Post: #1
Title: البتــاعــــــة
Author: سجيمان
Date: 09-13-2003, 12:29 PM
جننت الناس البتاعة..... أي زول يلاقيك ماشي تلقاهو ينضم ويهرج براهو عشان البتاعة.....كل زول بتاعتو بتختلف من بتاعت التاني......الغريبة في ناس باعو بتاعتهم زمان.....وفي ناس بتاعتهم اتسرقت.....وفي ناس باقين علي البتاعة عشرة..ومكنكشين فيها...بن لادن ضرب امريكا عشان البتاعة.....وامريكا.... ما رضت البتاعه ينضم فيها كل من هب ودب....قالو يقبضو الملا عمر....ويريحو البتاعه منو.. لكن صدام كره البتاعة والبيجيب طاري البتاعة..علوية بت الطيب داسة البتاعة....وخايفة واحدة من نسوان الحلة الما عندها بتاعة.... تسرق بتاعتها.....في ناس اول ما يعرفو انو عندهم بتاعها.... تلقى البوليس.. دخل بيوتهم وقلبها فوق تحت كايس للبتاعة..... لكن لو داير البوليس ما يعرف البتاعة.... دسها ورا الدولاب..... أي زول تلاقيهو ماشي برضو يشتكي لك من البتاعة..... بعد مرات تكون البتاعة موجعاهو.... لكن ما قادر يتخارج منها......الشافع لو عندو بتاعة تلقاهو مبسوط طول النهار..... وبعد مرات لو عندو بتاعة تانية تلقاهو يبكي والنوم غالبو.....واحد ممكن يقتلوهو عشان نام بالبتاعة براهو.....وهو متفق مع الجماعة يقسم معاهم البتاعة....
اعمل حسابك..... في بتاعه...لو جيت بي جنبها يختوك في البتاعة..... ويحيبو بتاعه ويدخلوها في البتاعه...... وتمرق تحوم وسط الناس بدون بتاعه
سعد الله المخخنجي...... بتاعتو قوية..... قال يملا الصحن موية...ويلين البتاعة فيهو.....ومستغرب الناس الما عندهم بتاعة ديل عايشين كيف؟ معليش يا سعد الله.... حكمة ربنا ناس يديها بتاعات بدل بتاعة..واحدة... وناس يحرمهم من نص البتاعة.....
المجنني انو في بتاعة قاعدة تمشي عدييييييييل كدا......وفي بتاعة عشرة رجال ما يقدرو يرفعوها......
الممسخة علي الدنيا كترة البتاعة بتاعتي...........وكايس لي لزول اقسم معاهو البتاعة........
لكن لو عرفتو انو البتاعة الانتايةاحسن من البتاع الضكر....دا ما كان حصل عليكم......... ياربي انا الليله مالي؟... اوعى تكون قامت علي البتاعة؟
|
Post: #2
Title: Re: البتــاعــــــة
Author: maia
Date: 09-13-2003, 12:44 PM
Parent: #1
دكتور سجيمان
دي مش بتاعة دي زي ما قال عادل امام بتاع البتاتيع
والشعب السوداني كلو بيتكلم ويقول جملة الحتة دي
ما فهمنا الحتة دي واقعة وين في الخريطة
المهم تعبير والسلام
فحسه بتاعة البتاتيع دي انشاءالله ما تكون حاجة صعبة بس
|
Post: #3
Title: Re: البتــاعــــــة
Author: ترهاقا
Date: 09-13-2003, 01:08 PM
Parent: #2
يا ســــلام على البتاع ، ويا ربى الدنيا دى تكون كيف بدون البتاع؟
|
Post: #5
Title: Re: البتــاعــــــة
Author: سجيمان
Date: 09-14-2003, 10:53 AM
Parent: #3
ايوا يا ترهاقا...... ما حيكون عندها اي بتاع..... لكن انا قلت ليك البتاعه الانتاية احسن من البتاع الضكر
|
Post: #4
Title: Re: البتــاعــــــة
Author: سجيمان
Date: 09-13-2003, 04:16 PM
Parent: #2
مايا........ بتاعة عادل امام ديك ما زي بتاعتنا نحن......
|
Post: #6
Title: Re: البتــاعــــــة
Author: قلقو
Date: 09-14-2003, 11:53 AM
Parent: #4
الأخ سجيمان
ياخوى انت قبل ماتكتب البوست دية مريت على سعدالله المخخنجى واخدت ليك بتاعة من البتاعات بتاعتو؟
|
Post: #7
Title: Re: البتــاعــــــة
Author: سجيمان
Date: 09-14-2003, 07:12 PM
Parent: #6
سعد الله..... بتاعتو ما قاعد يشارك فيها.......زول فقري خلاص
|
Post: #8
Title: Re: البتــاعــــــة
Author: Teeta
Date: 09-14-2003, 09:18 PM
Parent: #1
سجيمان
سلام
يا فنان
لما كنا فى المدرسه دخل الاستاذ علينا فى الفصل ووجد احدى الطالبات راقده على الدرج قام اشر عليها وقال : شوف البتاعه دى نايمه فى البتاع زى البتاع
هذه حقيقيه ورحم الله الاستاذ بقدر ما قدم واعطى
تحياتى
ام الاء
|
Post: #9
Title: Re: البتــاعــــــة
Author: سجيمان
Date: 09-15-2003, 02:12 PM
Parent: #8
ام الاء........ يكون زهج لانو لقى البتاعة راقدة...... وهو يشرح ويعرف ويجف في الفاضي
|
|