Post: #1
Title: دكتور جدو اختفى وين يا جماعة
Author: maman
Date: 10-01-2003, 12:21 PM
منذ مدة لم يطل دكتور جدو في البورد وأوقف مشاركاته.. جمعت بعض المعلومات قبل فترة عن سبب اختفائه فعرفت أنه كان مشاركا في قافلة صحيةتوجهت الى كسلا بعد غضبة القاش للمساهمة في تخفيف معاناة أهلنا بكسلا.. ولكنه ما زال مختفيا.. أين هو يا ترى؟؟ هل غير اسمه الحركي دون علمنا؟؟
|
Post: #2
Title: Re: دكتور جدو اختفى وين يا جماعة
Author: bayan
Date: 10-01-2003, 02:10 PM
Parent: #1
وبرضو بسأل منه وفاقدينوا ربنا يجيبو تانى
|
Post: #3
Title: Re: دكتور جدو اختفى وين يا جماعة
Author: haneena
Date: 10-01-2003, 02:19 PM
Parent: #2
كلامك صاح والله
وينك يا جدو غيابك طــال انسي فواتير الكهرباء وتعال شارك يا أخي
في الانتظار
|
Post: #4
Title: Re: دكتور جدو اختفى وين يا جماعة
Author: حنين
Date: 10-03-2003, 07:36 PM
Parent: #1
انت وين يا جدو ؟؟
|
Post: #5
Title: Re: دكتور جدو اختفى وين يا جماعة
Author: bint algazeira
Date: 10-04-2003, 00:23 AM
Parent: #4
يكون مشي الخدمه الالزاميه ؟؟ولا شنو
سلام ياجدو وينك
|
Post: #6
Title: Re: دكتور جدو اختفى وين يا جماعة
Author: ود عقاب
Date: 10-04-2003, 10:46 AM
Parent: #1
شباب دكتور جدو موجود وبسلم عليكم ولكن الانشغال الايام دى جابوه مستشفى الخرطوم وسوف اوصل تحياتكم اليه وشكر بالانابه عنه ودعقاب
|
Post: #7
Title: Re: دكتور جدو اختفى وين يا جماعة
Author: جدو
Date: 10-04-2003, 09:17 PM
Parent: #6
العزيز جدا مامان سلامات واشواق وشكرا علي السؤال والفقدة ما تفقد عزيز انا موجود بس النت ما متوفر لي زي زمان ودخولي للبورد بقى حاجة كدة سريعة امر علي بعض البوستات ولا اتمكن من قراءتها كلها.... قافلة كسلا كانت جميلة من كل النواحي وكان في نيتي ان اكتب عنها ولكن دوامة العمل جرفتني خاصة انني تغيبت اسبوعا بسبب القافلة
د.بيان كيفنك لعلك عافية متابعنكم بكل الشغف وشكرا علي السؤال
حنينة اخبارك المشكلة فاتورة التلفون ما الكهرباء
حنين حمد الله علي السلامة
|
Post: #8
Title: Re: دكتور جدو اختفى وين يا جماعة
Author: جدو
Date: 10-04-2003, 09:18 PM
Parent: #6
عفوا حصلت الدقسة المعتادة ما طولنا من الكتابة
|
Post: #9
Title: Re: دكتور جدو اختفى وين يا جماعة
Author: WAD ELGAALI#4
Date: 10-04-2003, 09:40 PM
Parent: #8
حمدالله على السلامه وبركه الجيت لكن لازم تحكى عن القافله وكيف كانت وانشاء الله ما يكونو اكلوك فى الحافز بذكر كان عندنا صاحبنا فى زمن الامتياز مشى قافله الشماليه وقافليك على الحافز يشترى من هديه للكيسه بتاعتو وتوب للحاجه والمهم ما خلا زول ما وعدو بى حاجه اها يوم كدا جانى ليك طاير زى الساعه اربعه وشويه ونحنا مارقين من المكتب ماشين البيت قالى ياخى دايرك فى كلمه سر وشكلو كدا ما كان عاجبنى قالى ياخى تمشى معاى سوق ليبيا لى صاحبك فلان قلت ليه فى شنو قالى ياخى العواليق ديل مقلبونى انا مضرب حسابتى على الحافز والماهيه قالو لى الحافز داير ليه تلاته اربعه شهور اما الماهيه فانسى لانك ما كنت مداوم المهم سبا ليهم ومن جاى لى جاى لقطناليه اوفى وعده لكن حلف لمن يموت ما يمشى قافله لحدى ما سميناهو على قافله
|
Post: #11
Title: Re: دكتور جدو اختفى وين يا جماعة
Author: جدو
Date: 10-04-2003, 10:05 PM
Parent: #9
حبيبنا ود الجعلي كيفنك اخوي والله القافلة كانت زي ما قلت قمة الجمال والروعة ورت معاني التضامن والتكاتف وشفت فيها كل المعاني الجميلة وبالمناسبة دي ما اول قافلة نمشيها لي كسلا .الاولي كانت قبل 3 سنة ونحن طلبة .وبعدين القوافل دي عندنا خدمة طوعية يعني ما بنلقى منها ملينة حمرة.. ولا حافز ولا ماهية ولا نثرية .. القافلة سيرها طلاب كلية الطب بجامعة الزعيم الازهري وضمت العديد من خريجي الكلية ومن ضمنهم شخصي الضعبف
|
Post: #10
Title: Re: دكتور جدو اختفى وين يا جماعة
Author: جدو
Date: 10-04-2003, 09:56 PM
Parent: #8
بت الجزيرة ازيك الالزامية لسع ما مشيتها علا قربت بعدين تعالي هني انت صالحتيني من شكلة البالتوك الزمان ديك ولا لسع زعلانة دايرة توديني الالزامية
ود عقاب تسلم يا حبيب وكتر خيرك وبارك الله فيك
|
Post: #12
Title: Re: دكتور جدو اختفى وين يا جماعة
Author: ابن النخيل
Date: 10-05-2003, 05:54 AM
Parent: #10
العزيز جدو
لك التحايا والسلام
سعيد جدا بحضورك الباهى
انا حزين لأن الدمار دخل كسلا من باب الخريف
ولم يدخلها الحب لانه يدخل من باب الربيع
وللفصول عادات تمارسها مع البشر
لكنى سعدت حين هرعت ومن معك لنجدتها
فلكسلا مكان خاص فى نفسى فنحن اصحاب عقيدة
فهنيئا لك زيارة كسلا المنكوبة وهنيئا لها وانتم تضمدون جراحها
فالآن انده حبيبتك وحين تجئ اليك امسك بيدها واطلق خطاك معها
فى دروب المدينة
يابخت الوطن بيكم
التحية للاستاذ مامان فهو عالم من الحب والحنين ومطر لكل المواسم
فلا الغربة ولا الوجوه التى عرف استطاعت ان تبدل هذا الوجه القريرى
الملامح...فهو الذى يتفقدنا عندما تشغلنا مشاغل الحياة
فله الاحترام وكل ما تشتهى نفسه
دوما ابن النخيل
|
Post: #13
Title: Re: دكتور جدو اختفى وين يا جماعة
Author: garjah
Date: 10-05-2003, 08:18 AM
Parent: #12
مرحب بعودتك يا جدو
للحوش الوسيع
وربنا يتقبل تطوعك شان اهلنا في كسلا
اقعد عافية
|
Post: #14
Title: Re: دكتور جدو اختفى وين يا جماعة
Author: maman
Date: 10-05-2003, 10:51 AM
Parent: #1
احتفاءا بعودة الدكتور علي محمد سعيد دفع الله (جدو) للمنبر أهديه وأهديكم القصيدة التي خاطبه فيها والده الشاعر الكبير محمد سعيد دفع الله وكان جدو حينها يستعد لأداء امتحانات الدخول للجامعة يحثه فيها على الاجتهاد
مليت من الغربة آ علي محمد سعيد دفع الله | مليت من الغربية آ علي .. يا ولدي يا ايدي iiاليمين داير الرجوع بس كيف يكون.. وتفكيري فيهو أنا من متين كل ما أقول أصبر شوي.. باكر تكون الحالة iiزين ألقى الظروف يا ها الظروف.. بل زايدة سوء بحلف iiيمين وآخد لي لفتة على الزمان.. ألقاها مرت كم iiسنين لمتين بتتفك القيود.. القاسي قلبها iiمابيلين
جيت فاكر إني أكون سعيد.. بي مال بيجري على اليدين لكنو مقسوم يا العزاز.. رزقا يكون دايما iiضنين والشي العجيب مما وصل .. ولليلي فوق أكتافي دين حسرة وهموم متواليات .. والدمعة يوت هالآبة iiعين نيران مولعي في القلب.. مسكين فقد لضرا iiالأمين كان عيشتو هادية قبل يجي.. وفي بيتو كان قوتو iiاليقين والليلة في الأهوال دوام.. يصرخ ومو لا قي iiالبعين وينك بعدت على ليه.. وانا ليكي كاتلني iiالحنين يا السمحة سموكي القرير.. والناس تجيك من وين iiووين وأنا قمت منك شن أقول.. غير دا المسطر في الجبين يا درة الوطن العزيز .. يا النادرة يا الماليك iiوزين عشمي ومناي أرجع وأجيك.. أنا غير هواك متل iiالسجين داير أكون بين الأهل .. محضون وحاضن أعز iiطين داير حياتي مع الصحاب.. واللقمة مابين iiالعوين
يا "لوبة" شمر للضراع .. واليلي جيت أوصيك iiدحين كونك تقصر ما أظن .. وأنا عارفو طبعك يا الخزين يات من معلم درسك.. شاكرك علم خلقا iiيزين ما عليك خوف ما دام معاك .. زولا مسمى " الزين" iiوزين إنت البتعرف للأصول .. كاسب رضاء الوالدين من قمت درفونا صغير .. ما كنت يوم نيا iiعجين دايما تواظب ومجتهد.. في الجانبين دنيا iiودين ورافع السماوات غير عمد.. داعيهو ينصر وليك iiيعين |
|
Post: #15
Title: Re: دكتور جدو اختفى وين يا جماعة
Author: maman
Date: 10-06-2003, 12:29 PM
Parent: #1
up
|
|