Post: #1
Title: **اربعة **
Author: tmbis
Date: 09-14-2003, 10:55 AM
بفــــرح بيهــــــــــا
الكلمـــــات : الفــــاتح عظيم
التنفيــــذ : الهــــادي حـــــامد
|
Post: #2
Title: Re: **اربعة **
Author: الجندرية
Date: 09-14-2003, 11:06 AM
Parent: #1
تمبس
بطل الدغالة ونزل لنكات الحفظ
|
Post: #3
Title: Re: **اربعة **
Author: Ahlalawad
Date: 09-14-2003, 11:07 AM
Parent: #1
ياخ الجبل دا جاب ناس خطيرين جدا
الهادي دا و الطيب مدثر
وبرضو جاب بابكر موسى
شكرا يا تمبس .. يا خطير
|
Post: #4
Title: Re: **اربعة **
Author: haneena
Date: 09-14-2003, 11:19 AM
Parent: #3
تمبس يا أخوي
عاد الغنية والصورة ما ياها الشفتها قبل دقيقية
الواحد إلا يحرس بوستك دة ولا تنشل الغنية والصورة وتنزل غيرها
أها نزل خمسة سريييييع...الغنية السمعتها أول...كااااااربة
وفعلآ غتاتاتك كترت الايام دي
بتموت يوم من الغتاتة يا زول
لنك الحفظ سريييييع
حنينة
|
Post: #5
Title: Re: **اربعة **
Author: Dafi
Date: 09-14-2003, 04:06 PM
Parent: #1
بفرح بيها
بفرح بيها
البنيه الهاجده في احضان خواطري ..البشتهيها
بفرح بيها...بفرح بيها
البنيه اللامست ايد السعاده..وضجت الاشواق عليها
الحبيبه..الايقظت
نبض الحروف ..في قلوب صدر الكلام
القريبه..الزيي لي
في عيونها برتاح الهيام
دي الشوقها نص الليل بصحي
غامض الغمضه وجليها
وبفرح بيها
ليها بتحن القوافي...فيها تندس المرافي
الجمال الشايفو فيها
في رحاب دنيتنا مافي
جايه من فوووووووووووووووووق البنيه
جايه من فووووووووووووووق البنيه
جايه من فوق يا تمبس
اول عهدي بالحنين
سنة تلاته وتسعين ..ديم النور ..بورتسودان
الملاريا..كانت .مستعمراني..راسي ملاريا..صدري ملاريا..جلدي ملاريا
مشيت ومعاي ..قريبتي ..لي بيت عشه..بياعة المديده
بتبيع مديدة حلبه كاربه..تزبطها ليك بالزبيب والعسل..والسمنه حسب الطلب
ولدها..كان بلبس في الشنكارات ..وخلاص مارق للكوره..ومسجلو الناشيونال..شغال..في اللحظه ديك انا كنت ماسك الكوريه لي خالتك عشه وهي تغرف
بفرح بيها..وهي تغرف
في عيونها برتاح الهيام..وانا ماسك الكوريه
جايه من فووق البنيه..وهي تغرف
بعد شويه بي خجل كده قالت لي
يا ولدي.الكوريه اتملت خجلت .وقعدت اوضح ليها
هي مفتكراني..داير زياده
وانا مادي كوريتي سرحه مني ساااااي
وغرقان في الحنين
يا اخوانا امسكو مني تمبس ده
!!
انا بجر ليك البتاع داك في نص البورد والله
طلعت بتاعنا زاتو
انا الجابنا البورد ده شنو!!!!!؟
|
Post: #6
Title: Re: **اربعة **
Author: الجندرية
Date: 09-15-2003, 08:24 AM
Parent: #1
تمبس
نزل اللنك احسن ليك
دافي ... يا حنييييييييييييييييين
ماعارف الجابك البورد شنو ؟
جابك الخلاك انت ودكين تسكبان غيم حنينكما مطراً هاطلاً بالاشواق والذكريات المُعذبة.. وتثيران حنين الجميع
محبتي
|
Post: #7
Title: Re: **اربعة **
Author: tmbis
Date: 09-15-2003, 10:28 AM
Parent: #6
الجندرية
العالم نزع سلاح التهديد ..وبيقاوم في الارهاب .. الايام دي الناس كابة حنين ..ردم حنين شديد جدا ..كابه حنين كب شديد ..لوووووووووول علشان كده ح انزل ليك الكود بكل حنية وتوبة تاني كان نسيتو .. ان شاء الله يعتر لي حنين في سكتي ويرميني انا في الواطه ان شاء الله.
حنينة :
حمد الله ألف علي السلامة وليك اللنك مشاركة ..مع الجندرية .. خوفا من الأرهاب الجندري .. وخمسة طبعا لسه في الفرن ..
أهل العوض :
يازول والله الخطير انت عديل كده .. تتخيل قاعد احنس في الطيب مدثر ..لي يومين عندي ليهو شريط مجنون جن .. اما الهادي ده ..فحكايتو حكاية .. العجب كان لقيت ليهو حاجه بالعود ..والله النوم البنوموهو الناس ده يغلبك .. بس شيل لي الصبر يا زول .. بمتعك فيهو ..
|
Post: #8
Title: Re: **اربعة **
Author: hala guta
Date: 09-15-2003, 02:25 PM
Parent: #1
تمبس
.... الحنين دة ما غتس حجرنا لكن
يديك الفى مرادك ويفتحها عليك محل ما تقبل
ويرجع الكل سالمين يارب ...حيلنا اتهد زاتو من الحنين دة
|
Post: #9
Title: Re: **اربعة **
Author: Dafi
Date: 09-16-2003, 08:54 AM
Parent: #1
البوست ده ..كان ماشي وين!!!!!!!!؟؟؟؟
فوق
فوووووووووق بس
وجايه من فوووووووووووق البنيه
|
Post: #10
Title: Re: **اربعة **
Author: Amin Elsayed
Date: 09-16-2003, 12:05 PM
Parent: #9
up...up
|
Post: #11
Title: Re: **اربعة **
Author: bushra suleiman
Date: 09-16-2003, 02:21 PM
Parent: #1
ياتمبس يافنان
ارقامك دى بقت طوالى تجر الزول من رجليهو تقول محوطها،تووش الواحد داخل والحنين يندفق جرادل جرادل،غايتو يومين تلاته ماحنلقى لينا كباية حنيه نكبها
الهادى اديتو اغنيه اسمها وعد المستحيل وهى ملحنة وجاهزه مفروض تكون فى أخر شريط ليهوماعارف نزل واللا لسع فلو عندك باتمبس بالله شوفا لى يديك العافيه
|
Post: #12
Title: Re: **اربعة **
Author: tmbis
Date: 09-16-2003, 06:12 PM
Parent: #11
هالة
من عندك ولي فوق يا باشمهندس ..ولي فوق خالص ..بس بحزرك من حنين اليومين دي .. لانوبيعمل التهابات حاده .انا بعرف واحد صاحبي عندو وجع حنين من يومين لحدي الان ما بقي كويس .. المسكين راقد من اليوم داك وشغال بندول بس
يا دافي .. بجيك والله استناني .. كتر لي المكرونة بس ..لوووووووووول
امين السيد
انا برضو مستمتع ذيك كده ..تتخيل ؟؟
أستاذ بشري
عندنا فكرة نخلي الارقام زوجية ..علشان الجرجرة تكون بي نفس
وعد المستحيل دي بالمناسبة ..سمعتها قبل فترة تقريبا في بداية تلحينه بالعود وما كانت اكتملت بس الكلام ده قبل فترة ..وللاسف الكاسيت المعاي ديل كلهم ما فيهم العمل ده ..لكن بوعدك مجرد ما اتحصل عليها باي شكل عود ..او ..أوركسترا بنزلة ليك .. ودي فرصة عظيمة يا استاذأنو الرقم اربعة يصطاد لينا الاحساس البيكتب لي الهادي الفنان جدا .. وشكرا الاحساس المتمثل في شخصك ..ومدام كده دي أكبر مناسبة
وطلب خاص جدا وشحدة عديل
أنو تنزل وعد المستحيل نصا في هذا البوست
ممكن ؟؟؟
|
Post: #13
Title: Re: **اربعة **
Author: bushra suleiman
Date: 09-16-2003, 07:53 PM
Parent: #1
حاضر ياتمبس ياغالى
هاك الكلمات عليك انت تفتش اللحن،انا سمعت انو الشريط جاهز فى جده عند ناس فرسان وكان ده فى1999
وعد المستحيل
انا كنت قبلك لاغريب
ولا كنت عارف لى دار
لاعرفت معنى الدهشه كيف،
ولاضقت طعم الانتظار
صدقت وعد المستحيل
وبنيت على الاوهام مزار
****
وقلت اغنى..
صوتى ضاع وسط الزحام
كانت الاحزان معاى
فى سكتى وجوه الكلام
لاالهوان قادر عليهو
ولاالفرح فى حضنى نام
*****
وجيتى فى زمنى الحزين
شاره للترحال بدايه
الخطى التواهه لاقت
والامانى علينا جايه
لاالزمان حسيت مداهو
ولاحروفى لقت نهايه
|
Post: #14
Title: Re: **اربعة **
Author: tmbis
Date: 09-16-2003, 08:32 PM
Parent: #13
استاذ بشري سليمان
شكرا جزيلا
شكرا
ضربت وتر الشوق حسع دي .. وبديت استرجع ..
سمعتها في بداياته ..تقريبا 95 لسه جديدة كانت ومعاها ...وصوني ليك
يا سلام ..علي صديقي ..أمير ..اذا ضحك كان بيتغمص الهادي .. واذا عزف بيسراه يعزف الهادي ..واذا غني هو والهادي ..وعد المستحيل ما بتفرقو من الهادي ..
اعتمد علي ياستاذ
في اقرب فرصة بتنزل هنا ده
وشكرا للنص مرة تانية
|
Post: #16
Title: Re: **اربعة **
Author: OmDur
Date: 09-18-2003, 05:19 PM
Parent: #14
تمبس يازوووق
بداية بتك السمحة دى
اسلوبك فى التعامل وقلبك الكبير
كلماتك فى المنتدى
الناس تعيد وانا اشخبط الحيط
نداءك لدافى وكلماتك لشيرى
اهداءاتك للمرهفين الجوة .. وناكر شفاى
قرنفل البيستاهل الضبايح وملاهاتك على كحلوش
اخوكم تمبس ياناس
فيك محنة باينة بين حروفك
اخيرا .. لا اخر
بفرح بيها
كل شئ منك ليه تميز
ربنا يحفظك يا تمبس
|
Post: #20
Title: Re: **اربعة **
Author: tmbis
Date: 09-20-2003, 03:18 PM
Parent: #16
امدر
دايما بتحفزين بي عباراتك الجميلة
وتدخليني في مكان ضيق أوووي
الثبات في القمة أصعب من الوصول إليها
بتمني دائما أكون في مكاني الطبيعي
أمنيةفي الخاطر
ربنا يوفقك يا أمدر
تمبس
|
Post: #15
Title: Re: **اربعة **
Author: Abd-Elrhman sorkati
Date: 09-18-2003, 01:58 PM
Parent: #1
العزيز timbs
لك اطنان الود وربنا يحفظك بصراحة دخلتني في جو جميييييييييل
ولذذذذذذذذيذ يديك العافية وبالمناسبة المعلومة لك والاخ بشري
أغنية وعد المستحيل ضمن أغاني شريط يا قهوتا وهي من الاغاني الحلوة
دمتم
|
Post: #17
Title: Re: **اربعة **
Author: bushra suleiman
Date: 09-18-2003, 06:08 PM
Parent: #1
اهو خلاص ياتمبس مشكو اخونا سوركتى قال انو وعد المستحيل فى شريط قهوتا،يبقى عليك تشوف لينا الشريط وبالتوفيق ياجميل
|
Post: #18
Title: Re: **اربعة **
Author: tmbis
Date: 09-20-2003, 11:27 AM
Parent: #17
تعرف يا سوركتي
المدينة انا منزلة من شريط يا قهوتــــا
وللاسف مافيهو وعـــد المستحيل
لكن
يا ساتاذ بشري وعد المستحيل
لقيته في شريط كامل بي عنوان الاغنية
وعد المستحيل
أن شاء الله ح انزلة بس عندي مشكلة في الشبكة الداخلية الخاصة بينا في المكتب ..وفي اقرب فرصة ح انزلة
بس التسجيل ما عاجبني لانو يظهر أنها نزلت من فترة طويلة
شكرا يا سوركتي ..وأرجو أن احمل لك كل الاشياء الجميلة
تمبس
|
Post: #19
Title: Re: **اربعة **
Author: قرنفل
Date: 09-20-2003, 02:41 PM
Parent: #18
سلاااااااااااااااااااااام
انا ذاتى بفرح بيها
لك عطر القرنفل
|
Post: #21
Title: Re: **اربعة **
Author: WAD ELGAALI#4
Date: 09-20-2003, 04:09 PM
Parent: #19
يا تمبس والله انت مسكون ياخى انت بتختار الحاجات البتكتل دى كيف اكيد دى المورده العملت فيك كده وسقتك كل الحنيــــــــن دا الله يديك العافيه
|
|
