Post: #1
Title: باب مشكلـــــــــــتك
Author: Tumadir
Date: 05-06-2003, 12:29 PM
عزيزتى امل
انا كائن هلامى
انتمى الى بلد غريب
ألسنة الناس فيه من سكاكين صدئة
العين فيه تعلو على الحاجب
الموية فيه لا تكضب الغطاس
والنار فيه لا تولد من شرار
احلامه تموت فى وضح النهار
حاولت ان انفضه فلم استطع
قولى لى بربك ماذا افعل
المعذبة
سين واو دال نون
|
Post: #2
Title: Re: باب مشكلـــــــــــتك
Author: HOPELESS
Date: 05-06-2003, 12:39 PM
Parent: #1
العزيزه تماضر
كدا الدنيا اتشغلبت عندك خالص
مزيدا من التفاؤل مزيدا من الابداع فانتي رائعه ......لك كل المنا بتقديم المزيد من اجل وطن سعيد
جمال عبدالرحمن
--------------
وارموا لقداااام
|
Post: #7
Title: Re: باب مشكلـــــــــــتك
Author: Tumadir
Date: 05-07-2003, 00:59 AM
Parent: #2
ألذ حاجة يا هوبليس
انى بكتب لعزيزتى امل
ويرد على زول فاقد لكل الامل
شكرا يا جمال
الدنيا دى انا بعرف اعافرها
بس مرات بتهزمنى
وبحزن
|
Post: #3
Title: Re: باب مشكلـــــــــــتك
Author: Zoal Wahid
Date: 05-06-2003, 12:50 PM
Parent: #1
الاخت تماضر
يبدو انك مسكونة بالاحلام
لا توجد في ساحات بلادك آمال
أمل) المسكينة قد ذبحت)
وصفحة مشكلتك لا يقرأها الكيزان
وطنك مثل السكران
يصحو من غفوته
ليعاود ما كان
وطنك سيدتي
باع دماغه
طرد رجاله
واجاع النسوان
|
Post: #8
Title: Re: باب مشكلـــــــــــتك
Author: Tumadir
Date: 05-07-2003, 01:01 AM
Parent: #3
زول واحد
امل دى حتى لو ماتت
اسمها فى
تعال نسند بعض ،ونحيا ليها
|
Post: #4
Title: Re: باب مشكلـــــــــــتك
Author: almulaomar
Date: 05-06-2003, 01:05 PM
Parent: #1
تماضر
أرجو أن تسمحوا لي بالتغريد خارج النص كعهدي ، فبمناسبة موضوع العين ما بتعلا على الحاجب أرجو أن أوضح حقيقة مفادها أن أولاد الإشلاق حفظهم الله قد أثبتوا عكس ذلك عندما يقلبوا الهوبة في أى حيطه وبي كده العين تعلا على الحاجب والجبهة والرأس زاتو.
وما تقولي ما عندي مشاكل فهذا الباب معاي في السلك وبشكي ليكم بس خلوني أفكر أبدأ من وين.
|
Post: #9
Title: Re: باب مشكلـــــــــــتك
Author: Tumadir
Date: 05-07-2003, 01:05 AM
Parent: #4
زمان ود عمى كان صغير وهلالابى
بعدين كان فى مباراة حامية جدا بين الهلال والمريخ ، المريخ غلب الهلال
بس هو قاعد يبكى ويبكى ويعزى والدموع والمخاخيت واللواقة ، الا يقلبوهو مريخابى
بس ابوه لمن زهج منو ، شالو رقدو فى السرير وقلبو هوبة
وقاليهو خلاص انت بقيت مريخابى
فرحااااان بقى مريخابى ، حسه معرس وبى بتو ، فرحان ومريخابى
دى بمناسبة اولاد الاشلاق البقلبوا الهوبة يا ملة عمر
وانت مساهماتك ظريفة كدة ليه؟؟؟؟
|
Post: #5
Title: Re: باب مشكلـــــــــــتك
Author: بدرالدين شنا
Date: 05-06-2003, 01:47 PM
Parent: #1
بسم الله الرحمن الرحيم
أنا المواطن م.ع
أنا المحيرني دائماً المواطن بكون م.ع
زي السجل التجاري للشركات القابضة مع إني ما عارفها قابضة شنو؟ .. تكون قابضة السوق ياربي؟
أعاني من فراق زوجتي وأولادي بعامل الفلس وضعف السيرفر والحرب على العراق وإزدحام السيارات في خارطة الطريق .. فأرجو من ذوي القلوب الرحيمة المساعدة ..
|
Post: #6
Title: Re: باب مشكلـــــــــــتك
Author: Eima
Date: 05-06-2003, 02:49 PM
Parent: #5
تماضر
سين ...دال دى منو
أكيد ما انتى
خبرناك ,,,تنتمى لوطن ..تعلمنا كيف نحبه منك وامثالك
وطن ,,رسمتى ملامحه واخذ منك والرائعين الشرفاء اسباب جماله
انت فنانة ,,,وللفنان مسؤلية كبيرة تجاه الوطن وقضاياه
ماذا يفعل الاخرين ؟؟؟ ان علم لك الاحباط طريق .......وباب كباب مشكلتك هذا
ابدعى فينا و ما اخرصك اى حصحاص
الملا عمر
بعد التحية طبعا ...انا عرفت اولاد الاشلاق ....والجبهة والراس ..والعين والحاجب ديل اصلى عارفهم
والهوبة فعلا ...اكتشافك
لكن الحيطة دى منو ما عرفتها
وللكم محبتى
إيمـــا
|
Post: #11
Title: Re: باب مشكلـــــــــــتك
Author: Tumadir
Date: 05-07-2003, 01:14 AM
Parent: #6
ايما انتى خجلتينى
من احباطى
والله
وشكرا على كلماتك البترفع الحنك والراس
وبتخلى الزول يستقيل من الهزيمة وينتعش
شكرا يا حبيبة القسا
|
Post: #10
Title: Re: باب مشكلـــــــــــتك
Author: Tumadir
Date: 05-07-2003, 01:11 AM
Parent: #5
عزيزى ع.أ.
تلمست من معاناتك انك تنتمى الى بلد معشكب ، واهلو مجدعين ، ومبشتنين ، ومشتتين
لى سؤال واحد ، هل تستعملوا كلمة شتات كتير فى بلدكم دى؟؟؟
اذا الاجابة نعم فلقد استشرت دكتور مظاهر اسماعيل الانتفاضى
واداك النصيحة التالية
مظاهرة تلاتة مرات يوميا
بمبان بين الوجبات
ومنشور كل صباح قبل ما تفك الريق
اذا استعملت معاها البخرات ، من جمعية حقوق الانسان
فحيتلم شملكم قريب دة
والحبة ما بتجيك
وانت دحين ما من الكاملين؟؟؟؟
|
Post: #12
Title: Re: باب مشكلـــــــــــتك
Author: zumrawi
Date: 05-07-2003, 01:41 AM
Parent: #1
المواطن ي .ز
مصاب بانفلونزا الوجع السائل
امو تتوحم على طين البحر
قبال تقابل والدو صدفة على الطريق...
مجغمص ومعكلت منتوح بالغبار
معكز ملكز وخاطرو احتمال...
يعانى من فقد الاضلع الاربعة من الاتجاهات المعروفة
مشروق ومشنوق
ولسه بعاف
|
Post: #13
Title: Re: باب مشكلـــــــــــتك
Author: Tumadir
Date: 05-07-2003, 02:26 AM
Parent: #12
المواطن زاى
انت بقيت مواطن ازاى؟؟؟
انت تاكل الباذنجان الفلسفى ، مع تحول الغابات الى بحار
وتشرب من نبع الحنان
وتبقى عشرة على المبادى
ساح باح
تلانفلونزا تروح
وتانى ما تتحاوم بالليل بعد حظر التجول
|
Post: #14
Title: Re: باب مشكلـــــــــــتك
Author: woroorrook
Date: 05-07-2003, 04:02 AM
Parent: #1
سلامات يا تماضر
إعتكفت الصمت منذ فترة لكن لقيت بابك دا و جيت داخل و كان لحقتا جبت معاي مشكلتي والله إلا تفتحوا الضلفتين و تكسروا المسطبة و في إحتمال كبير جدآ تحتاجي تكلمي ناس الإدارة إجوا إزحوا العامود دا من هنا
شوفتي كيف حالتي صعبة لكن متوسم فيك الخير
انا يا ستي بعاني من إنبعاج في الشعور
و ما عارف اصلآ بداية القصة شنو نفسي ضايعة مني و كل ما اقول افتش عليها بفشل احدد الإتجاهات ومرات مرات بلمحها بي وراي و كل ما اتلفت وراي انا بضيع اكتر و دا ببساطة لانه كل ما اتلفت الزمن بمر بسرعة و ـالسرعة ضارباني في الزمن ـ عشان كدا 0المسافة0 بيني و بين نفسي بتزيد زي ما تقولي كدا وصلتا مرحلة السهل الممتنع لانه سهل جدآ اتلفت لكن ممتنع او ممنوع من الوصول ؛ فكرتا اصيع بس عشان احدد لي إتجاه؛ ناس الخبرة قالوا لي ما بتنفع معانا قالوا انا مسييييك قبال توزيع الكشتينة زاتا وحا اخرب عليهم قوانين إتجاهاتم و حا أضيعم كلهم من صياعتم ورفضوني عشان كدا
الموضوع طويل قلتا إمكن اكون ضاربني داء سارس او قارص
لقيت إنه للأسف إتجاه حظي نمطي جدآ وما ممكن إكون الداء الجديد
اها باقي ليك بلقا لي حل عندك لمشكلة إنبعاجي الشعوري دا ؟
تحياتي
and waiting
|
Post: #16
Title: Re: باب مشكلـــــــــــتك
Author: Tumadir
Date: 05-07-2003, 08:41 AM
Parent: #14
ورووووورك
حولنا مشكلتكلاستاذ الفسيولوجى ، والمعمار
زحوا العمود ، وبكوا ، ونادوا وداعية ، وكوركت وروروووووك
برضو ما فهموا حاجة
المهم فى الآخر لقوا فكى قااااااصع
قال بس اسالوه لى السؤال دة وانا بحل ليه المشكلة
يابن العم ماهيتك كم؟؟؟؟
رسل لينا الاجابة وحنكون سعيدين نساعدك
بعدو؟؟
|
Post: #15
Title: Re: باب مشكلـــــــــــتك
Author: MASSOUB
Date: 05-07-2003, 04:41 AM
Parent: #1
تمر الشمال
انتي بفنك بترسملينا الامل المشرق والتفائل الجميل ونشوف فى اعمالكم احلامنا ومستقبلنا وانتى تقولى كدة ؟؟
لاياتمر الشمال عمر العين ما تعلو على الحاجب
كل مافى الامر ياتماضر دىعين حاسدة وغريبة بكرة بترجع محل ماجات بس دايرليها دعوة من الاعماق وتسلمى يا تمر الشمال
|
Post: #17
Title: Re: باب مشكلـــــــــــتك
Author: Tumadir
Date: 05-07-2003, 08:43 AM
Parent: #15
Massoub:
اها دى الحاجات البتجننى
تمر الشمال
انا يسمونى الاسم الحلو دة كلو؟؟؟؟
الله عليك ياخ
وزعلة وبتروح ، الكلام الحزن ، البروحوا شنو؟؟
|
|