Post: #1
Title: الجــردل....ســنوى
Author: Tumadir
Date: 12-19-2003, 01:55 PM
من المؤسف اننى من ضمن التخصصات التى امارسها...فى هذه الدنيا الماشه
المحاسبه
منه اليه
ارباح وخسائر
ميزانيه
وكل اللبط دى الى مرحلة
الجردل .....سنوى
فاقوم بدون ما اقصد الاحظ..انه عدد زوار المنتدى اتضاعف فى الشهر الاخير من المدى: 50-70) الى المدى (70-90) فى الاوقات العاديه
ومن المدى (90-120) الى المدى (120-150) فى اوقات الزحمه
بدون ما بسالونى القى ليك روحى مضربه...عدد قراء البوستات بمواضيع تتميز بالصراع (اليسارى يمينى) الى (500-1000) فى الاربعه وعشرين ساعه الاولى..
زبها وزى بوستات العزاء والتهانى
بيتما بتراوح قراء بوستات المواضيع الاخرى بين 10-50 فى اليوم..وربما يتوقف العدد
والاحظ ليك انه البوستات ذات الطابع الخفيف..(خفة الدم) والتى تحتوى على اغانى واسماء اعضاء...تقع فى منتصف المحور المعيارى
وليه بس ذنبى شنو..اتبلى بى المحاسبه؟؟؟
المهم باقى لينا تلانه يوم وقالوا فى المثل
اكلوا اخوان واتحاسبوا تجـــــــــار
تعالوا اضبفوا معلومات محاسبيه...ونقديه
عشان لما نرجع (شفتو الجرسه؟) نعرف كوعنا من بوعنا
انا غايتو عارفه كوعى
|
Post: #2
Title: Re: الجــردل....ســنوى
Author: aba
Date: 12-19-2003, 02:05 PM
Parent: #1
والله يا تماضر المشكلة في البوع..
ويظهر إنو المحاسبة مطلوبة علي قولك
بس ده كلو كوم وقطعة الراس كوم..أها كان بقت المسألة أسبوع
بنستحملها..لكن إن بقت أكتر من كده إلا نشوف لينا صرفة..
وجردلك ده دحين ما فيهو( كوز) 
|
Post: #3
Title: Re: الجــردل....ســنوى
Author: بلدى يا حبوب
Date: 12-19-2003, 04:45 PM
Parent: #1
تماضر
واضيف ان الردود بالنسبة للبوستات تقل وتزيد حسب شخصية كاتب البوست
هنالك بوستات حسب رأى تستحق الكثير من المداخلات مع ملاحظة كثرة القراء وقلة او لنقل عدم الردود من البورداب
وجود اكثر من بوست فى موضوع واحد
اخنفاء العديد من البورداب الجدد يكتفى العضو بطرح بوست ضيافة ويختفى وطبعا ده بصراحة اقدر اقول سببها تقصير من العضو وبرضو قد يكون نحن السبب فلاعب الكرة المسجل حديثا يحتاج الى مؤازره وتشجيع .....
كل الامل بعد جرد وارشفة المنبر ان ننتبه للنقطة ده طبعا فى العام الجديد بأذن الله.
شكرى وتحياتى
|
Post: #4
Title: Re: الجــردل....ســنوى
Author: Tumadir
Date: 12-19-2003, 04:50 PM
Parent: #3
صاح يا حبوب
بعدين ظاهرة اختفاء اقلام كبيره بعد ظهورها..فى العلم الادب الثقافه الفكر السياسه الاعلام
دى اخطر الظواهر...فلا يكفى ان يكون البورد جاذبا للقراء ..او المشاركين..
الكاتب هو الاحق بالبقاء حتى تكتمل عملية الاتصال...وتكتمل دائرة المعرفه
|
Post: #5
Title: Re: الجــردل....ســنوى
Author: اميري باراكا
Date: 12-19-2003, 06:27 PM
Parent: #4
العزيزة تماضر
أحلى الأمنيات بمناسبة أعياد الميلاد
أجمل حاجة فيك (السربعة ) والله
الجردل = كلمة جميلة مليئة بالموسيقة والذكريات ودايماً مرتبط (الجردل) بالقماير والفتيحاب والحاج يوسف الوحدة ، وأم بدة
أميري باراكا
|
Post: #6
Title: Re: الجــردل....ســنوى
Author: Raja
Date: 12-20-2003, 04:52 PM
Parent: #1
تماضر الحبيبة..
كل عام وأنتي والجميع بخير..
الجردل السنوي الذي عندنا لاحظ طفشان معظم "هي" من البورد..
"هو" لا يطفش بأسباب مضايقة وإساءة لنوعه..
"هي" تطفش لأن "البعض" لا يستطيع ان يتعامل معها كأسم وأفكار وطرح قضية..
...
.....
وكل سنة و"هي" بألف عافية..
|
Post: #7
Title: Re: الجــردل....ســنوى
Author: zumrawi
Date: 12-20-2003, 05:07 PM
Parent: #1
الفتيحاب يااميري باراكا الله لاكسبك
|
Post: #8
Title: Re: الجــردل....ســنوى
Author: sympatico
Date: 12-20-2003, 05:22 PM
Parent: #7
loo
oooooooooooool@ الجــردل....ســنوى
ابداع والله
|
Post: #9
Title: Re: الجــردل....ســنوى
Author: إسماعيل وراق
Date: 12-20-2003, 05:34 PM
Parent: #8
إنت عارفه يا طماطم
إسم الجرد والله الواحد بخاف منو عديل
جرد الحساب
الميزانية السنوية
ودي كمان في الدنيا والأخرة بتخوف
أخوي زمراوي
أمير باراكا قال
| Quote: الجردل = كلمة جميلة مليئة بالموسيقة والذكريات ودايماً مرتبط (الجردل) بالقماير والفتيحاب والحاج يوسف الوحدة ، وأم بدة |
الزول ده ما تزعل منو هو ذات نفسه من الفتيحاب
|
Post: #10
Title: Re: الجــردل....ســنوى
Author: zumrawi
Date: 12-20-2003, 05:36 PM
Parent: #1
اسماعيل وراق
قول ليه تعال بى جاى نشوفو كان ساكن ياتو مربع
|
Post: #11
Title: Re: الجــردل....ســنوى
Author: إسماعيل وراق
Date: 12-20-2003, 05:40 PM
Parent: #10
زمراوي
حسب علمي الزول ده
رجل في الفتيحاب ورجل في أبو روف
ويا أميري أظهر وبان لزمراوي علشان يفصلك صاح
|
Post: #12
Title: Re: الجــردل....ســنوى
Author: أبو ساندرا
Date: 12-20-2003, 05:46 PM
Parent: #1
الجردل سنوي
امسك المجنون
صورتكل خايف عليها
نحتيات من مخزون ابداع لا ينضب وظرافة مكينة وملفوفة بكرت ونص
انت مؤهلة لراسة تقييمة للبرود على منوال مساهمة عبدالجبار وتسد نواقصها في التصنيف بالنسب لنوع المساهمات وزوار المساهمة والمشاركين فيها بطريقتك اعلاه ، يعني مثلآ : السياسي كانت نسبته30% و...الخ
أعرف ما تبقى من وقت لا يسمح ولكن ضعيها في بالك كإستهلال للمنبر بعد الجردل سنوي
|
|