عليكم الله اسمعوا البت الغناية دي عذبت اغنية عثمان حسين كيف

و الله دي مش عذبتها و بس دي جننتها جن

تتجازي غايتو

الرائع الليندى ...لك التحيات النواضر
ياااااااااااااااااااااااااااااااااااااااااااااااا.....انها اتت من اقاصى الروح ....يا لصوتها يدوخنى ...ويبكينى ...ينقلنى صوتها الى الزكريات البعيدة القريبة واتووووووووووووووووووووووووه...فى زحمة افكارى...انها يا صديقى ليست سميرة دنيا بل دنيا اسمها سميرة
ولك الود
ميرغنى حمزة
ملحوظة:لا امتلك مكانا فى البورد فشكرا صديقى ابنوس اعطانى مساحة للرد عليك

سميرة دنيا..الغناء بالنسبة لها محراب صدق..تتنسك فيه ساعة القلب..وتجد فيه السلوى..كانت من بنات الثورة الحارة السادسة ولها معجبوها الكثر في كل مكان..سمعت أن عثمان حسين أجاز لها وحدها من دون العالمين أن تردد أغانيه بعد أن شهد لها بروعة الأداء..ثم بعد فترة سمعت تاني أنه منعها من ذلك

مهدي فعلاً سميرة دنيا نكتت الاغنية وعذبتها انا شخصياً سمعت الاغنية اول مرة منها حتى بعد داك رجعت لابو عفان لكن بالجد هي عذبتها

ميرغني ود جامعة الخرطوم اخيراً اتلميتو انت وعزت وكمان بقي يتيح تكتب ياخي انت عندك حق الاقدمية تحياتي ليك ولعزت الماهري وقول ليهو في انتظار اتصالك

بناديها
ياخي سميرة دي بتنا بت الديم يمكن كان في الثورة لكن الديم اكتشف الموهبة يتاعتها وبعدين رحلت الصحافة شفت البوست عايز يتحول لاولاد امدرمان واولاد الخرطوم يا زول سميرة فنانة اذا كانت من الديم ولا الثورة ولا اي مكان ما من بلادي

ولكم خالص التحايا

أخوي الليندي ... جد أبدعت و أبدعت سميره دنيا .. والله حس عالي و جميل ... سمير دنيا دي فنانه رائعه و قبل أن تكون فنانه نقلت لنا ما معني أن يصبح الأنسان فنان .. يتذوق و يشعر بالكلمات ثم يغني .. ماشاالله
بس الصوت دائم التقطيع .. أتمنى لو أمكن وضع وصله لتحميل الأغنيه للجهاز .

وتسلمـــوا

yaaaaaaaaaaaaaa

سميرة دنيا فنانة تمتلك صوت جميل فعلا وقادرة انها تغني كل الالوان
شكرا اخ الليندي على الاغنية الجميلة

شكراً اشراقة ومعايا والثالث ده والله ما قدرت اقرأ اسمك لكن اللنك ده الا تشوف الخواض هو الممكن يعملوا

اشراقة مصطفى كيف حال ايوب مصطفى ويا ريت لوتنزلوا وانجا مرة تانية في البورد لاني فقدتها وتقبلي تحيات مني مصطفى من جده

كل من جهل الحقيقة
سألني عن سرك معايا
لكني خايف من كلام الناس
عليك يا أغلى غاية
كل واحد في خياله
بكرة يتخيل حكاية
وانتي أبعد ما تكوني
عن الاقاويل والوشاية

سميرة فنانة تغني بكل احساسها
ولا أظن هناك من يتقن أغاني عثمان كلها مثلها فهي متيمة بفن عثمان حسين
وقد رأيتها يوما في القاهرة تغني صدقيني هذه وتنفعل في المقطع الأخير وترمي بالطبل الذي كانت تعزف عليه فيما كان الصديق العزيز ميكائيل الضو يعزف على العود
المؤسف أن الفنان الكبير عثمان حسين والذي رعاها في بداياتهاقد انقلب عليها بعد أن قال له بعض الوشاة الكاذبون أنها قامت بتسجيل اغانيه في شرائط تباع في السعودية والقاهرة ، فوجه لها إنذارا قانونيا يمنعها من ترديد أغانيه ، وصارت الآن لا ترددها حتى في الجلسات الخاصة إذا كان هناك جهاز تسجيل

الاستاذ كمال حسن بخيت هو صاحب مقولة إنها دنيا اسمها سميرة
وهو رجل فنان ومتذوق خطير للجمال في كل مظانه
أجرى حوارا مرة مع شاعرة ناشئة ..أدهشته بجمالها وحضورها فكتب في مقدمة الحوار
جئت ألتقي بشاعرة فإذا بي التقي بقصيدة

فيصل

يا سلفادور ..انت تعرف معنى العذاب فعلآً
ويا إشراقة فعلآً كوستاويةً رائعة وفعلآ يييييييييييييييييييياه
و يا فيصل الصالح في كل مقام...هكذا كنا منذ معتصم الفاضل جلآب معنا وسنظل و نهديها لروحه والدنيا ما هي إلا سميرتنا .... بالفن و الإبداع والفال الحسن
دمتم يا الرااااااااااائعييييييييين
و دامت عذاباتكم الأنيقة

ياخوانا
يا الليندي
عليكم الله لنك الحفظ
والله انا الما بنزله بشكيه علي الله
مخيريييييييييييييين

الجندريه
دائما موجوده محل الجرسه و الابداع
و كل مره تصيحي عايزه لنك للحفظ
و طبعا انا مرتاح انت تطلبي و انا احفظ
لكن اللندي ده قال ما بقدر يدينا نحفظ بس يعذبنا بس
مره طلبت منو اغنية لسميرة دنيا ما قصر معاى ايميل و موبايل قرب يرسلها لى فاكس
لكن انا اخيرا قررت الا اوصل اللندي في جده عشان اريح بالي
لكما خالص الود

نسوي شنو عاد يا الزومة يا اخوي
القلب الرهييييف مشكلة والله

Save@PC

mekki
كتر خيرك كتير
لكن والله ابى يشتغل معاي
شفت العوارض

الجندرية والعزاء يجب ان يكون الميديا بلير
Window Media Player
نازل فى الجهاز بعد ذلك دوسوا على الوصلة
بعد ان ينتهى الميديا من لعب الغنوة مرة واحدة أضغط:
Save Media as
ثم احفظ الملف عادى
************************
الجندرية:واللة لو ما خايف من حبيبتى تفتح البورد كنت قلت ليك:أخخخخخخخ من الشلوخ...!ه

يا الليندى ياخى ظاهر عليك رائع عشان كدة بتجيب الروائع وانا كلام الناس ديل حرق لى روحى بالحيل لكن والله العظيم الصوت ابا وحلف بى دينو وايمانو ما يظهر عندى مع انو انتظرت اكتر من ساعة وبرضو الحال فى حالو وانا بصراحة بدوب فى اغانى عثمان حسين وزى ما قلت الناس السمعت الاغنية بصوت سميرة دنيا جننونى بى تعليقاتهم... دحين يا خوى اعمل فينى معروف ورسلها لى فى الايميل بتاعى واكون مقدرا
[email protected]

شكرا اللندي الجندريه ومكي ولولاك لما سمعتها ابد\ا يا ايوبي كي اضغط علي سيف بي سي يمكن تسمعها

عارفين يا جماعة أغاني عثمان حسين كلها بتصيبني بحالة كثيفة من الشجن اللذيذ و أنا أحب جدا أن أتقوقع داخل محارة من الحزن ، ما أحلى الشعور بالحزن.

أول مرة سمعت سميرة دنيا بتغني لعثمان حسين كنت في زيارة لأسرة سودانية هنا و بصراحة...جنيييت. و كل ما أضرب السودان بس أقول لناس بيتنا عاوزه شريط سميرة دنيا و هي بتغني لعثمان حسين و ظللت أردد هذا الطلب لمدة شهور حتى تمكنوا من ارساله لي أخيرا مع أحد القادمين من السودان، و حسه لاااازم أسمعه كل يوم. بصراحة كده أنا شايفه انه الفن و الاعلام في السودان ظلموا سميرة دنيا شديد ، عندها صوت ما سمعته زيه قبل كده فيه شجن رخيم و بحة تقطع الأنفاس...و الله فنانة عظيمة، بس يا خسارة نقول لي منو؟

بالمناسبة يا جماعة سمعتوها بتغني شجن ؟ ده الدمااار ذاته، قايتو بازرعة كاتب هذه الأغنية أبدع و عثمان حسين لما غناها زاد الأبداع و جات سميرة دنيا زادت الابداع و أعطت الأغنية نكهة جنان، سميرة دنيا بتعذب كل أغنيات عثمان حسين و فنانة جد مش زي ستونة المدعية و التي شوهت الفن السوداني بتمثيلها لنا في المحافل الموسيقية الدولية.

شكرا الليندي على الاهداء الأكثر من رائع .

يا شباب موضوع اللينك والله ما عارفو لكن ممكن من الماسنجر وعندكم الايميل ضيفوا أو اسالوا اهل الاختاص ناس بكري وخواض ممكن يعملوا ليها لنك

ندى امين
عارفه أنو انا ما كنت بسمع غير مصطفى سيد احمد ووردي ونهائي ما بسمع ابو عفان لحدي ما لم فيني طالب سعودي سالني من حسين بازرعة وطلع أنو بازرعة قريبو واهداني شريط نادر لاغاني بازرعة فحزنت جداً للفترة الما سمعت فيها ابو عفان وسميرة لانو كانت جارتنا فعشان كده كنت بسمعها وكنت متوقع أنو تظهر لو لقت الزول اليمسكا الدرب الصاح
ولكم خالص الود

يا الليندي


انــــــــــــــــــــــــــــــــا مـــــــــــــــــــــاسامع حاجة


الاغنية دي يا تنزله تانى ولا ترسله لينا فى الايميل المهم اتصرف

لانو ما ممكن نتحرم من الهنان دا

looooo00000ooooool


[email protected]