Post: #1
Title: وهو بالله الباقر موسى معانا؟؟؟؟
Author: Tumadir
Date: 10-11-2003, 12:51 PM
Parent: #0
لاحظت ان الباقر موسى الفنان التشكيلى المعروف
معانا فى البورد
انتو خليتو فكرة بوست الترحيب دى ولا شنو؟؟؟؟
ولا انا لمن كنت غايبة هو جة؟؟؟؟
ياجماعة الباقر موسى دة صديق شخصى وود ام قومى
وقريب تاريخى
رحبو بيهو معاى بالله
ينيلكم ثواب
|
Post: #2
Title: Re: وهو بالله الباقر موسى معانا؟؟؟؟
Author: إسماعيل وراق
Date: 10-11-2003, 01:00 PM
مرحباً به يا أخت تماضر
والرائعون، دوماً يجلبون الرائعيين.
|
Post: #3
Title: Re: وهو بالله الباقر موسى معانا؟؟؟؟
Author: Tumadir
Date: 10-11-2003, 01:04 PM
Parent: #2
شكرا على ترحيبك يا وراق
وما اروع منك....لووول
|
Post: #4
Title: Re: وهو بالله الباقر موسى معانا؟؟؟؟
Author: tmbis
Date: 10-11-2003, 03:59 PM
Parent: #3
دخـــل القش
وما قال كـــِش
التشكيلي الباقر موسي .. مرحب بي كل الوان الطيف ..
تماضر ..
انا داير اعمل ليك بوست ترحيب من جديد رأيك شنو ؟؟
|
Post: #5
Title: Re: وهو بالله الباقر موسى معانا؟؟؟؟
Author: Tumadir
Date: 10-11-2003, 04:03 PM
Parent: #4
عزومة اهل البيت وجاهة
شكرا لشعورك النبيل
انا فى بيتى ياتمبس معاك
|
Post: #6
Title: Re: وهو بالله الباقر موسى معانا؟؟؟؟
Author: Abd-Elrhman sorkati
Date: 10-11-2003, 08:20 PM
الباقر الفنان بمزاج
مرحب بيك كتير
وشكرا يا تماضر
|
Post: #7
Title: Re: وهو بالله الباقر موسى معانا؟؟؟؟
Author: مارد
Date: 10-11-2003, 10:49 PM
Parent: #6
تماضر ! إنتى جبتى الكلام ده من وين ؟
ماأظن الباقر موسى ده معانا هنا
على كل .. مرحب بيهو لما يطل فى بوردنا راسم
|
Post: #8
Title: Re: وهو بالله الباقر موسى معانا؟؟؟؟
Author: Elbagir Osman
Date: 10-12-2003, 00:21 AM
وراق و تماضر, tmbis, Sorkati مارد
شكرا لكم جميعا
شكرا يا تماضر التي أفخر على الدوام بأنها, وأسرتها, من أقرب وأفن الناس
أنا عضو بالبورد
متابع
وسعيد بوجود هذا الكم من الاصدقاء والمبعدين
مارد, توقع قريبا رسم, في الصميم
لكن بصراحة ياتماضر الناس لو خلوا مسألة الترحيب يكون أحسن
نحتاج للمساحة لمناقشة قضايانا الأهم
وسؤال ياtmbis ومارد
ليه بعض الناس بيستعملوا أسماء أخرى؟
وسؤال أخير
كيف أتخلص من مسألة يمين شمال دي في الكتابة بالعربي؟
باقر
|
Post: #9
Title: Re: وهو بالله الباقر موسى معانا؟؟؟؟
Author: Kostawi
Date: 10-12-2003, 00:37 AM
Parent: #8
Salam brother Baghir...
Nasr/Kostawi
|
Post: #10
Title: Re: وهو بالله الباقر موسى معانا؟؟؟؟
Author: مارد
Date: 10-12-2003, 01:11 AM
Parent: #9
ياهلا بقدومك والله ياباقر .. طلتك أسعدتنى .. أنا احد رفاق مهجر القاهرة الصعب الحميم لسنوات .. حذر فزر أكون مين !!؟؟ وانتظر الحل فى ماسنجر البورد ده لاحقا
|
Post: #11
Title: Re: وهو بالله الباقر موسى معانا؟؟؟؟
Author: Tumadir
Date: 10-12-2003, 01:36 AM
Parent: #10
لا يا باقر ما تتفلهم علينا
دة تقليد متبع فى البورد ..من فوايده انه الناس بلقوا بعض ..حسة ما ملاحظ انه مارد لقاك؟؟؟
حسة حنينة اشتكت لى قالت كانت دايرة ترحب بيك لقتك رافض
.غير انه التخصصات المختلفة مطلوبة ...ولعلمك التشكيليين بالذات اقلية وانت ما تجى تناقش قضايا هامة بس انت تطرح نفسك كتشكيلى مسئول
مش افحمتك بالله؟؟؟
مرحب بيك تانى وبالله ما تحرجنا مع الاغراب
اضغط كنترول آند شفت فى اليمين الكتابة بتتحرك ليمين الصفحة
|
Post: #12
Title: Re: وهو بالله الباقر موسى معانا؟؟؟؟
Author: منعمشوف
Date: 10-12-2003, 02:02 AM
Parent: #11
أستاذ الباقر موسى أزيك ومرحبتين حبابك
لقد دخلت متخفياً بإسم العائلة عثمان
ونحن جمهور إبداعك بنعرفك بالباقر موسى
شكراً تماضر وانت تقدمين ماسة حقيقية
|
Post: #13
Title: Re: وهو بالله الباقر موسى معانا؟؟؟؟
Author: Rawia
Date: 10-12-2003, 02:25 AM
|
Post: #14
Title: Re: وهو بالله الباقر موسى معانا؟؟؟؟
Author: moniem2002
Date: 10-12-2003, 04:16 AM
Parent: #13
التحايا والود
الباقر موسى
الف مرحبا بك يا صديق المنافى
كما قال مارد
مازلت احتفظ برسمك لصديقى مارد
وهو من اصدقاء
زهرة البستان..فما زالت زكرياتها باقية
لك التحايا..ولاسرتك الكريمة
مودتى
|
Post: #15
Title: Re: وهو بالله الباقر موسى معانا؟؟؟؟
Author: nada ali
Date: 10-12-2003, 07:27 AM
Parent: #14
الف مرحب بالباقر موسى
اشرقت الالوان
شكرا تماضر
|
Post: #16
Title: Re: وهو بالله الباقر موسى معانا؟؟؟؟
Author: أبو ساندرا
Date: 10-12-2003, 08:25 AM
الباقر ، يا هلا ، مره شفت رسمك المابيغباني لكن عثمان فوق وتوقيع تحت بموسى قلت إمكن داخل بموقع واحد{ شده يعني}واليوم تماضر عملتها كعادتها دائمآ تتحفنا بالروائع والرائعين ،فلها الثناء
فرحان بيك جدآ ، أقصد بوجودك في البورد ،عشان انت من بعض اللذين أحترم رأيهم حتى ولو إختلفت معه ، ولكونك فنان متعدد، قلائل اللذين يعرفون عشقك للعود ، وأنا أعرف قدرتك العالية في النقدالأدبي / الفني ،، فما زلت أذكر آراء لك حول الحان الراحل مصطفى ، يومها غالطتك ، وبعد سنتين عرفت ، وإكتشفت نظرتك الثاقبة
لك التحية وللأخت العزيزة إنعام والعيال
|
Post: #17
Title: Re: وهو بالله الباقر موسى معانا؟؟؟؟
Author: عبدالقادر الكتيابي
Date: 10-12-2003, 11:10 AM
الصديق الحبيب الباقر موسى ـ أين في هذا الشتات ؟ وغرابة هذا الزمان الأخير .. سألت عنك كثيرا خاصة الأستاذ السر حسن وحسوبة وراشد دياب قبل فترة خلال لقاءاتي بهم هناـ أرجو أن تكون بخير وما تكون ( كبرت ) زينا كده ـ أسعدني موقعك على الشبكة ـ وجدت فيه عزاء لشوقي إليك أيها المتماهي في أنفاس ألوانك على خصلة ريشة مشاكسةـ تحياتي ـ لا تزال في الخاطر تلك الذكريات الرائعة ، ياخي رحم الله صديقنا العبقري الفنان ( عمر ـ جورج كما كان يحب أن ندعوه ) بحثت عن صورة للوحته المدهشة ( التي رسم فيها نفسه وهو يكنس ظله ) أواخر أيامه رحمه الله ، لم أجدها مع أي من الأصدقاء ، إفتقدتك كثيرا وقد تحدثت عنك في هذا البورد مرات عديدة ضمن حلقات توثيق التجربة وغيرها ـ طبعاانقطعت عني أخبار الكثير من الأصدقاء ـ عواطف ومحمد حسين الفكي و نصر الدين وطاقم المجلس القديم ـ والله في شوق شديد لك ، فرحت حقيقة وبعمق حينما قرأت عنوان هذا البوست ، شكرا لتماضرنا الغالية على ذلك وأهنئ كل رواد المنتدى بك .ه
كتيابي
|
Post: #18
Title: Re: وهو بالله الباقر موسى معانا؟؟؟؟
Author: عشة بت فاطنة
Date: 10-12-2003, 11:37 AM
Parent: #17
الباقر موسى يا تماضر يتسم بالحكمة ، هذا راي وله راي حتى في الصمت ، الذي يوظفه كثيرالسبر ا غوار المسائل ، بس يا الباقريا ريت تشركنا شوية في بافكارك المتفردة فنحن في اشد الحاجة اليها ايها الصديق الجميل ، وانت اهل لتطوير هذا البورد برؤيتك ونقدك البناء ، يعني مثلا في داعي للترحيب ؟ اظن في حتى يعرف الانسان مع من يتعامل. وحكاية دس الاسماء دي طبعا انا مزهجاني وما عارفة كيف اتعامل مع شخصيات مجردة حتى احيانا يختلط على الامر في الردود بعدم العرفة وخفة الاسماء . واظن معظم الناس في حاجة لمعرفة الباقر موسى التشكيلي الواعي شكرا ليك تماضر لفتة مقدرة واصلي تنقيبك عن الدرر
|
Post: #19
Title: Re: وهو بالله الباقر موسى معانا؟؟؟؟
Author: Abu Mariam
Date: 10-12-2003, 04:51 PM
مرحب بالباقر الفنان .......
وانا كمان عضو هنا لكن ضعيف جدآ فيما يخص المشاركة و السبب ضيق الوقت والاحباط العام و .....
يلا ابدأ انت و نحن ح (نتشدع) و نجادعك
تحياتي لاسرتكم الكريمة...
صادق
|
Post: #20
Title: Re: وهو بالله الباقر موسى معانا؟؟؟؟
Author: kh_abboud
Date: 10-12-2003, 06:56 PM
Parent: #19
الأخ العزيز الباقر موسى
سلام سلام ومرحب مرحب
جميل أن نلتقى
بك بعد هذه الفترة الطويلة هل مازلت فى مصر ؟
أما أنا فلازلت أعك فى بلاد العرب المستعربة ولا بديل ... ولقد حاولت المستحيل لجرك إلى غربتنا هذه عشان نكبّر كومنا ... كما إستبشرنا بمحاولة الأخ د. النور محمد حمد للعمل معنا ... هنا... إلا إنه فضّل العمل فى أمريكا مع أسرته ... ونحن مسرورون له ...
فى إجازتى بالسودان سعدت بمقابلة محمود عمر وعبد الله الطيب (أبسفة) وشكرا للأبن الرسام أحمد الشريف عبود لتدبير هذه المقابلة
والشئ الإيجابى هنا فى عمان إنى برسم برضو زيت وإعدت شباب التشكيل ... ياريت نسمع أخبارك بالتفصيل ... ويمكننا الكتابة فى البريد الخاص عشان مانزحم ناس البورد بالأخبار الشخصية .
بالمناسبة إنا فكرت أعرض بعض أعمالى فى معرض فى شكل بوست فى المنبر دا ... إيه رأيك فى الفكرة دى .. ورأيك شنو نعمل تقليد زى دا عشان ننوع فى مواضيع البورد ؟... والشكر دائما للأخ الرائد بكرى أبوبكر
خلف الله عبود
|
Post: #21
Title: Re: وهو بالله الباقر موسى معانا؟؟؟؟
Author: Raja
Date: 10-12-2003, 07:02 PM
مرحبابك يا أبو بشرى،، اتلومنا معاك.. لكن برضو احسن تجي متأخرة من ما تجي خالص.. ألف مرحب
تسلمي يا تماضر يا ذوق
|
Post: #22
Title: Re: وهو بالله الباقر موسى معانا؟؟؟؟
Author: Tumadir
Date: 10-12-2003, 11:17 PM
Parent: #21
شايف يا باقر
الترحيب جاب ليك منو؟؟؟؟
اجمل الناس
حيوه ما تخلوه
|
Post: #23
Title: Re: وهو بالله الباقر موسى معانا؟؟؟؟
Author: Elbagir Osman
Date: 10-13-2003, 04:23 AM
Parent: #22
تماضر والاخوات والاخوان منعمشوف moniem2002,Rawia, nada,الكتيابي,عشة ,خلف الله عبود ,Raja
,مارد the journalist , Nasr/Kostawi ,أبو ساندرا?,صادق Abu Mariam
أنا عاجز عن شكركم
بصراحة أنا ما متعود على وضع زي دا
الأخوان مارد the journalist ,Nasr/Kostawi ,أبو ساندرا?,صادق Abu Mariam
ممكن تدوني clues على عنواني:
[email protected]
اسمحوا لي اعرفكم بخلف الله عبود وأدعوكم للترحيب بيه
خلف الله فنان تشكيلي كلكم بتعرفوا رسمه في كتب المحفوظات والمطالعة
تتذكروا كانوا في بنات مرسومات بعيون سود وضفاير, وسط زهور وطيور.. ديل بنات خلف الله
كان أحد رسامي مكتب النشر, أحد الصروح الثقافية التي جنى عليهامن جنى
التحية لخلف الله وكل فناني وكتاب مكتب النشر
الباقر
|
Post: #24
Title: Re: وهو بالله الباقر موسى معانا؟؟؟؟
Author: Abomihyar
Date: 10-13-2003, 08:58 AM
Parent: #23
يا باقر
اسائل عنكما
وعن جهنم
افتقدها وماجاد علي بها صديقي د. النور حمد
أنا سعيد بك بيننا
والجابك يجيب صاحبك..
ويانديدتي ياملح هذا المكان
تحايا..
|
Post: #25
Title: Re: وهو بالله الباقر موسى معانا؟؟؟؟
Author: mustadam
Date: 10-13-2003, 09:37 AM
ولا على كيفك أهلا بيك والجابك يجيب عقابك بالفتح وليس الكسر فلقد شبع جيلنا ( مع الإعتذار لأخونا الكبير بولا فى مسألة الأجيال) من حالة العـــقاب (بالكسر) المستمرهز شكرا تماضر !
مصطفى آدم
|
Post: #26
Title: Re: وهو بالله الباقر موسى معانا؟؟؟؟
Author: Abu Mariam
Date: 10-13-2003, 01:47 PM
كمان مره محرب بيك....
اسمي دائمآ مع علامة استفهام ، ده معناه ما عرفتني..
باختصار انا صادق شيخ الدين جبريل، عايز كمان ذياده ؟
|
Post: #27
Title: Re: وهو بالله الباقر موسى معانا؟؟؟؟
Author: Abu Mariam
Date: 10-13-2003, 01:49 PM
اقصد مرحب بيك، عفوآ لهذا الخطأ الغير مقصود ....
|
Post: #28
Title: Re: وهو بالله الباقر موسى معانا؟؟؟؟
Author: moniem2002
Date: 10-13-2003, 04:03 PM
Parent: #27
الاستاذة
تماضر لك الود
والتحية للاستاذ ودعبود
فقد زكرت اسم صديقى التشكيلى الجميل احمد الشريف عبود
هذا الموهوب..شرفنا بالزيارة فى كندا قبل اكثر من عام
فى زيارته التى اقام فيها معارض عدة....نالت استحسان الجميع
ومن قبلها كان فى زيارة لفرنسا..فقد رفع اسم السودان عاليا
عندما فاز بالجائزة الاولى..فى المعرض العالمى الذى شارك فيه..رغم مشاركة مجموعة كبيرة من الفنانيين من كل انحاء العالم
وقد شرفنا.. بمشاهدة تلك اللوحة العالمية..فهو فخر لهذه الامة
ومن بوست المبدعة تماضر ...هاهنا
ندعوه للانضمام لهذه الكوكبة النيرة من ابناء الوطن
عبرك ود عبود ندعوه..ونتمنى ان نراه بيننا قريبا هذا الصديق الرائع
|
Post: #29
Title: Re: وهو بالله الباقر موسى معانا؟؟؟؟
Author: kh_abboud
Date: 10-14-2003, 06:29 PM
Parent: #28
الأخ العزيز منعم
سلام سلام
لقد حملت تحياتك لإبن أخى الفنان التشكيلى أحمد الشريف
ودعوته للأشتراك فى البورد ليسهم مع المجموعة الرائعة
وزى ماقالت الأخت الفنانة تماضر : التشكيليين إقلة ونرجو أن نرى أعمالهم ونقرأ آراءهم
سؤال شخصى يا منعم : هل تنتمى إلى آل عبادى فى مدينة كريمة أم هكذا حدثتنى فراستى ؟
ولك كل الشكر
|
Post: #30
Title: Re: وهو بالله الباقر موسى معانا؟؟؟؟
Author: ابو مهند
Date: 10-14-2003, 07:17 PM
والله يا تماضر زي ما قال تمبس دخل القش وماقال كش وهو الباقر موسى دوما وعندما ياتينا وواضع ايدهو في جيبو ويسحب في كرعينو زي مرفعين الغنم(حلوه دي) مرحبيك يا باقر رغم طول الزمن وبعد المسافة وكم سالت عنك ناس كندا ومصر ولندن ودي ميزة الترخيب في البورد زي ماقالت تماضر.
ابومهند\ الفاتح عباس
|
Post: #31
Title: Re: وهو بالله الباقر موسى معانا؟؟؟؟
Author: Tumadir
Date: 10-14-2003, 11:12 PM
Parent: #30
ولسه يا باقر...
صداك اصداهو تتعدد ...وبتكبر من جهات جيتك...اشعة مدخل الرؤيا
شكرا للمحتفلين بالباقر
|
Post: #32
Title: Re: وهو بالله الباقر موسى معانا؟؟؟؟
Author: الجندرية
Date: 10-15-2003, 08:36 AM
شفتي يا تماضر
دخلت ليقتو ليك محكر في بوست اسامة الخواض عن ابو ذر الغفاري
لمن اتهجمت
سلمت عليهو وسألت الله ان يأتي بباقي افراد قبيلته
ولاني عارفة جنس فلهمتو دي
سكت سااااااااااااااااااي
الكلام دا زمان التقول قبل شهر كدي
لكن اهو فرصة
تقول تاااااااااااااااني
الف مرحب
والجابك يجيب الباقين / ات
|
Post: #33
Title: Re: وهو بالله الباقر موسى معانا؟؟؟؟
Author: Elwaid Osman
Date: 10-15-2003, 08:53 AM
اهلا بالاستاذ الباقر.اود فقط القول .الترحيب يمثل حاله من حالات الانتشاء عندما يعثرالانسان علي شئ نفيس وحبيب لديه كان قد ظن انه لن يجده وفجأه طل امامه من غير ان يتوقع.مرحب بيك تاني .
الوليد يوسف
|
Post: #34
Title: Re: وهو بالله الباقر موسى معانا؟؟؟؟
Author: Tumadir
Date: 10-15-2003, 01:50 PM
Parent: #33
الوليد والجندرية
مرحب بى ترحيبكم...
|
Post: #35
Title: Re: وهو بالله الباقر موسى معانا؟؟؟؟
Author: kh_abboud
Date: 10-23-2003, 10:41 PM
Parent: #34
الأخوان والاخوات الكرام
بمناسبة دخول الباقر موسى ... أود أن أرسل له وللبورد بعض الرسوم
دلونا يللا على طريقة تحميل الصور
... كما أنى فى انتظار الرسم فى الصميم الذى وعد به
|
|