Post: #1
Title: الدستور السوداني والتبشير والارتداد من الاسلام..
Author: Muhib
Date: 03-18-2009, 10:24 PM
الدستور السوداني والتبشير والارتداد من الاسلام..
.....
لدي اسئله وهموم
ماهو الموقف القانوني للمبشر المسيحي في السودان
هل يسمح القانون بالتبشير في كل زمان ومكان
هل هنالك عقوبه لترك الدين الاسلامي والتحول للمسيحيه
هل هنالك عوائق قانونيه في دستور السودان الحالي..
هل يسمح القانون بقيام اذاعات ومحطات تلفزونيه
مسيحيه متخصصه وتبشيريه ...
لدي حلم ان يفتح محمد احمد الاذاعه ليستمع..
هنا اذاعة الانجيل ....
ملايين المنظمات التبشيريه جاهزه بانجيل المسيح
ولكن نود ان نعرف الوضع القانوني للبلد '
ومدي الحريه...
كمسيحي لدي احلام وطموح لرؤية نشاط تبشيري اكبر في السودان
ويهمنا العمل في النور..
...
حابي افكر بصوت عالي معاكم كسودانيين مستنيرين
..مستوي الحريات في السودان تعبان جدا ولازال اهل الحكومه
يهددون بقطع الاوصال والاطراف وكل يوم طالب يقتل اويضرب بسيخ
لانه فقط تحدث في ركن نقاش..
..معرض الكتاب المقدس يقام من فترة لاخري
وحسب علمي يتعرض المعرض للمضايقه من قبل اسلامويين متشددين يقفون
خارج المعرض ويطالبون بمناظرة القائميين بامر المعرض
وهذه المجموعه تشوش علي زوار المعرض المسلمين..
لقد حكي لي هذا الموقف اخ كريم...
....
|
Post: #2
Title: Re: الدستور السوداني والتبشير والارتداد من الاسلام..
Author: Muhib
Date: 03-19-2009, 12:43 PM
Parent: #1
| Quote: هل هنالك عقوبه لترك الدين الاسلامي والتحول للمسيحيه |
|
Post: #3
Title: Re: الدستور السوداني والتبشير والارتداد من الاسلام..
Author: Muhib
Date: 03-20-2009, 01:34 PM
Parent: #2
هل هنالك عقوبه لترك الدين الاسلامي والتحول للمسيحيه
...في دولة السودان ...
ماهو الموقف القانوني ...ارجو المساعده ...
|
Post: #4
Title: Re: الدستور السوداني والتبشير والارتداد من الاسلام..
Author: الطيب عبدالرازق النقر
Date: 03-20-2009, 02:07 PM
Parent: #3
كمسيحي لدي احلام وطموح لرؤية نشاط تبشيري اكبر في السودان
يا سيد مهيب باشا
العافية درجات انت ايه رايك تبدا اولا بالعائلة الكريمة ومعارفك ومن يعز عليك
وتدعوهم للدين الحق وبعد ان يخلعوا من ارواحهم عذار الدين الخاتم
ويستعيضوا عن اله واحد بالهة عدى وعن كتابهم الفرد بكتب شتى
يمكنك ان تعمم الحكاية وتطمح للتبشير فى وطنك واحالته لدولة تخضع لحكم
عدل لورود اخطاء مطبعية
الصليب وتدندن باهازيج النصارى وتلوح بالكتب المقدسة
هى كم يا سيد مهيب بالمناسبة
|
Post: #5
Title: Re: الدستور السوداني والتبشير والارتداد من الاسلام..
Author: Muhib
Date: 03-20-2009, 02:50 PM
Parent: #4
Quote: يا سيد مهيب باشا
العافية درجات انت ايه رايك تبدا اولا بالعائلة الكريمة ومعارفك ومن يعز عليك
وتدعوهم للدين الحق وبعد ان يخلعوا من ارواحهم عذار الدين الخاتم
ويستعيضوا عن اله واحد بالهة عدى وعن كتابهم الفرد بكتب شتى
يمكنك ان تعمم الحكاية وتطمح للتبشير فى وطنك واحالته لدولة تخضع لحكم
عدل لورود اخطاء مطبعية
الصليب وتدندن باهازيج النصارى وتلوح بالكتب المقدسة
هى كم يا سيد مهيب بالمناسبة |
...
الطيب اخوي
شكرا لمرورك الكريم
انا احلامي مشروعه والسودانيين مسلمين شعبين وشعب بحب الحريه
والبهجه والخطيئه لان الكل خاطئ فالانجيل هو الحل لانه قوة الله
تعرف مهما كان نحن اخوان في السودان
علي العموم انت لازلت في زمن النعمه وربنا بريدك...
نحن مسيحنا واحد كتابنا واحد والله واحد
....
مع احلامي المشروعه يهمني معرفة قانون البلد ..في حريه تسمح
لنا بالتبشير وصدقني تبشيرنا بس كلام...ازاعه تلفزيون وجرايد
ومنشورات ومراكز خدمات ومستشفيات واشياء اخري..
وعلي قول المصريين كفايه والتغير آت ومفروض المسلمين يطالبوا بفتح باب الحريات طالما هم واثقين من مرجعيتهم....
|
Post: #6
Title: ادع إلى سبيل ربك بالحكمة والموعظة الحسنة، وجادلهم بالتي هي احسن
Author: نيازي مصطفى
Date: 03-20-2009, 10:25 PM
Parent: #5
اتمنى ان نسمع من الاخوة القانونيين الملمين بالدستور السوداني اجابات على تساؤلات اخونا Muhib
عن موقف دستور السودان وامكانية ان يقوم بالدعوة لدينه .
يا اخ محب ديننا الاسلامي هو دين (ادع إلى سبيل ربك بالحكمة والموعظة الحسنة، وجادلهم بالتي هي احسن) صدق الله العظيم
ودين دعوة للوفاق والتعايش
(قل يا أهل الكتاب تعالوا إلى كلمة سواء بيننا وبينكم ألا نعبد إلا الله ولا نشرك به شيئا ولا يتخذ بعضنا بعضا أربابا من دون الله) صدق الله العظيم
مما يعني انه هناك حوار والحوار يستدعي اراء مختلفة وزي ما بقولوا اهلنا (الحشاش يملى شبكتو).
فانت امشي قول للناس العاوز تدعوهم تعالوا نتجادل واستدل لهم بهذه الايات القرانية اذا قالوا ليك ديننا ما بيسمح
هدانا الله واياك الى طريق الله الهادي الرحيم.
|
Post: #7
Title: Re: ادع إلى سبيل ربك بالحكمة والموعظة الحسنة، وجادلهم بالتي هي احسن
Author: Muhib
Date: 03-20-2009, 11:19 PM
Parent: #6
...الاخ نيازي مصطفي
كلامك جميل ومقبول ... و (الحشاش يملى شبكتو) عندما يكون القانون متساهل ويسمح بالخيار ..
لان السماح وتقبل الموضوع بيسمح للخائفين بالافصاح عن دينهم الجديد ..
بعض الشباب السوداني الذي ترك الاسلام يعيشون المسيحيه في السر ..واحده من احلامي ان يصير الموضوع عادي ولكي يصير الموضوع عادي القانون يجب ان يرحب ويضمن سلامة المرتدين..
وعلي قولك الحشاش يملى شبكتو ..انا واثق جدا من قوة الانجيل
ولهذا ادعوا لكامل للحريات والحوار المفتوح ..
|
Post: #8
Title: Re: ادع إلى سبيل ربك بالحكمة والموعظة الحسنة، وجادلهم بالتي هي احسن
Author: Muhib
Date: 03-27-2009, 06:25 PM
Parent: #7
ارجوكم ابحث عن نص دستور السودان الحالي ..
بحثت ولم اجده..
شكرا ...
|
Post: #9
Title: إنك لا تهدي من أحببت ولكن الله يهدي من يشاء
Author: Amany Elamin
Date: 03-29-2009, 08:15 AM
Parent: #8
محب ازيك:
ليه مصر توري انو السودان فيه كبت للحريات في مسألة الدين..
أو انه السودان بيجبر الناس علي الاسلام؟
أو انه في زول ماسك السيف للمسلمين عشان ما يغيرو دينهم؟
التبشير للدين المسيحي موجود أصلا في الجنوب حيث الغالبيه مسيحيه..
وبتقوم بيه العديد من المنظمات..
يامحب السودان فيهو حرية أديااااااان, وماسمعنا عن زول غير دينه وقتلوه..
ولا زول جبروهو علي الاسلام..
فبالله عليك ما تحاول تورينا انه في ظلم وللا اكراه في ديننا!!
واضح انك عاوز تقوم بالتبشير بين المسلمين!!
بس بالله قبل ما تبدأ التبشير في السودان,
تعال أقنعنا نحن المسلمين المثقفين المامحتاجين لاعانات من الكنيسه ديل,
برأيك وجاوب علي أسئلتنا بوضوح,
وقارعنا الحجه,
وقبل كده أثبت لينا انك كنت مسلم !!!
|
Post: #10
Title: Re: الدستور السوداني والتبشير والارتداد من الاسلام..
Author: داليا حافظ
Date: 03-29-2009, 11:41 AM
Parent: #1
الأخ محب
مساء سعيد
Quote: لدي حلم ان يفتح محمد احمد الاذاعه ليستمع..
هنا اذاعة الانجيل ....
|
حلم مشروع ...وإستخدامك لمحمد احمد فيهو ذكاء وبعيد عن الدلالة الدينية ، أو هكذا فهمت .
Quote: ماهو الموقف القانوني للمبشر المسيحي في السودان
هل يسمح القانون بالتبشير في كل زمان ومكان
هل هنالك عقوبه لترك الدين الاسلامي والتحول للمسيحيه
هل هنالك عوائق قانونيه في دستور السودان الحالي..
هل يسمح القانون بقيام اذاعات ومحطات تلفزونيه
|
في دستور 98
Quote: حرية العقيدة والعبادة
المادة 24
لكل إنسان الحق فى حرية الوجدان والعقيدة الدينية، وله حق إظهار دينه أو معتقده ونشره عن طريق التعبد أو التعليم أو الممارسة ، أو أداء الشعائر أو الطقوس ، ولا يكره أحد على عقيدة لا يؤمن بها أو شعائر أو عبادات لايرضاها طوعاً ، وذلك دون إضرار بحرية الاختيار للدين أو إيذاء لمشاعر الآخرين أو النظام العام ، وذلك كما يفصله القانون.
|
نشره أظنها والله أعلم تعني التبشير ، وعدم إكراه أحد أظنها تعني لاي فرد الحرية في إختيار الدين الذي يريد ..ولم يذكر إستثناء .
أما الدستور السوداني الإنتقالي (2005) الفصل الأول ديباجة نحن أهل السودان في الجزئية دي بيقول :
| Quote: الدين، والمعتقدات، والتقاليد، والأعراف مصدر قوة معنوية وإلهام للشعب السوداني. (ج) التنوع الثقافي والاجتماعي لشعب السودان أساس للتماسك القومي ولا يجوز استغلاله لزرع الفرقة. (د) سلطة الحكم وصلاحياته تستمد من الإرادة الغالبة للشعب والتي يعبر عنها في انتخابات حرة ومباشرة ودورية وذلك في اقتراع عام للبالغين. مشاكوس: 1-1 و401 مصادر التشريع: 5/ (1) تكون الشريعة وإجماع الشعب مصدراً للتشريعات التي تسن على المستوى القومي وتطبق على الولايات خارج جنوب السودان. (2) يكون الإجماع الشعبي وقيم وأعراف الشعب السوداني، بما فيها تقاليده ومعتقداته الدينية التي تأخذ في الاعتبار التنوع في السودان، مصدراً للتشريعات التي تسن على المستوى القومي وتطبق على جنوب السودان أو ولاياته. (3) في حالة وجود تشريع قومي معمول به حالياً، أم يتم سنه، وكان مصدره دينياً أو عرفياً، يجوز للولاية; وفقاً للمادة 26 (أ) في حالة جنوب السودان; التي لا يعتنق غالب سكانها ذلك الدين أو لا يمارسون ذلك العرف أن:- (أ) تقترح تشريعاً يسمح بممارسات أو ينشئ مؤسسات في تلك الولاية تلائم دين سكان الولاية وأعرافهم. أو (ب) تحيل القانون الى مجلس الولايات لإجازته بأغلبية الثلثين، أو تبتدر إجراءات لسن تشريع قومي تنشأ بموجبه المؤسسات البديلة المناسبة. بروتوكول مشاكوس: 3-2-2 و3-2-2 الحقوق الدينية 6ـ يجب على الدولة احترام الحقوق الدينية التالية:ـ (أ) العبادة والتجمع المتصل بشعائر دين، أو معتقد وإنشاء أماكن لتلك الأغراض، والمحافظة عليها. (ب) إنشاء وصون المؤسسات الإنسانية والخيرية المناسبة. (ج) صنع وحيازة واستعمال الأدوات والمواد اللازمة والمتعلقة بطقوس وعادات أي دين أو معتقد. (د) كتابة وإصدار وتوزيع المطبوعات الدينية. (هـ) تدريس الدين أو المعتقد في الأماكن المناسبة لهذه الأغراض. (و) استقطاب واستلام المساهمات المالية الطوعية أو أي مساهمات أخرى من أفراد أو مؤسسات عامة أو خاصة. (ز) تدريب أو تعيين أو انتخاب أو استخلاف القادة المنسابين حسبما تتطلبه مقتضيات ومعايير أي دين أو معتقد. (ح) مراعاة أيام العطلات، والاحتفاء بالأعياد والمناسبات طبقاً لهدي العقائد الدينية. (ط) الاتصال بالأفراد والمجتمعات في ما يتعلق بأمور الدين والعقيدة على المستويين المحلي والعالمي. |
لكن في النص اعلاه ما حتلقى الكلام ده واضح كما في دستور 98 .
شكرا لفتح موضوع هام وحساس .
على فكرة أنا ما قانونية لكن عجبني الموضوع .
|
Post: #11
Title: Re: الدستور السوداني والتبشير والارتداد من الاسلام..
Author: Muhib
Date: 03-30-2009, 03:09 PM
Parent: #10
اماني كيف حالك وسلامات..
البوست لطرح اسئله مشروعه وليس للتقليل من شأن حريات السودان المتاحه q
حقيقي امنيتي يكون مافي سيف علي رقاب السودانيين الراغبين لممارسه
حريه ترك دين واعتناق آخر ...
بالنسبه للتبشير اتمني يكون في كافة ارجاء السودان ..
...
ولكي الود
...
الاخت داليا حافظ
سعيد بالطله
مشكوره علي
الاهتمام ومدي ببعض المعلومات المتوفره ..
|
Post: #12
Title: Re: الدستور السوداني والتبشير والارتداد من الاسلام..
Author: شول اشوانق دينق
Date: 04-01-2009, 01:16 PM
Parent: #11
كتب محب:
| Quote: كمسيحي لدي احلام وطموح لرؤية نشاط تبشيري اكبر في السودان |
فرد عليه الطيب عبد الرازق النقر:
Quote: يا سيد مهيب باشا
العافية درجات انت ايه رايك تبدا اولا بالعائلة الكريمة ومعارفك ومن يعز عليك
وتدعوهم للدين الحق وبعد ان يخلعوا من ارواحهم عذار الدين الخاتم
ويستعيضوا عن اله واحد بالهة عدى وعن كتابهم الفرد بكتب شتى
يمكنك ان تعمم الحكاية وتطمح للتبشير فى وطنك واحالته لدولة تخضع لحكم
عدل لورود اخطاء مطبعية
الصليب وتدندن باهازيج النصارى وتلوح بالكتب المقدسة
هى كم يا سيد مهيب بالمناسبة |
ردك الفوق ده يا الطيب تحقير وتقليل من ديانات الآخرين بالمناسبة!!!
القاليك إنو المسيحيين عندهم آلهة عدة منو يا بطل؟!
وليه بتقلل من الصليب وأهازيج النصارى والكتب المقدسة بالطريقة التهكمية ده ياخ؟!
يا جماعة إحترموا عقولنا ومافى داعى للكلام ده يا الطيب
_________________
متى سنتعلم إحترام الآخر؟؟؟!!!
|
|