ألف مبروك تمادر عروس

فى بوست تماضر نتزوج تقدم طالبا يدها واحد من أجمل البورداب قلبا وقالبا وبشهادة ولى أمرها هشام
لكن للأسف تماضر رفضت لاسباب واهيه وهى قلة الشعيريه
وأنا من هنا أعلن تبرعى بلورى شعيريه http://نتزوج....
عشان تماضر ما تلقى ليها حجه لرفض واحد زى لؤى
غايتو انا عملت العلى لكن يا تماضر كان بقيت مرطبطه تبقى دى حاجه تانيه لكن حكاية دايره تقرى مابتقنع الزول دا ولا انا وكان على هشام قالى ماعندو مانع لكن شكلو دايرلو قرشين المهم دا برضو انا بدفعلو المهم لؤى دا عريس لقطه أوعى تتعاورى ساكت

Quote: تماضر شيخ الدّين شوفي هلاّ هلاّ على الجّد ، والجّد هلاّ هلاّ عليهُ .. قدّام أخوك القاعد ومكرّهنا المنبر دا ممّا إتعلّم تنزيل الأغاني والصّور .. أنا جبت دِبَلي وبركت ليك على الطّريقة الخواجاتانويّة .. حا تقبلي بي عريس لحضرتكم ولاّ أفرتق أيّ حاجة ..

Quote: واحد من أجمل البورداب قلبا وقالبا

وأنبلهم...

أمونه إزيك انت برضو نبيله بس عشان قدرتى لى على أساسى
لكن ياخى عليك الله تصالحى ملاسى
أنا عارفو فقر لكن أخو أخوان وفى الحاره بتلقى صدقينى

Quote: أمونه إزيك انت برضو نبيله بس عشان قدرتى لى على أساسى

هاهاهاهاهاهاهاها
يا ود الجعلي بقيت تفتش للاخوات يقدروا علي ليك؟

الأخت آمنة
تحايا طيّبة


عليك الله يا آمنة ياختي ، نُبل شنو ؟؟؟ الحكاية بقت شعيريّة ...




وهسّع نكتّرها تقول عاوزاها بلبن الطّير ..

دي عالم متحجّجة ساكت يا آمنة ، أنسي بس



أقعدي عافية

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

ود الجّعلي
سلامات
وشاكرين أفضالك

أسمع يا ود الجّعلي !! ما تحنّسها ولا حاجة ! خلّيها تشوف شعيريّتها دي وين ، وأنا بعرف أخوانها كلّهم ، حا أكرّههم ليك الشارع دا تاني ما يعرفوا يمشوا فيهو ، وهي ذاتها تاني مش المنبر دا ؟؟ أخلّيها ليك تمشي بالضُل ..



الله قال بي قولك يا تماضر يا بت شيخ الدّين ..



قالت شعيريّة قالت




راجع انا يا ود الجّعلي

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

يا جماعة انتو ناس حلوين حلاه..


مبالغة


اهل العريس الجونى ديل شنو؟؟



وألذ منكم ناس المسينجر


الف مبروك واقعه قرش ونص..

يا عالم

نتزوج ده نص ..ابداع..فن...خيال ...

وكتبت ليكم تحت بالواضح

انه الموضوع ده ما "انا"

لكن مكة بنوها على فالها

العرس ما بناباه ...لكن الاشاعة بتكسر الحظ

وكان انتو ما مجانين صحى فى راجل بعرس ليه "نجمة" ..تجيب ليه المعجبين فى عتبة بيته..

العرس ده نحن فكينا سيرتو..

حسة الواحد بقى مركز على دراستو ..وداير يكمل تعليمو ..وبس

نكمل تعليمنا ونكمل اللبن ..ونكمل الايام الفضلت

وبعدين يجيبونا ليكم بى صندوق

نعى هنا ونعى هناك

والذكرى السنوية تلاته مرات ...

بعدين ..نخش فى مقرر المسرح السودانى..

وبعد عشرة سنين واحد يعمل فينا دكتوراه..

وبعدها يقول ليك ده من احفاد تماضر شيخ الدين

هههههههههههه



الله يجبر خاطركم ..يالؤى انت زينة "ولاد" البورد ..وألف من تتمناك ..تعال اعرس ليك بتى.."كان شعيرتك كترت شوية"

والف قرقرقرقر..من لذاذتكم

يا جماعة انتو ناس حلوين حلاه..


مبالغة


اهل العريس الجونى ديل شنو؟؟



وألذ منكم ناس المسينجر


الف مبروك واقعه قرش ونص..

يا عالم

نتزوج ده نص ..ابداع..فن...خيال ...

وكتبت ليكم تحت بالواضح

انه الموضوع ده ما "انا"

لكن مكة بنوها على فالها

العرس ما بناباه ...لكن الاشاعة بتكسر الحظ

وكان انتو ما مجانين صحى فى راجل بعرس ليه "نجمة" ..تجيب ليه المعجبين فى عتبة بيته..

العرس ده نحن فكينا سيرتو..

حسة الواحد بقى مركز على دراستو ..وداير يكمل تعليمو ..وبس

نكمل تعليمنا ونكمل اللبن ..ونكمل الايام الفضلت

وبعدين يجيبونا ليكم بى صندوق

نعى هنا ونعى هناك

والذكرى السنوية تلاته مرات ...

بعدين ..نخش فى مقرر المسرح السودانى..

وبعد عشرة سنين واحد يعمل فينا دكتوراه..

وبعدها يقول ليك ده من احفاد تماضر شيخ الدين

هههههههههههه



الله يجبر خاطركم ..يالؤى انت زينة "ولاد" البورد ..وألف من تتمناك ..تعال اعرس ليك بتى.."كان شعيرتك كترت شوية"

والف قرقرقرقر..من لذاذتكم

عن إذنك يا ودّ الجّعلي
خلّيني أدّيها في التنك

يا تماضر
يعني هسّع نفهم شنو ؟؟

Quote: العرس ما بناباه ...لكن الاشاعة بتكسر الحظ

الموضوع دا فوقو أمل ولاّ نكنصلو ؟؟

Quote: وكان انتو ما مجانين صحى فى راجل بعرس ليه "نجمة" ..تجيب ليه المعجبين فى عتبة بيته..

غايتو ما عارفك نسّاية ولاّ دي حركات ساكت منّك ، ما من زمااااااااان قُلنا الرّجالة تطير في البوست دا (إعتراف .. (( انا ماراجل ))) ، وجيتي وسألتيني إنتي دي بالتّحديد في المداخلة دي (Re: الإيميل الأثبت لى إنّى راجل ونُص وخمسة) ، وردّي ليك كان وااااااضح هنا (Re: الإيميل الأثبت لى إنّى راجل ونُص وخمسة) ، تاني شنو ؟؟

الليلة يحلّك منّي الحلاّل

Quote: يالؤى انت زينة "ولاد" البورد ..وألف من تتمناك ..تعال اعرس ليك بتى

عليك الله يا بت الشّيخ ، في زول بيعرّس بِت أختو ؟؟

بعدين هو أنا ذاتي لو ما مُغفّل أكلّم هشام شيخ الدّين ؟ وهو في أيّ بوست شابكني يا لؤي شيخ الدّين ، القصّة بايظة من زمااااااااااااااااااان ... الله في .









ياخ والله العظيم إنتي أروع أخت

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

Quote: تعال اعرس ليك بتى.."

؟؟؟

بت منو التعرسيها ليو يا تماضر ؟

عليك الله اسه ده كلام تقولو فنانة تقدمية ؟

اسه كان بتك دي قراءت كلامك ده ، ما بتحردك عديل ...

قال اعرس ليك بتي قال؟

مثقفين اخر زمن.؟

والله كلامك صاح ياأبرهومه
قال شنو أعرس ليك بتي ؟؟؟
دي نطه اصلو ماحصلت
بتك بعد خمسة سنة حتقول لؤي شن نفرو
العجوزالنبيل الجاي من بلاد النيل
شن نفرو؟؟؟؟؟؟؟؟

Quote: بت منو التعرسيها ليو يا تماضر ؟ عليك الله اسه ده كلام تقولو فنانة تقدمية ؟ اسه كان بتك دي قراءت كلامك ده ، ما بتحردك عديل ... قال اعرس ليك بتي قال؟ مثقفين اخر زمن.؟

هووووى يا جريفاوى

انا ما اديتو بتى

ده تعبير بقولوه "العزبات" من قبيل الرفض المهذب..

ما بيقولو للراجل "برى ما بدروك" بقولو ليه تعال نديك بتى.

انت "عزبا" ؟؟ طيب شن خبرك بجنس الكلام ده؟

بتى مثقفة اكتر منى ..ولتعاستنا الاتنين بقت ناشطه فى حقوق الانسان ومصاحبة "عجايز" امنستى انترناشونال

وتنظم ندوات فى جامعتها "من اجل اطفال ونساء دارفور" وفيلسوفة ..بتكون فى تنظيم اسمه "الطلاب من اجل دارفور" مهيجة طلبة ماستشوستس عشان يتنظموا.. وحسة فى بوست محمد القاضى انا عملت تغطية لمناسبة هى النظمتها والاسبوع الجايى فى مناسبة هى جزء منها والبعدو فى بص ماشى واشنطون دى سى ..هى جزء من تنظيمه..وممثلة فى المسرح الجامعى.. بتى ياتا "البديها" بالطريقة الما "مثقفة" دى ...؟؟

دى مجاملة ..رقيقة منى للؤى..

وفض مجالس

شوف السنى دفع الله ده فهمها ولا ما فهمها؟؟

ازيك يالسنى ..انت كمان...

ما تجننونا..

أها البيوقف المهنئين ..فى المسينجر شنو؟

تمادور
كل واحد ليه طريقة في كتابة الاسم
خلاص البنات كبروناوالله زمان
معاي يوسف سعد ودسوسن بعمل كورسات غرافيك ومايا
شوفي صورتو بكرةفي بوست الترحيب بالشافع محسن
ربنا اخلي ليك اولادك واتربو في عزك
وحلوة كوميديا البوست
ولؤي ليه الله
وأفتحي الباب امكن تلاقي ناس ميتين بالريده وناس مكسرين وانت ماجايبا خبر
البوستات دي فيها ناس خفاف جنس خفة
الجيل الجديد ده ارفضى ليه عديل مواليد بره ديل
ما بعرفورفض المجالس حكاية دايرها اقرا والبت لسه صغيرة ما بتنفع معاهم لصق !!
مودتي

Quote: معاي يوسف سعد ودسوسن بعمل كورسات غرافيك ومايا شوفي صورتو بكرةفي بوست الترحيب بالشافع محسن

والله ايام يا السنى ..الصورة دى دايرين نشوفا..نحن حاضرين العرس

أمّا إنتي يا بتاعة الشّعيريّة
فبيني وبينك المحاكم
والماسنجر

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

هووووي يا محمّد السُني
منو العجوز دا ؟؟
عليك الله في ذمّتك سمعت ليك بزول عجوز إسمو لؤي ؟؟
قال عجوز قال
إنت أظنّك جايي من المولد دايش من الذِكِر

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

ينصر دينك يا الجّريفاوي

الله يكتّر من أمثالك

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

ياعريس الهنا
ياخي زمن ماضحكت ضحكةطويلة زي دي وخليتني سرحت
صحي لمن تبقى حبوبة يقولو ليك ياحاج لؤي
جاينا زمن حبوبةدالية ودينا
وجدي لؤي

ألف ألف مبروك للفنانة المبدعة تماضر.. والأماني الجميلة بدوام السعادة.

تماضر
يوسف سعد يوسف
يهديك السلام عمتووووو

يا ناس تماضروالسنى قالو المرة راجلا مات وبعدين يعنى ودوهاالحكيم المرة ما طابت ، تانى رجعوها الحكيم قال ليهم الزولة دى عرسوا ليها ، اها ، طابت الحسناب ، والراجل التانى مات اها المرة بقت عيانة دايرين يودوها الحكيم قالت لهم : الروشته القديمة ما قاعدة ، دحين يا تماضر الوليدات يوم يكبرو ويفوتو ، ما بتبقى وحيدك ، اخير ليك تلقى زولا يونسك ، ما تكفى سعدك يا بت امى ويا لؤى مبروك عليك ، من تالاى موافقة طب ورسل لى بس كيس شعيرية عشان اتغى وابزق فوقا

أها يا لؤى البحلك من اولاد شيخ الدين شنو؟؟؟

أنا بى غادى عشان أحلك من أختى ، أديتك بتى ، وشايفك طنشت

وهى بى جاى ، أدتك بتها ، وشايفك إتلويقت

يسوو ليك شنو؟

ياخ تعال نعرس ليك بت جيرانا



ويا ود الجعلى البوست منقة عديل كده

ألف ألف مبروك للفنانة المبدعة تماضر.. والأماني الجميلة بدوام السعادة

والله يا استاذ يا دكتور..محمد الامين موسى

الموضوع ده ونسة ساكت ..مافى عرس ..

دى تجاوزات ود الجعلى وتخريمات لؤى ..وترطيبات السنى ...وشبكة هشام.. ما اكتر ولا اقل


ولا انسى ان اهديك التحية والمودة ..والشكر على "وجبة" المطعم الفاخرة فى الشارقة ..نحن واخوان "الصفاء" من بورداب..

كل الاحترام

يا سلام يالسنى ..بالله ده "ود سوسن وسعد"

تقول لى .."عروس" الولد ده انا عمتو وخالتو..وحاضرة عرس امو وابوه..

له قبلاتى "الخلوية" وتحياتى وتمنياتى له بمستقبل زاهر..وحبتى الفائضة لوالديه الغاليين..

ووالله ايام يا زمان..

اخير ليك تلقى زولا يونسك

بتونس فى البورد ده..لما الاولاد يكبروا ..دقيقة نشيل من "البنوت" راجل زى لؤى؟؟

أنا لو لقيت لى راجل بعمة ومركوب..وعندو لورى ..ورئيس لجنة شعبية..وببيع الخرفان يوم العيد..والبنزين فى وقت العدم..وعندو بيوت " واطيان"..بعرسو..

ههههههههههه

انت البوتسك منو؟؟

تحياتى ياسلمى الشيخ سلامة "يابلال عليا"

وماهى آخر اخبارك الادبية؟؟ بتكتبى وين والبقراك منو؟؟

خلينا من الكلام المقدد ده..

هشام

..صورة ابوى سمحة

اولاد شيخ الدين
وست الحوش وراعي البوست الكريم
والخاطب الوسيم لؤي

عايزة اقول ليكم شعيرية شعيرية
وتصبحوا على خير

!!

Quote: أنا لو لقيت لى راجل بعمة ومركوب..وعندو لورى ..ورئيس لجنة شعبية..وببيع الخرفان يوم العيد..والبنزين فى وقت العدم..وعندو بيوت " واطيان"..بعرسو..

في زمننا دا وبالمواصفات دي؟ علا تعرسي السيد/ ديوان الزكاة ود ضرائب

يا تماضر قريبتي ..
يا لؤى ..

جايبين سيرة الشعيرية مالكم ؟؟
هسي يجي ناطي لينا صديق الموج يكشف حالنا ..






ودالجعلي يا لذيذ ..
وينك يااااااااااااخ ؟؟

معتصم

Quote: يا تماضر قريبتي .. يا لؤى .. جايبين سيرة الشعيرية مالكم ؟؟

هسّع لو ما إنت زول بتاع شبك ، أنا جبت سيرة شعيريّة ؟؟ ولا عينك للفيل وتطعن في ضلّو ؟؟


أهو صدّيق الموج كشف حالك يلاّ خم وصر ..

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

تماضر

Quote: والله يا استاذ يا دكتور..محمد الامين موسى الموضوع ده ونسة ساكت ..مافى عرس ..

جابت ليها حلايف شايف

ما قُلت ليك يحلّك الحلاّل

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

هشام إزّيّك

Quote: أنا بى غادى عشان أحلك من أختى ، أديتك بتى ، وشايفك طنشت

خلاص يعني شلت منّي اللقب ؟؟ ما كان إسمي لؤي شيخ الدّين لغاية قبل البوست دا ّّ!!

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

أستاذة سلمى
تحايا عطرة

Quote: يا لؤى مبروك عليك ، من تالاى موافقة طب ورسل لى بس كيس شعيرية عشان اتغى وابزق فوقا

كيس الشّعيريّة هيّن ، لكن البيقنع الجّدادة شنو ؟؟



وُدّي

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

الف الف الف مبروك تماضر الحنينة، ومبروك يا لؤي انشاء الله بيت مال وعيال.
تماضر جيت اهنيء بالماسنجر لقيت الصفوف واقفة للتهنئة قلت اختصر المشوار عجبني ليك والله.
لؤي تماضر خلونا نفرح ولو بالدعابة.
مبروك

Quote: لؤي تماضر خلونا نفرح ولو بالدعابة.

حنين للبلد:

أما ناس ما عندها شغلة ..

تفرحوا ..وانا زعلانة؟؟

(الشعيريى شويى)

حنين للبلد

Quote: ومبروك يا لؤي انشاء الله بيت مال وعيال.

الله يبارك فيك ، رغم أنّي لم أحصد غير شاكوشاً مدنكلاً ..

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

Quote: انت "عزبا" ؟؟ طيب شن خبرك بجنس الكلام ده؟

الله يقصك يا تماضر

هوي ياناس...والله البداقرني في تماضر دي يادوبو داير يدخلني فيهو السجن ويوصلني حبل المشنقه
القمره دي داير أعرسها أنا..دحين شوفولكم شوفتن تانيه..أبعدوا بعيد..وإنت بالذات ياشنا...أوعك تجيب سيرتها فوق خشيمك الشبن دا...دا أخر إنظار ليك

أبو الجعران

يا أبوالجعران مش تكلم أبوالقدح الأول

يا ابو الجعران ..يا ابو القدح

القمرة شورتها عند "ام التلافيف"

****(يعنى القصة كلها حتكون لف ودوران..وما فى اى نتيجة..)



بدر الدين شناة...يقصك انت ده....

عشة بت فاطنة: حبيبة قساى تعالى امسكى الناس ديل منى..

نزار حسين: ديوان الزكاة زااااتو؟؟

تتذكر الشخصية الكتبها حاتم الياس دييييك فى قصة قصيرة؟؟ الزول البنطلونو مرفوع فى نص بطنو ومتريح وطالع العصر داك؟؟ بس يتخيل لى ده نوع الراجل الحيقع لى

ولا فى شخصية كده لاقيتا قريب ده: زول طوالى يندمك على الحاجة الاشتريتا..يقول ليك بى كم؟ تقوليه بعشرين دولار مثلا يقول ليك دى فى "وول مارت" بى تسعة ونص..تعرف النوع ده؟؟ يخليك خجلان من نفسك وشاعر بالغباوة من اى قرار مالى اتخذتو فى حياتك؟؟ يتخيل لى ياهو ده الحيقع لى..ووب على كان وقع لى..

نزار ياخ تعال نعمل بوست برانا عن "الشخصيات" ..فى ناس ما بيخلوك تتفرج فى التلفزيون: اول من الزول الفى التلفزيون يفتح خشمو هم ببدوا موضوع..بى برة..لا تقدر تتابعهم لا تقدر تتابع التلفزيون..بس اوع يقع لى ده..وفى نوع بيحب نفسو شدييييييد ..ما تنفتح سيرة الا ويوريك ان كان مهم قدر شنو فى وجود الفكرة "على الارض" يعنى لو تتكلم عن صيد الاسماك فى يوغسلافيا ولا تأثير التدخين على الرئة ولا العنف المنزلى..ولا الهندسة الوراثية برضو يلف الموضوع وهو يبقى البطل بتاعو "ده الله لا جابو لى عريس.."

اها فى النوع البتكلم ببطء وأهمية زايده فى موضوع "هباب" ساى..بعدين يركز عيونو فى عيونك..وما يديك فرصة "تزوغ" بنظرتك..ولا تهرب بجلدك..من قصصو.لاحظ الحكى بطىء وفيه سكتات فى النص..وايماءات..يعنى ..يأشر باصبعه على حاجة..تانى ما ينزل اصبعه..ده بيدخل المستمع ليه فى ورطة "اخراجية" معروفة.."ابرا منه واستبرا" تانى فى النوع القباض بالحاجات..كدى نواصل لو شفتك جيت راجع وادليت بدلوك "الكبير ده"

ياااا معتصم دفع الله

نحن بس منتظرين صديق الموج يجى ..ونرفع الفراش..

قالو لسه ما سمع..

يا تماضر يا اختي دعوتك مقبوله لكن خلينا نبداها هنا:

وهذه حقيقية


سمين وكرشو لازة ولابس بدلة سفاري ضيقة وزرائرها تبدو من حديد
وانا قاعد قصادو...يعلم الله لامن اتحرك بديت اتدرق خفت الزرارة
تطير تقد عيني...وبدون ما اشعر قلت ليه ياخي اعمل حسابك
يوم بتقد ليك عين زول...ياخي الضيق دا شنو؟ زعل زعل داير يتطق

هييييييييييه
يابو الجعران وابوالقدح وام التلافيف وام اربعه واربعين وابو الثعالب الشين احذروا غضب الفيــــــل
اجيكم ؟؟؟؟؟؟؟
تمادور البوست ده مسكون وادينا وين ؟؟ظ
ولا في واحد فكه فيهو ســـجارةملونة !!!!!!

Quote: ولا فى شخصية كده لاقيتا قريب ده: زول طوالى يندمك على الحاجة الاشتريتا..يقول ليك بى كم؟ تقوليه بعشرين دولار مثلا يقول ليك دى فى "وول مارت" بى تسعة ونص..تعرف النوع ده؟؟ يخليك خجلان من نفسك وشاعر بالغباوة من اى قرار مالى اتخذتو فى حياتك؟؟ يتخيل لى ياهو ده الحيقع لى..ووب على كان وقع لى.. نزار ياخ تعال نعمل بوست برانا عن "الشخصيات" ..فى ناس ما بيخلوك تتفرج فى التلفزيون: اول من الزول الفى التلفزيون يفتح خشمو هم ببدوا موضوع..بى برة..لا تقدر تتابعهم لا تقدر تتابع التلفزيون..بس اوع يقع لى ده..وفى نوع بيحب نفسو شدييييييد ..ما تنفتح سيرة الا ويوريك ان كان مهم قدر شنو فى وجود الفكرة "على الارض" يعنى لو تتكلم عن صيد الاسماك فى يوغسلافيا ولا تأثير التدخين على الرئة ولا العنف المنزلى..ولا الهندسة الوراثية برضو يلف الموضوع وهو يبقى البطل بتاعو "ده الله لا جابو لى عريس.." اها فى النوع البتكلم ببطء وأهمية زايده فى موضوع "هباب" ساى..بعدين يركز عيونو فى عيونك..وما يديك فرصة "تزوغ" بنظرتك..ولا تهرب بجلدك..من قصصو.لاحظ الحكى بطىء وفيه سكتات فى النص..وايماءات..يعنى ..يأشر باصبعه على حاجة..تانى ما ينزل اصبعه..ده بيدخل المستمع ليه فى ورطة "اخراجية" معروفة.."ابرا منه واستبرا" تانى فى النوع القباض بالحاجات..كدى نواصل لو شفتك جيت راجع وادليت بدلوك "الكبير ده

والله يا تماضر وما طالبانى حليفه ضحكن ضحكتو فى كلامك الفوق دا ما ضحكتو من شهر تلاته سنة الفين بالتحديد من ساره صحبتى ماتت بزيادة تخدير فى أحد المستوصفات الخاصه بالخرطوم
والله ضحكت لمن عيونى دمعو وجاتنى عشراقه ولو كنت عارف تلفونك كان ضربت ليك
ياخى والله نحن ننفع أصحاب عليك الله يا تماضر تصاحبينى والله وتربة ابوى ما تندمى
برضو نزار حسين موجهه ليهو نفس الدعوه والله ما حتندمو وانا بالمناسبه جادى ولو عارف تلفوناتكم أو أى طريقة اتصال بيكم ما كنت اترددت دقيقه
صاح حا أدين منكم لكن والله عمرى ما أكلت لى قروش زول

Quote: اها فى النوع البتكلم ببطء وأهمية زايده فى موضوع "هباب" ساى..بعدين يركز عيونو فى عيونك..وما يديك فرصة "تزوغ" بنظرتك..ولا تهرب بجلدك..من قصصو. Quote: لاحظ الحكى بطىء وفيه سكتات فى النص..وايماءات..يعنى ..يأشر باصبعه على حاجة..تانى ما ينزل اصبعه..ده بيدخل المستمع ليه فى ورطة "اخراجية" معروفة.."ابرا منه واستبرا" تانى فى النوع القباض بالحاجات..كدى نواصل لو شفتك جيت راجع وادليت بدلوك "الكبير ده"

والله دا بالذات مبالغه خصوصا السكته الفى النص وفى خلال السكته دى طبعا عيونو بتكون مبلقات ومباشرة جوه عيونك وانت تكون داير تطرش لكن دايما ما تقدر تقول حاجه بس تأكلا فى أيمانك
ياخى والله ياتماضر انت أحلى زول فى المنبر دا ياخى انت فلته

ود السنّي

Quote: تمادور البوست ده مسكون وادينا وين ؟؟ظ ولا في واحد فكه فيهو ســـجارةملونة !!!!!!

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

Quote: تعال اعرس ليك بتى.."

؟؟؟

بت منو التعرسيها ليو يا تماضر ؟

عليك الله اسه ده كلام تقولو فنانة تقدمية ؟

اسه كان بتك دي قراءت كلامك ده ، ما بتحردك عديل ...

قال اعرس ليك بتي قال؟

مثقفين اخر زمن.؟


تماضر ازيك,,,,
جيتك في المسنجر,,,

نقلتا ليك كلام قرمبوز الفوق دا,,,
و قولت ليك...علك اللة عرسيةلية,,,,
المفاجاة....

my mom is not here right now

im yusra
جاتني العروووس زاتا....
اتزنقتا....
اقول ليها مبروك الخطوبة....
والا اسوى شنو.....
غايتو قلتاليها سلمي علي ماما وقولي ليها مبروك....

عروسات اخر زمن...



R

ِيا تماضر

لاقتك الشخصية الكوراكية:

النوع البفرمل نضم الناس بي ايدو عشان يتكلم هو بصوت عالي:

دقيقة دقيقة ياخ والليد تكون عاملة صيغة اصبر: ما تغالطونا في حاجات نحن حاضرنها؟
ويسترسل في ما كان يكورك فيه سلفا ليأتي مرة اخري لهذا الصابر بالاوامر ليعلمه
التواريخ المحضورة ويكون ما ناب الناس الا مزيدا من الكوراك:

اما الشخصية الجغرافية:

فهي تلك التي تنط كلما ذكروا بلدا عاشت فيه...ليصبح من حقها وحدها ان تتكلم عنه
وعن ذكرياتها فيه...

لاحظي في هذه الحاله لابد ان تكون هناك ونسات جانبية كثيرة وونسة رئيسية مدورة لتظهر
هذه الشحصية الجغرافية وهي لها قدرة عالية علي تمييز والتقاط اسم البلد الذي عاشت
فيه من بين ستين ونسة جانبية ::::وهي تبدأ الدخول في دورها هكذا وبصوت عالي ايضا اسمعوا في زول قال روسيا...يا سلاااااااااااام
تعرفو في روسيا دي في محل كده متخصص في ...وتبدأ الذاكرة الجغرافية تشتغل...

الشخصية الكروية:


ياخى والله هيثم مصطفي دا العب سوداني الله خلقو...بلاي شفتو حاور العجب كيف
ومشي وجدع الباص بين تلاتة خلاهم يتلفتو زي الهبل...ياخي نحن بس ما عندنا
اعلام والله هيثم دا يدقها في ريال مدريد...بتتذكرو مبارة الهلال مع مريخ
الحصا حيصا سنة 92 يوم الجمعة زي اليوم دا...المباراة دي انا بالذات
حاضرا في الاستاد...ياخ ما تغالطوني...وبرضها تشترك مع الشخصية الكوراكية
في بعض الملامح

Quote: بدر الدين شناة...يقصك انت ده....

ليه .. أنا هسع ضحكت لي زول؟؟؟

Quote: يا تماضر قريبتي .. يا لؤى .. جايبين سيرة الشعيرية مالكم ؟؟ هسي يجي ناطي لينا صديق الموج يكشف حالنا ..

انا لى يومين مطنش وساكت على البنكتب هنا...لكن مادام جبتو سيرتى
بحكى ليكم قصة الشعيرية حقت اهل معتصم.
قالوا لما انضرب مصنع الشفاء ..اهل معتصم قالوا:
بوش عرفها ضرب مصنع الشفاء لكن حرم كان قنبلتوا دى وقعت فى مصنع
الشعيرية كان بى حميرنا ديل صبحنا فى البيت الابيض..هيييع
لوى ...هشام شنو والصادق شنو..البنية دى انا دايرة لى رقبتى
اخوها..صديق الموج جبريل،،،

والله يا تماضر حقو تدفعى لى لانو خطابك كترو فى البوسط دا دا غير ناس المسنجر
برضو فى واحد ضرب لى تلفون قالى يأخى انت لو بتعرف تماضر دى كويس ما تشوفا لى قلت ليه أشوفا ليك كيف إذا انا زاتو ما عارف تلفونا قال لى اتصرف وليك الحلاوه لكن المشكله ما أدانى عربون وظاهر عليهو من شخصيات تماضر الممنوعه عشان كدا طنشتو

صدّيق الموج
إزّيّك

Quote: لوى ...هشام شنو والصادق شنو..البنية دى انا دايرة لى رقبتى

شايفك خلّيت إيمان صالح وبقيت تقابض



حالة صعبة

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

تماضر السوق راااااااااااااااااااااابي

تماضر قلتي لي دي ونسة سااااي ؟؟؟


عارفة لؤي ده من الطيارة اتصل علي - واسعليهو كان مكضباني - وقال لي انا نازل بيت اخوي هشام شيخ الدين طوالي قلت ليهو اول شي حمد لله على السلامة وبعدين انشاء الله خير ؟؟ قال لي القصة الفوق دي قلت ليهو طيب وناس لمياء وامها قال لي هم مع درية حسي دي وبجهزو في الشربات قلت ليهو كان كدي انت مكرب الشغلة وقت بقت فيها درية بي حاااااااااالا .

اها اتصلت بالشباب لاااااااااحدهم وعبيت العربية بنزين والعرب ديل زي اهل العوض عبو اللواري والركوب مشابك بس والهدا ده بي فوق وكمان ما تقولي الليلة خميس ؟؟؟


يا تماضر يا اختي الف الف مبروك وعقبال زيادة العيال وزبنيتك رزقا بيجيها حسي ما شفتي جدنا صديق الموج كيف برم شنيباتو اصلو حمزاوي قال عمنا -ي بالنسبة لحمزاوي - عينو زايغة - يعني جدو صديق عينو زايغة بس الزوغان اليومين دي عادي مافيهو حاجة قالو


الواحد عيونو في الشارع زي عربية الدورية لافة ومبحلقة


اها ما نطول قال من زار وخف ولا شنو كده ما عارف

ود العُمدة

Quote: عارفة لؤي ده من الطيارة اتصل علي - واسعليهو كان مكضباني - وقال لي انا نازل بيت اخوي هشام شيخ الدين طوالي قلت ليهو اول شي حمد لله على السلامة وبعدين انشاء الله خير ؟؟ قال لي القصة الفوق دي قلت ليهو طيب وناس لمياء وامها قال لي هم مع درية حسي دي وبجهزو في الشربات قلت ليهو كان كدي انت مكرب الشغلة وقت بقت فيها درية بي حاااااااااالا .

غايتو كضّاب جنس كضب !!

لكن ما بطّال ، أيوا أضغطوا عليها كدا عشان تتنازل ، ويومها التتنازل بدّيها ليك شاكوش ..

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

Quote: يا تماضر يا اختي الف الف مبروك وعقبال زيادة العيال وزبنيتك رزقا بيجيها حسي ما شفتي جدنا صديق الموج كيف برم شنيباتو اصلو حمزاوي قال عمنا -ي بالنسبة لحمزاوي - عينو زايغة - يعني جدو صديق عينو زايغة بس الزوغان اليومين دي عادي مافيهو حاجة قالو

جدو يا حاقد يا جبان......تماضر 41 مش سن مناسبة للزواج؟؟
وبعدين هى موافقة انت الحارق رزك شنو؟؟؟

يا ناس

يا حليل سيف مساعد تماضر راحت عليهو وبتها كمان وبت اخوها هشام

انا ما عارف ليش تزوجت بت شيخ حقي راح لو عاينت ولا شاغلت الدق مارق لي في السهلة

كان اتحليت من الشيخ وبت الشيخ يجوني الحيران

يا لؤي عليك بي بت هشام نصيحة لي الله

بت تماضر بتجيب ليك ناس المسرح يدقوك ناس السني وعلي مهدي بس بي شنبو يهرشك

ومبروك العرس لي تماضر

سيف مساعد
إزّيّك

Quote: يا لؤي عليك بي بت هشام نصيحة لي الله بت تماضر بتجيب ليك ناس المسرح يدقوك ناس السني وعلي مهدي بس بي شنبو يهرشك

محمّد السُنّي وعلي مهدي منو البيدقّوني يا سيف ؟؟ أنا النّاس ديل زمان في السّودان أيّام الكاراتيه ديك ، وفي مصر كنت بحامي ليهم لمّا يتزنقوا محمّد السُنّي دا كلّو ما يجي شاقّي حلّتنا في حي الرّكابيّة يهرشوهو ليك شباب الحلّة يجي كابس داخل بيتنا ويتلبّد وراء حبّوبة ... خلّيها مستورة ساي يا سيف يا خوي ..

ـــــــــــــــ

انا في البعيـد مشتـاق لهمسة من الوطن يـا نسمة
[email protected]