Post: #1
Title: ما صادفتك...ولا اتعاقبنا؟؟؟
Author: Tumadir
Date: 10-19-2003, 09:11 PM
الى الوطن بمناسبة التهافت السياسى الاخير...قصيدة قديمة تعود جديدة:
ما صادفتك ولا اتعاقبنا؟
جيتك بى شهمة وبى نهمة
داير اعرف حالك واحوالك
جاياك من شبى وربى
ودايرة سماحتك ووصالك
مالك يابا نعلك طيب؟
نجومك ما بتعكس فالك
وسماك ماواعدة محالك
اطفالك مطفية عيونهم
وشبابك شائخ واتهالك
مالك يابوى علك طيب؟؟؟
كاسر خاترك ما يتبارك
والداير يفنيكا اليتشارك
ماكنت بتفتح لى حضنك
ومفروشة اراضيك بالمهلة
وسماك معروشة باشجانك
مالك يابوى علك طيب؟
مالك محزون اشعث واغبر؟
ما صادفتك ولا اتعاقبنا؟
ياوطنى اهدينى احضانك
|
Post: #2
Title: Re: ما صادفتك...ولا اتعاقبنا؟؟؟
Author: Hozy
Date: 10-19-2003, 09:19 PM
Parent: #1
انشاء الله تصادفيه
وما تتعاقبوا
الفنانة الجميلة تماضر
كلماتك حنينة وبتدخل القلب جووووووووه طوالي
تحياتي
|
Post: #3
Title: Re: ما صادفتك...ولا اتعاقبنا؟؟؟
Author: Tumadir
Date: 10-19-2003, 09:27 PM
Parent: #2
هوزى
دة بس
قلبك الفاتح شبابيك الحنين...وقاعد يتلقى الرسايل...لما تتقطر انين
وانتى اجمل...
|
Post: #4
Title: Re: ما صادفتك...ولا اتعاقبنا؟؟؟
Author: maia
Date: 10-19-2003, 09:43 PM
Parent: #1
العزيزة تماضر
يا وطني اهديني احضانك
حيث الانتماء والذكريات والناس المشت بعيد
تسلمي يا تماضر
|
Post: #5
Title: Re: ما صادفتك...ولا اتعاقبنا؟؟؟
Author: Tumadir
Date: 10-19-2003, 09:59 PM
Parent: #4
شكرا يامايا
يا اخت الوطن المتعب وبتشابى..
لى مجهودنا ونحن تعابه....
|
Post: #6
Title: Re: ما صادفتك...ولا اتعاقبنا؟؟؟
Author: THE RAIN
Date: 10-19-2003, 10:02 PM
Parent: #1
تماضر
تضج الكلمات هنا بالصدق
والمعانى ترفع بيارق المحبة
وليس أجمل من صدق المحبة لوطن يستحق أكثر من ذلك
وتستحقين أنت التقدير والإعزار دائما
|
Post: #7
Title: Re: ما صادفتك...ولا اتعاقبنا؟؟؟
Author: Tumadir
Date: 10-19-2003, 10:11 PM
Parent: #6
المطر...
الوطن المتاكل نخلو؟؟
ثاكل جنياتو...وطيبة اهلو؟؟
ما بنقدر غير نديهو الحب...كان ما اديناه...حقو..البهلو
|
Post: #8
Title: Re: ما صادفتك...ولا اتعاقبنا؟؟؟
Author: هدهد
Date: 10-20-2003, 00:20 AM
Parent: #7
تاني ياتماضر
تدخلي من نفس الشارع
وتأشري
وجك جرك جوة الجك
|
Post: #9
Title: Re: ما صادفتك...ولا اتعاقبنا؟؟؟
Author: Tumadir
Date: 10-20-2003, 00:37 AM
Parent: #8
هدهد
تانى ومن نفس الشارع
بتسرب فى حزنو الساشع
واتشرف لى طولو الفارع
...راجينك با حسن الطالع...
كان... تجى طالع
قالع...شامخ ..طالع...شاسع...فارع...قالع
|
Post: #10
Title: Re: ما صادفتك...ولا اتعاقبنا؟؟؟
Author: مارد
Date: 10-20-2003, 00:39 AM
Parent: #9
آآآه ياوطن
|
Post: #11
Title: Re: ما صادفتك...ولا اتعاقبنا؟؟؟
Author: Tumadir
Date: 10-20-2003, 00:43 AM
Parent: #10
آه يا مارد
من وطنا غزلانو شوارد
ما تعمل...؟؟؟ لما حضن امك ..يصبح بارد
والدار القمت نشيت فيهو...يصبح طارد؟؟؟
ما تفعل؟؟
|
Post: #12
Title: Re: ما صادفتك...ولا اتعاقبنا؟؟؟
Author: هدهد
Date: 10-20-2003, 00:54 AM
Parent: #11
تماضر
يابت الوطن الكاسر
فينا وادي دواسر
وفاتح نفسو
احزاب وعساكر
ومشرد فينا العقل الخاطر
ساريا بيكتب
ونحن نذاكر
امكن ننجح في الزمن العاكر
نجيب الجنى في بطن العاقر
امكن
يحصل
|
Post: #13
Title: Re: ما صادفتك...ولا اتعاقبنا؟؟؟
Author: دورنقاس
Date: 10-20-2003, 01:01 AM
Parent: #1
الاخت تماضر
ابوك غايب
فى الروكايب
جاهو كلب
سنونو صفر
ضبح الناقة... الناقة ناقة صالح
فى الشنقاقة
بيت الحرية وين
قدام
قنقرج يا فارة
بيت الحرية فين
قدام
بيت الحرية صاحى
والناس نيام
حليل ابونا
|
Post: #14
Title: Re: ما صادفتك...ولا اتعاقبنا؟؟؟
Author: Tumadir
Date: 10-20-2003, 01:16 AM
Parent: #13
دور نقاس
قول يا عباس... من سرق الفاس؟؟؟
الفاس الوقعت فى الراس؟؟
من شتت رمل الخوف ..بى فوق لرغيف الناس؟؟؟
من شال الغنية الاهزوجة...وخت مكانها نعال ومداس؟؟
من افتى...فى قوت الشعب...
توب الاخلاق...اداهو مقاس؟؟
الغول...البهدم فى الساس
|
Post: #15
Title: Re: ما صادفتك...ولا اتعاقبنا؟؟؟
Author: هدهد
Date: 10-20-2003, 01:31 AM
Parent: #14
بجيك من تاني
وبعرف لون الحزن الفيني وفيك
وفينا معاني
وبضحك في الزمن الاغبر
البدي الميت
اشواق وتهاني
الممشية بعيدة
لكن اقرب من مسكو
وابعدلمحمد احمد السوداني
|
Post: #16
Title: Re: ما صادفتك...ولا اتعاقبنا؟؟؟
Author: Tumadir
Date: 10-20-2003, 01:38 AM
Parent: #15
يالهدهد..
بضحك اكتر ...من يضحك فى الزمن الاخدر
مش القاعد فوق سهد الناس ..الاشتر
مش البايع يومهم ودمعاتهم للعسكر
مش البى لبن اطفالهم ...غالا...وسمسر
بضحك اكتر ...البضحك فى الزمن...الاخدر
ووالله بنقلبو اخدر
|
Post: #18
Title: Re: ما صادفتك...ولا اتعاقبنا؟؟؟
Author: هدهد
Date: 10-20-2003, 01:50 AM
Parent: #16
انحنا عرفنا البصل الاخضر
مابتحمر
وامامة بترقص بحواء الطقاقة
والدهب الملبوس ارياب ومجمر
ماقال بحريني
لكن الظاهر دكة كندا اخطر واخطر
والبعرف يرقص بعرف يضحك اكثر واكثر
وفي الممشية
الناس تتبختر
مليون كامري
يصقط من يركب هنتر
_____
ك ج كان عندو زمان هنتر بعد الانتفاضة
ياترى يوم مشى مع ي ح كان راكب شنو للممشية
|
Post: #17
Title: Re: ما صادفتك...ولا اتعاقبنا؟؟؟
Author: Ala Asanhory
Date: 10-20-2003, 01:45 AM
Parent: #1
يا وطن عز الشدائد
الحميمة تماضر
نجومك ما بتعكس فالك
هذا المقط أتعبني جدّاً
على كلٍ
لك بستان عشم
وطفلة حلوة
شايلة لونا
بترسم الوطن اليباب
أبداً
علاء
|
Post: #19
Title: Re: ما صادفتك...ولا اتعاقبنا؟؟؟
Author: Tumadir
Date: 10-20-2003, 01:57 AM
Parent: #17
علا سنهورى
بستان..وعشم؟؟
وان شا الله..كمان..تفريجة غم
ونجوم تنقش فى سمانا وشم
واقمار تمشى...وووطن.. يتكلم..
يكتب ويقرا ويعرف ويفهم
ماتقفل يا باب الرحمة...
ما تفتح ...يا شباك الهم
|
Post: #20
Title: Re: ما صادفتك...ولا اتعاقبنا؟؟؟
Author: Ala Asanhory
Date: 10-20-2003, 02:03 AM
Parent: #1
والغيم يتلم
والأطفال من تاني يغنوا
يا ميطيرة صبي لينا في ..........
والأيام زي وردة هناك
في لحن حميم جواك
يا بت يا نم
ما أحلى النم البدلق حبراً طاعم
وكم
الحميمة تماضر
لك البلاد كلها
أبداً
علاء
|
Post: #23
Title: Re: ما صادفتك...ولا اتعاقبنا؟؟؟
Author: Tumadir
Date: 10-20-2003, 02:23 AM
Parent: #20
وحاجة آمنة اتوكحت
صبرت بكت...حزنت شديد ,,, لامن شليخاتا انمحت
سالت سعيفات النخيل ... عن ليل كبس...ما لمحت
شالت السؤال... للنيل وما باحت جروفو..وصرحت...
سالت قمارى الحى..اها بتكون
قالت تقالدا... نوحت
ختت...عقاب توب الزراق..واتوسدت...طعم القحط..
ومع الخيال... والكان زمان...و.قطع الرحط
الحاجة فاتت...رووووووحت
|
Post: #25
Title: Re: ما صادفتك...ولا اتعاقبنا؟؟؟
Author: haneena
Date: 10-20-2003, 03:22 AM
Parent: #23
تماضر يا شتلة محنة
هل الوطن اصبح هو الوطن؟؟
يا حليل وطنا البأسمك رطنا
|
Post: #26
Title: Re: ما صادفتك...ولا اتعاقبنا؟؟؟
Author: alsara
Date: 10-20-2003, 04:14 AM
Parent: #25
تماضر
يا بت العز و ملوك النيل
شيلي الأفراح .. شتلة و منديل
وأدي الشبال و معاه الفال
لناس راجين
الفرج .. السيل
البلد أحزانا .. تهد الحيل
و الجدب العم .. جروف النيل
الشدر إنحتْ ..عدمان الضل
عدمان الروح ..لا تحتو مقيل
كافى الله الشر ..اللخو مرتاح..
خده النديان .. قفطانو حرير
و جيرانو نشاف..ما فيهم حيل
مرابم عيد و تلاه الحول
لا حرسوا هلال و لا ساهروا ليل
الهم يا بت ..شيب روسين
الهم أكوااااام
و الصبر جميل
|
Post: #27
Title: Re: ما صادفتك...ولا اتعاقبنا؟؟؟
Author: Ahlalawad
Date: 10-20-2003, 09:22 AM
Parent: #26
الأستاذة تماضر ... هذا الصباح كنت أتذكر مرافعتك عن حسنى بت محمود خارج رواية الطيب صالح ، فسألت نفسي السؤال المنطقي التالي : يا ترى من يكتب لتماضر؟ أعني أن من يكتب لتماضر يجب أن يكون على الأقل في نفس هذه المقدرة الفائقة على التجويد في الكتابة ... تجويد وبس؟ دا شي تاني ... عموماً إن كانت الساحة المسرحية مليئة بالكتاب الأفذاذ فنحن إذن في نعمة .. عظيم إحترامي
|
Post: #28
Title: Re: ما صادفتك...ولا اتعاقبنا؟؟؟
Author: Osama Mirghani
Date: 10-20-2003, 09:37 AM
Parent: #27
لا فض فوك يا أستاذه تماضر..كلام بسيط ...يدخل القلب طوالي بدون لجلجة و زقاقات تتوه القارئ...خاصة أنو الكلام عن الوطن البنشتاق ليهو يوماتي...ونموت في حبّو يوماتي....و ما قدامنا غير نقول متين ياربي تاني تلمّنا...قريب ياربي انشاءالله تلمنا.....
ولله عيني رغرغت ونحن كبرنا علي البكا...أستمروا
Keep on the great job
|
Post: #37
Title: Re: ما صادفتك...ولا اتعاقبنا؟؟؟
Author: Tumadir
Date: 10-21-2003, 00:39 AM
Parent: #28
اسامة ميرغنى
ومشكور على التذوق...والاعتماد
|
Post: #29
Title: Re: ما صادفتك...ولا اتعاقبنا؟؟؟
Author: Osama Mirghani
Date: 10-20-2003, 09:37 AM
Parent: #27
لا فض فوك يا أستاذه تماضر..كلام بسيط ...يدخل القلب طوالي بدون لجلجة و زقاقات تتوه القارئ...خاصة أنو الكلام عن الوطن البنشتاق ليهو يوماتي...ونموت في حبّو يوماتي....و ما قدامنا غير نقول متين ياربي تاني تلمّنا...قريب ياربي انشاءالله تلمنا.....
ولله عيني رغرغت ونحن كبرنا علي البكا...أستمروا
Keep on the great job
|
Post: #30
Title: Re: ما صادفتك...ولا اتعاقبنا؟؟؟
Author: BitAlhana
Date: 10-20-2003, 09:44 AM
Parent: #29
العزيزة تماضر
تحياتي و أنت تفلتين الروعة من بين أصابعك لنتلقفها نحن مشدودين ومشدوهين
نقرأ لك ونحن نحس مرارة الغربة في دواخلنا وتأتين انت لتكوني البلسم الذي يطفئ هذه النيران الحارقة
عزيزتي تماضر هل يمكن هذا وهل يعقل؟؟؟ ، اذهب يوما اليه ولا اجده ؟؟؟ ونتعاقب!!! حسنا" أتدرين ماذا سافعل حينها..... سوف أترك رسالة كبيرة عند مدخل الباب أخبره انني حضرت ولم أجده ، وأنني سأذهب ألان ولكنني سأعيد الكرة مرارا" وتكرارا" وفي كل مرة سيكون الخاطر مملؤ بالأمل وبالوعد والتمني وأن عييت انتظارا" له سأعود للغربة وأنا أحمل خارطة كبيرة فيها رسم سوداني الحبيب وحيثما أشارت يد الى بقعة منه ستكون حتما" قلبي
شكرا" والف شكر يا تماضر على هذا النص الوجداني الرائع
|
Post: #31
Title: Re: ما صادفتك...ولا اتعاقبنا؟؟؟
Author: ابو جهينة
Date: 10-20-2003, 09:48 AM
Parent: #30
تماضر
كلام بنكهة الإنتماء و طعم الحميمية
يديك العافية
|
Post: #32
Title: Re: ما صادفتك...ولا اتعاقبنا؟؟؟
Author: bushra suleiman
Date: 10-20-2003, 02:02 PM
Parent: #31
يديكى العافيه ياتماضر ياروعه
على عود الطرب غنيت
وشلت مع الزمان همى
وفى عمق المتاهه مشيت
ماعارف بكان شتيت..
وماجايب خبار البيت
ولا لاقيلى ضله حيط
تسند الحيل..تزيل المى
|
Post: #33
Title: Re: ما صادفتك...ولا اتعاقبنا؟؟؟
Author: مهيرة
Date: 10-20-2003, 07:04 PM
Parent: #32
العزيزة تماضر
كلام حنين وجميل
لكن خوفى انه الحقيقة تكون
اننا ضيعناه...ابونا الحنين
تحياتى
|
Post: #40
Title: Re: ما صادفتك...ولا اتعاقبنا؟؟؟
Author: Tumadir
Date: 10-21-2003, 00:44 AM
Parent: #33
مهيرة
ضيعناه...
ضيعناه
ضيعناه
|
Post: #39
Title: Re: ما صادفتك...ولا اتعاقبنا؟؟؟
Author: Tumadir
Date: 10-21-2003, 00:43 AM
Parent: #32
بشرى سليمان...
دى من نبته؟؟؟
ولا مالها شرحبيلية كدة؟؟؟جميلة والله
|
Post: #38
Title: Re: ما صادفتك...ولا اتعاقبنا؟؟؟
Author: Tumadir
Date: 10-21-2003, 00:41 AM
Parent: #30
بت الهنا بعد حمدك والثناء عليك
حصل والله...انا حضرت ولم اجده...وكتبت القصيدة اعلاه...فى الطيارة وانا راجعة...منتهى الالم
|
Post: #36
Title: Re: ما صادفتك...ولا اتعاقبنا؟؟؟
Author: Tumadir
Date: 10-21-2003, 00:38 AM
Parent: #27
اهل العوض
الله يعزك...زى ما عزيتنى
|
Post: #35
Title: Re: ما صادفتك...ولا اتعاقبنا؟؟؟
Author: Tumadir
Date: 10-21-2003, 00:36 AM
Parent: #26
الصبر جميل
يا سارة...
شكرا ابياتك حلوة...
|
Post: #34
Title: Re: ما صادفتك...ولا اتعاقبنا؟؟؟
Author: Tumadir
Date: 10-21-2003, 00:34 AM
Parent: #25
حنينة يا شهد المحنة...ما شايفة وطن شايفة ظلابو
من اريافو ولى حلالو
ان شا الله النهشو اليحلالو
|
Post: #41
Title: Re: ما صادفتك...ولا اتعاقبنا؟؟؟
Author: عبد المنعم سيد احمد
Date: 10-21-2003, 02:22 AM
Parent: #34
المبدعة
تماضر
لك الود
هذا بوح صادق للوطن
مازال يسكن بالحنايا..فلتسكبى..مدادك..له عشقا
ولتكحلى..هامته بالضياء
|
Post: #42
Title: Re: ما صادفتك...ولا اتعاقبنا؟؟؟
Author: Tumadir
Date: 10-21-2003, 02:34 AM
Parent: #41
شكرا يا منعم...
امبارح كنت قاعدة هنا وكان جنبى شافع شواطين شعر صغيرووووونى
اى حاجة اجى اكتبها تطلع شعرانة
الليلة طفش....
وانا زهجااااااانه
الله يستر من البوست الماشى عليكم
ما عارفة اسميه عوووووع، ولا وووووووووب
|
Post: #43
Title: Re: ما صادفتك...ولا اتعاقبنا؟؟؟
Author: Bakry Eljack
Date: 10-21-2003, 07:53 AM
Parent: #42
اتكات على الجدار
انتظرت المساء
حلقت بى الذاكرة فى حقول القمح
لم تكن خضراء
انه مؤسم الصمت
لم تسعفنى ذاكرتى اي لون يكون الذهول
ساقتنى قدما ذاكرتى الى حيث يجب ان يكون الوطن
لم اجده ,
وجدت ساحة فارغة و حزن كبير
الاستاذة تماضر
لا ادرى كيف سنجد هذا الضائع
اهو ضائع منا ام ضائع فينا
ام سنظل نتعاقب لسنوات
اه من حزنى علي عليك علينا
بكرى الجاك
|
Post: #44
Title: Re: ما صادفتك...ولا اتعاقبنا؟؟؟
Author: Tumadir
Date: 10-21-2003, 02:06 PM
Parent: #43
ولما انت تكتب لى يابكرى الجاك..بحس انى قلت كلام مفيد
|
Post: #45
Title: Re: ما صادفتك...ولا اتعاقبنا؟؟؟
Author: اساسي
Date: 10-21-2003, 02:16 PM
Parent: #41
نقول ابداع ينطوا لينا اسع ناس اساسي يقولوا بتنافقوا
لكن ابداع ولو كره الاساسيون
|
Post: #46
Title: Re: ما صادفتك...ولا اتعاقبنا؟؟؟
Author: Tumadir
Date: 10-22-2003, 02:31 AM
Parent: #45
اشهدوا يا ناس
هدا اساسى بيشاكل فى ضلو
تانى علبه ملامة؟؟؟
شكرا على وصفى بابداع...وتانى اشوفك تقول "المبدعون"....وتفاقق
|
Post: #48
Title: Re: ما صادفتك...ولا اتعاقبنا؟؟؟
Author: Tumadir
Date: 10-22-2003, 02:11 PM
Parent: #47
وبعدين يا دبيب؟؟؟
ما هذه الشبابيك الحنينة؟؟؟ ونفافيج السماالفتحت علينا؟؟؟
شكرا ليك يا مبدع...
وانت عارف رايى فى شعرك....صاح؟؟؟؟
|
Post: #49
Title: Re: ما صادفتك...ولا اتعاقبنا؟؟؟
Author: nazar hussien
Date: 10-22-2003, 04:56 PM
Parent: #48
يا تماضر يا رائعة
اول شي جاوبي اهل العوض؟؟ من يستوعب تماضر ؟؟
تانيا ممكن اشارك؟ بس انا بنجر متل ما تجي تجي
|
Post: #51
Title: Re: ما صادفتك...ولا اتعاقبنا؟؟؟
Author: nazar hussien
Date: 10-25-2003, 07:50 AM
Parent: #49
وقت ما اديتيني الاذن انا بنجر نجري والباقية التبقي استنيتك شايل عدة النجارة فوق كتفي لامن انقطع اها هاك العنقريب ده:
الســـــــــراي.... الســــــــراي
الجافو النــــوم وعقلو الـــــراي
بنلم متيــــــــــــــن يا مولاي
بي آهــــــــــة نار تحرق حشاي
ابداك غنا ودوبيــــــــــت وناي
بنلم متين يا مولاي
يوم دمعتي وفصيــــــــح بكاي
غير الصبر ما لقيــــــتلي راي
بنلم متين يا مولاي
يا النيل ابوي انا في رجاك
خفف جريك لا تكون مرعـــــوب
اغسل جروفـــــك من صفـــاك
واجمع نخيــــــلك واللالوب
شدر الطلـــــــح الفي قفاك
حتي الســـمر القام يا دوب
واجمل حديثك باختصار
واعمل ترس من العصار
لا يجيك شر لا ريح هبوب
بنلم متين يا مولاي
والمركب الشاقة البحر
عز السحر ديل ناس معايش خلهم
ما بفشو سر لا برتشو حارسين جناهم وضلهم
اديهم الخبر اليقين لا متين بنرسي محلهم
مجدافنا قررب ينكسر وحيلنا مات من حلهم
بنلم متين يا مولاي
|
Post: #50
Title: Re: ما صادفتك...ولا اتعاقبنا؟؟؟
Author: Ala Asanhory
Date: 10-25-2003, 00:32 AM
Parent: #23
كتب حمّيد لهذي البلاد
أحبّك وإنت مأساتي
فِ زولاً حبّ مأساتو ؟
|
Post: #52
Title: Re: ما صادفتك...ولا اتعاقبنا؟؟؟
Author: shiry
Date: 10-25-2003, 05:29 PM
Parent: #50
سلام مربع
تماضر
حبيبة البي
وصحبة الورد
ابدا يمرق رمضان علينا ليدثرنا بكرمه ،
ويمنحنا الطمانينه وكثيرا من المغفرة
نسأله تعالي ان يبلغنا رمضان اعواما عديده
وتصوموا وتفطروا علي الف خير يارب
|
Post: #53
Title: Re: ما صادفتك...ولا اتعاقبنا؟؟؟
Author: Tumadir
Date: 12-08-2003, 06:22 PM
Parent: #52
thank you all
|
Post: #21
Title: Re: ما صادفتك...ولا اتعاقبنا؟؟؟
Author: elhilayla
Date: 10-20-2003, 02:05 AM
Parent: #1
|
|