Post: #1
Title: يا قلبي يا كتاكت..ياما انت مليان وساكت
Author: توما
Date: 09-01-2003, 08:33 AM
Parent: #0
..
الليله مساهر انا انا..
ويا قلبي من حالتك الفوقك الله يصبرك..
الليله سهر الجداد والمنام ابا لي..قلت كدي الندخل الحله دي..الغريبه الزول بقا يجي داخل براحه وعامل ساتر خايف تجيهو طوبه طايره ولا شكله تعتر ليهو ولا كلمه تقع منو ساي يشيلها زول يدردمها ويفلقو بيها في عنقرتو ..اها بجي براحه علا بتاوق ساي وامشي
عندي كلام علا مقطعاهو في حشاي اسع تقولو يقولو ليك عامل فيها هناي والله لا هناي لا ساي ودايره اعرفكم ببت النور صاحبه الحلقه
و بواشقايا وقصتها وبحب جميل مدفق جواي ومنبعه وبشخبته وجغمسه قاطعاها من راسي وكبدتي تسمي مجازا شعر ..جيت مفتونه بالجو العام الجميل
اها وحلاتم ناس الحله لمن يتونسو ويتبادلوالود
ويجاملو بعض في حزن وفقد وفرح بحب وعرس ومولود ويشيلو هم بعض وفجاه كده يفورو يفورو تقول كبو باودر والترجمه باكنج باودر
كنايه عن الفوره وحقوق القواله محفوظه لبتول جارتنا
وولا محبطه اسع ولا اي حاجه دي جلكسات مني ساكت وقلت افتح البوست ده اعرض
فيهو ساي كده بس و....ترقص مشاعري انا وتدي القليب
شبال
ويا انت يا البتقرا وزهجان اعرض ولا هماك شئ....ومعليش ياالباندوث
هدروك وكملو قدرتك مافي الا تغني هدروني هدروني الليله ما ذنبي
والضمير راجع لي انا براااااااي
|
Post: #2
Title: Re: يا قلبي يا كتاكت..ياما انت مليان وساكت
Author: bayan
Date: 09-01-2003, 08:42 AM
Parent: #1
لووووووووووووووووول
عسل وبسكويت انت
الطوبة لو عايزة تجى عنقرتك
بتجيك لا ايدك لا كراعك
ممكن زول اسم توما دا بيذكرو
نسيبتو المنشفة ريقو
يجى يدك طوبتك انتقاما وكرها
ولا
فى واحدة اسمها توما ادتو شاكوش
يجى يديك طوبة تشدهك تب
ا,
زمان فى المدرسة كانت فى بت اسمها توما
كانت قاطعة الدرب و حابساه
يعنى لاسباب كثيرة
الطوب بيجى
يعنى لو مشيتى جنب
الحيطة او فوقها كلو
واحد
|
Post: #3
Title: Re: يا قلبي يا كتاكت..ياما انت مليان وساكت
Author: tmbis
Date: 09-01-2003, 08:44 AM
Parent: #1
والله وجهة نظر يا توما
لكن في اكتشاف تاني ..ممكن ترفعي بوستات ..ده في حالة ما تلقي ليك زول /ة يتقاطم معاك ..والتاء المربوطه شاديها من الجندرية..
والله يجيب الصبر بس
|
Post: #4
Title: Re: يا قلبي يا كتاكت..ياما انت مليان وساكت
Author: AlRa7mabi
Date: 09-01-2003, 02:36 PM
Parent: #1
توما
نحن مسجلين غياب
واسمنا في المتواجدين
وبرضو بي نفس السبب
د. بيان
ططفيتي النار ولا لسه
تمبس
مشتاق ليك
بس في نظرية تالتة .. انت ما عارفا؟؟
شفت كيف يا تمبس .. بقينا نقزقز بس؟؟؟
تسلموا
رحمابي
|
Post: #5
Title: Re: يا قلبي يا كتاكت..ياما انت مليان وساكت
Author: bayan
Date: 09-01-2003, 03:22 PM
Parent: #4
الريحمابى
يا اخى
انا نشرت القصة كاملة
العجبتك
ولا قريتها ولا حاجة
اسع ارسل ليك طوبة
نازلة تحت
حب افلاطونى
اقراها لكن
بدون مقارنات
مع كتاباتك الجميلة
|
Post: #6
Title: سلامات ايهاالحضور
Author: توما
Date: 09-01-2003, 06:29 PM
Parent: #1
سلامات ايهاالحضور
بيان ازيك بدون اي طوبه..
لكن يا بيان انتي كان عارفه التوما ست الاسم
سكره بس ووناسه جنس ونسه وزوله حاره تب مش قالو وقت الحاره الزول بيلقا اخوه..اسع وقت الطوب اوعي تزوغي يا فرده..
تمبس الفطااااط
حقو الزول يتسده فيك سده بلا جضه علي قول حبوبه لكن تقوم تستغل الوضع الراهن وتتشاكل معاي ..انت عارف يا تمبس الذ حاجه
في الشكله شنو ..انو تكون اصلا شامي احد اطراف الشكله المتعددي الاحجام والاشحام واللذين براك كده لا تستطيع ان تجازفهم ..اها بس تحصل العشكبه عنكبه وكفي وبنيتك وطوبه بيان تقوم تجي براحه كده بالكرب تدي غريمك شلوتين وصفعه محترمه وتقول ليهو شنو كده ما عارف ليك الحارقك من اليوم
داك وبراحه تعمل ديسابورا سريعه مع عمك تنقو ..كدي ده كلو خليهو فاطيني ليه ..
(لياقه الف قال ليك)
الرحمابي عندنا يا مرحبا ..
تصدق متابعه جزء من كتاباتك الجميله وعاجباني وبجي امد راسي والقا معاك ناس كتار وبتعرفو بعض وبتقولو في كلام اصحاب اصحاب اقوم براحه اعمل فيهاالبت
shy
لبن وامرق لكن وقت الدرب جابك النسجل ليك اعجابي بالقلم الرحمابي وقريت مداخلتك عن الطريق الي المدن المستحيله كانت جميله انا طبعا فرحانه من الروايه جدا ودايره اقول لابكر ادم جنس كلام الا رايح لي لكن بلقاهو..
نجي لموضوع غياب المتواجدين ده انا غايتو اظن
انو الحكايه ما حرد ولا زعل ولا انو الزول ما
عندو كلام يقولو الا انو الحاله العامه لا تخلو
من اسي بيشل القدرات الجميله علي الفعل ..
والاسي موجود وعام..في الاسيان علي وطن وديل كلنا وفي الاسي الفردي وكل يبكي علي ليلاه ..
لكن برغم ده كلو الزول بجي ويتكي في اخوانه
وتاني بقيف وسط البلد واهتف ماحردااااانه
ده حق عرضه ساكت
توما
|
Post: #7
Title: Re: سلامات ايهاالحضور
Author: اساسي
Date: 09-01-2003, 06:54 PM
Parent: #6
الحقيقة والحق يقال
هذا البوست له نكهة خاصة وخاصة جدا اعتقد انه البوست الوحيد الذي انزل المنبر من قبل اسبوع او يذيد احسست ان فيهو احلي ناس اطيب ناس وانقي ناس
شخصيا قرفت من المشاكل ويومها واصبحت اتجنبها عمدا ولكن لعنتها ظلت تلاحقني اينما ذهبت حتي وصمت بها وقرنت باسمي في هذا المنبر
ولان هذا البوست اعجبني حقا فاني بعد اذنك توما ساحاول ان ابوح فيه لانه الواحة الظليلة الوارفة وسط هذه البيد القاحلة اريد ان ارتاح بعد ان تلاهثت انفاسي من سباقات البوستات وطوباتها اريد ان ( اهجد في الواطة دي) وارح نفسي من عناء الصدام هلا تسمحين لي توما بان ارتاح علي وارف هذه الظلال
وساعود مرارا وتكرار لهذه الدوحة فاسمحوا لي احبتي
|
Post: #8
Title: اساسي
Author: توما
Date: 09-01-2003, 07:51 PM
Parent: #1
اساسي الاساسي جدا..
اول حاجه اقعد في الواطه دي وشيل نفس وختو لينا مصحوب بضحكه كبيره ترتاح بيها..الله بعلم في سماهو فرحتي وضحكتي لمن شفت اسمك ..ليه دي حاقولها ليك مفصله لما اجي من الشغل..
لكن قبل ماامشي حاحكي ليك نكته الزول البعد الشكله وبعد ما ضارب الف كده بس قعد
في الواطه نفسو انقطع صاحبو قال ليهو انت كويس قال ليهو انا كويس بس جرني علي الضل ده شويه..النبي كان ما ضحكت..
اها اقعد في الضل ده واعرض كدي لامن امشي اشتغل واجي
توما
|
Post: #9
Title: اساسي جدا
Author: توما
Date: 09-02-2003, 08:08 PM
Parent: #1
اساسي جدا
سلامات
اولا معليش لو ازعجتك نكتتي البايخه وما صادفت ضحكه عندك..كان قصدي اكسر زهجتك والحركه دي شافاها من التوما لمن اضرب ليها زهجانه وباخر روح تقوم تحكي لي نكته ويكون ما عندي روح اتنفس خلي اضحك وفي اخر النكته
وقبل ما تلامس اي حاسه عندي وترسل رد فعل
تقوم تلحقني ليك النبي كان ما ضحكتي ..ولانو مفطورين علي معزه النبي ولا عشان النكته بتكلكل ما عارفه المهم الضحكه بتمرق وبتكسر المود وبتغير الروح..
لكن بكون دقست وجبت كلمه شكله
عموما ده كان قصدي والله من وراء القصد يا اخا العرب..نرجع لموضوعنا الاساسي وهو انو ليه فرحت لمن لقيتك جيت بيتنا ..زمان لما بديت اقرا البورد كنت راصده الحركه العامه لناس الحله دي كما اسميها في تهاويمي براي ..ويلا بجي اتاوق كل يوم وكنت بستمتع
جدا بكميه من الحاجات لكن ما كان في طريقه تعبر بيها عن المتعه دي ..وكنت مصاحبه ليك كم زول في خيالي لمن يقولو ليهم جغمسه بتشبهني
واضحك من جوه قلبي وكم من زولا انا وهو اتلاقينا في احساس واحد تجاه حاجه معينه او قال كلام بشبه احساسي في يوم محدد..اها مااطول عليك تمل مني وتزيد جني..اها اتلاقينا في كم حاجه قبل كده وما جات فرصه الزول يقول ليك كلامو ..عموما اسع جيت وقلت ليك
متابعه كم حاجه كتبتها و بناقشك فيها لو ممكن مابوصايه ولا بياخه الا بخوه ساي..
وتعال شان ما اقول انا ثقيله وطفشتك بعدلك
توما
|
Post: #10
Title: Re: اساسي جدا
Author: زوربا
Date: 09-02-2003, 09:03 PM
Parent: #9
توما
نيلينك والأبنوس والشوق الجاري عليك
شفتي كيف
حتي الباقي من حس الوطن حلف البوم الطاع من غابات للدم أنو ما يخليهو لينا
وطقا الشكلة
أكتبي فالكثيرين مثلي يبحثون عن أتكاءة نعاود بعدها
الخوض في الزيف
لا تبخلي لنا بإتكاءه
والريد نيلين
|
Post: #11
Title: زوربا
Author: توما
Date: 09-03-2003, 05:19 PM
Parent: #1
زوربا يا صديق
سلامات
مش قال ليها وبكيت ولاهماني شئ..تصدق برغم الاسي الشدييييد وكتبت ما هماني شئ..لكن اكتشفت انو الصمت اجمل وزي ما قالت حبوبه الكلمه جواك انت سيدها ان مرقتها ملكتك
شكرا للحضور
توما
|
Post: #12
Title: Re: زوربا
Author: اساسي
Date: 09-03-2003, 05:50 PM
Parent: #11
اولا طالباني ضحكة او كما قالت (التومة شمار)( لسيدة قوالات) عندما قابلتها في الجمعية التعاونية لمربع ستة عندما اخبرتها بنكة واتلخمت التومة بغلاط عم محمد الحسن في رطل السكر وعلبة صلصة البستان فلم تضحك حينها لان الامر صار جدي فغضبت سيدة للطناش وحلفت بالتقطعها كان تحكي للتومة حاجة او كما شاهدت ذلك الموقف
التومة دي اصلا متخصصة في الحلة جبار كسور ونقالة خبور ما ان تتملخ اي يد في الحلة او يتفك اي انكل او تتالم احداهن من القطيعة والقطيعة هنا الالم الذي يدوزن في الظهر عند اي اتفاتة او حركة مفاجئة ...حضرت لها ظارين وانا طفل صغير كنت انكتم من ريحة البخور والدخاخين بتاعة السجائر وحطب العواسة ورائحة اللحمة المشوية التي اهل بها لغير الله ولكن كان يشجيني البارتي والدسكو البلدي الذي يحتونه فيه قرضا علي انغام الدلاليك وطار عم شلبي الحلفاوي اللحظة التي كنت انتظرها بفارغ الصبر هي التي تتجلي فيها التومة وترطن انقليزي زي ما الله خلقو بالرغم من ان نصيبها من التعليم لم يتجاوز سورة الحمدو وقل هو الله حد وطلع البدر علينا
توما ست البوست ما ست الظهار معليش النكتة حلوة واتخيلتها واتخيلت الزول جارنه زي الدلقان واتخيلت منظري متكلني قرجة ويازول تحت النيمة وانا ما شايل حيلي ولساني شغال زي البرلنت يبرطم
وهاكي النكتة دي بدون سبب معين او استعاضة اعتبريها بس ما تكوني سمعتيها قبل كدا
واحد (اهل العوض جا الخرطوم , وقم ولده ساقو محل ملابس جاهزة. وفى المحل لقى تمثال لابس ملابس للعرض سلم عليه ولده قال ليه يابوى دا تمثال ولما جاوا مارقين لقى خواجا قاعد فى كرسى وعنده صلعة قام العربى صج ضربه فى الصلعة وقال يا ولدى دا ما فضل ليه الا الكلام بعد دا
|
Post: #13
Title: توماالمستعربه
Author: توما
Date: 09-03-2003, 06:22 PM
Parent: #1
اساسي ما شديد لدواعي مكاواتيه ساااي
تاني كان احكي ليك حاجه علي قول التوما يحصل لي ويحصل لي.. عشان انا يا دوب رحلت جديده مش..مستجدني ومستعربني علي قول العربي الركب البص وقعد جنب ولد نضيف وقاشر قشره اها عمك بمركوبو يشيل ويعفص فيهو الود لامن عمك كترها اتلفت عليهو وقبل ما يفتح قدومو بكلمه عمك حمر ليهو وهاج قال ليهو انت مستعربني مش ..مستعربني ..ااااااااا
(وشوش البصرصرو ويحمرو ديك بنزلوهم كيف)
لكن رغم الاستعراب نكتتك ضحكتني الف كده
اها شفت جنس قصصك عن الجمعيه وانبوبه الغاز البدردقوها وست الظار وناس بتول شمار
والساره قوالات ده البلاقيني معاك ونتقاطع فيهو وبفرحني وبحسسني انو السودان ده نفس الناس باحاسيس قريبه لبعض لانو الكل بحسها
وبعيشها اتذكرت كم من الحكي الجميل لكن ابقي
داقسه زي عشوشه كان حكيتها شان تستعربني تاني
توماالمستعربه
|
Post: #14
Title: Re: توماالمستعربه
Author: اساسي
Date: 09-03-2003, 06:42 PM
Parent: #13
والله اساسي قبل الكراسي
ويا التوما ما تخلي حكمك علي قاسي
بوستك زكرني اهلي وناسي
وخلاني اطرا مدني وفداسي
واسيب المشاكل واعمل فيها دبلوماسي
اسع بحلف وما بدخل بوست حديثه سياسي
بالنسبة للشمارات كنت في جولة في ارشيف المنبر وجدت هذا البوست والذي احببت ان اريك فيه اهل الشمارات علي اصولها
جواب في السلك
جواب وصلني من صديقي في السودان قبل فترة
Quote:
التحية للشعب السوداني وبالاخص بت جاه الله تهاني
والتحية لمن باع القضية ...وجري خلف تفاح البلاد العربية ..املا في انف صغير وقامة افقية وراسية.
والتحية لمن هاجر وولي واستبدل الهادي ادم بعبد المجيد عبدالله...والتحية لناس كتار لماهم مركز مدار (مركز اتصالات حق صاحبنا)فيهم الكويس والماكويس
والله العظيم الشوق بقي بي كل الالوان وخليت راس اخوك مقطوع ..لكن برضو اخوك حريف ومركز علي التوم اخوك وعاملو بوابة علي حلتكم
السعودية :-؟
1/الجو
2/النظافة
3/ الاكل
4/ الشرتيت
5/ الجكس
تحدث عن هذه النقاط في ما لا يقل عن 25 كراس الزمن اخد وقتك ..مدة الاقامة ..اسرع تعال...والخامسة دي طبعا تشموا قدحة ههههههه
الدنيا هنا طبعا واقفة في نقطة واحدة كالعادة اخر مشهد شفتو في الحلة لو جيت بعد خمسة سنة حتلقاه لسه ما تم
..
بانوراما عام 2001
1/ ابراهيم بتاع السعوط الفي حلتكم فقد اعصابو من عمك محمود وبقي يسف وخلي الصلاة
2/ حواء (بتبيع شاي)تمكنت في الارض وربطتت قريب من بيتكم راكوبة زي الهم شوهت الحلة لحدي معرض الخرطوم الدولي
3/ محبي الاطلاع بحلتكم يترقبون وبشقف النسخة الثانية من كتاب (مصائب ......بعد الابحار(....=لقبي
4/ تيم جديد من المناصير لادارة الدكان الفي بيتكم والله الواحد بقي حاسي انه الدكان بتاعهم دا عايشة عليهو الشمالية كلها
5/ صاحبك هشام بقي فتي احلام بنات الحلة كلهم لمهارته العالية في مجالات الاتصالات وتغنت احداهن قائلة
اتصالات عالمية ومحلية
هشومي بسحروك لي
قاشر بي بنطلون الجنز
ومنو اتصالات العز
وقيل الجز بحزف الميم وللضرورة احكام
اختفاءات
شهدت البلد بعد سفركم العديد من حالات الاختفاء لشخصيات كانت اساسية دبيبية
1/ مصعب التمتام 2/ فيصل نيكسون3/تان تان4/حسن حلة
الشخصيات الحكومية
1/ صلاح والامنجي التاني داك والطاهر بتاع اللجان الشعبية
شخصيات عامة
ابراهيم بتاع المطعم وادريس النقلتيورمضان الغسال رحل في دكان تاني ودكانه فتحه الترزي الكضاب داك
العنكبوتيات وجدان وسميرة ورندا ...الخ
وفي استطلاع الشارع التقت الكاميرا بالشخصيات التالية
عمك محمود ( كان متكئا ياكل السمك فجلس وقال
واللللللللللله اساسي دا تقول كان في اللجان الشعبية
2/ سلطانة ( بتبيع كوارع )ويييييييين جماعة اساسي ديلك
3/ المنصوري بتاع الدكان وقبل الاطاحة به ( يا حليلو ابو شيبة كان لامي البلد كلها وكلهم عاوزين منه قروش
4/ امال والله صحبك دا عجيب
5/ الروضة عليك الله ما تطراهو لي
نرجع تاني لموضوعنا والاجتماعيات الخاصة اللا بتودي ولا بتجيب
شكرا علي جواباتك المميزة وعلي القميص الامريكي والجزمة
الذي
عزيزي لا ترهق نفسك بهذا الشكل وانت في امس الحوجة لكل دقيقة في تلك البلاد وخطابات كهذه تاخز وقتك
خليها لينا انحنا الماعندنا موضوع ديل
علي العموم اتمني لك ايام سعيدة وتحصيل موفق وعودا حميدا ونهي الحوصة راجياك
|
وختاما ما عاش اليستعربك او يتحنكشك او يستشمرك
|
Post: #15
Title: Re: يا قلبي يا كتاكت..ياما انت مليان وساكت
Author: Hozy
Date: 09-03-2003, 06:54 PM
Parent: #1
لوووووول
الله يديكم العافية
انشاء الله
|
Post: #16
Title: Re: يا قلبي يا كتاكت..ياما انت مليان وساكت
Author: اساسي
Date: 09-04-2003, 09:26 AM
Parent: #15
المليشة المعتدية تقرر الاستيلا علي البوست بوضع اليد
قررت قوات التحالف الاساسية وضع يدها علي البوست وتحريره من نظام التومة السابق والتي كان صحافها يكتكت ويسكت بالرغم من انه ملان
كما قررت قوات التحالف الاساسية عقد الصفقات المشبوهة مع حلفائها لتوزيع رصيد البوست الضخم بينهم
الان فلول نظام التوما السابق تلجأ الي البوستات الحدودية الصديقة بعد ان تم اجلائها من موطنها
اها يا التوما بوستك النكرتي حطب دا انا زاتي خليتو ليك وغنيتي بشيلها وبمشي
|
Post: #17
Title: اساسي بسيط كده
Author: توما
Date: 09-04-2003, 09:55 AM
Parent: #1
اساسي بسيط كده نسبه لجمال جواب صحبك وفرحتي ومتعتي بيهو
ازيك بدون طوب
القال ليك منو نكرت بوستي وياتو تحالف ده البقدر علي يمين طقه ثكلي فرد وحيده يتبعها
حضور مكثف لقوي الحب والصداقه و روابط متينه اخري ده غير جمعيه الشمارالشعبيه والقواله المتحده ديل يجو مسلحين بكم من المحنه
والحنين بالاضافه لايادي الفنادق في حاله الطواري ..نرجع لاسباب الغياب ..اولا وده السبب الاساسي يا اساسي حبه انت ..انواستمتعت
بالجواب وضحكت زي بالفين لوول كده وصادف انو
انا محصوره في الديسابورا برضو يعني برسلو لي جوابات تسمي مراسيل الحنيه نسبه للحنان المسمي مجازا ناس بيتنا اها والمراسيل فيها
جزء بتاع شمارات اساسي كنت دايره اكون امينه وانقلو ..لكن الصبر جارتنا ما ادوك منها ..ولو صبر القائل لقال القائل التاني
قوله..والغياب لا يخلو من جوله تفقديه في الحله وشمارات وسلامات ومحنه
واقعد في بطن الواطه دي عامل غنيتك البتبكي
نص الليل دي
توما
|
Post: #18
Title: هوزي
Author: توما
Date: 09-04-2003, 09:57 AM
Parent: #1
هوزي
سلامات
والبركه في جيتك وضحكتك دي
ومبروك تاني الفين كده
توما
|
Post: #19
Title: Re: هوزي
Author: زوربا
Date: 09-04-2003, 06:55 PM
Parent: #18
توما
الشوق الجاري عليك
هل تعرفين أن الكلمة تظل أبدا محملة بتواريخها ؟؟
كنت في مدينة تتدعي النسيان ... كنت أحرضها ذاكرة لم تغفر لها الشمس تصدعها... كنت أراود بعض نيلها التتدفق صوب البقاء شامخا
ثم
نفضت عني كتاحات الزيف
شربت فرنساوي في نبض السوق العربي
وحكيت لست الشاي عن خيانة مدينتي
قالت بين ضحكات البتشبة غنا البنات في صبحية عرس
العتمة فيك ما تنادي الصباح
قلت
لو ما شفتها في حس الشارع بيناتنا
بلقاها في عيون الشفع يمة
أو الله في ريدة مداح
والريد نيلين
|
Post: #20
Title: زوربا
Author: توما
Date: 09-07-2003, 02:31 AM
Parent: #1
زوربا يا صديق
سلامات
الكلمه والتاريخ وعمق الحاجات
عارف يا زوربا لما الواحد يكون مهموم بتاريخه بكون احرص علي قوله وفعله وحركته في العالم ده ..بكون منتبه للتفاصيل ولمشاعر الاخرين وعلاقته بيهم وفعلا الكلمه دائما محمله بتاريخها وبالتالي تاريخ قائلها عشان كده بتمتلكه لانو بتمسك منها وهو الكان سيدها
خارج النص.. بهديك اغنيه دي المدينه وديل ايدي في لحن الخميس حق تنقو
توما
|
Post: #21
Title: مرسال الحنيه
Author: توما
Date: 09-07-2003, 03:28 AM
Parent: #1
مقاطع من مرسال الحنيه
اشتاقك جدا..فعلميني الا اشتاق لغيرك..او لا اشتاقك وفي الحالتين انا الضائع..
مهما هزمتني الايام ساكتب لك.. جوابات متلاحقه.. قد اكتب لك كراسه مثل هذه واسميها مرسال الحنيه2..
ساظل كماانا ..تاخر الوقت علي ان اتغير..احلم معك بكل شئ..حنانك..اخوتك واتدفا بذكرياتي معك ..وشيئا فشيئا يقتلني
رحيلك ..اشاركك كل شئ وانفرد معك بلحظات موت ابي..اظنك تكنين لي نفس الشعور وقد يكون
اعمق..ومتي ما التقيتك انت بالذات في صحن بوش او قونقليس بالشطه تصبح الافراح واقعه لا محاله والحياه واسعه بلا حدود وجميله بلا قبح
الم اخبرك احبك جدا..
ينفصل الاخرون عن بعضهم ..يغيبون لاسباب عديده قد يموتون او يرحلون او يذهبون للعمل في مكان بعيد عندها فقط قد تضيق فرصه اللقاء بمعني ان تصبح قد حرف اساسي
في اننا قد نلتقي او قد لا ..اتدرين السنوات والتجربه القاسيه كلها تجعلنا لسنا
بنفس الحال عندما نلتقي..شئ لا ندري كنه يضيع في المنتصف وقد لا يضيع ..ساخبرك بسر لن يضيع ما بينناابدا..
واليك موجز الاخبار
-تم عقد قران ست نفيسه استاذه الحكايات في المدرسه من القولد التقيت بالصديق حتي دجاجي
يلقط الحب
-بدات حساسيه شامه بالزوال وقوالتها كما هي
-ما زالت نهي تتحفظ في الرجل الذي تحبه
-مريم ما زالت تبكي رحيلك بدموع غزيره
-ما زلت اعلن الحرب البارده علي حاج علي
-ما زالت ستائرك الخضراء كما هي
-لم يتغير شئ في زقاقنا باستثناء استدعاءحامد شرفي الي لجنه اصحاب المعاشات المراحيم
-نما ذلك النبات القرنفلي في جميع المزهريات
-كيارا وسيمباوتيموني يبلغونك التحايا
هاانااكتب اليك وهم ينظرون
-ما زالت لدينا نفس المشاكل في غسيل العده ونظافه المنزل
والحال ياهو نفس الحال
وتستمر العرضه
توما
|
Post: #22
Title: Re: مرسال الحنيه
Author: HOPELESS
Date: 09-07-2003, 03:38 AM
Parent: #21
يا بت الناس يا توما
يا انا ملخوم يا انتي الملخومه
دا سر بيني بينك
مافي داعي لخصومه
ولا ندخل حيكومه
يا بت قدر ما قلت اجدع لي معاك خشم خشمين غلبني
انتي الكلام دا لقطيهو من وين
يا
محمد ولد
طولي لي بالك
وخلي البساط ايراني
سلاااااام في شكل فكة بيرك
|
Post: #23
Title: Re: يا قلبي يا كتاكت..ياما انت مليان وساكت
Author: بدرالدين شنا
Date: 09-07-2003, 05:01 AM
Parent: #1
بسم الله الرحمن الرحيم
الأخت طوبة عفواً توما
سلاااااااااااام
بوست رائع ودمو خفيف
إنتي إسمك دا الجمع (توم) ولا (تومات) تسلمي يا رائعة يا كتكوتة القلب
|
Post: #24
Title: هوبلس
Author: توما
Date: 09-07-2003, 05:44 AM
Parent: #1
هوبلس ..
سلامات
خصومه دي نحنا ماادونا ليها وفي البورد ده من المواد الماشايلاها في شان كدي ده بوست للعرضه اعرض ساي بلا كشره
توما
|
Post: #25
Title: بدر بن شنا
Author: توما
Date: 09-07-2003, 05:47 AM
Parent: #1
بدر بن شنا عندنا يا مرحبا ادهشتنا وبشبشتنا
والله الفين سلام
لكن مالك جايب معاك شافع جنريتر لعبتو مسدس ..قبل فتره جابو لقاء مع الممثل مايكل دوغلاس وابوهو (اها جبت ليك سيره زملاءالمهنه سابقا شان تقول
مثقفه فنيا )قامت المذيعه الشمشاره سالت
الابو عن محاوله انتحاره وليه عدل عنها ..قام قال ليها لما جيت ادخل المسدس في خشمي كحركه اجرائيه تمهيدا لاطلاق الرصاصه قمت ضربت سني بطرف المسدس من غير ما اقصد والضربه حرقتني حرقه السنين ..قمت براي ضحكت
وقلت اسع دي ضربه ساي الانتحار ده لا بقدر عليو ولا حاجه ..وطبعا الترجمه بتصرف يا سوداني واحد انت..والجمع تومات حنينات يشرحن القلب..وحضورك جميل
توما او طوبه بتصرف
لووووول جدا
|
Post: #26
Title: Re: بدر بن شنا
Author: اساسي
Date: 09-07-2003, 11:00 AM
Parent: #25
حفلة بعيون شمارية
الجماعة ديل جابو التلج.. قول ليهم يدخلوهو في الراكوبة ديك ..ياخي السخانة دي لحام عديل التلج دا بسوح كله احسن يغتوهو بالخيش داك ويختوهو في الحمام عشان ما يجلبغ الحوش كله.. وكلم الشافع دا يجيب نشارة خشب من النجار البي جاي دا
مشهد داخلي
انت فتحية دي مالها عاملة جوطة كدا..؟ والله سامعاها قالت سيدة شالت (وش الملاح) حقها كله وعملتو في حلتها.. عليك الله شوف المراة الما بتخجل دي, لكن عادتها ما بتخليها ,المرة الفاتت عملت في عرس بت الرضية نفس الحكاية دي . ..عليك الله شفتي ملاح النعيمية حقي كيف ..؟الرجال شربو شراب.. والله كل دقيقة يرسلو لي زيادة,, ما زي تقليه هدي الكلها بصل محروق دي ..انت في التقلية ولا في ام العروس دي ,عليك الله شفتي حرصها وجبرها كيف ,مقفلة السكر في الدولاب ما بتطلعوا الا بالسيسي.. زي حقن الملاريا.. الببسي دا ما ورتنا ليهو خاتاهو في بيت ناس علوية في اخر الدنيا.؟
مشهد فرد في ظل الصيوان
اها يا صاحبي, البت اتكسرت في الولد (دش دش) والولد ما اشتغل بيهاالشغلة قفل الباب (رووو)في وشها.. وطوالي البت (تووووش) مشت البحر وجنبلوق) جو المويه ومن (يوم داك (وعيييييك )الود جانته نفسيات
اسمع انت البت الصفرة الواقفة في الشاي بت ناس منو ..؟اول مرة اشوفها الليلة.. صاح والله بت زي (الطلقة) ما عارفها والله..؟! دقيقة النعبي التيرموس دا من جوة.. ياخي ديل اربعة ملانات!! مافي زول شربهم بس قول داير تدخل تلوص وسط النسوان ..؟!اسمع ما تقعد تحكها معاي كدا
مشهد لبرة شوية
اسمع يا الطاهر كدي اجدع (حقتك حقت الصاعوط دي)..ـ بعد ان دردم سفة..ـ وقلوظها مظبوط وتكلها امامه.. مثل كبوت التيمس ..؟اسمع يا جنا كلمت عمكم محمود بتاع التعاون بالعقد ولا لا؟؟؟ايوا والله ..مشيت ليه انا زاتي وكلمته ؟طيب ماله ما جا لاسع؟؟.. يا حاج ياخي انا سارح بيه..؟ القطيعة التقطعك حتت الشافع مسيخ تقول فطموهو بي موية ترمس
مشهد الحفلة
لاحولة ولا قوة الا بالله امة الله دي كلها جات من وين ؟؟عليك الله شوفي الزحمة دي كيف ؟؟عليك الله ما لقو الا الفنان الذي السخيلة دا يجيبوهو ..؟
يا شباب ..يا شباب.. عليكم الله لي وراء شوية.. الساحة دي خلوها فاضية شوية, بعدين الغنية الجاية دي للعرسان.. يا شباب كان ما ..رجعتوا لينا وراء شوية.. والله الحفلة دي ما بتستمر بالطريقة دي.. البنات ديل دايرات يرقصن.. انت يا ابو قميص احمر.. عليك الله لي وراء شوية.. وانت يا ابو سويقات دا..!؟_ بي طنطنه_ (حالق راسك بي قزازة التقول) اسحب لي وراء شوية.. يا اخوانا البنات ديل نصهن جوة ما مرقن.. فضوا لينا محلات ليهن ما.. ممكن الرجال ماسكين الساحة عي حسابهم
جوة البيت شوية
اسمعوا انتو يا الرجال ادونا فرصة في العشاء دا شوية شلتو الصواني كلها برة النسوان لاسع ما اتعشن بشيلن حالنا والله
شمار مرتين في الحوش بعد العشاء ورقيص العروس
عليك الله شفتي الفسالة دا عشاء دا عليك الله قطعة طعمية ومخلل.. حي اللحمة الخاتنها زي قطعة البلاستيك ولا سلطة الاسود شفتيها مرة كيف كدي خليني من العشاء شفتي العروس كان شفت رقيصها؟؟؟..رت رت رت..تتهوزز وتتمايل
زي الجلي النزلو من القالب..تسيح سوووووووت
وتترب تترب تقوم زوووووووووووووت..زي لبانة
في خشم فلانة طق تك طق تك
وما ذال الليل طفل يحبو
|
Post: #27
Title: Re: يا قلبي يا كتاكت..ياما انت مليان وساكت
Author: THE RAIN
Date: 09-07-2003, 11:26 AM
Parent: #1
كون من الجمال الحقيقى والله
تحايا بى الف جنيه ليكم كلكم
|
Post: #28
Title: Re: يا قلبي يا كتاكت..ياما انت مليان وساكت
Author: tmbis
Date: 09-07-2003, 05:33 PM
Parent: #27
بنسلم بس
رحمــــابي مشتاقين ..والله ..شايفك زي مفرمل كده ..البوست ده مشجع شوية ..اساسي
ازيك ياخ ..والله عايز اسلم عليكم كلكم واحد ...واحد ..واحد تتخيلو؟؟
يا تومــــا انتي عامله اندروس في البوست ده ..والا مالو قاعد يعمل للزول كده ؟؟
تتخيلي الواحد يمشي الصفحة الاولي ..ويلفلف تمام التمام ..ويطمم بطنو ويجي يكسر معاكم هنا
تعرفي ؟؟
انا كان عندي طبلية ..يا بتاع شختك بختك ؟!! بديك اكبر بالونه ..وبين قوسين قيل ( بوز) وبعلق البوست ده في اقرب لفه
|
Post: #29
Title: Re: يا قلبي يا كتاكت..ياما انت مليان وساكت
Author: AlRa7mabi
Date: 09-07-2003, 07:46 PM
Parent: #1
توما
والله دي أحلى من النكت .. قطعت مصاريني
لسه في ناس قادرة تمنحنا الضحكة؟؟؟
تمبس
انت كويس؟؟
أنا البي كلو هين
تسلموا
رحمابي
|
Post: #30
Title: اساسي
Author: توما
Date: 09-08-2003, 07:43 AM
Parent: #1
اساسي
..جيت يا اخوي بركه الجيت اساسي انت وحراااد شديد..
لكن يا اساسي الغنيه لافقه مع الحفله الف
العجب البت النباحه البتشيل مع الفنان دي
انا اساسي اتشمشرت فيها ولكزت سيده قوالات
عشان تشوفها
لكن شمار الحفله ما تقول لي اكتر حته شماريه طاعمه حقت شمار المرتين في الحوش ..هو اهم ما في الشمار العروس طلعت كيف وده سؤال ناس بيتنا الاساسي لما اجي من حفله والكود في حالات محدده بكون العروس ظريفه والله
ولا العروس طيبه خلاص كنايه عن لا تسالو عن اشياءان تبدو لكم تسؤكم ..اسع يا اساسي تلقاك طيب خلاص..لووول جدا
توما
|
Post: #31
Title: المطر
Author: توما
Date: 09-08-2003, 07:45 AM
Parent: #1
المطر الرش وجاد
سلامات زي بالف وخمسمائه لحضورك وليك تحدد العمله
توما
|
Post: #32
Title: تمبس
Author: توما
Date: 09-08-2003, 07:46 AM
Parent: #1
تمبس
سلامااات
عجبتني فكره البلونه دي ..اصلو ما فزت بالكبيره ديك لحدي ما يوم حنست سيد الدكان حنيس بعد ما قربت اكمل الكرتله..تعرف حركه
تعاين للارقام بوراء عشان تشوف الكبيره حركه جبانه مش ولا كنت بعملها ولا حاجه
وعجبني حضورك
توما
|
Post: #33
Title: رحمابي
Author: توما
Date: 09-08-2003, 07:47 AM
Parent: #1
رحمابي
اسعدني حضورك
واسعدتني اكتر الضحكه الوصلتك
وما تحرمنا جمال جياتك
توما
|
Post: #34
Title: Re: رحمابي
Author: اساسي
Date: 09-08-2003, 08:18 AM
Parent: #33
انا طيب والله لكن شنو لي طيبتك والله انت اطيب واحدة لاقتني في البورد دا لاسع
هاك يا التوما اضحكي هنا عشان طيبتك دي
مساطيل
|
Post: #35
Title: اساسي الطيب
Author: توما
Date: 09-09-2003, 06:56 AM
Parent: #1
اساسي الطيب
لوووووووول لوووووولين علي من حكي المساطيل
انا ما مت عديل..لكن كده تكون سددت حق النكت والحرد والغياب والطيبه ذاتو
وطالبني الباقي هاك ليهو في شكل عدد واحد نكته شاداها من التوما..اتنين مساطيل واحد قال للتاني كده شوف الجرحه دي كبيره ولا صغيره
داك قال ليهو مناسبه والله..
نكتتي مناسبه ذاتها..ده كود البياخه ود عم الطيبه..
توما
|
Post: #36
Title: Re: يا قلبي يا كتاكت..ياما انت مليان وساكت
Author: THE RAIN
Date: 09-09-2003, 07:11 AM
Parent: #1
توما
والأربعين فراشة
إهداء صباحى عبارة عن قفة فيها ما يلى
ثلاثة وعشرين وردة زرقاء
اطناشر وردة بنفسج
خمسة وردات صفراء/بيضاء
ثلاثة وردات حمراء
وردتين لسه ما فتحت
خلو الشمس تجى مارقه، نقول نشيد الفرح الأخضر، وهى حتفتح، ونحن نفتح المسالك، من بداية الإبتسامة لحدى حدةد الإنتشاء
وليكم ابريق وسيم من القهوة ومعاه ما تشتهون
|
Post: #37
Title: المطر
Author: توما
Date: 09-09-2003, 07:36 AM
Parent: #1
المطر
صباحات شوقنا بخيرن ..صباحك طل كالياسمين
جميله قفه الورود
وذكرتني خربشه قلت فيها
وجانا رسول من جوه قليبو
شايل في قفه احساسو
كميات من ريد ومحنه
ورطلين حنه
وكيله من الكلمات السمحه
وشوق مترين انا واخواتي نقسمو طرحه
وندي بنات جارات كم سرحه
وجاب احساس الفارس الجاي
ونادي سلام يا فاطنه السمحه
حضورك جميل في الصباح
واتفضل جاي
علي ديك اللمه
ابريق القهوه وبراد شاي
بعيش وزلابيا ام بتفضلو ساي
هلوست بلمه الصباح واللقيمات ..يديك العافيه يا مطر
توما
|
Post: #38
Title: Re: المطر
Author: اساسي
Date: 09-18-2003, 08:59 AM
Parent: #37
إبتسمـــــي
ابتسمي …الدغش البدري…يلالي ويسطع
العشم المحري …في عرق الشارع…يناغم ويجري
الصوت من ليلنا… يتاوي ويطلع…عيون الفرح
الكتلت مرة…وضاقت المرة…تفتح وتلمح
ابتسمي... البزرة تفتق...البزرة تفتق...وتصبح فكرة
تسامر وترفع …الوجع الطاغي…يفارق غادي
هاجر ويرجع… الامل الغامر…الامل الغامر
يحاور ويدفع… حروف الشعر…في صدر الضلمة
تولع جمرة …وترقص تتركع…ابتسمي
الشمس الغامرة تنادي خيوطها …تطرز وتجمع
الارض السمرا… تمد ايدينا …تقلد الفقرا
تبارك الشفع… المدن النايمة…تكبر قايمة
ويجلجل صوتها… في وش المدفع
هاشم صديق
|
Post: #39
Title: Re: المطر
Author: haneena
Date: 09-18-2003, 04:38 PM
Parent: #38
توما
ياختي البوست دة كان رايح مني ويييين بس
اها لو شفتو وقتها كان فتيت جنس فت
الا النار الملهلبة إنطفت هسع
غايتو لما اللهلبة تحصل تاني...و
و دي اكيدة
ياني الجيت وشديت البوست دة
من اي خرم ولا ركن بالبورد
واقعد أقدل فيهو بمزااااج
أكيد..أكيد..حنتقابل
حنينة
|
Post: #40
Title: اساسي شكرا شديد
Author: توما
Date: 09-19-2003, 08:14 PM
Parent: #1
سنه يا بيتنا رجعنالك بعد غربه وشوق
اساسي جابنا سايقنا بكم من العشم في الله وفي بسمه تجيب يوم بكره..جميل الاحساس بالعشم ده
يا اساسي لي زمن لستك الكتابه حقي نازل لكن شايفاك جبت العفريته معاك والباقي انو
علي قول محجوب شريف ..تصحي المدينه وتقوم تستحمي ..
انا لخبت لكن يا اساسي شكرا شديد
توما
|
Post: #41
Title: حنينه بعد الهجمه المروريه
Author: توما
Date: 09-19-2003, 08:15 PM
Parent: #1
حنينه بعد الهجمه المروريه
ازيك اكيد اتاخرتي في الزحمه المره الجايه تعالي وقت الدلوكه حاره في شان تعرضي معانا
لكن ان شاء الله دلوكه عدم شغله ساي تكون ما جد جد..تتذكري في السودان الغناء بالجردل
مع قطعه الكهرباء وعدم الشغله بس دايره لي
حركه كوع زي دي..وبركه الجيتي ولو بعد حين
يا ظريفه
توما
|
Post: #42
Title: Re: حنينه بعد الهجمه المروريه
Author: زوربا
Date: 09-20-2003, 12:34 PM
توما يا صديقة بنكهه فرنساوي سور الجامعة
الشوق الجاري عليك
مدن لا تعيد صياغة تواريخها هي مدن لاتعرف كيف تكتب احلام اطفالها
مرة من ذات المراير أرتكبت خطيئة الشوق لمدينتي الاثيرة جدا رفاعة
داهمتها عند الفجر
كانت ترقص عي ايقاع أشبة بالمرشات العسكرية
سالتها عن سرها
أخبرتني أن بعض البوم فض بكارتها لذا هي ترقص رقصة الموت الأخيرة
روادتها البقاء
رفضت
روادتها الذهاب معها
رفضت
ثم اودعتني الحزن الاخير
عدت ادراجي
أخذت مقعدي الأثير عند ست الشاي وغنيت بصمت مبحوح
يا اللة هووووووووووووي
تعب اللسان من الشكية وفي الحكي
ترحمت علي العميري
مديت الخطوة علي شارع فاتح جوا القلب جواني
جاني فاتح صوتوا رصاصتين ومدفع
ماشي وين؟؟
قلت لي قدام
قال ممنوع
قلت يمين
قال ممنوع
يبقي شمال
قال ممنوع ممكن ترجع ورا
قلت ممنوع
فتا الصوت
ومشيت لي فوق
تقدر تعرج توقفني
والريد نيلين
|
Post: #43
Title: زوربا
Author: توما
Date: 09-21-2003, 07:58 AM
Parent: #1
زوربا
سلامات يا صديق
عارف لما اقرا ليك احس عنك الاتي
عميق في احساسك
مخدوش نوعا ما من خيانه المدن والذين يسمون
مجازا اصدقاء
قال هاشم صديق
انتبه
لا تبرا نجما تقرا في وشو الطريق.
فانتبه ماتنجرح وتمارس الحزن
جميل نصك
والاحساس وحضورك
توما
|
Post: #44
Title: Re: زوربا
Author: bayan
Date: 09-22-2003, 04:16 AM
Parent: #43
فوووووووووووووووق
آل كومنا
|
|