخ الدين

إلحأنى ... يا ضكطووووووور ......














... المهم .....

الاخ عبدالحكيم

الف حمدا لله على السلامة
يا عنيد
الخونة واالمنافقين من ابناء النوبة معروفين ولا بد من القصاص منهم ان طال الزمن او قصر وان فجر الحرية اتى لا محالة
الاخ تبارك ؟
انت مش ابن الاستاذ شيخ الدين جبريل وشقيق هشام وتماضر ورشا والمقداد ؟
ياخى انت مشهور كما قال لك الاخ سيف النصر وما محتاج تشتهر من خلال سودانيزاونلاين!

Quote: الاخ تبارك ؟ انت مش ابن الاستاذ شيخ الدين جبريل وشقيق هشام وتماضر ورشا والمقداد ؟ ياخى انت مشهور كما قال لك الاخ سيف النصر وما محتاج تشتهر من خلال سودانيزاونلاين!

؟؟؟؟؟؟؟؟؟؟؟؟




؟؟؟؟؟؟؟؟؟؟

السيد تبارك ..

نحن هسي المطلوب مننا شنو بالظبط؟؟

نقول لعبد الحكيم الفيلسوف تبارك قال التعذيب ده حاجة عادية و بتحصل في كل العالم؟؟

ونقول ليه بطل ابتزاز لمشاعر الناس ؟؟ يعنى شنو عذبوك و فقدت سمعك..ما دي بتحصل حتى في الدول الغربية؟؟

ونقول ليهو دي حكومة وطنية وكويسة حتى لو كتلتنا كلنا ده لمصلحة تراب الوطن؟؟

ولازم تعمل اكتر من كدة علشان تحمى الوطن مننا لاننا مغيبين عن الوعي والاعادي بستخدمونا لاهدافهم؟؟

ولا كلنا كدة بربطة المعلم نخش لينا كورس علشان نتعلم "معنى كلمة انسان" علشان نصل لفهمك الراقي؟؟

بس انت قولينا نعمل نشو علشان تحل عننا؟؟

يا سيد تبارك نحن ناس فهمنا على قدرنا ما ضيع زمنك معانا ..امشى افتح ليك بوستات و ناقش فيها كل افكارك النيرة..

واوعدك نحن بسطاء الفهم الما بنعرف معنى كلمة انسان ما بنحيك بهناك..اخد راحتك ..حلل ..شخص..وعندما تصل لحل

افتح بوست جديد واعلن اختراعك.. بس ارجوك حل عننا..

Quote: بس انت قولينا نعمل نشو علشان تحل عننا؟؟ يا سيد تبارك نحن ناس فهمنا على قدرنا ما ضيع زمنك معانا ..امشى افتح ليك بوستات و ناقش فيها كل افكارك النيرة.. واوعدك نحن بسطاء الفهم الما بنعرف معنى كلمة انسان ما بنحيك بهناك..اخد راحتك ..حلل ..شخص..وعندما تصل لحل افتح بوست جديد واعلن اختراعك.. بس ارجوك حل عننا..

بدل توزيع الديباجات على الخصوم السياسيين ....

لو خليت "حوار الطرشان" دا ... يا حسين نوباتيا ..... واتعلّمت تحترم "الرأى الآخر" ....

تكون ما قصّرت ..... وانا مستعد استنّاك .... لغاية ما فهمك يتطوّر شوية ....










... المهم ....

اولا يا سيد تبارك انا ما بعتبرك خصم سياسي لانى ما عارفك شايت على وين ..

ثانيا وينو الراي الاخر المفروض نحترموا ؟؟ التهكم والاستهزاء والسخرية من انسان فقد سمعوا عشان بدافع عن اهلوا ؟؟

انت اخر من يتكم عن احترم الراي الاخر وانت تهزاء من الام الناس بكل برودة وعنحهية وتكبر وترفع ؟؟

تمشى علي على مشاعرنا بمساميرك و عايزنا نقعد نسمع في كلامك اللا في سما لا في الواضة ده..

وكل الناس الفي البوست ده طرشان وحضرتك حامل لواء المعرفة ؟؟..كلهم طلبوا منك تكف اذاك عننا

لكنك كنت تسخر مننا جميعا..

وارجوك ما تسناني لاني فهمك ده والله لو عشت فوق عمري عمرين ما بصلوا ..

علشان كده قلت ليك امشى بفهمك الراقي ده افتح بوستات تانية لناس اكثر وعيا من من في هذا البوست

عسى ولعلا تجد ما تصبو اليه..

أين عبد الحكيم يا ادهم لعله بخير ارجو أن تطمئنا عليه ولك الود والاعزاز

حسن نوباتيا اخوي رجاءاً انساه فحالته ( هوبليس ) ولا يمكن معالجتها فوفر وقتك الثمين ولك الود

يبدو فعلا أن حالتك هوبليس يا سيد تبارك لكن لا بأس من مراجعتك عسى أن يستقيظ على
الأقل حسك الانساني و حساسيتك تجاه موضوع هو من اخطر ما يهدد أي أمل في عمل سياسي
ناضج و صحيح في السودان أو في العالم إن صح كلامك عن أن التعذيب ظاهرة عالمية
مصاحبة بالضرورة لجدل الرأي و الرأي الآخر..
كل المنظمات المهتمة بحقوق الانسان في العالم تنشط اساسا في ناحية توثيق و نشر
ممارسات التعذيب و قمع حق الناس الاصيل في التعبير عن ارائهم و مواقفهم..باعتبار
أن التوثيق هو الخطوة الأهم في منع التعذيب إذ أن رهان قوى التسلط و الارهاب هو في
الصمت..صمت الضحايا و صمت المجتمع ,,الصمت الذي يتيح لها أن تمرر اجندتها و خططها
و هي تبدو في مسوح القديسين تكسوها البراءة و النوايا النبيلة.

Quote: وأود أن أؤمّن هنا على كلام شقيقتى ..... وأؤكد على استعدادى لمعاونتك بأى شكل استطيعه

كيف كنت ستبدي رغبتك النبيلة هذه لو لم يتحدث عبد الحكيم عن تعذيبه علنا؟؟
ثم كيف سمحت لنفسك أن تحاكم نوايا الرجل بتصويرك للأمر بأنه محاولة لكسب عواطف الناس؟؟
و كيف امكنك أن تساوي بين الضحية و الجلاد ؟؟

Quote: كيف كنت ستبدي رغبتك النبيلة هذه لو لم يتحدث عبد الحكيم عن تعذيبه علنا؟؟

صحي


يلا فلسف لينا دي

الف حمدا لله علي السلامه

الرجاء من لاخ عبد الحكيم مواصلة سرده..

وليعزرنا لو طاشت سهامنا وكلماتنا في ارجاء غير مقصودة..

ياهو قدرنا يا عبد الحكيم ان نقتسم الوطن مع شريحة تعذبنا واخرى تهزاء منا لو صرخنا من هول التعذيب!!

وشكرا لك اخي علي سيد همد على النصيحة..

كلام منطقي 100%

تحية واحتراما
القومة ليك يابلد
تسلم تسلممن كل بلاء

غبت عنكم لظ روف خارجة عن ارادتي لاواصل سرد ما حدث .بعد وصولنا دنقلا طلبت دخول دورة المياه فطلبوا مني ان يكون الباب فاتحا وبعدها رجعت الي الحوش واوقفوني بجوار سور المبني وبعد دقائق جاء شخص يرتدي جلابية واتجه نحوي واخذ بتلاليبي قائلا (بالله دي خلقة بني آدم انا ممكن اديك طلقة وادفنك هنا ومافي زول يعرف مكانك ) ما لزم ذكره ان حالتي كانت بائسة بفعل ما تعرضت له ومع غبار الطريق والبلل اصبحت هيئتي رثة مثل من ذكرهم مصطفي عثمان اسماعيل المهم توجه الي المكتب واقتادني سائق العربة التي اقلتني الي هناك بمجرد دخولي رفع ورقة طبعت من النت عليها ما كتبته وعليها المعلومات الشخصية عني بخط اليد وسالني (الكلام ده كتبتوا؟)فرددت بالايجاب ليبادرني بصفعة قوية علي خدي الايسر وحاول تكرارها الا انني تفاديتها فقام الاخر بخنقي وكتم انفاسي فالتفت اليه للتخلص منه وعندها تلقيت صفعة قوية علي اذني الايمن وسمعت طنة كبيرة واضاءت الدنيا امامي ومادت بي الارض ووقعت ارضا وفقدت وعيي الا انهما واصلا الضرب بصورة هستيرية ركلا ولكما قائلين (خنخصيك وحننيكك)حنجيب ليك زول عشان يحشر ليك)عشان ما تتكلم فوق البشير .انت زول عميل .انت حبشي انت ما سوداني .انت ما سمعت مدير الجهاز قال شنو ؟وواصلوا ضربي بوحشية عجيبة.ويجبرونني علي الوقوف ثم اضرب لاقع وهكذا.ويتم اخراجي للحوش واجراء تحريات ثم اعادتي وتكرار المشهد.حتي منتصف النهار حيث تم نقلي الي مبني امن محافظة دنقلا وايداعي زنزانة .يتم اخراجي منها كل فترة للتحقيق معي ثم اعادتي الي حيث كنت وهكذا.حوالي الساعة الثانية اتي المدير وطلبني في احد المكاتب وواصل اساءاته ووصفه لي بالعمالة واعدت الي الزنزانة .عند الرابعة احضر لي الال لاول مرة منذ الصباح .وعاد المدير حوالي الثامنة وتم استدعائي لتكملة الاستفزازات وهددني بتصويري عاريا وعرضي علي الانترنت .عند اعادتي الي الزنزانة كان يهم بالمغادرة وسال فرد الامر الذي تولي امري انتو الزول ده لو دخلتوهو الزنزانة ما حينوم ويرتاح .وكان هذا امر بعدم النوم الذي حرمت منه حتي الصباح بالادارة الداخلية والتحري حتي شروق الشمس من الشرق حيث عدت للزنزانة .وجاءني مدير وحدة دنقلا الصباح وسالني عن صحتي .ثم جاي المدير بعده وسالني :نمت كويس؟ فقلت نعم .انت عيونك دي محمرة كده مالها ؟فقلت (ده تاثير الضرب)فقال ما في زول ضربك في عينك.فقلت انني ضربت منذ تحركي من البيت حتي دنقلا وان اذني لا تسمع من اثر ما حدث لي في مكتبك.فغادرني دون ان يتكلم. وعاد حوالي الساعة الحادية عشر ليخبرني بانه اتصل باهلي وطلب ارسال ملابسي لانني ربما ارحل للخرطوم وان اخواني سياتون في الغد من الخرطوم.احسست بتغير في نبرته.عند خروجي لدورة المياه وجدت ان شخص اخر قد تم اعتقاله واليكم قصته.نواصل

Quote: قائلين (خنخصيك وحننيكك)حنجيب ليك زول عشان يحشر ليك)عشان ما تتكلم فوق البشير

لا اله الا الله
بالله دا اسلوب ناس عندهم ضمير او انسانية..
هذا الاسلوب ليس غريبا لمن هم مولودون داخل مجاري المدن
هذا الاسلوب ينم عن أن من تفوه به مفعول به.
لك الله يا ايها الكوشي العظيم

سلامات يا حكيم

ضريبة نضال ،،

و الليل بكرة بنقضي ويطول مسانا بالحجي ....


كنت أنت في ظلمات زنزاناتهم ،، لكن منابر العالم الحرة كانت في إشراقات سيرتك :

Quote: السودان : الإجراءات الانتقامية لقرار اعتقال البشير تبدأ باعتقال ناشط إنترنت نوبي القاهرة في 11مارس 2009. قالت الشبكة العربية لمعلومات حقوق الإنسان اليوم أن أجهزة الأمن السودانية قامت باعتقال ناشط الانترنت النوبي السوداني عبد الحكيم عبد الرحمن نصر الناشط في " المنتدى النوبي العالمي http://www.nubian-forum.com/vb" على الإنترنت ، في يوم الأربعاء الماضي 5مارس الحالي ، عقب كتابته لموضوع يؤيد قرار المحكمة الجنائية الدولية بتوقيف الرئيس السوداني عمر البشير ، حيث قامت أجهزة الأمن بالاستيلاء على كلمة المرور الخاصة بعبد الحكيم عبدالرحمن في المنتدى وقامت بحذف أكثر من 300 موضوع كتبها نشطاء الموقع ، قبل أن يتدارك القائمين على الموقع الأمر وتغيير كلمات المرور مرة أخرى. وكان عبد الحكيم عبد الرحمن قد اعتقل في مدينة دنقلا السودانية ، بعد ساعات من كتابته مؤيدا لقرار المحكمة الجنائية بتوقيف البشير ، كجزء من سلسلة من الموضوعات التي تتناول قسوة الشرطة السودانية ضد المواطنين السودانيين. وقالت الشبكة العربية لمعلومات حقوق الإنسان"كنا نظن أن قرار المحكمة الدولية بتوقيف البشير سوف يدفع الحكومة السودانية لتخفيف قبضتها البوليسية ضد الشعب السوداني ولو لفترة مؤقتة ، ولكن اعتقال الناشط عبد الحكيم جاء ليوضح أن الحكام الطغاة لا يسلكون سوى طريق من اتجاه واحد ، وهو القمع". و الشبكة العربية تطالب الحكومة السودانية بالافراج الفوري عن عبدالحكيم عبدالرحمن وعد إضافة جرائم جديدة لسجلها المتخم بالانتهاكات ، والتي باتت الصحافة السودانية بشقيها "المطبوع والإليكتروني" هدفا لهذه الانتهاكات

المصدر: الشبكة العربية لمعلومات حقوق الانسان




.....

أرجو إرسال رقم تليفونك علي الإيميل :

[email protected]

عبدالقادر

الزميل عبد الحكيم والزملاء الاكارم
تحياتي
نعم انهم كلاب مسعورة تنهش اجسادنا دون وازع من دين او انسانية فقد باعوا ضميرهم يوم ان ارتضوا تعذيب المواطنيين العزل
يستأسدون علي الشعب السوداني وهم نعام امام من يغتصب ارض الوطن
اشهد معك علي اهوالهم من حلال تعذيبي ليلة 20 مارس وفجر 21 مارس كم هم ساقطون والفاظهم من القبح لا تشبه سواهم والتشفي والسعادة بالتعذيب هي حالة مرضية يتنافسون فيها
كل صنوف التعذيب الجسدي والمعنوي الذي مارسوه في حقنا يوضح مديالخوف من هؤلاء الجبناء ومن يأمرهم من الكلمة
والان فضحهم وتعريتهم اقسي عليهم من كل ما اذاقونا من عذاب
لولا ظرفي السئ الان لواصلت ولكن لي رجعة
تبا لنظام يقتل ويحارب بنيه
ولك التحية عبد الحكيم

العزيز سردوب
يطمنني وجودك بجانبي حاولت الاتصال بك
عبر اصدقاء ولكنني فشلت حتما سالاقيك ولكني اتمني
ان يكون اللقاء قريبا
لك ودي

كامل تضامني اخ عبدالحكيم ..انت شامخ وسيكتب التاريخ عنك

ثباتك جعلهم اقزام ...سر في درب النضال دمت لنا ولارضنا الحبيبه

عندي سؤال ..الزول البخرمج ده بتاع سجارات ولا فاطي سطر ؟؟؟

فوق لمزيد من الاطلاع علي جرائم النازيين الجدد

فلنعمل سويا من اجل ايقاف
التعذيب

الف حمدالله علي السلامة يا حكيم...وربنا يبعد عنك شرور خلقه

يا تبارك أنا أتلمت حتى البكاء من استهتارك،، أرجوك أخرج من هنا ولاتعود

Quote: كيف كنت ستبدي رغبتك النبيلة هذه لو لم يتحدث عبد الحكيم عن تعذيبه علنا؟؟

افلسفا ليك ... انت والمعاك ....

طبيعة عملى اليومى بترتبط بى تعامل لصيق ومباشر مع ضحايا التعذيب كمترجم بمحكمة الهجرة الأمريكية ....

وهى نفس طبيعة العمل ... العلّمتنى ما أخوض فى التفاصيل الشخصية .... ولا أنظر لمسألة التعذيب كموضوع سياسى .....

إنما كموضوع انسانى .... وقانونى ...


...


....


.. ولعلمك انا بسمع يومياً حكايات تشيّب الراس .... من جميع أنحاء العالم ..... وبعمل البقدر عليهو .... عشان تكون فى عدالة عالمية ونظام مساءلة وتفعيل لمعاهدة جنيفا ضد التعذيب ....

بتضرر كناشط فى حقوق الإنسان وكناشط فى السلام من تسييس مخالفات حقوق الإنسان ...

واشتكيت قبل كدة من "أوكامبو" .... وهسى بشتكى من أى طرح سياسى محشور فى حكاية عبدالحكيم نصر .... لأنو استخدام الحادثة دى للكسب السياسى ... فى رايى الشخصى ... ابتذال!

وهو عندو حقوق قانونية بسبب الحادثة دى .... بنصحو يسكّها وما يتنازل عنّها ..... وفى نفس الوكت ما يتاجر بيها سياسياً .... يخلّيها فى الحدود القانونية ... عشان يخدم القضية الإنسانية .... يكون اسمو عندو رد فعل إيجابى كضحية لى فعل سلبى .....








.... والخزّان تطير عيشتو .... الداير ينسّينا إنسانيتنا .... ويخلينا نتاجر بأى شى ....

















... المهم ......

Quote: واشتكيت قبل كدة من "أوكامبو" .... وهسى بشتكى من أى طرح سياسى محشور فى حكاية عبدالحكيم نصر .... لأنو استخدام الحادثة دى للكسب السياسى ... فى رايى الشخصى ... ابتذال!

كيف تقول ان استخدام الحادثة للكسب السياسي .. نحن لسنا سياسيون يا سيد نحن ندين التعذيب مهما كان وليست لدينا حيلة لايقافه واذا كنت تتلذذ بتعذيب الناس فانت شخص مريض او سادي.. اتعجب من اناس نزعت الرحمة من قلوبهم ويناصرون المعذب (بكسر الذال) ويريدوننا ان نتوقف لمساندة المعذب (بفتح الدال)

Quote: طبيعة عملى اليومى بترتبط بى تعامل لصيق ومباشر مع ضحايا التعذيب كمترجم بمحكمة الهجرة الأمريكية ....

دعاية لا بأس بها في السيرة الذاتية

Quote: وهو عندو حقوق قانونية بسبب الحادثة دى .... بنصحو يسكّها وما يتنازل عنّها

زول بيقول كلام زى ده معناه خارج الشبكة تماما....مطشش
ماعارف الحاصل فى السودان شنو ذاتو
ماتضيعوا زمنكم معاهو
--------------------------------------

الاخ عبد الحكيم كامل تضامنى معك

Quote: دعاية لا بأس بها في السيرة الذاتية

حأعمل دعاية سطر واحد بعد تمانية سنين شغل؟ ... ووزارة العدل الأمريكية - البقدم ليها خدماتى - بقت من قراء سودانيزاونلاين عشان اعمل دعاية هنا؟ ... انت يا زول راسك دا ما حلو؟

Quote: زول بيقول كلام زى ده معناه خارج الشبكة تماما....مطشش ماعارف الحاصل فى السودان شنو ذاتو ماتضيعوا زمنكم معاهو

انا بعرف البحصل فى السودان أو أى حتة تانية فى المستقبل شنو لو فى عقل واخلاق .... وغياب العقل والاخلاق عن السودان حاليا ما بيبقيهو حالة ميؤوس منها ..... نحن ... انا وانت وعبدالحكيم ... كلنا مسؤولين من اعادة معايير قيمية وعقلانية للممارسة السياسية فى السودان ....

لأنو اسهل شى الفوضى .... وفى الفوضى الظالم والمعذب بقعد ظالم ومعذب .... والضحية بقعد ضحية ....

والقانون بتم تفعيلو بالممارسة ... وما ضاع حقٌ وراءه مطالب ....

فى دستور انتقالى بيكفل ليهو حرية التعبير .... وبيمنع تعذيبو ... وفى مجموعة أوامر محلية سارية المفعول بتتناقض مع الدستور .... وفى تاريخ ممارسات أمنية بتتناقض مع الدستور والأوامر المحلية .... يعنى معضلة قانونية!

مافى زول قال المطالبة بالحق ساهلة .... والبصعب على عبدالحكيم نصر ... يقول صعب على .. ونحن بنشارك بالراى فى كيفية التصرف .... وبعمل المستطاع .... ولو كنت دا أنا .... ما كنت حأخلى حقى ... وحأقبل أى مساعدة بتحقق لى العدالة ......


دى الشبكة .... انت وين؟










... المهم .....

Quote: مافى زول قال المطالبة بالحق ساهلة .... والبصعب على عبدالحكيم نصر ... يقول صعب على .. ونحن بنشارك بالراى فى كيفية التصرف .... وبعمل المستطاع .... ولو كنت دا أنا .... ما كنت حأخلى حقى ... وحأقبل أى مساعدة بتحقق لى العدالة ......

كلامك كويس ( نوعاً ما ) و لكن...

+ لماذا لجأت إلى التجريح و الإستهزاء فى بداية مشاركتك ؟
و انت لا تعرف اى شى عن عبدالحكيم و كل خلفيتك عنه عنه تلقيتها من البوست الذى كتبه ؟

+ لماذا لم تتعامل من منطلق انك لا تعرف عبد الحكيم و تعرف لا نواياه؟

+ إنسان تعرض للتعذيب و لم يجد متنفساً غير هذا المنبر

+ ما هو المنطق الذ استندت للإستهتار به ( قدم هجرة لأستراليا )


+ بغض النظر عن اى شىء لقد تسببت فى ايذاء مشاعر ( هذا الإنسان )
و لا زلت تسدر فى غيك و تقول لنا ( دة رأيك )

+ كان الأجدر بك ان تتقدم بإعتذار لعبد الحكيم



و لكن كونك تعمل بوزارة الدفاع الامريكية كمترجم و انت تحمل مثل (هذه الافكار )...
انت تتحدث عن ان التعذيب ( امر عادى )
+ إذا كان هذا هو رأيك ( و لم يخونك التعبير ) أنت إنسان غير سوى و من الممكن ان
لا تتوخى ( الأمانة ) فى ترجمة ما يقوله ( الضحايا ) لأنك و بمثل هذه الافكار لا يمكن
أن تكون محايداً.



+ بعدين ما ( تقشر لينا) بالهجرة العاجباك دى شغال مع وزارة الدفاع الأمريكية ولة( وزير الدفاع زاتو )
دة ما بهمنا و لا موضوعنا

2

الف حمدالله علي السلامة يا حكيم...وربنا يبعد عنك شرور خلقه

يا تبارك أنا أتلمت حتى البكاء من استهتارك،، أرجوك أخرج من هنا ولاتعود

Quote: + لماذا لجأت إلى التجريح و الإستهزاء فى بداية مشاركتك ؟ و انت لا تعرف اى شى عن عبدالحكيم و كل خلفيتك عنه عنه تلقيتها من البوست الذى كتبه ؟

عندك البوست دا كلّو .... جيب لى تجريح انا قلتو لى زول ....

بعدين انا قلت "وزارة العدل" Departmant of Justice ما وزارة الدفاع .....
(وفى الزمن الأنا شغال، شغل ناس وزارة الدفاع كان بيدى عشرة أضعاف الدخل لاكين الأخلاق منعتنى)











.. المهم ....

Quote: الف حمدالله علي السلامة يا حكيم...وربنا يبعد عنك شرور خلقه يا تبارك أنا أتلمت حتى البكاء من استهتارك،، أرجوك أخرج من هنا ولاتعود

الصادق شيخ الدين .. ابومريم .... انا آسف انك تتلام حتى البكاء ... وتتعرّض للتعذيب النفسى بسبب رأيى ....

عبدالحكيم عبدالرحمن نصر ..... راجع مداخلاتى ولو عندك احساس انى مفروض اعتذر ليك .... انا مستعد اعتذر ليك ...

القراء الكرام ... اعتذر لكل من افسدت عليه بهجة التشفّى فى الحكومة .... ولكن التعذيب فعل قبيح ... وهذه ليست الطريقة المثلى لمواجهته ...












... المهم .....

يادوب فهمت مرضك !!!!!

قلت لي شغال في وزارة الدفاع؟؟؟؟؟

مريض .......

الأخ عبد الحكيم
حمدا لله على سلامتك. أشعر بخجل و قهر حقيقي لأنني لا أملك إلا أن أعبر لك عن خالص تضامني معك و لا أملك إلا الدعاء بأن ينتقم الله ممن عذبك ابتداءا من الذين قاموا بتعذيبك مباشرة و انتهاءا بالبشير و مرورا بقوش. هذا النظام لم يتغير... نفس الجرائم و نفس الممارسات و نفس الانتهاكات.... يا رب عجل بفرجك و ارفع الكرب عن هذا الشعب الطيب.... أعرف أن هذا كله لا يكفي لكن.... لا خيل عندك تهديها و لا مال فليسعد النطق إن لم تسعد الحال.

بداء الفيلسوف تبارك مستهزاءً

Quote: عبدالحكيم .... قدّم لجوء فى "أستراليا" ..

وفي مداخلة لاحقة اتى بهذه الملاحظة الذكية اللماحة..
ما عارف علاقتها بالموضوع شنو لكني متاكد ان بها ما هو غائب عني..

Quote: ما عندنا أى استعداد لى حياة كريمة .... وقيمنا وتفاصيلنا كلها كذب فى كذب .... ناهيك عن الدفاع عن باقى الخير الفينا ....

وعندما لم يضحك الجمهور من خفة دمة اتى بمحاولة اخرى..

Quote: أوكى .... يا شباب ... عبدالحكيم نصر ... ما تقدّم لجوء فى استراليا ......

وعندما ذاد ضجر الجمهور من اداءه ..استقتل فيلسوفنا ..

Quote: هسى فى الآاااخر كدة .... دايرين عبدالحكيم نصر ... يقدّم لجوء فى استراليا؟ ولاّ ما يقدّم؟ لأنو بى صراحة حيرتونا ....

وعندما لم تاتى هذه "بدخل" ايضا وضع فيلسوفنا قبعة التفكير الجاد ..
وقرر جلد جميع الجمهور خاصة صاحب البوست.. فقال طال عمره وابقاه..

Quote: وطرح عبدالحكيم الطاهر لنفسه كـ "ضحية تعذيب" يكسى رأيه السياسى قالباً تعاطفياً مع المحنة الإنسانية ... لا يمكن التعامل معه وتسميته إلا بالإبتزاز العاطفى لأغراض سياسية .... وفى ذلك إفساد لأى قيمة فكرية لرأيه السياسى ...

وارتفع صوته زاجرا

Quote: وعليه يجب على عبدالحكيم نصر التوقف عن الإبتزاز العاطفى وطرح رأيه السياسى والفكرى بموضوعية .....

وفجاة والجمهور يرتع خوفا .. خفض صوته وقال بحنان..

Quote: وأود أن أؤمّن هنا على كلام شقيقتى ..... وأؤكد على استعدادى لمعاونتك بأى شكل استطيعه ...

وقبل ان يختم اتى بمعلومة مهمة جدا كانت غائبة عن الجميع ..وبها خلاصة الخلاصة و زبدة القول..
واظنه كان يخفيها ليفحم بها الجميع في النهاية ..ولكنى للاسف لم افهمها ..بالتاكيد لقصور في فهمي ..

Quote: طبيعة عملى اليومى بترتبط بى تعامل لصيق ومباشر مع ضحايا التعذيب كمترجم بمحكمة الهجرة الأمريكية .... وهى نفس طبيعة العمل ... العلّمتنى ما أخوض فى التفاصيل الشخصية .... ولا أنظر لمسألة التعذيب كموضوع سياسى ..... إنما كموضوع انسانى .... وقانونى ...

يا له من عبقري انه استطاع ان يفصل بين الفعل و مسببات الفعل ..وفي نفس الوقت له وسائل خفية لازالة الفعل دون المساس بمسبباته..
ولكنه لم يفصح لنا عنها ربما لخوفه من فهمنا القاصر..


وفي الختام وقف و براءة الاطفال في عينيه وقال بصوت رخيم..

Quote: عبدالحكيم عبدالرحمن نصر ..... راجع مداخلاتى ولو عندك احساس انى مفروض اعتذر ليك .... انا مستعد اعتذر ليك

حمد لله ع السلامة ... ربنا ينصرك على من عذبك

...

ارفع دعوى قضائية على افراد الامن العذبوك

يا تبارك ... ما شاء الله عليك ... انت الا يحسو ليك ناس البيت حتي تحاول تحس بالخطأ الانت بتسويه فيها والما بقل عن عملية التعذيب الفعلية زاتو !!!؟؟


الصنديد عبد الحكيم , ضريبة البقاء في ارض الاجداد صعبة جدا .. كنت اتمني اكون معاكم

طول ما انتو وبقية الشباب ماسكين جمر القضية مافي خوف علي الارض والعرض



الاستاذ .. حسين نوباتيا

شكرا لك للتحليل والمتابعة لحالة تبارك شيخ الدين ... فقد اوفيت وما قصرت تب والله




















ـــــــــــــــــــــــــــــــــــــــــــــــــــــــــــــــــــــــــــــــــــــــ
والله يا حسين تحليلك لي تبارك تستاهل عليها تاني جائزة ذي بتاع سيتزن بنك
وفرصة نقول ليك الف مبروك الجائزة يا عظيم

Quote: طبيعة عملى اليومى بترتبط بى تعامل لصيق ومباشر مع ضحايا التعذيب كمترجم بمحكمة الهجرة الأمريكية .... وهى نفس طبيعة العمل ... العلّمتنى ما أخوض فى التفاصيل الشخصية .... ولا أنظر لمسألة التعذيب كموضوع سياسى ..... إنما كموضوع انسانى .... وقانونى ... ... .... .. ولعلمك انا بسمع يومياً حكايات تشيّب الراس .... من جميع أنحاء العالم ..... وبعمل البقدر عليهو .... عشان تكون فى عدالة عالمية ونظام مساءلة وتفعيل لمعاهدة جنيفا ضد التعذيب .... بتضرر كناشط فى حقوق الإنسان وكناشط فى السلام من تسييس مخالفات حقوق الإنسان ... واشتكيت قبل كدة من "أوكامبو" .... وهسى بشتكى من أى طرح سياسى محشور فى حكاية عبدالحكيم نصر .... لأنو استخدام الحادثة دى للكسب السياسى ... فى رايى الشخصى ... ابتذال! وهو عندو حقوق قانونية بسبب الحادثة دى .... بنصحو يسكّها وما يتنازل عنّها ..... وفى نفس الوكت ما يتاجر بيها سياسياً .... يخلّيها فى الحدود القانونية ... عشان يخدم القضية الإنسانية .... يكون اسمو عندو رد فعل إيجابى كضحية لى فعل سلبى .....

Bull####

أشكر الله كثيراً لانه حباني دون غيري بمقابلة العلامة تبارك كم مرة في واشنطن ولم أهرب من مجالسته كما يفعل الكثيرون!

العلامة تبارك قال إنوا:

Quote: بتضرر كناشط فى حقوق الإنسان وكناشط فى السلام من تسييس مخالفات حقوق الإنسان

وقال:

Quote: والخزّان تطير عيشتو .... الداير ينسّينا إنسانيتنا .... ويخلينا نتاجر بأى شى ....

ماشاء الله زي التعابير الفوق دي ما بقولها الاّ زول مفكر عالمي وإذا الناس العاديين في البوست دا ما فهموها دي مشكلتم هم ما مشكلة المفكر تبارك..

* تبارك دا اكان الوهابية مثلاً شاكلوه شديد ممكن يقلب ليهم مسيحي فعشان كدة حبة رأفة يا رأفت وكل المتداخلين به عشان خاطر الجماعة..

تبارك دا سيرتو ساكت بتذكرني قصة القرادة والجمل..

العلامة قال:

Quote: طبيعة عملى اليومى بترتبط بى تعامل لصيق ومباشر مع ضحايا التعذيب كمترجم بمحكمة الهجرة الأمريكية ....

Quote: حأعمل دعاية سطر واحد بعد تمانية سنين شغل؟ ... ووزارة العدل الأمريكية - البقدم ليها خدماتى

أظنوا في تشابه في الاسماء لانوا تبارك شيخ الدين جبريل الراستا بتاع واشنطن داك كان شغال سواق في شركة بتاعت مديكير يمتلكها سوداني..

Quote: تبارك شيخ الدين جبريل الراستا بتاع واشنطن داك كان شغال سواق في شركة بتاعت مديكير يمتلكها سوداني..

ياهو ظااااطووو ..... وامشى اسأل منّى عوض بتاع الطرمبة فى فلوريدا مع نورث كابيتول .. وممكن تخلّى لى تلفونك معاو .... لأنو انا ما اتذكرتك يا احمد عالم ...












... المهم .......

يا أحمد علام أو عليم، اعتذر لك مقدماً على كتابة اسمك لو كانت خطاء

تبارك اعتذر لعبدالحكيم ولكم جميعاً واستجاب لطلبي،، أرجوكم نستمع لبقية القصة والابتعاد عن الهاترات الجانبية

بدوري ايضاً أسجل اعتذاري لكم جميعاً وأخص الأخ الاستاذ عبدالحكيم وربنا يشفيك عضوياً ونفسياً من آلام هذه التجربة القاسية ويدخل الطمأنينة لأسرتكم والامن لسكان المنطقة والسودان أجمع.


صادق شيخ الدين جبريل

Quote: تبارك اعتذر لعبدالحكيم ولكم جميعاً واستجاب لطلبي،، أرجوكم نستمع لبقية القصة والابتعاد عن الهاترات الجانبية

تجنب المهاترات صعب جداً جداً ... لمّا تكون لغة الحوار أصلاً مهاترات .......

للتوضيح:

انا اعتذرت ليك انت عن التعذيب النفسى بسبب المهاترات واللوم والعباطة الإنت اتعرضت ليها .....

واعتذرت لكل من منّى نفسه بالتشفّى فى الدولة بفضح ممارساتها واحبط من رد فعلى .... ووجد أن قضية التعذيب ليست قضية محلية أصلاً ... ولا ميزة تميّز الكيزان عن غيرهم .... وانما هى قضية انسانية مستفحلة فى كل هذا الكوكب .... ومن الخطأ الحكم على الحكومات بصورة انتقائية .....

ولم أعتذر لعبدالحكيم عبدالرحمن نصر ... لأننى لا أرى ما يوجب الإعتذار ... ورغم ذلك أبديت موافقتى على الإعتذار له إذا رأى ذلك مناسباً ... وعليه أن يقول بأن ضرراً شخصياًُ وقع عليه من طرفى وأنا لا زلت مستعد للإعتذار .....









... المهم .....

You're retarded..
__
Mentally challenged..

Quote: You're retarded.. __ Mentally challenged..

أهو ... عندك اقرب مثال لى مستوى اللغة المستخدمة .....



... وانا كنت عارف انو نحن النوبيين ديل .... لساننا حامض .... وحواراتنا يابسة ....

(هم قايلين انا ما جايب القطامة دى "من اندنا" ... بس عاملين ليها شوية تهذيب وموضوعية)











... المهم .....

كتب العلامة تبارك:

Quote: أهو ... عندك اقرب مثال لى مستوى اللغة المستخدمة .....

العلامة الراستا عاوز يوحي للناس بانه إنسان مهذب ورقيق وما بستخدم لغة مهاترات ناهيك عن إستخدام تعابير منحطة..

طبعاً العلامة والمفكر الانساني الفذ متخيل انوا لغته المنحطة الكتبها بحق زميلنا عمار نجم الدين قبل
أقل من ثلاثة أسابيع بهذا البورد غير موثقة!!

فلولا إحترامي لقراء هذا البوست لانزلت هنا نموزج من لغتك المهذبة!! ليس للتشهير بك لان اكثر الناس يقرأون ما يكتب هنا
ولكن بغرض تذكيرك بمستوى اللغة المنحطة التي تكتب بها أنت بهذا المنتدى...

أول مداخلة لي معك كتبت ليك ياخ إنوا إنت زول مشهور جداً ومامحتاج للشهرة عبر هذا الاسلوب الرخيص..

أقول ليك حاجة ياخ...

أنا متاسف جداً جداً على تطاولي بالرد على ما تكتب هنا... لانوا بالجد إنت زول محتاج لمساعدة..

كامل تضامني معك يا تبارك...

اللهم لاشماتة.

كدى ....

انا حأواصل الحوار دا للللآآآآخر ...

واشوفو حا يمشى على وين ....

وفى المدة اشكر تعاطفكم مع حالتى النفسية جداً جداً ....

وأتمنى لنفسى عاجل الشفاء .... كمان


... أها .....










... المهم ......

الصادق اخوي

انت واخوانك علي العين والراس (طبعا بدون تبارك الله)

وانا ايضا اعتذر لك واقول لك اننا لا نحاسب شخص بجريرة اخيه ويكفينا

تضامنك وشقيقتك تماضر وكل اخوتك الرائعين..... ودمتم

Quote: تبارك اعتذر لعبدالحكيم ولكم جميعاً واستجاب لطلبي،،

لانو بدخلكم في مواقف بايخاااااااااا:

Quote: انا اعتذرت ليك انت عن التعذيب النفسى بسبب المهاترات واللوم والعباطة الإنت اتعرضت ليها .....

اتخيل انو بعتذر ليك عن المضايقات اللقيتها بسببو (لوم بس) وما بعتذر لي عبدالحكيم عن (الضرب

والتعذيب) ليهو حق ما انت اخوه وعبد الحكيم في ستين داهية انشاء الله ناس الحكومة يعدموهو....

Quote: ولم أعتذر لعبدالحكيم عبدالرحمن نصر

شفت جنس الفصاحة كيف؟؟؟

Quote: الزول البخرمج ده بتاع سجارات ولا فاطي سطر ؟؟؟

غايتو ما فاطي سطر.........

الاخوة المتداخلين

كما ذكرت سابقا فالاخ (اسمو زين وفعلو شين) مهمته الرئيسية تفريغ البوستات من مضمامينها

لذا الرجاء تجاهله تماما.....

Quote: بعتذر ليك عن المضايقات اللقيتها بسببو (لوم بس) وما بعتذر لي عبدالحكيم عن (الضرب والتعذيب) ليهو حق ما انت اخوه وعبد الحكيم في ستين داهية انشاء الله ناس الحكومة يعدموهو....

أدهم ...

ما شايفك انت اعتذرت لى أخوك عن (الضرب والتعذيب) ...... والله ما ليك حق .... ما أخوك ..... دايرو يغور فى ستين داهية انشالله ناس الحكومة يعدموهو؟












... المهم ....

ادهم اخوي نحن اسرة العم شيخ الدين علي العين والراس نكن لهم الاحترام والحب

لانهم يسعدوننا بفنهم وزوقهم الرفيع ..ويهبونا الخير والجمال والحب ...

نرجع نقول البطن بطرانه...واتمني من الجميع ان لا يردوا لهذا الشخص ...

ونخلي حبيبنا عبدالحكيم يواصل عشان نوثق ملف الجبهه الاجرامي ...

لكم تحياتي

Quote: نرجع نقول البطن بطرانه...واتمني من الجميع ان لا يردوا لهذا الشخص ...

يعنى ما شايف من أسرة العم شيخ الدين ... زول اعتذر لى عبدالحكيم عن (الضرب والتعذيب) ....

ولا من أسرة عبدالرحمن نصر .... ولا من أسرة شمّت زاتو ...


(يبدو أن البطر هو داء البطون الجديد)











.. المهم .....

يا تبارك انت هسه مستمتع بالبتعمل فيهو ده؟؟
واضح جدا انو كلامك القلتو في الأول و كل التبريرات اللاحقة ما مشت على أي زول من الناس المروا على البوست
ده..عشان كده محاولاتك الاخيرة دي ما عندها معنى و عشان كده اسمع نصيحتي و اتخارج من البوست ده و ما تجيهو راجع تاني..

________________________________________________________
ممكن تعمل بوست تقول فيهو أنو التعذيب موجود في كل دول العالم و بتمارسو كل الانظمة
و انو أي زول يتعرض للتعذيب مفروض يسكت ساكت و ما يتكلم عن مأساتو علنا لأنو ده بيفقدو
انسانيتو و بشكك في نزاهتو باعتبارو بيسعى لحشد تعاطف الناس لقضيتو ..و كمان ممكن تنصح
الناس البيتعرضو للتعذيب أنهم يمشو للشرطة و اجهزة الأمن و يفتحوا بلاغات ضدها و ما
يتنازلوا عن البلاغات دي مهما حدث بس بشرط they should keep silent .و ممكن كمان يطلبوا
منك المساعدة و اكيد انت ما حتقصر.

Quote: تجنب المهاترات صعب جداً جداً ... لمّا تكون لغة الحوار أصلاً مهاترات .......

والله حالتك تحنن..
جيت تسخر ما نفع..قلبت فيلسوف ما نفع..عملت انساني شديد ما نفع..قلت التعذيب دة تخصصي براي ما نفع ..عملت بتدافع عن الحكومة ما نفع ..عصرت على الكيزان ما نفع ..
قلت معاهدة جنيفا ما نفع..قلت "نحن" النوبين ما نفع ..
ركز ركز شوية اكيد في حاجة تانية انت ناسيها..
قلت لي لغة الحوار اصلا مهاترات ؟؟ قادر الله!!
__________________________

يا ادهم بالله طمنا على عبد الحكيم..

اعزائي عدنا والعود احمد
فبعد رحلة علاجية عدت لمسقط راسي
وساعود في مقبل الايام لمعاودة الطبيب
اراكم قد انشغلتم كثيرا بمداخلة الاخ تبارك
لا احكي قصتي لاستدرار العطف بل لاظهر للناس
ما حدث لي واكشف للراي العام ما حدث.
وما حدث للاخ سردوب يشيب له الولدان
ساعود لاحكي ما حدث لي .
دعوا تبارك ليكشف عن مكنونات نفسه
فانا يكفيني تضامن الاخت تماضر
وابو مريم لهما مني اجزل الشكر

Quote: ممكن تعمل بوست تقول فيهو أنو التعذيب موجود في كل دول العالم و بتمارسو كل الانظمة و انو أي زول يتعرض للتعذيب

أو ... البوست بتاع عبدالحكيم نصر دا .... يتقرى بى نفس السياق ... فهو - كما يقول - لا يستدر "العطف" (ربما قصد إشارتى "للتعاطف السياسى").

التعذيب قضية رأى عام عالمى .... وليست مشكلة خاصة بالكيزان ... وفهمها بإنتقائية سياسية يضر بقضية التعذيب نفسها ... بنفس الطريقة التى أضرت بها انتقائية المحكمة الجنائية الدولية قضية "العدالة الدولية" ... والتى يدخل التعذيب فى صلبها ...

رأى "سيف النصر" بأن ضحية التعذيب مفروض يسكت ... هو مسؤولية "سيف النصر".



وكتر خيرك يا عبدالحكيم نصر ... من حقك ترفض تضامن الداير ترفضم ....

(تضامنى معاك رُفِض ... وانا ما جايى بضديّة ... فحأواصل التداخل عادى ...)









... المهم ...

المرة دي جاي اشمت عليك ما انا من عائلة شمت

بتعرف شمت واللا شمت الاعادي ...في نوع بقوليك شماك والتاني بشمت عليك

بطل سخف.. قالوا ليك حل عننا...

ثقيل ...

ولا يهمك ياحكيم وربنا يواليك بالعافيه ونواصل ..

Quote: بطل سخف.. قالوا ليك حل عننا...

يعنى سحبوا الباسوورد بتاعتى؟

ولاّ قالوا لى "حل عننا" دى يعنى شنو بالضبط؟

.. البفتح موضوع فى المنبر .... اليبقى قدرو .... ويقبل كل الآراء (لو بيأمن بالديموقراطية) ..... والداير يهتف ويشجع .... دا ما استاد الخرطوم ....

(ولو خالفت قواعد المنبر .... اشتكونى .... والبوست موجود .... وكلامى موجود .... لحدى دلوقت ما رديت على مستوى الضحالة البتتكلموا بيها معاى)












... المهم ....

Quote: ثقيل ...

وغلس كمان

يعنى سحبوا الباسوورد بتاعتى؟

انتي منو.؟؟

ولاّ قالوا لى "حل عننا" دى يعنى شنو بالضبط؟

مابتعرف دي ؟؟ بالله قوم لف...

اوعك تقولي ألف شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هييييييييع جيت برجليك يالمافاطي سطر !!!!!!!!!!!!

أها ... انا قاااااعد ....
(ودا المستوى)
















... المهم .....

Quote: أها ... انا قاااااعد .... (ودا المستوى)

المبروك تبارك...هسي احنا نعتمد مستواك في البوست دا
ولامستواك في بوست عمار نجم الدين؟؟

Quote: المبروك تبارك...هسي احنا نعتمد مستواك في البوست دا ولامستواك في بوست عمار نجم الدين؟؟

ابوماريا..
وانت شايف انو في فرق؟؟

بعدين انا غيرت رائي لانو وجودا ليهو فائدتين ..

واحد برفع البوست باستمرار
اتنين بنتعلم منو معنى انسان يعني شنو!!

صباح ثاني ايامي في المعتقل تم طلبي للمثول امام مدير الجهاز ولمحت اثناء تحركي تجمع افراد
من الامن حول فرد يقف في فناء المبني وهم يوسعونه ضربا .تاكدت ان هنالك معتقل اخر .بعد الظهر تم
دفعه الي داخل الزنزانة وطلبوا منه عدم التحدث معي.حاولت كثيرا الا انه كان رافضا الكلام .بعد العشاء
فتح الباب وسيق الشاب الي الخارج.قبل منتصف الليل طلبت الذهاب الي دورة المياه وعندما سمح لي شاهدت في فناء المبني منظرا لا يمكن ان انساه مدي حياتي(كان الشاب يقف مجردا من كل ملابسه ومجموعة من افراد الامن يتحلقون حوله .قضيت ليلتي لوحدي دون تدخل من افراد الامن الا ان منسوبي الامن من قبيلة البعوض واصلوا مهمة
الامنجية بنجاح منقطع النظير.ظللت مساهرا حتي اذان الصبح حيث فتح باب الزنزانة ودفعوا بالشاب بقسوة الي الداخل وكرروا مقولتهم وحذروه من التحدث معي.المهم وجدته منهارا تماماوحاولت مواساته وتحدث معي بمرارة .
اسمه خالد محمد من ابناء الجزيرة (رفاعة)التحق قبل عامين بجامعة الخرطوم كلية الاداب ومنعته سوء الاحوال المادية من مواصلة دراسته.اضطر للعمل بمهن مختلفة وجمع مبلغ من المال وفكر في الهروب الي ليبيا عبر
دنقلا .وصل دنقلا قبل اعتقاله باربعة ايام .يوم اعتقاله خرج لقضاء بعد اغراضه من البقالة(كان يقيم بزاوية البرهانية)ووجد مجموعه من الناس يتحدثون عن مسالة الجنائية وعند ما تحدث معهم في الامر كان الامنجية من الخلف يطلبون منه التحرك معهم.المهم في الامر ان خالد عند ارجاعه الي الزنزانة بعد اذان الصبح في حالة
نفسية سيئة جراء ما حدث له ليلا .واكد لي ان من قام بتجريده من الملابس هو خالد يوسف (مدير الامن بالولاية)وانه قام بضربه واستفزازه وان افراد الامن ادخلوا خراطيش المياه السوداء في موخرته بطريقة مهينة وظلوا يمارسون معه مثل هذه الافعال بعد مغادرة مدير الامن للمبني واستمرت تلك الممارسات والتعذيب والضرب حتي اذان الصبح.كان حزينا بصورة مستفزة وجاهدت كثيرا لاعيد اليه بعض الطمانينة رغم انني شخصيا كنت افتقدها في ظل ظروفنا الماساوية.كان خالد شابا سودانيا رائعا بسيطا.من اولئك الذين تحس معهم مدي المعاناة التي طالت جيل كامل من ابناء امتنا ,جاءت والدته بعد ان تلقت الخبر يوم الثلاثاء واطلق سراحه بعد مغادرة والدته الي المحطة ولحق بها ولكني رغم انني فقدت انيسي الا ان سررت جدا وتمنيت له التوفيق علي امل التواصل في المستقبل
لا ادري ما الذنب الذي جناه شاب مثل خالد حتي يعاني كل هذه المعاناة.سافر خالد وظللت في زنزانتي وحيدا الي ان جاءني مدير الامن وعلمت منه انه درس بجامعة المنصورة بمصر وانه كان بالسنه الدراسية الاخيرة عندما التحقت اانا بكلية الحقوق جامعة الزقازيق .وعلمت ان فنان النوبة العظيم مكي علي ادريس متزوج من خالته.وبعد هذا يدأفاصل مختلف في سيناريو المسالة.نواصل

ممكن تقول شنو يا تبارك في الكلام الفوق ده..اسكتوا..امشوا اشتكوا..تعالوا لي اساعدكم.
دي عمايل ناس خايفين من مسائلة قانونية في ذمتك ؟؟
زي ديل لو مشى خالد محمد ده اشتكاهم بيلقى حقو ؟؟
غايتو البيحصل ده قبيح شديد لدرجة الصدمة..و لدرجة انو الواحد فعلا بيتمنى لو انو ما كان قراهو.

شكرا دكتور سيف
دعوا تبارك وشانه
الي ان يستبين النصح

عبد الحكيم

يا له من سرد مؤلم..

اغلب الظن انهم فعلوا بخالد ما فعلوه لانه لا وجيع له في دنقلا فهو من رفاعة..فقد امنوا العقوبة لذا اسرفوا في تعذيبه..

صديقي الغالي
عبد الحكيم عبد الرحمن نصر ...
والله إنك تجعلنا نتوارى خجلاً ...

:
:
:

اجعل نضالك مثل ساقية الجروف

تقتادها الثيران مغمضة العيون

لا شيء تبصره

إلا الحنين في هدأة الليل يطوف

الفجر تنساب المياه علي الحقول

فهل..


درت هذه العميان ما قامت به رغم حالكة الظروف ؟!

الاخ ادهم لك تحياتي

وشكرا استلمت الامانه وكله تمام

نسمع كل خير انشاءالله

هذا هو المقال الذي بسببه اعتقلت كتبت هذا المقال في المنتدي النوبي العالمي بتاريخ 4 مارس 2009. (اربعاء باربعاء والبادئ اظلم وموعدنا اربعاء آخر.اليوم اعلنت العدالة الدولية موقفها بعد فشلت العدالة في وطننا الجريح بسط جناحيها وساد بيننا قانون الغاب لفترة تعتبر عهد تيه وعدم بصيرة جرت فيها الدماء انهار دون وازع من دين او اخلاق .نعم نؤيد امر توقيف البشير بعد ان نشر الرعب وسفك الدماء في كل انحاء الوطن فليهنأ محمد فقير وشيخ الدين والمعز والصادق فها هي عدالة السماء لتقتص لشهدائنا والاف الشهداء التي ذهبوا جراء الهجمات التترية الانقاذيةfficeffice" />>>
انتظرنا العدالة الوطنية طويلا كما انتظرها الملايين من ابناء شعبنا المغلوب علي امرهم ولكن شاءت ارادة السماء ان تاتينا العدالة من المجتمع الدولي واصبح سفاكي دماء الابرياء في غير مأمن من ان تطالهم العدالة

صديقي عروة علي موسي
ةينك يا راجل سالت عنك كثيرا
ووصلتني اخبارك عبر عصام دهب
الرجاء ارسال تلفونك عبر الايميل
لك عاطر الشوق والطف الاماني

كامل التضامن مع الاخ عبد الحكيم






هل فعلا سافر الاخ عبد الحكيم إلي سويسرا لحضور مؤتمر
وكيف سافر ... وما طبيعة المؤتمر .. وكيف خرج من السودان
رجاء من الاخوة الاجابة علي السؤال إن كانت لديهم معلومة


كذلك تواترت الانباء عن أنه قرر عدم العودة وإنه طالب بحق
اللجوء بسويسرا ...هل هذه المعلومات المتداولة بين الناس
الان صحيحة وأكيدة ...



فقط لمزيد من المعلومات ومعرفة الحقيقة أو تكذيب ( الإشاعة )

شكراً يا حكيم على الصبر والحكمة ....

لاكين - بما انو الموضوع ماشى فى اتجاه يبقى جادّى - عندى ليك سؤال .... بما انك قلت:

Quote: نعم نؤيد امر توقيف البشير بعد ان نشر الرعب وسفك الدماء في كل انحاء الوطن فليهنأ محمد فقير وشيخ الدين والمعز والصادق فها هي عدالة السماء لتقتص لشهدائنا والاف الشهداء التي ذهبوا جراء الهجمات التترية الانقاذية

الهجمات التترية الإنقاذية ....
عدالة السماء ...
محمد فقير وشيخ الدين والمعز والصادق .....

ديل كلهم علاقتهم بى أمر توقيف البشير شنو؟
(يعنى عشان تأييدك يتفهم!)



_____________________
ولاّ احتمال عشان كدة حشروا للولد الخرطوش فى مؤخرتو (ولامؤاخذة)؟










.... المهم .....

Quote: بما انو الموضوع ماشى فى اتجاه يبقى جادّى

بطريقتك دي عمرو ما ببقى جادي . انت مش كنت نايم ؟؟الصحاك منو؟؟

كامل التضامن مع الأخ عبد الحكيم

والأخ خالد الذي ورد إسمه داخل سياق السرد ..

وليهم يوم أولاد....

Quote: انت مش كنت نايم ؟؟الصحاك منو؟؟

دى اظنها الإجابة الصحيحة ....





... المهم ...