Post: #1
Title: هوووى يا ناس البورد ... يوم 23 شهر خمسة حاكون تميت معاكم سنه
Author: Tumadir
Date: 05-20-2003, 10:44 PM
Parent: #0
ادونى اجازتى السنوية
والبدلات
|
Post: #2
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: HOPELESS
Date: 05-20-2003, 10:48 PM
Parent: #1
سنه حلوه يا جميييييل
البدلات نديك خمستاشر مليون قلب مليانه محبه
والاجازات ممنوع عشان مافي بدييل يا جميل وخليك في موقع ابداعك
|
Post: #3
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: Tumadir
Date: 05-20-2003, 10:51 PM
Parent: #2
<a href="http://www.sudanaforum.com/cgi-bin/sdb/2bb.cgi?seq=search&str=&usr=tumadir&board=2" target="_blank">http://www.sudanaforum.com/cgi-bin/sdb/2bb.cgi?seq=sear...&usr=tumadir&board=2
شوفونى فى المدة دى عملت معاكم شنو
اول حاجة تدونى بدل سردوب
|
Post: #4
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: Tumadir
Date: 05-20-2003, 10:53 PM
Parent: #3
<a href="http://www.sudanaforum.com/cgi-bin/sdb/2bb.cgi?seq=search&str=&usr=tumadir&board=2" target="_blank"><a href="http://www.sudanaforum.com/cgi-bin/sdb/2bb.cgi?seq=sear...&usr=tumadir&board=2" target="_blank">http://www.sudanaforum.com/cgi-bin/sdb/2bb.cgi?seq=sear...&usr=tumadir&board=2
اخ خ خ ما بتظهر ويب بيج ليه؟؟؟
الفضولى يلزقها فى البراوزر
ابت لى
|
Post: #5
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: HOPELESS
Date: 05-20-2003, 11:00 PM
Parent: #4
بدل سردوب
ووجع ضهر
وضعف نظر
وبعدين انتي البطبخ ليك منو..؟
وبتطبخي متييييين
|
Post: #6
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: رباح الصادق
Date: 05-20-2003, 11:08 PM
Parent: #1
تماضر الحبيبة
كل سنة وانتي طيبة والبورد طيب على حسك
كنت أنا الفضولية يا تماضر، ولكن حرام عليك كيف تريديننا أن نطلع على 3316 بوست- ما شاء الله- ربنا يزيد ويبارك
فعلا تستحقي البدلات كما قال الأحباب
ولكن الإجازة هذه فلي طلب بسيط (نابع عن أنانية محضة) ان تأخديها بعد أسبوعين ثلاثة كدة.. لأني في ذلك الوقت غالبا ما سأضطر لأن أفارق الإطلاع اليومي هذه بسبب الظروف. وفي هذه الحالة فإني أتخذ المثل اللئيم (بطن أمي بعد أطلع منها إنشاءالله...) تأجّّز منها تماضر!
وتقبلي تحيتي
رباح
|
Post: #8
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: abusin
Date: 05-20-2003, 11:40 PM
Parent: #1
Ya Tumadir ana sim3ta hoooooooooi di gail fi 7ariga
|
Post: #9
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: Tumadir
Date: 05-21-2003, 00:09 AM
Parent: #8
شكرا يا هوبليس على المجهود
يا ريتكتتمهم لى كلهم هنا بالمرة ،
بدور اسوى لى ويب سايت
اما حكاية الطبيخ دى ، اسكت اولادى ما يسمعوك ، بطبخ انا وبمشى الشغل انا اجيب القروش انا واشترى الاحتياجات انا ، وانضف البيت انا واغسل الهدوم انا واغسل العدة انا ، واسوق العربية انا ، واعمل العروض انا واكتب فى البورد انا،
اتقسم انا؟؟؟
ابوسن
حسة البسوى فيه دة ما حريقة؟؟؟
رباح
شكرا على انفعالك بى ، وانتى طيبة يا الحبْيبة
لقيت قفاى اعوج ، راجينى بوست التوقيعات اجمعهم وارسلهم
وعندى ناس مفتحة معاهم مواضيع
اظن تاخد ليها اسبوعين تلاتة
بعد داك نأجز سوا
انتى اجازتك السنوية بتاخديها فى بداية السنة؟؟؟ نظامكم ما زى نظامنا
المهم يا ستى ناجز سوا ، والله قال بى قولك لو جيت لقيتك داخلة بى وراى
|
Post: #10
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: بدرالدين شنا
Date: 05-21-2003, 04:02 AM
Parent: #1
بسم الله الرحمن الرحيم
العفيفة/ تماضر
سلام وإحترام
أنا حا أتكلم عن البدلات
نحن عشان نديك البدلات لازم نراجع الخزينة في الأول
زمان قالوا الضباط الكبار الواحد لمن ينزل إجازة بدوهو كرت يصرف ماهيتو من أقرب مركز للقرية وبالعدم المجلس أو حتى الطاحونة
فمشى الضابط لمجلس صغير في حلتهم وأداهم الكرت
بدأ الصراف يحسب ليهو
دي الماهية
ودا بدل السكن
ود بدل الشدة
ودا بدل البعد من أولاد
ودا بدل
ودا بدل
ودا بدل
المهم بحسب في البدلات عاين لقى باقي في خزينتو 50 جنيه
قال ليهو
ودي بدل ما تقعد براها في الخزنة
فيا تماضر ياعزيزتي يعني بكري عشان يديك بدلاتك كلها إلا يرهن البورد دا ولا يديك ليهو وترجعي لينا التلاتة الف الباقية
|
Post: #11
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: Elmosley
Date: 05-21-2003, 05:00 AM
Parent: #1
الحمد لله المازدتيها يومين وكده
كل سنه وانتي معانا طيبه
|
Post: #12
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: أبو ساندرا
Date: 05-21-2003, 05:48 AM
Parent: #11
تيما ،، عقبال تطفي الشمعة الميه ، يا روح المنبر
|
Post: #14
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: ابوحراز
Date: 05-21-2003, 06:20 AM
Parent: #12
بالله التـنـطط دا كلو من بوست لبوست
ويادوبك عام واحد
انا بعدك بشهر بكمل عام
لك التحية ايتها المبدعة
انه عام واحد بحساب السنين والأعوام والزمن
ولكنه مائة عام من الإبداع والتألق
عام واحد أمضيـناه معك
منحـتـيـنا اللقاح وتركـتي لنا الرحيق في مكانه
وغمرتـينا ببوستاتك الرائعة
حتى استغثنا
وارتوينا ولم نرتو
عام واحد 00 نقلتـيـنا الى ابداعك
فشعرنا اننا في قمة النشوة وفي حضيض التواضع
عام ياسيدتي 00 كنا نذهب الى قلمك قبل أن يأتينا
وكنا نبحث عن ريشتك
وعن طعمها
ونكهتها
وذوقها المتفرد
عام واحد 00 شاهدنا لوحاتك المبكية والمضحكة
السريالية منها والتماضرية
عام 00 اختلف فيه الكثيرون معك
وماحيرني فيه
ان الذين اتفقوا معك خلال هذا العام أحبوك بعمق
وأن الذين إختلفوا معك أحبوك أكثر من الذين اتفقوا معك
وعام واحد ياسيدتي
رفعتي لنا فيه سارية السودان
تلصصنا لنراها من البعد ونحن حفاة الأقدام
كانت ترفرف بحرارة 00 ومازالت
وعام واحد 00 اكتشفناك أنك نخلة سودانية
لا تـهزها العواصف والرياح
وفوق هذا وذاك شامخة شموخ الأرز والسنديان والجبل الأشم
عام واحد 00 رقصنا فيه معك على ايقاعاتك الرائعة
وأكلنا كسرتك المعـتـقة
وشربنا وارتوينا من سليل مياهك
انه عام 00 لكنه ليس عام بل قارورة من الإبداع
بل قنبلة من الشوق
نتمنى ان تنفجر في اي لحظة
لتعطر سماء هذا البورد وأهله
|
Post: #13
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: THE RAIN
Date: 05-21-2003, 06:12 AM
Parent: #1
تماضر الفنانة
سنة كاملة ونحن نعاقر عبقرية الحضور، وهى قصيرة بالقياس، لكنها فى عرض الكون، بكل ما نفثتى فيها من ألق وإبداع
تميتى بعد كده الحول يا تماضر، يعنى مفروض تطلعى زكاة البورد،
ولن نرضى بغير المزيد من التوهج منك، فوجودك ها هنافى حد ذاته، زكاة
لنا نحن الفقراء لكم ولإبداعاتكم الجميلة
|
Post: #15
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: ايهاب
Date: 05-21-2003, 06:40 AM
Parent: #13
تومادور
تبين بعد مراجعه الكشوفات و حساب الضرائب
بي انواعها
ضريبه محبه
ضريبه شكل
ضريبه زهج
ضريبه بكاء
ضريبه فرح
و الزكاة
و الاتاوات
والخصومات
و ما شابه
تبين انو ما باقي ليك حاجه
اما بالنسبه للاجازه
فتبين بعد مراجعه السجلات انو اخدتيها بالقطاعي
على دفعات
غايتو الا بدون راتب
و دي زاتا ما في ليك طريقه حاليا
عشان في ناس زينا كدا واقفين في الصف قبالك
و لي حسه ما ادوهم
كل سنه وانتي معانا زي ما انتي يا ام ساريه
|
Post: #16
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: Mutwakil Mahmoud
Date: 05-21-2003, 07:06 AM
Parent: #1
تماضر
ياشمس كل الأشراقات المبدعه
رغم تعب لايعلمه الارب العالمين
وقليل نوم كحل بالسهاد عيني
أستميحك عذرا بأن أصرخ ملء رئتيي عندماأقراء روائعك
بك مازال وطني معافي
كل سنه وأم ساريه طيبه
وربنا يخضر ضراعك
د.متوكل
|
Post: #17
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: shiry
Date: 05-21-2003, 07:41 AM
Parent: #16
سلام مربع
تماضر حبيبة البي
كل سنة وانت بالف خير
والف عافيه لمشاريعك الابداعيه
كل سنة وانت النخله المعطاءة
كلما هزها ابناؤك
جادت عليهم بالعافيه
والنمو .. والحمد
كل سنه وانت تزدادين القا في عيون ابناءك
كل سنة وابناءك واحبابك
وكل كل العالم
يشهد معك ويفرح بنجاحاتك
عارفه حننتيني وانت بتعملي الحاجات دي كلها
ايه رأيك تحجزيني لمن اجيكم هنا
اعمل ليكم السلطه
واخلط ليكم عصير الجزر
غايتو اهو برضو بعرف اسوي
بعض الحاجات من ضمنها طبعا غسيل العده
اهو برضو ايد على ايد تجدع بعيد
|
Post: #18
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: wadazza
Date: 05-21-2003, 07:50 AM
Parent: #17
سنة..يا أنا ؟؟؟؟؟
loool
عقبال تشفى البورد المية...
تحياتى
ودعزة
|
Post: #19
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: elsharief
Date: 05-21-2003, 09:19 AM
Parent: #1
ومزيدا من الابداع فى السنيين القادمه
|
Post: #20
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: keiga2000
Date: 05-21-2003, 09:33 AM
Parent: #19
عقبال مائة عام انشاء الله
|
Post: #21
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: kahin
Date: 05-21-2003, 09:43 AM
Parent: #20
|
Post: #22
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: قرنفل
Date: 05-21-2003, 10:53 AM
Parent: #21
سلام الاخت تماضر
كل ابداع وانتى طيبة اقصد كل سنة وانتى طيبة
|
Post: #23
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: bushramk
Date: 05-21-2003, 11:11 AM
Parent: #1
دخلتى الخدمة المعاشية.....الله يديك الصحة والعافية وراحة البال وتخدرى البورد بروائعك وابداعاتك وتكونى دايما شذاه وعطره
|
Post: #24
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: tmbis
Date: 05-21-2003, 11:35 AM
Parent: #23
100000000000000000000000000000000000
سنة يا ست الكل
|
Post: #25
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: sympatico
Date: 05-21-2003, 12:48 PM
Parent: #24
كل سنة جديدة وانتي طيبة وسعيدة
3320 بوست
فيها المتعة والفائدة والابداع والفعل الخلاق
والمشاركة الانسانية
البسمة والضحكة
والنقد المتبصر في غير ما اجحاف
والتواضع الجم
ت = تواضع
م= ملكة ابداع مميزة
ا= انسانية بلا حدود
ض= ضوء ينير عتمة واقعنا المؤلم
ر= روح شابة وثابة
3320 بوست
لو انك قضيت في كتابة كل بوست خمس دقائق
تكوني قد انفقت
16600 دقيقة
واضعافها في قراءة البوستات
فأنت هنا لأنك تحبين الهنا
ومن هنا يحبونك
مزيدا من الابداع والتألق
دمت لنا
|
Post: #26
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: Agab Alfaya
Date: 05-23-2003, 04:21 AM
Parent: #25
مبروك يا ست الكل
السنة الجاية ان شاءالله مائة عرض
فى مسرح امبدة الاهلى
|
Post: #27
Title: هووووى يا ناس البورد
Author: mohmmed said ahmed
Date: 05-23-2003, 06:27 AM
Parent: #1
عقبال مية سنة من الابداع والتألق يا مبدعة
لكن هى مرت سريع كدة ليه
الغريبة الساعة جنبك تبدو اقصر من دقيقة
|
Post: #28
Title: Re: هووووى يا ناس البورد
Author: فتحي البحيري
Date: 05-23-2003, 09:10 AM
Parent: #27
ولييييييي أمبدة يا عجب الفيا؟؟
معقول سنة واحدة بس
لللا لا لا ؟؟
انا داير اراجع الأوراق ؟؟؟
ولا ياربي يكون ربنا بيعوض فينا عن سنوات الاحتقان والتجمد الانقاذية
الزمن بيتمدد في البورد دا؟؟
زمن سمح
وبيتمدد
يديك العافية يا أستاذة؟؟
وانشاء الله (زي الفول)دايما معانا!!!ـ
|
Post: #29
Title: Re: هووووى يا ناس البورد
Author: bint algazeira
Date: 05-23-2003, 10:25 AM
Parent: #28
تماااضر حبيبة الكل
لك مني كل الامنيات الحلوة وانتي تعبثين بالكيبورد لتمنحينا الكلمات الحلوة والطيبه
تماضر اخيتي ..مافي ليك معاش ولا نهايه خدمه
الا غايتو بكري يفصلك للصالح العام عشان خاطر عيون ناس البورد ماتفقد نظرها وظهورهن ماينحنوا من كترت القعاد قدام الكمبيوتر لقراءة ماتكتبين بلهفه وشوق
لكي مني اجمل التهاني وانتي تقطفين الثمره الاولي من البورد وعقبال مائه ثمرة
|
Post: #30
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: قليبى المهضلم
Date: 05-23-2003, 10:49 AM
Parent: #1
كل سنة وانت اكثر ابداعاُ وتألقاُ
|
Post: #31
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: أبنوسة
Date: 05-23-2003, 02:28 PM
Parent: #30
الغالية تماضر
كل سنة وإنتي طيبة وفي الحقيقة نحن قبيلة البورداب الأحق بالإحتفاء بمرور عام من المتعة والثقافة التي منحتينا إياها
ولو ما خوفي من حميرة عيون عيالك ديل كنا خسمناك بالنبي، وقولنا ليك نموت ليك كان ما كل يوم بوست
ولتظلي شمس يبدأ بها يومنا ولا تغيب إلا لتأتينا بالضياء
وفي إنتظار رفع الستارة
|
Post: #32
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: جدو
Date: 05-23-2003, 03:25 PM
كل سنة وانت طيبة
يا مبدعة
يا أصيلة
يا مسكونة بعشق الوطن وترابه
يا ممتلئة بالروعة والتألق
يا كل معاني الابداع والاشراق
كل الود والاحترام
|
Post: #33
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: zola123
Date: 05-23-2003, 03:56 PM
Parent: #1
تماضر ازيك
happy login day
والا يا ربي نسميه عيد انضمام سعيد؟
ونعمل فيه تهاني زي اعياد الميلاد البتعملها انسانة؟
اشكر الظروف العرفتني بيكي عبر هذ المنبر
وكل عام وانتي متألقة
تحياتي
زولة123
|
Post: #34
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: Abdalla Gaafar
Date: 05-23-2003, 05:01 PM
Parent: #1
العزيزة
تماضر
السلام والود
وانت تكملين عاما من ممارسة كل اشكال التواجد(الفنان) بين الناس حرفا وقولا وصمتا ايضا
كل سنة وانت طيبة
عبدالله جعفر
|
Post: #35
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: artiga
Date: 05-23-2003, 11:50 PM
Parent: #1
شلال الابداع
كل سنة وابداعاتك واحة تظللنا دوماً
فى انتظار ان يجمعنا وطن معافى يسع
كل احلامنا
كل الود
|
Post: #36
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: منعمشوف
Date: 05-24-2003, 01:36 AM
Parent: #35
مرت سنة يا تماضر ورصيدك شحمان ببوستات أنيقة
وأفكار جديدة ورؤية واضحة للكون، علاوة على الحب الكبير
المتبادل بينك وبين رفاق الخشبة، وتمارين الحوار مع من يخالفك
رأياً أو وجهة نظر...سؤالى
ماذا أعدت لنا للعام القادم والذى يبدأ غداً، أتوقع ما يدهش
|
Post: #37
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: عديلة المتوهجة
Date: 05-24-2003, 02:12 AM
Parent: #1
ايتها الموسومة بنقوش الابداع لك التحية والاعزاز
وكل سنة بل كل لحظةوانت مبدعة وناجحة وحلوة كما عهدناك
وربنا يساعدك
اهديك ما قاله عمنا عبد الله محمد خير
يا حلاوة العشرة وكتين تبقى صح صح
ويا حلاة الدنيا وكتين تصفى تفرح
ويا حلاة ليلا معاك مادرنا يصبح
ويا حلاة صبحا تكون انت المصبح
تحياتى للاولاد
|
Post: #38
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: ودقاسم
Date: 05-24-2003, 10:08 AM
Parent: #1
تماضرنا العزيزة
لك التحية والود
كل سنة وانت طيبة
نأمل في رفقتك سنين عددا
فمثلك لا يمل أبدا
ولك ما تطلبين
|
Post: #39
Title: Re: هوووى يا ناس البورد ... يوم 23 شهر خمسة حاكون تميت معاكم سنه
Author: اسامة الخاتم
Date: 05-24-2003, 10:14 AM
Parent: #1
كـل سـنة
و تماضـر تنور حينا
لكى كل الامنيات
و البوسـتات
و الصحة و المسـرات
لك الامسيات الدافئة
و الاغنيات
و لكى... تعلمـين
لكى كل الياسـمين
|
|