ذوائب من الذكرى والحنين والوجد

بالمعزة
بالمودة البينا..
بي اغلي الصلات
بالهوي العشناه
بي اعصابنا خمسة سنين ومات
بالعذاب الشفتو..
والسر الكتمتو..
وباقي الطيبات..
استحلفك اترك سبيلي
وسيبني وحدي
اقاسي مر الذكريات..

هي اغنية تتمرد كثيراً علي الإكتشاف في سياقها اللحني..لكنها تغري المتامل لإقتراحات عدة اولها ..عظمة المطرب حين يكون قادراً علي تطويع فطرته للإدراك التام لما هو مقبل عليه..وهذا بالضبط ما يتوفر في عثمان حسين كأبرع من يمارس التصوير بالزمن والإيقاع

انا بي حناني الغالي خصيتك
وحبيتك...
بكل جوارحي وعواطفي العميقة
انا شلت من اجلك هموم الدنيا
قاسيت من جراحها وكل ضيقا
ولي سعادتك انت كم ضحيت ..
واتغربت..
ما خليت طريقة..
في مسيري المضني من اجل الحقيقية
كل طائر مرتحل عبر البحر
قاصد الأهل..حملتو اشواقي
الدفيقة..

التحية لبازرعة..الشاعر الجميل..المعذب بإغتراباته

بت النيل
نيلينك والابنوس والشوق الجاري عليك


ما اروعها من ذوائب

تروادني النخيل والهزع الاخير من قمراة الحوش
تهديني بعض من دعاش أفتقده


شكرا لحضورك الانيق
والريد نيلن

بنت النيل
طابت اوقاتك
عثمان حسين يا سيدتي قامة عالية وفنان من الزمن الجميل..ويازرعة شاعر يكتب بروحه لا بيده..والازمة التي تعاني منها الاغنية السودانية هي ازمة كلمة وازمة لحن معا.الاصوات الجميلة كثيرة.لكن السؤال هو اين الكلمات واين الالحان؟..
طلب بسيط لاعضاء البورد الاعزاء...واحد منكم ينزل لينا الاغنية دي (مسموعة) لو امكن؟
شكرا

الوجد تحول الى حنين وشوق
مختلف عن الاحساس الذى كتبت به هذه القصيده
اصبح الحنين والشوق بفهم اوسع مساحة
هل نحن قدر هذا الاحتراق ؟
تعبناااااااااااااا
من حنينا وشوقنا

اخواني الأعزاء..
زوربا
فتحي
حمزة
تقديري لكم..

لم يتبقي لنا الا مثل هذه الذوائب ..نتنسمها عبيرا فواحا..يزرع في دواخلناالأمل بأن هناك ..جمال وإبداع يوشوش..الآذان ..ويطربها

..
.
سلام يا انتِ يا بت النيل

حقيقة لفت نظرى المسمى قبل الموضوع
والمناسبة اننى كنت استمع قبل سويعات
لاغنية بت النيل باداء عميد الفن رحمه الله
فى قناة النيل الازرق
وبدأت اتسال عن حكاية بت النيل الاصلية
ومن هم هؤلاء الذين وردوا فى القصيدة
مثل
يا ابو عبده ووين احبابنا
ود حمد
ودا الجنن عبد القادر
رغم ان احد الاخوة افادة بان حسين خوجلى يوما تطرق لهذه الاغنية
فهل افديتنى او احد القراء
فان الفضول يقتلنى

لك تحية النيل السرمدية