ابن الرومى...فى الطربيزة...يوم العيد

يصادف هذا العيد السعيد باذن الله..

اعياد الشكر...فى امريكا والتى يلتزم فيها غالب الشعب الامريكى بتناول طعام "الديك الرومى" الشهى...

وكما يفعل عالم الاسلام مع خروف العيد ،تكثر حول " ابن الرومى" هنا، النكات وافلام الكرتون...وحتى رقصات الاطفال فى المهرجانات التى تقام بهذه المناسبة تجدها محشوة بعوعاى هذا الديك...وعدم تقبله لفكرة الالتهام له، بروح رياضية وصدر "دسم".




الجدير بالذكرـ يا عملات المذيعين ـ ان عيد الشكر هذا لاعلاقة له برسالة سماوية..وان كان البعض يوحى بانه جزء من تعاليم المسيحية...

وعلى الرغم ـ ياعملات المذيعين ـ من ذلك يتعامل المواطن الامريكى مع اجازة هذا العيد بصورة عاطفية ويحرص الطلاب والابناء على السفر عبر الولايات للقاء اهليهم...وكثيرا نا يتناثر دمع اللقاءات العائلية...من عيون الامهات...قبل ان بحشرن سكينتهن...فى احشاء " الضحية" ايذانا بمهرجان الالتهام الكبير...." وفى الالتهام يكرم المرء او يهان"

فهو كما يقال مرتبط بعلاقة الغزو الانجليزى، لشمال امريكا ، فبعد التحامهم باهالى امريكا الاصليين، الهنود الحمر، وبعد ان هدات النفوس وزرعوا الحقول ومزارع الدواجن.." ضربوا" ابن الرومى هذا سويا تعبيرا عن الشكر عن ذاك السلام، وكثير من المفكرين والليبراليين...يعتبرونه عيدا زائفا وان هذا الذى اسماه التاريج الانجلوسكسونى فى امريكا، سلاما، لهو فى الحق استلابااستعماريا بينا وما الاحتفال به الا طمس لمسيرة التاربخ ويصنفونه لعبا قذرا من الاعيب المستعمر. التى عرف بها فى كل زمان ومكان.


المهم على بال ما يتفقوا...وعلى بال ما عيد الضحية يجى...الشاف ابن الرومى مسجى احمرا ومبهرا فى " الطربيزة" يوم العيد..ما كضب...

وكل عام وانتم بخير.

خليتنا نجوع
اللهم أني صايم

ما في طريقة لقراصة
بس يكون بملوحه

الله يجيب الوجبات الدسمة يا اختي تماضر

انتي برضك ذي تحب اللحوم المشوية والمحمرة

حمزاوى...

معليش لو جرحت صيامك..

خليتنى اتذكر مقدمات برنامج طبق اليوم...فى رمضان ...

مبالغة

الزول يكون جيعان يرجف وهى تكسر فى البيض وتضيف ليه" قليلا" من الدقيق...وشرائح البطاطس وملعقة توم مهروووس و" كثيرا" من شحتفة الروح...

يعنى لو فى " طبق" " اليوم" داك الزول يكملو..


تصومو وتفطروا على خير

اها يا تماضر
انا حاسوي حاجة مختلفة
حاعمل عصيدة بملاح تكون من لحم الديك الرومي المفرومة
جربيها-حاجة ما تخلص
وحتدعي لي

المن لحم ابن الرومى شنو؟؟؟ العصيدة ولا الملاح؟؟



"ههههههه"

يا حنينه يااختي
حتدعي ليكي وهي في المستشفي
وبيعملوا ليها غسيل معدة

ديك رومي ومفروم ومعمول بيه ملاح تقليه
أجي دا كلام شنو يا بت امي


تسلمي من كل شر يا اختي تماضر

يا حمزاوي
دي عن تجربة
عملت ملاح نعيمية في رمضان دة بلحم الديك الروم
صحي اللون ماهو-لكن طعمه حاجة تماااام
واتاريني قاعدة نصيييحة
لاتلبك لاغسيل لامكوة

جيرانا زمان يا تماضر في العيد كانوا برضو بيعملوا كده هم يونانيين علي ما اعتقد .. لكن ابن الرومي بتاعهم اول لازم يكون " طاشم " صديق حتي بعد داك يظبطوهو ..
انا عايز ابن الرومي ..
حسع دي كان مافي شوفو لي ابن رشد

تمبس...

الله يغفر ليك ...يا فارم الامعا...

والله يا تماضر
أنا قلت إبن الرومي ده قام من قبروا ولا الحكاية شنو
لووووووووووول القيامة قررربت
رمضانك كريم
وعيدك مبارك

لا يا اسماعيل
ابن الرومى البتكلم عنو دة...ماشى يا دوب على قبرو


وكل عام وانتم بخير