Post: #1
Title: هييييييييييييييي منو البفوز الهلال والا المريخ بكره
Author: abas
Date: 09-08-2003, 12:16 PM
كدي خلونا من هترشة شيري الباندوث ده الليله بنملاه ليكم بس عاوزين نعرف منو البفوز بكره الهلال والا المريخ الهلال عندو الفرص لكن بيني بينكم انا خايف من اليهود ديل لانهم محظوظين كتير لكن يا رب يفوز الهلال لانو بيدخل الفرحه في نفوس الشعب السوداني ولان الشعب السوداني اغلبيتو هلالاب والباقين هلالاب زعلانين عاوزين يفوز الهلال
لكن برضو لو فازو الجماعه الطيبين بنكون خليناهم يفرحو لانهم السنة دي ما شافو فرح وعود ليهم يا ليل الفرح وداوي القليب الانجرح
لكن خايفنو ينجرح من الولد وابوه اصلو هلال بورسودان هزمهم عشان كده رجعو الحارس الرمي شعار النادي تاني عشان عمار كلو مره بيقول الحفره والا الكشافات جهرتو ومره قال حاولو ارشوه والمره دي ما عارفين يقول شنو عشان كده رجعو الحارس التاني غايتو ربنا يكون في عونو
ده كلو هين البيمسك انور منو عندهم ده سوال تاني ولا روبيرو ولا هيثم والا اولاد بخيت لكن يا بني صهيون ما جنس بشتنه
|
Post: #2
Title: Re: هييييييييييييييي منو البفوز الهلال والا المريخ بكره
Author: ibnaof
Date: 09-08-2003, 12:20 PM
Parent: #1
أكيد سوف يفوز المريخ 2/1
أو 1/صفر
|
Post: #3
Title: Re: هييييييييييييييي منو البفوز الهلال والا المريخ بكره
Author: abas
Date: 09-08-2003, 12:47 PM
Parent: #1
ابن عوف اخوي
كدي عينك في عيني
|
Post: #4
Title: Re: هييييييييييييييي منو البفوز الهلال والا المريخ بكره
Author: maia
Date: 09-08-2003, 12:57 PM
Parent: #1
رغم اني ما عارفة الهلال مستواه ذاتو بقى كيف ، لكن بتمنى انه يفوز من منطلق معزتي القديمة للهلال والازرق
|
Post: #5
Title: Re: هييييييييييييييي منو البفوز الهلال والا المريخ بكره
Author: abas
Date: 09-08-2003, 01:00 PM
Parent: #1
الاخت مايا
يا ريت لو كل الصهاينه يسمعو كلامك
|
Post: #6
Title: Re: هييييييييييييييي منو البفوز الهلال والا المريخ بكره
Author: shiry
Date: 09-08-2003, 01:05 PM
Parent: #5
سلام مربع
الهلال اكيد ح يغلب ليك
المريخ
اثنين ستة
2/6
|
Post: #7
Title: Re: هييييييييييييييي منو البفوز الهلال والا المريخ بكره
Author: abas
Date: 09-08-2003, 01:11 PM
Parent: #1
شيري الرايعه
اسمع منك ربنا يا رب ويفتحو ليك الباندوث ويدوك فيه فرصه
|
Post: #9
Title: Re: هييييييييييييييي منو البفوز الهلال والا المريخ بكره
Author: shiry
Date: 09-08-2003, 01:20 PM
Parent: #7
ٍسلام مربع
قلت كده
انشاء الله الهلال
يغلب ليك المريخ
غلب لا شوفناهو في ريال مدريد
ولاسمعناهو بيهو
في حلة حمد
غلبا
يجي ليهو كده
زي
11/2
|
Post: #8
Title: Re: هييييييييييييييي منو البفوز الهلال والا المريخ بكره
Author: الزنجي
Date: 09-08-2003, 01:19 PM
Parent: #1
اعتقد بان المريخ حايمرر لية المبارة دى ويخسرها لانها مباراة وديـــــــة . لكى يفرح الهلالاب بالكاس بعد غياب ثلاثة مرات على التوالى
ومبروك الكاس مقدما لكل الهلالاب .
|
Post: #10
Title: Re: هييييييييييييييي منو البفوز الهلال والا المريخ بكره
Author: abas
Date: 09-08-2003, 01:24 PM
Parent: #1
الزنجي
هي ها هي ها
خلاص فوزو انتو ونحنا بنشيل الكاس زي كل سنة
|
Post: #11
Title: Re: هييييييييييييييي منو البفوز الهلال والا المريخ بكره
Author: عوض الله الفولانى
Date: 09-08-2003, 01:50 PM
Parent: #1
الاخ / عباس
اتنمى ان يفوز الهلال على المريخ بكمية
كبيرة عشان نسكتم بالمرة و بصراحة كدة
الون الازرق مريح حتى على النظر وامسكو الخشب
يا مريخاب
الفولانى
**************************************************
مامعنى هذا الصمت الذى لا ينتهى برغم حانتا الصراخ
|
Post: #12
Title: Re: هييييييييييييييي منو البفوز الهلال والا المريخ بكره
Author: abas
Date: 09-08-2003, 02:00 PM
Parent: #1
يا رب يا اخوي الفولاني
قولو انشاء الله بس
|
Post: #13
Title: Re: هييييييييييييييي منو البفوز الهلال والا المريخ بكره
Author: الزنجي
Date: 09-08-2003, 02:05 PM
Parent: #1
الهم الاكبر عندكم هزيمة المريخ ولا الكاس
|
Post: #14
Title: Re: هييييييييييييييي منو البفوز الهلال والا المريخ بكره
Author: abas
Date: 09-08-2003, 02:08 PM
Parent: #1
يا الزنجي اخوي
الكاس ما ضمناه خلاص
اما الكاس التاني هو هزيمة المريخ
|
Post: #15
Title: Re: هييييييييييييييي منو البفوز الهلال والا المريخ بكره
Author: الزنجي
Date: 09-08-2003, 02:11 PM
Parent: #1
عباس اخوى مبروووووووك عليك الكاسين السنة دى
|
Post: #16
Title: Re: هييييييييييييييي منو البفوز الهلال والا المريخ بكره
Author: nazar hussien
Date: 09-08-2003, 03:32 PM
Parent: #15
المباراة في شنو طائرة واللا قدم
لأنو حسب علمي سلة مافي
|
Post: #17
Title: Re: هييييييييييييييي منو البفوز الهلال والا المريخ بكره
Author: saifkeli
Date: 09-08-2003, 04:56 PM
Parent: #16
غايتو في الشايفة يوم 9/9 بكرة
عدد الهلالاب في هذا البوست يمكن يكونوا أهداف للهلال
ونفس الشيء عدد المريخاب في هذا البوست يعني
؟؟؟؟/1
نتمنى أن تكتمل المباراة وتكون في المستوى
|
Post: #18
Title: Re: هييييييييييييييي منو البفوز الهلال والا المريخ بكره
Author: ملكة سبأ
Date: 09-08-2003, 05:13 PM
Parent: #1
غايتو لو مادقو الحكم
ولو ماشالو الكورة وقامو جاريين بنغلبو اثنين مع الرأفة طبعا
|
Post: #19
Title: Re: هييييييييييييييي منو البفوز الهلال والا المريخ بكره
Author: abas
Date: 09-08-2003, 05:44 PM
Parent: #1
سيف كلي نحنا عارفين اننا غالبين
ملكت سبأ مبروك عليك الفوز
|
Post: #20
Title: Re: هييييييييييييييي منو البفوز الهلال والا المريخ بكره
Author: اساسي
Date: 09-08-2003, 05:50 PM
Parent: #19
الاخ عباس
باذن الله سوف نجعلكم تستلمون هذا الكاس تحت الموسيقي الجنائزية
مللنا احتكار الدوري الممتاز الي درجة ذهدنا فيه هذا الموسم ولن يكون لنا فرحة به حتي نجعلكم تتذوقون حلاوة الفوز لنزيقكم مرارة الهزيمة فلا محالة انكم نلتم الكاس منا عطية مزين ولكن بيننا يوم الغد والذي باذن الواحد الاحد نسجعلكم تخرجون من الملعب تحت وابل حجارة مشجعيكم الرشاشات بسبب سحقا لكم في المبارة وتمسيخ الكاس عليكم الذي حتما سيكون مثل جنازة البحر
|
Post: #21
Title: Re: هييييييييييييييي منو البفوز الهلال والا المريخ بكره
Author: بلدى يا حبوب
Date: 09-08-2003, 06:32 PM
Parent: #1
الاخ عباس
بحسابات الدورى الممتاز الذى حسم كاسه للهلال ولان المباراة بالنسبة للهلال نهائى مبكر وحتى تبدأ افراح الكأس من غدا اتوقع فوز الهلال بنتيجة
هدفين مقابل هدف
وبالرجوع الى موقف المريخ من الدورى الذى فقده ولم يتبقى له غير الفوز بالمباراه وتعويض فقده للدورى بهزيمة الهلال وعليه اتوقع ان يكون المريخ منافسا شرسا للهلال ولكن ستبقى النتيجة كما توقعت
اما الامر الذى سيجعل التوجس من المباراة فاتوقع التحكيم بدوره سيقود الى ثورة الجماهير والامل ان توفق ادارة التحكيم فى اختيار طاقم يرضى كل الاطراف ولا تتكرر مأساة اخرى
واقول للاعبين قدموا لنا مباراةتعكس تقدم الكرة السودانية التى قد سجلت قبل شهور تحركا فى القائمة العالمية للفيفا وان كانت درجات قليلة ولكن تعتبر مؤشرا ايجابيا وبحكم ان قمة الكرة السودانية ستلتقى غدا اكيد ستكون هنالك عيون ترصد الاداء والامل ان نستمتع بكرة تليق بمستوى الفريقين وتاريخهم الحافل بالانتصارات
اما للجماهير المباراة ستكون فوق صفيح ساخن الهلال يريد ان يؤكد صدارته للدورى دون اى هزيمة والمريخ يفاتل من اجل استرداد البسمة الى جماهريه التى كم غضبت خلال رحلة بورتسودان والتى ينطبف
عليها كلمات اغنية الفنان احمد المصطفى التى تقول
سفرى السبب لى اذايى
حطم لة وفاء
واختم واذكر النتيجة اتوقعها كما اسلفت
هدفان مقابل هدف لصالح الهلال
|
Post: #22
Title: Re: هييييييييييييييي منو البفوز الهلال والا المريخ بكره
Author: sign
Date: 09-08-2003, 08:16 PM
Parent: #21
المباراة ستكون مشحونة بالتوتر..ربما تنتهي بضرب الحكم..أصلو ناس زعيط و معيط ديل بقو مصارعي حكام
..هلال الملايين..رمز السعد..أصل الحب..آسر الجميع ..الزعلانين قبل الراضين..والله يا جماعة..هلالنادة بنموت فيهو عدييييل..لغاية ما نضرب ناس زعيط و معيط بكرة..بالأربعة..انشاءالله..غنو معاي
شفنا حبيب بنريدو دون علة**أهلا بيهو الهلال هلا...
|
Post: #23
Title: Re: هييييييييييييييي منو البفوز الهلال والا المريخ بكره
Author: altahir_2
Date: 09-09-2003, 00:34 AM
Parent: #1
يا اخوانا شيبا وين ما ظاهر. إن شاء الله يكون بخير.
غايتو الهلال كلام العقل بقول غالب ، لوما حصل كدة تبقي دي حاجة تانية ولا شنو؟
|
Post: #24
Title: Re: هييييييييييييييي منو البفوز الهلال والا المريخ بكره
Author: abas
Date: 09-09-2003, 06:10 AM
Parent: #1
العزيز اساسي
طبعا الكاس السنين الفاتت اتنو ما غلبتونا كل كاس نحنا بنمسخو ليكم لكن ده بعدكم انكم تمسخو لينا كاسنا
بلدي يا حبوب اسمع منك ربنا
سينق الغالي نحنا مش بنموت فيه نحنا هو اعلي حاجه عندنا
|
Post: #25
Title: Re: هييييييييييييييي منو البفوز الهلال والا المريخ بكره
Author: ديامي
Date: 09-09-2003, 06:14 AM
Parent: #24
المباراة ستنتهي لصالح التحكيم 1\صفر
|
Post: #26
Title: Re: هييييييييييييييي منو البفوز الهلال والا المريخ بكره
Author: abas
Date: 09-09-2003, 06:18 AM
Parent: #1
عارف يا ديامي
عجبتني فكرة انسحاب الخيط دي
|
Post: #27
Title: Re: هييييييييييييييي منو البفوز الهلال والا المريخ بكره
Author: حمزاوي
Date: 09-09-2003, 08:25 AM
Parent: #1
يا جماعة الخير
صباحكم كله خير
معقول الكلام دا يا الهلالاب
وصلنا مرحلة نعت المسلمين مشجعي اعظم واعرق نادي افريقي باليهود والصهاينه يا ساتر استر
انا بشجع المريخ وبدخل مباريات المريخ والهلال ما سمعت يوم واحد مريخابي يوصف الهلالاب باوصاف ونعوت مثل هذا اتقوا الله يا ناس
وبالنسبة للنتيجة اتوقع فوز المريخ
|
Post: #28
Title: Re: هييييييييييييييي منو البفوز الهلال والا المريخ بكره
Author: abas
Date: 09-09-2003, 08:39 AM
Parent: #1
حمزاوي الغالي وصف الصهاينة معناه انهم محظوظين وليس القصد اي شيء تاني والفوز حليف الهلال انشاء الله
|
Post: #29
Title: Re: هييييييييييييييي منو البفوز الهلال والا المريخ بكره
Author: abas
Date: 09-09-2003, 11:45 AM
Parent: #1
سئل الأستاذ محمد الفيتوري شاعر إفريقيا الأول .. عاشق السمرة عذب المفردات عن عشقه الكروي فقال أنا أحب المريخ وأتمنى ألا يزعج ذلك الحب جماهير الهلال، وسئل قبله الممثل الراحل الأستاذ ياسين عبد القادر طيب الله ثراه في لقاء تلفزيوني : أي فريق تشجع: فسكت وابتسم قبل أن يجيب: أنا بشجع الفريق البجيب الكاسات من بره، واللبيب تكفيه الإشارة!
* هذا هو سر الكوكب الأحمر الذي خلب قلوب الشعراء والفنانين والمبدعين في كل أنحاء المعمورة منذ قديم الزمان، هذا هو السحر الحلال الذي جعل العالم كله يترقب اقتراب المريخ من الأرض قبل أيام، فتدافع الملايين للنظر إليه بالعين المجردة أو المراصد الفلكية لينعموا بنظرة من ميسرة، يكحلون بها العيون ويثبتون بها القلوب ويستمتعون عبرها بالمنظر البديع ويرددون في سهم سبحان من صور!
* هذا هو المريخ الجميل .. كوكب الجمال والروعة والبهاء .. (أب زرد) مارس إله الحرب عند الإغريق، الرمح الطويل عند الرومان، المريخ .. جميل المنظر بهي المخبر.. خصنا الله بحبه فمتلينا في جمال وجهه منذ الصغر وما اكتفينا من منهله العذب الزلال!
* هو المريخ .. لا جن ولا سحرة بقادرين على أن يلحقوا أثره.. جميل إن ابتعد .. رائع إذا اقترب.. يتحلق حوله قمراه وصيفان مثلما ظل الهلال يتحلق بمريخ الأرض وصيفاً له منذ قديم الزمان!
* هو المريخ .. جميل في الوجود وفي الغياب .. فما لموته ينفجر السؤال ولا جواب!
* هو المريخ .. في الأرض بعض من تخيلنا.. شاهق في السماء لو لم نجده عليها لاخترعناه.. لأننا نهواه .. نهواه في كل الظروف حتى وهو عابس ومكتئب تلهو به عواصف التابع الأزلي.. وهو الذي تعود على أن يخطر جميلاً في المجرة.. كوكب لا يعرف التبعية ولا يتفوق عليه أي تابع.. برنجي لا يسبقه أي كنجي!
* اليوم نتحلق حوله لنستكشف شيئاً جديداً من أسرار عظمته التي خلبت لب الفيتوري وفتنت علي المك ومنحتنا عواتك ابن البان وصدحت مع صوت زيدان الشجي وغنت مع البلبل الصداح إبراهيم حسين ( نجمة نجمة .. الليل نعدو.. والسنين يا حليلنا عدوا .. إنت ما عارف عيونك .. لما تسرح وين بيودوا)!
* نغني له كما غنت له قيثارة الكاشف وهو يحلق في ( رحلة بين طيات السحاب) ونتيه عشقاً فيه مثلما تاه في عشقه عظماء الفن السوداني مثل الكابلي وإبراهيم عوض وعبد العزيز داؤود وسيد خليفة وخضر بشير وحمد الريح ومحمد أحمد عوض والنور الجيلاني وعبد القادر سالم وأحمد الجابري مروراً بعبد الوهاب الصادق والأمين البنا والفاتح قميحة وانتهاءً بمبدعي جيل الشباب عصام محمد نور ومحمود عبد العزيز وأبو طالب وأسامة الشيخ وشقيقته عابدة وغيرهم كثيرون!
* اليوم يومك يا نجم السماء العاشرة.. فاسحرهم والقف ما يأفكون.. اليوم يومك يا نجم السعد لتعيد الأمور إلى نصابها الصحيح.
* اليوم نردد اللهم انصر حزب الصفوة .. ولا ندعي أننا الأغلبية كما يدعون هم مع أننا نعلم يقيناً بأن محبيك أكثر من رمل الصحراء ينتشرون كالنجوم الزواهر في كل أرجاء السودان المريخ كما قال القبطان حاج حسن عثمان!
* اليوم نجتمع لنغني فرحاً بعودة المحبوب ونردد هل رأى الحب سكارى مثلنا .. نجتمع زرافاتٍ ووحدانا لنغني مع محمود درويش ( على الأنقاض وردتنا ووجهانا على الرملِ ... إذا مرّت رياح الصيف أشرعنا المناديلا .. على مهلٍ .. على مهلِ .. وغبنا طيّ أغنيتين ، كالأسرى نراوغ قطرة الطلِّ ... تعالي مرةً في البالِ .. يا أختاه! إن أواخر الليلِ ... تعريّني من الألوان والظلّ .. وتحميني من الذلِّ .. وفي عينيك ، يا نجمي القديم ، يشدّني أصلي.. إلى إغفاءةٍ زرقاء تحت الشمسِ .. والنخلِ .. بعيداً عن دجى المنفى ... قريباً من حمى أهلي )!
* ونغني ونغني ( وليكن .. لا بدّ لي أن أرفض الموت ، وأن أحرق دمع الأغنيات الراعفة ، وأعريّ شجر الزيتون من كل الغصون الزائفة ، فإذا كنت أغني للفرح ... خلف أجفان العيون الخائفة ، فلأن العاصفة ... وعدتني بنبيذ .. وبأنخابٍ جديدة وبأقواس قزح ... ولأن العاصفة كنست صوت العصافير البليدة ، والغصون المستعارة عن جذوع الشجرات الواقفة ).
* هو المريخ لا كذب .. هو النجم المؤتلق .. هو العالي في كبد السماء .. اليوم يبدو لهم مرتدياً شعار الحرب .. متأهباً للنزال .. ليرد الصاع صاعين .. ويضع المتطاولين في نصابهم الصحيح، ويؤكد أنه الأقوى.. والأجدر.. والأجمل حتى في قمة الضعف وذروة التراجع لأن الكوكب الأحمر قد يتهادى نزولاً برغبته لكنه لا يعرف السقوط!
* اليوم نحشد خيولنا ونسرجها لنمتطي صهوة الأفراح الهاربة ونغني لشهدائنا (لا توقفوني عن نزيفي ! ساعة الميلاد قلَّدت الزمان ، وحاولَتْني .. كنت صعباً .. حاولتني .. كنت شعباً .. حاولتني مرة ً أخرى ... أرى صفاً من الشهداء يندفعون نحوي ، ثم يختبئون في صدري ويحترقون .. ما فتك الزمان بهم ، فليس لجثتي حدٌّ .. ولكني أحسٌّ كأن كلّ معارك العرب انتهت في جثتي ، وأود لو تتمزق الأيام في لحمي ويهجرني الزمان ، فيهدأ الشهداء في صدري ويتفقون)!
* اليوم نستصحب ذكرى صلاح السعيد .. حبيب النجوم.. ونناشد أحباب المريخ في كل أرجاء العاصمة، في الشجرة والكلاكلات وأم بده كما كان يحلو له أن يفعل في مثل هذا اليوم.. ونستعيد مآثر العمدة وابن الربيع .. هم بيننا ما يزالون بأرواحهم الطاهرة وسيرهم العطرة، يفرحون معنا ويقرون في مراقدهم بإذن الله.
* اليوم نقهرهم .. اليوم نسمعهم صوتنا الجهور ونريهم زندنا المفتول.. اليوم يومك يا مريخ السعد يا فخر الوطن فأرينا فيهم ما نحب، وأريهم منا ما يكرهون.. وعشت يا مريخ موفور القيم، ولك الحب أنهاراً حتى وإن تعاليت على الظهور!
آخر الحقائق
* ما أحلى طعم آيسكريم الشعلة في أفواه المريخاب!
* وما أجمل آثار الشهادة ( الأصلية ) في وجه صالح سبت!
* هلال فورموست يذوب على طول!
* أبوكدوك موجود.. والعجب بيجود..وجندي شال وغزال وشوتال!
* عام لهم.. وثلاثة لنا .. تلك قسمة لم ترض المريخاب!
* انتقد شداد أرضية الاستاد.. وبعد انتهاء اللقاء سينتقد صاحب الاستاد!
*الشغب الذي حدث في التمرين الختامي.. بروفة لما يمكن أن يحدث أثناء مباراة اليوم!
* حذار حذار من ظلم أصحاب القلوب السوداء!
* وقد أعذر من أنذر !
* ابحث مع الشرطة.. عنوان مقال لما بعد القمة بطله رئيس التحرير!
* مرق وجوليط والشبل المعجزة صالح سبت.. ومن خلفهم كاشان .. عرض خاص وتنزيلات كبيرة لمهاجمي المريخ .. أحرز هدفاً وخذ الثاني بالمجان!ّ
* لكم نحبك يا نجم السعد يا فخر الوطن.. فكفاك تواضعاً فقد تطاول عليك من هم دونك بكثير وأفحشوا في التطاول فكن سيفاً صقيلاً.. وأعد إلينا شيئاً من ذكريات أيامك الخوالي، وأعدهم إلى مكانهم الصحيح.. خلفك.. قطاراً يجر من خلفه بقية الترلات!
ده عليكم الله مش مفروض يكون اسم عامودو كبد الكذب هذا المدعو مزمل ابو القاسم
|
Post: #30
Title: Re: هييييييييييييييي منو البفوز الهلال والا المريخ بكره
Author: ترهاقا
Date: 09-09-2003, 01:33 PM
Parent: #29
مع إنو ما بحب المباراة بين الهلال والمريخ بالذات لانهم بيكونوا متوترين واللعب بيكون خالى من الإبداع لانو الفريقين بيكونوا خايفين من جماهيرهم ارجو واحد فيكم يتبرع ويورينى المباراة الساعة كام اليوم
|
Post: #31
Title: Re: هييييييييييييييي منو البفوز الهلال والا المريخ بكره
Author: abas
Date: 09-09-2003, 01:42 PM
Parent: #1
الاخ ترهاقا المباراه اليوم في تمام الساعه 8 مساءا بتوقيت السودان
|
Post: #32
Title: Re: هييييييييييييييي منو البفوز الهلال والا المريخ بكره
Author: omer ibrahim
Date: 09-09-2003, 02:15 PM
Parent: #31
alkoora
2/0
the two goals in the second half and will be scored by one person
|
Post: #33
Title: Re: هييييييييييييييي منو البفوز الهلال والا المريخ بكره
Author: ترهاقا
Date: 09-09-2003, 04:03 PM
Parent: #32
شـــــكرا اخ عباس وتمنياتى للفريقين بتقديم عرض يليق بعراقتهم
|
Post: #34
Title: Re: هييييييييييييييي منو البفوز الهلال والا المريخ بكره
Author: bit barber
Date: 09-09-2003, 11:02 PM
Parent: #1
اسالو سجيمان
بجيهكم تب
|
|