وياعين يا عنية وياعين يا عنية وياعين يا عنية وياعين يا عنية وياعين يا عنية
وياعين يا عنية
Post: #14 Title: Re: أيها العالم: اهديك ...سارية وسيرين Author: mohamed osman bakry Date: 03-17-2005, 07:50 AM Parent: #11
مليون مبـــــروك.... التفوق العلمـي لأبـنــــائـنا في الغـربــه فـخـــــر لـــنـا جميعا ..... ومبروك ليك ولكل أم كانت وراء تفوق أبنائها الاكاديمى .... فوراء كل عظيـم إمرأة .........
يا أم سيرين وساريه الجبل الجبل الجبل.....هنالك بجبل الأولياء يوجد الشيخ الياقوت ..... حجبى الأولاد التهانى لك ولهما ولذويهم اين ما وجدوا..... فهذه أمة لاينبغى لها ان تجوع وتعرى....فدكتور معز ودكتور محمد الطيب باليمن وسيرين وساريه إشارات البشري لغد واع وواعد
فالامانى لك ولجميع ذويك
منصور
Post: #23 Title: Re: أيها العالم: اهديك ...سارية وسيرين Author: أبو ساندرا Date: 03-17-2005, 09:44 AM Parent: #1
خدورى كنت متوقعاك تكون اول المهنئين..وما خذلتنى.. هالة الاحمدى سيرين قالت عمر الكون حسبوه ..والفيزيائيين عارفين القصة دى وهم دايرين يعرفوا الجزء الصغير من الثانية بعد الانفجار الكبير داك ..حصل فيه شنو؟
زعلانه سيرين قالت..ما كان يدخلوها فى الموضوع
It's about saria not about sirien.
حسين ملاسى قول ذاك الشبل من تلك الجندرية ..كده كويس معاك
شكرا اخوى..
عثمان فضل الله..الله يحفظ للجميع
شايفاك يا معتصم اول مرة تقول قريبتك..مع انى من زمان بقول ليك قريبى وانت زايغ..شفت الجنا ده حلو كيف؟؟ هههههه شكرا ليك
زولا123 محمد عمرو 12 سنه..بكلمكم عنه قريب هو ويسرى بعملو فى عمايل نفرها براه...قولى ما شاء الله..
النصرى امين بركة الشفتك هنا وانا قايلانى "محاربنى" من ديك...شكرا الف شكر وبمناسبة امضاءك ده مرة قريت مغيرو زول لذيذ بدل يقول If u love something set it free,it comes back it's yours,if it doesn't it never was قال
:If u love something set it free,it comes back it's yours if it sits in your living room, watches your TV and uses your phone and sleeps in your bed, you are married or gave birth to it.
ريهان
الهنا فالك
الحليلة تفرح بى وليداتك
عبدالله بابكر...ويالف عين يا عنية... عين الحسود فيها عود وعين الفتاه تقد الوطة وعين الصبى شرا غبى وعين الراجل فيها مناجل..وكل العيون الحاسدة..الله يكفى الشر
محمد عثمان بكرى وفعلا ديل ما اول اولاد سودانيين يتفوقو ...طواااالى القصة دى ربنا يزيد ويبارك وشكرا ليك
والله يا ملكة سبأ جينا انا وسيرين من بره..وفتحت البوست واغنيتك الجميلة دورت...ما تشوفى كمية القشعريرة والفرحة كانت قدر شنو...فرحتينا الله يفرحك ويسعدك بالعندك
ياسر الشريف وتحياتى الحارة لهم جميعا...اما قصى ده فبحكى ليكم عنه مره تانية براه...قر الله عيونكم باولادكم
تاج السر حسن: البوست ده الا بعد اشوفو..لكن شكلو بر فى بر
كل الشكر
ايمن: تصدق لقد سألت عن عظيم...وهم فعلا نشطين سياسيا فى اوساطهم الاكاديمية..وعندهم قيم عاالية ومبادىء ..ودى انا طبعا عندى حاجة مهمة وبشجعهم
عليها..شكرا للفت النظر وشكرا للتهنئة
لنا المهدى ...وتفرحى بوليداتك وشكرا على الثقة
محمد ابراهيم قرض...الف شكر للتهنئة وعقبال بيك نفرح
العوض واشكرك على الدعاء الجميل ومستجاب باذن الله ...وتفرح بالعندك يارب ونهنيك كده
بلة موسى...ههههههه ما قايلة فى زول بعرف الكلام ده غيرنا نحن الديناصورات اهو فى...والمساواة وحقوق الانسان دى نحن ما بنلعب فيها
حتى فى التراث...شكرا ليك
عجب يباركو ليك السمح والزين...الف شكر
الحصاد لسه..."السعادة فى المال" ههههه
احمد حنين مصدقاااااك والف شكر
عبد المنعم سيد احمد ربنا يقدرنا على جزاك ونهنيك بالسمح قريب ان شا الله
منصور المفتاح ..دائما سباق للخير وشفاف نحو العام والخاص...مش حزين انه نكون فقارى ومشتتين فى نواحى الدنيا...وكلنا خير؟؟ شكرا ولابد يوم باكر ببقى اخير
ساندرا..اقصد ابوها...الكلام ده يمكن يبقى جد "عشة مبارك ما تسمعنا" طبعا بتها اسمها سارية ومسمنها على سارية الفاااااالح ده ارهاصا منذ الصغر...
فاضلابى الف شكر ليك ..ويغطى على الكل ويحفظ الجميع
ابو جهينة وليك عاطر الشكر وعقبالك نفرح بى اولادك
محمد السر اللهم امين...وعقبال بيك نفرح
الخرد الاعزاء...انتو اهل ودى مسألة وراثية
مها بشير الوفية
God Bless You Too.
ود العباسية ...هو ده صف شنو كان؟؟؟ هههههه غايتو لو انا طلعت نسيبتك فى الدنيا دى ...اجهجهك جهجهة تشوفا براك ههههه ياخى الف شكر ليك
تارا العزيزة تارة وتارة اخرى لذيذة ههه
الف الف كتر خيرك
معتصم الطاهر ...بصدقو..عندى منو كوم "قدر الكون ده كلو واكبر بى كتير" زى ما بقول وردى واشكرك شديد
ومنك لى غادى لهذه المساحه لانسانه اسما (ام ساريه وسرين).. تدعى تمـــــــاضر قاسم الاشياء التى جعلت الموج الصدق يعيد ترتيب الطبيعه فى قانونها الجديد00 ان نصله هذا التمثال مستحيل لكن يكفى ان ناخذ صورة (منهما)بالقرب منه (الحلم) من كل القلب الان يزيد النبض انفعالا لهذه النتيجه00 وبالتالى يكاد الان فى مقربة للطيران........ ساريه وسرين احبكم بحر000 ومن كل القلب موجكم هدر.. بان نراكم كما تتمنو ونتمى كذلك...
هندى؟؟ يابلة موسى مالك دايرنى ارجع لى ناس حقوق الانسان عدتهم وانزل ليك فى الهنود ..سلخ؟؟ هههه هنود شنو كمان؟؟ ده سارية صلاح عوض الله...خمج كمان؟؟ وتعال اوريك عنصرية الامهات على اصولها..
يا سارية...امسك الخشب امسك الخشب طبعا دي علي وزن يا سارية...الجبــل الجـــبل
Quote: أيها العالم: اهديك ...سارية وسيرين
ونحن نهديك تهانينا القلبية لهذا التفوق الكبير ونفرح لفرحك وانت تتذوقين طعم نجاح الابناء والذي لا يعدله اي فرح آخر في هذه الدنيا. الف مبروك لسارية وسيرين وهما يعبران طريق النجاح في بلاد تحتفي بالنبوغ وتفتح له المنافذ الي السماء.
hello Tamadur ... i just saw your post, i hope i'm not late..but really congratulation to you and to both of them .. i will be calling saria today ...really happy for him.... regards
الف مبروك يا تماضر لنجاحات العيال وأقبالهم على علوم العصر وفق مايتقبلون لا ما يفرض عليهم . ما أحسنها من تربية . لقد افرحتني أنجازاتهما كما افرحني اسماهما سارية وسيرين. لدي قصة بعنوان يا سارية عن شخص كلما تخلى عن جبل همومه هتف هاتف بداخله وخارجه ينبهه قائلاً يا سارية فيعود للجبل من جديد صاعداً نحو الهاوية . لم انشرها لكنها قديمة كتبتها منذ أكثر من عشر سنوات. ساريتك على النقيض يصعد هو وشقيقته نحو علوم القرن الحادي والعشرين . أحييك في شخصيهما وأحيي شخصيهما فيك يا تماضر واحيي والدهما الذي لم اتشرف بمعرفته.
يكفى والدتهما انها تشرفت بمعرفتك ياجميل.. ما زلت اذكر كرمك الفائض وزياراتك الوفية لنا فى مستشفى جده عندما كانت والدتى فى فراش الموت...ودعوتك الكريمة لى ولجمع المثقفين والفنانين..ليجتمعوا بى ...ومجموعة الكتب التى اهديتها لى..وكل شىء منك كان رفيعا..وجميلا...
يبقى ان انتظر منك النص ...وتكون قد اكملت دائرة الكرم..
الاسماء من اختيار الوالد ..يابشرى..الان هل عرفت كم هو رفيع ذوقه؟؟
الأخت تماضر بت شيخ الدين أولا التحية لك على حسن التربية وحسن التعليم وحسن التوجيه والتحية عبرك للعالم الصغير سارية وعالمة فضاء المستقبل سيرين والله هذا فخر لنا جميعا نحن كسودانيين وإنشاء الله ربنا يحفظهم لك وللسودان ونتمنى لهم ولك مزيداً من التقدم والسعادة والصحة
تماضر الحنينه يا غيمه ماطره عز الهجير ربى يزيدك ويغرقك فى الخير تبااااااااااااارك الله وعينى بااااارده ده فخر لينا كلنا وعزة يعلم الله الله يرحم مربى الاجيال شيخ الدين ربنا ضوقك طعم ربايتو ليك وان شاء الله انتى تضوقى طعم رباية وليداتك لى جنا جناهم ..آميـــــــــــــــن
Quote: ربى يزيدك ويغرقك فى الخير تبااااااااااااارك الله وعينى بااااارده ده فخر لينا كلنا وعزة يعلم الله الله يرحم مربى الاجيال شيخ الدين ربنا ضوقك طعم ربايتو ليك وان شاء الله انتى تضوقى طعم رباية وليداتك لى جنا جناهم ..آميـــــــــــــــن
ويعنى بعد الدعاء السممممممح ده انا اقول شنو غير امين ياجميلة القلم واللسان...
نعم الإله على العباد كثيرة و أجلهن نجابة الأبناء ..
و حق لك أن تفخري بسارية و سيرين ..جعلهم الله ذخراً .. و حفظكم جميعا ..
Post: #90 Title: Re: أيها العالم: اهديك ...سارية وسيرين Author: ABU QUSAI Date: 03-19-2005, 00:23 AM Parent: #89
ليس بمستغرب على من أمه تماضر شيخ الدين أن يكون نابغه . فألف ألف مبروك يا تماضر ومزيد من النجاح والتقدم . والله فرحتيني من جوه الجوه الله يفرحك بيهم دائما .
Post: #93 Title: Re: أيها العالم: اهديك ...سارية وسيرين Author: نور الهدى Date: 03-19-2005, 00:49 AM Parent: #90
حقيقة يا تماضر بعد وفاة الوالد والوالدة شعرت بهوة كبيرة وفراغ ضخم فى مسيرة الحياة وكنت أظنها نهاية الدنيا ، والآن برق برق نجاح العيال ، فأصبحت الهوة صغيرة والفراغ فى عدم وانحسار ، وأظنها بداية جديدة لدنيا جديدة هم فيها المطرقة والسندان فلنلغى الهم والغم وليذهب اليأس والحزن وليبقى سارية وسيرين ومن هم على شاكلتهم الشمعة التى تضىء دروب العجائز أمثالناوليباركهم الرب ويحفظهم ويسدد خطاهم فتماضر حقا تستحق أن تنتعش وتتوهج من جديد ومن نفس شاكلة (جيناتها)
هشوم انت يا ابو نبراس الدكتورة الحتعالج عمتها من وجع المخاريق؟؟ دايرنى اقول ليك شنو؟؟ النجاح حارسك ورا وقدام... وسارية وسيرين اولادك...اهنيك عليهم انا قبل ما تهنينى...
كل الشكر...ويفرحك بابو طاقية ده....حلاتو يا نااااااااش...ابتسامة بمليون جنيه...والله حلاه شديدة...اوع بس تكون بت..وتجى تضبحنى...حلوه كان بت وحلو كان ولد...ما تتعقد اصلو الجندر ده حاجة بنعملها نحن وفى الاعمار دى بكونو واحد..."اهو طلعت ليك بى نظرية" ههههه شوووووووكرن ليك
محمد صلاح: كل همى انهم ينفعو الوطن...بس كيف ما عارفة...اللهم يسمع منك يارب...وشكرا للحضرة
Post: #95 Title: Re: أيها العالم: اهديك ...سارية وسيرين Author: ابن النخيل Date: 03-19-2005, 01:17 AM Parent: #91
تماضرنا الحبيبة...
اعرف انك كنت فى الليل تنتظرين احلامك وتتبعيها خطوة خطوة ويشد خطوك ظمأ فى النفس ولهة فى القلب..بعد ان طوقت احلامنا بالاسلاك الشائكة وجسم العسعس على ناصية الوطن ويأتى الامل من سارية وسيرين لأن الحب يدخل من باب تماضر اما الحقد فأنه يدخل من باب الجبهة الاسلامية وان شئت من باب على عثمان... وللابناء عادات تمارسها مع الابداع....مبروك لسارية الجبل والتحية من قبل ومن بعد لسيرين وما ابهى مستقبلنا حين ننظر اليه فيهم ومن خلالهم وفى امثالهم ونيقن ان حواء السودانية لم تعقم بعد....ولهم حبى فى العالمين.
اما البايوفورماتك هو بعض مما عرفته فى العالم الاول حينما اتيته لاجئ ودارس ....هو كل المستقبل. وسوف اعود مفصل لو فى العمر باقى.
دوما ابن النخيل
Post: #96 Title: Re: أيها العالم: اهديك ...سارية وسيرين Author: محمد حسن العمدة Date: 03-19-2005, 01:56 AM Parent: #95
الف الف مبروك النجاحات الباهرة وانشاء الله يسجلو من عظماء التاريخ وفقا لهذه السيرة الباهرة
تصوري من كم يوم أناأقرأ العنوان وما فاهم حاجة ،،، اليوم قررت الدخول ،، ويا لفرحتي ويا لفخري ويا لاعتزازي أبناء أختي من علماء زمانهم ،،، ربنا يخليهم ، ويبارك فيهم ،،، ويوفقهم إلى المزيد .. وربنا يفرحك بيهم أكتر واكتر ..
Post: #98 Title: Re: أيها العالم: اهديك ...سارية وسيرين Author: محمد بهنس Date: 03-19-2005, 04:50 AM Parent: #97
الغاليه تماضر.. والله فرحت لساري جدا..ربنا يحفظو ويتقدم أكثر وأكثر..آمين ليس بمستغرب...عليك الله انت عندك كم دكتوراه في الأحياء ؟ ابن تماضر شيخ الدين لا بد وأن يكون ساري الليل وأبلج الفجر. انها من هدايا الحياه الحلوه. تحياتي الشخصيه له ولسيرين وعقبالها. تهنأتي الأولى هي لتماضر التي عانت وأبدعت في رسالتي الحياه والأمومه.حول.
Post: #99 Title: Re: أيها العالم: اهديك ...سارية وسيرين Author: Adil Isaac Date: 03-19-2005, 11:42 AM Parent: #98
Dear Tumadir
Congratulations to you, Saria and Sireen. In addition to his academic genius, Saria is an amazing human being and his maturity is only exceeded by his pleasant souls and heart of gold.I am not surprised though since you , as parents, have brought them up on a diet of love. My best wishes to both of them and yourself and enjoy their success which I am sure is inspired by you
Adil
p.s Sorry I was a away for a few days and hence the late response
نيابة عن سارية وسيرين(وبدون إذن).. نهدي تماضر هذه الكلمات..
Like a candle with a flame That never dies Through the good and bad You've been by my side
And when the world outside Is feeling so unkind You are there to pick me up Oh, how I need your smile
Whenever I fall There your are I know that my pain you feel in your heart And when the life that I live Seems so hard There you are..
Even though you're far away I can still see you.. Sometimes I swear You're still inside my mind Tell my, are you the shadow That always follows me? You always seem to be right there Like an angel by my side
Whenever I fall There your are I know that my pain you feel in your heart And when the life that I live Seems so hard There you are..
Unconditional loving Is what you give me Your heart is all that I wanna know Forever in you I have a home I'll stary by your side Cause you are the light in my heart And im my life.. Whenever I look There you are! There you are! There you are! ...
"song (There You Are) by (Sam Salter)"..
ونعتبر إنو عيد الأم وصل خلاص.. ونهدي الكلمات أيضا للدكتورة صفية ساتي، وللجدة علوية همرور، وللأم المدرسة، أينما حلت، وحيثما ارتحلت..
أم سيرين وسارية طبعاً نحن دائماً بنجي متأخرين مع عشاء الفنانين شايف صاحبي الموصلي يتحاوم في آخر البوست هذه خلاصة رحيقك إنتي وابوهم وخلاصة أفكاركم وخلاصة طموحاتكم وخلاصة شموعك التي أشعلتيها من أجل نجاح سارية وسيرين أنتي تمثلين قمة الكفاح والمثابرة وكان لابد لهذا الكفاح أن يثمر طبعاً لو ماحققوا هذا النجاح كان ناس المنتدى ديل كلهم يجضموك بالصف عارفة ليه ؟؟ لأنو سارية وسيرين جزء من أنفاسك وجزء من تفاصيلك عارفك بتكوني بكيتي بحرارة لمن سمعتي هذه الأخبار المفرحة قالوا دميعاتك ياكافي البلاء واقفات ليك في حلقك !!! مرات على الهبشة تكوركي لكنها 00 ما أجملها 00 دموع الفرح تصلح لأن تكون مداداً وألواناً لرسم لوحة بعنوان النجاح والتفوق !!! دائماً أتمنى 00 طبعاً بعد إكمال نصف الدين 0 نحن طبعاً النص الأول ذاتو مامكملنو0 أتمنى أن يأتي أولادي شبيهين بإمهم في كل شيء لأنها ناجحة وشاطرة وطموحة 00 عيبها غيورة جداً تقول انا دي كابريو مرة خالي المتهكم قال ليها 00 عليك الله دي عينة يغيرو عليها ؟؟؟ المشكلة خالي دا 00 ابو ست النفر يعني هسي لو فكيتها ليهو في الهو يوديها وين تاني ؟؟والله ماتصلح الا كلاوي وقرنية طبعاً الأولاد لو باروا ابوحراز 00 والله الرماد كال حماد !!! فانا فاشل بكل المقاييس خاصة في القروش تجي من هنا وتروح من هنا !!! والمشكلة لابنيت بيها مسجد ولا خلوة ولابيت في الجنة ولا بيت في الآخرة كلها راحت ملاح بامية مفروكة وقال بي شمار قال !!! والله ماطالبانا حليفة لكن فرحنا بجد لهذا الخبر وأخذت معاي حلاوة للعزابة وقلت ليهم أها الليلة أكلو قالوا لي في شنو ؟؟ قلت ليهم دي حلاوة سارية وسيرين لكن مافهموا أي شيء وقلت ليهم دي قصة نجاح طويلة سأحكيها لكم0 بالمناسبة ماتشوفي الجضوم الكبار ديل فلدي شغف ووله شديد بالفضاء وقد فاز لي مقال في لندن على مستوى الشرق الأوسط يحكي عن غزو الفضاء ووصلتني جائزة كبيرة ومعاها درع وقد تهكمت فيه كثيراً اننا نحن مازلنا نغازل في القمر ونشبهه بمحبوباتنا بينما صعد الغرب اليه 00 والمشكلة يكونوا احتلوا قمرنا !!!! كما انني شاطر جداً في غزو قلوب النساء وحقائبهن اليدوية بينما من الصعب أن افكر في غزو القمر يوماً ما وشغفي واهتمامي بالفضاء لم ينتج عن ذكاء وشطارة طبعاً بل لأنني ومنذ أن حضرت السعودية فانا أحلم ليلاً وأنا طائر باركي لينا لي ابوهم وسارية وسيرين وبالمرة خليهم يدرسوا لي هذه الظاهرة ؟؟ قال يغزو الكويت قال 00 هذا الشاطرين فيه نحن 00 الدول العربية تغزو الدول العربية ورجال الأمن يغزون البيوت الآمنة والرجل بدل أن يغزو قلب زوجته يغزو خصوصياتها ويتلصص عليها كل حين والطفل يغزو جيب والده والزوجة تفلق زوجها !!!! صراحة في نسوان عويرات جداً !!!
تعرفي تماضر نحن لو اتشاكلنا لمجرد الشكل بنكون ناس اي كلام ولو اختلفنا لمجرد ان نختلف لما ضمنا منبر يسمى المنبر الحر اختي سارية وسيرين ينتموا للقلعه التماضرية لا شك في ذلك ولكن مثل هذا النجاح وهذا التفوق لابد انه يعطي الحق لاي سوداني ان يفرح وان يفتخر اذا كان هذا المرور البسيط جعلني في قائمة النزاهه والطيبه فوريني انتي يختوك في ياتو قائمة وانتي تعطي للعالم امثال سارية وسيرين؟؟
لكي كل الود والمحبه
ـــــ,,,,,ـــــ,,,,,ــــــ ابدا ما هنت يا سوداننا يوما علينا
Quote: فوريني انتي يختوك في ياتو قائمة وانتي تعطي للعالم امثال سارية وسيرين؟؟
بس ختونى فى قائمتهم هم ...كفاية على ههههههههههههه والله كلامك سمح وكبر لى راسى ....النصيحة ليك يالله...يكبر راسك بى اولادك وشكر للعوده والتعقيب.. يافقاد ربنا يديم المعروف بين الناس....
Post: #149 Title: Re: أيها العالم: اهديك ...سارية وسيرين Author: مصدق مصطفى حسين Date: 03-21-2005, 05:36 AM Parent: #1
ربنا يمتّّعهم بالصحه و العافيه و إياك ،
و يوفقهم للمزيد من النجاحات و التألق .
Post: #150 Title: Re: أيها العالم: اهديك ...سارية وسيرين Author: hala alahmadi Date: 03-21-2005, 06:12 AM Parent: #149
يعنى البوست الطويل ده كله و كرت واحد بس
الكرت ده لى ساريه مادام سيرين قالت هى بره الموضوع، يمكن تشوفو و تغير رايها
الحبيبة الغالية تماضر لك تحيات الورد ولسارية وسيرين مليون وردة وزهرة برضو خجلان لانو جاي في آخر المهنئين .. كل ما ادخل البورد القى نفسي مزرور بره وما اقدر ارد الواحد يقرب يبكي !! لكن بالامس حليت مشكلة العربي نهائي
سارية وسيرين في المقدمة ..عادي لانو امهم تماضر ومفروض ده اليحصل وانا فرحان قدر الدنيا ليكي وليهم وتسلمي ياغالية اخوك خالد شيخ العبيد
Salam Tumadir I waited till Mother's Day to say 1000Mabrok to our son&daughter they honored us in all North America and happy mother's day to you and all Sudanese mom, again god bless them and looking forward to hear more success and happiness.
انتظارك لى عيد الام..ده كان قرار موفق..لانه ده بقى عيدى انا كأم...وهديتهم لى..نجاحهم وتوفيقهم...شكرا لكلماتك الجميلة..يارقيقة وراقية..وعقبال النجاح يجى من جيهتكم انتى او العندك..
.. . Sorry I Came Late And Wzout Arabic Keyboard 1,000,000 Mabrouk To Ur Son & Duaghter Wish Them The Best In Their Future Life GOD Bless Them ISA And HaPpY MoThEr's Day To YoU
Wz Regards
Post: #167 Title: Re: أيها العالم: اهديك ...سارية وسيرين Author: Ibrahim Algrefwi Date: 03-22-2005, 07:56 AM Parent: #1
سيدنا ومولانا العارف باحوالنا تماضر شيخ الدين جبريل ... ادام الله وجهكم... وأنا باسم العالم اتقبل هديتكم الوسيمة والتي نزلت علينا برداً وسلاماً.. فقط أرسلي سلامي للدكتور سارية وسلام حار جداً جداً جداً للحلوة التي تدرس الهندسةوالفيزياء والتي ستقيس لناس عمر الكون (كلو بدور). . . وكم تمنيتني الفيزيائ الدكتور أستاذهاالسعيد .... .... ثُم لايفوتنا مولاي ان نقبل يداك صبح مساء
علي هذا الحنان ... المنثور هكذا... علي فضاء الدُنيا
جيت متأخر شوية يا استاذة تماضر.. انت تعرفين معنى سبل كسب العيش فى بلاد عمنا سام سامحه الله.. اهدى هذه الكلمات المتواضعة لسارية الجبل .. وسيرين الحلم الجميل والممكن...
هزى اليك جزع نخلة السودان يا تماضر تساقط الفخار والشباب والثمار هناك حيث الرطب الجنى .. والإنسان سارية على جبالنا والحلم يا سيرين اجمل ما تصنعه العقول
اختاه إننى أطول.. فرحا وأشرئب كالجبال ذى الأوتاد فى حضرة الآطفال وانت حين يكبرون.. تكبرين وحين ينجحون.. تنجحين وحين يفرحون.. تفرحين ويضحكون..حين تضحكين ونحن من نكون!! نكون .. لا نكون.. منفيين فى فجاج الأرض بين ماض كالح وخاثر وبين وطن يأكله الآقزام والبغاث والكواسر.. وحاضر محاصر فلتفرحى فى حزن منفاك الكبير يا تماضر وليرفع الجميع راية العودة للجذور الآن حانت ساعة العبور لوطن النجوم والنخلة والعصفور الوطن المقهور............. الوطن القبور............. الوطن الذى نحبه.. نعشقه .. بكل ما فيه من البثور يا ليتنا نثور مرة.. نثور.. نثور ضد العنف .. والكيزان والمستقبل المبتور نقتلع الجذور او نرتمى هناك فى قمامة التاريخ مثل الاجرب المجدور..