اكرمتنا تماضر في عقر دارنا

التحيه لى بورداب لندن
ولى الاستاذه تماضر

التحية للاستاذه تماضر وبورداب لندن على هذا العمل الرائع

الاخوة والاخوات بروداب لندن

دعونى احدثكم عن زخم الحب فى لندن

فى لندن مشيت على اهداب الترحاب
فرشوا لى رملا من القلوب

توجونى ملكة على الضيافة

صفقوا لى ... واستمعوا لما اقول

احبنى اطفالهم كما احببتهم


وقالت دينا ذات الست سنوات

i can't wait that long.

عندما اخبرتها انى سأعود غدا الى بيتها

وقال آدم ذو الثمانية

we need u here, right now.

عندما حادثته بالتليفون بعد مغادرتى منزل امه الرحب

قال لى دكتور حسن ابوزيد انه كان يراقب تصفيق واهتمام صنفين من الناس عندما كنت اقدم اعمالى المسرحية : الكيزان و الاطفال

استمع الوزير جمال الى برنامج الراديو فأتى ليحضر الاحتفال التشريفى الذى اقامه اعضاء سودانيز اون لاين بالنادى السودانى


بكت زوجته متأثرة بالعرض ...


ماذا نقول لقد بكت؟؟؟

قالت ودموعها فى عينيها : ما قلتى الا الحق

؟؟؟؟؟؟؟؟؟؟

قال لى نقيب الاطباء الدكتور عمر عباس بعد العرض: لو كنت اعرف انك ستأخذين لب الجمهور هكذا ، لعدلت جلسات لمؤتمر كلها وجعلتها عرض مسرحى
متصل
اصحابى اتشاكلوا فينى


رجعت وانا مغسولة الروح بالحب الشفيف

تعرفت على اصدقاء جدد قابلت اصدقاء قدامى

مثل معى ود المهدى ، خال موديك
مقطع من مسرحية الجرح والغرنوق
اهدونى مجلة النفاج ومسرحية محمود ، لاستاذى عثمان النصيرى

قدم لى اعضاء المنتدى هدية قيمة

اقيمها الاعمال الكاملة للطيب صالح


استضافتنى اذاعة اسبكترم بترتيب من حنينة البوردابية ، ساعة كاملة على الهواء ، فتح فى الجزء الاخير منها الخط لاسئلة الجمهور

صور العرض الاول سامى المك المصور بتلفزيون السودان
وصور العرض الثانى حافظ خير صديقى القديم وود بيتنا ، وهو يمتلك شركة صغيرة للانتاج السينمائى

حاورنى ود المهدى للشرق الاوسط

التقيت بالصحفى حسن ساتى

والقى قصيدة ترحيب فى حضرتى

التقيت عبد العظيم بيرم ، الكاريكاتيرى المعروف والقى قصيدة جميلة فى حضرتى

غنى لى مصطفى السنى وعباس حمزة الملحن ومعاوية الوكيل ، البوردابى ، وهو الذى قام بعمل حفل وداع جميل وودود ، حفل لاينسى فى منزله العامر ، انتهى الصباح

قابلت عبد الملك العبيد وسنقوم بترتيب اعمال مشتركة

اجرى حافظ الخير مقابلتين معى واحدة لفيلم يقوم بتصويره عن رشا

the colours of rasha

والثانية مقدمة لشريط الفيديو الذى يعتزم انتاجه ليضم الاعمال التى قدمتها هناك

جاء الخاتم عدلان وحضر العرض وادفأنى باشاداته العميقة

قابلت عبد الباقى الريح المحامى الذى عذبهالنظام والذى على اثره نشطت جمعية حايا التعذيب فى انجلترا
وكان من بين الحضور

قابلت عبد السلام سيد احمد وهو ايضا نشط فى القضية ضمن منظمة حقوق الانسان
وكان من بين الحضور

قابلت زميلتى آسيا ربيع الممثلة السودانية المعروفة ، وهى تسوق بص الانجليز الاحمر ذو الطابقين وتضحك

قابلت حنينة
انتهازى
عبدالرحيم ابايزيد
احمد امين

وعادل عثمان


وآخرين

شالونى فى عيونهم

عدت لامريكا وانا ممتلئة بالحب حتى غازلنى الناس فى الشوارع


احببتكم يا هؤلاء

شكرا، هكذا، هذه الكلمة التى تصطدم بالنهايات ولا تثقب حواجز الدفء والصيرورة

شكرا ، هكذا ، كلمة صامتة لاتسمح للشلال بالانهمار ولا للهيب بالاندلاع


واحبك لاتكفى وغير احبك لا املك



شكرا لندن

الغالية تماضر، تسشبثي بهذا الفرح الذي تستحقينه لأنك معطيته أيضا، احضني وسادة أحلامه الهانئة ونامي قريرة العين يا صديقتي، ولكن...نحن كنا ننتظر عودتك بفارغ صبر فما العمل؟ هل ستأتين سريعا؟اذن فلتنامي.

الحبيبة تماضر
تستاهلى كدة و اكتر
ربحك ناس لندن على حساب وجودك معنا فى البورد الايام الفاتت
لكننا مسامحييييييييييين ما دمت رجعت لنا
بالالق و المحبة
مرحبا

لنا

ما تتخيلينى فاقدة البورد قدر شنو

حا هريكم

ود قاسم

خلونا نحول الحلم لى واقع

شكرا ليكم يا موصلى وحمزة سليمان والفاتح يس

ومارد والجندرية ودكتور نصر ويحى ابن عوف وما يا والشريف


امااودرنورد؟؟؟ ما فهمت كلامك وما عرفت اسمك ارجو التنوير والافادة مع الاحترام

سلام مربع

تماضر حبيبة البي

ربنا يزيدكم كمان وكمان
من نعيمه
تستحقي هذه القلوب التي
انت فيها

شكرا يا شرشورة
الفتحت الماسورة

تماضر
تحياتي
حمدالله علي السلامة
الزيارة التانية بتين
مرة واحدة ماكفاية

لسع ماشفت بيق بين
والبرلمان
وترفيلقر سكوير

والبرج
وسوق اليهود
وكيوقاردن
وكوفنت قاردن

والرويال البرت هول
والسواث بنك

لازم تجي تاني

كنت متخيلاك انت بالذات
يا احمد امين تكتب عن العرض

كتابة نقدية كدة

ممكن؟؟ ولا كتيرة على؟؟؟

الأخ ابايزيد، فاتني عن غير قصد أن أحييك وأنت صاحب البوست، فعذرا.

مالكم عايزين تعلمونا الحسادة يا ناس لندن وضواحيها
المهم حظكم ونحن لينا الله وعبشة السوق
ولتماضر الشامخة السلام والقيام


دالــي

رقية يا رقية

لم اقرا مساهمتك الا بعد ان اخدت نومة فرق الزمن


عذرى

يامفرحة

ورسالتك الصزتية سمعتها وانا بكمل استعداداتى الاخيرة للسفر ، فعذرى يا جميلة

ارجو الا اكثرمن المعاذير فانا هنالنكون معا، نكمل مشوار الوهم الجميل والكتابة سويا

لك الحب يا ندية

دالى

هذا حسد حلال

واتمنى ان استمتع بلقائكم يوما ما فى "بلدكم" بلا اسف

يا جماعة ماتورونا الصور دى ننزلها كيف؟؟

العزيزي تماضر ليتني كنت بين من الهبتي اياديهم بالتصفيق .. ولكن عوضاً عن ذلك صفق قلبي وانتي تنقلي لنا هذا الحب الكبير من اناس عرفوا حق قدرك وقدروك كما نقدرك ايتها العزيزه

وفي انتظار الصور بعد تحميلها علي السيرفر ثم نقلها هنا

دمتي يا جوهرة الوطن النفيسه

شكرا لكم جميعا
واتمني ان تستطيع تماضر الوصول اليكم جميعا لتروا بام عينكم حب الوطن وحلاوة الانتماء الي هذا الشعب
تماضر لك كل التحايا منا جميعا اخبرك بان معاوية الوكيل الرجل الكريم افاق اليوم من نومه ليتسال هل اكرمنا وقام بالواجب؟ انه رائع وننتظر عودتك
لتعطينا امة

قرأت تقريرك يا تماضر عن زيارة لندن.. واستمتعت بكل كلمة فيه.. آسيا التي تسوق بص الإنجليز الأحمر، لها التحية والتجلة.. وصديقي وابن دفعتي الدكتور عمر عباس محمد صالح منذ الأبيض الثانوية وحتى كلية الطب..

بالله كيف يكون الحال عندما ينصلح السودان ويعود كل هذا الألق والمجد والعظمة إلى السودان؟؟

قبل يومين ذهبت أنا وزوجتي إلى حضور مسرحية في أحد مدارس المدينة كان إبننا أحد أبطالها والمسرحية هي "حلم ليلة صيف"ـ لشكسبير ولكنها طبعا ترجمت إلى اللغة الألمانية ومثلها طالبات وطلاب من المدرسة.. الشريف، عمره 17 وأنا أرجو أن أريه أعمالك يا تماضر..

هل نطمع في شراء شريط فيديو لليالي لندن، الذي أتمنى أن يكون قد عمل..

الأخ أبايزيد
تحياتي العميقة

تماضر
شفتي كيف؟
طلعت أنا بحلم
بحلم إني كنت في لندن
لكن صحيت ولقيتني آتاري أنا بجاي
جنب جبال الروكي
لكن لقيت لي أغنية كدة كدة إسمها أونا أونا البيض سنونا
قعدت أتصبر بيها
واحد صاحبي من الصديقين؛ ظهر لي في الماسينجر وقال لي "لندن كيف؟"؛
قلت ليهو منو القال ليك أنا في لندن
قال لي: إنت!!؛
قلت ليهو متين؟
قال لي: في البورد بتاع سودانلايص، أيوة، سودان لايص، مش سودانيز أونلاين!!؛
قلت ليهو أوكي يا صحابي يا القاعد في سودان هايص
دي كانت كذبة أبريل، وزدته بالقول: أصلي في أبريل نسيت أكذب، ولا ما قدرت ماعارف، يمكن عشان فيني صورة حبيبة جميلة كدة إسمها ستة أبريل، ولا شنو ما عارف
ولا احتمال يكون قبضوني في الحلم داك ودخلوني السجن ياربي؟
خلاص، مفيش مشكلة
من جوة السجن وأنا لسة بحلم إني بشاهد في مسرحية إسمها
دنيا بلا صياد!!؛

بعدين يا تماضر اليومين ديل صورتي مختفية من البورد! ليه ما عارف؟؟
يا ربي يكون دخلوها معاي السجن؟؟

الف حمد الله على السلامة الغالية تماضر

سلامات يا تماضر
و بالجد ناس لندن و الله ما قصروا
الظاهر انك جضمتى الشغل بى هناك
سلامى و احتراماتى و اشواقى كمان

hopless:

انا ما نفيسة انا تماضر

هاهاها

شكرا للطفك

ياسر الشريف

التحية لابنك الغالى فى مشوار المسرح الصعب ، هل كنت فخور به ؟؟؟ اكيد وتحياتى للمدام

ادم ابكر اسماعيل

جبال الروكى؟؟ وانا اشيل واترقب ظهورك؟؟ كذبة حنينة وحلم اخضر

جبال الروكى دى وين لجبل البركل؟؟ جبل البركل ياها... هاها البركه الياها

نخطرف معاكم زى ما بتخطرفوا

والود ممتد على امتداد سلسلة جبال الهملايا، وهملايا دى جاية من همله

وفى هملة اكتر من كدة؟؟

زمراوى
واسامة الخاتم
لكم الياسمين من الاتجاهات الاربعة ، يا احبة

الاخ والزميل رفيق الدرب عبدو
هذا ما وجدناهوا فيك من زمان وانت فخر لنا
شكرا لكم علي هذه السانحة الجميلة التي جمعتكم بقانة جميلة وثروة سودانية اتمني ان يحفظها الله للوطن والاجيال القادمة

الاستاذة الف مرحب بيك في البيت وكلنا شوق الي شخصك وقلمك الجميل

مهاجر اشكر عطفك وودك

تما ضر
تحياتي

وبعيون مشاهد عادي


العرض المسرحي الذي قدمتيه في النادي السوداني جميل وبسيط وغير معقد

أعجبني كثيرا خصوصا العرض
الذي يحكي عن البنت الساكنة الثورة
وأجمل ما فيه الإيقاع الشعري

وتعدد الشخصيات وتقمصها الذي يتطلب موهبة غير عادية
أعتقد أنك قد نجحت في ذلك.
والدليل علي ذلك دموع الناس وضحكهم في وقت واحد.


ملاحظات:

ماهي أمكانية أشراك الجمهور في مثل هذا النوع من العروض؟
ماهي أمكانية تقديم بعض أعمالك باللغة الإنجليزية ؟
التنوع الثقافي السوداني ربما يتطلب وعي مسرحي جديد، ماهو رأيك في ذلك؟

أرجو أن تستطيعي تقديم مسرحية محمود ، للاستاذ عثمان النصيرى

الاخت تماضر لك التحية استطلعت الموضوع بتاع اعمالك وزيارتك الى لندن ومدح الاخوان الى عملك وكفائتك ومن ذلك استنتجت انك بارعة كل البراعة فلا احب ان ابخل في كلمة تعطيك حقك في هذا المجال فهنئا لكى يا اختي واتمنى لك المذيد من التقدم والابداع


امين

انسانه + اصاله + زوق + فن = تماضر شيخ الدين جبريل

مهاجر

اشكر عطفك ولطفك

امين

براعة متواضعة، اتمنى اكون على حسن الظن

احمد امين برجع ليك

يجب ان اذكر ان نقيب الاطباء هو احمد عباس حسين وليس عمر عباس كما ذكرت


وتحية خاصة للطبيبة نهلة

وهيام
سهير الشوية

ماجدة محمد على

طبيبات يتختوا على الجرح ، يبرا
اسعدنى الحظ بلقائهن

الأخ عبدالرحيم
شكرآ للسبق و للتعريف بما دار في يوم الاحتفال بتماضر والعرض المسرحي في النادي السوداني

الحبيبة تماضر
يعجز قلمي عن إيفائك حقك

لا أعرف لماذا

خانتني الكلمات
وتخنقني العبرات
إنه الفراق

الكثير الكثير يستحق السرد
من معين تماضر الذي لا ينضب

إعذروني الآن
سأوافيكم لاحقآ بالتفاصيل

تحياتي

حنينة

هكذا أنت، وهكذا السودان فيك، وبك، ينبض، يا تماضر "الخير." كنت دوماًأقول، حتى في أزمان اليأس، بأن شعب هؤلاء أهله لن يضيع، فهنيئا لنا بالأمل الذي يرتسم على كل حرف من كلماتك عن تجربتك في لندن. هذه تجربة يجب أن تتفاقم، لتنطلق الثورة الفكرية والثقافية. حينهاسيبكي كل من أستوزر منذ الاستقلال وحتى اليوم، لا زوجات الوزراء فحسب. فقد سكبت نساء بلدي ما سيكفي لغسلنا جميعاً من الصور الشوهاء التي صورها بعض رجال بلدي-اللارجال- للمجد.

الشكر لك يا أبايزيد، ويا بورداب لندن، على تعاونكم هذا. فهو أيضاً يجب أن تتفاقم صوره لتشملنا جميعا لنحتفي بكل مبدعينا، وبكل مفكرينا الأصلاء على حدٍ سواء.

هذا يا تماضر ويا موصلي هو نوع النشاط الذي قصدت به دعم ضحايا التعذيب في حملة كبيرة مدروسة في الوقت الحاضر، وبعد، نفاذ مشروع السلام. الشكر مرة أخرى لبورداب لندن لإعطاءناهذا النموذج العملي لنستدل به

حنينة الحنينة

لولاك لما حدث اللى حدث

فانت المشكورة على "ركوب راسك" وعل المستحيل ممكنا

وشكرا يا استاذ حيدر وانت تمنحنى هذا الشرف الكبير وحاعمل على نشر رسالتى المسرحية كل ما تبدت لى سانحة


احمد امين

انا مثلت كتير قدامجمهور خواجة بالانجليزية ونال ادائى الرضا

تتذكر المصور السينمائى الصور العرض؟؟؟ دة جانى بعد العرض وقالى برغم حاجز اللغه لكن بعتبر ادائك مؤثر ومميز

افتكر التمثيل دة بقول الكتير غير اللغة وانا عملت تجربة مشابهة مثلت بالعربى لجمهور" خواجى" وسمعت رد الفعل ايجابى


اشراك الجمهور حصل عملت الحرفة دى فى واشنطن واثرها طبعا اعمق

حنجى لعرض تانى فى لندن ، حسب حنينة، المرأة الارادة، فى الكريسماس ، حيكون فيه رشا وفرقتى عرايس النيل

حاعمل فيكم تجارب جديدة ، ايه رأيك

شكرا لكرمك

شكرا ليييك يا ابا يزيييد على تغطيتك الجميلة

و الشكر ثم الشكر للاستاذة تماضر على اللحظات الجميلة القدمتا لينا

و انشاء الله الصور قريب قريب

بس و الله مشغووول الايام دي شديد

و حنينة تلكم العظيمة سهرت الليالي حتى اتت لنا بتماضر الغالية

و ظلت من خلف الكواليس تنظم و تنسق حتى رأى الاحتفال النور لها

و كانت في تواضع العظماء ترفض ان يذكر اسمها

و اخوتي عادل عثمان و ابايزيد و احمد امين و معاوية الوكيل و مصطفي السني ما قصروا تب

و بالمناسبة الفكرة اصبحت نشاط ثقافي ثابت في النادي السوداني كل اسبوعين انشاء الله

و سيكون باسم الراحل عبد الله الطيب نستضيف فيه احد مبدعينا سواء اكان متواجدا في لندن او مارا بها كتماضر الغالية

و محاولاتنا جادة في النشاط القادم انشاء الله لاستضافة الاستاذ الفنان الكابلي انشاء الله خلال زيارته لمدينة الضباب

و سنوافيكم كل مرة بالجديد و انشاء الله بالصور

فات على عبدالرحيم

ان يشير الى مشاركة الاستاذ معاوية التوم الذي شارك بقصيدة جميلة جدا

هي قصيدة شعبية عبارة عن رسالة من الجيل القديم للجيل الجديد

طلبت منه كتابتها لانزلها لكم هنا فترقبوها

كما شارك معنا الاستاذ التشكيلي المبدع عبد العظيم بيرم

بقطعة نثرية كان قد شارك بها من قبل في جريدة الحرية و تسببت في مصادرة الصحيفة

تتحدث عن مواطن سوداني انتبه متأخرا الى انه سيدخل بلده حاملا جوازا احمرا اجنبيا

سماها وثيقة ادانة رقم واحد

اوعدكم بانزالها ايضا متى ما توافرت لي

كما وعدنا بان يشاركنا في المرات القادمة بمعرض تشكيلي و رسوووم كاركاتيييير فله التحية



كما و شاركنا الاخ الكريم عثمان بابو باغنية تحية للاستاذة تماضر

و كان على آلتي الاورغن الشباب عمار سراج و محمد بلال فالتحية لهم

و التحية للاستاذ فلاح هاشم و الذي استضاف الاستاذة تماضر في الاذاعة العربية على مدار ساعتين

كانت عبارة عن حوار جميل أسرت فيه تماضر بكلامها المتمكن و عفويتها الجميلة آذاننا و اولنا الاستاذ فلاح نفسه

كما امتعنا سودانيي لندن بمدارخلاتهم التلفونية الجميلة و ردوود تماضر الاجمل

و اذيع لكم سرا ان فلاح اصر على تماضر ان تغني و تعذرت هي بان صوتها محبوس لكنها غنت في النهاية و كان صوتها دافئا جميلا من غير مجاملة

كما عبر عن استعداده لاستضافة اي مبدع سوداني عبر الاذاعة فله التقدير الشديد

و الشكر ايضا للاستاذ محمد المهدي عبدالوهاب على نشره دعوة للمناسبة في صحيفة الشرق الاوسط

كما انه اشار الى المنبر الحر و ان الدعوة مقدمة من اعضاء سودانيز اون لاين بالمملكة المتحدة و ايرلندا

باختصار كان اليوم في غاية التميز بمشاركة كل الاحباب و الاخت حنينة بالذات

و طبعا بحضور المتألقة تماضر

و الدعوة لكل مبدعينا بالحضور الى لندن و نحنا جاهزيييييين ليييييكم

لا يفوتني ان اشكر اسرة الجالية السودانية بلندن على تعاونها الرائع معنا و خاصة استاذ الفاضل شبيكة رئيس الجالية

فلهو منا عاطر الود و التقدير

شكرا ليييك كلكم

و للامام

انتهازى

شكرا لهذا السرد الفياض

والصور الشينة ما تتنشر

السمحة بس

سامع؟؟؟

جيب اضانك اقرصك فيها

وبالمناسبة يا ناس انتهازى فى عمر سارية او اكبر بى شوية
لما اضطريت اقول ليه

حلاتو يا ناشى

امك وين؟؟

يا سلام يا إنتهازي

ما خليت فرضآ ناقص

أولآ مبرووووك
حفل التخرج كان أمبارح-يا دوب اعترفنا بيك اتخرجت
لوووول

أولآ -إنتهازي انت كنت الدينمو المحرك وقد قمت بأغلب الاتصالات
وحجز النادي و و و

لا ننسي أن نشكر المهندس الفني لإذاعة اسبكترم مبارك نور الدائم المتجرد
والمهموم بالفن والفنان السوداني حيث كان يتحدث معي أثناء التسجيل ويبدي إعجابه بما كانت تقدمه تماضر

ويعطي رأيه وملاحظاته الفنية--فله التحية

نشكر من اللجنة التنفيذية لنقابة الاطباء السودانيين بالمملكة المتحدة وايرلندا
النقيب: د-احمد عباس حسين
الدكتور-صالح خلف اللة بابكر
الدكتورة- تيسير بخاري
والدكتورة- هيام عبد السلام

لمساندتهم في حضور تماضر

الاستاذ محمد المهدي عبد الوهاب مشكورآ نشر خبر حفل النقابة وسودانيز اون لاين

في الشرق الاوسط---له تحية خاصة جدآ
د- حسن أبوزيد-مشكورآ- أمدني بصور قيمة من حفل النقابة لتماضر وغيرها

سأنشرها قريبآ-
الشينة والسمحة يا تماضر
لوول

أستاذ عادل عثمان
نشكرك علي الMORAL SUPPORT
مما كان له أثر في نجاح العرض

أواصل

الست الحنينة حنينة

ساضع على عاتقك مسئولية تبليغ تحياتى وتشكراتى لهذا الجمع النادر من الاطباء على حسن استقبالهم وضيافتهم لشخصى العجيب

كما احسنى بالنيابة عنى الثناء للاستاذ فلاح بالاذاعة على جميل الحوار

ولنور الدائم على حماسه لتسجيل الحلقة والاغنيات الجميلة التى اهدانيها اثناء الحوار

تحياتى وتشكراتى الطيباتى

لكل من عمل على انجاح هذه الزيارة

وعمل على اعادتى الى منزلى وانا بهذه الروح العالية

روح تعمل خمسطاشر حلة مخدعة بدون طنطنة ولا احتجاج

وتغسل جبلا من العدة

وتلاتة حبال غسيل

شكرا لكم سادتى على شطف الروح بالوفاء والامل الجميل

ووا ندامتى الما قابلت

الطيب صالح
وفاطمة احمد ابراهيم
فاطمة بابكر
خالد المبارك
عثمان النصيرى

ولم ازر اسرة الدكتور الراحل عبد الله الطيب

كانت الايام معكم جميلة وقصيرة كلمحة

العزيزين الحبيبين د.ياسر وشنتير لقد أطربني حواركما أيما طرب.

الصدق فيما تراه صواباً، وتعبيرك عنه بدون مواربة يا شنتير يستدعي في محاورك أن يخرج أفضل ما عنده. وقد جربت ذلك معك في موقع آخر في هذا المنبر، ويؤكد حوارك مع د.ياسر هذا المنحى.
أختلف معك في الكثير مما تقول به، مثل رايك في الحرب الأهلية في بلادنا وتصويرك للأمر وكأنه بين كيانين لا يمكن لهماالتلاقي. كما أختلف معك في تقويمك لبعض مثقفينا مثل الدكتور منصور خالد، و بعض مناضلينا مثل الدكتور جون قرنق. ولكني أحترمك غاية الإحترام لكونك صادق فيما تقول.
أما أخي الحبيب دكتور ياسر فإني، على الرغم من إختلافي معه في بعض الأمور الفرعية المتعلقة بالعمل العام إلا أني أحبه وأحترمه وأقدر إسهامه في هذا المنبر أيما تقدير. وسأظل أشكره وأشكر له كونه الذي نبهني لضرورة الأنضمام لهذا النفر الكريم الذي يضمكم هنا في هذا المنبر الحر يا شنتير.

لاحظت انك تحاول أن تنفي صفة الجمهوري عنك لمجرد الشبهة التي قد يستتبعها تعلقك بالأستاذ محمود، والتعبير عن ذلك بصدق ووضوح. وربما لا تعلم بأنا لا نعمل بأسلوب التجنيد والاسترضاء. وليست لدى الجمهوريين بطاقة للعضوية. حر من يدخل إلى مجتمعنا، وحر من يخرج منه.
مرة أخرى أعبر لك عن البداوة الجميلة البائنة في صدق التعبير لديك. ولأن بعض أهلي بدو استقروا في منطقة حلفا قبل حوالي المئتي عام، فإني أعرف أجمل ما في البداوة من خصال. ومنها هذه المباشرة في التعبير التي لا تعرف الإلتواء.

أحييك يا شنتير وأحي د.ياسر على إمتعانا بحواركما المباشر الجميل. وقديماً قيل "بليلة مباشر، ولا ضبيحة مكاشر."

والبليلة ههنا تعفينا من مسألة "هدر" الدم يا تماضر، حتى ولو عايزين نعمل كرامة، احتفاء بهزيمة الخطاب المهووس في هذا المنبر. ممكن الكرامة تكون بي بليلة مباشر. أليس كذلك يا تماضر؟

عفواً، تكررت مساهمتي بعاليه سهواً فمحوتها هنا

دكتور حيدر بدوى صادق

دة بوست لندن

انت قاصد بوست هدر الدم صاح؟؟

ما مشكلة ننقل ليك هدر الدم فى لندن

ونهدرليك دم الملكة
زاتو

مش استعمرونا قبل كدة؟؟؟

ولا احسن نقيم عليها الحد

المهم ما بنرجعك مكسوف\

طالما جيتنا لحدى هنا

كتر خيرك يا بت بلدي!

نعم. فعلأً كنت أظن نفسي في موقع "هدر الدم." وقد أعجبت غاية الإعجاب بتحرك ذهنك الوقاد إلى حيث الماضي الاستعمارى البغيض لكي تبحثي لي عن مبرر لوجود تعليقي ههنا. أنت فنانة رقيقة، ولابد أن تكون هذه الرقةناتجة من كونك سليلة حضارة نوبية أصيلة.
لقد أطربتني عبارتك حين قلت للأخ فتحي البحيرى "أنا ما علمانية، أنا دونقلاوية." وكشاني حين أتشرف بحضور بعض أعمالك، أنفجرت ضاحكاً. وطبعاً تذكرت كيف أنني وآخرين في جامعة تفت إنفجرنا باكين حين جسدت لنا مآسي الحال في السودان. من تتحكم في المشاعر هكذا لابدأن تكون هي من طينة هذه المشاعر.

بشرانا بك، وبسوداننا القادم، الذي ستحضكينه وستبكينه من الفرح القادم من عمق التاريخ، والحزن الرابض في الحاضر!

رفعت روحنا المعدنية يا دكتووووور

أبنوسي

ابنوسي
الحاصل شنو-كنت عايز تنزل صورة ولاشنو؟
حاول تاني

العزيزة تماضر

إضافة بسيطة
من الشخصيات التي حاولنا ان نتصل بها ولم نفلح عشان تقابليها

الممثلة القديرة نعمات حماد

خالد المبارك كان خارج انجلترا

الجايات أكتر من الرايحات كان الله هون
ولازم تجينا تاني


حنينة

سلام لكل الناس في البورد.. مشيت اشوف تماضر في لندن فرحت بشوفتها بكيت من عمق الاداء ويا تماضر البت الساكنة الثوره عمل اكثر من ابداع الاداء بهبش النبض الجوه الحنايا والبكاء فيه تعبير عن احساس الالم علي وطن نازف لك الود واستمري وهزي العصب الحي وبى فنك حركي الصامتين .......
غربه............

يا غربة
ليك التحيات
بالله قاعدة في العرض وما عرفتينا بنفسك؟
ليه كدة بس؟

بنتلاقي تااااني

حنينة

غربة دى يا حنينة جات من السويد عشان تشوف العرض

وشفت عيوها ملانة دموع

ولو بتسمحى لى يا غربة اذيع سرك الاصلى

ادينى الضوء الاخضر وانا اقول للناس

عنك

يا مبدعة

اشكر كرمك واحاسيسك الصادقة

سلام يا غربة
سلام ياتماضر

إذن عرفتها-هي الأخت التي تحضر الدكتوراه في السويد

كنت أشك أنها هي --وهسع إتأكدت خلاص

لك التحايا يا؟؟؟؟؟
عرفنا دربك --تحياتي لصديقتك المناضلة التي كانت ترافقك

بنتلاقي-إنشاء الله

حنينة

تحياتي لأمير الأبنوسي، ولأخواته، أمهات السودان الجديد حنينة، وغربة، وتماضر. أنت يا تماضر لا تحتاجين لزيادة في المعدنيات، لأنك إمراة "حديدية" بمعني الكلمة. ولأن البعض هنا قد يظن أني أغازلك، فأني أقول بأني أغازل فيك السودان، وكل أهل السودان، رجاله ونساءه. وأعرف أن هذا النوع من الغزل قد شرعته كل الأديان السمواية، وهو ليس حصراً على رجل، ولا على إمراة، وإن كان حصرأً على الإنسان، من حيث هو إنسان -سوداني بليدنا وكلنا إكوان.

قال الشاعر

غزلية وين الرايقه يافنية

وين الليلة

تبلدي
شايفاك بديت تنزل الصور

يعني خلاص انزل العندي

اديتينا القرين لايت يا تماضر؟

ولا حتقولي دي حلوة ودي شينة

لووول
يلا سريع قرري

تحياتي

بس السمحة يا حنينة

الفاضل الأستاذ حيدر

وفي تصغير بليدنا السودان زيادة اللمة في الحوش الصغير داك , وياريت بيتنا الصغير نرضابو في لمتنا ديك هناك وونسة ومقوقرة وطفيش الهم ,والهمو سعن اليملصو برة لا غادي , هنا النيل سقانا الخوة وعشم لي بكرة يا بكرة , والخيات وكل الاخوات ليهن التحايا
حنينة

مرات بنضطر نكسر الشارات الخضراء حتى لو كنا خايفين من معلم كبير يا معلم

تماضر

قولي هاه


أبونسي

يا تبلدي
الله يجازيك سرقت صورتي

كنت بعمل upload
للصورة في سيرفر بكري وقال اكبر من 40 ورفضها

أجي القاك نزلتها

سويتها كيف دي؟

توريني السر والا أطالب بحقي الأدبي

حنينة

ياتماضر اذنك معاك بصراحه انتي التي جعلتينا نفرح بكاء فرح لان يكون من بين نساء السودان من يحمل همه ويترجم النضال عارفه لوكنا اليوم داك بنشوف في العرض في القاعة الخرطوم كان ممكن خروج الناس في موكب صاخب وكان مكن تكون انتفاضه.... اتمنيت لو كان العرض برضو قدام الانقاذين كانوا حيبكوا معانا ويعتذروا لشعب في اعتزارهم لبت الساكنه الثوره ...

حنينه بصراحه انا كنت موقف من البورداب لانهم مجموعات صغيره داخل حوش بكري ولما تكون براك مافي زول بشتغل بيك عشان كده قلت انا بسكن الحله دي وارمي السلام لكن بكون في حالي لمن سمعت بخبر جيت تماضر قلت لازم اقدم حضوري واشوفها لاني بحبها من زمان ولقيت تماضر كما هي عفويه بسيطه تتحدث السودانيه بطيبه الامهات ومحنتهم.. فعدت لبيت البعيد والمسلسل والعميرع الذي كان يجاورني الحي واعشق كل شي يوديه تماضر ابكتني لاني سافرت الي وطن نفتقد فيه الاحساس بامثالهم ....لك لها الود

غريبة

غنت لى

باجمل صوت نسائى شايقى ورطانى

موصلى

بصراحة صوت غريبة صوت يستحق الاهتمام

اتكلم لينا معاها

حاولت اقنعها تغنى "تشيل" انشالله مع الفنان ، ابت

بتتستر على موهبتها

والكلام دة ما صاح

غريبة انا فخورة بى جيتك لى وفخورة بى صوتك البشارة

ما اجملك

غربة يا تماضر غ ر ب ة

رد الله غربتنا جميعآ

شكرآ يا غربة ويا ريت تسمعينا صوتك

وشرفتينا بجيتك

وناس بوردانجلترا ديل -اول مرة نتقابل او نتعارف كان يوم حفلة تماضر

وما كنا مجموعات أو غيرو ابدآ -والله عالم

لك تحياتي

حنينة

يا تبلدي الابنوسي

صورة تماضر بتاعة التمثيل مشت وين؟

دي في مشهد من مسرحية الجرح و الغرنوق لعبدالله علي إبراهيم

الحاصل شنو؟



أستاذ حيدر بدوي صادق

شكرآ للتحية
وإنشاء الله نكون قدر المسئولية
تحياتي

الاخ عبد الرحيم
تحياتي
لك
وللاستاذة تماضر
التي عطرت لياليكم
بجو السودان
و التلاقي
ولكل الذين يعملو ن بصمت
ودمتم

سلفر

التحية لك انت ايضا

والذين يعملون فى صمت هؤلاء اخجلوا تواضعى ، صدقت


د.متوكل

لك التجلة والانخناء

كلماتك المشجعة ستمنحنى قوة الدفع والارادة لان اكون احسن من انا هذه المتواضعة

وستجعلنى انكر ذاتى من اجل هؤلاء الذين يتعشمون فى خيرا

وستجعلنى افخر بكم جميعا يا بنى جلدتى والوطن

فى بلدا كما قال المهندس عن حردلو

جفوه عمدو وابوه نظارو

التحية دبل
double

تماضر
ياشمس كل الأشرقات المبدعه
واصلي هذا الحلم الجميل...وهذا الترحال المضني ...رحلة الكبرياء والعزة والشموخ هذه أهبطي من قمة الاسبانيارد تلك وتسلقي قمة بكنجهام قصر تاج العرش البريطاني...أنتزعي ذلك التاج وضعيه علي رأس حنينه بعد أن ألبستينا تاج العز ...يا عز العز... أعيدي لأخوات حنينه أمجاد مهيره وردي الصاع صاعين
يابنت ملوك النيل ...
القدله فيك بتخيل ...
ماكان أبوك بخيل
يابت عز الرجال ...
أهل الدروع والخيل
أقدلي في مدينة الضباب ...وسط بنات قريش...الرصاصات الخمائيلية...وأزيحي ضباب الخوف والوهن وقسوة آماس الغربه
بس يوم فرحينا
شيلي دمعات الأسي
وما تودرينا
أنتشلينا من الموقع ال138 في لستةالبائيسين والمضطهدين والمحرومين كما وضعونا رغما عن أنفنا
نعم نحن دولة أستباحوها أقتصاديا وصرنا فقراء
ولكن بمثلكي نحن أغنياء وسوف نرقص معكي رقصة الشموخ والكبرياء هذه ونضع ساريتنا في خصر كل مكابر وأن أهدروا دمك فسوف تلد هذه الأرض المروية بحبك ونضالك ألف مليون طماطم
أما أنت أيها الشافع اليافع بعد والذي لم تدري كنهها بعد وأمرتها بالعودة والحضور فورا أصدقك العهد سوف تعود لكم بالسلك والحرير المقفي ...وبنضال وعرض هو أبسل وأجمل وأنضر
نضر الله وجه ذاك الساقي
تماضر أستمحيك عذرا لأتوسد جنبي الأيسر في شبر الغربةهذه الأكثر ضيقا لأواصل هذا الحلم الجميل ...أنا لاأريدله أن يتوقف أوينقطع
أشواقي والعود أحمد
أخوك د.متوكل

ياتماضر في الحقيقه انا بحب الشوايقه وبعتبرههم بغنوا بصدق هبش الاورده ... دي شهاده ماساهله يديك العافيه يام ساريه وانشاءالله اغني ليك في حنه ساريه لكن كان الحفله فرتكت انا مامسئوله براك خلتيني احلم .لك الفرح