بيان من رابطة مشجعي المريخ

بسم الله الرحمن الرحيم


بيان من رابطة مشجعي فريق المريخ

باسم المريخاب

قررنا في رابطة مشجعي المريخ الاتي نصه

1/ بيع استاد ونادي المريخ الي الجار العزيز بحق الشفعه ابو الهل
2/ تنزيل رتبة جمال الوالي الي جمال المحافظ وكفاية محاكات ناي ابو الهل
3/ قطع اصابع ولسان الصحفي مزمل ابو القاسم لانه ضللنا وقال انو المريخ جعلي الكرة السودانية
4/تحويل لاعبي الفريق الي دوري امطرقا عراض
5/ انتهي العزاء بنهاية مباراة المريخ وعمو حسين داااااااااااااااااي
6/ الاستعانة باحتياطي فريق الهلال في المباريات الخارجية
7/ شراء مشاطيب الهلال هذا الموسم

I’m flabbergasted, but defeats does nothing but getting me closer to the always loved Elmerikh.

العزيز عباس الظاهر عليك امبارح متقل العيار حبتين


انت بتتكلم عن المريخ !!!!!!!!!! عجب والله عجب

الزنجي اخوي العيار المتقلنو كتار الحبتين عند اللزوم ديل

برضو بتقولولي

أخوي عباس .. تحياتي
أخوي رفقا بالجماعة .. لكن فعلاً كانوا يحتاجون بمثل هاتين الحبتين حتى يعرفوا أين يقفون .. يا أخوي فلقونا بالمحمولة جواً دي وناسين إنه عندهم لاعبين مسجلين في كشوفاتهم وبتلاعبوا باسم المريخ والسودان
يا ليت يفيقوا قبل ما يدخلوا دائرة محلك سر الانتخابية
ويظل الهلال هو البطل المتوج بالاجماع السكوتي

تسلم يا أزرق يا عباس ود الكحلي

تسلم يا سيف الله يخليك يا غالي

بس الجماعه عشان تاني ما يرفعو لينا قرنهم ويقولو عندهم كاسات محموله جوا في كمان هزائم محموله جوا من عندهم

يا حليلكم
قلبي معاكم مع الشماتة
واله لا شماتة
هلالابي

ارحموا عزيز قوم ذل
هلالابى

والله ياعباس
اسى لو كنت فى بونا ما بتقول
كلامك دا
لانه كيجـــــــــــــا...بكون لافى بعجلته

وين بالله الشخصية دى انا والله بكون فى قمة السعادة لما المريخ يتغلب
او يغلب..ويكون كيجــــــــــا قاعد فى القهوة ..

واحد قرقور

ابو قوته الغالي

الجماعه ما لبدو تب والله ولا حس ولا خبر

عزيزى عباس شدنى عنوان مقالتك هذه ولكنى عندما قرأتها تهت فى عالم بعيد بحيث اننى تخيلت بان يكون السودان بلا مريخ بل تخيلت افريقيا بللاه ولكنى سرعان ماتزكرت بانه هذا الوطن هو سودان المريخ وليس هو مريخ السودان كما هو حال هلال امدرمان فيكفى يا اخى بان هذا السودان او هذا الفريق قد قدم لكل ريس حكم هذا البلد كأس ابتدا بى سوار الدهب امتدادا الى عمر البشير فيكفى بانه قد ادخل الفرحة الى كل دار سودانى هلالابى كانم ام مريخابىيكفى بانه قد جعل نصف سكان العاصمة اضافة الى بعض اهلنا فى الاقاليم قد زحفو الى مطار الخرطوم فرحة ونشوة برؤية كاس مانديلا وكاس سيكافاوالى ان يحقق فريق ربع ماحققه المريخ فانا اقوووووووووووول بانه سودان المريخطبعا ربعو دى كان قلبتكم مامشكلة بنخلى ليكم واحد فى الماية بس المهم يجب ان تعلموا بان هنالك فريق واحد فى هذه البلدة الا وهو المريخ

العزيز عباس وكل الرشاشات،، المريخ برضو هو المريخ.. قلتو شنو؟!

Just wait for Hilal and Taragi game
and Insha allah alhilal will win

Hilalabi 3la alskken

عباس تحياتي
6/ الاستعانة باحتياطي فريق الهلال في المباريات الخارجية
كأنه خلاص الأساسيين عملوا حاجة

الاخوان الاعزاء

الاخ نور العين انت عارف انو هلال السودان ومريخ العرضه فقط

الاخت رجاء رشاشه رشاشه المريخ كان زمان

مهيد ونحنا علي السكين كمان

ابو شهد لانو المريخ مافيه اساسيين ونجوم الهلال البيلعب والما بيلعب كلهم اساسيين

اتجلي يا هلال

مين تاني زيّك يا هلال
إنت الوحيد غيرك محال
في الساحة اتوهج جمال
إتجلى زيد فينا اكتمال

هلالنا يا غالي الحروف
المارد القاهر الظروف
يا العزول قرِّب وشوف
تاني الهلال ما منو خوف

هلالنا يا أجمل شعار
يا زينة الكون يا منار
ما أحلى فيك الانتصار
تسعد معاك كل الديار

هلالنا يا قلعة كؤوس
بالفوز دوام ترفع رؤوس
الفرحة تدخل في النفوس
تتجلى في دنياك شموس

هلالنا يا تاريخ عريق
يا الحاضر الزاهي العتيق
مستقبلك ضاوي الطريق

هلالنا يا النغم الجميل
يا الأزرق الما ليك مثيل
تواصلك جيل بعد جيل
لي غيرك الحب مستحيل

تحية خاصة للهلالابي - عبد السلام مصطفى عثمان

يا جماعة شوية على المريخاب برضو ديل حبايبنا واخوك لو لقيته مزنوق اقيف معاه وذى ما بقول عادل امام
مع تحياتى
يا عباس

الاخ عباس
و بقية الهلالاب الذين مروا من هنا

تحيات ناصعة

عله من سابلة القول ان المريخ لا يشبهه فى تاريخه و انجازاته اى فريق آخر فى السودان .... و لن اتعدى الحقيقة كثيرآ ان قلت ان امام الفرق السودانية " مجتمعة " زمن و مشوار طويل من الانجازات حتى تلحق ببداية ركب المريخ ، فان نهاية دربه عصية و مستحيلة المنال

يكفى المريخ فخرآ و اعزازآ توشحه بكأس مناضل افريقيا الاول منديلا ، و لو لم يحرز هذا الكأس لكفاه . اسم المريخ " و بالتالى السودان " تم حفره باحرف من ذهب لا يشبه الا المريخ الوهاج فى الاتحاد الافريقى لكرة القدم ...... يقول لكم المريخ هاكم اقرأوا كتابىّ .... ، و ارونى شفعائكم
من الانجازات ؟؟؟
ارونى انجازاتكم ؟؟؟؟ ماذا قدمتم للسودان البلد الواحد

ماذا قدمت الفرق السودانية مجتمعة لهذا البلد الذى لم يعرف " بضم الياء " الا من خلال المريخ ...??? و صدق من سبقنى و قال انه سودان المريخ و انكم هلال ام درمان ، لان الانتماء الى اى اسم و النسب اليه يوجب انجازات تستحق ان تنسب لفاعلها

اما فوز الهلال ببطولة الممتاز بدون هزيمة و بالعديد من التعادلات فيستحق الهلال التهنئة على ذلك بدون شك و لمشجعيه الحق بان يفرحوا و لكن من نافلة القول ايضآ ان المريخ قد فاز بهذه البطولة لثلاث مواسم متتالية .. و نحن محبى المريخ لم نجعل من ذلك اسطورة كما يهلل البعض الآن للهلال .. و لم نجعل من فوز المريخ ببطولة " الدورى " بدون هزيمة او تعادل " قفّل المجموع كاملآ " فى بدايات السبيعينات، معبدآ هندوسيآ يحج اليه السيخ و الهندوس كل عام او كلما ادلهمت بهم الخطوب ... و لم نحتفل فى الموسم الذى تلاه عندما فعلها اشاوس المريخ مرة ثانية و فازوا بالدورى بدون هزيمة و بتعادل " واحد " فقط ... كان الامر عاديآ عند جماهير المريخ التى تعشق الطموح و تعمل له مع فريقها الذى عودها على الانجازات الاعجازية
لذلك و للتخمة التى اثقلت القبيلة الحمراء من الانجازات .. و البطولات محليها و قاريها ... و للكأسات محمولها جوآ من نيجريا و سيكافا و دبى .... و محمولها برآ من منصات التتويج بكل شبر من ارض السودان التى تشبه المريخ فقط ، لا اقول ان المريخ قد توقف عن هذه البطولات و لكن اقول انه قد ملّ من الانفراد و التفرد
و قد يئس من ان يجد له ندآ يجعل لانتصاراته عليه متعة
كان حال المريخ يقول عن نفسه بعد كل هذه السنين من انجازاته
الغير معدودة : اما آن لى ان اترجل ؟؟؟
فترد عليه جماهيره التى تعشقه حد الوله
وين يا معلم ؟؟؟ فمن غيرك يعطى لشعب السودان معنى ان يعيش و ينتصر ؟؟؟

اخوتى

عندما نتحدث عن فريق لكرة القدم فيمكن ان يطرأ على بالك اى فريق سودانى ... " خاصة الفرق الامدرمانية " ، و لكن عندما تتحدث عن فريق كرة قدم سودانى " صاحب انجازات عالية و مدوية داخليآ و خارجيآ " فقطعآ فاننا نتحدث عن فريق واحد لا مثيل له من الفرق السودانية هو " مريخ العز " و تخيل كيف كان يكون حالى لو ما كنت مريخابى و المريخ ده هو سودانى

الغالي سيف كلي

لافض فوك يا اخوي


كوستا العزيز


يا اخوي مريخكم كان زمان لكن اسي زمن العولمه

الأخ العزيز كوستا
مودتي لك موصولة
كلام صحيح ولكم أن تفتخروا بإنجازات المريخ ولكن هناك شيء هام لمريخ اليوم يجب الانتباه له .. هناك خلل والتاريخ الذي سجل للمريخ تلك الانجازات سجل قبلها لفرق مثل النيل وبري إنجازات أفريقية سبقا فيها المريخ نفسه حيث وصلوا الى مراحل متقدمة في البطولات الأفريقية قبل المريخ .. والسؤال هو أين فريق النيل الخرطومي وبري كافينول اليوم ..حدث ولا حرج
هذا الذي نخشاه اذا كان رصيد المريخ اليوم هو التغني بالماضي
أمام كل تلك الانجازات التي ذكرت أحب أن أوضح لك أن الاتحاد الأفريقي لكرة القدم اختار من جميع الدول التي شاركت في بطولاته فريق القرن الماضي .. وفي السودان تم اختيار الهـــــــــــــــــــــــــلال "فريق القرن" ويمكن الرجوع الى موقع الكاف للتأكد من ذلك أما لماذا الهلال وليس المريخ فتلك حسابات يفهمها من يقرأ الحروف بالترتيب المعروف
ولك مودتي .. سيف كلي

يا هلالاب
اها ما صدقتوا انكم جبتوا بطولة
يا ناس ما تنسوا انكم كنت ساكتين السنين القاتت
ودي حال كرة القدم مرة انت ومرة غيرك
والمريخ لازم ينهزم عشان انتو تحسوا بطعم الفوز

بس يا ريت تجيبوا لينا بطولة محمولة جوا
والجايات كتير والتونسيين قدامكم


والكلام دا كلو كان في بطنكم وكنتوا ساكتين
حقيقة المريخ قاهركم

حمزاوي انت عارف انو المريخ خلاص بقي فسيخ

سيف كلي الله يخليك