قمت قبل فترة باضافة اغنية نتمنى للفنانة و الممثلة ستونة المقيمة فى مصر و التى تمثل السودان فى المحافل الدولية كنموذج للغناء السودانى ...لكن والله ما حسيت باى زوق او قدرت افهم شى من اغانيها و اوكلمات اغانيها تكون بتغنى بالاردو يلا يا شباب افتوا لينا فى ستونة دى و غناها http://www.sudaneseonline.com/SudaneseMusic/10.shtml
عمو بكري ..الله يديك العافية امس فقط كنت اتصفح في صفحة الموسيقي .. ووجدت اسم ستونة ..استغربت تمام لوضع اسمها واغنية لهامع المطربين والفنانين السودانيين انا لم اسمع الاغنية التي وضعتها ولكن ستونة دي لو غنت لي زاد الشجون ما بسمعها غايتو.. لاني سمعتها وشاهدتها في احدي القنوات الفضائية ..وكم اتعبني ان اري مثل ستونة تجري معها اللقاءات ..وحنان النيل وهادية طلسم لا يعرف عنهم احد شي غير السودانيين..
بكري عزيزي ..استفيد من المساحة المخزنة فيها الاغنية بمادة او اغنية تعبر عنا كمستمعين
ولكم الود تنقو
09-26-2003, 05:38 PM
aba aba
تاريخ التسجيل: 03-06-2002
مجموع المشاركات: 1993
أخي بكري تحياتي هنالك ميزة تختص بها ستونة وهي الجرءة وإقتحام المجتمع الفني العربي وهذه الميزة يفتقدها الكثير من مبدعينا المتميزين وهي بإمكانياتها الفنية الضعيفة أكثر وجودا من الكثير من الفنانات والسودانيات اللاتي قلما نجدهن خارج حدود الوطن ولو إستثنينا المبدعة رشا التي تنحت وحيد علي الصخر في إسبانيا وأوروبا عموما ما وجدنا أثر لفنانة أخري خارج السودان فلا تعيبوا عليها إجتهادها علي ضعفه وعلاته وأسألوا المبدعات السودانيات أين هم
09-26-2003, 06:26 PM
بلدى يا حبوب بلدى يا حبوب
تاريخ التسجيل: 05-29-2003
مجموع المشاركات: 8047
والله يا بكرى افتكر الموضوع ده مقصود به الاساءة الى الفن السودانى وبينى وبينك حكاية منح الاستاذ الموسيقار وردى لقب فنان افريقا الاول ده اكيد ما بخلوها تمر فطاحلة القناء الشرقى ان صح التعبير وامل من اعلامنا ان يواجه تلك الهجمه الشرسة المقصود بها الاساءة الى الفن السودانى فى زمن اصبح العالم عبارة قرية ويكفينا فخرا انا وردى فنان افريقا الاول ولك تحياتى
09-27-2003, 02:54 PM
altahir_2 altahir_2
تاريخ التسجيل: 11-17-2002
مجموع المشاركات: 3949
الربان وود الحلة العزيز ســـــــــــــــلام هذه الاغنية فى الاصل ليست لستونة وانما هى اغنية من مناطق جبال النوبة لفنان اسمو عامر ليمو بلهجة الليما ويعود تاريخها الى السبعينات على حسب ما علمت . في تقديري اللحن جميل ومتنوع ولكن الاداء والتوزيع إذا جاز لى ان اسميه ،سئ جدا . بالتاكيد الاغنية تعكس التنوع الموجود بالسودان من ثقافات متعددة . ولستونة رغم رائ فيها فضل الإجتهاد في إبرازها مجددا
09-27-2003, 03:05 PM
ترهاقا ترهاقا
تاريخ التسجيل: 07-04-2003
مجموع المشاركات: 10168
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بكرى ابوبكر
aba
بلدى يا حبوب
altahir_2
ترهاقا
فيس بوك
تويتر
انستقرام
يوتيوب
بنتيريست