سلامة واصل ..يا اشراقه

سالت اشراقه مداعبه عن اسباب "الجفا"



فجاءنى ردها كالاتى..



العزيزه تماضر
وهل اعرف اجافى، فقط نمر بظروف صعبة نكاد نتجاوزها بعد ان اجريت عملية سريعة قبل العيد بيوم لواصل بعد ان تورم وجهه بالجهة اليمين وكان شىء فظيع كان يعاين لوشه الصغير فى المراية ويبكى بانه وشه ما حايكون زى اول ولكن الحمد لله، اجريت العملية واستئصلت احدى الغدد الليمفاوية التى التهبت، بقينا اسبوعا بحاله بالمستشفى وامس خرجنا الى البيت وانا مصابة بنزلة برد حادة
شكرا للسؤال وحين اتجاوز هذه المرحلة ساعود ولكن لا ادرى متى؟

محبتى وللجميع السلام

قلت اجيب سلامها ومحبتها للجميع..عشان يرفعوا من روحها المعنويه..

وسلامتك يا واصل..

سلامتك

ألف سلامة يا واصل..
ربنا يشفيك ويعافيك..
وكفارة يا إشراقة وأيوب إن شاء الله.

ألف سلامة للعزيز واصل,
ربنا يشفيه و يعيد عليه العيد و هو باسم القسمات حلو البسمات كثير الشلاقات شلولخ
عيد حلو للزميلة إشراقة
و أجمل المنى

كفارة انشاء الله يااشراقة
والف سلامة لواصل

الف الف سلامه لي واصل

وبلاي سلمي لي عليهو شديد يا شروق

خالد وملكة سبا وابراهيم الجريفاوى..

الله يرفع من روحكم المعدنيه..دنيا واخره

اشكركم لمن اشراقه تجى..وواصل طيب

الاخت اشراقة
الف الف سلامة للبن واصل وربنا يديهو الصحة والعافية

شكرا يا تماضرنا

برية ومليون برية على حبيب ماما وبابا وحبيبنا كلنا..
ألف لا بأس عليك يا واصل يا ابوي..
وربنا يطمن قلبك يا اشراقة انتي وابوه واختو..
وربنا يطمنا عليكم جميعا..
خالتو رجـــــــــاء

كل سنة وانتو طيبين

كل سنة وانت طيبة يا ام واصل وعاجل الشفاء لواصل وليك

كل سنة وانت طيبة يا تماضر

أول بالتبادي الشكر لتماضر لنقل هذا الخبر

ألف سلامة لواصل..
ربنا يشفيك ويعافيك ببركة النبي..
وكفارة يا إشراقة وأيوب إن شاء الله.

ياسر وإلهام

سلامة واصل يا اشراقة
و ربنا يكمل شفاءه حتى تعودي لنا أكثر اشراقا

واصل وام واصل وابو واصل ومرافئ
الف كفارة وسلامتكم
واجر وعافية انشاء الله
وربنا يتم عليهو بكامل الشفاء
وما يشوف شر يا رب

هالة

كفارة للابن واصل
نسأل الله له عاجل الشفاء
مع دعواتنا بان يحفظكم الله جميعا
والشكر للاخت تماضر

تحياتي

و امنياتي الطيبة بتمام الشفاء

و لعلها تكون اخر معناة لابنائنا

حسين

ألف سلامه لواصل يا أم واصل و إنشاء الله أجر وعافيه

الف الف سلامة يا واصل
انشاء الله ربنا يواليك بالصحة والعافية
ولك الاجر والكفارة باذن الله يا اشراقة
تحياتى
بكرى

الف سلامة وكفارة
شكرا تماضر

الف سلامة لواصل وللعزيزة اشراقة
تمنياتي لهم بالشفاء العاجل

سمبتيكو
رجاء
اسعد
ياسر الشريف

ندى امين
ملاسى
يوسف عبدالله
هنوف
مايا
عبد الرحيم


وكل من ساهم فى رفع معنويات اشراقه..انا بشكرو من هنا ...للبحر

لمن تجى ست الحق....

الف ســـلامة لي واصل ,

ويا تماضر كل سنة وانتم طيبين ,
ولك التحايا والســلامات من الاســتاذ يحيي الحـاج ومني و
ود النو الصغير , واستاذ يحيي ببلغ العيدية لي الاخت مريم الطيب
وسوف يتصل بيكم تلفونيا .

ياخ اصلو ما ممكن؟؟

بالله هاك شيل الشوالين ديل..ما يتكسروا..مليانات حب وقبل وندى وعبير..اديهم كل واحد شوال..بس اتكلهم فى الحيطه هك بتصرفوا..

يا سلام..والله خبر من ماس..

شكرا يا حامل الطيب..يا طيب..


لك التحيه ايضا..

وهو حيعرف النمره كيف؟؟

سلامة واصل يااشراقة وايوب...

وكل سنة وانتو طيبين

وشكرا يا جريفاوى...

تحياتى وحبي ليحيي الحاج ومنى عبداللطيف

الغالي دوماً واصل
الف حمد الله على سلامتك
وشكراً كثيراً لخالتو تماضر على حسها الراقي
ويا اهل واصل طمنونا اكثر
كيف هو الان

الف سلامة لابننا الحبيب واصل و ربنا يطمنا عليه و شكرا لتماضر على لفتتها الحلوة

ألف سلامة لواصل
ربنا يحفظ الوليدات من كل مكروه
اليوم غبت عن العمل لأن ( المرتجى ) كان مورود ( عنده حمى )

سلامة العريس الصغير
واصل
وربنا يحفظه واخوته ..وتفرحوا به دائما
وكل سنة والاسرة بالف خير

سلامة واصل يا ام واصل

حمدلله على سلامة واصل يا اشراقة .. قلوبنا معاكم

للمساهمين التحيه

ولاشراقه..


كل الحب..والتشجيع والوداد..والدعم..والمحنه..والسند..وندى الورد..

ولواصل..القبلات..


هلا طمنبينا عليك..

ألف سلامة يا واصل..
ربنا يشفيك ويعافيك..

الحبيبات إشراقة وتماضر..
ما هي اخبار واصل..؟
حمد الله على سلامة واصل يا أيوب..

الف سـلامة واصـل

الف سلامه لى الحبيب واصل ربنا يحفظه
ويرعاه
ويسلمه
ويخليه
امييييييييييييييييييييين يارب

رجاء..سؤال فى محلو

شغلتنى الشواغل عن .. اشياء كثيره..

ساعود بالاجابه قريبا وان شا اله كلو خير

شكرا حمزه على التوقف هنا للمسه انسانيه..

العزيزة اشراقة
العزيز ايوب
مليون باقة ورد لواصل ليتعافى
ولكم التقدير
خالد

الاخت اشراقة
الف الف سلامة للأبن واصل وربنا يديهو الصحة والعافية

اشراقة وايوب
الف سلامة للواصل
ربنا يسبل عليه توب العافية
مرض الصغار صعب خلاص
والعمليات الله ما يضوقها لحبيب
اتذكر تجربتي مع يسار
ربنا يقوكم
بتذكر وصية امي في اللحظات الزي دي
بتقول لي الامهات في اوقات لازم قلبن يبقى قوي عشان يقدرن يتصرفن
تبقي صميمة وتعرفي الاطفال بمرضوا.. بتجرحوا ..بدوخوا ولو الام قلبها ما قوى الطفل بضيع
ربنا ما يحوج ام لقوة القلب
ويحفظ ليكم مرافي وواصل
ويحفظ لكل والد /والدة

سلامة واصل يا اشراقة
ربنا يعافيه ،
طمنينا عليه ، وعليكم

سلامتو يااشراقه اتمني ان تطمئنينا عليكم

الاعزاء اشراقة وايوب وكمان تماضر

سلامة واصل وكل الامنيات الطيبة ان يكون الان اتعافي وبقي ينطيط ويلعب ذي كل الاطفال الحلوين ورايقين

مليون سلامه ولابأس عليك الصغير الغالي واصل. وحمدا علي سلامتك.اشراقه وايوب انشاء الله كفاره ليكم تعب الممارضه.نسمع عنكم كل خير.

وليد يوسف

أشراقة وأيوب

قرأت الخبر متأخرا. حمدا لله على سلامة واصل. لقد افتقد الجميع مداخلاتك الحية يا اشراقة. ويا "خناس" شكرا على التنبيه!

فضيلي جماع

اجمل الامنيات بالشفاء
ندى

تمنياتي بالشفاء لواصل

لم اقرأ هذا البوست الا الآن
حمد الله على سلامة واصل , ربنا يديم عليه العافية ، يحفظه ويحفظ والديه ، يديم عليهم الصحة ويمنحهم السعادة المستمرة وطول العمر .

أهـا يا تماضر..
مشيتي لا حس ولا خبر.. يا جماعة طمنونا على واصل..
وربنا يرفع بي ايدو..
آآآآمييين

اشراقة الف سلامة لي واصل
وربنا يحفظو ليك يا رب

العزيزة اشراقة.....التحيات الطيبات
سلامة واصل و لو انها جات متأخرة شوية فلك العتبى حتى ترضى و له دعواتنا حتى كامل الشفاء

ام واصل

الف حمد الله على سلامته
وانشاء الله مايشوف شــر
امنياتنا الطيبات ان يرفل في عافيه
وسعادة

ألف بعد الشر على واصل
الله يديه العافية يا اشراقة
وتطمني عليه ، وتعودي لينا
واحشاني شديد يا شروق

،، وكل الحب ، يا تماضر