Post: #1
Title: يا جايه من عمق الألق
Author: THE RAIN
Date: 09-22-2003, 08:05 PM
Parent: #0
يا جايه من عمق الألق مرسومه بى لون الصفا ومسقيه من روح العبق
جايه وحِداك الأغنيات شايله فى إيد الخريف وفى إيدك التانية الوفا كل الدروب مرقت تبارك طلتك تتمعنك مندهشه كيف إنه الفراش إنضم ليك سمّاك حديقه وفيك سرح كيف الكلام حاضن حروفه ومشتهيك سواك حقيقه عشان يحاول يكتبك عنوان فرح
وكيف الشمس نست الغروب لبست ألق جيتك طِرح بدل الشفق يا جايه من عمق الألق
جايه ومعاك الأمسيات نديانه بى معنى الحضور نتقاسم الأيام هدايا شويه ريد وشويه عيد شويه زهرات للفريق وشويه غنوات للصبايا وكل ألوان البريق تشعل تفاصيل الحكايه تعلن صباحك ونشوة الريد الدفق يا جايه من عمق الألق
يا جايه زى لحنا رزين من جوه من بوح الوتر موسق خطاويك بالحنين يا طلتك ضحكة نجيمة بعيدة عاشقه وغمزه فى وجنة قمر يا طلتك إشراقة فى الزمن الضنين شبّال مزخرف بالنجوم موسم سنا وإيقاع مدوزن فى نسق يا جايه من عمق الألق
يا مارقه من ضوء القصيده وطالعه من زهو النشيد نشوان مقام الريده فى زحمة غناى طربان مبلل بى شذاكِ ودمعة الفرح العنيد روّضتى حزن الليل معاى جيتك وطن خليت أساى ومعاكى خلانى الشجن جيتك وطن فتّ المواجع والرهق يا جايه من عمق الألق
|
Post: #2
Title: Re: يا جايه من عمق الألق
Author: abuguta
Date: 09-22-2003, 08:28 PM
Parent: #1
يامطر ياجراى خليتنى احبو براى وانت بعيد ما حداى بس اسمع صوتى وغناى
ياجاية من عمق الالق المطر | يا جايه من عمق الألق مرسومه بى لون iiالصفا ومسقيه من روح iiالعبق
جايه وحِداك iiالأغنيات شايله فى إيد iiالخريف وفى إيدك التانية iiالوفا كل iiالدروب مرقت تبارك iiطلتك تتمعنك مندهشه iiكيف إنه الفراش إنضم iiليك سمّاك iiحديقه وفيك iiسرح كيف iiالكلام حاضن حروفه iiومشتهيك سواك iiحقيقه عشان يحاول يكتبك عنوان iiفرح
وكيف iiالشمس نست iiالغروب لبست ألق جيتك iiطِرح بدل الشفق يا جايه من عمق الألق
جايه ومعاك iiالأمسيات نديانه بى معنى iiالحضور نتقاسم الأيام iiهدايا شويه iiريد وشويه iiعيد شويه زهرات iiللفريق وشويه غنوات iiللصبايا وكل ألوان البريق تشعل تفاصيل الحكايه تعلن iiصباحك ونشوة الريد iiالدفق يا جايه من عمق الألق
يا جايه زى لحنا iiرزين من جوه من بوح iiالوتر موسق خطاويك iiبالحنين يا iiطلتك ضحكة نجيمة بعيدة iiعاشقه وغمزه فى وجنة iiقمر يا iiطلتك إشراقة فى الزمن iiالضنين شبّال مزخرف iiبالنجوم موسم iiسنا وإيقاع مدوزن فى iiنسق يا جايه من عمق الألق
يا مارقه من ضوء القصيده وطالعه من زهو iiالنشيد نشوان مقام iiالريده فى زحمة iiغناى طربان مبلل بى iiشذاكِ ودمعة الفرح iiالعنيد روّضتى حزن الليل iiمعاى جيتك iiوطن خليت iiأساى ومعاكى خلانى iiالشجن جيتك iiوطن فتّ المواجع iiوالرهق يا جايه من عمق الألق |
|
Post: #3
Title: Re: يا جايه من عمق الألق
Author: nassar elhaj
Date: 09-22-2003, 08:46 PM
Parent: #2
THE RAIN ياسلام عليك يا لابسا بشرى المطر لهذا التفاؤل لهذا الفرح لهذه اللغة الندية وهذا الغناء الشفيف
|
Post: #4
Title: Re: يا جايه من عمق الألق
Author: almohndis
Date: 09-22-2003, 09:18 PM
Parent: #3
شكل المطر وابوقوته دوويتو الالق
|
Post: #5
Title: Re: يا جايه من عمق الألق
Author: Elmosley
Date: 09-22-2003, 09:21 PM
Parent: #1
مطر العشم الجميل
|
Post: #6
Title: Re: يا جايه من عمق الألق
Author: dreams
Date: 09-22-2003, 11:16 PM
Parent: #5
صديقى المطر
لحروفك عافية الالق
ادامها الله علينا نعمة الاستمتاع بجميل انهمارك فينا
وربنا يحفظك ويخليك . . . .
:هامش
عايزة اسالك ...وين اصدقاءنا شتات وجبران؟
تسلم
|
Post: #7
Title: Re: يا جايه من عمق الألق
Author: Habib_bldo
Date: 09-22-2003, 11:32 PM
Parent: #6
مطر انهمر بلل ارضنا تحياتي لك وأنت ترسم لوحة فرائحية بكلماتك الوردية حبيبي المطر كلمات بسيطة وأنيقة تحمل الفرح وتحمل الربيع والرياحين والزهور بعبق الغرفل ورائحة الطين في جروفنا أتمنى لو تغنت هذه الكلمات من أحد مبدعينا الفنانين
|
Post: #8
Title: Re: يا جايه من عمق الألق
Author: THE RAIN
Date: 09-23-2003, 09:19 AM
Parent: #1
تحايا صباحية مفتحة
فاتنى أقول أنه الكلام ده إرتبط بذكرى مطرية جميلة، سنة تمانية وتمانين "88" وفى عز المطر العميم وسخاء السماء بكل ما لديها من هبات، إنكتب الكلام ده، وألا ليت أيام الصفاء جديد زى ما قال بن معمر
يعنى نضمى من المرحلة الوردية، وليسامحنا عم بيكاسو على سرقة تسمياته لمراحله وأزمانه، ايام كنا لا شايلين هم ولا عارفين بكره الجايينا
كدى خلونى افلت شويه من مخالب الشغل اللئيم ده، وأجيكم صاد تانى، كلكم بدون فرز، خاصة الفنان أبوقوته الخلاق
شويه كده وأجيكم، ناسى ديل فايرين زى البليله، والله ما خاتيه عليهم الوزيرة الفرنسية ديك كان قالت اليابانيين زى النمل
بجيكم
|
Post: #9
Title: Re: يا جايه من عمق الألق
Author: bushra suleiman
Date: 09-23-2003, 10:47 AM
Parent: #1
عزيزنا المطر الدفاق كلما اقرأ لك شعرا احس بعروقى تبتل ودواخلى تنتعش وتمور فى اعماقى تلك اللحظات النديه.هذا ماكنت احتاج اليه فى صقيع الغربة القاتلة ربنا يديك العافيه ويزيد من زخاتك
|
Post: #10
Title: Re: يا جايه من عمق الألق
Author: THE RAIN
Date: 09-23-2003, 06:33 PM
Parent: #1
أبوقوته
وكأنى بالحروف ترى نفسها الآن مثل حسناوات وقد إرتدين أبهى مافى الحلل والبهرج، وكأنى بها تتطاول أناقة ولونا يدوى بالإبداع
سلمت أيها الرجل الخلاق على هذه اللوحة التى تضج فعلا بجمال يأخذ الروح قبل العين، وأنى لنا نحن "أميو الكومبيوتر" بذلك
انشاء الله تلقى العافية والأيام الطيبة
|
Post: #11
Title: Re: يا جايه من عمق الألق
Author: THE RAIN
Date: 09-23-2003, 06:38 PM
Parent: #1
أخى نصار الصادق
إزدانت ساحة اللقيا بتشريفك لها ولنا بحضورك الشاعرى، والتقدير والمعزة لك أنت تعطر بحضورك الشاعرى جنبات الكلام ايها الشاعر الجميل فعلا
|
Post: #12
Title: Re: يا جايه من عمق الألق
Author: THE RAIN
Date: 09-23-2003, 06:41 PM
Parent: #1
عزيزى المهندس
ويزداد الألق توهجا حين تنضم لنا أيضا، لتتشكل ترويكا نضرة وزاخرة بكل الجمال
دمت دائما جميلا
|
Post: #13
Title: Re: يا جايه من عمق الألق
Author: THE RAIN
Date: 09-24-2003, 07:01 AM
Parent: #1
الموصلى
مشكور يا جميل الوقع على إطراءك الدائم
لأنك الأجمل أصلا
|
Post: #14
Title: Re: يا جايه من عمق الألق
Author: HOPEFUL
Date: 09-24-2003, 07:37 AM
Parent: #13
مطر الخير والتدفق حد الأنهمار والأرتواء يا ضارباً جدب الأيام وراويها هنيئاً لك نفسك المشبعه بكل هذه الأريحيه وهنيئاً لنا تدفقك المنعش
تصدق وتآمن بالله انا ما ملحن بس لقيت نفسي بدون ما اشعر بحرك اناملي واغني في كلماتك وكأنها من اغنيات احد العمالقه
النص يطرب ويسري الي النفس ويفجر فيها احساس اسميه
الجمـــــــــــــــال
|
Post: #15
Title: Re: يا جايه من عمق الألق
Author: THE RAIN
Date: 09-24-2003, 07:55 AM
Parent: #1
dreams
الإصباح بكل وروده وأشعة شمسه المصحوبة بالدفء وما تبقى من عطر الأحلام
لك ومعها السلام
شتات فى البيات
أما جبران فقد إتصل بى بالأمس، بعد أن تعافى من وعكة صحية، وهو بخير الآن
وتسعدى
|
Post: #16
Title: Re: يا جايه من عمق الألق
Author: THE RAIN
Date: 09-24-2003, 10:07 AM
Parent: #1
عزيزى
حبيب بلده وبلدنا
شكرا كتير على كلماتك العذبة الخضراء شكلا ومعنى
|
Post: #17
Title: Re: يا جايه من عمق الألق
Author: THE RAIN
Date: 09-24-2003, 10:18 AM
Parent: #1
عزيزى بشرى
وإنت سيد الكلام المموسق، والموشى بالنغم، تزورنا فيعلو فينا الألق وتطرب اللحظة إحتفاءا بمقدمك الجميل
شكرى والمحبة
|
Post: #18
Title: Re: يا جايه من عمق الألق
Author: Abomihyar
Date: 09-24-2003, 10:34 AM
Parent: #1
تجدني أينما لاحت بروقك أتوسل سقياك يامطر فكن جوادا كما انت دائما
|
Post: #19
Title: Re: يا جايه من عمق الألق
Author: THE RAIN
Date: 09-24-2003, 12:44 PM
Parent: #1
هوب فل هوب ياسمين
يا جمال من حيث أتيت الإسم أو تلاعبت به، تجده مشحونا فعلا بالجمال
أن تتذوق الكلام هو أقصى مافى اللحن من نغم، لذا فإن ترنيمك قد يكون لحنا جميلا، ما المانع، على الأقل ربما يطربك ويطربنى معك
ودمت جمالا
|
Post: #20
Title: Re: يا جايه من عمق الألق
Author: Ahlalawad
Date: 09-24-2003, 01:02 PM
Parent: #1
أباد ذر وأحمد وآمنة – ايها الغيث الهطال ... والله كان شفتها هسع دي – والله وماك طالبني حليفة .. كنت أفكر أن أكتب بوست منفصل عن شعرك وإحساسك المرهف وركنك القصي المليء بالود والهدوء .. تكتب أنفس الكلام في صمت محير ... ما عندي ما أقوله .. شعر صادق ونفس طويل .. الله يزيدك ويعليك .
|
Post: #21
Title: Re: يا جايه من عمق الألق
Author: THE RAIN
Date: 09-24-2003, 04:52 PM
Parent: #1
يا ابا مهيار
وأنا ترانى كلما همت الغيمات ببعض همس، يأت على أكف الرذاذ، أتخير موئلى بين أشجار الجمال الموغل فى إخضراره
أحتضن سيقان الكلام الحانية، وأتوسد حضورك المؤتلق جمالا وطيبة، كما النهر، لألتقيك ويرتدى الحضور معك وبك، بردة المحبة
|
Post: #22
Title: Re: يا جايه من عمق الألق
Author: shatat
Date: 09-24-2003, 06:32 PM
Parent: #1
عزيزي المطر
كيف السكوت ..وكتين حروفك جايه من عمق الالق اشراقه في الزمن الضنين .......... عابر سبيل ..اجازه سنويه ..وهذه الحروف لتؤكد قراءة حروف المطر النديه ..في كل الاوقات
شكرا دريمز للسؤال وشكري للمطر على الاجابه
ولي عوده باذن الـلـه ..........
|
Post: #23
Title: Re: يا جايه من عمق الألق
Author: THE RAIN
Date: 09-25-2003, 09:19 AM
Parent: #1
أهل العوض
وافر الكيل وتلب الشيل فارس الصف وطاهر الكف سرف القيف وبطر الضيف
أستدين كلمات ود البنا، فلعلى واجد فيها ما يليق بأهل العوض، وقطعا هو دين لا يرد، وأنى لى برد دين مثل مثله
الصمت يا صديقى الحبيب، هو أعلى مافى الكلام من معنى، ومن بين فجج بياضه الهادر، تتعالى جميع ألوان القول، هو ذهب الحروف وفضتها أيضا
فى الصمت يا أحمد، تتضامن كل الحواس مع بعضها البعض، لتمارس طقس التأمل فى ميتافيزيقيا السكوت، هناك حيث ترابض كل حقول المعانى
السلام السلام عليك يا أهل العوض والمعزة المعزة متوشحة الود إليك
|
Post: #24
Title: Re: يا جايه من عمق الألق
Author: THE RAIN
Date: 09-25-2003, 09:46 PM
Parent: #1
شتات
قنديل البهجة المضئ فينا دائما
نفتقد وقع "جياتك" الأنيقة، نسأل عنك أيما وقت جميل يمر ليذكرنا بك، على الرغم من أن النسيان لا يأت من أمام أو خلف من يشعون إلفة وحضور صديق
إجازة ممتعة انشاء الله، وكلنا شوق
|
|