Post: #1
Title: مـدحة شايقية
Author: سودانوبس
Date: 09-14-2003, 09:59 AM
صلاة الله الأعظم على النبي المكرم
أداء صديق منصوري
كلمات الشيخ
حاج الماحي بن محمدبن الشيخ أحمد بن عبد الله.. المتوفي في عام1871م
المولود بقرية( الكاسنجر)و..
تهدي للأخوة والأخوات البورداب
وبصورة خاصة الي زول بلدياتي حردان مني وأنا ما قلتا ليهو شي
صديق منصوري
سودانوبس
|
Post: #2
Title: Re: مـدحة شايقية
Author: ود العجمى
Date: 09-14-2003, 10:20 AM
Parent: #1
حلوة جدا
ويا ريت ترفع لينا البراق ولا البراك بتاع الميرغنية
وتدينا نبذة عنو لأنو بيتقال فى المقابر وفى اثناء العقد فى الأعراس
ولو فى باشى فى الحلة برضو بيتقال
لك التحية
|
Post: #3
Title: Re: مـدحة شايقية
Author: سودانوبس
Date: 09-14-2003, 12:11 PM
Parent: #1
يا ود العجمي
لو في باشي في الحلي
وليس باشي في الحلة
|
Post: #4
Title: Re: مـدحة شايقية
Author: ود العجمى
Date: 09-14-2003, 12:20 PM
Parent: #1
يا زول
اوهو. اوهو. اوهو. سب فوقك
عملتها بيدى كمان
انت يا زول ممسوخ كدى مالك انت شايقى ؟
|
Post: #5
Title: Re: مـدحة شايقية
Author: ود العجمى
Date: 09-14-2003, 12:21 PM
Parent: #1
يا زول
اوهو. اوهو. اوهو. سب فوقك
عملتها بيدى كمان
انت يا زول ممسوخ كدى مالك انت شايقى ؟
|
Post: #6
Title: Re: مـدحة شايقية
Author: ملكة سبأ
Date: 09-14-2003, 12:29 PM
Parent: #1
الف صلاة وسلام على الحبيب
والشكر ليك ياسودانوبس
|
Post: #7
Title: Re: مـدحة شايقية
Author: سودانوبس
Date: 09-14-2003, 12:47 PM
Parent: #1
تسلمي يا ملكة سبأ زولتنا
................
ما خلاص حشينا تمرنا.. والتمر ما شاء الله كان شايل السني دي.شديد فلازم نمدح وكدة نشكر على النعمة
............
بنيتي الصغيرة سنة88
كنا نازلين البلد وراكبين بوكسي من كريمة جايين جاي على الحامداب عكس خط السكة حديد أول ما تقطع عقاب الشرق ديك والبوكس ينحدر في اتجاه البحر من العقبة من فوق يطالعك نخيل الكاسنجر الغزير... السنة ديك كان شايل جنس شيل.من العقبة تشوفو اصفاااار.. قلنا بختنا نقضي اجازة كلها معصودي في معصودي مع القهوة ومع الشاي وبعد الفطور وبالليل.. المهم النكتة ما قلتها
بتي من العقبة لما شافت سبيط التمر في أموقالت
ناسكم ديل مغفلين شوف يختوا التمر في شنو..؟ نحن في الثورة نختوا في التلاجة..قلتا ليها مغفلة أنتي يا بت..ال..؟
دا اصلو كدة في أمو أنتو هناك بيجيبوهو ليكم جاهز.. وبعدين تمر حلو زي دا في أم درمان كان كسرتي رقبتك ما راح تلقيهو.لأنو التجار يملحوهو عشان يستوي مما يغير طعموا
فلا زم نمدح يا استاذة ملكة سبأ
صديق منصوري
|
Post: #8
Title: Re: مـدحة شايقية
Author: ود العجمى
Date: 09-14-2003, 01:13 PM
Parent: #1
سودانوبس
يا زول اظنك زعلت ؟ فطيتنى مالك ؟
الحكاية ونسة يا زول . اسحبها يعنى ولا شنو ؟
احترامى ليك يا غالى
|
Post: #9
Title: Re: مـدحة شايقية
Author: سودانوبس
Date: 09-14-2003, 01:33 PM
Parent: #1
لا والله يا ود العجمي.. فرحتا.موش زعلتا
لكن بأمانة قلتا بجي ارد عليك لكن الزمن سرقني ونسيت.. تعرفبتذكرك لأنو عندنا ريس مركب في جزر الحامداب ديك اسمو ود العجمي. والله لو في مطر او هواء أو تلقيحي أو شعفوفة يحلف ما يجيب ليك المركب.. بعدين خليناهو سوينا مركب برانا.. وطورناها لى لنش كدة نحش بيهو القش والملوخية واللوبي من الجزاير
منصوري
|
Post: #10
Title: Re: مـدحة شايقية
Author: سودانوبس
Date: 09-14-2003, 06:33 PM
Parent: #1
المدحة دي طبعاً نزلناها هنا عشان نوري أنو الشايقية إهتمامهم بالدين شي فطري وطبيعي..
|
Post: #11
Title: Re: مـدحة شايقية
Author: yasiko
Date: 09-14-2003, 06:51 PM
Parent: #10
Quote: بتي من العقبة لما شافت سبيط التمر في أموقالت
ناسكم ديل مغفلين شوف يختوا التمر في شنو..؟ نحن في الثورة نختوا في التلاجة..قلتا ليها مغفلة أنتي يا بت..ال..؟ |
سلام يا حبيب
الصلاة والسلام على الرسول
لكن بتك السوتا مافي زول سبقا عليها
ان شاء الله تكون اخذت كورسات صيفية
لك الود
|
Post: #12
Title: Re: مـدحة شايقية
Author: سودانوبس
Date: 09-15-2003, 12:06 PM
Parent: #1
بسم الله ربي شرعتا القول نظم
نزه با لساني لذات الله الأعظم
الدايم بقاهو سميع ربي وتكلم
كشاف كل غم عليم بالسر يعلم
..............
جل الحق جلالو رحيماً بينا يرحم
نحمدو وثم نثني بفضلو اللينا انعم
وايضا جيب كلامي على النبي المكرم
شفيع المذنبينا نهار فى الوقفة تندم
...................................
يخللص كل ضايق محمد لينا يرغم
الشفاعة الكبرى هيلو على النبيان مقدم
وتاج العز لووا له وبالهيبات ملثم
هو النور المسلسل من قبل الجد ادم
وفي عبد الله اظهر مكان العز الأكرم
.........................
وخممد نارا فارس بناء كسري تهدم
ونككست الصناما عماها وزادا دمدم
وطييب لى زمانا ظلاما كان ظللم
.............
مع ناس ضمره سارح هجير الشمس غييم
جبريل شقا صدرو اغتسل بي ماء زمزم
ونظظف قلبو نقا بعلم الله عللم
................
عريضاً جاهو حاوي يشيل لأحمالنا يلزم
لسانو الحالى نظمو يفوق العسل واطعم
مضمر جوفو جائع نحيف الجوف محششم
جلال الله صح على عاتقو الموسسم
.......................
ل.. اقدادمو الشريفه جمال الحق متمم
أنظر لى خصايصو شوف يا غاقل افهم
ذراع اللحم قالو يا المختار مسمم
وحوش البر تالفو وسعالو الشجر سللم
........................
له بابا سبيلا الأرامل فيهو تعشم
له كفا سخيا وجودا مو مقييم
...................
وصلي الله ربي والتسليم مرددم
عدد ما لاح برقا ..دعاشا هب ونسم
......................
هدية لى حبيبو عبيدو الماحي قددم
تكون مقبولة مني تفررج لى جميع هم
....................
سفينتك بيها ننجا نهار الأمة تندم
وترضي الله ورسولو تكون في عوني ترحم
|
Post: #13
Title: Re: مـدحة شايقية
Author: mekki
Date: 09-15-2003, 12:14 PM
Parent: #1
يديك العافية يا سودان وبس
انت ما عارف العلاقةالروحية القوية التى تربطنى بأولاد حاج الماحى
|
Post: #14
Title: Re: مـدحة شايقية
Author: سودانوبس
Date: 09-15-2003, 12:29 PM
Parent: #1
mekki
لازم تكون في علاقة روحية والله واذا ممكن توضحا لينا اكثر والا هذا يكفي
حاج الماحي شاعر ومتوصف متدين وورع
ولذلك اتي مديحو مديح محبة
واولادو يروهو بي محبة وادب ووقار وعشق مستمر الى يوم الدين
ما شايف الفرق بينهم وبين المداحين التانيين لما يجيبوهم في التلفزيون.. التانيين جلبغة ونطيط وبحلقة في كمرة وعدسة الأستديو
وديل عيونن في الواطه الا المخرج ينبهن..
شوف دقة طارن ذاتا تختلف عن دقة طار الناس التانيين موش فى دقة الدليب وكدة وانما في المربع والدقلاشي والمعشر من ضربات المديح
...................
حاج الماحي كاتب في كراس قال:
ربنا يجعل فلا سر المديح فى جني جناي حتي قيام الساعة
وقال بوصي جناي جناي يوصي جناهو وجني جناهو.. اي واحد يسجر والله يسف من ولادي والله يسكر والله يزني والله يتحنن والله يطلب اجر على المديح.. البدوك ليها تمسكا.. والله يقول اضبحوا لى فى العشاء والله يطلب اكل معين.. قال انا متبري منو أمام الرسول صلي الله عليه وسلم يوم القيامة.. ما يمدح مديحي لغاية ما يتوب من الحاجات دي اذا كان عندو واحدي في هذه الخصال... لذلك تجد اولاد حاج الماحي يلتزمون بهذه الوصية ويخافون منها اشد الخوف وهم يمدحون
ما شفتا هم كتار وصوتهم كلو واحد يموتوا الجدود ويجوا اولادن والتسجيل كلو واحد والصوت كلو واحد والأسم كلو واحد أولاد حاج الماحي
....
هذا سر الهي عند هؤلاء النفر...
وأنا منهم وهو جدي من جهة الأم اذا حسبت
|
|