Post: #1
Title: اللجنة القومية لدعم علاج الدبلوماسي الشاعر الحردلو
Author: حسن الملك
Date: 09-07-2003, 02:19 PM
اخواني سوف ننقل لكم نشاط اللجنة في هذا الباب اما بخصوص نشاط الانترنت من خلال سودانيز اون لاين سوف تكو الخطة الاعلامية كالآتي ارجو الدعم من الجميع :
1- صممت اللجنة بروشور تعريفي دعائي يشمل:-
* التعريف بمحطات هامة من سيرته الذاتية الثرة.
* التعريف ببعض اعماله الادبية الخالدة
* صور للحردلو
توزع بقيمة رمزية لمن يرغب الاتصال من خلال هذه الصفحة.
ثانيا:
نرجو استكتاب ايضا من خلال هذه الصفحة الكتاب والمثقفين ذوى الالمام
باعمال الحردلو.
ترجو اللجنة من الاخ بكري فتح صفحة حوار للشاعر ..
ونحن من هنا في الرياض سوف نبث كل الاخبار والبرامج والانشطة لللجنة الفومية ..
واخيرا ان باب العضوية مفتوح للكل وهي لجنة فومية كما هو ظاهر من اسمها
نواصل ...
|
Post: #2
Title: Re: اللجنة القومية لدعم علاج الدبلوماسي الشاعر الحردلو
Author: aba
Date: 09-07-2003, 02:47 PM
Parent: #1
أخي حسن الملك
نشد علي أيديكم , ما تقومون به يجعلنا نزهو بكم ، وسنشارك بكل الحب والفرحة في كل جهد يطلب
نسأل الله لأديبنا الإنسان الحردلو تمام العافية
سيد أحمد الحردلو
--------------------------------------------------------------------------------
دائماً في الزحام
--------------------------------------------------------------------------------
-1-
دائماً في الزحام
حين يرتطم الوجه بالوجه
والصوت بالصوت....،
يطلع وجهك عاصفةً ...
من خلال الزحام.
فيزرعني في الشوارع ...لُغماً ...
ويغزو يقيني ....
ويدحرني ...
فألوذ الى الصمت .. وهو كلام.
... بأي اللغات ..
أمارس حق التحية
حق الرحيل ....
حق اللجوء إليك ...
وحق السلام.
وكيف يحج اليك المحبون
كيف يجيئون ...
كيف يكونون عند التحية ...
عند السلام.
-2-
أنا مستهام،
عاشقٌ من زمان المحبين ..
ضيّعني العشق ...
ضيّعت عنوانه .. في زحام
زمن الشرك
واليأس ..
والجاهلية ..
والوأد .. والإنقسامْ.
فزمان المحبين ولى
وجاء زمان الفجاجة ..
والنثر ...
والقهر .. والانهزام .
فبأي اللغات – إذن –
يحمل العاشقوك .. تشاويقهم ..
وبأيّ ضروب الكلام.
أمنحيني السلام،
فأنت جميع اللغات..
جميع القصائد ...
ما كان منها ...
وما لم يكن،
وإني لصاحبك المستهام.
1993
|
Post: #3
Title: Re: اللجنة القومية لدعم علاج الدبلوماسي الشاعر الحردلو
Author: aba
Date: 09-07-2003, 03:02 PM
Parent: #2
سيدأحمد الحردلو : واحد جميل
- 1 -
تانى قام واحد جميل فى بلدنا ... ماتْ
وكان بغنى للمساكين .. والمسولتين .. والحفاتْ
وكان بغنى للمنافى .. والعصافير .. والرعاتْ
وكان بغنى لى بلد فى الحلم ... جاي .. أغنياتْ
وكان بطنبر .. وكان بدوبى .. للحياةْ
- 2 -
تانى قام واحد ملك ... روّح .. وفاتْ
وكان ملك فى الريد ... وإنسان فى الصفاتْ
وكان مهاجر فى دموع كل البكاتْ
وكان وتر مشدود ... ومسكون دندناتْ
وكان - عليه سلام - تقول مازول حياةْ
- 3 -
يا مصطفى .....
فاكر الجماعة الكانوا ساكنّك دوام
من منفى لى منفى
ومن عود ... لى سفرْ
فاكر العصافير المسافرات دون جواز
فاكر اللى داجّين فى المطرْ
.... عبدالرحيم ... وهلم جرْ
فاكر القطر
فاكر النخيل .. فاكر الحراز
... الليلة كانوا جميع هناك
قسماً يمين .. كان الجميع باكين عليك
كان المطار فارش عليك
كان الجميع مشتاق إليك
ياسلام عليك
لمّان تكون زولاً عزيزْ
عنْ ناس عزازْ
- 4 -
يعنى كان لازم تفوتْ
والحزن مشرور فى البيوتْ
والدنيا مازال فيها حوتْ
.... وفيها لسع .. عنكبوتْ !!
.... يعنى كان لازم تفوتْ
وتخلّى أوتارك سكوتْ
ولسة عندنا ريد جديدْ
ولسة عندنا ليك قصيدْ
...... يعنى كان لازم تفوتْ
وتخلى هذا الحب يموتْ !
- 5 -
ياسلام عليك
لمّان تكون زولاً عزيزْ
عنْ ناس عزازْ
يا سلام عليكْ
ـــــــــــــــــــــــــــــــــــــــــــــــــــــــــــــــــــ
سيد أحمد الحردلو - الخرطوم - يناير 1996م
|
Post: #5
Title: Re: اللجنة القومية لدعم علاج الدبلوماسي الشاعر الحردلو
Author: بكرى ابوبكر
Date: 09-08-2003, 08:23 AM
Parent: #4
بروفسير حسن
كل امكانيات و صفحات الموقع تحت تصرف لجنتكم من اجل شاعرنا الحردلو و ما قدمه من شعر لشعبنا
|
Post: #6
Title: Re: اللجنة القومية لدعم علاج الدبلوماسي الشاعر الحردلو
Author: حسن الملك
Date: 09-08-2003, 09:10 AM
Parent: #5
اخي بكري
فرحت كثيرا باستجابتكم اخي بكري وانت تعمل سفيرا لهذا الوطن ..دعني احييك من هذا المنبر لهو اعظم من عمل سفارات ...
وبهذه المناسبة الطيبة ازف اليكم باقة من الاخبار الطيبة
جهود الطيب صالح والخارجية السودانية مع قطر ككلت بالنجاح
سمو الامير بندر يسهم في علاج الشاعر الحردلوبمبلغ (مائة الف ريال) سلمت لرئيس اللجنة القومية السفير (م) كمال احمد داوود عبارة عن تبرع سموه لعلاج الاستاذ سيداحمد الحردلو. واوضح الاستاذ ماجد الغشان مدير مكتب صاحب السمو ان الامير بندر فد كلفه بنقل تحياته الشخصية لزميله الدبلوماسي السابق الحردلو وامنياته القلبية بان تكل هذه الجهود بفضل الله بالنجاح...
|
Post: #7
Title: Re: اللجنة القومية لدعم علاج الدبلوماسي الشاعر الحردلو
Author: حسن الملك
Date: 09-09-2003, 12:58 PM
Parent: #6
فوق... فوق
|
Post: #8
Title: Re: اللجنة القومية لدعم علاج الدبلوماسي الشاعر الحردلو
Author: aba
Date: 09-09-2003, 05:05 PM
Parent: #4
المحترم الأخ حسن الملك
يسعدني جدا والله ان أسهم ولو بكلمة في علاج مبدع سوداني في قامة الحردلو ولو هنالك ما يمكننا فعله فما عليك إلا أن تأمر، وأشكر لك إنزالك البوست بتاعي لكن إسم عجاج ده لقيتو وين إسمي خالد الحاج أرجو تصويبه ولك ودي وتقديري لما تقومون به من جهد في عمل نبيل
|
Post: #9
Title: Re: اللجنة القومية لدعم علاج الدبلوماسي الشاعر الحردلو
Author: حسن الملك
Date: 09-10-2003, 08:35 AM
Parent: #8
معليش ياامير
صلحنا الاسم
|
|