..حوش اليكترونى تانى ..من اجل ايتام ..ام سهى

نعم..لارداتنا الحنينه...

ونعم ..لوقفتنا الانسانيه من اجل اطفال السودان...

هذه المره سنقف سويا من اجل ايتام "ام سهى"...اعلنت عنهم فى اواخر العام الماضى...ووعدتها بهذه التظاهره,,التى لن اتوقع لها غير "الفلاح"

"ام سهى" ستوافيكم بتفاصيل دار الايتام هذه...وحاجتهم الى ملابس اطفال حتى عمر ستاشر سنة...

الملابس غير مكلفه ويمكن جمع جبال منها...على الاقل هنا فى امريكا...

ما يعترض طريقنا هو مشكل الترحيل...والتخليص والاستلام

عرضت الامر على مجموعه اصدقاء هنا فى فيلادلفيا لاننى ضيفه عليهم من اجل يوم السودان (اليوم)..وما اكرمهم!!!

قالوا اننا سنساعد...
وقالوا التخليص مشكله...اقترحت ان نرسلها لمحجوب شريف...وهو بخبرته (وجمال شعوره) يستقبل المساعدات العينيه من اصدقاء الشعب...لمشروع اطفال الهكر الناجح...

يجب ان نجد حل للترحيل ...تكاليفه وتخليصه...

وهل اطمع فى اكثر من قلوبكم العامره بالحب...وعقولكم المدركه..لمعنى هذا...

وهل اجرؤ..الا اثق فى جمال هذا الحوش الاليكترونى...

فلنجعله عاما سعيدا لاطفالنا المشردين..والذين تتغابى فيهم حكومة "النفط" العرفه...

ولكم حبا لا تشوبه الريبه

ونستفيد من التنظيمات الاقليميه السابقه..

وبورداب المناطق المختلفه...

وكم انا فخوره بذلك الاداء السابق..

وشكرا لعاصم الحزين..لانه الهمنا تقوى العمل المنظم الجماعى ...والجميل

اها


بسم الله


هيـــــــــــــــــــــــــــــلا هوب... ما عندك مشكلة يا بت الشيخ...جاهزين ... الحكاية عايزة بداية بس..ودفرة للفكرة تاني
بتبقي زي فرس عبدالرسول..لا هسي ما وقف

ندخل حوشك التاني ، بكل عزيز وإنساني ، يدنا معكم وأيد على أيد تجدع بعيد ، وحتمآ سوف تتوالى الأفكار النيرة لكيفية التنفيذ والإنجاز ، وجاهزين تمامآ ، ملابس إضافية بمقاسات مختلفة ومصاريف الشحن والترحيل

العزيزة تماضر

نقف معك بشدة ، فقط ورينا البداية كيف

تسلمي يا تماضر

تماضر العزيزة ...
تحياتي لكي وانتي تسلطي الضؤ هذا العمل من جديد
اطمئنك ان الامور عندنامع ام سهي ماشة علي قدم وساق وتوقعي بوست بهذا الخصوص سوف ينزل لكي يشجع بقية المناطق علي العمل .

تسلمي كتير ولكي الود

تنقو

نزار حسين

ابو ساندرا

مايا

ما عندى فيكم شك قدر ما شالت...

عمك تنقو...بالله وافينى بتفاصيلك..

بوست تانى ليه؟؟ هاكم دة...

عشان جهودنا تتوحد...

الشكر موصول موزون ومقفى

لك كل التقدير يا استاذة
علي اتم الاستعداد
للمشاركة
و اي خدمات داخل الخرطوم مستعدين ليها
و ربنا يعين الجميع

سلام
كل عام وانت بخير با استاذة
نحن هنا ناس ابو ظبى فى انتظار الاوامر وانت تأمرى يا غالية
ورينا البداية كيف ومن وين .
والله والحق يقال عندنا مجموعة من الاخوان فى الخطوط الجوية
السودانية بقيادة الاستاذ عبد الرحيم ضرار لا يتوانوا فى تقديم
خدمة كهذه نحن فى انتظار الاوامر والشحن من الان اعتبريه مجانا
وفى الانتظار .
والله المستعان 0000

امال
ام وضاح

الانسانه تماضر عملية جمع الملابس وتكاليف الشحن وما الى ذلك من خطوات لانجاز المشروع نتختصر الطريق بتكليف بعض اعضاء البوردفي دول المهجر بجمع تبرعات وباقصى سرعة وتحويلها الى حساب الجهة المسؤولة بالوطن والاسواق الشعبيه متوفر بها الملابس بالمقاسات المطلوبة ونكون قمنا بالواجب تجاه اطفالنا المشردين وانعشانا هذه الاسواق بشوية دولارات

الحبيبة تماضر
ادمعت عيناي وانا اقرأ هذا البوست
حقيقة لا خير فينا ان لم نفعلها
نحن في الشرقية على وشك ارسال اول دفعة من التبرعات وقد ادهشني حقيقة كمية المتبرعين
الاحباء هنالك الاف من الاطفال المشردين في امس الحوجة للمساعدة وهنالك الكثير من المنظمات الوطنية التي تعمل في هذا المجال (جمعية صباح لرعاية وتاهيل الاطفال المشردين - جمعية امل والتي تعمل في نفس المجال ثم هنالك دور رعاية الطفل في المايقوما وغيرها , فلنبدأ بجمعية صباح لانها الاكثر حوجة وتتوالى تبرعاتنا للاخريات - يمكن ارسال التبرعات الى العنوان التالي
جمعية صباح لرعاية وتاهيل الاطفال المشردين
الخرطوم - العمارات
ص ب 8342
تلفون468322
فاكس 475248 انا سوف اتاكد ان كانت هذه الجمعية معفية من الرسوم الجمركية ام لا وساوافيك اليوم قبل غدا
لكم حبي

العزيزة تماضر
جزاك الله كل خير
فى دى معاكم تب
العزيزة ام سهى
جزاك الله كل خير
اذا امكن ترسلى لى تلفونك بالمسنجر
عشان الحق الدفعة الجاهزة
تحياتى

تماضر ( سفيرة النوايا الحسنة ) ما تزعلي مني انا زي اخوي بكري الجاك ما شايفاها نبذة
ام سهى
المشاركين / ات
ربي ينجح مساعيكم / ن كلها
بس حبيت انوه انه الملابس لازم تكون جديدة
لانه في بوست النفاج خالد الحاج قال انه الحكومة اصدرت قرار يمنع دخول الملابس المستعملة
وانا مع فكرة اخونا بتاعت القروش
اسهل من التبرعات العينة والشحن ومشاكل الترحيل
والسوق في السودان ملااااااان مافي القروش

عصام وداعه
عصام وامل
الفاتح يس
الجندريه


وست الفكره ام سهى

انا ما عندى مانع الفكره تتغير من ملابس الى مال..وده اسهل طبعا..

اذا رايتم ذلك...فمن اكون بدون مشورتكم

مهيره ..طالما انتى معانا..مازاد الا خيرنا..مرحب

وفووووووووووووووووق

معاكي يا تماضر
آمري

وياجماعه لما خالد عويس يكون معانا..

تانى راجيين شنو؟؟

ارحكم...

فوق...من اجل عيون اطفال...السودان...

الاخت تماضر
شكرا علي اللفتة الانسانية وما غريبة عليك
اؤيد موضوع ارسال تبرعات نقدية وهو يشتروا من السودان
طيب نتبرع كيف؟؟
مع الشكر

يا تماضر كيف حالك
تعرفي العنوان شوية ماواضح
بمعني انه لا يشرح محتواه بما فيه الكفاية
وهذه أول مره ادخل في هذا البوست
وهذه قطعا فكرة نبيلة ويمكن تتطوريها اكثر من كده
لكن ماعندنا مانع نساعد بالافكار والتبرع لو كان في طريقة

وزي ما قلت ليك قبل كده ركزي علي استراتيجية جيمس بروان الحاجات كلها بتمشي تمام

الاخت الجندرية والاخوان
لكم الود
انا لست مع فكرة انو ندفع مال ونرسله للمنظمات عشان هي تشتري ما لاي شيء يرجع للقائمين على امرها فقط لانو حيغير شكل الموقف الانساني - ثانيا الحكومة لو اصدرت اي قرار يمنع دخول الملابس المستعملة - دة لانو ما حتشيل فيها جمارك
اما اذا كانت هدوم جديدة حتشيل عليها جمارك-
وهذه المنظمات معفية من الجمارك
يبقى الفكرة في مكانها - نجمع ملابس ونرسلها للمنظمة والما بقدر ممكن يجمعوا تبرعات ويكلفوا ناس يشتروا ملابس ويرسلوها
مع ودي

ربنا يمتعكم جميعا بالصحة والعافية ويكلل مساعيكم في فعل الخير بالنجاح. ما أعلمه يقينا أن الحكومة السودانية أصدرت قرارا بمنع دخول الملابس المستعملة للبلد لأنها أصبحت تجارة ولا أعرف ان كانت في استثناءات أم لا. والشيء الآخر أنه يوجد عدد كبير من الناس يودون المشاركة في هذا المشروع الخير ولكنهم مغتربون بلا عوائل ففكرة التبرع بالمال أظن أنها عملية عل شرط أن تقوم نقاط التجميع بشراء الملابس من المبالغ التي تحصلت عليها وترسلها للجمعيات أو يقوم المتبرع بنفسه بالشراء ويا دار ما دخلك...........وان فاعل الخير لا يعدم جوازيه.
وسعوا القنوات لتصب جميعها في صالح المشروع. وفقكم الله جميعالفعل الخير وكتر الله من أمثالكم ولتظل أياديكم البيضاء دائما ممدودة ولا يضيع الله أجر من أحسن عملا.
مع تحياتي

آمل ان يتحرك بورداب الرياض جماعيا للإسهام في هذا العمل الوطني الخيّر ،
ونحن عصبة ،أفضل العمل الجماعي ، هل أنتم معي ؟
وأين همام ومجلس جمعياته ؟ أهلنا زمان قالوا :
ما تشكر لي الراكوبة في المطر

وقد فازت النساء بالمبادرة
ولتكن خير أعمالنا وخيرأعمالهن للوطن ..

ندعو الإعضاء من الأمارات ( العين ) التفاكر حول الأمر و ارحب بأن تكون دارى المتواضعه مركزا للتجميع , ومرحب بالجميع للتفاكر حول الأمر بجديه يستحقها .هل نحلم بأن يكتمل الجهد بوقت معقول قبل العيد القادم لإرسال دفعه أولى!
وشكرا تماضر يا مستودع الإبداع
مستدام

اسعد ابراهيم..اشكرك على اهتمامك..واذا كنت تسكن فى امريكا انا بقترح ان العمل سيستمر بنفس اسلوب مشروع عاصم الحزين..اذا قبلت راويه بالطبع العبء تانى...ومنتظرينها تفيق من هول المفاجأه..وتقول "انا لها" ..فخليك مرابض لغاية الضوء الاخضر..

احمد امين..جيمس براون فى الخاطر..انا مصيبة عدم وضوح العنوان دى ما كنت حاسباها...وان شا الله نحرض بعض بالاتصال المباشر..كما عرفت ان الناس بتعمل ..ده هم عام..وبستاهل..

ولك السلام

ام سهى انا بقتكر انه التبرعات الماديه اسهل من الملابس...الا لما نلقى ضمانات كافيه...ولا شنو؟؟؟ ما دايرين نختلف وتفقد الحماس..القروش ذاتها بتشترى الملابس..كدى ادينا خاطرك يا ست البنات..

ابو مرام..انا اتفق معك ايضا...ورينا انت وين وممكن تعمل لينا شنو..وثوابك فرح الايتام..

ود قاسم..ناسك وجهدك..سندنا الاساسى...ولا بقولو ليكا سو..

مصطفى ادم..دارك عامره ان شا الله..ما عندنا فيك قولان..بس واقينا بالانجاز

الجميع..

ما اعطر نواياكم...

تماضر وأم سهى وكل الرائعيين ،، سلام
ده عمل نبيل وجليل ، ويا ريت تضموني في القائمة
وبالنسبة لي ارجح ارسال دعم مادي ، للجهة التي تشيرون بها عليّ
واتمنيت الكويت دي يكونوا فيها بورداب يا ود قاسم .. ما تتخيل انا حاسدكم كيف !!!
ياخي مش ما فيها بورداب ،، مافيها سودانيين من يوم حكومة الانقاذ هتفت لصدام ايام احتلال الكويت . يعني ، في مجموعة كدا اسمع عنهم سمع لكنني لم اشاهدهم على الاطلاق
المهم ،، ضموني للقائمة و.. لى قدام

تماضر النبيله
لك كل مافى الارض من عطر
معاك وجاهزين
سنطرح هذا المشروع كاحد الاجنده الاساسيه لاقرب اجتماع لبورداب الرياض





وتسلمى ياهميمه

الاخت تماضر

لك التحايا بقدر قلبك العامر بالمحبة..

جاهزين للمشاركة بقدر الجهد و الاستطاعة..

ان كانت تبرعات مادية ادينا رقم الحساب ..

او تبرعات عينية ..و انا بعتقد التبرعات العينية مهمة لانو الاطفال

ببكبروا بسرعة و بتكون الهدوم لسه ملبوسة مرة او مرتين بس ..

للتنسيق مع بورداب الامارات و العين - موبايل 6190124

ولكم جميعا كل المحبة

مامون

فقيرى..بعد التحيه والاحترام...

افتكر انت وعصام وامل..عندكم رؤياواضحه..لفكرة الملابس وترحيلها...وده كان امل ام سهى فى البدايه...

فانا ماشايفه مانع من هذه التدابير...

محمد الشيخ...انتو بورداب الرياض...تانى الناقص شنو...

وكل المحبه...

خالد..وبعدين؟؟

عاصم طلع صاحبك..مريم محمد الطيب طلعت جارتك..ام سهى منك وفيك..ما عندى طريقه غيراسلم..بيك..صديقا...واخو اخوان... مرحبا

سمندل انا بفتكر انك ما شايف النعمه الانت فيها...
انت ساكن فى دوله عندها اجمل اسم..الكويت..

انا بكره المكوه دى بصوره فظيعه...

يعنى لما اكون دايره اغسل مشكله لكن لما اكون دايره اكوى..دى كارثه لا محاله...

فما بالك لما اكون "كويت" يعنى مافى هم تانى مافى مشكله مافى بوخ..مافى بطانيه مفرشه..فى تربيزه مطاوله..مافى...الا هدوم مطبقه..وقاعده بنظام فى رف..

قبالله احمد الله على الهنا الانت فيه...ورسل التبرعات لود قاسم..ديل لسه مكوه ما كووا.


ههههه

شكرا لشعورك يا سمندل..وتجى منك

العزيزة تماضر
لك تحيات الورد
دائما ما تضربين في التنك
ام سهى
ولو تعلمين حبيبة المشردين في السودان
يعرفونها جيدا ويتسابقون اليها ان مرت في اي سوق من اسواق العاصمة
ام سهى
جابت طرقات العاصمة حافية الا من حبها الكبير لهم
تجمعهم في قلبها قبل ان تتوجه بهم الى بيوت الايواء
ام سهى
كم تعلمت منها وحببتني العمل مع هذه الشريحة الرائعة ايام عملنا سويا في مشروع صباح
ام سهى انتظريني بعد ان ابحر الى منفاي الاخير ومن هناك ساواصل دعمي لكم .
لك الحب الكبير
خالد

الأحت تماضر لك التحية والتقدير
نحن تحت راية أم سهى أدام الله عليها نعمة الصحة والعافية وعلى اسعداد لعمل ما استطيع بأذن الله
حفظكم الله جميعا

العزيزة تماضر..
تحيات الورود..
سبق أن بدأت مشروع لدعم الأستاذ محجوب شريف في سعيه النبيل لتوفير ملجأ وكرسي دراسة ولقمة نظيفة لأطفال الشمس بالسودان وقد قطع مشروع النفاج مرحلة جيدة وكان الأخوين عاصم الحزين وعثمان المهندس يقومون بجهد الداخل لجمع المعلومات والتحضير لجمع الدعم وإرساله للأستاذ محجوب دعما للعمل النبيل..ومن ضمن ما قمنا به قيام الدكتور حسن قطبي(لندن) بجمع مساعدات عينية جيدة في كميتها وقد وعد المتبرعون بها بتسديد قيمة الشحن للخرطوم..وواجهتنا مشكلة القوانين المقيدة لإستيراد الملابس المستخدمة وكانت فكرة تحويل الموضوع إلي مساهمات مادية..ثم كان موضوع عاصم الذي شتت بعض جهودنا لأن المسألة كانت ملحة ولآن عاصم كان أحد المشاركين في الجهد فرأي الأستاذ محجوب حينها التركيز علي علاج عاصم في تلك المرحلة..
عموما أري أن نتشارك جميعا في تفعيل الموضوع من جديد وسيقوم الأخ المهندس بمدنا برقم حساب النفاج..ومن جهتنا هنا في أوربا سنوحد جهودنا بالتنسيق مع مجموعة لندن..
لك عميق تقديري لمواقفك الإنسانية النبيلة والتحية لكل من وقع هنا

خالد الحاج..

لك وللاستاذ محجوب شريف .. السلام..ولقلبه المتفجر ثوره وحنانا..الامان.

ولقد كان لنا فى تجربة عاصم الحزين معكم "اسوة حسنه" ...ولم يخطر ببالى هذه الكره الا اننا سنعود الى نفس القنوات..التنظيميه...السابقه..لرسوخها فى التجربه...

فهاهى ذى النوايا اسفرت عن سماحتها وجودها ...وهاهى ام سهى,,تسمع...وهاهم الاطفال ما زالوا ايتاما...وعيونهم مازالت فى الترقب...قليكن الامر ما ترونه مناسبا..

وانا...لكم

شكرا تماضر وما كان عندي شك في ذلك
وأعمل اليومين ديل في تجهيز المواد للوب سايد الخاص بالمشروع
بإسم النفاج.. لأن فكرتي التي أرجو دعمكم فيها هي أن نصنع قنوات ثابتة
تجعل المشرع يستمر وأن لا تكون مرتبطة بفترة نجمع فيها التبرعات ثم تخمد
لنعود من جديد نستصرخ زوي الضمائر..
من ناحيتي أقترح أن يلتزم كل شخص يود المشاركة بإقتطاع مبلغ شهري
يمكن أن يجمع علي فترتين في العام أو فترة واحدة كل حسب إستطاعته وأن لا يكون هنالك حد أدني أو أعلي للمساهم..وحتي لا أكون منظرا أعلن مساهمتي الشهرية بمبلغ 25 يرو للمشروع مدي الحياة..
وأعلنها وأرجو كذلك أن تكون التبرعات معلنة ليس حبا في الظهور ولكن لنرسي سيرة حسنة ونكون نموزج لغيرنا..وأطرح الموضوع للنقاش..

زمان قلت انوا المنبر ما قدم للسودان حاجة جماعية تعطيهوا ارضية معاشة قالوا نحنا قصدنا اشياء تانية

لكن برضو معاكي يا استاذة

الملابس لو قلتوا جديدة اديكم فكرة الهند فيها ارخص واجمل الملابس والشريف موجود والطلبة نازلين ياستمرار ممكن نرسل تبرعاتنا والشريف يقوم باللازم حتي لو يشحنها الي المنظمة علي طول

الاخت تماضر
موافقين وجاهزين وخلوها مادية يعني فلوس عشان اسهل. بس عليكم الله شوفوا ليكم زول في المانيا عشان نرسل ليهو طوالي.
ربنا يجازيكم كل خير علي هذه الفكرة

ما فى مشكله يا مهاجر...سوء التفاهم بحصل...وطالما اخرو تفاهم يبقى ما بضر...

المهم انت هنا وراغب فى التفاكر والتعاون...

ممكن تعمل اتصالات وتشوف الامكانيه كيف وترجع لى؟

انا ممتنه..شاكره ومقدره

بسم الله الرحمن الرحيم
و الصلاة و السلام علي اشرف المرسلين
سيدنا محمد و علي اله وصحبه أجمعين

لمستي شغاف قلبي بهذا البوست و انا كلي هم بهم و لو رايتم ما يحدث هنا لضاعفتم الجهد و المال و كما قال سيدي وحبيبي سيد المرسلين عليه أفضل الصلاة و أكرم التسليم: انا و كافل اليتيم كهاتين و اشار باصبعيه (الحديث) و أقول جزاك الله الف خير و بركة عنهم و عنا و كلي معكم : مالي ووقتي و جهدي و سوف ارسل ارقامي عبر الايميل و انا الان بالسودان ..

اتفق في الراي ان المال اكثر جدوي حتي و اذا كانت الملابس هي المطلب الاول في المرحلة الحالية و ذلك لسببين :1. مشاكل التخليص و غلو التكلفة
2. تدني اسعار ملابس الاطفال من داخل السودان

ارجو توضيح ارقام الحسابات و البنوك حتي يسهل التحويل اليها من الداخل و الخارج
ارجو الاستفسار عن جمعية سمعت ان اسمها كهاتين و لم اعرف مقرها أو عنوانها حتي الان و هي تعمل علي تبني الايتام حسب ما وجدت في ملصق لهم غفلوا عن وضع العنوان به و أدام الله عليكم حب الخير و بذله

شكرا يا سودانيه على ابداء هذا الشعور الكريم...

وزى ما هو وضح..بقى عندنا رايين..ما بتعارضوا مع بعض...المال "والهدوم"

وانا مع فكره النقد زيك...لكن البعض يرى ان الملابس ممكن تزليل تعقيداتها...ولو قدروا يزللوها ...نحن ليهم برضو..

لك التحيه...

حاضرين يا ست تماضر
انت تأمري بس
وكل سنة وانت والجميع بخير ..

خالد الحاج..دى مبادره..خرافيه...

لو قلت للناس نعمل مشروع بتاع جمع مبلغ شهرى يتراوح بين عشره وخمسه وعشرين دولار...يرو دينار ين...حيقبلوا؟؟؟

ونعمل صندوق...اجتماعى خيرى؟؟؟ انا ممكن اتابع الاداء فيه...

يوووووووه دى حتكون فكره جهنميه...

كدى النشوف الراى العام...

والسودان زاتو حيكون غنيان...لى قدام ...

م س د ...ما بتوقع منك اقل من كده اصلو وناس المانيا ديل تبع خالد الحاج..لا محاله...

شتات...ورينا وين اراضيك ونوجهك


الشكر

A plus idea

كوبيستا...

تقصد الفكره الاخيره؟؟ الميلغ الشهرى؟؟

انا بشوف كده برضو...

Greetings
Both are great ideas, with any honest and serious ppl
just go ahead and it goes as smooth as silk..we've done both several
times and it worked brilliantly..It will be more practical if you started
within your reachable contacts

tell me about these experiments you have done. where and when and how?? between me and you, everyone here is a reachable contact to me.

waiting to hear from you

thanks for encouraging words

العزيزة تماضر

عيونا لاطفال السودان وأطفال أم سهي ..
تنسيقنا سوف يكون مع بورداب الرياض ..

تسلمي يا زولة يا رائعة ..

greetings
As I mentioned above..ideas works only with willing Ones
the Ones that shares the dreams of those innocet eyes we seen them
on the screens and it became our day-night mares if we couldn't do
the least we should..
It's Challenging,but it's A must and at the moment we're doing it for
the needy ones in Dar-fur
(We will carry on)

معتصم دفع الله ..تسلم..ورينا انت وين..عشان نلزمك مجموعتك..

كوبستا..يا سلام..اسبقونا على الخير..ونحن بنلحقكم...وتحياتى لاطفال دارفور

الاخت تماضر

من دخل حوش تماضر فهو امن

انا اول الداخلون .. وتحت امرك

وفق الله سعيك ومسعاك

دور نقاس...

دخلتك ..معاها طمأنينه.لينا...ويشيلك الراس...ادخل
واتفاكر معانا وورينا..الوليدات تنسند على ياتو كتف من.. كتوفك..
ومافينا منك شك...

Thanks Tumadir
They're hearing your loud voice,only with ppl like thier hopes will
be alive..keep it up..my in-box is activated..pls drop a line

kobista

done

البوست يا تماضر مرفوع بي نبل الفكرة
وبي إيمانا بقدرتنا علي صنع التغيير
وبي وطن نتشابا عشان نشوفوا أجمل

ادينى كود الغنا...وانا انزل ليك حاجه تشبه البوست ده..ياخالد..وما رجعت لى لما طلبته منك المره الفاتت لغنيه ادم شاش

خمسة دقايق وبس وأرضيك.. والمسألة ما مقصودة عدم فهم مني بس يا بت الشيخ والله الشاهد

ادينى ايميلك...والاغنيه الفى بالى فكرتها جديده...مع احترامى لمزاجك ووردى...ممكن؟؟

ممكن يا تماضر وليه لا أنا الغنية يعلم الله ماعندي
[email protected]

معليش الميل ابى يشيل الاغنيه...


شكرا..لكن لو اديتنى كود الغنا يكون كويس

هذا هو دأبك
هذا هو بابك تدخلين علينا منه متي شئت
الله لا يقفل الابواب في وشك
تسلمي محل قبلتي يا بت الشيخ

وحاضرين

ابونور

تحضر ما تغيب يا ابو نور...

ودحين فى اجتماع بورداب الخرطوم ما اتذكرتو المشروع ده؟؟

وبصراحه كده انت ياتو فى الصوره؟؟؟

يديك العافيه يا بت الشيخ

انا الماسك المايك

تسلمي .. ابونور

طيب يا ابو نور تهبلنى كده؟؟ مشيت افتش فى زول شايل مكرفون...لقيتو فى المرايه..

استنى لى...


الليله ووووووووب...انا زعلت خالد الحاج..يا جماعه اودى وشى وين؟؟؟

حقك على..

ندمانه..وسافه التراب..

بس عندى سى دى جديد لبت جنوبيه ببيعوهو هنا فى حلتنا...وقلت دايره انزل منه اغنيه..

ما قصدت..الا الخير..

ولو عندى عندك خاطر ما تزعل...وتقول لى ما زعلان...وترجع الغنيه...عليك امانى وبناتها....سمح؟؟

تماضر العزيزة..
الله لا جاب زعل يا بت الشيخ
ويعلم الله ماني زعلان..وعشان تصدقيني
أرفعي الغنية في حوش بكري وأديني اللنك بتاعها
ونفسي أسمع الغنية العجبتك دي..

الأخت تماضر
كنت أتمنى أن يكون دعمنا من خلال بورداب جده ولكن لا حس ولا خبر ولأني عضو جديد لا أعرف وكيف ألتقي بهم على كل أنا على أتم الإستعداد للمشاركة مع الأخوة وورونا كيف ..

شكرا على عثمان على الانتباه..الجميل..

نوصلك بى بورداب الرياض..احسن..

والعين الصابت ناس جده شنو؟؟ يا ساتر

خليك قريب وانا بدبر ليك حالك...

شكر موصول ليك

Khalid Al-Haj
The pic was the most Expressive shot i've ever seen in my Life
Pls continue on your holly mission..blessings
Tumadir:
thanx

تماضر
ام سهى
خالد
النفاج
صباح
واطفال السودان
ما غبت منكم
متابعاكم
اها يا ناس امريكا
نفرة تانية
ويا خالد فكرتك رهيبة والكثيرين سيتحمسون لها
عندنا هنا فى المسجد طريقة سحب الى من حساب الزول/ة لحساب المسجد انا ما عارفة بتتعمل كيف والمطلوب شنو
يا ناس تماضر وراوية ممكن تتعمل كيف هنا فى امريكا ونعمل حساب لصالح المشروع دة والداير يتبرع تبرع دايم يكون اليا بيورد فى الحساب كل شهر بدل شيكات مشت وشيكات جات
ومعاكم

تماضر!
وهو نحن انتخبناك من هين؟ ما ياهو عشان كده.

ألف وردة لأم سهي

ولخالد الحاج!
أرجوك، كلو ولا صورة "كيفن كارتر" دي، ولا أنا حسي بقوم أمشي أنتحر!

إيمان

تماضر لك التحية بهذا العمل الجميل الذي وجد مناشدة كل الاطراف واستعدادهم التام. بالنسبة للذين في امريكا يسهل عليهم جدا ان يرسلوا ملابس أطفال لما لها من وفره هنا... أما مسألة الملابس المستعملة ومنع دخولهاالبلاد هي مسألة مرتبطة بالسوق داخل البلد لما لهذه البضاعة من تنزيل السعر الاحتكاري في السوق المحلي ..وقبل كده منعوا دخول العربات المستعملة لنفس السبب.. ولكن لو دخلت عربة للاستعمال الخاص فما في مشكلة... وبنفس الطريقة هذه الملابس للاستعمال الخاص ...وانا بشوف في الحالة دي أنو واحد مسؤول ممكن يناشدك ياتماضر ويقول ليك هاتي تبرعات الملابس ونحن بندخلها بلا شروط...أعرف ذلك تماما.. بس الناس الفي السودان يطبعوا هذا البوست كله ويعرضوهو على المسؤول.. اذا قال حسنا فالسوداني صاحب شركة النقل البحري في فرجينيا سيتولي هذا الامر (أمر الترحيل المجاني)..

الناس العايزين يساهمو ماليا أرجو منك ياتماضر تتصلي ب(سودانية) بعد التنسيق مع أم سهى في السودان عشان يعملوا رقم حساب هناك... وبعد التنسيق هم يرسلوا مساهماتهم مباشرة للصندوق المالي لهذه الجمعية الخيرية في السودان..

معاكم..معاكم يا تماضر والجميع
ما مسكني منكم الا الشديد القوي
نتمني نناقش التبرعات مع بورداب بريطانيا

ويا خالد
فكرة الويب سايت جميلة
عندي افكار كتيرة
بجيكم راجعة

فالسوداني صاحب شركة النقل البحري في فرجينيا سيتولي هذا الامر (أمر الترحيل المجاني)..
عبد اللطيف: السودانى ده لميتو فيه؟؟؟ انا ما لامه فيه لسه..ويالمناسبه انتو يا ناس فيلادلفيا..وعدتونى وعود كبيره..وانا فى انتطار تحركاتكم..صديق ومحمد القاضى وايثار وعاطف انيس وغاده..وعزالدين وعبد الله وصلاح والكل الكل...

ايمان ...هاله قوته...وحنينه...جوا؟؟

خلاص انا انوم قفا...خصوصا لو جات راويه...

يا مراحب..هنا

فوق

UP

قضينا ليله سافره...

اها المعانا منو الليله..ووصلت وين؟؟

up

وتاني