خريف المعاني...عمل مشترك مع الشاعر امجدابراهيم دفع الله

التقيت و الاخ الشاعر امجد دفع الله و كالعاده استرسلنا في لطائف الادب..عندما استمع لاحدي القصائد الاخيرة طلب مجاراتها...فهنا ما كان و ما نتج

كونك معايا
خريف للمعاني
و نسيمك دعاش

وصوتك جوايا
حفيف الاغاني
و سبيل انتعاش

عيونك بداية
و نورك هداني
ضوي الغباش

أليفا لحسنك
جمالك بيروي
النفوس العطاش

أساس الحكاية
محبا أراني
لجنس الفراش

أهوم برايا
و أنسج أماني
و أناغم الرشاش

بآهة ابتديتك
و ريدك غزاني
حت

كونك معايا
خريف للمعاني
و نسيمك دعاش

وصوتك جوايا
حفيف الاغاني
و سبيل انتعاش

عيونك بداية
و نورك هداني
ضوي الغباش

أليفا لحسنك
جمالك بيروي
النفوس العطاش

أساس الحكاية
محبا أراني
لجنس الفراش

أهوم برايا
و أنسج أماني
و أناغم الرشاش

بآهة ابتديتك
و ريدك غزاني
حت الرياش

و كتب امجد:

شموسك وضيئة
بتشرق بتدلق
شعاع العذوبة
برمز العفاف

طيوفك قصيدة
رصينة و رزينة
و لحنك يهدهد
عذاري الصحاف

لأنك بتسقي
جروف المحنه
رزاز الخصوبة
رحيقك سلاف

حملتك تميمه
ثمينة و أمينه
تحصن تحوط
دروب المدينه و أقاصي الضفاف

تفرهد سهولنا
البتعشق هطولك
تزغرد مداين
تعيش الكفاف

لأنك معايا
خريف للمعاني
و نشيدك هتاف
بتزهر حروفك
نسيمك دعاش


محمد حسن


و معليش يا جماعه ما عارف البوست ما نزل كلو مع بعض ليه

محمد حسن وامجد

جميل ومنتهى الابداع

خلونى اجرب يمكن اعرف اعمل زيكم


نجومك بتبرق بنور اندهاش

بحسنك عرفتى تقوى الهشاش

وودك يلف الرقاب رقاشا رقاش


بتدرى انه المسافة بتلغى الحياد

يطيش شوقى ليكى ويركض جياد

كانك دهيبة فى زمنا معاد

خذينى منى ليكى

يرك بين ايديكى

قليبى البشتهيكى

يهدهد فؤادك

يلولى لودادك

يحنن ضميرك

لعاشقا نزر روحو ليكى


.
.
.
اها لقيتونى كيف ..بنفع

تسلمو

انتي اصلا ما زولة هينه عشان كده ح اقول خطيرة

في ضي عيونك
بوهط رويسي
و ابادلك دلال

غلبني البيغلب
فوارس القبيلة
و اسود الجبال

ما اصلك فريدة
و مأصل جمالك
شبيهك محال