Post: #1
Title: جديد..شديد..محلات بلنجه البورديه للشكلات المرضيه
Author: مراويد
Date: 09-15-2003, 10:48 PM
Parent: #0
بشرى لزبائننا فى البورد,وبناء على الطلب العالى نفتتح محلاتنا ذات العروض المغريه..بادارة بلنجه المتخصص فى اللبط و العكلته.
خدماتنا:
*تنظيم وقج الشكلات بانواعها,شكل شفوت, شكل مثقفين او ادعياءها,حراق روح,شكل عدم شغله او الغلبااو الغلبو حالو جا يأدب البورد..
*حشد المؤيدين لو الشكله عندها موضوع ولا لأ, مؤيدينا يتميزون بسلاح كسر رقبة الكلام,اللياقه و الجلاطه ويحكوها لمن تدخن,ايضآ نوفر حماسى الطار الذين كلما بردت العنكبه سخنوها فى بوست تانى,حسب الطلب يمكن توفير شكلات فرعيه,حماسي الطارمتخصصون فى ابراز تاريخك الناصع و سيرتك الباهرة كان عندك و لا ماعندك, كلو متوفر عندنا.
*ظروفك لا تساعد على خوض المعمعه شخصيآ؟ نحن نتسدر ليها وبنلقى طريقه نحشر فيها.
*قدراتك الشتائميه ضعيفه..لا تقلق,لدينا قاموس جاهز لكل المناسبات
والدفاس,من اجى و سجمى مرورا بيا حمار وقذر انتهاءآ بيا ابستمولوجى
فى حالة زنقتك وو جدت نفسك واقف حياطى,ندعمك بقوات يا جماعه باركوها,انحنا اسره واحده, و خلاف الراى لا يفسد الباميه
عزيزي..عزيزتى..لا تهمنا دوافعك او اسباب ضيقك..تهمنا راحتك وملأ
فراغك العقلى والعاطفى,وتفريغ شحنات احباطك
شعاراتنا:الاختشو ماتو
عدم الشغله بتعلم ال.....
بوردآ ما بوردك جر فوقو وسخك
الما بتلحقو...
للاتصال:
[email protected]
[email protected]
[email protected]
|
Post: #2
Title: Re: جديد..شديد..محلات بلنجه البورديه للشكلات المرضيه..to Fathi and senti
Author: مراويد
Date: 09-16-2003, 12:16 PM
Parent: #1
Hi we have enough of it..........
don't you have any other thing to do....
fikooooooooonaaa min algaraf daa
|
|