Post: #1 Title: أسماك صغيرة فى بحر الزمن ... Author: Tumadir Date: 08-31-2007, 02:20 PM Parent: #0
كنا نتبع الاسارات الملونة فى نفق المترو..
كنا نتبع هذه الاشارات الملونة فى صمت صاخب
كانت أجسادنا تتكتل فى المضائق ..وتتناثر فى المواسع بآلية منظمة ..
يصعد جسدنا الموحد فى السيور الكهربائية و ينزلق نازلا بطعم ملح موحد..
نحمل حقائب ثقيلة تكاد محنوياتها تتوحد أيضا، فكلنا يمتلك بطاقة التأمين وبطاقة اثبات الشخصية ونوتة صغيرة للتلفونات الهامة ..وبعض الاشياء التى تتشبث بنا ..فلا تتركنا وحالنا وتتكدس فى حقائبنا، وبالطبع تذكرة الدخول لهذا النفق ..
النفق يبتلعنا كل صباح ويلفظنا فى آخر الليل ...
ينام المخمورون منا فى مقاعده الخشبية وتتدلى أطرافهم فى اهمال ..
يقف الشحاذون فى نقاط هامة وينتظرون بصبر يكفى نزول المطر فى صحراء الربع الخالى ..
بنظرة واثقة وثاقبة تنفذ الى جميعنا ..كما الشمس من الثقوب...
ورجال حفظ أمننا النشطون يمارسون أتهامهم الصامت لنا ويرسلون الشفرات عبر رؤوسنا
المتراصة كما تتراص الحيتان على شاطىء كسول..
والموسيقيون منا يحصدون عملات نقدية زهيدة فى قبعاتهم ثمنا لقيمة أسعادنا العابر ونحن نشق عباب اليوم، والناصحون منا يلقون بوصاياهم لنا ويبذلون تجاربهم وحكاياتهم على أرصفة القطار، والمراهقون منا يمارسون شقاراتهم السرية البائسة وكأن وجودنا المكثف ذاك لم يكن، والعجزة والاطفال منا يتكئون على أذرعنا فيؤجلون سعارنا فى التوحد مع هذا الزحام المؤدلج..
يبتلعنا فى الصباح ويلفظنا هذا النفق فى آخر ساعات الليل... نمضى متعبين الى بيوتنا ..ويحتفظ النفق لنا بذكرى حضورنا اليومى .
اشياؤنا كانت متناثرة فى أرضيته المحايدة، محايدة لأنها لا تحبنا ولا تكرهنا ونحن أيضا محايدون.
اشياؤنا: صحف لم نكمل قراءتها، مناديل ورقية متطايرة، أكياس السندوتشات التى لم نفلح فى القائها فى صناديق القمامة، تذاكر فاقدة لأهليتها، رسائل حب صغيرة ,ارقام تلفونات ضلت طريقها الى يد المعشوق، ...شمسيات خرجت من دورنا علنا سهونا عن حالة الطقس بعد أن ابتلعنا ظلام النفق وعبقه،
وأهم ذكرانا التى يحتفظ لنا بها هى روائحنا ...رائحة الحياة وهى تختلط بالوقت والاشارات الملونة والزحام، رائحة اسماك صغيرة فى بحر الزمن.
Post: #2 Title: Re: أسماك صغيرة فى بحر الزمن ... Author: تاج السر حسن Date: 08-31-2007, 02:33 PM Parent: #1
Quote: فى أرضيته المحايدة، محايدة لأنها لا تحبنا ولا تكرهنا ونحن أيضا محايدون.
تأمل ومتابعه وأعجاب (محائد) جدا !!!!!!!
Post: #3 Title: Re: أسماك صغيرة فى بحر الزمن ... Author: Tumadir Date: 08-31-2007, 02:41 PM Parent: #1
Quote: تأمل ومتابعه وأعجاب (محائد) جدا !!!!!!!
شكر وتحية محائدة ...
Post: #4 Title: Re: أسماك صغيرة فى بحر الزمن ... Author: رقم صفر Date: 08-31-2007, 02:45 PM Parent: #3
لست محايدا ، سعيد جدا بعودتك للكتابه
مرحب بيك كمان وكمان
Post: #7 Title: Re: أسماك صغيرة فى بحر الزمن ... Author: Ishraga Mustafa Date: 08-31-2007, 02:51 PM Parent: #4
وجات تماضر بلغتها السلسلة الواعية
اهلا بالاسماك الصغيرة فى بحر الزمن....
بس ياتماضر تناسيتى الاسماك الكبيرة... مفروض تكون ابتلعتنا آآآآآخ نسيت.... الاسماك الكبيرة مكانها نفق آخر مكدسا فيه شوقنا لبكرة البنرتاح فيهو من التعب
وبركة الجيتى وبركة نضارة حروفك
Post: #6 Title: Re: أسماك صغيرة فى بحر الزمن ... Author: Abureesh Date: 08-31-2007, 02:51 PM Parent: #3
Post: #12 Title: Re: أسماك صغيرة فى بحر الزمن ... Author: Tumadir Date: 08-31-2007, 03:26 PM Parent: #1
Quote: لها فى الذاكره , ما للقمارى من شجن .. على طبلة ..أذن الكون ..
خطاب والله ذكرتنى لمن سارية كان فى سنة أولى ابتدائى ..وطبعا الاولاد فى العمر ده بحبو "القوة والضخامة" نسبا الى أجسادهم الضئيلة وآمالهم الكبيرة ..
فأدوهم فى المدرسة صورة "اصحاب الفيل" ...جه البيت مبسوووووووط ...قال لى: ماما ..اصحاب الفيل كيف؟؟ وأيدينو مفرورات بالجنبة كده دليل الشحم والقوة ....
أها طبلة أذن الكون دى ..بتكون أكبر طبلة ...الا يدقوا بيها لى عرس "اصحاب الفيل" بتاعين سارية ديل....وهاهاها ...ألف شكر على "المررو"...ياصديق
Post: #13 Title: Re: أسماك صغيرة فى بحر الزمن ... Author: Tumadir Date: 08-31-2007, 03:28 PM Parent: #1
سمعة ...
الكفار حطب النار ...
وليه مارسلت لى الصور؟؟؟ ماقلت بيزنيس!!!!
تحياتى "الضافية" للبت الحلوة ..هدى وسواسيوها
Post: #14 Title: Re: أسماك صغيرة فى بحر الزمن ... Author: ابو جهينة Date: 08-31-2007, 03:43 PM Parent: #13
تماضر حبي لك بلا حدود
Quote: شمسيات خرجت من دورنا علنا سهونا عن حالة الطقس بعد أن ابتلعنا ظلام النفق وعبقه،
شمسية أحملها منذ زمن و لا أرغب في فتحها .. عسى أن تهطل منك أمطار كهذه تنعش وجوهنا المتعبة .. شكرا لهذا الرذاذ..
Post: #15 Title: Re: أسماك صغيرة فى بحر الزمن ... Author: EL fahal Abdelatif Date: 08-31-2007, 04:35 PM Parent: #14
تماضر ..سلامات..
نص يقدر ما هو جميل بالوان الحياة....
فيه نبض اليوم والساعة...
ومهارة حساسة فى الامساك بحراك الشارع..
تحياتى ...
.مزيدا من الابداع دوما..
Post: #16 Title: Re: أسماك صغيرة فى بحر الزمن ... Author: tmbis Date: 08-31-2007, 04:39 PM Parent: #14
Quote: يبتلعنا فى الصباح ويلفظنا هذا النفق فى آخر ساعات الليل... نمضى متعبين الى بيوتنا .. ويحتفظ النفق لنا بذكرى حضورنا اليومى .
الحاجة الغريبة يا تماضــر: وبفرق منك حبتين إنو أنوار النفق الجوانية مع شوية الضلام الفيهو بتساعد الواحد على إنو يعد ( الخطرات ) بتاعات العربات القدامو .. ( ونمـر ) العربات.. أوعــه تكوني ما قاعده ( تعدي ) ( الخطرات ) ( ونمر ) اللوحــات ..؟؟ غايتو أنا أهم حاجة عندي لما يبلعني النفق ده .. وأطلع منو بطلع عادي الخطرات ... وحافظ كم نمره كدا .. حاولي عدي .. ( عددان ) المظلوم دائما مستجــاب . خاصة لما يكون داخــل نفق مظلم..
تصوير التفاصيل الدقيقة ... حلو جدا خاصة البتكون جايطه للواحد في راســو .. كويس إنك حليتيني من مسالة النفق ده لانو عامل لي هاجس يومي .. الطلعه والمرقه.. كدا كويس يا تماضر ..
Post: #17 Title: Re: أسماك صغيرة فى بحر الزمن ... Author: omar altom Date: 08-31-2007, 05:20 PM Parent: #1
تماضر
نهارك سعيد
الظاهر لقيتي زول غسل ليك العدة وفضيتي لينا ( )
لابد - في اي مترو - من وجود حبيبين ضائعين......وخريطة لقاع المدينة .......ينزلون في المحطة الخطأ....وتبدا رحلة من القبلات بين ال إن باوند....والآوت باوند.....الجميل في الامر ان تزكرة مترو (واحدة) ....تكفيهم للبقاء تحت الارض.....لآخر محبة.
تسلمي ياجميلة
Post: #20 Title: Re: أسماك صغيرة فى بحر الزمن ... Author: Osman Musa Date: 08-31-2007, 09:06 PM Parent: #17
.... اشياؤنا صحف لم نكمل قراءتها مناديل ورقية متطايرة أكياس السندوشتات التى.............سندوشتات __ بختكن يدكن فى الشعيريه لى الكوع. يازوله نحنا ندخل القطار بلا تزاكر ولا تساريح ندخل والسعف ربط ربط والمناجل والحبال ومقاطف التمر ماتديك الدرب السفه فى الخشم والحقه ملانه وعلبة البرنجى تشرب وتخلى الباقى نغنى مع الزكار ( قطار الشوق متين ترحل تودينا لكن السندوشتات ماحقتكن هاكن الدوم ده. سلامات
Post: #18 Title: Re: أسماك صغيرة فى بحر الزمن ... Author: Tumadir Date: 08-31-2007, 08:49 PM Parent: #1
Quote: تماضر حبي لك بلا حدود
دى لمن تجى من زول كتاب وجميل مثلك( يا أبجهينة ا) ..فحينئذ غرتى لى صرتى ...
ولا أخفى لك الله أثرا.....
شكرا مديدا
Post: #19 Title: Re: أسماك صغيرة فى بحر الزمن ... Author: Tumadir Date: 08-31-2007, 08:56 PM Parent: #1
Quote: نص يقدر ما هو جميل بالوان الحياة....
فيه نبض اليوم والساعة...
ومهارة حساسة فى الامساك بحراك الشارع..
حراك الشارع ونبض اليوم ..هما أتنان من همومى الازلية ، كثيرا ما حلمت بالامساك بهما مضرجتين بدماء اللحظة ..وبخار المكان .. وما هما الا بسراب ..يهيم بسببهما معظم الهائمين فى وعر هذه العنقاء المسماة بالفنون ...
فشكرا على ضبطك لى أرتكب معصيتهما المستحيلة ...وشكرا لعبورك الأغر.
Post: #21 Title: Re: أسماك صغيرة فى بحر الزمن ... Author: Tumadir Date: 08-31-2007, 09:12 PM Parent: #1
أنا لو أخرجت مسرحية قريب ده حتكون ..اسمها "ادب الزحام" ...الناس يأتون أفواجا للمكان ..يرتحلون عبره الى أمكنة أكثر متسعا لأشيائهم ..وينقلبون الى بيوتهم وهم منهكون ...نحن أبناء الزحام ..لو كان لنا نفق مثل الذى عبرت عنه سالفا أو فى حواشة أو مظاهرة أو بيت عرس .كلها قريبة الى "قلمى" وعندما تجتمع الكلمة والتوجه فى الامكنة .أطرب كثيرا..كيف أعبر لك عن ما أحب...؟
Post: #26 Title: Re: أسماك صغيرة فى بحر الزمن ... Author: Tumadir Date: 08-31-2007, 11:39 PM Parent: #1
Quote: عند إختفاء المسارح تخلقون من حروفكم مسارح ذات شخوص حيه وترسمون لها خيال سريع وحركه تمتد عبر خطوط الطول غير منتبهه لخط الإستواء...
هذه الحياة متعددة الزوايا ..نقبع فى أركانها ونتاول ضوءها مشروعا للتأمل فجميل منك أن ترى ما لم يراه سواك ..
وشكرا لمداختك المتأملة يا عبد الله داش ..وحسن ظنك
Post: #27 Title: Re: أسماك صغيرة فى بحر الزمن ... Author: أحمد الشايقي Date: 08-31-2007, 11:43 PM Parent: #1
والله كلام جميل يا تماضـر
عجبني شديد
وليك تحيـة
أحمـد الشايقي
Post: #28 Title: Re: أسماك صغيرة فى بحر الزمن ... Author: Tumadir Date: 08-31-2007, 11:43 PM Parent: #1
Quote: تماضر حبيبتنا سلام عليكي يوم تكتبي ويوم تظهري في البورد! تشكري على هذه الزوادة الدسمة لك مودتي
وسلام عليك يوم ولدت...ياخالد العبيد ...
ولك ولأسرتك آلاف التحايا الطيبات ...
شكرا لمودتك العامرة
Post: #29 Title: Re: أسماك صغيرة فى بحر الزمن ... Author: SAIF MUstafa Date: 09-01-2007, 00:58 AM Parent: #1
الآسـتاذة تمـاضر
قبل قليل لفظـــنى مـترو دى سى..قـلت أشوف الليلة الناس كاتبة شـنو..لفت نظرى العـنوان ... باريت الأ سـماك وإذا بى فى المـترو .. تانى ...... دا حب إستطلاع شـنو البودينى للمـترو يوم الجمعة وكمان معاها عطلة.... الله يجازيك ... أهو رغم إنو ما معاى سودوكو ركبت حتى محطة المترو أقصد البوست الأخـيرة... وبصـراحة دا مترو ـ بوسـت لطييييف... عشان كل الناس الفيهو ديل أنا بشوفهم وهم لا...
يســلم قلمـك
Post: #30 Title: Re: أسماك صغيرة فى بحر الزمن ... Author: Tumadir Date: 09-01-2007, 02:03 AM Parent: #1
Quote: قبل قليل لفظـــنى مـترو دى سى..قـلت أشوف الليلة الناس كاتبة شـنو..لفت نظرى العـنوان ... باريت الأ سـماك وإذا بى فى المـترو .. تانى ...
يعنى كده نقول يا سيف ..مترو دى سى لفظك ..ورماك فى مترو "الألفاظ" ؟؟
قالو .. البشوف مصيبة غيرو تهون عليه مصيبتو وأهلا بك فى البوست ..طالما عجبك ..أدفع حق تذكرتك ...وقنب زى ما داير ....هههه ...شكرا ليك ياخى
Post: #31 Title: Re: أسماك صغيرة فى بحر الزمن ... Author: يازولyazoalيازول Date: 09-01-2007, 10:54 AM Parent: #30
والله كلام
Post: #32 Title: Re: أسماك صغيرة فى بحر الزمن ... Author: Yasir Elsharif Date: 09-01-2007, 12:03 PM Parent: #1
Quote: وأهم ذكرانا التى يحتفظ لنا بها هى روائحنا ...رائحة الحياة وهى تختلط بالوقت والاشارات الملونة والزحام، رائحة اسماك صغيرة فى بحر الزمن.
والساقية لسة مدوِّرة.. .. ....
راس نميري مطلب شعبي..
وساقيتنا لسة مدورة ولسة لسة ولسة لساااا مدورة..
سلامات يا تماضر وشكرا..
Post: #33 Title: Re: أسماك صغيرة فى بحر الزمن ... Author: Adil Osman Date: 09-01-2007, 12:52 PM Parent: #1
من الذى يريد ان يحول الافراد الى قطيع متشابه ومتطابق؟ هذا النظام المحكم فى القطارات والانفاق والارصفة والشوارع وتخطيط المدن وتمدين الخطط وتقسيم العمل والمكاتب وفسحة الغداء ووماكدونالد وجداول السفر والبصات ومواقف السيارات وواشارات المرور وزحمة الشارع حين تلفظ المكاتب سكانها المؤقتين، كل هذا النظام والصرامة لماذا؟ ولمصلحة من؟ الاقتصاد السياسى لمدن القرن الواحد والعشرين؟ أم طفل يلهو بلعبة الميكانو؟ ولن اتصور ماذ سوف يحدث لو قام هذا الطفل بهدم ما يبنى ويخطط كل صباح؟ سوف تلفظ المكاتب بشرها وورقها وكمبيوتراتها واقلامها وموكيتها وتكييفها المركزى جدآ ولمبات نيونها البيضاء جدآ ومبردات مياهها وكراسيها ذوات العجلات ووكرفتتات مدرائها واسكيرتات سكرتيراتها ومكنات بيع قهوتها وباردها وارقام ابوابها السرية وغفرائها وزبائنها المهاجرين واللا مهاجرين واجهزة انذار حرائقها وابوابها الدوارة ببوشها وبولها push, pull ااه تعبت تعبت القى حروف زى حروفك العجيبة وكتابتك الخطرة. خطرة بالفعل لأنها تبعث على التفكير والضحك الذكى. شاهدت مرة ديفيد ليترمان يستضيف ال فرانكين الكاتب الساخر الذى كان مرشحآ لمجلس النواب. اول شئ قاله فرانكين حين قدمه ليترمان كان: ( ديفيد انت رجل تجعل الناس يضحكون بمرحك. ولكنه مرح المهرج clown. أما أنا فإننى اجعل الناس يضحكون وفى الوقت نفسه يفكرون. ذلك أننى كاتب ساخر satirist) الله يحفظك ايتها المعتوهة!
Post: #34 Title: Re: أسماك صغيرة فى بحر الزمن ... Author: انور الطيب Date: 09-01-2007, 01:40 PM Parent: #33
Quote: وأهم ذكرانا التى يحتفظ لنا بها هى روائحنا ...رائحة الحياة
ما أحلاها من ذكرى .....
نص جميل حلقت معه بعيدا وهيج في من الذكريات الكثير .......
Post: #35 Title: Re: أسماك صغيرة فى بحر الزمن ... Author: Mutwakil Mahmoud Date: 09-01-2007, 06:11 PM Parent: #1
طماطم وأنا لافي في شارع مافي.... ومترو فاضي تحت الأرض.... عاينت لقيتك إنت الفي ما ومن الذي أثار فيك كل هذه الشجون... بعد كل هذا البيادالشتوي... أهو جنون اللحظة... عند حافري الكلمات...أم هو هذيان العبقرية.. نقرأ وننتشي ياالبنت الحديقة سلام مربع كما تقول شيري د.متوكل ممود
Post: #36 Title: Re: أسماك صغيرة فى بحر الزمن ... Author: معتصم الطاهر Date: 09-01-2007, 09:01 PM Parent: #1
Quote: ينام المخمورون منا فى مقاعده الخشبية وتتدلى أطرافهم فى اهمال ..
يقف الشحاذون فى نقاط هامة وينتظرون بصبر يكفى نزول المطر فى صحراء الربع الخالى ..
ورجال حفظ أمننا النشطون يمارسون أتهامهم الصامت لنا ويرسلون الشفرات عبر رؤوسنا
و هكذا .. يا تماضر .. تأخذين صورة عابرة و تصنعين منها جمالا .. هكذا نحبك أكثر ..
Post: #37 Title: Re: أسماك صغيرة فى بحر الزمن ... Author: fadlabi Date: 09-01-2007, 09:08 PM Parent: #1
لا حولاااااا يا تماضر
و الله إنتي كتاااااااااااابة شديد خلاص
ياخ ربنا يحفظك و الله أنا سكرت بكلامك الفوق ده..
Post: #38 Title: Re: أسماك صغيرة فى بحر الزمن ... Author: Siham Elmugammar Date: 09-02-2007, 04:21 PM Parent: #37
تماضر شارع المطار الساعه 4 ونص ضهركيف و الا اقول ليك شارع المك نمر من الساعه 11 و انتى ماشه
نتشارك الزهج العام و حفر الطريق اشياؤنا هموم لا حلول لها نحلم بأن نكون منشنين مهره فنودعها صناديق القمامه هى نسيت لا توجد لنا مثل هذه الصناديق فى السودان فنودعها مصارين المغسه..
شوق بلا حدود لك و لمسرح لن تكتشف بعد سنه ان مخرجه كان جبهه فى ذى ديمقراطى فيصيبك الغثيان و تكفر بالناس
------------------------ اها نفق العفراء فى السكه ...!!!!
Post: #39 Title: Re: أسماك صغيرة فى بحر الزمن ... Author: عزيز عيسى Date: 09-02-2007, 05:08 PM Parent: #1
العزيزة تماضر بت شيخ الدين،
بدون مجاملة إنت وأبوجهينة ومنصور المفتاح وسلمى الشيخ وغادة عبدالعزيز خالد وآخرون لم تسعفني الذاكرة بإستحضار أسمائهم تكتبون حلو الكلام السلس والمختصر المهضوم الذي يمكن أن يتذوقه القاريء بكل سهولة. يا ريت الناس تكتب مثلكم.
سعدت بقراءة سطور ما خطه قلمك الراقي من حروف رائعة. لك مني تحية تقدير وإعجاب.
Post: #40 Title: Re: أسماك صغيرة فى بحر الزمن ... Author: Raja Date: 09-02-2007, 05:51 PM Parent: #1
تماضر يا حبيبة..
أيوة كده..
أعدلي مايلة المنبر بحروفك الموزونة..
الزول بقى زي الفي مكان تاني لما ما يقرأ ليكم..
حبي الوافر
Post: #41 Title: Re: أسماك صغيرة فى بحر الزمن ... Author: Osman Musa Date: 09-02-2007, 07:42 PM Parent: #40
بختك ياتماضر نفق العفراء سنة2009 يعنى تانى ماعليك بس تركبى من هناك من قبل سوق الجمعه فى اركويت سندوشتين تلاته وكفتيرت شاى تلقى نفسك مرقتى فى washington . DC وتكونى ضربتى عصفورين بى فد 1000 دولار بعدين قطرنا داك القطر مو قطرنا ونحنا اسيادو جدعى الورق على كيفك شفتى الحرية الما خمج . البسعلك منو ؟ لك التحية
Post: #42 Title: Re: أسماك صغيرة فى بحر الزمن ... Author: Tumadir Date: 09-03-2007, 03:55 PM Parent: #1
هشام يا زول
وياسر الشريف
لكما تحياتى العامرة والمحبة
Post: #43 Title: Re: أسماك صغيرة فى بحر الزمن ... Author: Tumadir Date: 09-03-2007, 03:59 PM Parent: #1
Quote: تعبت القى حروف زى حروفك العجيبة وكتابتك الخطرة. خطرة بالفعل لأنها تبعث على التفكير والضحك الذكى. شاهدت مرة ديفيد ليترمان يستضيف ال فرانكين الكاتب الساخر الذى كان مرشحآ لمجلس النواب. اول شئ قاله فرانكين حين قدمه ليترمان كان: ( ديفيد انت رجل تجعل الناس يضحكون بمرحك. ولكنه مرح المهرج clown. أما أنا فإننى اجعل الناس يضحكون وفى الوقت نفسه يفكرون. ذلك أننى كاتب ساخر satirist) الله يحفظك ايتها المعتوهة!
عادل عثمان ...
دائما تعتقد اننى "معتوهة" بهذا المعنى الصديق ...ودائما اعتبرك احد الاصدقاء الخاصين ..الذين تجلبهم الى مساراتى "الكتابة" ...فأنا ممتنة لكتابتى أن أوجدتك فى هذه المسارات ...
الله يولى من يصلح (ههههه) .....
Post: #44 Title: Re: أسماك صغيرة فى بحر الزمن ... Author: Tumadir Date: 09-03-2007, 04:03 PM Parent: #1
Quote: ما أحلاها من ذكرى .....
نص جميل حلقت معه بعيدا وهيج في من الذكريات الكثير .......
أنور الطيب ...واطلاعك عليه وهذا التعليق المحبب ...هو ايضا ذكرى طيبة أحب أن احتفظ بها ما سعتنى الذكريات...
Post: #45 Title: Re: أسماك صغيرة فى بحر الزمن ... Author: Tumadir Date: 09-03-2007, 04:06 PM Parent: #1
Quote: شوق بلا حدود لك و لمسرح لن تكتشف بعد سنه ان مخرجه كان جبهه فى ذى ديمقراطى فيصيبك الغثيان و تكفر بالناس
are u thinking what i am thinking?
hahaha
شكرا معطرا يا حبيبة ...وما فهمت كلمة نفق عفراء دى الا لاحقا ...
وحيعملوا كيف مع حفر المراحيض ولا مؤاخذة ..هل ستقابل المسافرين عينات منها ...؟؟؟
Post: #46 Title: Re: أسماك صغيرة فى بحر الزمن ... Author: nada ali Date: 09-03-2007, 04:28 PM Parent: #1
شكرا تماضر
Post: #47 Title: Re: أسماك صغيرة فى بحر الزمن ... Author: Siham Elmugammar Date: 09-03-2007, 04:36 PM Parent: #46
تماضر يا مسرح
أأأأأأأأأأى ياهو زاتو
يمكن اجيك راجعه لنفق العفراء
Post: #48 Title: Re: أسماك صغيرة فى بحر الزمن ... Author: bent-elassied Date: 09-03-2007, 04:42 PM Parent: #46
تماضر
اسبحي في بحر الزمن
و اهدينا بعض الابداعات
متاكده شنطتك مليانه كتابات
مذهوله
في قصاصات قديمه
ما تبقي بخيله
انشريها كلها علي
بود البحر
لك الود و الشكر
Post: #49 Title: Re: أسماك صغيرة فى بحر الزمن ... Author: Tumadir Date: 09-03-2007, 06:49 PM Parent: #1
Quote: بدون مجاملة إنت وأبوجهينة ومنصور المفتاح وسلمى الشيخ وغادة عبدالعزيز خالد وآخرون
بروزت القائمة من أجل التثبيت ..فكلها أقلام أفخر بها ..وأشكر لك اعجابك وكلماتك المقدرة ...وزى ما بيقولو "تشرفنا "..يا عزيز عيسى
Post: #50 Title: Re: أسماك صغيرة فى بحر الزمن ... Author: Tumadir Date: 09-03-2007, 06:53 PM Parent: #1
Quote: أيوة كده..
أعدلي مايلة المنبر بحروفك الموزونة..
الزول بقى زي الفي مكان تاني لما ما يقرأ ليكم..
تنعدل مايلتك يا بت أمى ...
وهى فعلا الامكنة بتحتفل بالناس أحيانا وبتجافيهم أحيانا ....ومالنا الا أن نحتفظ لها بجميل الزمن الزين ..ونحلم بى زمن جايى وزمن لسه ..
طلتك فيها عبق ذلك الوقت الجميل فأهلا بها طلة ...
Post: #51 Title: Re: أسماك صغيرة فى بحر الزمن ... Author: Tumadir Date: 09-03-2007, 06:56 PM Parent: #1
ندى على ستهن لى حدهن ...تحيات كثيفات ومسترسلات ....لك ولعبورك ، الود و المعنى الجميل
Post: #52 Title: Re: أسماك صغيرة فى بحر الزمن ... Author: Tumadir Date: 09-03-2007, 07:00 PM Parent: #1
بت الاسيد
ولك الوعود المترفة ...لو ما بخل علينا الزمن بدقايقو وثوانيهو ...ما نبخل ...
ومحبتى لا تخفى عليك ...
Post: #53 Title: Re: أسماك صغيرة فى بحر الزمن ... Author: Tumadir Date: 09-03-2007, 07:03 PM Parent: #1
Quote: أأأأأأأأأأى ياهو زاتو
يمكن اجيك راجعه لنفق العفراء
اها نسوى شنو يا سهام المجمر يختى غير نقول البركة فى التجربة وعضمها ...
وراجياك فى نفق يومداك .......
Post: #54 Title: Re: أسماك صغيرة فى بحر الزمن ... Author: Tumadir Date: 09-05-2007, 01:16 AM Parent: #1
احمد الشايقى
وفاضلابى
تحياتى يا محترمين ..
لقيت نفسى فطيتكم ..وأبت نفسى الا أن تعود لكما
أشكلار لكما هذه الحفاوة ..ويافاضلابى أول مرة نتقابل ؟؟
Post: #55 Title: Re: أسماك صغيرة فى بحر الزمن ... Author: Tumadir Date: 09-05-2007, 01:37 AM Parent: #1
طيب اسمحوا لى بمواصلة السرد:
خرجنا من فوهة النفق مرة فى نهار قائظ،
لاحقتنا أبخرته لعدة خطوات تلسع ظهورنا كألسنة أخطبوط غاضب.
تناسيناها كما نتناساها دائما وملأنا صدورنا بهواء جديد...
سمعنا صوت انفجار مكتوم فهرعنا الى الشوارع الجانبية بتخطيط تلقائى وكأن الانفجار هو جزء من كتلة اليوم الكثيفة التى نخوضها كل يوم.
كنت أول الميتين ولم أفهم من قتلنا فى هذا النهار الطويل.
Post: #56 Title: Re: أسماك صغيرة فى بحر الزمن ... Author: Tumadir Date: 09-05-2007, 01:46 AM Parent: #1
حتى هذه اللحظة وأنا فى عز موتى
لم أفهم لماذا قتلنا ذلك الانفجار
Post: #57 Title: Re: أسماك صغيرة فى بحر الزمن ... Author: طارق جبريل Date: 09-05-2007, 01:54 AM Parent: #1
خايف اكتب اي حاجة هنا تبوظ البوست دة
تليشة: تماضر انت اناملك دي لمن تبدأ تكتب قاعدة تتجنن
Post: #58 Title: Re: أسماك صغيرة فى بحر الزمن ... Author: Tumadir Date: 09-05-2007, 02:50 AM Parent: #1
طارق جبريل
انت مابتبوظ أى شى ...ده كان ما صلحتو بى "اناملك لما تبدا تكتب" ..العفو يا اخونا ..وحسة أقول ليك كلام وما عليك مدسة؟ البوست اتصلح
تشكر كتير.
Post: #59 Title: Re: أسماك صغيرة فى بحر الزمن ... Author: Tumadir Date: 09-05-2007, 03:07 AM Parent: #1
تمددت فى موتتى ...وصرت أحسب أعمالى السابقة
لعل كل من ماتوا معى فى ذلك الانفجار كانوا يفعلون نفس الشىء
كنت أعدد مآثرى ومآثرهم على السواء ...ولعلهم كانوا يفعلون نفس الشىء
كنت احسب خطواتنا الضائعة فى تلك المدن الضخمة ...
تماما كما كنت أحسب مرتبى الهزيل فى "حياتى" الوحيدة التى انتهت بتلك المكيدة المجهولة ..
خطواتى التائهة بين مكاتب الضرائب ومراكز بيع الالبان للاطفال المبعثرين فى جدران بيتى
خطوات جائعة من أجل شراء الرغيف المعطوب من محلات توفير الغذاء لمتوسطى الدخل
خطوات متعثرة وسط الزحام من أجل شراء تذكرة النفق الشهير الذى ضاعت فيه أرواحنا القلقة
خطوات لا تعد ولا تحصى لمكتب مدير شئون الافراد من أجل اجازة اعتراضية سببها زيارة الطبيب
خطوات فى الاعياد ..من أجل أن يتقبل الرب دعائنا ويمنع الشر عن الدخول الى بيوتنا الصامتة ..
خطوات عاشقة اتلمس فيها عبق الحبيب ...ولا يأتى ...
خطوات غاضبة مشيناها من أجل حقوقنا الضائعة ..ولم يرد علينا المسئول حتى رحيلنا ولم يجب على اسئلتنا
خطوات مكسورة الخاطر مشيناها خلف جنازة شخص عزيز ...لن يعود
خطوات فرحة فى الربيع ..وشاقة فى الشتاء حزينة فى الخريف وثقيلة فى الصيف....
كنت أحسب خطواتى المترددة ....وانتظر يوم الحساب ...وأعرف يالدهشتى ان الرب سيكون حانيا وعطوفا ...على غير ما علمونا فى مسيرة العمر،
ظللت أحسب وأحسب وأحسب حتى نمت فى موتى ...
............
..............
.............
..............
لماذا قتلنا ؟؟
Post: #60 Title: Re: أسماك صغيرة فى بحر الزمن ... Author: mohmmed said ahmed Date: 09-05-2007, 09:25 AM Parent: #59
مازلت اطالع كتبك ..ومازلت أزور مسرح الشارقة ونشاطه الوفير
تحياتى لاسرتك
Post: #67 Title: Re: أسماك صغيرة فى بحر الزمن ... Author: Tumadir Date: 09-09-2007, 04:33 PM Parent: #1
Quote: فطانى يا عمدة ..
فطاك براك؟؟
ده فاطى معاك دكتور متوكل برضو
والله ما عن قصد ..لكما أسفى العميق
وشكرى الجميل على اثرائكم ساحتنا المتواضعة..
ولكما المحبة العميقة
Post: #68 Title: Re: أسماك صغيرة فى بحر الزمن ... Author: د.نبراس Date: 09-09-2007, 09:23 PM Parent: #67
تتباعد الخطى وتلتحم , منطلقة من المترو واليه و لا اعرف هل انا مبعدة ام انا اقترب هذا الوجه رغم تميزه اراه كل يوم , ملامح بيضاء سوداء شقراء واخرى لا اعرف لها تصنيفا تجلس قبالتي كل يوم وجوها اكثر اهتراء , لا ادري هل هي مرارة الحياه ام حرارة الشمس تلتصق بوجوه هؤلاء النسوة المنكوبات قبالتي وجوها اقل غرابه , هي وجوه اطفالهن , كانما تحتمي بالتصاقها من رطوبة الجو وعفن العرق ينام الطفل من هؤلاء ملء جفنيه غير مباليا بلعابه الذي اخذ يسيل من زاوية فمه , مؤكدا على طفولته , وعلى قسوة النفق يتوقف المترو محدثا ضجة هائله , معلنا بها نهاية رحلتي اغادر النفق على عجل كانما لن اعود اليه غدا لاجدني في شارع مافي , ولحسن حظي , اجدكي انتي , في ,,
عمتي (تماضورا), ما اغربه هذا النفق , ترتادينه من بلاد , وارتاده من اخرى اكثر بعدا , واذ به يجمعنا في شارع واحد , رغم كونه مافي !! لو اني اعرفه سينتهي بي لديكي لاختنقت بداخله كما الاطفال الصغار (دونما ان يسيل لعابي) !!
Post: #69 Title: Re: أسماك صغيرة فى بحر الزمن ... Author: رأفت ميلاد Date: 09-09-2007, 09:54 PM Parent: #68
Quote: اشياؤنا كانت متناثرة فى أرضيته المحايدة، محايدة لأنها لا تحبنا ولا تكرهنا ونحن أيضا محايدون.
اشياؤنا: صحف لم نكمل قراءتها، مناديل ورقية متطايرة، أكياس السندوتشات التى لم نفلح فى القائها فى صناديق القمامة، تذاكر فاقدة لأهليتها، رسائل حب صغيرة ,ارقام تلفونات ضلت طريقها الى يد المعشوق، ...شمسيات خرجت من دورنا علنا سهونا عن حالة الطقس بعد أن ابتلعنا ظلام النفق وعبقه،
ودائمآ تماضر فى القلب بدون حياد
ودى
Post: #70 Title: Re: أسماك صغيرة فى بحر الزمن ... Author: Ahmed musa Date: 09-09-2007, 10:07 PM Parent: #1
Quote: ينام الطفل من هؤلاء ملء جفنيه غير مباليا بلعابه الذي اخذ يسيل من زاوية فمه , مؤكدا على طفولته , وعلى قسوة النفق
الله الله ياد. نبراس {كلام تتمنى أن تكتبه} فيسبقك إليه اخر اكثر شباباً غايتو والله يا {تماضر} لو عاقلة ترفعي الراية البيضاء و{إحتياطياً} كُل الرايات وأنا أرحب بنبراس واتساءل {مشروعياً} عن ماذا ستضيف لتلك القبيلة {فتقهمني} بـ
Quote: ينام الطفل من هؤلاء ملء جفنيه غير مباليا بلعابه الذي اخذ يسيل من زاوية فمه , مؤكدا على طفولته , وعلى قسوة النفق
Post: #71 Title: Re: أسماك صغيرة فى بحر الزمن ... Author: محمدين محمد اسحق Date: 09-09-2007, 10:33 PM Parent: #70
تماضر الغالية ..
مررنا بغرض التحية و سلامة العودة ..
Quote: يبتلعنا فى الصباح ويلفظنا هذا النفق فى آخر ساعات الليل... نمضى متعبين الى بيوتنا ..ويحتفظ النفق لنا بذكرى حضورنا اليومى .
غريب و بعيد و الغربة اقسي نضال .. غريب و بعيد و الغربة سترة حال ..
Post: #72 Title: Re: أسماك صغيرة فى بحر الزمن ... Author: Tumadir Date: 09-10-2007, 00:55 AM Parent: #1
Quote: مرور آخر
لتاكيد المودة والاعجاب
عمر ــ بوسطن
عمر بوسطن ؟؟؟؟؟
انت عمر عثمان التوم ........ اخو البت الكتااااابة الشاعرة السمحة الظريفة حبيبتى بت امى نجلاء عثمان التوم؟؟؟؟
ومالك ما بتقول لى عوك؟؟
ألف مرحب بيك وأهلا
Post: #88 Title: Re: أسماك صغيرة فى بحر الزمن ... Author: omar altom Date: 09-11-2007, 06:01 PM Parent: #72
تماضر الجميلة
نهارك سعيد
Quote: ومالك ما بتقول لى عوك؟؟
عووووك ياناس هوليووك
كوركت لمن حسي انقرش......
وطلعت ونزلت في البوستات بتاعتك...
لكن يبدو انك - من كثرة العشاق والمحبين- مصابة بعمي (الحِبان)
نجلاء بتسأل عنك بشدة....!!!!!!
قشعريرة اخيرة
نبراس زوول الدين .....مكسب ثمين
Post: #73 Title: Re: أسماك صغيرة فى بحر الزمن ... Author: Tumadir Date: 09-10-2007, 01:05 AM Parent: #1
Quote: تتباعد الخطى وتلتحم , منطلقة من المترو واليه و لا اعرف هل انا مبعدة ام انا اقترب هذا الوجه رغم تميزه اراه كل يوم , ملامح بيضاء سوداء شقراء واخرى لا اعرف لها تصنيفا تجلس قبالتي كل يوم وجوها اكثر اهتراء , لا ادري هل هي مرارة الحياه ام حرارة الشمس تلتصق بوجوه هؤلاء النسوة المنكوبات قبالتي وجوها اقل غرابه , هي وجوه اطفالهن , كانما تحتمي بالتصاقها من رطوبة الجو وعفن العرق ينام الطفل من هؤلاء ملء جفنيه غير مباليا بلعابه الذي اخذ يسيل من زاوية فمه , مؤكدا على طفولته , وعلى قسوة النفق يتوقف المترو محدثا ضجة هائله , معلنا بها نهاية رحلتي اغادر النفق على عجل كانما لن اعود اليه غدا لاجدني في شارع مافي , ولحسن حظي , اجدكي انتي , في ,,
نبراس
ما عندك مخرج ما عندك ..
حسك جميل ..وما عندك مخرج أفكارك مرتبة ما عندك مخرج كتابتك ساحرة وعفوية وما عندك مخرج .. ولا خيار ...
جدك شيخ الدين ..العلامة صاحب الفكر والفقه والكتب .. صاحب الدعابة الجميلة والقلب الكبير لابد أن تعثر قدمك على حرف ما... لا بد أن تتراءى لك رؤى ما .. لابد أن يختلج فيك شعر ما ..او قصة ما أو نثر ما.. كل مافى الامر أننى لم أكن فى كامل استعدادى لهذه الرصانة وهذه الطلاوة ... فاعذرينى يا حبيبتى الصغيرة اذ أحببتك أكثر واذ سعدت بك أكثر . .ودعينى أرحب بك أكثر .. .وان فرقتنا الخطى فى الدروب فليجمعنا هذا النفق...
وان باعدت بيننا المسافات فى التراب ...فلتتقارب بيننا المسارات فى هذا السراب فلك انحنائى وتقديرتى وقبلاتى ..يا صغيرتنا التى كبرت ...فى عودها ...وفى قلوبنا
Post: #74 Title: Re: أسماك صغيرة فى بحر الزمن ... Author: Tumadir Date: 09-10-2007, 01:09 AM Parent: #1
Quote: ودائمآ تماضر فى القلب بدون حياد
ودائما أنت فى العين والرأس ياااااااا...رأفت ميلاد....
Post: #75 Title: Re: أسماك صغيرة فى بحر الزمن ... Author: Tumadir Date: 09-10-2007, 01:12 AM Parent: #1
Quote: غايتو والله يا {تماضر} لو عاقلة ترفعي الراية البيضاء و{إحتياطياً} كُل الرايات
ليه يا أحمد موسى ؟؟ مافى حاجة اسمها "التعايش السلمى" ...
Post: #77 Title: Re: أسماك صغيرة فى بحر الزمن ... Author: ودرملية Date: 09-10-2007, 01:47 AM Parent: #75
سلامات وعوافي جئت ابحث بين اسماكك الصغيرة يا تماضر .. هذا النضج الملحوظ الذي تتنفسه كتاباتك واحدة تلو الاخرى .. تخرجين من تلابيب التقليد الي براح البوح البريئ ..كتابة اشبه بالونسة الطاعمة .. الكلمات عندك مطهرة بعفويتها ولحظة ميلادها الشريف .. تخرج مندهشة بحياتها وعنفوانها .. تفاصيل اليوم عندك والانسان يتحول من كينونته البشرية الي آلة وقودها الصبر والمناظر الاليفة وما حفظته الذاكرة من احلام ..اصدق اللحظات التي تعشيها النفس البشرية "هي لحظة تمردها علي العادة والمالوف" .. تخرج عارية بيد انها مستورة بنبلها وصدقها وبرائتها.. اشكرك شديدا شديدا يا طمطم .. تخريمة:- في الثمانينات كانت هناك صحيفة رياضية اما كورة او الشبكة او واحدة غيرم .. غطت رحلة الهلال الي مدينة الدويم ..ساعتذاك كان جعفر عبدالرازق"جارينيشيا" نجم النجوم ولا صوت يعلو فوق صوت موسيقاه المبهرة ..اها المباراة شهدت تالق نجم من هلال الدويم فخرجت الصحيفة الرياضية اليوم التالي للمباراة بمانشيت عريض مكتوب فيه:- جئنا لنشاهد جارنيشيا فادهشنا كريشنقا .. كناية عن تالق كريشنقا في تلك المباراة اها انا جيت افتش اسماكك الصغيرة فوجدت حوتة كبيرة بينها اي والله
Quote: تتباعد الخطى وتلتحم , منطلقة من المترو واليه و لا اعرف هل انا مبعدة ام انا اقترب هذا الوجه رغم تميزه اراه كل يوم , ملامح بيضاء سوداء شقراء واخرى لا اعرف لها تصنيفا تجلس قبالتي كل يوم وجوها اكثر اهتراء , لا ادري هل هي مرارة الحياه ام حرارة الشمس تلتصق بوجوه هؤلاء النسوة المنكوبات قبالتي وجوها اقل غرابه , هي وجوه اطفالهن , كانما تحتمي بالتصاقها من رطوبة الجو وعفن العرق ينام الطفل من هؤلاء ملء جفنيه غير مباليا بلعابه الذي اخذ يسيل من زاوية فمه , مؤكدا على طفولته , وعلى قسوة النفق يتوقف المترو محدثا ضجة هائله , معلنا بها نهاية رحلتي اغادر النفق على عجل كانما لن اعود اليه غدا لاجدني في شارع مافي , ولحسن حظي , اجدكي انتي , في ,,
عمتي (تماضورا), ما اغربه هذا النفق , ترتادينه من بلاد , وارتاده من اخرى اكثر بعدا , واذ به يجمعنا في شارع واحد , رغم كونه مافي !! لو اني اعرفه سينتهي بي لديكي لاختنقت بداخله كما الاطفال الصغار (دونما ان يسيل لعابي) !!
فشكرا تماضر وشكرا نبراس علي هذه الكتابة العالية ..
Post: #76 Title: Re: أسماك صغيرة فى بحر الزمن ... Author: Tumadir Date: 09-10-2007, 01:14 AM Parent: #1
محمدين محمد اسحق
Quote: ماضر الغالية ..
مررنا بغرض التحية و سلامة العودة ..
ولك من التحية أحسن منها...
حضورك شرفنا والله ...وأسعدنا
تسلم
Post: #78 Title: Re: أسماك صغيرة فى بحر الزمن ... Author: Tumadir Date: 09-10-2007, 02:01 AM Parent: #1
Quote: هذا النضج الملحوظ الذي تتنفسه كتاباتك واحدة تلو الاخرى .. تخرجين من تلابيب التقليد الي براح البوح البريئ ..كتابة اشبه بالونسة الطاعمة .. الكلمات عندك مطهرة بعفويتها ولحظة ميلادها الشريف .. تخرج مندهشة بحياتها وعنفوانها .. تفاصيل اليوم عندك والانسان يتحول من كينونته البشرية الي آلة وقودها الصبر والمناظر الاليفة وما حفظته الذاكرة من احلام ..اصدق اللحظات التي تعشيها النفس البشرية "هي لحظة تمردها علي العادة والمالوف" .. تخرج عارية بيد انها مستورة بنبلها وصدقها وبرائتها.. اشكرك شديدا شديدا يا طمطم
ودى يا ربى أنا أعلقها وين؟ فى صدر الشمس أم فى عنق القمر؟؟
شكرا ودودا لك يا رملية على هذا النقد المفرح...
أما كريشنقا ده ...فخليه ساى...
Post: #79 Title: Re: أسماك صغيرة فى بحر الزمن ... Author: Abomihyar Date: 09-10-2007, 04:17 AM Parent: #78
يا سلام ياتماضر
نص جميل أنا أبدلت إسمه( للنفق) تسمية غير ملزمة لأحد سواي.
والله التسميات دى من أصعب الحاجات للنصوص ..وانا بفتكر انه النفق "ادق" من حكاية الاسماك دى خصوصا اذا اتفرع النص زى ما بدا يتفرع لى فى راسى ...حتى لو الزول مرق من النفق ...برضو تلقاه "نفق"...عموما شكرا على ملاحظاتك الدقيقة ...
اما مسألة
Quote: الموسيقيين منهم مش كده??
فأنا بفتكر منا أقرب للحقيقة لأن الضمير "نحن" ده هو محور النص ..وكوننا كلنا "اسماك صغيرة فى بحر الزمن دى هى لازمة النص الاساسية البتقودو للمنتهيات دى ...لو ما اتفقت معاى فى دى برضو مكسب ...نحن عندنا اختلاف سابق لى حسة واجعنى ... تتذكر؟؟؟
Post: #85 Title: Re: أسماك صغيرة فى بحر الزمن ... Author: Tumadir Date: 09-11-2007, 02:24 AM Parent: #1
Quote: كل التقدير تماضر.
بنت العالم المعلمة ...سلمى صبحى ...شكرا للرؤى الخلاقة دى منك..
وهذا الاسم بنت العالم المعلمة محبب الى نفسى فقد كان أحد اساتذتى ينادينى به وعرفت ان أبى كان استاذه ..فأبوك كان أستاذى ..وانتى ماك هينة ..
لك محبتى وتقديرى ..وجميل السلام
Post: #86 Title: Re: أسماك صغيرة فى بحر الزمن ... Author: Tumadir Date: 09-11-2007, 02:26 AM Parent: #1
Quote: كريشنقا يؤكد على سعادته بالتواجد
وبالتعايش السلمي
كل الحب
نبراس
اقصد
كريشنقا
كريشنقا العزيز ...وانت ياخوى حتفتح بوست براك متين وتمتعنا ...؟؟؟
Post: #87 Title: Re: أسماك صغيرة فى بحر الزمن ... Author: Osman Musa Date: 09-11-2007, 03:51 PM Parent: #86
بلاى يا تماضر ختى لينا خريطة الانفاق للمترو فى DC عشان الجماعه بى هناك مايجوبكولينا المترو حقنا _ الكلام بجر الكلام والمترو بجر المترو . سلام
Post: #89 Title: Re: أسماك صغيرة فى بحر الزمن ... Author: Ibrahim Algrefwi Date: 09-11-2007, 08:07 PM Parent: #1
هذه الأسماك سبحت في ماء عيني ... _________________
Quote: الاشارات الملونة فى نفق المترو..
Quote: يصعد جسدنا الموحد فى السيور الكهربائية و ينزلق نازلا بطعم ملح موحد..
Quote: النفق يبتلعنا كل صباح ويلفظنا فى آخر الليل ...
Quote: ينام المخمورون منا فى مقاعده الخشبية وتتدلى أطرافهم فى اهمال ..
Quote: يقف الشحاذون فى نقاط هامة وينتظرون بصبر يكفى نزول المطر فى صحراء ..
Quote: نمضى متعبين الى بيوتنا ..ويحتفظ النفق لنا بذكرى حضورنا اليومى .
Quote: يبتلعنا فى الصباح ويلفظنا هذا النفق فى آخر ساعات الليل...
ذكرتني هذه الكتابة المكتوبة بلغة سينمائية رفيعة بفيلم ل(رون فريكي) فيلم (بركهBARAKA) من اقوي وأجمل مارأيت في السينما ،ديكومينتري ، وهو فيلم بركة، ليست المقاطع بعينها لا المترو ولا الرزحام والجري والنفق والليل والشحادين ، بل روح الحياة العصرية الضاغطة ومحايدة ، والزمن؟ الزمن والطريقة والاشياء الصغيرة الضائعة في زحمة التفاصيل وطابع اليوم وبحر الزمن ، بحر الحياة .فهاك ياتماضر بعض من كابشن الفيلم ، لكأنه المشروع السينمائي الموازي لهذه الكتابة الهادئة العميقة الجاذبة للتأملات ... فهاك ...
_______________
Quote: وأهم ذكرانا التى يحتفظ لنا بها هى روائحنا ...رائحة الحياة وهى تختلط بالوقت والاشارات الملونة والزحام، رائحة اسماك صغيرة فى بحر الزمن.
______________ طلتك ، وكتاباتك ياتوماضر ، تخلق في هذا الفضاء وجود لنا وهدهدة ، لي علي الأقل لي أنا، لوحدتي وتأملاتي ، كما انها (اسارات) بديعة في بحر الزمن ...
Post: #90 Title: Re: أسماك صغيرة فى بحر الزمن ... Author: Tumadir Date: 09-15-2007, 01:05 PM Parent: #1
أحمد موسى ...
أنا مااااااا من سكان دى سى .مع انى زمان كنت "دليل سياحى" للأصحاب البجو امريكا جداد ..ده لمن كنت ساكنة فيها ....لكن بكلم ليك واحد معرفتنا ...هناك اسمو "جورجى بووووش" ....يرسل ليك الخريطة ...تمام؟؟
الواحد ما يكون انفايرومنتال environmental للدرجة دى (وهنا معناها ملحاح ..على غير عادتها)
وياااااا أبراهيم الجريفاوى ....
أريتنى لو كنت فى ورشة كتابة معاك فى "فصل واحد" ...عشان أنا أشوف افكارى تقوم ليها أجنحة ...وتطير ...
ياخى شكرا على هذا "الاثراء" ...اها دى من المرات الحقيقية البتكون فيها كلمة اثراء مطابقة للمعنى "الرايح طواااالى مننا ده"
لو شفت فيلمك ده زمان كنت سميت كتابتى "سواسيو صغيرة فى صبابة الزمن" .....
شكرا لك على الفيلم وعلى كل "الاسارات" المتخللة مداخلتك ...ولا أسكت الله لك "بوستا"...
لانى تابعت باقى بوستاتك وعرفت انك خلاق لا محالة
Post: #91 Title: Re: أسماك صغيرة فى بحر الزمن ... Author: mamkouna Date: 09-15-2007, 01:17 PM Parent: #1
كل سنة و إنتي طيبة يا تماضر.. رمضان كريم.
إتذكرت البوست دا لمن قريت خبر مفاده أن العلماء إكتشفوا أن إناث سمك السالمون ينجذبوا للذكور إثر رائحة معينة يطلقها الذكر. فقام العلماء بتركيب الرائحة - معملياً - حتى تقع إناث السالمون في شباك...الصيادين. الزيف و التصنع و الخداع يا تماضر طال الأسماك الصغيرة العايمة في بحر الزمن.
حاجة مؤسفة..مُش كدا!
Post: #92 Title: Re: أسماك صغيرة فى بحر الزمن ... Author: Tumadir Date: 09-15-2007, 01:33 PM Parent: #1
Quote: الزيف و التصنع و الخداع يا تماضر طال الأسماك الصغيرة العايمة في بحر الزمن.
ونحن أصلو لمن نكون "اسماك صغيرة فى بحر الزمن" زى فيلم جريفاوى ده ..اخترنا -بدون مشورتنا طبعا -انه ننتمى "لمفرمة" التمدن ..و"خلاطة "التحضر" ..لانه الخيار التانى على حد تعبير الكاميرا "الزول الفى الحمار داكا" .. ...اها ضمن هذا الخيار يجب أن نقبل المولات والمحلات الكبرى لبيع المواد الغذائية والذى يتطلب تصنيع وتعليب وتبريد ...وحينها يلعب الاعلان دورا هاما فى عنصرى "العرض والطلب" وده البجيب "اجتذاب" و"اكتشاف" ومزيد من التقنيات ومزيد من الخيارات الما بشاورونا فيها .....
شوفى الزول الفى الحمار بى نعستو دى .... هو زاااتو عنده تطلعات تكنولوجية وأضاف للحمار "عربية" يجرها، مش قلت ليك المدنية هو خيارنا الما بشاورونا فيهو)
ماعارفة حاجة مؤسفة ولا لا ...لكنها حاجة تستدعى التأمل...