Post: #1
Title: واااا شوقي على قرشــــــو الاصيل الحي
Author: garjah
Date: 09-14-2003, 08:44 AM
Parent: #0
مهاجر وتمبس اخوي واااا شوقي على قرشو الاصيل الحي
وا شوقي لي زولا اديب كلامو نجيض مو ني
وا شوقي للرهيف حسو جميل انسو كريم ري
وا شوقي للزول الحكيم يشع نضمو ف ضلامنا ضي
واشوقي لراجلا كلس متلو قليل نديدو شوي
وين ضحاك ايامك يا قرشو فكو صيامك فطورك بوست ردودو علي
سيبو جفاك ماك عارف حار صعيب الم البعاد يا خي
|
Post: #2
Title: Re: واااا شوقي على قرشــــــو الاصيل الحي
Author: alsngaq
Date: 09-14-2003, 08:47 AM
Parent: #1
ازيك يا قرجة اخوي والله مشتاقين
ياريت يسمع منك الزول الرائع
ويظهر يا رب
تحياتي
|
Post: #3
Title: Re: واااا شوقي على قرشــــــو الاصيل الحي
Author: HOPEFUL
Date: 09-14-2003, 08:55 AM
الأصيل عم قرجه
والله فيك الخير
وعم قرشو والله ليهو وحشه
وفاقدنو بالحيل
والله ما خلينا مكان ما سالنا عنو
يارب يجمع علي خير
|
Post: #4
Title: Re: واااا شوقي على قرشــــــو الاصيل الحي
Author: Ahlalawad
Date: 09-14-2003, 09:02 AM
Parent: #1
العمدة بكون في قهوة أبو لبدة مستني فولو المصلح من أبوظريفة
طبعا النوع دا من العقدات ظريف بعد شهر العسل
الزول دا مشى من هنا سمو فاير
بكون عملا
إن شا الله بالرفاه والبنين يا عمدة
|
Post: #5
Title: Re: واااا شوقي على قرشــــــو الاصيل الحي
Author: مهاجر
Date: 09-14-2003, 09:32 AM
Parent: #4
رسالة الي العمدة الحبيب قرشو
في بلدا بدون عمدة بتنقعد
قرجة في مسائل محتاجة اجتماع بالنسبة لبورداب جدة انا دعيتكم لاجتماع
نتمني تلبية الدعوة
|
Post: #6
Title: Re: واااا شوقي على قرشــــــو الاصيل الحي
Author: ودقاسم
Date: 09-14-2003, 10:00 AM
Parent: #1
وأنا معكم ، أشتاق إلى قرشو كثيرا وأحلم أن أفتح المنبر فأجده في أول بوست
أتضامن مع بورداب جدة في البحث عن قرشو ، وربما يكون مختبيا في الرياض
أين أنت عمدتنا ؟
رد عليّ وأوول
|
Post: #7
Title: Re: واااا شوقي على قرشــــــو الاصيل الحي
Author: AlRa7mabi
Date: 09-14-2003, 11:01 AM
Parent: #1
العمدة قرشو
ذلك اللسان العف
والكلمة الطيبة
والتصالح التام .. مع النفس
المحرك الأساسي لهذا البورد
الغيور جداً .. على الإسلام
ربنا يرجع لينا عمدتنا
أهل العوض
والله عليك جنس محنا
دا كلام شنو يا زول
تسلموا جميعا
|
Post: #8
Title: Re: واااا شوقي على قرشــــــو الاصيل الحي
Author: aba
Date: 09-14-2003, 11:18 AM
Parent: #7
قرجا
إزيك يا أصيل
تسلم أياديك وبل الله يباس شوقك لمن يقطر ندي بعودة قرشو ، حديث تمبس عنه وكلماتك الحنينة الليلة تجعلني أتشوق لمعرفة هذا الكنز وحلويين هم الناس البتفتقدهم لمن يغيبوا وحلوين برضو الناس البيفتقدو الحبايب
|
Post: #9
Title: Re: واااا شوقي على قرشــــــو الاصيل الحي
Author: tmbis
Date: 09-14-2003, 11:22 AM
Parent: #7
الجميل
الاصيل ..ٌقرجة
والله لما شفت البوست ..قلت اكيد الزول ده جبتو معاك ..زي ما وعدتني آخر مرة
ودخلت علي البوست وانا بتلفت .. ولقيت أخوان الفزعه ..أهل العوض ومهاجر وهوب فول والرحمابي الطيب ..وكل الناس الجميلة ..فياريت العمدة .. كان أمورو سلكت يدينا طلة .. حتي ولو باليد الشمال ..يكتب لينا بي يد واحده ..والباقي بنتمو غلاط .. ..
يديك العافية يا قرجة ..وما عدمناك يا عمو ..بس شد حيلك ..محتاجين وجود العمدة بيناتنا والله ..
لكم ..الود ..ولي العمدة ..كل الاحترام والمودة ولفيف الشوق ..
تمبس
|
Post: #10
Title: Re: واااا شوقي على قرشــــــو الاصيل الحي
Author: ابوحراز
Date: 09-14-2003, 11:52 AM
Parent: #9
معليش انا السبب
طفشت ليكم الزول دا من البورد
لأنو براه بعضمة لسانو كان بيتكلم معاي
لأني عندي ارض كنت عارضها للبيع
قام قال عاوز يشتريها
اها نشبت ليهو في حلقو
كلما اشوفو أون لاين
اقول ليهو شنو ياعمدة الواطاة عملت لينا فيها شنو
لحدت ما كب الزوغة
لكن هسي لو الزول دا ماجاء نلقى لينا عمدة ووووووووووووين
صراحة في واحدين مابتركب عليهم
يعني صعب نقول العمدة ابوحراز
او العمدة قرجة او العمدة أساسي
تحس بيها الحكاية شترة شترة
قال وااااااااااا قال
|
Post: #11
Title: Re: واااا شوقي على قرشــــــو الاصيل الحي
Author: اساسي
Date: 09-14-2003, 12:02 PM
Parent: #10
العمدة
ما جي لسع من الاجازة
اتصلت في الشركة امس قالوا
الزول لسع مرطب في الاجازة
لكن يا ابو حراز
قصت عمدتنا اساسي
دي والله ركبت لي في راسي تب
يا اخوانا دايرنها بالتراضي
ولا ناخذ حقنا قلع
احم
العمدة اساسي الزول الراسي
|
Post: #12
Title: Re: واااا شوقي على قرشــــــو الاصيل الحي
Author: يازولyazoalيازول
Date: 09-14-2003, 12:04 PM
Parent: #9
واشوقى للولد القبيل ونسنا
واشوقى للفى الويست جاب الإسنا
واشوقى للخلانا حوصنا ولوصنا
واشوقى للفى جدة عامل حصنا
واشوقى للباهى الجميلا الحسنا
واشوقى لى للزيتون وذاك الغصنا
واشوقى للفاقدينو وين ما كسنا
وا شوقى لى قرشو وحيد ناس حسنة
واللول اللول يا لولية
looooooooooooooooooooooool
|
Post: #13
Title: Re: واااا شوقي على قرشــــــو الاصيل الحي
Author: Raja
Date: 09-14-2003, 01:13 PM
Parent: #1
العزيز قرجة...
واااااا شوقي انا برضو
|
Post: #14
Title: Re: واااا شوقي على قرشــــــو الاصيل الحي
Author: الجعلي
Date: 09-14-2003, 05:31 PM
Parent: #1
عمو قرجة
حقيقة كل مرة بيزداد حبي لشخصك العظيم وها انت تنظم هذه الأبيات
الجميلة من شخص نبيل لشخص اصيل من قرجة إلى العمدة قرشو
حقيقي مشتاقين لشوفتكم يا بورداب جدة يا من تزدان النفس حين
رؤياكم يا من تعطرون ليالينا بعبقكم الأصيل ، هلا لبيتم نداء الأخ
مهاجر للدعوة لاجتماع عاجل لرأب الصدع الذي ألم بنا نتيجة لفقدكم
الحنين
ها أنا أول الملبين بالحضور
الجعلي
|
Post: #15
Title: Re: واااا شوقي على قرشــــــو الاصيل الحي
Author: ملكة سبأ
Date: 09-14-2003, 06:51 PM
Parent: #14
واااااشوقى انا برضو على قولة رجاء
حقيقي نقتقد العمدة الرائع قرشو
هنا وهناك
|
Post: #16
Title: Re: واااا شوقي على قرشــــــو الاصيل الحي
Author: بدرالدين شنا
Date: 09-14-2003, 07:03 PM
Parent: #1
بسم الله الرحمن الرحيم
أاااااااااااااااااااه ياقرشو
أنا بحب السائل والمسئول عنه قر(جة - شو) وياريت ياريت يعود لازم يعود لو تاني مرة
ياريت يعود ذاك الشفيف الغني عن التعريف
عليك الله يا قرشو تعال عشان يشوفك ولدنا الجديد أبّا وتشوفو بجلِّع الحرف كيف وبزين اللوحات
تعال شوف ابا
تعال شوف توما
تعال شوف أبو جهينة
تعال شوف عبدالرحمن قوي
غير الأقلام المعتقة التي تعرفها
تحياتي
|
Post: #17
Title: Re: واااا شوقي على قرشــــــو الاصيل الحي
Author: garjah
Date: 09-15-2003, 08:20 AM
Parent: #16
صديقي العزيز السنجك
وينك يا رجل من ديييك وعيييك ؟؟
لو اقابل الساحر بس... ؟؟
اخونا الكبير
احمد اهل العوض
يازول كلامك ده صح ....الاتنين ما كفنو ؟؟
عافي منو طبع عمدة جد جد
الحبيب الرحمابي
حباب السمح ...واخوك احمد ظاهر عليهو عارف حاجات نحن ما عارفنها
هوبفول الكان هوبلس
كيييفك يا رجل لكن صورتك دي لزول انا شايفو قبل كده
ابا
يازول والله وجودك في الحوش الوسيع ضايف لينا همبريب
على نسايم يازول يازول الاصابنا بعدوى القافية ولبد
يازول يازول
يا زول اعترف انك فتني بيغادي
يازول نضمك مزيقا ترقص عديييل
حروزة
بقيت تطفش الرجال كمان ...بعد تطفيشك للحسان
قال قطعة واطة قال ....موش كان تعرس بيها ؟؟
الحبيب الجعلي
مشتاقين يا غالي
وده من اصلك الطيب وخوتك الزي لمبة النايلون الفوق راسي دي
اساسي
يازول ...اخوك النائب الاول للعمدة
ولو بتدور تقلع العمودية فدونها دماء كثيرة
فكفانا صراع الكي بورد
ود قاسم
كيفك يا حنين
مشتاقين والله ....وتوقع قرشو في الحلبة قريبا
|
Post: #18
Title: Re: واااا شوقي على قرشــــــو الاصيل الحي
Author: garjah
Date: 09-15-2003, 08:25 AM
Parent: #17
الصديق مهاجر
حاضرين اخوي...بس جهز المعاضم والشيات
الغالي تمبس
مشكور على الطلة الوسيمة ..وتوقع الحبيب قرشو قريبا
الصحفية النشيطة رجاء العباسي
الله يبل شوقك ....ويشوفك هذا الرجل الاصيل
الاخت ملكة سبا
بلقيس
يا جمال طلتك ....
|
Post: #19
Title: Re: واااا شوقي على قرشــــــو الاصيل الحي
Author: garjah
Date: 09-15-2003, 08:39 AM
Parent: #18
البدري حلا
سلام يا اجملنا
وييين ضحاك ايامك وين ؟؟
مشكور على الكلام الطيب
بعدين حكاية الشاكوش والمسمار ديل شنو ؟؟
ياخي ما تخش تصلح بيناتم
|
Post: #20
Title: Re: واااا شوقي على قرشــــــو الاصيل الحي
Author: حسن الجزولي
Date: 09-15-2003, 09:24 AM
Parent: #1
وبرضو انحنا نفتقد معكم العمده قرشو , ولو لميتو فيهو قولو ليهو ان سهر العلوج مازال مستمرا , فحايقوم يجى راجع طوالى
مع تحياتى لقرجه ومهاجر وتمبس
|
Post: #21
Title: Re: واااا شوقي على قرشــــــو الاصيل الحي
Author: zola123
Date: 09-15-2003, 02:47 PM
Parent: #1
عم قرشو
نفتقدك وبشدة
زولة123
|
Post: #22
Title: Re: واااا شوقي على قرشــــــو الاصيل الحي
Author: Rose
Date: 09-15-2003, 06:06 PM
Parent: #1
عمدتنا الرائع قرشو...
الجميع في انتظار عودتك
ما تطول الغيبه...
مع تمنياتي بإجازة سعيدة...
|
|