Post: #1
Title: ثم...عــدت الى ..مجتمعاتى....الثلاث
Author: abuguta
Date: 09-01-2003, 05:29 PM
كنت فى اجازة صيفية كان من المفترض ان اسافر فيها السودان لكن البنت ام عيونا مكان قالت مافى عرس الان قلت احسن يامان تترحل فى ارض فهد وسلطان وتسلم على الاخوان وتجدد المكان
فبداءت بمكة المكرمة ومناسك العمرة ثم ذهبت الى جدة عروس البحر الاحمر وكنت حايم فى سوق الندى لمحت واحدة لابسة نظارت واخرى معها اكبر منها عمرا قلت اكيد دى شيرى وام سهى او بت قضيم وعند الكرنيش قابلنى شاب ظريف وحالق حلاقة راقية قلت اكيد دا اساسى الود الراسى وكنت ناوى اتصل بالعم قرشووسنجاوى وولدنا مهاجر لكن الظروف لم تساعدنى ثم ذهبت الى ينبع حيث البداوة واستمتعت بالشرم وجوه المعتدل بس ينبع تذكرنى بابىقوتة يوم السوق
فيها كترة سودنة كانها صنعت خصيصا لهم ثم ختمت زيارتى بالمدينة حيث يسكن نبينا واهلى الحلوين ,وفى المدينة ازدات الروحانيات ونسيت هموم العمل.
ثم عدت الى مجتمعاتى الثلاثة فبداءت بشجرة الغابة بيت العذابة فوجدتهم نائمون واذان الظهر يعم الافاق وديل العاطلين منهم لهم احلام زلوط يريدون ان يبنو عمارات شواهق ويتزوجون اجمل حسناوات المنطقة ولما ياتى تجديد اقاماتهم لم تجد فى جيوبهم هللة حتى تساعد من يحمل همهم فى الكشف المفروض علينا اجتماعيا,والموظفون منهم حالهم كحالى لهم هموم ومشاكل تزداد عليهم كل اخر شهر.
مجتمع العمل
:-شوام
وسيمين فى البسمة والهندام واذا ادرت ظهرك منهم الى الامام تناولك باسلوبه الهدام امام المدير صاحب الاحترام
:-سودانين
احلامهم كاحلامى اغوص فى دواخلهم امزج احزانى مع احزانهم فاخرج فرح منتشى
مما سمعت منهم من حكم وسخرية فى النكة
:-سعوديين
قد شكت مرايات الحمام من وقفاتهم الطويلةوصرخ مقدمة الشماغ من حركات التشخيصةالتى ارهفت خيوطه,يحملون شهادات ثانوية وفى الثلاثة ايام الاولى يريدالواحد منهم ان يصبح مدير
:-مجتمع البورد
منهم من يحبنى ومنهم من يكرهنى ومنهم من يعتبرنى سازج اكتب عن اشياء لا تهم مصلحة الوطن ومنهم من يعتبرنى مراهق استحق الرعاية ومنهم من يعتبرنى ابنه ولكننى احبهم جميعالاننى تعلمت منهم الكتير وكم اشتقت لكم وحتى اواكب الاحداث سابداء قراءة البوستات من يوم غبت عن المنبر
وتسلمو جمعيعا
|
Post: #2
Title: Re: ثم...عــدت الى ..مجتمعاتى....الثلاث
Author: HOPELESS
Date: 09-01-2003, 06:18 PM
Parent: #1
اقوته
سلام يا صديقي
بس نحن اتفقنا انك توصل البيت اول ما تنزل مكه
وين العهد يا خائن
حمد لله علي السلامه
ويامرحب
|
Post: #4
Title: Re: ثم...عــدت الى ..مجتمعاتى....الثلاث
Author: abuguta
Date: 09-01-2003, 06:35 PM
Parent: #2
الاخ جمال
الصورة حلوة
والله كنت فى بالى لكن نسيت واتذكرتك لما وصلت ينبع
قلت خلاص لو جيت من المدينة ممكن اجى راجع مكة لكن هناك قلبى طار
لكن مصيرى اجى فى رمضان
وتسلم ياشفيف
|
Post: #3
Title: Re: ثم...عــدت الى ..مجتمعاتى....الثلاث
Author: Raja
Date: 09-01-2003, 06:23 PM
Parent: #1
العزيز أحمد
العود أحمد.. و
HOME SWEET HOME
... انت من أبوقوتة أبو قوتة... اعرفها وزرتها ومكثت فيها أجمل ايام الصبا في مكتب الجزيرة بورد.... تحياتي من خلالك بكل الناس الحلوة
|
Post: #5
Title: Re: ثم...عــدت الى ..مجتمعاتى....الثلاث
Author: abuguta
Date: 09-01-2003, 06:41 PM
Parent: #3
رجاء العباسى
تحياتى
ايوة انا من ابوقوتة الحى الجنوبى وناس الزراعة ديل حيهم اسمه عشرة بيوت
مرحب بيك وسلامك وصل
بتعرفى هويدا الطيب العباسى درست معنا فى الهند نحن جينا وهى سافرت
وتسلمى ياشفيفة
وسلمى لى على الموسكى
|
Post: #6
Title: ابو قوته
Author: توما
Date: 09-01-2003, 06:53 PM
Parent: #1
ابو قوته
سلامات وبركه الجيت ..
عجبتني احلام ظلوط العزابه صحي السعوديه بتخلي الزول يسرح لامن يلكزك بتاع الاقامه وفين هويتك..لكن يا ابو قوته كدي النسعلك
شن هي التشخيصه يا طويل العمر..
توما
|
Post: #7
Title: Re: ابو قوته
Author: abuguta
Date: 09-01-2003, 07:06 PM
Parent: #6
توما
كيفنك يابت امى
والله سالتينى عن حاجة ما بقدر اوصفها ليك
لكين لما تلقى السعودى رافع الشماغ فوق بعض من الخلف يعنى مش متدلى زى الناس الكبار والرباط او العقال ما بكون ظاهر الا بسيط من الامام دى التشخيصة,انا بوصف ليك وبلاحظ احد الشباب الذى سالنى قبل ساعة ايه رايك فى التشخيصة دى,عموما تعادل عندنا لفة العمة بطريقة حسين خوجلى
وتسلمى
|
Post: #8
Title: Re: ابو قوته
Author: bayan
Date: 09-01-2003, 07:08 PM
Parent: #6
وانا اقول
البورد منور ليه
وحدة الشكل
انخفضت
الف حمدالله على السلامة
بولدى الهمام
|
Post: #10
Title: Re: ابو قوته
Author: abuguta
Date: 09-01-2003, 07:27 PM
Parent: #8
خالة بيان
والله مافاهم حاجة
جندرية ودرجة حراة منخفضة
ولون بمبى وريال حمدى
وفى البورد سكن جنبى
لما افهم
مشكرة على الترحيب
اخوى ايمو
مشكور على الترحيب
وهنالك جديد كتير لكن مافى درب
لما نلقى الدرب
|
Post: #9
Title: Re: ابو قوته
Author: EMU إيمو
Date: 09-01-2003, 07:09 PM
Parent: #6
جيتاً جيت بالعافية
يا ابوقوتة
يلا هات جديدك
|
Post: #12
Title: Re: ابو قوته
Author: almohndis
Date: 09-01-2003, 08:02 PM
Parent: #9
عودا احمد
وعمرة مباركة
لكن والله اكان
جيت يازول ابوقته
اكان حشيت لك معنا
20 سرابة من قطنا
|
Post: #11
Title: Re: ثم...عــدت الى ..مجتمعاتى....الثلاث
Author: Shalabi
Date: 09-01-2003, 07:42 PM
Parent: #1
عزيزي الغالي ابوقوته ,,
لك التحيه والود
والله اخذني حديثك الحلو لذكريات عشناها سويا بكندوه في مدينة بونا الحنونه عند زيارتك لنا للفسحه بعيدا عن هموم ناغبور ,, اخذتني كلماتك بعيدا ليمر شريط الذكريات الي الدال والدار ورفقة اولاد ابوقوته الطيبين ,,كم رددنا تعبت ياهند من دربك الصعب وياريت يا ابوقوته تكتبها كامله حتى تنعش ذاكرتنا بحلو الايام,,
وعلى ذكرى ابوقوته ومكتب ابوقوته وبجيجه وبما انني من الذين عاشوا جزء من طفولتي هناك وتعلمنا حروف الهجاء وبداية التعلم في المدرسة الغربيه وعشنا اجمل ايام طفولتنا بمكتب ابوقوته التابع لمشروع الجزيره العريق فقد فاجأتني الاخت الرائعه دوما رجاء بانها كانت تعيش بمكتب ابوقوته وبعدين تكون بنت جيرانا وانا ماعارف ,,وزي ما قالوا سمحه الصدف حلوه الظروف
ولك التحايا والدعوات لك ولاهلنا في ابوقوته من الخيران الي عشره بيوت
ودمتم
|
Post: #14
Title: Re: ثم...عــدت الى ..مجتمعاتى....الثلاث
Author: abuguta
Date: 09-01-2003, 08:24 PM
Parent: #11
بونا
اليك يابونا منبع السحر
جئت من شرق ونزيلك نكر
الا تعرفى فتى فى زنجية العربى
ينطق الدضاد ووجناته سمر
فبنت من بعد على تلك الروابى
كانك بكر تبرز الصدر
انى فتنت بجمال الحسان
ونصيبى من ذلك كتابة الشعر
فحدثينى بربك اسوداننا فيك
له منابر وصحف تصدر
فقالت فى وجل وقولها خجل
فكثير من فى وغرائب كثر
اتسالنى عن شباب اشلائه جمعت
فى وحدة كانت وعمنا الخبر
فياليتهم صبروا على عهود ابرمت
فقامت شرزمة تقطع الزهر
فاشعلت نار واغلقت دار
فلا تفتنى ياخى مع ذلك النفر
مهما اغلقت دار واصابكم هجر
وصارت ارضكم كلها غفر
رايتكم شمسا شروقها ا فق
وظلامك زاح وعانقتم الفجر
فياروابط تجمعت فى يوما هذا
فاعلنوها ثورة كاثورة الحجر
بونا 1994
|
Post: #13
Title: Re: ثم...عــدت الى ..مجتمعاتى....الثلاث
Author: KOSTA
Date: 09-01-2003, 08:04 PM
Parent: #1
اباقوته
تحياتى
جيتآ جيت
و نورت بوردك
اتصلت عليك و قال لى احد السعوديين انك باجازة سنوية تنتهى فى الثالث من سبتمبر
فمرحبآ بعودتك
|
Post: #15
Title: Re: ثم...عــدت الى ..مجتمعاتى....الثلاث
Author: abuguta
Date: 09-01-2003, 08:29 PM
Parent: #13
المهندس
تحياتى
انت مهندس زراعى ولا شنو
بس انا مهندس اتصالات
هو القطن فضل فيه حاجة كل المشروع بقى ذرة وقمح
مشكور على الطلة
كوستا الحنين
وينك ياراجل
والله كلام صاح مفروض انزل يوم 4 لكن احد الشباب قال محتاج للايام
دى وانا قلت ليه ما بينا
انا مستعد للخدمة عشان نسمع صوتك
وتسلم ياشفيف
|
Post: #16
Title: Re: ثم...عــدت الى ..مجتمعاتى....الثلاث
Author: elsharief
Date: 09-02-2003, 03:43 PM
Parent: #1
الاخ العزيز ابوقوتة
حمدلله الف على سلامتك
|
Post: #17
Title: Re: ثم...عــدت الى ..مجتمعاتى....الثلاث
Author: مهاجر
Date: 09-02-2003, 04:08 PM
Parent: #16
كدا دخلنا في جكرا كبيرة جدا
ايسا كيو كرتا احمد
كيو نهي ايا
بالغت والله عديل
تجي جدة وما تقول لي ولا تتصل
نحنا نظامنا اي بودرابي جاي جدة يعلنها في المنبر
الا تكون زي السنجك والساحر لمينا فيهم في الحديقة بس وكان كل ايامهم مواعيد
نحنا في انتظاركم جميعا
سلامي للولد الراستا وقول عمك بيسال عنك
|
Post: #18
Title: Re: ثم...عــدت الى ..مجتمعاتى....الثلاث
Author: abuguta
Date: 09-02-2003, 06:25 PM
Parent: #17
الاخ متولى
شكرا على الطلة
شايف سمؤال دخل الحوش
الاخ مجاهر
ماف كروو
مى تايم نهى
والله كان عندى نية لكن جدة انت عارفها
مثل قواء حيث الهوى
عموما الجايات اكتر من الرايحات
انشاء الله نزوركم فى المستقبل
وتشكر على الطلة
|
Post: #19
Title: Re: ثم...عــدت الى ..مجتمعاتى....الثلاث
Author: ابو جهينة
Date: 09-03-2003, 12:23 PM
Parent: #18
أبوقوتة : تحياتي
و السلام ألوف
السعوديين و حركة تصليح الشماغ و العقال ، جعلتهم يقومون بحركة طقطقة و لولوة العنق بطريقة كأنهم يعانون من فليتة أو إنزلاق غضروفي من الدرجة التالتة.
تسلم أبو قوتة
|
Post: #20
Title: Re: ثم...عــدت الى ..مجتمعاتى....الثلاث
Author: abuguta
Date: 09-03-2003, 08:14 PM
Parent: #19
ابو جهينة
تحياتى
لو لولوه العنق بكونو شاركو الهنود فى هواياتهم
تسلم ياحبيب
ومشكور على الطلة
|
|