بوست ...الغلط...لاهل العوض ، الرحمابى.. بدر الين شناه ..ومن لف لفهم

من لف لفكم ديل ناس الملاعمر وبت قضيم ودافى وتمبس وملكة اللف لفكم شيرى



ويا اهل العوض
من ما كتبت ليك غنمى طرعى

فى بوست حصة المحفوظات

وانت كتبت لى : دجاجى يالغيتول حبة

وانا بقرقر

المهم لقيت فى يالغيتول حبات زى دى كتيرة جدا

فى سغافتنا السودانية

وما تخلوا عجب الفيا يتدخل فى الموضوع دة، دة موضوع خاص بى سغافتنا السودانية
يعنى فى ولد بتعلم فى الغنا وبدا يكتب غنا فى نوتته عشان يحفظو،

فكتب اغنية مرت الايام وعمل فيها غلطتين "خالدتين" الاولى
كتب

ما بينها رغوة دموع

قاصد ما بين ارق ودموع

وكتب سميرى يابقلبين

قاصد سميرى يبقى البين

اما عاشق الفنان محمد الامين فكان بغنى فى فى الاغنية البقول فيها " فى انتظارك ياحبيبى"

فلما جة للمقطع : القى فى قربك سعادتى

بدا يأشر والبنات قاعدات فى الصف الاول،

برشاقة شديدة جدا ، يدردم يده فى الهوا ، ويركز على واحدة من البنات ويقول ليها: القفى ....قربك سعادتى

هههههههههههههههههه

القفى... قربك سعادتى

ولا الفنان الحلفاوى البغنى اغنية محمد وردى،

لو بهمسة

وكل ما يقول همسة ، يفرد اصابع يدو الخمسة ، ويرفعهم بمعنى انه عارف الرقم كم؟؟



لو بهمسة


لأ و ايه؟؟؟ يا قول المصريين

لما تكون كلمة اعلان مكتوبة غلط فى محل ، وانت مضطر تقراها طول اليوم او الشهر ، او العمر

الناس لازم تعمل ثورة ضد السغالات دى،

يعنى لزومو شنو فى بص بمشى من الخرطوم لغاية القضارف ، تكون حبيبة السواق ولا المساعد ما عارفه ، اسمها بثينة ، ويكون كاتبها بالسين
بــــــــــــــــــــــــــسينة

وانت تقراها لمن تصل القضارف، زى ما حصل لمريم محمد الطيب ، يعنى دى امكن يشيلوها بى نقالة لمن تصل القضارف ،
لزومو شنو الولد المساعد بتاع اللورى دة ، يكتب فى حيط الموقف كلها

مفى دعى، مفى دعى
، مفى دعى؟؟؟

قاصدا مافى داعى

اخخخخخخ

وسواق التاكسى دة ، ليه يكتب ، فى المرايا

كلمينى ....يا

وواحد يكتب اغنية محمد الامين ، سارحة مالك؟؟؟

وتحتها طوالى يرسم غنماية؟؟؟

ليه كدة ؟؟؟ ليه كدة؟؟؟

ممنوع وقوف على سلم

من الخرطوم لى كسلا؟؟؟ على سلم؟؟؟

انا البوست دة حيعمل لى هبوط

العزيزة تماضر لك الود

احد المعارف كتب لولده مذكرة كالتالي
ارجوا الذهاب الي (السوق الماركت) طبعا المقصود
super market

نحن معانا بت هندية فى الشغل

كنا فى الفطور بنتونس عن الحرب وامريكا والعالم الآخر دة

فسالتنى ببراءة هندية رائعة عن الشخصية المحيراها دى وهل هو ول كويس ولا كعب فى نظرى

وكانت بتقول لى

صدامه بن لادن

sadama ben laden

السوق الماركت؟؟؟

انت زاتك يا سوركتى مفروض تكتبها

السوقل ماركت

على وزن الجردل سنوى

قاصدا الجرد السنوى

والايامو بينما..... شكرا على الطلة

الايام بينما ، دى ما غلطة كيبوردى ، دة زول عديل كدة فى نص النقاشات يقول ليك والايامو بينما

ٍسلااام مربع

تماضر: العسل
_____________

وام السغالات ذاتها هي
انك تركبي طياره وتدفعي ثمن تذكرتها كاملا
وتستحملي 13 يوم من التاخير
تعالي وامشي لع انتظري
وفي الطياره تفضل المضيفه لافه ولافه
في الطياره بسفنجتها
وكش وكشت وكشت
تحميك الغمده . بكثرة هرجتهاونقتها ومرجها
ونبيحها وسبيحها
اما
ام السغالة الاسغل من كل السغالات
ان يقعد جمبك في هذه الطياره
واحد اصيب كليا بهرس عقلي وحضاري
ولم يعد يعرف مع من يتكلم مع خواجياتيه ولا اماراتيه
رغم انه لم يعدي على خروجه من السودان عمره وزوقه
(اكثر من ستة شهور قضاها راعيا للاغنام
في وادي الدواسر ، والنصف الاخر قضاهو
راعيا للبهائم في وادي الرمه
وكان الستة شهور تلك التي قضاها في السعودية انسته الخمسة وعشرون
سنة التي قضاها في السوادن
ولم يعد يعرف الا هذه اللغة (الهجينه) التي تكره عديل كده في خشمو
ويتحدث معك على اساس انه غاب ستين سنة عن السودان
والموبايل الذي دفع كل نصف ماادخره من ريالات فيه حتى يريه (ربعه)وهم جلوسا تحت شجرة لبخ ولا جنب شجر عوير ..نغماته الكثيرة والرهيبة ..
ويجرب في النغمات ويجرب والناس منزعجة جدا من هذه النغمات التي تصن الاضان ..
ومصر اصرار عجيب ان هذه الموبايل الذي يحمله لم يرعاه احد قبله حتى بيل غيتس لم يكن عنده واحد مثله .. كأن الذي وجده في هذه البلد الكبيره الرحبه فقط موبايل (هارمونيكا)
تدرين ان الموبايل هذا ممكن يحفظ الارغام لحدي الف رغم..وان رغمي هناك في السعودية كان مميز..
ترى هذه النغمه حاطيتها من محلات مشاعل الخليج
هذه النغمه بس حاطتها نوال الزغبي ..
وتبري وتستبري منك ياود امي نوال الزغبي
والمضيفه تحدر له ان يقفل الموبايل
وهو (يبري) فينا بنغماته وموبايله
وتتخلى المضيفه عن وقارها لحطه وتجأر فيه جأره عاتيه بطول حسها ا
ياخواني انا حلقي دا ما وجعني ماقلنا ليكم قفلوا الزفت الجوالات دي
خلونا نطير ..
وكل لحظة والاخري يحرج جواله ويطلب منك بفشخرك ان تخبريه عن التغيير الذي حدث في الخرتوم
اصلوا طول اوي منو
- بغيت اسألك (يازينه) شو اخبار البلد
-والله الواحد واحشوا السودان وربعوا
-والله ماادري ايش اللي مجلسهم في هديك البلد الله يهديهم بس
-ابغي قارورة مويه
-ليش ما تحطون مناديل معطره على هادي الوجبه
-
والمذيعة زهجت منه ومن طلباته التي لا نتتهي وانا اضاني اتفرطقت منه ومن فشخرته الماسخه ..
-ياخوي انت من وين
وعندما اجابني بانه من ام صفقا عراض
اجبته وانا اعني ان سكته والى الابد
- وليك كم سنه من الخرتوم
-والله سافرت شهر ستة الفات
-لا ياخوي لسعة عنمكم راجينك تفسحن شويه بدل ما انت قاعد تعوج في خشمك وتفسح في غنم الناس
كدي بالله زحي لي كده بعيد عنك جاني شلل اطفال في اضاني
وبالله لوسمحت يا اخت اديهو ملاح لوبه عفن خليهو ياكلها الاكل دا ما عمل ليهو حاجة

واللا مذيع يقول ليك
اتغدم بفائغ الشكر لكل من ساهم في هزا البرنامج

ويقوم بالليل يرسل جواب لحبيبته يقول ليها
انا بخير لا ينغصني سوى عدم رؤياك القالية

شكلي مركلسة هنا يا تماضر
انت بدلعوك يقول ليك شنو؟

غايتو يا تماضر و من لف لفها بالنسبة للأغاني فقد أخلو لنفسي الليلة وآتيكم بالعجب .. لكن أذكر أن أغنية وردي العظيمة كنا نفهمها كالآتي :

نحن في الشدة باء سونيا تجلى

ولا أغنية الحقيبة :

من الآس كلى وحلة

وطبعا سمعتو بي ربك أبى كوستي - ربك مبتدأ

هنا في هذه الديار المباركة مطعم اسمه مطعم أبي العلاء المعريي! حيث في ظني أن مجموع ما أكله المعري في حياته لا يتعدى سخلا رضيعا .

ولا محطة البنزين (في الرياض) التي اسمها بالانجليزي

Khamis Musheit to Betroleum

وكيتن علي الانجليزي ترجمتها بالعربي

محطة خميس مشيط للمحروقات

يا سلام عليك يا أهل العوض
ذكرتني من الأسكلا لو حلا وقام من البلد ولى ودمعي لي التياب بله
خطير دي نكتها من وين دي؟؟؟

وكب يا دمعي لا تكون جاف يا قلبي البقيت رجاف
دمعي لي التياب بلى
ييييييييه
أيام

معليش يا جماعة دخلت ليكم في الموضوع شمال سويت ذي السكران يدنقر في العروس في نص الحفلة يقول ليها بسماجة
الأخت مختوبة؟؟
سوري لهذا الفاصل الإعلاني الغنائي نعود للتفاصيل

صب يا دمعي لا تكون جاف
ويا قلبي البقيت رجاف
دا البدر الخفى الأنجاف
اليوم شرف الرجاف

قرررربت أتذكر حكاية الستة شهور وكم دقيقة ديك

وفي رواية نصيحة اعلانية

الأخت تماضر
نسأل الله لنا ولكم العافية في الحقيقة ودي لازمة لكل من تمترس خلف مايكرفون للكلام على الهواء مباشرة أو حتى عند إعادة البرنامج في الحقيقة وليس هناك حقيقة غير أننا أحق بأن يكون بثنا الفضائي أرض أرض لا يراه إلا السودانيون بالداخل ولا شأن للمهاجرين والمغتربين به وكفانا الله شر عرب سات ، يقول الرشيد بدوي عبيد في تعليقه على مباراة في كرة القدم قونننننننننننننننن ونطق حرف النون عنده غالباً ما يشبه صينية من الحجم المتوسط تقع فجأة على أرضيه بلاط فيبقى صدى صوتها يلف المكان لفترة وينخفض رويداً رويداً إلى أن يتلاشي وذلك عندما يحرز فريقنا هدف أما عندما يدخل في مرمانا هدف وعادة ما يحدث ذلك يقول معلقاً على الهواء مباشرة يا ساتر يا ساتر قون حكم غريب جداً والله حكم غريب جداً ما طبيعي ، كتب أحد اصحاب المهن الحرة جداً على باب محله التجاري الفخم بالعاصمة طع 100 وبي كده خلاص أتى بما لم تستطعه الأوائل والأمر أولاً وأخيراً لا يتعدى شوية حمص وبصل وعيش يابس وزيت يتم إستخدامه أكثر من مرة وبالهناء والشفاء ومحل ما يسري يهري.
من أجمل ما جاء في الشأن الغنائي كسرت أبريق والدنا ولا أدري لماذا العقوق من هذا الإبن الضال الذي حطم إبريق والده لا لسبب إلا لأنه طلب منه أن يملأ الإبريق بالماء فسكب على الثري ماء الماسورة فصبت عليه الإدارة المركزية جام غضبها فقطعت إمداد الماء عن منزلهم وتبعتها الكهرباء والتحية لسوداتيل لأنها لم تفعل.
أما حاجه اليمن بعد أن أصابتها حمى شديدة أخذتها إبنتها إلى الطبيب فسألها عن مرضها فأجابت ، عندي وردي ، بكسر جميع حروف العلة إلى أن تزهج ، فلم يفهم ذلكم الطبيب المتفلقص فأبتسم إلى إبنتها فنظرت إليه في إستحياء وتبسمت وتكشمت وتعطلت لغة الكلام فخاطبها الطبيب ما خطب أمك يا فتاة ، فردت وليتها لم تفعل ، قالتلك قعوورد

تماضر عن اذنك شوية كدة عاوز الملا عمر

عزيزي الملا لك الود
بمناسبة قعووورد امسك دي
احدي الحبوبات خاطبت حفيدها قائلة:
يا ولد في الكيم هو في جر جاو انتقوا ارموا(والله ما رطانة)
مع الود

والله يا عبد الرحمن سوركتي يا أخوي آخر حبوبة عندي إنتقلت إلى رحمة الله قبل سنتين تقريباً يعني بقيت بلا أى حبوبة ولما كان مثل كلامك هذا غير موجود حتى في أدب المدايح أسألك بالله أن توضح وتفصح وتفسر لأنو أنا حتى لم أستطع قراءتها فما بالك بفهمها.
لك الود وباقة ورد

العزيز الملا
الكلام كالاتي
الكيم = الركن او الزاوية
هو= دة
جر=برمة اوزير
جاو= نوع من التمر
انتقه= انزعه اوجروا
ارموا = ارميهوا
ولك الحب

أخي ود سوركتي
ماذا تعني سكورتي وما الذي أوصلكم إلى أندونيسيا أيها الإرهابيون بالمناسبة هل لكم علاقة بتور مروي. قلت لي يا أخي
الكيم = الركن او الزاوية
والزاوية دي قائمة ولا منفرجة والركن ده يماني والله كلامك ده ما سمعت بيهو قبل كده دي بي يا تو لهجة يا عبد الرحمن
هو= دة (معروفة سمعتها دي)
جر= برمة اوزير أو تيبار والأخيرة من عندي
جاو= نوع من التمر بعرف جاوا جزيرة وسمعت بالقنديلة والبركاوي
انتقه= انزعه اوجروا دي برضو سهلة
ارموا = ارميهوا دي وضحت بعد تفسيرك لها.
لك التقدير ولك الإحترام على هذه الإضاءة الرائعة

الناس ديل بغلتو في الحروف ، لكن والله حبوبتي مريم بت دفع الله جابتو ليكم كُتر ( بضم الكاف )

بعد تعب شديد أقنعناها تمشي فصول محو الأمية / تعليم الكبار ، وكانت شاطرة جدا .. مرة الأستاذة قالت ليهن كلو واحدة تقول اسم ملاح / طبيخ يبدأ بحرف الباء ، يعني عاملة فيها تفتيحة جابت ليهن الواجب من نفس ( الحقل ) أها الخالات كلهن قامن ليك بامية – بطاطس – بامبني - .. الخ ، طوالي امي مريم دخلت في الخط وقالت ليها ( قرع ) أى والله قرع عديل كده ، المدرسة قالت ليها يا حجة مريم لكن القرع دا ببدأ بي حرف القاف .. أها كييييف تقول ليها كده ،

قالت ليها هوي يا البنية والله الملحات اياهن الملاحات ، لكن البدورو بتعدلو ليهو ساكت ..

قامت المدرسة شافت مافي طريقة غير تعمل امتحان تحديد المستوى ، وطبعا حبوبتي المسكينة كانت مستوى تاني ، خلوها قبلها في صفها حولو معظم ( الطالبات ) لي صف آخر ..

والله يا جماعة حاجة مريم زعلت زعل .. قالت ليها منعول أبوي أكان أقعد معاكن تاني ، الحقارة لزوما شنو ، ما جينا في يوم وااااحد أنا وبســــينة دي ، .. وكان ذلك آخر عهدها بفصول محو الأمية

مجرد سؤال ، بالله عليكم منو الكان بحتاج لحمو أمية ، أمي مريم ولا المدرسة دي ؟؟؟

زمان في اغنية لعبدالقادر سالم ..

جات وارده رهيدا .. كيفن ما بريدا

والله أنا كنت بسمعها بطريقة لو قلتها هنا ، أسى الناس تلفح عكاكيزا وتجي كاسرة .

وتسلموا

رحمابي

تماضر وسيمة الطلة

هاكي

نحو الامية

جريدة الرجل العام

دفرت الكاس عن شفتي

باظ الصحافة

مستشفى ابن الذين ( لمستشفى ابن سينا )و

الدموع للحنك

من القرقرة


اها قلتو شنو ؟؟؟؟

لا يمكن بالطبع مجاراة شيري ولا أهل العوض ولا بت قضيم ولا كل من ساهم هنا بهذه الإبداعات الجميلة ، ودخولي كان من باب الاستمتاع والبحث عن ضحكة في هذا اليوم الكئيب .. ولكن الشيء بالشيء يذكر بعد إشادتي بالأخت/ تماضر وإبتداعها لهذا البوست الفلتة.
جاء إبن شقيقتي الأصغر يجري منطط عيونه ويتكلم عن شكلة كبيرة جداً بي جاي والزول طلع السكينة وما عارف شنو ... سألناه باستعجال وين الكلام ده ؟؟؟ قال جنب ناس (زينب عابدين) ويقصد زين العابدين .. كما أن أحدهم وهو قدم حديثاً من البلد ولفت نظره الباعة المتجولين في سوق أم درمان ،، وياخد لفة طويلة كل يوم في السوق ويرجع منهك ويستلقي على السرير ويبدأ في التسميع : مويه .. مويه .. برد .. برد .. بي عشرة ريال كتر الغيار .. والخ .. ويوم من الأيام جاء ممتلئاً دموعاً .. لكن من الضحك .. مالك يا فلان ؟؟ قال لقيت لي واحد سايق ليه عربية كركعوبة وكاتب عليها بي ورا (بس تشيل فوقي وتودي) في تقديره انه الزول قانع بأن العربة برغم سجمها ورمادها إلا إنها بس توديه وتجيبه ولم يكن يسمع بأن هنالك أغنية فيها هذه العبارة .
ده (شيرنج) بس عشان الواحد تاني يقدر يجي وعينه قوية .. سلمتم

يعني انتو ما سمعتو رئيسنا البشير وهو يقول
وغد إلتغيت بالرئيس بوتفليغة وغد إتفغنا علي أن نلتغي هنا لمناغشة كل الإتفاغيات المبرمة بننا وبين المتمردين

صلاح ضرار
والله بركة الجيت هنا وزينب عابدين

لانى كنت قايلاك محاربنى من بوست الحجاب


وبالغت ياروبنسون

بالقت فى الحغيغه

الأستاذة/تماضر
قيل إختلاف الرأي لا (ولن دي من عندي) يفسد للود قضية
لكن إنتي ما تجيني من الآخر وتقولي لي ما كنت قايلاك بتضحك .. أمزح والله

ما عكسته الأخت/شيري حقيقة (فقع مرارة) والمفروض كان يكون من ضمن سلسلة كيف تفقع .. كأن يكون كيف تفقع مرارة الناس الفي السودان وانت جاي عامل فيها مغترب
سلمتم

أخي روبنسون
أنا سمعت الراجل الذي ذكرته أنت يقول إحنا يا جماعه وتنطق على وزن محنه ويقصد حفظه الله نحن ، وبعد كده تقوم الموسيقى تعزف والراجل يرقص وتاني الحرس ما يوقفوا

وفى ول بغنى اغنية ياحبيبى انا عيان

وغلط قال فى الصيف او فى الطحيان

وفى ناس العريس حفلتو ليه فرتقو

ومشينا بى حبرى الكرية

وناس خبرة وايت

يعنى ابرة وخيت

وناس

كرتة وشنطونتين

وهلمجراااااا

الأخيرة دي بت المنى بت مساعد قالتها لي موظف سودانير في بلاغ عن عفشها المفقود.

تماضر


ما سمعتي بي

حبيت عشانك كسلا

حبيت ديار ياعشانا

وعشقت ارض التاكا
الشاربة مري حانه


واستحل هلاكي وبي حرمها لالو


والكلام ده كلو سمع اضان وشوف عين في كراريس وهو كتير بس هسي ما متذكر

وتبقي

ما بينها رغوة دموع اروع

والله هسي لو تغالطي الكان كاتبها كده ما يتغالط ليك
لانو جاية ما بينها رغوة دموع ليش لا

وتسلمي

ملحوظه


" غشارة إلي "

معناته شنو ؟؟؟؟


ليها علاقة بالطحنية والمربعة

والا انا مالي


المطرة تكون شايلة يقولوا ليك ..يا ولد اطلع افتح السباليق
حبوبتك المخستكه تقول ليك
يا ولد انزل من راس البيت
يا ولد انزل من راس البيت




بس كان ورتني راس البيت ده شنو ؟؟
بتعرفي راس البيت ياتماضر ؟؟؟



جارتنا نخناخه
وعلي العليها كركاره وروحه محرقاها الوقت كلو

كانت بترش بي خرتوووووووش الموية
قوم يا الخرتوش اتلفا ويا الختوش انفصل من الماسورة والموية اتدفقت
قالت :

يا الله خلاص الخرتوش إتلفا في ميتينو ؟؟

ولده الصغير شايف المنظر قال ليها يا ماما قولي استغفر الله العظيم ياخ

يا جماعة الخير
في مذيع بتلفزيون السودان بقدم برنامج الرياضة
اسمة سيف الدين علي
لما يقول ليك
غام الفريغ الغومي يغيادة مدربه
بتدريب ناجح
وغد التغينا بالسيد الباغر
حاجة كدة تفغع مرارة شيري زاتا؟؟
و لا ياتماضر في السعودية مغسلة سيارات بالانجليزي مكتوب
CAR LAUNDRY
اي و الله كما هي

تماضر والأحباب
الجروح استدعت الأربطة- على قول إحدى نساء أسرتنا وهي تحكي عن حادثة عظيمة.. لأن هذا البوست قد استدعى التوجه سريعا نحو صندوق مناديل الورق.. ما كانت الزولة قايلة في ضحك الأيام دي يكبكب الدموع زى دة!
وطبعا لا يمكن مجاراة خفة الدم هذه ولكني أضيف بعض الحكاوي حتى تكون في مخزونكم وذلك من باب: من جهز غازيا فقد غزا!
إحدى أخواتي تقول أنها كانت تظن أغنية الشفيع
قولوا ليه حبيبك أمسك المجنون (والقصد أمسى كالمجنون).. الجنى شرطة!
وبعدين قولة لو بهمسة بتاعة وردي دي التي أشير لها في البوست، تقول الرواية أن إحدى مسنات أخواننا البرابرة في الشمال كانت مستاءة من أن الفنان وردي يبدأ بغناناس الخرطوم ثم يختم في أعراسهم بألأغاني النوبية، وكان يغني في تلك الأغنية فقالت ضجرة:
لو بهمسة لو بستة ياهي غني رٌتانة وهلّسنا!
بعدين مسألة الغلط دي عندها رواد من أبواب أخرى زلها فرسان مشهود لهم بذلك بين أسرهم وأصدقائهم..
مثلا عندنا واحدة -شيل الحس ما فيه لزوم- بطلة في مثل ما أرمي إليه وهاكم من ذلك:
شعرة موسى (الشعرة عن معاوية وموسى عنده عصا!)
الجردل فاضي لنج (خلطت مع جديد لنج!)
قايلة البير تحته فكي (القبة تحتها...)
والزولة دي عندها مدونات لكن أنا ما مستحضرة التفاصيل.. حبذا لو سمعنا منكم هذا الجنس أيضا من الغلطات
ودمتم
رباح

والله يا مناضر شحت الله افرحك متل ما فرحتينا؟
عمنك من الخرتوم والله مو كدى؟
اخساوى ونفساوى؟
ومرقنبو قرنبو
(مرقن قرن بيهو)
اى خرجن للقراءة به؟
ولازال الليلو طفلن يحبو؟؟
وواحد من حلتنا بقدم الحفلات بقول
سيساتى انساتى سادتى كل حفله وكل يوم وطوالىىىىىىىىىىىىىىىى
ولحد هسع؟زهرة الروض الظريف؟
ومن جناين الشاطر؟
وجسمى المنحوب؟
انور عبد الرحمن

العجب العجيب لما تسمع مذيع رياضي (في الحقيقة مذيع ومعد ومقدم ومخرج ومنتج كل البرامج الرياضية في الفضائية السودانية)يقول ليك :وارى اللعيبة على الخط يلتهمون الماء التهاما(سمع اضاني دي)شفتو جنس الفلسفة العورا دي ...وللا تجيك مذيعة رياضية تقول ليك وكان اللعيبة الاحتياطي يجلسون على (ركة)الاحتياطي تقصد(دكة).....
وللا تلقى ليك يافطة كبيييرة(في الحقيقة كم يافطة) مكتوب فيها الشهداء تاج(في)هامة الامة اول مرة نعرف انو التاج بدخلو جوة الهامة...

وما دايرين نتكلم عن جر الفاعل ورفع المجرور ..ايييييييييييك نكمل الباندوث (واللي هو ما عارفو شنو) بتاع بكري كله وما نخلص...

فميلة = فنيلة

مربع =مربه

في الليلة = ديك وهنا ما عرفت أرسم الديك زي ما مرسوم في باظ الماي قومة

وا أبو سنّاه = وا بوسناه وده موقف شخصي دلالة على الطشاش





أبنوسي

سمدالله على الحلامة

وبارك الله العظيم

لوووووووووول والله ضحكتوني في هذاالصباح المكفهر لووووووووووول اها كان في زول مكسر فيني وانا كنت بالحيل مكجناهو اها جات حبوبتي من البلد وهو طبعا ما قصر معاهاتب يشيل ويخمخم في الفواكه والبن والشواهي ويجي يساعلهااها يا حبوبه كيف اصبحتي ؟ وكيف امسيتي المهم وقع ليها في مزاجها تب اها يوم حبوبه اتنحنحت وصنقرت علي حيلها وقالت دايره تشكروا بلا فتحت خشمها تقول ليهو والله يا سلام عليك يا فلان انت راجل نفسك واطيه خلاس الراجل اتخلع ونحن قر قرررررررررررررررر.لكين صدقوني انازاتي ما بتكلم عربي الا في الفصل مالنا مضيقنهاعلي روحنا

سلامات
سلامات
هاهاهاهاهاهاهاهاهاهاهاهها
مساااااااااااااااطيل
والله مشاااااااااااااتيل عبدو للازاهر

بسم الله الرحمن الرحيم

الأخت / طماضر
سلام عليك وعلى من لفا لفك محل ما تلفي (الشغل البيت المسرح)وما يفرقكم إلا النوم

الراجل حالف بالتقطعو يسمي ولدو (نكتل) والجماعة قالوا ليهو ياخي دا إسم شنو؟
قال ليهم دا إسم من القراءن
قالوا ليهو ما في كلام زي دا
قال ليهم في أقروا المصحف كويس
مافي
في
مافي
في
يازول بعد حجة طويلة والضباح ماسك السكين للسماية الراجل جاب ليهم المصحف وأشر ليهم على الآية 63 من سورة يوسف
أقروا هنا (فلما رجعوا إلى أبيهم قالوا يا أبانا منع من الكيل فأرسل معنا أخانا {نكتل} وإنا له لحافظون) والقصد هنا فعل الكيل


سواقين العربات في حلتنا بقولوا
الحصايصا طبعاً المقصود الحصاحيصا ولكن الحا الوسطى إنسهكت بي كترة المساسقا
ولأن النسوان الكبار عندنا الواحدة بتقول أنا شايلة الحصايصا فقلنا ما مكن تكون حرمة عزيزة مكرمة شايلة ليها حصاحيصا من غير حا لأن إمكن يجي راجل في اللحظة دي يلقاها شايلاها من غير حاء عشان كدا وديناها لي سيبويه عشان يخيط ليها حاء


زمانكوال هواوانك


في الضواحيو طرف المداين


الجماعة يقعدوا جنب ست الشاي ويقولوا ليها

كبليا شاي أو أديا شاي
كبي لينا شاي أدينا شاي
النون ما بدفعوها لأن سعر الشاي غالي


غزار دموعك ما بتفيد
غدار .. دموعك ما بتفيد

هاهاهاااااااااااااههههههاا .. الكلكي. علي الطلاق ضحكت ضحك حسيت بيه طالع من أعماق كياني الصهيوني زاتو

محمد ود حمودة .. متخصص سرحة بقر و بس .. ما عندو تاني في الدنيا دي اي شيء. شفع الابتدائية بيجوا بالليل يذاكروا الحساب في الديوان الببيت فيه محمد ود حمودة. الشفع يقعدوا يجضّوا: واحد معاك الاتنين .. اتنين معاك الاربعة .. خمسة معاك الواحد .. سبعة معاك التلاتة. هم بيتمرّنوا على عملية الجمع

ود حمودة كل ليلة يرخي اضانو للشفع ديل و محتار بيقولوا في شنو. يوم اتوكل على الله و سالهم قال ليهم: إتو آ عيال كل يوم شغالين واحد (معك الاتنين) و سبعة (معكت تلاتة) و اتنين (معك الواحد) .. اها أكان العشرة معكت ليها خمصطاشر بتبقى شنو؟

مالك يا زوول واقف هنا؟ والله قاطع بنزيم؟
شفتك امس ماشى جم السوق؟ والله مشيت الفورم اجيب عيش؟
اها واحد جاء يختب ليهو بت؟ابو البت سالو قال ليهو شغال شنو؟
قال ليهو انا فن نان؟ بتغنى؟ لا؟ عازف؟لا؟ايوه بترسم؟ لا؟
شغال شنو طيب؟ انا شغال فىفونن ويعنى فرن ؟
وعلى شاكلتها دزار؟ ببيع دزر؟ جزار وجزر؟

مدلــينا مدلــينا
الشرغوتــة و الغربـــوتة
مـــدلــينا
فهمتى حاجة يا تماضر فى الاغنية الفوق دى

تقول لى دى الشرق اتى
الغرب اتى؟؟

الشربوته


لووووووووووووووووووووول

ولووووول لكلكم

انكتوا انكتوا المستخبى


حقيقة الدنيا دى طاعمة

وشكرا يا رباح على طلتك

مع انه كل الناس مشرفين
لكن طلتك ليها طعم خاص

لانى اول مرة اشوفك بتطقى الحنك



زينا

وامسك المجنون

اها اتظكرت ليك حاجه؟ اقول ليك ياخى ما تتفلفس علينا؟
مره قاسم نصر سوركتى متظكراهو اظنك؟ قال لى الجمهور فى سينما القضارف لما اجى همد الريح يغنى ؟ بقولو ليهو تير الرهد يا استاذ انصر دينك؟

طماضر

أنا غايتو من النايحه دى ما عندى مشكله

داشى راس زى هداشر مرّه كده

لا بقصض تماينه مرّات هار دلك

انا بلعب سيرباك وكنت قبولا

حارس مرمغه

لوووووووووووول
حبوبه دومه
ضحكته لمن ادشرقته
قولتي زول واطي

هههههههههه

بالغتي فيها دي

اها عندكم طشتي قسيل ولا قساله

طماضر علي قول شنا
ماقصرطي معانا في البوست دا فكيتي قمتنا(غمتنا) شكرن ليك


والغداء زاهب
الغداء جاهز

وانحكي ليكم قسة
اليومداك،، قمت كدي (قت) (امش انوم) لكن الفقر وش النقر دقت عليا الباب (قات ليا) إلللللا (نقوم نمش) (ناس) علوية في (الاوستبالية) قوووول كدي لبسنا واتمسحناومديت ايدي في (راس الدولاب) شلت (الزجلان) وجينا (مارقين) من (خشم الباب) قام الشافع قال كدي (يتنايص يتنايص يتنايص) اييييييييي لااااامن (سوالنا زداع)،،،
قال قال إلاااا راسه والف سيف يقوم يمش معانا
خوفنا يأخرنا من (كجولتو) في الشارع
قمنا (قنا) ليه امش سمح (استحما) أها (داب) ما دخل الحمام (قنا) كدي قمنا براااااااااحة اتسحبنا(كررررررررب) فتحنا الباب (فت فت فت فت ) برااااحة جرينا (السحاسيح) في (الواطة) ،، وقفنا في شارع (الزلت) انتزرنا انتزرنا انتزرنا
لااااااااامن حيلنا (بتا) (وكت) زهجنا وقررررربنا نقوم نمش،،، من هناااااااااك (زيييييييطك) عربية جات واقفة،،، (انقروا) ما لقيناهم ناس راجل علوية (زااااطم) ماشين الزيارة
ركبنا العربية (اتصنبعنا) (اتكرفسنا) لاااااااامن وصلنا
أها نزلنا (الكرفسة) يا يما ما تديك الدرب (اتقول) طالعين من خشم البقرة
دخلنا العنبر الراجل قال الشافع (السسسسسغير) ده ما يدخل (مننوع) دخول (الأتفال)
وقفله ود عم علوية (جمب) الباب (قالو) يا ود امش السور المكسر بي هناك ورا الاوستبالية ونط تعال
الود قام (اتشالق اتشالق) لااااامن قدر يحصل السور
وبس قال كدي جا من هناك ناطي الساعة (للللللوت) (برررررررردلب) جا واقع اتكسر متل قراصة الدوم
عمتو (سكلبت) (وووووووووووووب) عليا
عمو (كورك) لاااااااااااا إله إلا الله
أها شيلك شيلك شيلك يا زول يا ساتر يا ساتر يا ساتر علوية (ظاتها) نسينا (خاترها)
دخل الدكتور قال كدي (شررررررررر) قطع ليك قماش المنطلون
(الضبان) ينوني ينوني ينوني في (حتة) الدم (الكبا) من الجرح
سولو) (سورة) (إشاعة) (قالولو) (كراعك) انكسرت)
أها الجبص اجلطك اجلطك اجلطك مسوحولو الجبص
اكحتك اكحتك اكحتك شالولوا الزيادة

ومن ما صبحت (الواطة) لااااااامن (هندي) فللت ،، يا الأوستبالية ما (اتحتحنا) منك
شكيتها على الله (فاطنة) كان (قمزت)جاتني في (حتتي) اتقول (كايسالها) (مشتنة)

اتو الطفلان ديل مانعنهم من دخول الاسبتاليات ليشنو؟ يعني الطفل لو دخل مع أمو بدور يسرقلو مورود؟

بالله يا بت قضيم فكري معانا ، كان نحلها

قال الشاعر المهبوش .. مضوي ود فشق عرديب .. في إحدى رسائله النثرية

قمت عوعاية النجمة و طلعة الديك .. شديت ولدي و ركّبت حمارتي وراي .. ختّيت عمتي في جيبي و اتحزّمت بطاقيتي .. مرقت لي بكديساً الدريب ما يمرقو .. نبحتني النمرة الاسمها كلبة .. قلت ليها: جر، نفسة نمرت؟ .. عاين مشاهيبها التقول عينين .. و الله تطعنيني كان أعضيك


و الله أعلم

المشاهيب دي اسعلوا منها أهل العوض

وقالوا العربي انخلع من ضرب الرصاص
كنا قاعدين ناكل في الرصاص
البليلة دي فتتتتتتتتت جات طايرة فينا
شديت مرتي ركبت فوقها الحمارة
دخلنا لينا بي ضباً الشق ما يدخله

أهل العوض
ميروووود،، ميرود

شنتير - من دون مواغزة

في الروضة قالو لينا بيقول : شديت مرتي
بعدين ياخ وين جملك الاصهب داك
كدي وصفو لينا : حر عنافي نسل اماتو قاطع الشك
وجدو الابيض الصابق خيول المك

خسمتك بالرسول وسيدك الحسن

بصفتي..واحد ..من ناس..لف لفهم..عايز الف ليكم الموضوع شويه

حاجاتكم الزي دي ..عندي منها اكوام..اكوام..
لكن الدنيا رعد..ومطر شديد..واحساس رايح...رايح روحه ما حصلت قبل كده
بخش البورطي بتاعكم ده في الغالب الاعم وفي يدي..سندوتش مربي ولا طحنيه..وباكل بكل تبلد..واجغم في الصودا بكل بلاهه
لكن قبيل وانا في ملف من ملفات لف لفهم دي

لقيت حاجه لطيفه كده..قعدت اضحك..ولي هسه بضحك..علي قول سعدية مرة سعد جارتنا..بتحكي لي الحاجه قالت ليها..جيت قاطعه الخور والمويه دافره ..كان شفتي يا بت امي سفجنتي الساعه الاتملصت وفوووووو انجرفت مع المويه
وحاتك لي هسه ما لاقياها!!!!

اللقطه عملها اخونا في البورد السنجك..في بوست لي انسانه اسمو..الزوله دي هل اتصرفت صاح؟؟

Quote: الحكاية بتاعت ظروفي تصلح شوية دى عبارة بصراحة نيه شديد زي ما بوقلو حبوباتنا ما في كلام زي ده ابدا

انا لي هسه بضحك
وزي ما بقولوا حبوباتنا
دي بالغت فيها يا السنجك

في المرحله المتوسطه..قالوا لينا اكتبوا موضوع انشاء عن ..رحله قمت بها
في واحد كتب الاتي

جاءتني فكره في نهاية العام الماضي في القيام برحله الي السواقي الجنوبيه..وظلت الفكره.تحلق فوق راسي..كعصفوره تحلق فوق نافوره!!!!!فاخبرت الاستاذ فوافق..
فذهبنا الي السواقي الجنوبيه...0وهبطنا فوق الاشجار
ولعبنا كرة قدم مع اولاد السواقي الجنوبيه وقلبونا..اربعه صفر..ومع ذلك رجعنا فرحانين نغني..سالمه يا سلامه!!!!!!!

تتخيلوا!!!!؟؟؟؟

رباح بوظت لي امسك المجنون ، مرة في واحدة من تجلياته الكثر قناها لي هكذا ولكن بالكسرة الظاهرة على السين والكاف مش الظاهرة في قدح الباشري ،والمجنون الذي طلب مني امساكه كان ضابط الاييقاع بن معديكرب كرب ،عبدالمنعم الفكي حينما نشذ،لكني ملبت واحدة تانية،حيث سمعت واحد بيغن

يا محطم امالي العظام ،بالطريق الشاقي الترام

الاحباء بعد الودوالحب هاكم دي
سمع أضاني وما قول زول في بداية عهد الانقاذ المظلم كان العقيد يوسف عبد الفتاح ويتحدث قائلا(هؤلا من يدعون الديمقراطية اشاعوا الفوضي وتركوا الحبل علي القارب00يقصد الغارب000حتي ساقت الامواج القارب الي منتصف البحر

تصوروا000000000!!!!!!!!!!!!!

عيونو نعسانة
فتكاكةفتانة

وغامتو كلبانة

"يغنيها المغنى وهو يغمت شيئا غامضا بين يديه"

وفي كلمة لمسؤول سوداني مشارك في احتفالات سورة الفاتح من سبتمبر

إنها "السورة" لغوية وغادرة

غديمة دي؟

لغوية؟؟

دى غلطة لغوية


البوربور يحنن والقوربور يجنن


وفضة واحدة وطرف المداين



اها؟؟؟

والله يا جماعة ده ازرف بوست من كم شهر كدة ، لمن نسينا الضحك زادو
اها بالخسوس ده واحد صاحبنا جاهو جواب من امو وكاتبا ليهو
اخوك دخل الجامعة وبقرأ في كلية علومي دارية


نكتل
شذيت يا بدر الدين

سيرو ونحن من خلفكم نشد من ازاركم ( عديل كده ) ..سمع اضاني دي واحد خليجي

غايتو
الله يبارك فيكم لأبو اهلكم ذاتم
علي عملات حبوبتا لدومة

صباحكم خير

اها جارتنا حامل جات واحدة قريبتهم تسالها والمولود ولد ولا بت
الحامل قالت ليها والله ما عرفناه لسة
قريبتها :وليه يا فلانة ما قالوا الزمن دا بيشوفو بالاقمار الصناعية
(الموجات الصوتية او الامواج الصوطية فى رواية اخرى

يا هاله

في واحده جارتنا كانت بتقول علي الموجات الصوتيه دي..الاصوات الجوطيه..لوووووووووول

عندنا زميلنا مشاتر كده..بعدين جنو يطلع في حصة الانشاء الشفهيه ويتكلم
مره قالوا لينا اتكلموا عن الام..اظنو كان عيد الام ولا حاجه كده
المهم صاحبنا ده طلع وقف قدام الفصل ..وبدا
الام..نبع الحنان الصافي
وواهبة الحياه
نحن شعر راسنا وقف من الدهشه ..معقول..!!!!؟
وصاحبنا يلفخ
هي من حملتنا في بطنها تسعة اشهر..تسقينا من دمها..ومشيمتها
...يا سلااااااام..الدهشه متواصله
قام طبزها
قال
وعندما انجبتنا
سقتنا حولين كاملين من حليبها الطازج!!!!!!

معقوله بس..!!!؟ الطازج!!!!؟؟؟؟

وعندو كان واحده ظريفه كده في الكومبوزيشن
قال
when it rains, it gets muddy
and if it gets muddy, a car driver can't get it out of the mud
he gives it One, it does not get out
he gives it two, it does not get out
then he looks carefully and gives it three, it will get out swiftly like sweetقصدو تطلع زي الحلاوه لما يديها تلاته

تماضر القديرة
صاحبة القلم الرشيق
موضوعك عسل شديد والله
وتعليقات أكتر من جميلة عجبتني شديييد حبوبة رحمابي في محو الامية
والاجمل بصراحة صورة العسل بنته الله يخليها

والله الغلتات الكتيرة دي
اعتقد كان ماكانت لاقت الانتقاد من المجتمع الخارجي
ماكانوا قدروا شوية يغيروها
بس برضو لسه في مذيعين مصريين بيصرو ينطقوا الجيم غين في برامج
حيوية جدا
فالحمد لله ما برانا
تحياتي

[rihgt]

الأخت هوزي

كتر خيرك ، انتي الوحيدة الضقتي ملاح القرع بتاع حبوبتي ،
وإن شاء الله نشكر ليكن ملحاتكن حتكن ،
واشكرك على رأيك في البت صفوية، لكن للأسف ما شفت تعليقك إلا بعد ما قمت بتعديل البروفايل بتاعي ، وبالمرة قمت بتغيير صورة صفوية.

مشكورة

رحمابي

بسم الله الرحمن الرحيم

الجدية .. السا.. ساكنة حينا

مقتبسة من موضوع كتبه الكثيف الشاعر محمد محمد خير الله يطراهو بالخير في سودانايل

يوسف عبد الفتاح بخاطب فى ناس الفريغ الغومى ماشين مباره فى الخارج"انحنا املنا فى الله كبير ..و فيكم اكبر!!!!!"
ولد من الاتربو مع اخواجات بنبذ فى الجماعه"يا شينين يا عواليقين يا اولاد الكلبين"
بنتونس مع حبوبتى الله يرحما:اها يا حبوبه انتو كان عندكم حب زمان؟ برى يا يمه..قلة الادب ماعندنا,بس كان عندنا الغى!!!
واحد صاحبنا من المتحدثين في الاركان جنو يلخبط الامثال, عاوز يقول مظاهرة الجماعه التانيين كانت قصيره"مظاهره زى ضنب الككو..ويقصد العتوت"..الناس فى شنو و البقاره فى شنو!!!!!

عويناتك زرع لولى...
الترجمه من واحد اخونا
i sent you a beatiful letter
but your answer letter did not arrive
are you angry or what is the matter
اها البعرف الاغنيه دي منو؟؟؟

يا جماعه بتاع الساونا ما جا لسه(soundsystem)

زولا شرد شرده خت الجبال غرده..بريد زولى

يا جماعة نضحك شوية في ناس حصان طروادة (حزب الأمة)
الجماعة وهم بكتبو في برنامجهم للمؤتمر العام عندهم باب عن القوات النظامية- واحد من الشباب بعلق على الباب بخط يده كتب: حرص السيد
عرفتو المقصود؟
بعدين واحدة من الحبيبات مزرورة شديد عندها خطاب والزولة البتطبع ما موجودة: قعدت على الكمبيوتر طق طق حرف حرف- لما جات زولتها قالت ليها: أها يا عزة شفتي أنا بس ما بعرف الكي بورد كتبت ليك الجواب كلو ما عليك إلا تنقطي..!!

بعدين وليد صغيرون اسمو الصادق.. الأطفال سامعين الأغنية غلط بكاووه يقولوا ليه
الصادق البوخة!

واصلوا يا شباب
رباح

وبمناسبة الصادق البوخة

رشا اختى لما كانت صغيرة كانت كاواية ولديحة ، مرات يعنى، فابوعبيدة اخوى بغنى ليها

رشا يا سغيييييل غيظنى الهوى سبانى


هوزى شرفتى

وصفوية

وبالغت يا دافى
العربية والكلتشات

ووالله ياجماعة بصراحة كوميدتكم فاتت الحد

اها واصلو

ٍسلاااام مربع



cows leg's is bringer


ويا اهل العوض

كيتا على الانجليزي
واهله اجمعين

*كــراع البقر جياااابه

بتصرف من حديث الحبوبات

يا صفرجت

دي رسلت ليك اجمل خطاب
لي الليلة ردك ما وصل

زعلانة والله شنو الحصل؟؟؟؟

This is from the House of Kidneys



فيل بعاد طرعاه العناية
بين ضلوعي الوطن العزيز


والله دي جد جد كنا سامعنها

نظرة يا السمحة ام عجن
لو كان قليل ابريز شجن

اعرف صفا الايام افك
منظور جمال تلك الوجن

بسم الله الرحمن الرحيم

صلاح ضرار

الصحيح

صلاح درار

مع تحياتي للمبدع صلاح

الولد داير يعرس خواجية

وامو بتعرف شوية انجليزى

ودايرة تستجوب اهل العروس

عشان العادات السودانية " السمحة" وكدة




do u know how to hit the perfume??
يعنى بتعرفو دق الريحة؟؟


have u ever hit the lip???

حصل عملتو دق شلوفة؟؟


do u know how to cut the skirt???

بتعرفوا قطع الرحط؟

do u smoke??

يعنى بتتدخنوا؟؟

do u know how to flip the message???

ودى ما بترجمها الا تترجموها انتو، عشان اشوفكم بتعرفوا عاداتنا السودانية "السمحة" ولا ما بتعرفوها؟؟؟

تماضر
دى اوعى تكون ..... بتعرفوا تكفوا الدلكة

هههههههههههههههههههههههههه

بس ياها يا هالة

يبدو انك بت سودانية اصيلة او بت خواجية اصيلة


مش

from the house of kidney


ياقول نزار حسين؟؟؟

بسم الله الرحمن الرحيم

تماضر

do u smoke??

يعنى بتتدخنوا؟؟

from the house of kidney

دي ما بقولوا فيها لوووووووووول
دي بقولوا فيها وااااااااااااااااااي يا مصاريني الله يجازيك



والله الليلة أصبر لي يا (ود اللذين آمنو) ما أخليك
نحن زمان قايلنها نبذ وسباب

واحد من حلتنا مصاب بقليل من المدنيه؟
بقول للناس صباح الظهور؟
وهو قاصد صباح الزهور؟
ولى اظهرى؟
وفى واحده بتقول لى الزول المشهور
مشتهر؟
بكسر الميم وتسكين الشين وفتح التاء وكسر الهاء؟
وصباح الظهور؟
واسماعيل حسب الدبايب؟
وهلمى جرا زوال؟
ولى فى المصالمه غزال
وغزال البرى
يا راحى؟
وفى سكون الليم؟
ومغس مغس يا العزابه؟

مكرر

My Neck with the sky?

يعنى رقبتى معسمة

يا تماضر

طبعا تماضر دي نحن بنقولها بضم الميم وشايفك كاتباها بكسر الدال
بالانجليزي

هسي الواحد لو عاوز يكورك ليك ويكورك دي بتكوني ليك مدة ما سمعتيها
يقول ليك يا تماضييييييييييييير واللا يا تماضوووووووووووور


البارح اديت اختي الاصغر من الاصغر مني وهي ذات ثقافة مدارس انجليزية
لكنها تعرف العربي مخاطبة وكتابة ركيكةوفي الثانوي العالي
اديتها ديكشنري وورقة وقلم ونص فعلا كنت عايز اترجمو الي العربي

وقلت اطلع منها بي فلتة

النص طويل وترجمتها بقت لي زي تمثيل الفاضل سعيد

النص الانجليزي

OUR REPORT CONTAINS OLD PROPERTIES IN NEWZEALAND

يحتوي تقريرنا علي عقاقير مسنة بارض
الحماسة الجديدة

والباقي اسكتو خلوه ساكت

فحملت والدنا المسئولية وطلبت منه ان يدخلها
الخلوة

عقاقير مسنة؟؟؟


ااااااااااااااااااااخ

اختك دايرة تطتلنى بالضحك يا نزار


انا اسمى توماااضييييير

التاء عليها ضمة والضاد عليها كسرة

وكاف الكسرة عليها فتحة عشان ما تبقى زى كسرة بدرالدين شناه الاكلنى بيها

تماضر الفن والروعة

يجازيك بى جزا...والله قطعتى فشافيشي

do u know how to flip the message???

اسع قالوا اليابانيين حيسو ربوت

صباح الخير يا تماضر و كل الحاضرين

بوست ظريف والله

زمان اول ما دخلتا المدرسه
في الطابور وكدا
في نشيد العلم بالتحديد
كنتا بقول نشتري النجده باغلى ثمن
طبعا و في راسي صوره عربيه نجده
و طبعا لازم تكون باغلى ثمن عشان
اكيد دي الحكومه ولازم تكون مقرشه وكدا
looOOoOOOoOoOLZ
كل الود والتحايا

massage.

بتاعة اليابانيين دى قولها تانى ما فهمتها

نشتري النجدة بأغلي ثمن


دي خطيرة


هسي النجدة باغلي ثمن زاتو مافي

!!!!!!!!!!!!!!!!!!!!!!!!!!!!!

هههههههههههههههههههههههههههه
شنو يا نزار كتبناها بي خط صغير عشان الفضايح ياخي

اخبار الاموره الجديده شنو

بمناسبة افضل عشرة مساهمين
ارشح تماضر

تماااااااااااااااااااااااااضر ازيك ما مشتاقيييييييييييييين يا حليلك هي انا ما جيت من المطرة ، طبعا مجلى من الموضوع والواطة لييييييييييل بس تذكري واحدة كانت معاكم في الداخلية شارع 61 تتشاف ضعيفة بس كنتو بتغنو ليها الوافر ضراعو امنتو الرسول طبعا ما الوافر شيخ الدين ، ولصقني انا ما عندي صور وسوزوكي
لوووووووووووول