Post: #1
Title: ** مساعــدة عاجلة ..عاجلة ..راسي مقطوع **
Author: tmbis
Date: 09-08-2003, 07:07 PM
سلام شديد يا شباب ..
نعل الله ..النسيان ..
قال حكيم سوداني ...وكان قرفان جدا .. لو كان نسيان الباصووردات رجلا لقتلته ..وشال لاب توبو ورماهو .. من كبري شمبات ..
بأختصار يا شباب ...قربت اقول الرووووب .. اواجه مشكلة عويصة .. وان شاء الله حلها بين ايديكم ..
الموضوع : كمبيوتر محمول لاب توب ماركة
hpOminbook 6100
نسيت كلمة السر .. علما بأنها علي الـ
Bios Password
حاولت عدة برامج لكسر كلمة المرور .. فشلت ..
أتمني ..من الأخوة الفنيين المساعدة ..لتجاوز هذه المحنة .. ولا أنساكم الله باص ووردا للاب توبا إليكم ...عزيز... زن ن ن ن ن ن ن عليكم،،وعليكم السلام ورحمة الله. ..
|
Post: #6
Title: Re: ** مساعــدة عاجلة ..عاجلة ..راسي مقطوع **
Author: tmbis
Date: 09-08-2003, 07:45 PM
Parent: #2
العزيز
احمد خليل
اول حاجه شكرا .علي الفزعه والرد السريع
طبعا جربت اللنك ..الموقع الخاص بكلمات المرور ..للبيوز من بداية المشكلة ..وما اتمكنت من الحل
وانا الان بعافر فيهو حسب النقاط الموضحه ..لكن يظهر انها برضو ما بتجيب نتيجة
شكرا علي كل حال وياريت تكون معانا
تمبس
|
Post: #3
Title: Re: ** مساعــدة عاجلة ..عاجلة ..راسي مقطوع **
Author: abuguta
Date: 09-08-2003, 07:28 PM
Parent: #1
العزيز تمبس
تحياتى
اقرب مهندس كمويوتر او انت ذاتك
تحاول تزيح بطارية البايوس وتركبها مرة ثانية
سهلة فى الجهاز العادى ام الاب توب لازم تمشى لاقرب فنى كومبيوتر
وبكدا حتتخلص من كلمة المرور الموجود على البايوس
وشكرا
remove the batary of bios
and fix it again
thank
|
Post: #7
Title: Re: ** مساعــدة عاجلة ..عاجلة ..راسي مقطوع **
Author: tmbis
Date: 09-08-2003, 07:50 PM
Parent: #3
ابو قوته
شكرا يا لزيز
انا سالت من عملية البطارية دي فعلا .. وقاعد عادة استعمله مع الاجهزة العادية لكن ما اظنها بتحل مشكلة لانو اتصلت بي فني قاللي لازم تغير اللوحة الاساسية
ان قلت احتمال يمكون في حيل تانية ممكن الواحد يقدر يعالج بيها المشكلة
علي كل يا بوقوته انا ماسك فيك قوي .. وعشمان ..شغل راسك معانا يا لزيز
شكرا
تمبس
|
Post: #4
Title: Re: ** مساعــدة عاجلة ..عاجلة ..راسي مقطوع **
Author: Ahmed Khalil
Date: 09-08-2003, 07:29 PM
Parent: #1
BIOS password reset can be accomplished by removing the battery used for backup of the CMOS for a couple of minutes.
WARNING: This also wipes out your settings.
|
Post: #5
Title: Re: ** مساعــدة عاجلة ..عاجلة ..راسي مقطوع **
Author: طرقوش
Date: 09-08-2003, 07:40 PM
Parent: #4
hey!
dont try this with laptops or nootbooks
|
Post: #8
Title: Re: ** مساعــدة عاجلة ..عاجلة ..راسي مقطوع **
Author: tmbis
Date: 09-08-2003, 07:58 PM
Parent: #5
والله يا شباب ..الف ..الف شكر .. والله كده زي الاتصلح ذاتوووو
اها بالمناسبة كل الحاجات البتقولوا فيها دي ..قاعد اعمل فيها الان والجهاز قدامي
لكن ارهبتنا عديل كده يا طرقوش .. حالتي جبت المفكات والعدة كلها وداير اقوم ..افرتق واطلع القصة دي ..تجي تقول لي ما تعمل كده ؟؟؟
اها الحلل شنو ؟؟
انا غياتو راجيكم يا شباب
والجهاز ده عزيز علي والله
ومليان حاجاتي كلها
وضاق الويل معاي
وسهر الليل
شكرا تاني يا شباب
وربنا يقدرنا علي جزاكم
|
Post: #10
Title: Re: ** مساعــدة عاجلة ..عاجلة ..راسي مقطوع **
Author: aba
Date: 09-08-2003, 08:37 PM
Parent: #8
العزيز تمبس
والله حالتك تحنن
HpOminbook
الماركة دي خاصة عندهم نظام أمان من الصعب التلاعب عليه
إقترح عليك بعض الإخوة إزاحة البطارية في المظر بورد هذه الطريقة تعمل مع الكثير من اللاب توبس لكن نوع جهازك لا تعمل فيه هذه الطريقة عليك بتغير البيوس نفسه وهو (جيبر) صغير الحجم ويمكن أن تطلبه عن طريق النت فقط عن طريق جوجول أكتب في الباحث
Bios Crack
وستجد الكثير من إقتراحات الحلول وأماكن البيع عن طريق بطاقة الضمان كذلك يمكنك الإتصال بالشركة المصنعة فلهم طريقة لإزاحة كلمة المرور فقط سيطالبونك بإثبات ملكية الجهاز
تحياتي
|
Post: #9
Title: Re: ** مساعــدة عاجلة ..عاجلة ..راسي مقطوع **
Author: Ahmed Khalil
Date: 09-08-2003, 08:26 PM
Parent: #1
ياطرقوش why not
اخراج وارجاع بطارية البايوس جرب بنجاح في لاب توب
HP
تمبس اتوكل علي الله 
|
Post: #11
Title: Re: ** مساعــدة عاجلة ..عاجلة ..راسي مقطوع **
Author: tmbis
Date: 09-08-2003, 08:41 PM
Parent: #9
بعد ما اتوكلت علي الحي الذي لايموت
وفكيتو يا احمد خليل
ما اداني اي حاجه
وكلام ابا ده مشي وجا في حتتو
شكرا يا خال
تعرف الحاجات دي انا خيف تكون الخيار الاخير لانو ..فكيت البطارية ومافي حلل
علي العموم بعمل البحث ده واشوف الحاصلشنو
والله في
شكرا يا كلكم
|
Post: #12
Title: Re: ** مساعــدة عاجلة ..عاجلة ..راسي مقطوع **
Author: ترهاقا
Date: 09-09-2003, 07:28 AM
Parent: #11
العزيز تمبس
ما كان تدينى تليفون بدل صرف الورق الكتير ده.
|
Post: #13
Title: تمبس
Author: توما
Date: 09-09-2003, 07:52 AM
Parent: #1
تمبس
والله انا ما بعرف الا بدعي معاك ساي والله
وان شاء الله يتصلح ليك
توما
|
Post: #14
Title: Re: تمبس
Author: HOPEFUL
Date: 09-09-2003, 08:00 AM
Parent: #13
العزيز تمبس
في حاجه مهمه بس انتبه ليها
لما تفك البطاريه
او الجامبر
شغل الجهاز لفتره قليله من غير البطاريه وطفيهو مره تانيه
وبعدين ركب جمبر البطاريه او البطاريه نفسها وشغل من جديد
واتوكل
|
Post: #15
Title: Re: تمبس
Author: tmbis
Date: 09-09-2003, 10:13 AM
Parent: #14
العزيز جــدا
ترهاقا
والله يا باشمهندس قبل المشكلة دي أتصلت عليك مرتين ... لكن تاني مع الزحمة الحاصلة دي ما قدرت أتصل عليك .. والمشكلة قائمة ..وأتوقعني أتصل عليك في أي لحظة ..بالليل خالص ..تشكر شديد يا خال ..
العزيزة تومــــا
دعواتك بالدنيا والله .. لكن بيني وبينك ..في صينية الأزهري ..وقرب لي كبري شمبات
العزيز جمال ..
أول مبروك للفل الجديد .. مع أنو الضلع ريحتو ما شميناها ... وتاني حاجه أنا شغال فكفكه بس في البتاع ده .. فكيت البطارية والجمبر ..واي حاجه في بالك ممكن تتفكه .. وشغلتو بي نفس الطريقة بعد مسافة ..وبرضو ما جاب نتيجة .. اها انا فارشو وقاعد ..
واقول ليكم حاجه تانية .. جاب ليهو صفير الليلة .. بييب ...بييب .. بييب ..أها الحل شنو ؟؟
شكلو كده داخل علي خرف ...
وشكرا يا شباب .. ربنا يقدرنا علي جزاكم ..
|
Post: #17
Title: Re: ** مساعــدة عاجلة ..عاجلة ..راسي مقطوع **
Author: الجندرية
Date: 09-09-2003, 10:32 AM
Parent: #1
بما اني امية
وبما ان نسبة الامية تزداد وسط النساء
اصطف إلى جانب اختى توما
وارفع اكفي ضراعة لله ان يفرج كربك
|
Post: #18
Title: Re: ** مساعــدة عاجلة ..عاجلة ..راسي مقطوع **
Author: ايهاب
Date: 09-09-2003, 11:20 AM
Parent: #17
الاخ العزيز الصديق تمبس
بي صراحه كدا انت الجهاز دا لاطشو من وين
loOoOoOoOoOoOoOoOoOoOoOoOooLZ
اولا عايز اسالك سوال
انت لما فتحتو وشلتا البطاريه استنيت كم كدا
انا اعتقد انو في النوتبوك بالذات لازم تصبر ساعات طويله عشان تلقى نتيجه وانشاء الله بتنجح لانو مهما كان في النهايه البايوس لازم تتمسح بي فقدان الطاقه
على العموم ممكن برضو تجرب اللنك دا و هو عباره عن شات مع الدعم الفني بتاع الجماعه ديل
تديهم ال
product number
+
serial number
وهم بيتولو المسعاله
http://instantsupport.europe.hp.com/awebui/jsp/FastAnsw...er&bsdsrchcode=10101
و لو في وكيل قريب منك فهم عندهم طريقه سريه ما بعرفا الا هم
يعني كبسات كيبورد معينه بتحل ليك القضيه
اتمنى ليك كل التوفيق
و مازال الشوق بحر
و ما زلنا نسال عن المسافرين
كل الود والتحايا يا ملك
|
Post: #19
Title: Re: ** مساعــدة عاجلة ..عاجلة ..راسي مقطوع **
Author: tmbis
Date: 09-10-2003, 08:49 AM
Parent: #18
العزيز رضــــا
شكرا جزيلا للنك .. مع أني دخلت علي الكتير فيهو وما في نتيجة تذكر . إلا أنو في محاولاتي .واتمني أن تثمر عن شي ...
العزيزة جدا .. الجندرية
غايتو يا ست الكل كان الشفنا هنا ده . من مفاهيم جندر .. لي كلام دراب .. دراب " صم تامز " دي اميتك .. اها عديل كده الواحد يعمل ساتر . والبتاع ده عنقد عديل كده وحرن أنو يشتغل .. وشكلو كده ده " مرض حامد " بتاع الكمبيوترات .. من ما اشتريتو من الخواجه . وانا مارضو ليك السودان .. السودان .. وشي غناء طمبور .. وشي شنو ما عارف.. فأكيد يكون بطنوطمت .. وحن لـ حلتو .. وناسو .. غايتو انتي وتومــا بعد الدعوات دي كان رقعتوهو بي زغرودة أحتمال يفصل حبه .. لانو شكلو كده من نوعية لكمبيوترات البتحرن " تب " وما بتقسم الا مع إيقاع الدلوكة .. في حضور كثييف ..للكواعب .. الله يدينا خيرو
ايهـــاب لوووول
ايهــــاب اللزيز جدا ..
ولول كبيرة جدا بالحجم العائلي .. والله برئ يا ايهاب ...وعليك الله يا ايهاب كان عارف ليك محل لطش لاب توبات قولي عوووك ..خليني اكلمهم يجو يلطشوهو ويرحوني منو ..
اها بالنسبة للبطارية ..وبي صراحة ما استنيت كتير لاني فاكرو زيو وزي أي جهاز عادي ممكن علي طول يستجيب بي فك البطارية .. يعني تقريبا المسافة زي عشرة دقايق وتاني قفلتو ..وبقي يصدر الاصوات دي .. .. مع أنو الجهاز كان واقف مسافة ما شغال بيهو قريب شهر .. .. وطبعا مسالة البايوس دي حساسة جدا ..
وبالمناسبة بعدما أدخلت الرقم المتسلسل .. قالوا الموديل ده ما متوفر عندهم حاليا .. وطلبوا مراجعة الشركة . او أي وكيل زي ما طلبت .والظاهر لي ده أصبح الخيار القدامي . أو تغيير المظر بورد .. وده خيار مكلف طبعا .. يا كمان بحاول اشوف لي أقرب وكيل .. يمكن يكون في حلل أخف قدرا .. وانا لي يومين بس فاكيهو وبعاين ليهو .. فتمني أنو يشتغل بعد ما اركب الحاجات الفكيته دي ..
وبلاهي يا ايهاب ما تختفي لينا كده .. وكتر من اللولات الطويلة دي ..وطبعا كنا في سيرتك قبل يومين في شمار ماسينجر كده ومعاي بوردابي لزيز .. لزيز جدا ..فتيناك فت السنين ..وشلنا حسك .. قال لي إيهاب بقي .. مسكييييييييين بعد العرس .. أنا قلت ليهو ..حتى لولاتو بقت بالعدد .. ولسه في انتظار الباشمهندس ..ابن بطوطة بعدما يرجع من اللفه حول العالم ..شان تشوف الفت علي اصولو ...
شكرا يا حلوين .. وربنا يقدرنا علي حضوركم الحلو ده ..وفزعتكم ..
|
Post: #20
Title: Re: ** مساعــدة عاجلة ..عاجلة ..راسي مقطوع **
Author: ايهاب
Date: 09-10-2003, 09:31 AM
Parent: #19
الغالي تمبس
اولا عليك برد النوت بوك اذ يبدو انه محوط لا محاله
كما عليك برد حسي الذي شلتوه و ما رجع لي هسه
LOoOoOoOOOOooooooooooooLZ
والله يا ابو التمابس اخوك لي هسه ما فاهم حاجه
لا بره البورد ولا جواه
اديني صنه بس
عرس و عوده الى السودان بعد غياب 11 سنه
و لي مده 18 يوم
تخللتها احداث جسام
لا انا فهمتا حاجه و لا ناس السودان فهمو حاجه
يدك العافيه و يرجع ليك نوتبوكك سالما معافى بعد الفرتكه دا اذاما رقدسلطه لي هسه
LOoOoOoOOOOOOOOOLZ
|
Post: #21
Title: Re: ** مساعــدة عاجلة ..عاجلة ..راسي مقطوع **
Author: tmbis
Date: 09-10-2003, 09:54 AM
Parent: #20
ايهـــاب
LOoOoOoOOOOOOOOOLZ
والله فعلا رقدتو ليك صلطه .. وحدي معاهو باقي اليوم ده .. وفي مصلحتو أنو يبقي .. ود ناس وينستر معانا ..
والله يا ايهاب العودة للسودان بعد مدة عملية صعبة .. والأصعب منها أنك تدخل ليك في زمن جديد تلقي كل شي أختلف حتي التلقائية بتاعت الناس ..والاصحاب ..اتبدلت مع حالة الذهول العايشنها الناس دي
..
علي العموم يا وهبة خد راحتك يا حلو .. لكن ارجي الراجيك قلت ليك ..
LOoOoOoOOOOOOOOOLZ
|
Post: #22
Title: Re: ** مساعــدة عاجلة ..عاجلة ..راسي مقطوع **
Author: hala guta
Date: 09-10-2003, 02:02 PM
Parent: #1
تمبس
الجاتك فى اللاب توب سامحتك
جربت ليه الفسيخ؟؟
برضة ما نفع
بعد دة غايتو الا الدعوات
...انا مع الجندرية وتوما
|
Post: #23
Title: Re: ** مساعــدة عاجلة ..عاجلة ..راسي مقطوع **
Author: tmbis
Date: 09-10-2003, 04:37 PM
Parent: #22
زارتناالبركة يا هندسة
 تعرفي يا هالة انا كان لقيت الفسيخ ده ..برضوانا ببقي لاب تب انتي قايلة شنو ؟؟؟
بالمناسبة ما وريتينا اي حاجه .. ولاجيتي عزيتي ..الكشف عند الجندرية
اعصري لينا حاجه وأمرقي ..اريتو يطمر فيهو
غايتو ود العجمي انا ما بثق في حلولو الجزرية ..لوووووووول
|
Post: #24
Title: Re: ** مساعــدة عاجلة ..عاجلة ..راسي مقطوع **
Author: tmbis
Date: 10-01-2003, 05:35 PM
Parent: #23
|
Post: #25
Title: Re: ** مساعــدة عاجلة ..عاجلة ..راسي مقطوع **
Author: ايهاب
Date: 10-01-2003, 05:39 PM
Parent: #24
تمبس مالك في شنو تاني
ما تقول لي لطشتا ليك واحد تاني
LoOoOOOOOOOOOOoOoOooooooooooolz
تمبس خرمان لي منو عليك الله
|
Post: #27
Title: Re: ** مساعــدة عاجلة ..عاجلة ..راسي مقطوع **
Author: tmbis
Date: 10-02-2003, 09:43 AM
Parent: #25
يا هووووووووبا
ناشفه والله صدقني ..عدمانه التكتح
عندك لي ...LoOoOOOOOOOOOOoOoOooooooooooolz
حننتك مش كده ؟؟
خرمان ..لي عصير منقه
LoOoOOOOOOOOOOoOoOooooooooooolz
LoOoOOOOOOOOOOoOoOooooooooooolz
|
Post: #26
Title: Re: ** مساعــدة عاجلة ..عاجلة ..راسي مقطوع **
Author: حسن الجزولي
Date: 10-01-2003, 06:43 PM
Parent: #1
ويا تمبس هل تصدق انو انا قدرت احزر وافزر انك عايز تفتح اللاب توب عشان تطلع منو شنو ؟! , مش انا عراف عليك الله ؟ , مع امنياتى لك بالتوفيق
|
Post: #28
Title: Re: ** مساعــدة عاجلة ..عاجلة ..راسي مقطوع **
Author: tmbis
Date: 10-02-2003, 09:52 AM
Parent: #26
والله يا استاذ حسن ..عرفتها ..
ليك ان تتخيل حمي ما قبل المباراة بين هلال موردة
امس باليل قربت اهتف وجدتها ..وجدتها
بس دفت في الماسورة
|
|