|
تماضر...ممثلة سودانية...معانا فى البورد...لكن ما انا
|
الصديقة الممثلة الغريمة...تماضر حبيب الله
تريد ان تنتمى لعضوية البورد
لما دخلت المعهد نحن كنا ناس كبار متخرجين
سالتها...ما لقيتى ليك اسم غير دة عشان تكونى بيه ممثلة؟؟؟ يعنى خلاص الاسامى كملت؟؟؟
قالت لى انا جيت هنا مخصوص عشان امسح باسمك الارض
قلت ليها تشوف عينك يا تماضر انا انتج اخطر مسرحية للسودان دة واديك دور نص دقيقة...تجى شايلة كباية شاى تديها للبطل وتطلعى...
وضحكنا...ومن يومها وانا اتابع موهبتها...وكانت بعد ايام قليلة ـ واحدة من "كومبارس " مسرحية كلام فى الممنوع...التى مرقتنى من الجنة وسقطها "ملاحظين كومبارس دى؟"
لكن لم يكتب لى ان اتابع مسيرتها الفنية فى الوطن.بعد ذلك..وباعدت بنا دروب المهاجر
الآن هى فى كندا نتواصل ونتدبر امور هذا التخصص العجيب,,,
هاتفتنى بالامس وقالت على عجل: تماضر انا دايرة ادخل معاكم البورد
قلت لها وصوت الملاعق والشوك يشوش صفاء السمع: بكرى ابوبكر لن "يكسر خاطرنا" و..كما عهدته. اتمنى الا يكسر خاطرنا..كان بيتى يعج بالضيوف وفطور رمضان...وخط تانى...
بكرى: هل تقبل ان تنافسنى "مفعوصة" كهذه فى البورد؟؟؟ وهل هناك مجال للسماح بتماضر "الاخرى" بالدخول؟؟؟
ارجوك يا بكرى...امنحنا فرصة "الضر" العلنى هنا... والتناحر على اسم واحد وتخصص عجيب.
شكرا لك...ولكل من يرحب بها " يعنى جاملوها وما تخلوها تفهم انها اى كلام"
رحبوا بممثلة سودانية اسمها تماضر...لكن ما انا
|
|
|
|
|
|
|
|
Re: تماضر...ممثلة سودانية...معانا فى البورد...لكن ما انا (Re: Tumadir)
|
معقولة يا تماضر انتى وارثة وما عارفه روحك
ماهو ده (الإرث) الدايرنو ليك خفة الدم الظرافة سرعة البديهة الفلس الطواااااالى قوة تحمل (رئيسك) فى العمل قوة تحمل (الشفع) فى البيت قوة تحمل بعض (ثقلاء) المنبر الحر قوة تحمل ضغوط الغربة الصبر عند الصوم (زى كظم الغيظ) عند وجود محل رد مظبط (يعنى زى جر الفرامل كده) مجاملة البلهاء (وده أصعب أنواع الإرث) تأخير السحور (ارث نبوى)
انتى قايلة الحاجات الزى دى أى زول بيورثها؟ دى اسمها يا ستى (ومايلقاها الا ذو حظ عظيم) يجى بعد داك شوية الطين والأكشاك ودى دايره ليها ماسنجر داخلى
أبشرك أنا زاتى ورثت لى ماسنجر مظبط خلاص
ويا بخت من ورث الفضيلة
بالله مش ينفع مثل يضرب؟؟؟؟
| |
|
|
|
|
|
|
Re: تماضر...ممثلة سودانية...معانا فى البورد...لكن ما انا (Re: Tumadir)
|
اسم سميك يا هبلك يا علمك الدغاله.اها ياتماضر بت شيخ الدين عايزه تداغلي ولا شنو.طبعا تماضر حبيب الله صديقه شخصيه لي شان كده اتمناها تكون معانا الليله قبل بكره فهي جميله ومشاكسه وحنونه وشجاعه، يلا يا بكري اديها تاشيرة دخول وعلي ضمانتي.التحيه للبسيطه تماضر الدغيله.
وليديوسف
| |
|
|
|
|
|
|
Re: تماضر...ممثلة سودانية...معانا فى البورد...لكن ما انا (Re: kamalabas)
|
التماضرات الدرامات اهلين وسهلين والله الليلة عندك بشارة المرقتي لينا تماضر بت حبيب الله من الكتاب المسرحي السوداني ، من الجليد الى سخونية حوش بكري ، وبت حبيب الله طبعا بلدياتي يا معلم تماضر رفاعية اول من دبسها في المسرح انا وصداح عمرابي ولا ما كدا يا تماضر حبيب الله ، تذكري العرض القدمناها في رفاعة وانت في الثانوي ، . وفعلا تماضر اضافة للبورد فالف مرحب بيك ن بين اهللك وناسك ..
| |
|
|
|
|
|
|
Re: تماضر...ممثلة سودانية...معانا فى البورد...لكن ما انا (Re: kamalabas)
|
مرحبا بالتماضرين ، تماضر الكبرى وتماضر الصغرى ، على وزن عائشة الكبرى وعائشة الصغرى لانه عندي جدي كان مسمي بناته الاثنين عائشة واحدة عائشة الكبرى والثانية عائشة الصغرى . بس القياس هنا يكون بعمر البورد عشان ما ندخل في مشاكل مضارره من الآن . وأبقي داخلة يا بت حبيب الله . وتسلمي يا بت شيخ الدين .
| |
|
|
|
|
|
|
Re: تماضر...ممثلة سودانية...معانا فى البورد...لكن ما انا (Re: Tumadir)
|
تقديمك ليها براهو يكفى . ملحمة فى ادب التواضع والاريحية وحلاوة روح الدعابة
يا جماعة اقرو كلام المرة دى كم مرة شوفوهو كويس
والله الزولة دى قداااامة قدم - تقديم يعنى -
تسلمى على البوست اللذيذ دا
ومرحب بتماضر حبيب الله
انا زمان كنت متيم بتهانى الباشا - ووحاتك هى عمرا ما بتعرف زول اسمو ود العجمى اها ما ممكن تلقطيها لينا فى بيت ناس بكرى دا عشان نتلصق فيها ؟؟
اقول لووووول ولا ما فى داعى ؟
| |
|
|
|
|
|
|
Re: تماضر...ممثلة سودانية...معانا فى البورد...لكن ما انا (Re: Tumadir)
|
سريع سريع قبل ما تجي تخش تماضر حبيب الله وتشاكسنا وتقول إتأخرنا في الترحيب بيها نقول ليها تعالي وزيدي نضمي تماضر القديمة . زمان لامن يكون في إتنين في البيت واحد مسمينو علي عمو ولا خالو بقولوا لي الصغير فلان الصغير والكبير علان الكبير , اها ورننا الكبيرة منو عشان نناديه تماضر الكبيرة .
تماضورق سلام ولسة بتثاقل ومنتظر
أبنوسي
| |
|
|
|
|
|
|
Re: تماضر...ممثلة سودانية...معانا فى البورد...لكن ما انا (Re: degna)
|
الزمن خلاسى الملامح فى مملكة الفرح ها نحن نصعد صوب الجبل الاخضر صفا من املاح الارض نفتح بابا للاحلام ونشرع اخر للاحزان لا ادرى يحزننى فرحى بلقاء صديق خوفا من سفر فى بحر النسيان.
اهلا بكل الالوان فى هذه اللوحة الرائعة التى يهندسها الباشمهندس بكرى ابوبكر ويعوس فيها بعض من ابناء وطنى كل يحمل ريشته يضيف الى هذه اللوحة الكونية المعلقة فى الفضاء ليتها تنزل الى تفاصيلنا الحزينة.
يلا يابت حبيب الله شيلى ريشتك وشخبتى معانا , انا موقن انو لمساتك ستحمل رونقا واضافة طالما ان لك رابط برفاعة مهد العلم والتنوير السودانى, لكن يا تماضر(شارع واحد) كدى خلينا نتاكد انها دخلت وبعدين نرحب بيها جد جد وبالمناسبة ربنا يحفظ ليك هشام وبقية عقد الاسرة من المبدعين فهو ما قاله بلاعلى ليس بالكلام الهين الذى نمر عليه هكذا,
ولكم ودى
بكرى الجاك
| |
|
|
|
|
|
|
Re: تماضر...ممثلة سودانية...معانا فى البورد...لكن ما انا (Re: Bakry Eljack)
|
تماضر نهكة الفواكه الاستوائية
سلام مربع
تصومي ياستي على الف خير وانشاء الله يارب دائما مبسوطه وباسطه الناس الحلوه البتحبك نحن من عشاق فنك وبالتالي كل ما ياخذ شكل وصايتك نذاكر فيه ونشيلوا اسبوتنغ عديل كده الف مرحب بتماضر حبيب الله انتما الاثنيتن اضافة حقيقة لتاء التانيث في البورد تشرفون بـــــلاد موش بورد بس ؟
| |
|
|
|
|
|
|
Re: تماضر...ممثلة سودانية...معانا فى البورد...لكن ما انا (Re: Tumadir)
|
الرائعة ..تماضر شيخ الدين تماضر حبيب الله ..انسانة ذات شفافية خاصة ..تدخلك بدون اذن ..انسانة حد البكاء..راقية ..فنانة ..لها قامة النخيل ..وقلب طفلة تحب الجميع ...وصوت كالدعاش ..لا تتغير ابدا ..راكزة ..لم تغيرها القاهرة بكل عنفوانها وضجيجها ..ولم تغيرها كندا بكل برودتها وصمتها ..هى يا تماضر شيخ الدين حقيقة تمتص الالم ..وارفة..تحتمل كل الناس بكل عيوبهم ..واتمناها هنا بيننا "فى البورد"..كما هى قلوبنا باقية ..لا تتبدل ولا تتغير..لانها جديرة بالبقاء ..وبالجلوس بيننا لاننا نحتاجها. وامتنانى ميرغنى حمزة
| |
|
|
|
|
|
|
Re: تماضر...ممثلة سودانية...معانا فى البورد...لكن ما انا (Re: عشة بت فاطنة)
|
ياعشة تماضر مستنيانى افرش ليها الدرب برمل التسكع والحكايات الهاطلة ذى مطر عينيها، تماضر حبيب الله جرئية الفكرة واضحة فى طرحها لحد اللذع الجميل تضحكك وهى تبكى، ممثلة بارعة، تجيد الحكى والكلام الحلو، اضافة للبورد مرحب بيك ياطمطم بيناتنا اضافة جندرية حقيقية
وسلمتى ياتماضر اقحوانة البلد البنغنى ليهو
ام واصل ومرافىء
| |
|
|
|
|
|
|
Re: تماضر...ممثلة سودانية...معانا فى البورد...لكن ما انا (Re: Raja)
|
سيد البيت المحطرم بكرى
تماضر مطبولة بى برة وتدق فى الباب وتكورك...وزول سامعها مافى
الواطة ضلمت وشارع البورد فيه كلاب
يعنى انا فعلا يا بكرى قلت ليك ضرتى وكدا...لكن ما لدرجة تعضعضها كلاب البورد...والضلمة والمطرة...وهى صايمة والمغرب اذن ليه ساعتين؟؟؟
كر على يا تمضورتى...حسة بكرى يجيب المفتاح...ويجى...وحنعمل ليك رز بى لبن ولقيمات وكل شى...
بس اتصبرى شوية...بت امى
الضر ملحوق
| |
|
|
|
|
|
|
Re: تماضر...ممثلة سودانية...معانا فى البورد...لكن ما انا (Re: Tumadir)
|
الحبيبة طماطم بت رفاعة و العزيزة الغالية تماضر شيخ الدين كلنا في الهوي شرق . ابدا لم اتخيل ان الترحيب بطماطم الشريفة الانا زعلان منها خالص و لكن الامور يجب ان تسير الي الف خير رغم انف الظروف و الزمن الكضاب. الهام و جعفر بالف خير يا تماضر حبيب الله كيف ماريل و الوالدة و الجدة و الاب ارجو ان يكونوا بالف خير الهام و طه و مني عبد الخالق و جعفر الصغير الذي لن يقول اسما لك غير طماطم طه
| |
|
|
|
|
|
|
Re: تماضر...ممثلة سودانية...معانا فى البورد...لكن ما انا (Re: tmbis)
|
سلاماتتتتتتتتتتتتتتتتتتتتتتتتتتتتتتتتتت ما شفتوا انا سعيده كيف وانا بقرا رسائلكم و انا خارج الخشبه(مع الجمهور) الى البنت الحديقه تماضر شيخ الدين كماعهدناك لك البنفسج.. الاخ بكرى ابوبكر شكرا شديدلقبولك لىولى مبادرتك بوجودsudanese online يازول ملكه سبا حنينه the rain ود قاسم ابو حسين دورنقاس عيدالمنعم سيداحمد دكتوره ايمان ياسيكو الدكتوره بيان ديمقراسى bushramk كمال عباس ابوقصئ ود العجمى مستدام بلدى ياحبوب تبلدى دقنه بكرى الجاك شيرى ميرفت تمبس .فرحت شديد يترحيبكم. ابو مازن وليناانت دائما مميز كصوتك مع تحياتى للصديقه هناء معتصم اذكرك دائما وتجربه الجمام المميزه استاذ الموصلى فى بالى وانت راكب معانا كل يوم فى البص من العمارات لشمبات وتنضم حنان النيل فى المقرن الجندريه ابو مهيار يا ناس بلدى هاله قوتا سلام بدر الدين شنا زمن طويل منعم شوف هذا الاسم يرجعنى ل1991-1992 تاسيسنا لجماعه مسرح شوف وكانت البدايات فى النادى السودانى خلف مستشفى امدرمان وذلك النص الذى فى الذاكره(اننى القضيه فتاه جميله مكسوه بالبياض بونابرت المتهم) ام ساريه شوق كتير خضر زمن طويل ميرغنى حمزه كل الود عامل كدا زى النص المخرج فى دبلوما ام واصل ومرافئ اذكرك دائما وتجربتك المميزه بجامعه امدرمان الاسلاميه رجاء العباسى كالفراشه وهى تمارس مهنتهاابو جعفر ام جعفر لا دا كلام تانى بقيتوا خلفاء كبارشوق مبالغه كل الود لمنى عبد الخالق. كتير شكراللجميع
| |
|
|
|
|
|
|
|