محمد قسم البارى ، وتماضر شيخ الدين ....سيمفونية الصمت والتحديق

محمد ، صديقى الصغير ، وشخصى
دخلنا تجربة الكتابة المشتركة

وكان ان ولدت هذه السيمفونية


سمفونية الصمت و التحديق



بعد سكوت الطبل و

آلاف الرقصات ..

اقف أمام الله

فى واد موحش
لا يحرسه تنين
ولا تقربه عنقاء
صنوبره لايخضر
معروق التربه اجوف
يبهرني ضوء ..
ضوء بارد
يحمل عني أحزان الطرقات
يهمش حزني
يعيد رفاتي للوطن المنسي بخارطة الأحزان
وطن لااملك الا ان ابكى تربته المطمورة بالعشق
وبالتكوين الاول والتاريخ
كتبوا فى صحراء رفاتى كلمات من شوك
اعطونى اوسمة من هذيان
وخيالات غرقى
وجبال تفتح فخذيها للريح ، النشوة و الخذلان

**

تهرع نسمة شوقى صوب النهر
تمسد جسد البحر بخفتها وتموت على الشطآن
تحمل ذرات البوح الى روح الليل
فتنسجم الآهات و أدخنة التيه
أتـــــــــوه
أعربد في ليلي
و أغني ألحان الحزن
لوطن سكير في بارات الخذلان
ويهاجر طير كان يجالس مهجتها
أتوسد ريشه
ومرايا من ماء
لا ابصر فيها غير بقايا الروح الناشزه المنثوره
في الطرقات
تتحطم فى الجدران
فتتناثر عبر الكون
مطارات للترحال

**
أصحو في كهف لم يطرقه الكهان
بلهاث جفف سقف الحلق
وحمام حراء لم يات
والبيض الزائف لم يات
والشبهة لم تنزاح عن البيداء
وانا.... وحدى فى كهف لم يطرقه الكهان
ياهذا العالم.... يا ....وحدى
وحدى
من مهدى حتى ...لحدى
وحدى
وحدي سأغني للشجر المخضر
يعلمني
كيف يكون الحزن الهاً... و الدرب نواحا
الروح تعيد الكره كي يزدان الحزن
و تتقن وضع المكياج
فيبدو كالقديس جميل في أعتاب الفجر
بسحاب ابيض فى قلب الافق،
اصفر عند مغيب الشمس،
احمر عند الشفق
وبكل الالوان هناك ، هناك
للوطن القديس أغني
و الروح الضائعة علي أرصفة الدرب الأسود
تتوسد
قلبي




نهديكم السمفونية،


وهى بعد، مطروحة للنقاش والمداولة

والشكر لكم

الله يا تماضر ومحمد....براحه علينا
جميله....لا اكتر من كدا
كدي خليني ارجع واقرا واقرا وبعدين بجيك

حنين

ارجعى

انا راجياك هنا

شكرا

تماضر .. اديناها درشة أولى .. خلينا نلوكها كويس ما هي سيمفونية عاد.لكن مقدما نحييك ونحيي محمد على هذا الأدب الرفيع

اهل العوض

الله يعلى مقامك ويرفع شانك

ادرشها
وادينا رايك

محمد لما يجى من المدرسة ، وانا هنا

اولا التحيه لكما

اعتقد انها تجربه ناضجه وسمفونيه غايه الرهافه
بها تعابير خارجه لتوها من نوتة ابداعك ورهافة احساسك

استمتعت وانا اقرا

.................

اعطونى اوسمه من هذيان
وخيلات غرقى
وجبال تفتح فخذيها للريح


ايضا تدهشنى جمل لحنيه اخرى

...........
لوطن سكير فى بارات الخذلان
................
بلهاث جفف سقف الحلق
حمام حراء لم يات
والبيض الزائف لم يات
.........
يا سلام يا تماضر وانت تغردى مفردات لحنيه
لك حبى

عماد براكة

بتنا الحديقه ومحمد
تهنئتي علي هذه السيمفونية الرائعه
ومزيد من السيمفونيات

في ذلك النهار ..
عدت من المدرسة و أنا محمل بأحزان و غربة تنوء بها الجبال ..
و كانت تماضر هي واحتي و حديقتي الظليلة ..
برغم المسافات .. اختلاف التوقيت
لكن احساس الغربة و الحزن كان مسيطرا علي كلينا ..
كان التوقيت عندها : فجر اصدأته الأحزان و الغربة
و كان التوقيت عندي : ظهر أنهكه الترحال فأنا كالبدوي في هذه الصحراء المقفرة حتي من بعض الأحاسيس الجميلة ..
من آسيا شكوت الحزن لها..
و من أمريكا الشمالية شكت العالم لي ..
فكان الناتج قصيدة
عزيزتي تماضر : ما زلت أحتفظ بحديثنا ذاك
و ما أجمل الاحزان ان تمخضت دوما عن قصيدة ..
القصائد القادمة أجمل ..
ففي هذه المرة كنت أخاف أن يعميني وهج كلماتك الذي حاولت أن أجارية ..
تماضر شيخ الدين / محمد قسم الباري ... سمفونية الصمت و التحديق

كــل الحب

محمد قسم الباري

أشعر أن المقطع الذي أوله (في واد موحش )، كتبه واحد منكما ، هو نفسه الذي كتب المقطع الذي أوله (أصحو في كهف لم يطرقه الكهان ).. نفس الوسم .
لا عليكما ، فالعمل جميل ، وهذا حديث نفس ، نفس أهل العوض فليبق كذلك حديثا لأهل العوض

Ahlalawad

العزيز أهل العوض
كلامك صاح
100 %
لكن في مقاطع أخري لو حاولت تجزئها حيكون صعب جدا .. لأنو حتحتاج انك تقسم كل جملة شعرية الي عدة أجزاء ..
و دي الحتات اللي أنا بحس فيها بي مدي التمازج ..
لأنو تماضر كانت بتكتب جزء و أنا بكملو و بعداك هي تكمل علي الجزء الأنا كملتو ليها .. و كده

كل الخير

مــودك

الأعزاء

حنين

Ahlalawad

imad braka


Elmosley

لكم مني التحية و فائق الاحترام و التقدير علي مشاركتنا بآرائكم الجميلة ..

كل الحب

مــودك

مممممممممممممممممممممممم
و تقال للمتعة و للجمال
ممممم
تقال للدهشة و لاجمل الاعمال
ياخى دا شنو الابداع دا
السمفونية متجددة و يمكن ان تقرأ مرارا و تكرارا دون ان تشعر بالملل
و كيف تكون اذا كان من كتبها
محاضر
او تمادح

لكم الياسمين
و لكم كال الياسمين

حنين
اهل العوض
عماد براكة
الرجل الغابة
اسامة الخاتم

اضافة لكلام موديك

فى التجربة كنا متهيبين بعضنا البعض

افتكر هو كان متهيب تجربة الكتابة مع شخص يكبره فى السن والتحربة
وانا كنت متهيبة الكتابة مع شخص فى ريعان الشباب والحماس


وكل واحد خايف يكون طول الموجة ما واحد
الاحساس
الاستخدام للغة
التعبير
الخيال

وبدينا

البداية نفسها كانت مشكلة

ابدا
ابدى

لغاية ما واحد فينا اتوكل وبدا

وانسابت المخطوطة القدامكم ،

طبعا راى اهل العوض مخيف

لانو قادر يشوف البرزخ البين البحرين بوضوح

يا اما نحن ما انصهرنا فى بوتقة واحدة كويس ، يا اما اهل العوض عينو نجيضة وبعرفها طايرة

والاتنين عندهم دوا

شكرا على الثناء
بالعموم والتفصيل

لكن اتفقنا على اعادة التجربة
وكل واحد فينا طاف بعقل التانى ووجدانو
واتعرفنا على الكثير من بعض

لما تجى الشحنة المتشابهة المرة الجاية

حنتعمد انو نحفر ليها ينبوع واحد

وخليها التجى نافورة ولا نهر ولا شلال ولا خور ساى ، ما معروف

العزيزه تماضر ...
البرزخ في المكانين اللي حددهم أهل العوض أنا كنت مدرك تماما انهم مثيرين للانتباه حتي قبل ما ننشر القصيدة ..
لكن ده في حد ذاتو شيئ جيد .. لأنو كل واحد مننا كان بيكتب من دواخلو و ليس فقط محاولة لمجاراة الآخر ..
و أنا بتحدي الناس القادرين علي اكتشاف البرازخ انهم يقدروا يفصلوا برزخي المقطع القادم عن بعضمها ..

Quote: يبهرني ضوء .. ضوء بارد يحمل عني أحزان الطرقات يهمش حزني يعيد رفاتي للوطن المنسي بخارطة الأحزان وطن لااملك الا ان ابكى تربته المطمورة بالعشق وبالتكوين الاول والتاريخ كتبوا فى صحراء رفاتى كلمات من شوك اعطونى اوسمة من هذيان

بانتظار المشمرين عن سواعدهم ..

كــل الحب

محمد

دويتو رائع
ثنائية تواصل..وتلاحم أجيال
لقد أكمل مودك نصفه الحلو لووول
فهنيئا لكما بهذا الانصهار وتلك الموائمة..
ولى قدام
منذ زمن بعيد وانا مولع بجماعية الابداع...بالحوار..


تحياتى
ودعزة

حقيقي تجربة رائدة ورائعة
وفكرة الكتابة المشتركة أو (متعددة الذوات الكاتبة)جديرة بان تعاش ويكرس لها كضرب من التجريب والحداثةوفتح النوافذ أمام الابداع الحقيقي المرتبط بالتشارك الوجداني
ومفروض انه النقد يرتقي لهذا المصاف بادبيات ونظريات جديدة ان لم تكن موجودة بالفعل

ود عزة طبعا انت جربت الكتابة المشتركة دى قبل كدة
مع القدال ومعاى

القصيدة مدفونة فى البورد هنا لما افضى ليها بنكتها ليك

وكانت جديرة بالنشر

فتحى الاديب

شكرا، انا قبل كدة كان عندى فكرة انو استكتب بتقضيم وشيرى وكحلوش وتمبس ، عشان يعملوا نص مسرحى

المهم الاداث اخدت مجرى تانى
واتكاتبوا شيرى وبت قضيم فى بوست ىخر وكانوا مدهشات بحق، لكن ما كتبوا مع بعض، اقصد كتبوا لى بعض

لسه كحلوش وتمبس ما اتلاقوا ،
واتخيل لى عماد براكة بكون مناسب معاهم

المهم انا بفكر لى الجماعة ديل وما اديتهم خبر
انت يا فتحى رايك شنو؟؟؟ تخش مغامرة زى دى؟؟؟

رائعين جدا
ياستاذه تماضر
ورائع ورهيب
محمد قسم البارى
اكيد طالع لى خالك
الرائع والاديب محمد المهدى عبدالوهاب




د.طارق

شكرا ليك يا خالو ارق على الثناء الجميل

والولد خال

دة بالنيابة عن محمد

انا اتشرف بكل تاكيد يا استاذة
بس (بخاف)اطلع اشتر
لكن
لا مانع من التجربة

عزيزنا و صديقنا أسامة ..

لك غابة من الياسمين و الكلمات الجميلة ..
لأنك تستحقها

كل الود ..

مـــودك

عمل جيد والفكرة رائعة تعبر عن شفافية للذات تجاه
الشعر والكلمة...
التماهى ممتع والنص جيد هناته بسيطة اكبرها انسراب الفعل المضارع لضمير واحد بكثافة..زائدة

محمد تماضر

ثنائية متفردة

هارموني ملئ بالشجن
علامات استفهام نثرت بلا توقف؟؟؟؟؟
مساحات من التأمل والتأويل
وبعض عبارات - جامحة -

أريد شراعاً رفرافاً بالأمل
ويداً تمتد لنا وتلوح
لتقول أنظروا ذلك الشعاع القادم

كلمات - تكاد - تصل درجة الإنصهار

دعوا التجربة تنضج


شكراً لكما


رحمابي

تماضر ومحمد سيفونية تعزف الحان الحب والسلام
انتم دائما تعطوننا معني لان نكتب وان نعيش ونغرد معكم الحان الفرح والانسانية مااسعدنا بكم وبحيويتكم
وطيبتكم وا تساع مدارككم وحبكم الكبير لنا
فلكم منا الف تحية حب وتقدير

دقنه البجاوي

زمراوى

رايك محل تقدير واحترام،

رحمابى

دقنة

كلماتكم المشجعة تدفعنا لناتى بالمزيد

وكلكم
لاتقلون عطاء وابداعا

شكرا شكرا

wadazza
تسلم يا عزيز ..
لكن أنا في رأيي اني كملت تلات ارباعي الحلو و ليس نصفي الحلو
loooool
كل الحب

المبدع فتحي البحيري

قرأتك هنا و هناك ..
و استلبني شعرك .. ففضلت الصمت
حيث أنه في بعض الأحيان أكثر قدرة علي التعبير ..
أحييك علي ولوجك و معاينتك لتجربتنا و ابداء الرأي المشجع حقا ..
كل الود

العزيز د . طارق اسماعيل

لك مني كل الود و التقدير ..
و زي ما قالت تماضر الولد خال
كل الود


zumrawi
الشاعر المبدع زمراوي ..
غمامات كثيرة من الشكر علي ابداء الرأي ..

AlRa7mabi

عزيزنا الرحمابي ..
أشكرك علي رأيك الجميل حول تجربتنا المتواضعة ..
و أتمني من كل قلبي انو تجربة الكتابة المشتركة مع القامة تماضر تكون المرة القادمة أكثر جمالا .. و نكون اتعودنا علي طريقة بعض و زال الخوف
حتي ذاك الوقت .. ما تنقطع مننا
كل الود

degna

صديقي العزيز دقنة البجاوي ..

لك أجمل الكلمات بطول المدي .. لكنها لن توفيك حقك يا صديقي
و أجمل القصائد قادمة ساعة فساعة ..
نشاركها مع الأصدقاء مثلك ..
كل الود ..


محمد قسم الباري
مــودك

يا محمد ديل تلاتة ارباعك المرات الكملتهم ديل

لانى حاكون مع امك وابوك فى المذاكرة وعدم السهر
ما تسمع كلامى بشيل
بشيل ابياتى ان شا الله اعملهم مطعم،

و بديك ابياتك
وكل قردا يطلع جبلو

هاهاهاهاها

loooooooool @ Tumadir

و الله لازلت أذكر الهرشات التي تكرمتي بها علي ..
أمشي خلاص نوم ..
ما تساهر كتير ..
أمشي المدرسة مرتاح ..
ما تتكلم مع ( ... ) كده
لكن و الله أنا سعيد بيكي و بي هرشاتك لي أشد السعادة
هــو أنا عندي كم تماضر ؟

كل الحب


مودك

الابن محمد
اشكر لك
حقا
الولوج الى هنا اشبه بعيش حلم جميل
لك الحب

سلامات
شكرا لكم ايها الثنائي الاحادي الايحاء والالهام
تناغم رهيب لايفصل جسد القراءت باي شكل
وكاني قرات نص لشاعر واحد التمعت فيها خيبات وافراح ومزج بكائيته بروح طيبة فنثرها كمسحوق الصندل لتلتطف الجو باكمله وشد ماجذبني هو النقاء وصفاء المخيلة وتزواج الوقائع في ادب جميل
محمد قسم الباري
له اعزوفة خاصة به لانشاز فيها ولاتكبر اجمل ماتحمله كلماته البسيطة العظيمة المعني فحينما يكتب اخاله يشبه الدرويش حين يرتحل في روحانيات ادب النوبة والحولية تنشًده امامه كل الحروف حتي انني اتخيله حينما يدلف للكتابة تقف امامه كل الجمل والتعابير طمعا في صياغته وادبه الشفيف
تماضر
اظن انني دونها
فهي اعظم من ان اخط رأي في تنفساتها الشريفة فهي هرمنا الراقي الذي ننظر اليه مصنقعين والذ مافيك يااخت تماضر هذه الصراحة الطيبة والطهر العجيب يندلق من كل حرفا خطته ذاكرتك البكر ودوزنته الانامل ذات النزيف العسل
لكما مني حبا خاصا نادر مااهديه

عزيزنا ود رميلة

و لازلت اؤجل الرد عليك .. حتي ظننت الكلمات هربت من مخيلتي لتبحث عن تربة أخصب ..
اعذرني فقد ألجمت كلماتك كلماتي ... و أجادت توثيقها بالحبال و العمق و الجمال ..
ينتابني احساس بأن لدي الكثير لأقوله لك ..
لكن الكلمات تتواري في هذا المساء الصحراوي ..
في هذه البلاد البعيدة ..
و قد أوشك الصبح أن ينجلي ..
و أوشكت الكلمات أن تنزوي أمام ما أمطرتني به من تقدير لا أستحقه ..
أعدك بأن التجارب القادمة أكثر عمقا و تمازجا ..
لك كل الحب

مـــودك

من منكما يقرضنى حرفا؟

يمنحنى بعض من بوح ورشة الفة

ساعيد اليه القرض بلفافة بسمة وعطر من انفاس الحلم السابح فى الدم

لا تسالونى ثمنا فانى لا املك قوت اليوم

وجيوب فرحى مرقعة بخواء طرزه شئ من سم

لكنى لازلت هنا ..اتنفس حلما ..ازفر ضوء

لكن قد ذهب عنى القول

فهل من يقرضنى حرف ..بعض من بوح ..ورشة الفة




تماضر

مودك

كان رضيتو وسلفتونى حبة حروف بلاش

بكتب ليكم تانى

تسلمو يا روائع

محمد

ضوء بارد
يحمل عني أحزان الطرقات
يهمش حزني
يعيد رفاتي للوطن المنسي بخارطة الأحزان

يبحر فوق أمواج البحر
ويحرث أطراف الشطئان
ينثر دررا في فؤادى
منبتها محار في بلادي
يطمرني في عمق ثان

وطن لااملك الا ان ابكى تربته المطمورة بالعشق
وبالتكوين الاول والتاريخ
كتبوا فى صحراء رفاتى كلمات من شوك
اعطونى اوسمة من هذيان

محمد وتماضر
التحية لكم
قدمتم شئ جديد ومفيد

ابداع ابداع ابداع
تماضر ومحمد
ممكن اشيل حاجة بسيطة بره؟

ود رملية
ما تمشى

تعال نزلنى من قمة الهرم دة

حاقع انزلق ،ويتكسر فينى عضم

خلينى تحت

جنبك
وجنب المسافة
وابوخالد
ودريمز

نتجاذب اطراف الرفقة
نسترسل فى الصحبة
نغازل ليل الماساة سويا
طربا
نتقاسم برالاشواق البكرة

نتسربل كالضوء باغصان الايام
ونثقب كاللحن غشاء الصمت
نتمدد شريانا من نهر ازرق فى الصحراء
واجزاء الغابة
والوديان
ســــلام

انا حقيقي فرحان بالجوار الامدرماني الحنين
ما مصدق انو الدنيا ممكن (ترد)الزمن لورا تاني
المرة الاولى والاخيرة الشفت فيهاالاستاذة تماضرشيخ الدين
كان سنة 86أو87
قدام مكتبة البلدية في امدرمان
ومعاها الراحل العميري
هساطبعا الحاجات دي كلها مافي
ولا ريحة الوكت داك
رد الله غربة امدرمان عنك يا استاذة

لا والله يا تماضر وموديك

ما ليكم حق، دا عملتوهو متين ووين وكيفن بس ؟
لكن والله تجليات رهيبة وابداع متواصل انشاء الله
ما ينقطع، ومزيداً مزيداً من الابداع فنحن عطشى

علاء


.

لا أملك الا أن أقول

سبحان الله

فكلاكما رائع وكلاكما جميل وكلاكما متشابهان

برغم
بعد الشقة
وفارق السن
وفارق الجنس

وعلى المقيمين خارجكما
مراعاة فوارق التوقيت
looooooooooooooooooooooooooooooooooooooooool

dreams

دريمز الجميلة ..

أنت غنية عن الجميع ..
لأن لك حروفك المتفردة ..
و الهامك المتدفق ..
قرأتك هنا و هناك ..
و ألجمتي فيني الدهشة ..
لك حب كثير جدا جدا جدا

المسافر

صديقي العزيز المسافر ..
لك كل الكلمات الجميلة و الأحرف حكرا لك .. تفعل بها ما تشاء ..
و لك منا كل التقدير علي الطلة الحلوة


ABUKHALID

عزيزي الشاعر أبو خالد ..
رأيك بيعني شيئ كتير ..
لأني قرأت ليك .. و اتذوقت أشعارك بي شكل أتاح لي اني أتعرف عليك ..
لك منا كل التقدير و الود


فتحي البحيري

انت برضو من أمدرمان ؟
لو شفت امدرمان هسعدي .. لا حول و لا قوة الا بالله ..
ربنا لا يوريك ليها .. بقت ما أمدرمان

ود شاموق

عزيزنا ود شاموق ...
ده حصل فجأة .. بدون تخطيط مسبق
تشابه شحنة .. ولدت قصيدة
و نعدك المرات الجاية تكون أعمق كثيرا
كل الود

يازولyazoalيازول

لك من الاحترام ما تنوء به الجبال..
لكلمك المشجع .. و ابصار التشابه كما يجب أن يكون
كل الود
مـــودك

امام هذا الدفق الرائع
ماذا يمكن ان اقول
سوى صمت واستماع
بكل استمتاع
هل ستتابعان؟

الثنائي
لكما التحية
استمتعت بالقصيدة حتي العمق واستغرقني التجانس والتناغم اللامحدودفكرا واحساساٍولعلها خطوة لابداع قادم
لكما الشكر
عبدالله جعفر

فتحى البحيرى
ود شاموق
الجندرية
عبد الله جعفر

ويا زول يازول

محمد انسان مرهف وناضج ومشحون بالابداع من شعر راسه الى اخمص قدميه


التمس نارا واشتعل
يحترق شعرا
الكلمة عنده لها بعد الرحيق
والعالم متحد
لايفتا يعيد صياغته كل لحظة من لحظات التكوين الزمنى

مجنن اهلو ، باللهاث خلفه
فلاهم قادرين على اعتبارو طفلهم ابن السبعتاشر ، تلميذ المدرسة العادى
ولاهم قادرين تصوره شاعرا يلتهم الحروف وتلتهمه ثانية بثانية

من حظوظى الكثيرة انه انس فى ضوءا ، واصطفانى صديقة واما ثانية

احببت تجربة الحوار معه وتساؤلاته التى لاتنقطع
اردت ان اكللها بالسيمفونية اياها
فادهشنى
وجعلنى اتضاءل امام قمته السامقة

شكرا على قوة الدفع التى تحرك موجنا نحو شط لاينام

والانحناءة لمحمد

يديك العافية يا استاذة
انت اهل لكل خير وجمال
ويابخت محمد بنفسه وبيك
اتمنى ربنا يجمعنا
في وطن بشبه عصافيرو
وسمح

الأعزاء

تماضر

و

محمد

قراءة أولى

فى حضرة سفر الروعة بكامل زينتها، ودسمها الأخضر، ننحنى أنا والبحر لكما، ويصفق الدم بكل ما به من فرح

والتحية، مجرتقة، فى غمرة الزفة نتأبط أنا وهى كل أبجديات الإعجاب وندلف الى محراب الكلام، كلامكم المبدع، حيث أنتم مبدعين

ولنا عودة فى القراءة الثانية

الشكر موصول لك يا بحيراوى

The Rain

اترقب هطولك

الثانى

والخصب

أعــزائي

الجنـــدرية

Abdalla Gaafar

The Rain

طبعا دي المره الأولي اللي أتكاتب فيها معاكم ..
يشرفني فعلا ولوجكم و معاينتكم للتجربة ..
الجندرية اقرأها كثيرا هنا و هناك في جنبات البورد .. و تعجبني كتاباتها ..
عبد الله جعفر نورنا بي قدومو و كلماتو المشجعة ..
و المــطر هطل علينا علي قول تماضر بالخصب و الكلمة الجميلة ..

فلكم مني كل الحب

مــودك

السلام عليكم ورحمة الله وبركاته
اختنا وبت بلدنا تماضر كل سنة وانت طيبه
اخي \مودك كل سنة وانت طيب و انشاء الله يارب تكون بتذكر الصورة دي

العــزيز واحشني
تسلم علي البورتريه ..
لكن لقيتو وين ؟
خليني أخمن .. لقيتو عند بت أهلي أمدر مش ؟
الشكر ليك و لي أمدر علي عرضه

كــل الود

مـــودك

الأعزاء
المبدعين

تماضر
و
محمد

الآن، دعمونى أتنفل على سجادة القول المزهر، أقرأ أولا فاتحة الجمال لديكم

وطن لااملك الا ان ابكى تربته المطمورة بالعشق

الصورة تأتينا معطونة بكل تباريح الشوق الحقيقى، ومن منا لا يبكى هذا الوطن الذى يلتحف جرحه الموشى بالعشق

يبهرني ضوء ..
ضوء بارد
يحمل عني أحزان الطرقات

والله أطربنى التعبير أيما طرب، فلأدنو منكما إذن وأبشر فوق شدوكم الزاهى الذى أبهرنى


الصمت يا أصدقائى أنبأ إصداقا فى أحايين كثيرة من كل صراخ العالم، والتحديق هو جسر الدخول الى كنه الأشياء، يصل بين عمق الرؤيا وبين الوجود، الوجود فى شكله المطلق

لتتجلى الرؤية

أحييكما

بس بكل صراحة انا بمر عليها كل يوم من ما نزلت و ما عارف اقول ليكم شنو لكن سؤال
لو دى سمفونية الصمت
لو بالغلط صدرت منكم صرخة مشتركة تجاه الوطن التربته مطمورة بالعشق دا حتكون كيف؟
دا الحالة انا ما ذكرت إحتمال ردود الصدا من الكهف؟
و لا و لا ولا ؛؛؛؛؛ كتير من التفاصيل والإحتمالات الباقية
اكيد حنلحق العراق بتهمة إمتلاكنا لاسلحة دمار شامل
كله إمكن
لكن
شكرآ من الأعماق
ورورورك

واحشنى

وكل سنة وانت طيب والحجة مبروكة ، يا ود البلد

The Rain

زل الغيث واتى لنا باللواقح من الدعاش

شكرا على التحليل والمجهود

ورورووك

وانت كل ما تمر عليها بتمر بخاطرى ، تمر ابداعاتك فى البورد ومجهوداتك التكنولوجية وخفة دمك
ارجو انك تجد التقدير البتستحقو
اشكرك

والسودان لو ما اتصرفنا بسرعة ببقى عليه اكتر مما بقى على العراق ، وعلى نفسها جنت الجبهة ، وعلينا

دحلت اتمشي شويه علي شارع كلماتك وردود الاخوان والحنكه التي تتمتعي بها في الرد علي زوارك ...يا تاجوج البورد

ياللقب ، شكرا يا سمير على العرش واللقب

وانا اطولها؟؟؟؟

فى ذكر الحنكة اظنى بقيت ليك زى ناس باب مشكلتك ديك؟ الله يستر

المعذبة قاف سين عين

وقل لى بربك ماذا افعل
وانقذينى

وديك تشيل وتالف ليهم فى الردود

اوع بس اكون ذكرتك ليها، بكتلك كان قلت آى

هااااااااااااي يا كوم الرقه ...دي بالغتي فيها ...وبدون تعليق

الأعــزاء
THE RAIN
woroorrook

ليست هذه سوي صرختنا الضئيلة الأولي اللي نطلقها معا في اتحاد ذكرني بالتقاء النيلين ..

نعدكم المرات القادمة تكون التجربة أعمق لأنكم قرأتمونا هاهنا بشكل صحيح و عميق .. مما يحفزنا بالمزيد من الصرخات المدوية ..

لكم منا كل الود


مــودك

ماقادرة اعمل اي شي
غير العنوان
الصمت و التحديق
محمد قسم الباري
تماضر شيخ الدين الله يخليكم

اصلو الزول مايغيب
كنت ماف و البوست دا فاتني و الا اعلق علي

يا موديك


تعاااااااااال