أبكر آدم - كبر كبر- الملا عمر

أما من نهاية لهذا الغياب؟؟؟

بت قضيم
ما تقصرين

والله نفتقدهم
أما بخصوص الملا فغالب ظني أنه في السودان
وإن لم يكن فهو مدووش في خدمة الكفيل

نفتقد أيضا
الزول زاتو
والصلحابي
والعمدة قرشو
رمانة
وإبراهيم علي
وكثيرين

ربنا يسهل عليهم ويعيدهم ، قربنا نبقى زيهم لكن ..

في ناس مشت وما بتجي تاني
اعرفوا الكلام دا ولاسباب موضوعية

أهل العوض
مهاجر
ما قصرتوا تسلموا

لكن اظن اني انكبست ولم يعبرني أحد
بس انا عكليتة
وتاني فوق

حضارات سادت ثم بادت

عقبال حضارات التتار
قول آمين يا اساسي

والله ثقيل ثقالة

اختي بت قطيم
خليني اقول ليك الكلام النصه موية وفاضي وخمج ( ما تقولي ابيت )انا شخصيا معجب بطولة لسانك وقطامتك ومساختك دي ايما اعجاب عارفة لشنو لانها بتزكرني طفولتي البريئة هااهاهههها اظرف حاجة انك كسرتي الحاجز بتاع البت الرومانسية الشاعرية البتشبه( همس النسيم)شفتي النسيم دا بتاع قوالات كيف ما علينا نرجع للبت الرقيقة الما انتي طبعا الناس بشوفها حاجة حلوة لكن انا بشوفها بتضيع في زمنها وزمن الناس التانين لانه نفس البت الرقيقة دي اول ما تتزوج اللسان الكان بهمس حيبقي طوله زي طول الكرفتة والخصل الكان بهبهب بيها النسيم حتبقها ريحتها كلها بصل وثوم يحرق سنين الطبيخ عليك الله موش مفروض يختصروا زمنهم من الاول ويتعامله بالواقع زيك كدا كدي خليهم هم انت يا كافي البلا لا بتغيري منهم لا بياثروا فيك لا بحركوا احساسك احساس شنو زاتو العندك يا بت قطيم الاحساس دا للبنات البيعملوا الكريمات لكن جنس جلدك التخين دا يحس وين
هاهاهاههههها بضحك يا شفيفة ما تدوزني
قال التتار
اها يا الهكسوس

أساسي أخوي
اعتذر لو ضايقتك حدة لساني وهي غالبا ما تفعل
ده من البداية عشان ما تقول كمان ما رقيقة وكريهة ما بتعرف تعتذر

وحاتكلم معاك جد ولو انه ده ما مكانه
الرقة بالنسبة لي لا ترتبط بأي حال من الأحوال باللفظ،، يعني ممكن اقول ليك يا ثقيل بمنتهى العزوبة،،، وممكن اقول ليك يا الغالي وتطلع فجل فجل
المسألة إحساس اكثر منه رقة ولطافة وذوق وصوت هامس
بعدين منو القال ليك انا قاعدة اكورك؟؟؟
ما علينا

في البورد كل الناس أخواني وأخواتي
ولا ابحث عن صورة نفسي امام الناس لاني ببساطة اعرفني تماما ومش معجبة بنفسي تماما لكني في نفس الوقت لا اكره ما انا عليه

الناس بتختلف
ناس احس انهم ممكن يقبلوا الطرفة بصدر رحب ، اتعامل معهم باريحية واخوة وانت منهم
شيري منهم
ايهاب منهم
الجندرية منهم
وغيرهم
ناس لا اظن انهم سيهضمون (دشانتي) وكلامي القطيم
فاحترم خصوصيتهم

أما بالنسبة للبغر،، فانا ببغر طبيعي لاني بشر
ببغر من أبو جهينة مثلا
من شيري
من تماضر
ليس في الشكل ولا المحتوى ولا المضمون ولا الرقة لاني ما بعرفهم شخصياً،، لكن ربما ابغر من كتاباتهم أو من تعامل الناس معهم
بس يا اساسي

ومن جديد اعتذر لو زدتها معاك شوية انت بس ما تنكشني يعني انت الظريف شديد؟؟؟

عارف

طيب بتتجنن مالك

الجن يفوتك يمشي وين
قلت عارف عشان ما تسرحي وتساهري بي اسع خليتي الناس البتكوسي عليهم ديل وقبلتي تتكلمي عن الرقة والله الرقة دا ما تشوفيها الا في ملاح ام رقيقة هاههههاهاها غالي بفجل البت يا كافي البلا امثالها كلها من المطبخ وتابي النكيش جبتو من بيتنا ما من بوستاتك
واحد سعودي امس حكي لي نكتة في سوداني كسلان شاف ولده بيغرق الولد قال لابوهو الحقنيييييييي الابو قال ليهو اركز دا يومك يا راجل
عشان كدا دا يومك اركزي هاهاهاهاه
ما قلت ليك ما تدوزني

صـديقتي بت قضــيم..حبـابك
لـيك كل ما تبقى من سـر الزمن والفرح..ومن بعدها ليك ورد المعزة..وســلال الضـوء الشفيف..
كـتر خـيرك على السـؤال..
بعض المشاكل الفنية حمتني الطلة..منها مثلا انهيار السستم بتاعي بره وجوه..وبالتالي الانقطاع غير الارادي..وتأكدي يا صفية اني سأعود قريبا..ونحن من ناس (اصبح البورد وطن في زمن اللاوطن )..وليك نقاء الضحكة..لأنك ليك القدرة على اقناعي بضرورتها..

صــديقي اهـل العوض..حبابك يا اصـيل
و صـدقني افتقاد الناس واحدة من معاني التماسك..وكثيرا من الأصدقاء فضلوا برج المراقبة اكتر من التواجد في بطن الحدث..وبراك عارف البير وغطاها..كتر خيرك
صـديقي مهاجـر..حبابك وكتر خيرك..
نعم الأسباب كتيرة..لكن اتمني انو الناس تلقى القدرة على تجاوزها..

صـــديقي..أسـاسـي..حـبابك
كـــراع البقـــــرة جـيابة


ودمتم
كبر

..
.
فعلاً كراع البقر جيابة
والله الفولة اتملت يا كبر
والبركة فى بت قضيم النكشتك من الفريق
تتصور لميت لى فى مجموعة من اهلنا الطيبين فى جلسة مسائية
بهذة البقعة الصحراء
وبدأت المقارنة بين الدعاش والسموم
بين الخضرة والجفاف
وجاب الحديث كلام والكلام
ذكريات والذكريات دوما ترتبط بالمكان والزمان
فكان المكان
الدلنج / المعهدالتربية / الفرشاية / الحوازمة / حوارى اقوز
وكان الزمان منتص الثمانيات ومطلع التسعينات
ومن ثم الشخصيات
ابكر وكبر
وامتد السؤال الشديد عننك
وسؤال اخر من الاخ ابكر ادم اسماعيل
عقدت الدهشة لسانهم
وانا اخبرهم عن البقارة والشبايه
لا تدرى كم يعزونكم هؤلاء القوم رجالا ونساءا وكم يحتفظون لكم بمكانه طيبة
وتفرقوا وهم يبلغونك السلام الشديد
والامنيات لك وللااستاذ/ ابكر

وشكرا يا بت قضيم على السؤال
ويا اساسي انت عمر مهدى ما قال ليك
انو خفة دمك بترفع الضغط

لك التحية جميعا

واحد جه مارى بهنا