المجرمـــــــــــان....الثلاثة

مسلسل يومى يكتبه البورداب عن حكاية خدمة النسوان السودانيات المسلمات...الزايدة للرجال...فى غضون شهر رمضان...


بينماينعم الرجال بالغمدات الطويلة...والطعام الجيد....والاطباق المبتكرة...والترفيه بعد الافطار...والعزايم...والسهرات...الدينية او الاجتماعية....


مع التركيز على ان فكرة الطعام والاكل تتضخم وتتزدهى فى هذا الشهر المفترض انه يكون ...شهر صيام...والحكمة منه الاحساس بحرمان المساكين والجائعين...بالفاقة والعدم...


مع القاء ضوء على المساكين الحقيقين...وما الذى يفعله الرجل المسلم فى اتجاه اطعامهم والاحساس بحرمانهم

شخصيات المسلسل هم...رواد هذا المنبر او اصدقاؤهم...او زوجاتهم او ازواجهم او اصدقاء سمرهم...
او رفقاء فكرهم..او اخوانهم فى الطريقة

يمكن الكتابة الابداعية...او المستندبة...عن الاحوال المذكورة اعلاه...والفرق بينهما ان الاولى تقبل الخيال وتستقى احداثها من الواقع كما فى الفن الدرامى او الروائى والثانية تستند على الوقائع والمذكرات اليومية...كلاهما يحركهما الصدق والرغبة فى التغيير...


ورمضان كريم
وكل عام وانتم وجميع سكان الارض بخير وسلام

اين انتم ايها.... المجرمان الثلاثة؟؟؟

انا احد المعذبان الثلاثة طليت برأسي لاقول كل سنة وانت طيبة ورمضان كريم... نحن عندنا المدفع قرب يضرب... وليس لي ثمة وجهة الا كنتاكي
او الديري كوين لقرب المسافة... يا حلييييييييل الزمن البجبر خواطر الانتي بتتكلمي عنه ده

كان زمان زمن اماتنا... والله هسي نغسل العده زي الما كان شي
وجيب معاك... اها نسيت كدي كدي..... البلح وين.... وعيييييك

تصومي وتفطري علي خير... علي فكرة نجرت ليك نجارة في ما صادفتك ولا اتعاقبنا

رمضان كريم وتصومي وتفطري على خير ، وطبعا ما حا أقول ليك كل سنه وإنتي طيبه عشان دي حقت العيد ، المهم خلينا يا أخي نحن برانا صايمين وزهجانين.
وراجعين إن شاء الله

والله يا تماضر

آخر رمضان لى مع الحبان

كنا عاملين جدول للشغل اليومى

يوم أنا ويوم أم آمنة

يوم الجمعة بنعمل وركشوب مشتركة

طبعا ده بمبادرة هميمة منى أنا، على الرغم من إصرار أم آمنة لكين بى تحت تحت كده، كانت مبسوطة جدا

انا بس عايز اعرف منو القسم الأدوار دى أصلا

الكلام دا زمااااااااااااااااااااااااااان يا تماضر
زمان زمان زماااااااااااااااااان
وحاتك اسع بقي زكريات
انا نفسي اشوف النسوان الظالمنهم الرجال ديل؟
وكل سنة وانت طيبة وتصومي وتفطري علي خير
ورمضان كريم

رمضان كريم ياتماضر، إحنا غايتو بنفتقد الملكة الإبداعية فى الكتابة والتعبير وكان للخيال، مطشش على الآخر لكن برضو حانطل عشان نتعلم لينا حاجة منكم.
وتصومى وطفطرى ـ وتبدعى ـ على خير

والله ولا زمان ولا شى للآن الرجال بنومو وبقعدوا في الصينية اول شي بقولوه فطوركم دة الليلة مالو كدة - الملح زاد شوية - الليلة كلفتينا - ودة انتي برضو بتكوني شغالة زيو وتعبانة وهو احيانا يغسل ليهو كباية او يحضر التربيزة للصينية ,دي المشاركة ولا تقولو لي مشاركة الرجل في البيت ولا شي ده كلام جرايد وتحديدا من العاملين فيها مناصرين لينا - طبعا عارفة تعليقكم على ابو سهى loooool والله هو تمثيل لكل كسل الرجل السوداني العامل بساعد المرأة المهم يا تماضر اصبتي وما في داعي نشكر الراكوبة في الخريف

.....................................
اعتراااااض.....احمله يااستاذة تماضر....قد اكون حساسا
اكثر من اللازم ، فاعذرينى.
قلت نساء سودانيات مسلمات ، ياتماضر اجمل امرأة هى المسلمة الملتزمة ، يعجبنى ايما اعجاب ان احداهن تلتزم حجابها وتعمل . التى تعرف حقوقها وحقوق زوجها والعكس
ايضا. ليس هذا فحسب بل اقيم كثيرا تلك الامريكية التى
تلبس حجابها ، ويقاطعها اهلها وتظل متمسكة بدينها ، وهى امراة قوية ، فهى لا تخشي شيئا بعد الله ، ووالله نحن الرجال احيانا نخشي ان نذكر باسمائنا المسلمة ،مابالك بمن تعلن اسلامها علي الملأ باعتداد.
..................................
عن التعدد في الزوجات ، التعدد متنفس طبيعى في حالات وظروف مختلفة.... ووالله هو نعمة توري حكمة الله وعلمه ، فالمسلم ليست له علاقات شرعية خارج الزواج ، ففكري ماذا لو ان كل رجل تزوج واحدة ، وبقيت نساء لم يتزوجن ، وبحكم الاسلام وبافتراض الزوجة الواحدة فقط ، لا يصبح لهولاء النسوة مخرج ، فتخيلي انت فتيات لايجدن رجالا للزواج في ظل نظام واعراف تمنع اي علاقات اخري .....
.................................
هذا التعدد هو تدبير حكيم عليم رحمة بالنساء لو تعرفين . وانا اعرف ان هنالك نساء لا يطلبن سوى قلب حنين واذن تسمع لهن ، فهن
يرضين بان يكن زوجات ثانيات وثالثات. فالوحدة علي المراة والرجل قاسية خاصة عندما يتقدم العمر .....وامر التعدد هذا رحمة بالغة .....ودلالة علي قوة النظام الاسرة في الاسلام...... .
.......................
التعدد في امريكا مثلا موجود ، فالرجل هنا يتزوج واحدة حسب القانون ، وله مئات الصديقات ، وبعضهن يستقبلنه ليلة واحدة في الاسبوع في الخفاء. ولكن القانون البشري قاصر لذلك يمنع التعدد .....ولمن يفكر ويعي...يجد ان التعدد مرفوض قانونا ، ومعمول عرفا فلكل رجل مئات الصاحبات بعضهن يلتقيهن يوما واحدا فقط في الاسبوع او في الشهر.
.........................
يعنى هم بقولوا التعدد غلط ....وبيمارسوه كلهم واقعا....وهنا يكمن خطأ منطقهم
..............................
ناس حقوق الانسان والمراة بيقولوا التعدد غلط... ينقص شأن المرأة....وهم نفسهم يمارسون تعددا في صور مختلفة....ولا يريدون الالتزام وتحمل مسئولياتهم....ولنسأل ....هل نظام يخلق للمرأة وضع تعتز به وتفخر به وتجاهر به خير وارفع لشأن المرأة أم
اخر تتستر فيه المرأة سرا ....ولا يضمن لها حقوق ولا يحمل
الرجل مسئولية.
.............................................
ونعود للاسلام....اللي بعضنا ما قادر يفهموا كويس....
الاسلام بيكرم المرأة....بيخلق لها وضع زوجة ثانية معترف
بها ....لها حقوق....كل الناس يعلمون من هى ومن هو زوجها....ومن هم اباء ابنائها......الاسلام دين عملي....التعدد قد يفرضه واقع....لذلك يستجيب له....ويقننه بضرورة العدالة.
...........................
حقيقة الامر....الاسلام يكرم المرأة....ونحمد الله الذي جعلنا مسلمين.............
..........................
اخيرا موضوع الخدمة الزايدة....وحاجيك ليهو
...................
وتحياتى
لامرأة تحمل هموم نساء السودان جميعا
...................
shereef

معليش والله ناقص ومكرر..شوف البعدو

مكرر

[blu]
تماضر
اهلاً .. وكل رمضان وانتي طيبه
طيّب
حكاية نشيط ود تعبان واختو لفيفه ذات رمضان ابتدأ .
مشهد خارجي
السوق (العربي)
الساعة تمام الفقد .
قبالة الشارع الذي يؤدي للجنون ( الحبيبه).
نشيط بيعد في الساعات التي ستفصله عنها.. واحد..تلاته .. وثمّة سؤال عن رمضان (يا ربي حيكون بكره؟).. زحمه .. لا مواصلات ولا يحرنون ساكت علي حلم بأنو البلد ممكن تكون سمحه قريب .. شكله .. غبار .. ناس ماشين جايين سارحين بي غنم الروح كان تلقي المرعي تلوح امات الشوق زغرادهن ضجّ حنين .. و....ظهرت ..ايوه ..هنااااك .. نشيط يتابعها بنظراته .. يكاد ينط .. يطير ..يصل .. و...وصلت..كلمات عاديه..اهلاً ..و..اها مسافره مسافره....قالت : ضروري ..امّي براها ..عندي خمسه اخوان .. رمضااااااااان يا نشيط .. والشغل حيكون كتير عليها.. بس العيد ينتهي وتلقاني بي جاي..تمتم نشيط وهمهم بي كلام شكلو طاعم كده .. سألتوا مالك؟..قال: لا بس سرحت في كتاب(.........) عن حقوق البنات والامهّات...سرحت في ثورة عاملات المطابخ ..سرحت في البلد .. تعرفي الاستاذ........اتكلم مرّه عن حقوق المرأه في الدين...و....سمعت القصيده البتحكي........كان نشيط بيتكلم كما لو انه واقع للتو من فوهة بركان انسان تمام وواعي وبيحلم بترتيب الوان زهرة الحياة ..نشيط ينفعل و يحكي ليها عن محاولاتو لتطبيق كل ما هو مقتنع به من افكار ..وعن اختو لفيفه والحريات القاعده تتمتع بيها .. عن دخولو المطبخ ..عن...والبت سارحه ... وبتعاين ليهو زي نبي.....قرّبت تلغي فكرة السفر........قالت اهو برضو ممكن تكون خطوه في درب الثوره المطابيخيه وحقوق البنات الرمدانات السجمانات الراضيين بالحاصل وما دايرين يختو ايدهم في ايد الرجّاله زي نشيط ويرصفوا معاهم ما تهدّم من حنين.... وقرّبت ما تسافر....و....تزكرت امها ...قالت لي روحا(الشباب ديل ممكن يطنشو والحجه تتعب ..انا عارفاهم جرسه كيف)..كان نشيط في خطبته المائه وقد تجاوز كتب عصر النهضه وعلي وشك الدخول في بدايات صر التنوير ومقارنة وضع المرأة فيه ورمضان في الزمن داك بعصر ما بعد احداثه حيث تلوّن (الآبري) وصار له اكثر من بريق ..انتبه نشيط لسرحان البت الحبيبه...قال ليها مالك؟ انت لسه مع حكاية قريبكم المغترب الجاي يخطف من عيون ريدتنا الفرح..انسي دا هسي ..انا قلت ليك حاتصرف....قالت ليهو : لا ابداً ..فكرت ما اسافر واتني غيّرت رأيي..انت عارف الحجه وكدا...اها يا نشيط انا حامشي .. التلفونات .. ابقي عشره .. انا معاك معاك ..............وهكذا امضيا زهاء السبعة اشواق وبعض الكضب وكتيير من الاحلام ...وانتبها للوقت يحندكهما بسرعة هزيان سويعاته فانصرفا .
مشهد خارجي تاني
السوق(ام درمان)
زحمة ناس حلوين لو تدروا.
الساعه بداية ليل وونسة...ومشاورات جول خم رماد الحزن
كان نشيط حزيناً لا كما الحزن حين الحبيبه ولكن كما العطش في نهار رمضاني .. كان رحيماً بالكلام كعادته .. يعرف من اين تؤكل المفرده .. سلّم وقعد وسط الشباب...شاغلوه وتعّبوه وحنّسوه وحرّضوه عشان يقول قصيده.... دمّع .. سكتوا .. دمّع تاني وقرأ من الحب النشيد..و غنّوا عن البنات .. وضحكوا فيما يخص خيبة الاولاد .. وجاء شايل خبر رمضان في جيبو ...بكره الصيام .. التفت نشيط لذلك المكان من زاكرته .. والكلام حول الطبيخ .. الشغل في البيت .. ال...ال..وثورة اختوا لفيفه ذات نومه في رمضان الفات .. تزكر كسله ومحاولات امه الجاده لتنبيهه لملاية السرير التي يتركها كما هي في تمام الأذان ومدفع الافطار ليخرج بعدها لشوارع المدينه يحكي لها عن السلوك الثوري و مجابدة الذات لتقوم بواجب الوقت والمعرفه .. تزكر الحبيبه وكلامو الشايلو الهوا .. تزكر جوطات الاب في ساعة الصلاة قائمه .. تزكر ان الزمن ما فات وبرضو ممكن يعمل حاجه.. تزكر ما يكتبه من شعر .. و سقطت دمعه جوّانيه .. و سكت نشيط عن السرحان المباح ومضي الي البيت يتوكأ علي حلم نجيض بالبت الحبيبه ويتهيأ لشكله حميمه مع البت لفيفه ..
و.......
بكره اذا حبّتوا اوصل الحكي عن المشاهد الداخليه .. نشيط وحوامتو بأفكارو في البيت .. ام نشيط الفترانه وحكاية ملاح نشيط الضارب ..ابو نشيط وصلاة الصبح .. لفيفه اخت نشيط وشكله ذات مكنسه..ترتيب للبيت .. واعلان حالة الطوارئ الرمضانيه.

اها يا تماضر وعاصم

ح نخلى ليلى علوى ويسرا ونجيكم بى جاى

يلا ...رمضان كريم

تماضر
كل سنة وانت طيبة
والله وأحلف صادق إديني لي أسه مليانات عجين من عواسة القراصة
والله يرحم أيام الراحات ولسة... نحن العدة ما بنخليها تبيت وأسألي عثمان تراث ربنا يحقق أمانيك وعاش نضال المرأة السودانية

وتقى نلغدن

اقصد...وغدا نلتقى


مع الحلقة التانية

معليش

الاذان هنا بيأذن لينا فى الهاى ويى

وينك يا تماضر
يبدو انك كنت مشغولة
و لذلك لم ترد عن بوستي عن تجربتك المسرحية المشتركة مع مريم محمد الطيب في فيلاديلفيا عام 2001
وكل سنة وانت طيبة
وان شاء الله العيال الكبرو يكون طيبين
ارقدي عافية
المشاء

اسامة الخواض

تحية

كنت
out of town.

وخليت رسالة تليفونية مطولة بهذا الصدد...مفادها انى فى انتظار النص بالايميل للنشر


وانا اتكلمت عن التجربة دى مرتين تلاتة قيل كدة فى البورد...وهى كتابة نموذج المراة السودانية المتعدد...للمسرح..."اسمى فلانة..." الذى بدا سنة 95 وانا وحيدة هنا فى امريكا ...اسمى عوطف...بعدها وصلت الفكرة لمريم وكان ان كتبت مريم...اسمى العافية..وهو نص قوى وعميق ...سيرى النور هنا قريبا بعدها....نشدت بشرى الفاضى وسلمى الشيخ وخطاب حسن احمد عشان يكتبوا لى "اسمى نانجر...او اسمى شول"..ومددتهم يالتقارير والفصص الصغيرة...عن ما تعانيه امراة السودانية فى الجنوب ...ولكن يبدو ان قدم الكتابة دى ليها رافع براها


ام سهى...البرنامج دة شا هدة عليه مش؟؟؟ كدى شوفى لى ناس المطر وابا ديل كلامهم بكون صاح ولا غلط

عاصم الحزين....انا بدخل ليك الموسيقى التصويرية...

المطر ياها المحرية فيك...اوع تكون بس حركات جيش ساكت بعد تخت انطباع رهيب زى دة تنوم عليه سنة سنتين


ابا....فى عدة بخلوها تقعد للصباح؟؟؟


اهل العوض....لووووول


امدرمانى...انا بعجبنى الرجل المسلم...الما بجيب لمرتو ايدز...

العزيزة تماضر

طبعا جاء الاحباب بالكتابات الابداعية ولا نملك الا ان نقرأ ونثنى عليك لطرح الفكرة وعليهم للمساهمة بذلك ..

لكن ما قلتى لينا انتى رأيك شنو ؟؟؟؟؟

انا بحب الاختساسات وتقسيمها
انا المطبخ وهو يفتح الجزلان بدون حجة ولا يا ولية مافى قروش ولا كلام من دا.. كدا تكون مرتاح جدا من الاسئلة الكثيرة الملح وين؟.. دا ياهو الفلفل.. ؟قلتى نفرمها كيف..؟
بعدين اطعام الصايم اجرو عظيم مالى قاسماه معاه
عشان كدا نحنا المدرسة القديمة
فاطنة للتكل ومحمد للسوق

السلام عليكم يا تماضر
والله فكرتك جميلة

لكن انا عندى تجربة من هذا القبيل

انتو يا نسوان بتكبو الزوغة يعنى تدخلو الزول المطبخ بى جاى وهاك يا حنة وهاك يامحلبية وهاك يا شفع ومرقة سريعة وخلافه
انا طبعا ضد الرجال يتبطحوا ويلعبوا فى الكشتينة والا الضمنه والغدا جاهز والفطور والهدوم مكويات

انا موافق على المساعدة بس ما تكون حقوق مكتسبة واروح فيها وتروح سدى نضالات الرجال الشرقيين منذ زمن طويل تحقق بمقتضاه هذه الانجازات العظيمة

وعلى العموم اى مشروع مشاركة موقع من الطرفين انا معاهو
والا احذر ناس البورد من الفخ

تتباهى بيك كل انجوم
لا ام بريقا ولا انطفا

يا دكتورة بيان ... الله يخضر ضراعك ... أعدتي لي توازني بعد أن شعرت بأن راجل متخلف (التقول أنا ما متخلف) ... من ناحية الجزلان والله مانا مقصرين تب . لاكين دخلت التكل دي غايتو ... ما تراهو زي ما قالت الفلاتية رحيمها الله . لكن ما تجي تقول مذاكرة الشفع ولا طهور أولاد فلانة ... لانو كدا أهل العوض ما برضو ... وأهل العوض ما عندهم مواعيد .. أما من ناحية المساعدة فوالله بنساعد بالمشاعر بس .. علا العواسة والفرك ديل ما بعرف ليهن ... وأحمد الله بنووووم .. بس ما طول الوكت .. عشان بخدم وكدي ... بعدين يا تماضر تقولي لي لوووول وعارف إني مكجن هذه اللوووول .

تماضر
كل سنة و إنت بخير و عافية
إنت من زمن ظلم الرجل لنصفه الحلومر ؟
أديكي عينة من إنقلاب الحال ؟
حسع أنا جاي من البيت في هذه الساعة بالتحديد ،، لقيت المدام خاتة لى لستة ببعض الأعمال التي من المفروض أن أساعدها فيها لأن حضرتها شغالة مثلها مثلي ،، أنا برجع الساعة أربعة و هي بترجع تلاتة ،، و قالت حتعمل كيت و كيت و تنوم شوية ،، و أنا أساعدها في كيت و كيت و أصحيها و آخد لى دقسة لأذان المغرب.
أنا من حسع حردان و ما عملت شي و لا حأعمل ،، و جنس كلامكم دة قاعدة تقراهو الولية و تقوم تسوي جنس البتسوي فيه دة ،، أها وين الظلم ؟
حسع حتقولي لى المساواة و لا بد من مساعدتها عشان هي شغالة ،، مش ؟
أتقعد في البيت ،، ماهيتها ما مكفياها كماليات
أنا داير أجي آخد لى دقسة و كل شي يكون جاهز
تماضر بالله وقفي التحريض دة
و تصومي و تفطري على خير
بالمناسبة : ممكن بالله مقادير شوربة الكوارع ؟

التنظير شى و الواقع شى تانى يا تماضر للاسف
الاشكال انو فى الدنيا دى فى نسوان ما دايرات يقتنعن بالمشاركة من اساسا
و تلقى الواحدة مجهدة و شايلة هم كبير و رافضة التعاون فى نفس الوقت
غايتو احنا من الجيل الحديث .. بمعنى انه رمضان زيه و زى باقى الايام
يعنى الخدمة هى زاتا
هذا الرمضان نسبة للجهجهة الكفيلية لا يعتبر مقياس لما زكرتى اعلاه
اما رمضانات زمان.. رمضانات الام فمشاركتنا كانت بالمراسيل التى لا تنتهى خاصة ايام العزومات و دى فى حد زاتها كانت مجهود خرافى
و برضو بقول حليل رمضان النساء المسلمات... مسلمات دى معناها شنو لو سمحتى.. ارهابيات يعنى ولا مغلوب على امرهم ولا نسوان ساى
ملحوظة: خلودى قادر تماما على افساد اى غمدة و لو كانت قصيرة

Quote: والحكمة منه الاحساس بحرمان المساكين والجائعين

دا انا حاسى بيه تماما
و رمضانك كريم

اول حاجة يا اهل العوض اللول لولى انا ، وكنت دايرة اديها لملا عمر,, من الشفقة غلطت اديتك ليها انت


اما الباقيين فارجع ليكم بعد...الانترنيت...اقصد الاذان...لانو ما عندنا مسضنات هنا...بنفطر بالانترنيت

اغسل العدة وانضف المطبخ واعمل الشاى وافرق المويات اللميتها دى وارجع ليكم

ويا اسامة المسلمات قاصدة بيها النسوان البعملوا فطور المسلمين

حكاية نشيط ود تعبان واختو لفيفه ذات رمضان ابتدأ .
الحلقة التانيه .
مشهد داخلي :
...../الحاره الشقيانه/مربع تائه في تساؤلاته/منزل رقم اتنين حنين
الساعة تجاوزت منتصف العطش بقليل من الصبر .
لفيفه تتحاوم حول سرير نشيط .. تبدو وكأنها في حيرة من الغيظ
تعض علي اصابع فتر سمين ..تهمس لبنات قلقها الجوّاني (اها الحوش قشيتو ورشيتو ، البلح بلّيتو ، الملايات شديتاو رتبتها ، البليله هديك في النار ، ال...ال....) كان نشيط في احلامه السابعه بعد العشرين ، يتكرفس ثم يتمطي في السرير وينضم احياناً ثم يضحك ويشخر
ليهدأ بعدها لاربعه ثواني..لفيفه تراقبه و تشد شعر استغرابها وتكورك لامها ان تأتي وتشوف الزول الما بيختشي دا نايم وكانه في فندق كم نجمه كدا .. المغرب قرّب وهو ما زال يغط في لا مبالاته وكلبه باسط زراعيه وبكامل فلهمته يمد لسان عوائه ويقول ليها هوو هوو ما تقرّبي يا زوله انت دايره ليك شكله ولّا شنو !!؟
فجأه صرخ نشيط .. وقع علي الارض .. وعيناه تلمعان خوفاّ...و......
ام نشيط جاءت تركض بفزع وقلبها مشتت بين نشيط الما عارفاهو مالو وبين جردل الآبري الوقع...ابو نشيط يسبحن ويتمم بما جادت به الزاكره من ادعيه ويأتي مهرولاً ..لفيفه اتخلعت .. كلبه هوو هو وشرد
و.......مالك يا زول ...خير ..قول بسم الله .. و.... نشيط كان بيحلم
قال في اسد كان مطاردو وقدر ما يزوغ منو وراهو وراهو ..و....
لفيفه ضحكت حتي بان ما اندسّ من شماته في وجناتها
ام نشيط استغربت واستغفرت ومشت
ابو نشيط قال ليهو دا كلو من عدم الصلاه
نشيط نظر حوله ثم قال قبل ان ينهض وينفض غبار نومته الطويله:
اوعي تقول لي انحنا في رمضان خلاص .. انا ما مستعد .. العشا .. وانت يا بت يا لفيفه انا ما قلت ليك تجيبي لي مويه امبارح..تخليني انوم بي عطشي ...
لفيفه قالت: كدي استغفر يا زول هو فضل لليوم حاجه
نشيط: خلّي لماضتك دي و.......ز
ام نشيط : يا ولد خلاص صحيت للنضمي .. انت كان متجرس من رمضان ما تسويها في اختك ساكت و........ز
لفيفه: غايتو عشنا وشفنا ينومو للضهر ويابو لينا بالشكر
نشيط : احسن ليك تخلّي ال...... وبعدين قميصي كويتيهو لي و........
ابو نشيط : يا جماعه ما تعملو لينا دوشه خلونا النقرا لينا شوية قرآن ينفعنا ..و... يا مرا ........... يا بت شوفي ال.........
وهكذا
كعادة نشيط يصحو كما يشاءه الكسل .. يحتفي باحلام ليلته ويبدأ في قراءة ما تيسر من كتب عن العالم ..يستمع لاغنيه او اتنين طاعمات ثم يتلفن لتلك .. و...........
كان اليوم الاول من رمضان عباره عن ساعتين لنشيط واربعه وعشرين ساعه للفيفه وامها ..حيث كانا منذ السحور المشكور والنوم المعبأ بكوابيس ما سيأتي من نهارات تجهيز الفطور الي المساء يخططان ويفعلان العجب والعجيب ليكون اليوم والمكان كما يجب لنشيط وابوه
كان اليوم الاول من رمضان حكايه تعاد كل فتر من العام للفيفه وامها ذات الضحكه اللطيفه ..
و.............اذّن الاذان وحنصليك يا .......... حاضر
فطر نشيط وسكت عن الجدال المباح لحالة خذلان للجسد المّت به غقب تناول العام .. كان يوماً شاقاً عليه ..... ونام
غداً نواصل الحكي
وسلام الي مطلع الامر

اسماء الاضداد...نشيط

وعاصم الحزين...

واصل...انا ح...اعمل العشاء

اجهز الاولاد للمدرسة وامشى الشغل واجيكم

لوووووووووووول يا تماضر
حنشوفك في العيد كدا
ولا اجازة الكرسمس يا ربي
كل سنة وانتي والمشاركين / ات كلهم

لووول ساكت؟؟؟

هو دة الموضوع زاااتو

الله يقطع الخدمة ويقطع سنينها...

ياقول المصريين

ده يا تماضر الظاهر ابداعات جرسةرمضانية
انته ما سمعته انجلو بيدا بيقول ايه بلغة عربى جوبا
كلنا سو سو
واجمل حاجة المشاركة الرمضانية ولحظات الافطار البنخلى كتير من الرجال يفتشوا عن تكسير الزمن ولكن فى نهاية رمضان بيكونوا اتعودوا على كده وعرفوه حلاوة المشاركة فى المطبخ
تحياتى

سلام يا تماضر العسل.....

رمضان كريم يختي.... و الشوق مطر...

UP

لمممممممممممممن افضى

يا تماضر قصتك عجيبة
يعني بالطريقة دي حتفضي لينا متين؟
وبعدين رمضان البلاد دي ما قالوا لا فيه آبري، ولا عصيدة وملاح!!
لكن أنا معاك، في غسيل عدة تاريخي.
كل سنة وانتي طيبة ورمضان كريم
خالص الود
إيمان

تماضر ... اها عاد نبقي لي جنس دا....
انا ما كلمتك... قلته ليك جهزي الحاجات من بدري... حسي الطعميه اكان بلتيها و فرمتيها من بدري ما اخير من الجهجه دي....

حول....
انا ماشه السوق...

تقولى شنو يا شايننق ستارز؟؟؟


الآبريه ما عسناه، نعوس ابريه اليوم باليوم

خلى الطعمية


اما غسيل العدة...فدا تخصص

قلت لمكن عشان مدة سموا العاصمة

washing ton

يعنى غسيل بالطن


والله روحى ما لاقياها عشان اقرا...


من كترة المقالات الجندرية لمن خليت محمد(11سنه) ينضف التوم

لانو حيصوم فى الويك اند وريتو لو ما طبخ معاى ...صيامه ما بمشى كلو

ودى مساهمتى الميثولوجية فى مسالة الجندر


ويسرى(9 سنوات) فرحانة اتعلمت كلمة سحور...وبقينانصحيها للسحور

وبمناسبة الميثولوجيا...معانا هنا لاجئين انا بتطوع ليهم...من دولة افريقية مسلمة...كل تواريخ ميلادهم واحد يناير...سالت من الحكمة شنو...قالوا لانو الاسلام بحرم الاحتفال بعيد الميلاد...عشان كدة الدولة ما بتسجل المواليد...عاد دة كلام دة؟؟؟ حسة بكون فى زى كم الف فهم زى دة دخلوا الاسلام بالغلط...ونحن ما جايبين خبر؟؟؟

الفطور قرب ...اها مع السلامة لى بكرة
كل عام وانتم بخير
واصلو

الاخوة المجرمان الثلاثة الافاضل

ما وريتونى عملتو للفقراء شنو؟؟؟

الفقرا ياتم؟ الاتقسمو النبقة ..
ههنا في هذه الديار فتوى بأن الصدقات لا يجوز نقلها ، تأويلاً للحديث الشريف : صدقة تؤخذ من أغنيائهم وترد على فقرائهم .. يعني بالعربي الزاد إن ما كفى أهل البيت ...
أها ... صحونا معاكم للسحور الساعة اتنين ونص نصت نهار

الأستاذة تماضر ... هل تسمحي لي بالتعليق؟ أود أن أعلق على جزئية من حديثك في معرض ردك على أسامة الخواض ، وهي التالية : (نشدت بشرى الفاضل وسلمى الشيخ وخطاب حسن احمد عشان يكتبوا لى "اسمى نانجر...او اسمى شول"..ومددتهم يالتقارير والفصص الصغيرة...عن ما تعانيه امراة السودانية فى الجنوب ...ولكن يبدو ان قدم الكتابة دى ليها رافع براها)

أعتقد أنه لن يكون من السهل أو من الممكن أصلاً أن يكتب كاتب نصاً حقيقياً معبراً ومفيداً بهذه الطريقة : أعني الكتابة لن تكون صادقة .. الأحاسيس لن تكون محسوسة ، القصة لن تكون واقعية .. الموضوع في ظني يحتاج لمعايشة .. الكاتب يجب أن يكون ذلك الشخص أو شخصاً قريباً منه .. شخص عاش تلك التجارب أو تجارب شبيهة .. شخص عاش في تلك البيئة .. له منها نفس الموروث .. المعتقد .. شخص تشرب تلك البيئة .. إلا أني لا أعتقد ان كاتباً مهما كان يمتلك من أدوات الكتابة أن يستطيع أن يكتب يوميات إمرأة في غير بيئته أو ..... كل تلك الاستثناءات .. دا طبعا راي أهل العوض .. ما تطلعي بيه السوق .

1-

بدايات الثمانينيات
(هذه الأغنية كان يؤديها فنان من عطبرة لا أستحضر اسمه الان و أتمنى لمن يعرف الأسم أن يدلنى عليه مع الشكر)

أسألى زوجك زعلان ليه يسيب البيت و يهرب ليه
من جا من شغله كايسلو نومة عشان يرتاح
الهوا يضرب فى الشباك و من الباب طار المفتاح
و ولدك و بنتك كفتك كفتك واحد يبكى وواحد صاح
و فوق البنبر اتكومتى لا بتتحركى لا بتنزاحِ
وان قال حاجة خلاص طرّمتى – اتبوّمتى و قلتى الرجل بقى نبّااااح

2-

عام 2003

يا ولية انتى الليلة مالك مفطرانا بى تونة و جبنة، الملاح وينو

الملاح اتحرق

مالازم يتحرق، انتى مقيلة لى فى البورد
ومن بوست ام كروش لى بوست أم مصارين (© شيري -فقط السطر الأخير مقتبس من المبدعة شيري طبعاً و ليس النص كله)
تحياتى و أتمنى أن أعرف أكثر عما وصلت اليه محاولات انتاج نصوص لمسرح المرأة الواحدة من تجارب النساء فى الجنوب و غيرها؟

ندي

ندى على...نصوصك رهيبة لكن...النص الاول بالذات...لووووووووووول عليه


اهل العوض وندى
بخصوص النصوص لنماذج المراة السودانية...

اى والله لغاية الآن اسمى عواطف تماضر
اسمى العافية مريم محمد الطيب
حسنة بت محمود الشاهد الاخير تماضر

واسمى شول نانجر...فى رحم التكوين

ويا اهل العوض الاستكتاب دة برضو مظهر من الكتابة الابداعية...انا قلت سلمى الشيخ لانها اشتغلت كتير فى اذاعة المعارضة بعربى جوبا

وهى اساسا كاتبة متمكنة...

اديتها فكرة عن الاطار بتاع الشخصية...وبرضو لبشرى الفاضل...
مشغوليات..ما خلتهم يستجيبوا لى...لكن انا صابرة...وعارفة الاطار ممكن اكتبو ...لكن بفتش على تنوع..الاقلام...حتى وانو الكتابة تجى اغنى...

اقنعتك؟؟؟ يا اهل...؟؟

ايمان هو دة سر الموضوع زاتو...انه عدم الفضا الفى رمضان...لمجمل النسوان

عاسم الحزين مشى وين؟؟؟

تماضر

تمام
معافرتنا في موضوع الجندر جابت نتيجة و خلتك تفرغي الشحنات كلها في محمد المسكين ، انشاء الله بس بكون بنضف في التوم للكسرة بالسخينة و لسه أنا راجيه العزومة بس شايفاكي زوغتي منها.

رمضان كريم و تصومي و تفطري على خير

عن شول بميقات الشموس

والعادى من شعر البنات
اكبر من الشامة المورطة فوق ملامح الزول
شاي الصباح اجمل مهما العرق دساس
شرف الكتابة عيون فى اللوح وفى الكراس

مقاطع متناثرة من اربعة تغريبات من سفر الاحزان
للدكتور ابكر ادم.

استاذة تماضر النص اعلاه يحمل الكثير من المشهاهد الثقافية المتلاحمة, تحديدا سبر اللوبيا عند النوبة, اعتقد اغلبنا يعرف ماذا يعنى السبر لدى النوبة, فى اعتقادى يمكنك عمل لوحة ثقافية حية ومتحركة وقريبة الى اشيائنا القصوى, ارجو ان تتصلى بالاخ ابكر ليمدك بالنص كاملا وللامانة النص عبارة عن ملحمة ثقافية هى اجمل ما قرات فى السنوات الاخيرة.

فيما يخص المجرمان الثلاثة والله يا تماضر نحن مجرمنا واحد, اهو الوص من اول البيت لاخره , مرة قلت اعمل سلطة روب بالعجور زى البتعملها امى فى رمضان بالله قدر اظبط الفلفل والتوم , القصة دى ما دايرة تظبط ما باقى لى الا اتصل بامى عشان اسالها من المقادير, على العموم انا غايتو مجرم واحد بس حكاية اغسل عدة ما بقدر لكن نكوى الهدوم و نمسح ما مشكلة, انشاءالله اكل فى الحلة لكن ما بغسل العدةز

لك ودى
تصومى وتفطرى على خير

بس قبل ما امشى عندى سؤال الناس الصايمين فى الاسكيمو السكا ديل اليوم عندهم( من طلوع الفجر حتى شروق الشمس) ستة شهور الشمس ما غابت حيعملو شنو؟؟؟؟؟

بكرى الجاك

اها يا بكرى الجاك..
انا ابكر ادم دة الم فيه كيف؟؟؟

طبعا هو من الناس الهجروا البورد بدون شورة...

اما عن حكاية الفلفل بتاع سلطة روب الوالدة...فانساه تماما

ما بنظبط...الا تجى الوالدة. الله يديها العاقية,,,بنفسها...وتترتر الفلفل...بايدها المبروكة...وتجيب كنشها هى....وعندنا تجارب مع الحكاية دى....فما تتعب ساى

وكل سنة وانت طيب...

متابعة نقاشك مع سبيل...وبفتكر انه الحوار دة من "افخر" الحوارات الحصلت فى البورد...بعد الستعلواتية.لابكر آدم..وكتفا لكتف مع الجندر للجندرية وندى


ما تكسلوا ...استمروا

تماضر ... والله ما تراهو !!! مازال اعتقادي يراوح مكانه ... أضرب مثل ... أهل العوض هو بدو وسط السودان ... حينما نسمع نصاً كتبه كاتب (كاتب للتغليب لا للجنس) من شمال السودان (وهم غالب كتاب الإذاعة) بنستمممممتع ونضضضحك ونقول قر .. لكن برضو نشعر بأنه مكتوب لتلك المنطقة من السودان .. وأشعر كذلك أن كاتباً من نيالا (مثلاً) لا يستطيع أن يكتب نصاً جيداً لحالة إجتماعية ، شيء له علاقة بتفاصيل الحياة اليومية لمواطن من كسلاً . أعتقد أن الكتابة حاتكون فطيرة وبالنسبة لي غير مقنعة ... وبرضو دا كلام أهل العوض ، وبث.

كلامك كله صاح الليلة ياود العوض

ولذلك استكتبت سلمى الشيخ لانها تجيد عربى جوبا

اين انتم ايها المجرمان الثلاثة؟؟؟

يا تماضر يابتي شوفي لي حلل. أنا خلاس تعبت. شان أبوك الحاج ده ما بياكل إلا الرقاق في السحور، والوليدات كملوهو. أهاالليلة والله ما عارفه أسوي شنو.
قالوا في أمريكا في حاجة اسما الكورن فليكسي، زي الرقاق. الرسول كان عندكم منها قوووااام رسلي لي كان جردل كان اتنين. حسا عمك ماخد ليه غمدة.
الرسول فيك قووااام بالويسترن يونيون، كان يصلنني قبال السحور.

أها أنقوم أسوي للوليدات العشاء. باقي هن بياكلو براهن، وابوهن داك علي راحته، وكت مايقوم بدي عشاه شان حسي دي دخلتو من برا، أخير ما أصحيه.

برسل ليك رقاق بالفاكس