Post: #3
Title: Re: اسمحوا لى بالنرجسية دى... صباح السبت، المبزوم، التانى
Author: Tumadir
Date: 09-21-2002, 12:09 PM
Parent: #2
حلمة
[ رايت فى ما يرى النائم ... نهر النيل]
واشنطن 1995
حلمت امبارح
انو الدنيا
سرقت من اصدافك غنية
من مختلْفك
وعامر جرفك
سمح احوالك
يا متانى... وزاخر لونك
يا مستنى تبوح مكنونك
اخضر من ضفافك مافى
ازرق من اجفانك مافى
سيبنى اطمس حرى وشرى
ف سحر عيونك
يا معطون بالرمز سكونك
قبل الغنية تدوخ بندندن
باشجان الوادى الجابك
اهلا مرحب بيكا حبابك
يا مسكون بالضفة الالفة
يا محبوك مجدول خلابك
رقشة موجك ... عشق احبابك
احلك من بُعدك ومن فقدك
يا زول ...مافى
جرح الفاتك ... دامى وغورق
ميتة الفجعة... الموت وقافى
|
Post: #10
Title: Re: اسمحوا لى بالنرجسية دى... صباح السبت، المبزوم، التانى
Author: Elmosley
Date: 09-21-2002, 01:17 PM
Parent: #3
كويس يالبت الحديقه داسه دي
من سنة 1995
لا ماداساها تكون عند واحد من الاسره المبدعه الشيخ الدينيه
يااخي انا من بلدكم برضو
|
Post: #11
Title: Re: اسمحوا لى بالنرجسية دى... صباح السبت، المبزوم، التانى
Author: Tumadir
Date: 09-21-2002, 01:41 PM
Parent: #10
والله نشرتها فى الراى الآخر لما كان احمد المرضى رئيس تحريرها،
انت ما اهلنا،
انت كنهنا وسر احتمالنا، زاتو
|
Post: #12
Title: Re: اسمحوا لى بالنرجسية دى... صباح السبت، المبزوم، التانى
Author: Elmosley
Date: 09-21-2002, 01:55 PM
Parent: #11
خلاص تمت المصادره بامر من وزير الامن الفني لما لها من خطوره علي العقل والعاطفه البشريه وسيتم ادخالها في سجن الابداع الموسيقي
لتقضي علي ماتبقي من نواقص العشق والغرام وتهدم قلعة الاحباط وتبني قصور الامل
|
Post: #4
Title: Re: اسمحوا لى بالنرجسية دى... صباح السبت، المبزوم، التانى
Author: rummana
Date: 09-21-2002, 12:10 PM
Parent: #2
ماااااااا فترنا 
|
Post: #5
Title: Re: اسمحوا لى بالنرجسية دى... صباح السبت، المبزوم، التانى
Author: Tumadir
Date: 09-21-2002, 12:14 PM
Parent: #4
|
Post: #6
Title: Re: اسمحوا لى بالنرجسية دى... صباح السبت، المبزوم، التانى
Author: ابوحراز
Date: 09-21-2002, 12:16 PM
Parent: #5
عاوز اعمل لي برضو واحدة زي بتاعتك دي
رايك شنو ؟؟؟
|
Post: #7
Title: Re: اسمحوا لى بالنرجسية دى... صباح السبت، المبزوم، التانى
Author: Tumadir
Date: 09-21-2002, 12:18 PM
Parent: #6
عارف الفكرة دى مفيدة ليك انت ككاتب’ لانو بتكون فيها نوع من الارشفة والنقد الزاتى، وكويسة للناس البحبوا يقروك لانها بتكون فى موقع واحد
|
Post: #8
Title: Re: اسمحوا لى بالنرجسية دى... صباح السبت، المبزوم، التانى
Author: ابوحراز
Date: 09-21-2002, 12:21 PM
Parent: #7
حبيت أشاكس بس
انا لا اقدر ان افتي ومالك بالمدينة
انا مجنون أجيب بوستاتي معاك هنا
والله تبور بورة عدوك
لأن الناس حايقروا بوستاتك
وانا اروح فيها
يا اختي لو عملتها بشوف لي صفحة براي
قالت نرجسية قالت
|
Post: #9
Title: Re: اسمحوا لى بالنرجسية دى... صباح السبت، المبزوم، التانى
Author: Tumadir
Date: 09-21-2002, 01:04 PM
Parent: #8
اب حراز هوووووووى
دة الختا زااااتو... انادى ليك ياهو زااااتو؟
انت عارف انه بوستاتك حلوة ومحبوبة قدر شنو؟
هسع القى لى زمن زيادة اعملها ليك فى بوست واحد... ونشوف
|
Post: #13
Title: Re: اسمحوا لى بالنرجسية دى... صباح السبت، المبزوم، التانى
Author: tally
Date: 09-21-2002, 01:59 PM
Parent: #1
الزمان زمانك يا الفريد في عصرك .... كيف نضاهي زمانك
كلمات سودانية بحتة، وجدت طريقها عبر الانترنت ... يا ريت لو صاحبا يشوف الحال ده .
عشنا ايامكم حية ـو ما زالت ـ خالدة من زقاق لزقاق و من حلة لي حلة ..... و حالية نلمسها واقع حقيقي مرموق على هذا البورد ـ عبر الاثير ـ ....
لكم التحية من صميم اعماقنا ... تماضر ـ البلابل ـ الموصلي ، وكل من اعلا شاننا بصوته الفريد و نغمه الجذاب و اسلوبه الرائع....
عجز الكيبورد عن الكتابة ..... و تبقى مشاعرنا معكم.
و لكم الف تحية
|
Post: #14
Title: Re: اسمحوا لى بالنرجسية دى... صباح السبت، المبزوم، التانى
Author: Elmosley
Date: 09-21-2002, 02:08 PM
Parent: #13
شكرا ياتالي علي مشاعركم الجميله وبالتالي فنحن اشد فخرا بكم
|
Post: #15
Title: Re: اسمحوا لى بالنرجسية دى... صباح السبت، المبزوم، التانى
Author: قرشـــو
Date: 09-21-2002, 02:19 PM
Parent: #14
عزيزتى الاستاذة تماضر
من لا يعرفك قبلا لا ينفك اسير الدهشة فى كل يوم جديد مما تجود به قريحتك ومن اكتشافاتك فانت حقا فنانة متعددة المواهب وعينى باااااااردة والله عليك وربنا يديك العافية وتدينا اكتر واكتر
كلمات جميلة حقا وصادقة وحرى بالأستاذ الموصلى العمل على اخراجها لنا بصورة اخرى وبذلك نكون اسعد السعداء لاننا شهدنا ميلاد الكلمات واللحن ونبقى نفاخر بذلك كلما تذاع تلك الرائعة او تبث على الهواء من اى مكان كان حتى ولو من المنبر هنا..
لك التحية والامنيات الطيبة
|
Post: #16
Title: Re: اسمحوا لى بالنرجسية دى... صباح السبت، المبزوم، التانى
Author: Elmosley
Date: 09-21-2002, 02:34 PM
Parent: #15
والله ياقرشو بقينا كان ماشفنا نخيلاتك ديل في البورد نقلق نحن النمسك الخشب
|
Post: #17
Title: Re: اسمحوا لى بالنرجسية دى... صباح السبت، المبزوم، التانى
Author: moniem2002
Date: 09-21-2002, 06:54 PM
Parent: #16
المبدعة تماضر
انت كالفراشة
تحوم حول الضياء ولا تحترق
بل تزداد لمعانا وتوهجا
من يحمل قيما وقضية دائما ما يكون مثال يحتذى
وانت كذلك لبنات حواء السودانية
نهديك من مشاعرنا ضياءا
لتزدادى توهجا
|
Post: #18
Title: Re: اسمحوا لى بالنرجسية دى... صباح السبت، المبزوم، التانى
Author: wadazza
Date: 09-21-2002, 07:13 PM
Parent: #17
سبت جودو فى انتظار جودو...وبرضو فى سبت دودو...وليلة السبت....
ظهورك السبتى الرائع ننتظره.ونقدمو فى وقت الأولويات..ماعشان نلقى الأحد.... ..
عشان شنو؟؟؟
عشان نلقاك فى السبت البعدو....وبس
ومعاها سبت ورد
تحياتى
ودعزة
|
Post: #19
Title: Re: اسمحوا لى بالنرجسية دى... صباح السبت، المبزوم، التانى
Author: Tumadir
Date: 09-21-2002, 08:31 PM
Parent: #18
Re: وعدك
|
Post: #22
Title: Re: اسمحوا لى بالنرجسية دى... صباح السبت، المبزوم، التانى
Author: Tumadir
Date: 09-21-2002, 09:08 PM
Parent: #18
ود عزة
سبت لى انك مواظب على جمال احساسك، وصدق نواياك
انا اتحيز للجمال والصدق
انا اقف معك فى نفس المعسكر،
فيارفيقى دعنا نحسن الرفقة فى درب الصعب
|
Post: #21
Title: Re: اسمحوا لى بالنرجسية دى... صباح السبت، المبزوم، التانى
Author: Tumadir
Date: 09-21-2002, 09:05 PM
Parent: #17
مرحبا بالضياء متوهجا من مشاعرك،
اهديك الرحيق،
والشكر يا منعم
|
Post: #23
Title: Re: اسمحوا لى بالنرجسية دى... صباح السبت، المبزوم، التانى
Author: Tumadir
Date: 09-21-2002, 09:11 PM
Parent: #15
قرشو
اهلا بك وانت تحضر خطوبة قصيدتى
وحتى يتمم الله زواجها من اللحن والصوت البديع،
اتفضلوا عندنا ... اهازيج، حنين وسحر.
والعاقبة عندكم فى المسرات.
|
Post: #20
Title: Re: اسمحوا لى بالنرجسية دى... صباح السبت، المبزوم، التانى
Author: Tumadir
Date: 09-21-2002, 09:03 PM
Parent: #14
تالى،
الزمن يتباهى بك، وبكلماتك الرقيقة[ فبالتالى] شكرا
|
Post: #24
Title: Re: اسمحوا لى بالنرجسية دى... صباح السبت، المبزوم، التانى
Author: النورس الحزين
Date: 09-22-2002, 06:44 AM
Parent: #20
الرائعة تماضر بت الشيخ
جانا الفرح شايلو النسيم
طليت بالبهجة ياروعة
********سلام لاجدع وطن **********
مع ودي
النورس الحزين
|
Post: #25
Title: Re: اسمحوا لى بالنرجسية دى... صباح السبت، المبزوم، التانى
Author: ABUKHALID
Date: 09-22-2002, 07:16 AM
Parent: #24
تماضر انا القصيدة الوحيدة النشرتها فى البورد اسمها السبت اكون حاسى
بعدين تقولى لى نصبناك
احسن وكيل عريف حقتى دى بس الراتب يكون ماشى
لانو فى ناس منصبين من زمــــــــــــان وعندهم امضاء معتمد.
صراحة اول مرة اكتشف انك من شعراء الولايات المتحدة الع_ اقصد الامريكية
تحياتنا حتى السبت القادم
|
Post: #26
Title: Re: اسمحوا لى بالنرجسية دى... صباح السبت، المبزوم، التانى
Author: Tumadir
Date: 09-22-2002, 02:12 PM
Parent: #25
النورس الما حزين
شال النوار ظلل بيتنا من بهجة كلماتك
ابو خالد
انا اخترت السبت مخصوص عشان قصيدتك يا وكيل عريف
انا اكتب الشعر لما تضيق عبارة المسرح، يعنى بكتب الشعر فى اوقات فراغ الابداع،
|
Post: #27
Title: Re: اسمحوا لى بالنرجسية دى... صباح السبت، المبزوم، التانى
Author: wadazza
Date: 09-22-2002, 05:18 PM
Parent: #26
الليلة الأحد...منتظرين برضو
تحياتى
ودعزة
|
Post: #28
Title: Re: اسمحوا لى بالنرجسية دى... صباح السبت، المبزوم، التانى
Author: azza
Date: 01-26-2003, 03:47 PM
Parent: #1
و الله عسسسسسسسسسسسسسسسسسسسسسل بس
مشتاقة ليك يا عسل
هسه كدا ها اسيب البورد
و اقعد في البوست دا
|
Post: #29
Title: Re: اسمحوا لى بالنرجسية دى... صباح السبت، المبزوم، التانى
Author: اسامة الخاتم
Date: 01-26-2003, 08:54 PM
Parent: #1
تماضر
خايف اقول بحبك مرتى تطلقنى و ينطلقوا فينى الناس
عشان كدا بقول يا ســـلام يا مبدعة و كفى
|
Post: #30
Title: Re: اسمحوا لى بالنرجسية دى... صباح السبت، المبزوم، التانى
Author: عشة بت فاطنة
Date: 01-26-2003, 11:13 PM
Parent: #1
وسبت الوردشايلو ما اظنو انساني
تماضر انتو لابدين بجاي وعاملين سبووت وانا بهناك رايحة اي بوست افرو القى لغم ، ولما فاض بي الحنين اكتشفت تقاسيم الليل والنهار ورسم الحدود وخطوط النار لحدي يوم السبت وفعلا ميتة الفجعة الموت وقافي ، وانت يا تماضر ديمة بحرك ضافي ونبعك صافي ومبروكة الخطوبة لهذه الحسناء الرائعة، واسمحو لنا ان نطلب القرب من حسناءكم المسرحية وكشف محاسنها بعد الاطلاع ودفع المهر وتاني اذا رسمتو الحدود كلمونا برانا رايحين....
|
Post: #31
Title: Re: اسمحوا لى بالنرجسية دى... صباح السبت، المبزوم، التانى
Author: عشة بت فاطنة
Date: 01-26-2003, 11:21 PM
Parent: #1
وسبت الوردشايلو ما اظنو انساني
تماضر انتو لابدين بجاي وعاملين سبووت وانا بهناك رايحة اي بوست افرو القى لغم ، ولما فاض بي الحنين اكتشفت تقاسيم الليل والنهار ورسم الحدود وخطوط النار لحدي يوم السبت وفعلا ميتة الفجعة الموت وقافي ، وانت يا تماضر ديمة بحرك ضافي ونبعك صافي ومبروكة الخطوبة لهذه الحسناء الرائعة، واسمحو لنا ان نطلب القرب من حسناءكم المسرحية وكشف محاسنها بعد الاطلاع ودفع المهر وتاني اذا رسمتو الحدود كلمونا برانا رايحين....
|
Post: #32
Title: Re: اسمحوا لى بالنرجسية دى... صباح السبت، المبزوم، التانى
Author: khider
Date: 06-15-2003, 06:02 PM
Parent: #31
تمادر اخيتي
دة توارد خواطر عجيب
مشهد اول
قريت ردك علي موضوع عقد خدر
كلامك زكرني حبوبة و امي خاصة انو لي منهم سنيييييييييييين
سرحت ليك مع خصوصية الثقافة السودانية داش \ قسم اللغويات \داش\ كلام الاخوات و الامات و الحبوبات ... الخ وتماضرات
ايوااااااة تماضر هبشت ليك يا خدر الجرح الفاقدنو مع لغة النصاري القادة اضاني دي
ايواااااااة
مشهد تاني
كلمت حبيبتي عنك شوية
مشهد تاااااالت
جيت البيت
دخلت النت
فتحت البورد
عملت ابحث عن تمادر
عاوز اختار مواضيع ليك ضد الغربة و تساعد علي الاحساس بالعقد في السودان
مشهد رابع
لقيتك عاملة نرجسية جميلة ادت بالغرض
شكرا يا اخت
ملحوظةخامس
اليس جميلا ان تصبح لغتك مرجع مجاني علي الشبكة الاكترونية ؟؟؟
|
Post: #33
Title: Re: اسمحوا لى بالنرجسية دى... صباح السبت، المبزوم، التانى
Author: khider
Date: 06-15-2003, 06:34 PM
Parent: #32
خدر
مبروك يا حبيب قساى
عجبنى ليك القفص
انا بمسك ليك " الكشف" بس رسل لى تصاريح اللجى
تحياتى لعروستك
وهى تدخلك فى القفص ، وكرب تقفل باب القفص ، ويوهوووو ، تمشى تتفسح
بى مزاج
تدخل ليك الموية بالفرقات ، الاكل بالفرقات
والموسيقى بالجنبات
والبنين والبنات ، وتعيشوا فى تبات وبنات
الف مبرووووووك
دة بوست البت الحديقة في عقدي قبل يوميين
شفتو البت دي كيف ؟؟ رغم ثقافتها الواسعة لازالت تحافظ علي لغتها ..
راجع ما تحتة خط
تمادر انا معجب بيك
|
Post: #34
Title: Re: اسمحوا لى بالنرجسية دى... صباح السبت، المبزوم، التانى
Author: بارعة
Date: 06-15-2003, 07:19 PM
Parent: #33
وووب علي وووب على الحقونى
خدر ؟؟
دة شنو ياراجل؟؟؟
|
Post: #37
Title: Re: اسمحوا لى بالنرجسية دى... صباح السبت، المبزوم، التانى
Author: Tumadir
Date: 06-16-2003, 02:27 AM
Parent: #34
يا بارعة لا
انتى عروس فيك الملايكة ما تولولى
خدورى دة اخوى
انا بتمكم وبلمكم
وكان درتونى فى الحارة بتلقونى
وفى الباردة ... بديكم حاجة باردة
تبرد حركم وشركم
وانا يكفينى حبكم... وسعادتكم بتزيدنى تفاؤل
وعارفاكم حتسعدوا بعض كيفن
ما تولولى... خدورى اخوى وانتى كان ما اختى الصغيرة ....بت حشاى
الف مبروك
والله يكبر كومك ياخورى
وشكرا يا ملك وياهوبليس
على التدخل ، الاجنبى
|
Post: #35
Title: Re: اسمحوا لى بالنرجسية دى... صباح السبت، المبزوم، التانى
Author: AnwarKing
Date: 06-16-2003, 01:08 AM
Parent: #1
لكن يا بارعه!!!! لوووول... الله يكون فى عونن يا تماضر...
لك الحب يا مرشحتى..
أنور
|
Post: #36
Title: Re: اسمحوا لى بالنرجسية دى... صباح السبت، المبزوم، التانى
Author: HOPELESS
Date: 06-16-2003, 01:15 AM
Parent: #35
تماضر يا مبدعه
وين مشروع الويب سايد بتاعك؟؟
بصراحه الابداع دا محتاج يتلمه في حته واحده لزوم تعميم الفائده
الله يديك العافيه
-
|
Post: #38
Title: Re: اسمحوا لى بالنرجسية دى... صباح السبت، المبزوم، التانى
Author: HOPELESS
Date: 06-16-2003, 02:40 AM
Parent: #36
قلت لي تدخل اجنبي..؟
دا سميهو اجتيااااح عديييل يا اختي
وكل شئ بالتراضي
|
Post: #39
Title: Re: اسمحوا لى بالنرجسية دى... صباح السبت، المبزوم، التانى
Author: بارعة
Date: 06-16-2003, 02:46 AM
Parent: #38
لالالا يا تماضر انتى خدر دة مااااا بتعرفيه
امانة مااااا عينه زاااايغة
|
Post: #40
Title: Re: اسمحوا لى بالنرجسية دى... صباح السبت، المبزوم، التانى
Author: Tumadir
Date: 06-16-2003, 02:51 AM
Parent: #39
لوووول عليكى ولوووولين على
يا بارعة
اما حكاية العين الزايغة دى ، ادينى اضانك وانا اوسوس ليك دواها شنو؟؟؟
جاهزة للوسوسة؟؟؟
كونى انتى بكامل دسمك ، وخليهو يكون
والقشة ما بتعترلك
ولول تانية لى هوبليس ، كيس
|
Post: #41
Title: Re: اسمحوا لى بالنرجسية دى... صباح السبت، المبزوم، التانى
Author: ودرملية
Date: 06-16-2003, 02:52 AM
Parent: #39
سلامات
تماضر
لنا القصيدة ولك ازهار الربيع
يابت ياحديقة
انتي كوم برااااااك والله
|
Post: #42
Title: Re: اسمحوا لى بالنرجسية دى... صباح السبت، المبزوم، التانى
Author: بارعة
Date: 06-16-2003, 02:59 AM
Parent: #41
شفتى الناس كلها بنقول ليك يا رايعةويا مبدعة
ويا فنانة وانتى كووووم براااك ما عدا خدرى دة
اها عاد اسو شنو؟؟؟؟ واقول يا منو؟؟؟؟
وتانى ووووووووووووووووووب ووووب
|
Post: #43
Title: Re: اسمحوا لى بالنرجسية دى... صباح السبت، المبزوم، التانى
Author: Tumadir
Date: 06-16-2003, 03:15 AM
Parent: #42
ود رملية القلوب شواهد
لما انت بتكتب لى بهنا
انا كنت بكتب ليك فى بوست "ياحليل سودانيز او ن لاين" وبطمنك على المستقبل
وانتى يا بارعة
ما تخلينى احكى ليك قصة صاحبى ، المرتو كانت فى السودان و بتغير منى ،
سالنى قال لى اعمل ليها شنو
قلت ليه نبذنى ليها
تانى يوم جانى قال لى نبذتك ليها والله اسوى شنو؟؟؟
ولما قابلتها بعد داك بقينا صاحبات وضحكنا على غيرتها ونبذ راجلها لى
لانها اكتشفت انى
زول وبس
ما اسطورة
شكرا على الاسطرة
وخلى خدورى ينبذنى ليك ، انا قبلانة عشان انتى عروس
لكن لما تقدمى ، شيلى شيلتك براك وانا ما بتنبذ ليك
لووووووول
|
Post: #44
Title: Re: اسمحوا لى بالنرجسية دى... صباح السبت، المبزوم، التانى
Author: بارعة
Date: 06-16-2003, 03:30 AM
Parent: #43
أبا
|
Post: #45
Title: Re: اسمحوا لى بالنرجسية دى... صباح السبت، المبزوم، التانى
Author: بارعة
Date: 06-16-2003, 03:38 AM
Parent: #44
أبا لى
أبا ينبذك لى!!!!!
دة كلام دة عاد يا أخوانى
|
Post: #46
Title: Re: اسمحوا لى بالنرجسية دى... صباح السبت، المبزوم، التانى
Author: Tumadir
Date: 06-16-2003, 03:39 AM
Parent: #44
ابا دى جزيرة عنكم هناك فى هولندا؟؟؟
ما اصلو حيابى
كمان لعب؟؟؟
انا جاية اوروبا ان شاء اللاهو
ولما الموضوع ينجض بنجض معاكم لقاء ساخن
والحشاش يملى شبكتو
يا بارعة انتى طاير ليك عقد فى راسك ولا شنو؟؟؟
امشى نوم
والصباح اكلى بطاطس على الريق واتشهدى تلاتة مرات مقبلة على القبلة
الغيرة بتروح
|
Post: #47
Title: Re: اسمحوا لى بالنرجسية دى... صباح السبت، المبزوم، التانى
Author: بارعة
Date: 06-16-2003, 03:47 AM
Parent: #46
سجم خشمى البنومنى شنو
|
|