Post: #1
Title: رجـاء إلى مخترع الفياجرا
Author: singawi
Date: 09-16-2003, 12:09 PM
Parent: #0
ياسـيـدي المختـرع العظيـم
ياباعـث الفرحـة في المخادع المهجـورة
ومرسل الرعشـة في الأضالع المنخـورة
يا من أثرت في الخليـج والمحيـط
النخـوة الأصـيـلـة
يا من رفعت الراية الجنسية المنصورة
يا سـيـدي المختـرع العظيـم
هذا رجـاء شاعـر
ينوح لا على شباب سيفـه
لكن على أمته القتيلة
يا من صنعت بلسماً
قضى على مواجـع الكهولة
ونشط الفحـولة
أما لديـك بلسمٌ
يعيـد في أمتنـا الرجـولة ؟
د/غـازي القصيبي
|
Post: #2
Title: Re: رجـاء إلى مخترع الفياجرا
Author: قلقو
Date: 09-16-2003, 12:27 PM
Parent: #1
سنجاوى
والنـداء موصـول لمخترع الفياجرا السودانية
الأم جغوغة
اكيدسمعت بيهاوبتعرفا؟ وانت السنجاوى
|
Post: #3
Title: Re: رجـاء إلى مخترع الفياجرا
Author: Ahlalawad
Date: 09-16-2003, 12:47 PM
Parent: #1
يا سلام يا سنجاوي
القصيبي الشاعر الصنديد
يكفي أنه قال
أزف الفراق ، فهل أودع صامتا
أم أنت مصغ للعتاب فأعتب
قلقو إذن أنت من عروس الرمال حيث منابت ومعاصر السمسم
أدونا فندكم ندق ونديكم
|
Post: #4
Title: Re: رجـاء إلى مخترع الفياجرا
Author: قلقو
Date: 09-16-2003, 01:02 PM
Parent: #3
الحبيب اهل العوض
خلاص قمنا للشحدة
انا جنى وجن الزول البشحت منى حاجة وما بيرجعاوخاصة الحاجة دى لو كانت فندق
كلو الا الفندق
لكن لو حترجعو مليان بأم جغوغة فمرحبا بك وبأم فياجرتكم
|
Post: #5
Title: Re: رجـاء إلى مخترع الفياجرا
Author: Ahlalawad
Date: 09-16-2003, 01:07 PM
Parent: #1
يا قلقو
كمل الأغنية للنهاية
ندق ونديكم
تدقو تدونا
يعني يحلها الشبكا .. شبكة لي رب السما ، إلا كان يحلك الحل بلة من القيد والذلة
|
Post: #6
Title: Re: رجـاء إلى مخترع الفياجرا
Author: Raja
Date: 09-16-2003, 01:14 PM
Parent: #1
الأعزاء سنجاوي وقلقو واهل العوض.. بأمانة ده بوست ... كده..
قلقو انا سمعت بأم جغوغة ، ووالله انا ما من الحناكيش.. ياريت تقول لي او تذكرني هي شنو؟.. وتاني الكعوبية ليك شنو؟ ما تدي اهل العوض فندقكم....
سنجاوي.. القصيدة جميلة
|
Post: #10
Title: Re: رجـاء إلى مخترع الفياجرا
Author: Najm
Date: 09-17-2003, 07:51 AM
Parent: #6
رجـــــــاء
تعرفي البقنيه ؟
|
Post: #13
Title: Re: رجـاء إلى مخترع الفياجرا
Author: Raja
Date: 09-17-2003, 03:11 PM
Parent: #10
Najm
او من تكون.. لا والله ما عارفاها برضو.. ياريت كده تسأل لينا الست الوالدة اكيد بتعرفها.. وقول لينا للإفادة
|
Post: #7
Title: Re: رجـاء إلى مخترع الفياجرا
Author: Ahlalawad
Date: 09-16-2003, 02:27 PM
Parent: #1
الأستاذة رجاء ... ام جغوغة في ظني المتواضع هي العصارة الأولى من السمسم الذي يتم عصره بالمعاصر اليدوية .. فتكون عبارة عن مادة تقيلة دسمة تتكون من الدهن والسمسم في آن معاً ... عند الاستعمال يضاف لها السكر فتكون شهية . فهي والحال هكذا ، مفيدة ، خاصة للمرضى في مرحلة النقاهة . لست من أهل تلك الديار السعيدة إلا أني أنقل ما سمعته ممن رأي .. وليس من رأى كمن سمع ، والله أعلم
|
Post: #8
Title: Re: رجـاء إلى مخترع الفياجرا
Author: قلقو
Date: 09-16-2003, 02:45 PM
Parent: #7
اختنا الأستاذة رجاء
حبيبنا اهل العوض
ياراجل وصل المعلومة مكتملة
يعنى شنو الأم جغوغة مفيدة للمرضى فى مرحلة النقاهة؟
قول ياراجل ومابتجيك عوجة
|
Post: #9
Title: Re: رجـاء إلى مخترع الفياجرا
Author: singawi
Date: 09-17-2003, 07:03 AM
Parent: #1
العزيز قلقو
حبابك ألف
شوف أنا كنت ناوي اختبيء وراء عبارتك البتقول فيها - اكيد انك بتعرفها وانت السنجاوي - ولكن فضلت الصدق .. طول الاغتراب فيما يبدو بدأ يمسح مناطق حميمة من الذاكرة .. تعرف أم جغوغة دي حسيت بيها كلمة أليفة وشبهها دا ما غريب علي لكن شفتها وييين وييين وييين ياربي يا سيدي .. ياحليلي .. ولكن بعد وصف حبيبنا أهل العوض تذكرت أني أعرف هذا الموصوف وهو من أحب أكلاتنا في زمن الجهل ولكن كنا نعرفه بإسم آخر .. المصيبة حتى الاسم الآخر تبخر من ذاكرتي الخربة وان كنت لازلت أذكر شكل الموصوف وطعمه .. وبالطبع أذكر الطاقة التي كان يمنحنا لها فنسابق الأرانب ونطارد القرود من فرع إلى آخر .. الكلام وقع ليك
لك الود
أسمع يا قلو اتذكرت كنا بنسميها مـزززززة
حبيبنا أهل العوض
شكيت محنك علي الله
ما عجبك من شعر القصيبي إلا المثال دا
هدي اللعب
ودردق الكورة دي بشييييش
يعني اللعب أرضي بس أي شوتة عالية فاول أو بلنتي
تحياتي
العزيزة رجاء
جمل الله أيامك .. القصيبي شاعر فنان يمتلك أدواته ويحسن استعمالها
يجيد السهل الممتنع
ويعرف طريقه إلى الدهشة
تحياتي
|
Post: #11
Title: Re: رجـاء إلى مخترع الفياجرا
Author: قلقو
Date: 09-17-2003, 08:52 AM
Parent: #9
الأحباء رجاء
سنجاوى
اهل العوض
رد الله غربتكم جميعا سالمين غانمين حتى تلهطو ام جغوغة وام فتفت وام اربعة واربعين كمان فوق البيعة
الأخت رجاء..اظن العزيز سنجاوى وصل ليكى المعلومة التى ضن بها عليك حبيبنا اهل العوض.
فاهمة يارجاء طاقة لمسابقة الأرانب ومطاردة القرود..والمعنى فى بطن الشاعر
ودمتم جميعكم
|
Post: #12
Title: Re: رجـاء إلى مخترع الفياجرا
Author: Raja
Date: 09-17-2003, 02:09 PM
Parent: #1
الأعزاء الأفاضل قلقو وسنجاوي وأهل العوض.. ألف شكر على التكرم بهذه المعلومات الوافية والشافية عن أم جغوغة...
|
Post: #14
Title: Re: رجـاء إلى مخترع الفياجرا
Author: Najm
Date: 09-17-2003, 06:38 PM
رجـــــاء
أي نعم...نجم
سألت الحـــاجه الوالده حسب اقتراحك ..
فأجابت ثم أسهبت ...
فالبقنيه..الشربوت..والدكاي..جزء من ثقافة البديريه
يمارس في افراحهم و مناسباتهم السعيده
اجابت واطالت فهي بديريه دهمشيه بت عم أبوي.
سألتني لماذا اقحمتيها في الاجابه علي السؤال..
انخلعت؟؟؟ لكن حدثتها عنك والقاهره..السيده زينب والازهر الشريف..
سألتني هل تقيمين وحدك في القاهره ولا معاك الوالده لانه عندها سؤال محول ايضا للوالده
|
Post: #15
Title: Re: رجـاء إلى مخترع الفياجرا
Author: Raja
Date: 09-17-2003, 06:51 PM
Parent: #1
الأخ Najm
تسلم يا ذوق على المعلومة الجديدة.. وشكري من خلالك للوالدة.. ونعم اسكن في القاهرة مع والدتي التي لم افارقها إلا أيام سفريات العمل.. ونحن في انتظار سؤالك المحول..
|
Post: #16
Title: Re: رجـاء إلى مخترع الفياجرا
Author: بدرالدين شنا
Date: 09-17-2003, 06:57 PM
Parent: #1
بسم الله الرحمن الرحيم
المحبوب سنجاوي
سلاااااااااااام بقوة الفياجرا
يسمع منك رب العالمين ويرفع عباءات العروبة المسبلة
قلقوا
سلااااااام
Quote: خلاص قمنا للشحدة
انا جنى وجن الزول البشحت منى حاجة وما بيرجعاوخاصة الحاجة دى لو كانت فندق |
غايتو أنا رجعتو ليك قبل كدا
|
|