Post: #1
Title: شاهد العصر الحزين؟
Author: bushra suleiman
Date: 08-29-2003, 09:47 PM
Parent: #0
كنت المغنى
وشاهد العصر الحزين
هجر النغم أعماقى وانهزم الحنين
خايف يخونّى أنا اليقين
خايف يغرّقنى السفين
وعلى رصيف الانتظار
تمتدّ فى عمرى السنين
***
فرحلت لى مدن الغياب
باحث عن الدفْ الحنون
لكنّى يا وهج الظنون
بلقاك فى الشوق الهتون
خاطر موشّح بالتحدى .. وبالفتون
وانساك عشان أتذكّرك
وأطارد الأحلام وأوهام الجنون
***
ودخلت فى غيب الشجون
بهرب إليك منك .. أنــا
وبين الصياح وصدى السكون
أتفجّر الصمت المخبأ فى العيون
|
Post: #2
Title: Re: شاهد العصر الحزين؟
Author: singawi
Date: 08-29-2003, 10:07 PM
يا سلااااام
ما أروعــك
شكراً
|
Post: #3
Title: Re: شاهد العصر الحزين؟
Author: فتحي البحيري
Date: 08-29-2003, 10:32 PM
Parent: #2
لك العافية
|
Post: #4
Title: Re: شاهد العصر الحزين؟
Author: bushra suleiman
Date: 08-30-2003, 00:05 AM
سنجاوى الرقيق جزيل الشكر
اخوى فتحى نحنا سماناواحده والسكة بتودى لى شروق
|
Post: #5
Title: Re: شاهد العصر الحزين؟
Author: Tumadir
Date: 08-30-2003, 00:34 AM
Parent: #4
اضم يا سلااااااامى الى ياسلااااام سنجاوى
واحيى القصيدة النبيلة
|
Post: #6
Title: Re: شاهد العصر الحزين؟
Author: Elmosley
Date: 08-30-2003, 01:04 AM
وانا كمان مع الناس الهنا
|
Post: #7
Title: Re: شاهد العصر الحزين؟
Author: kamalabas
Date: 08-30-2003, 01:29 AM
ياللروعه والألق هذا هو الرد علي من تهجم علي رواد
المنتدي ووصفهم بالاشباح ...نعم الرد يأتي بالمزيد
من الابداع والتوهج ...
|
Post: #8
Title: Re: شاهد العصر الحزين؟
Author: bushra suleiman
Date: 08-30-2003, 03:44 PM
شكرا تماضر الراقيه
شكرا يوسف الفنان
شكرا كمال المبدع
نحنا من غيركم ولاحاجه
|
Post: #9
Title: Re: شاهد العصر الحزين؟
Author: elsharief
Date: 08-30-2003, 03:49 PM
نضم صوتنا مع اصوات الجميع من اجل الابداع
|
Post: #10
Title: Re: شاهد العصر الحزين؟
Author: bushra suleiman
Date: 08-30-2003, 11:42 PM
مايجى يوم شكرك ياالشريف ابو قلم شريف
|
Post: #11
Title: Re: شاهد العصر الحزين؟
Author: ولياب
Date: 08-31-2003, 07:35 AM
بشرى سليمان
سلام
أشريا ،،، أشريا
تحياتي لمن معك بليدز وخاصة الدكتور فوزي بقوجة (لو بتعرفه)وهو من ابناء دبيرة - هاجر -
|
Post: #12
Title: Re: شاهد العصر الحزين؟
Author: banadieha
Date: 08-31-2003, 07:51 AM
Parent: #11
قصيدة حوار ومناجاة لا أثني عليها بأفضل مما أثنى عليها الذين سبقوني..لأن الثناء ليس هو الذي جمعنا هنا بل الذي جمعناهو الوقع الجميل للكلمات على نفس القارئ
|
Post: #13
Title: Re: شاهد العصر الحزين؟
Author: HAMZA SULIMAN
Date: 08-31-2003, 12:34 PM
Parent: #12
انا شاهد العصر الحزين
كتبت لى القصيده دى
يا استاذ ؟
|
Post: #15
Title: Re: شاهد العصر الحزين؟
Author: bushra suleiman
Date: 08-31-2003, 06:05 PM
Parent: #13
ياحمزه ياروعه كلو بى صوتك جميل
|
Post: #14
Title: Re: شاهد العصر الحزين؟
Author: bushra suleiman
Date: 08-31-2003, 06:03 PM
Parent: #11
كيفك بابلدينا ولياب وكيف ناسنا فى ح الجديدة وانشاالله تكون لميت فى العفش؟كترخيرك ود/فوزى رحل من ليدز لى لندن وهو بخير
مالليكا سلامجى
|
Post: #16
Title: Re: شاهد العصر الحزين؟
Author: bushra suleiman
Date: 08-31-2003, 06:54 PM
عزيزى بناديها ياصاحب القلم الرشيق والالق الدائم،لاعدمناك
|
Post: #17
Title: Re: شاهد العصر الحزين؟
Author: aba
Date: 08-31-2003, 07:09 PM
Parent: #16
أستاذنا بشري
ما أجملك
شكرا للقصيدة
تذكر قصيدتك التي تغني بها المرحوم ربشة حاولت الحصول علي تسجيل لها وخزلوني الجماعة في القاهرة هنالك في العتبة مكتبة تسجيلات صوتية قديمة جدا وجدت بها تسجيلا لربشه فيه هذه الأغنية وضاع مني كاالكثير من الأشياء الحلوة, رجائي ان تسعي معي في الحصول عليه
العنوان وصفا
ميدان العتبة
فندق قديم يقطنه السودانين
يبعون تحته أشيائهم (تنباك وويكة)..ا
المحل في الطابق الأول
تحياتي
|
Post: #18
Title: Re: شاهد العصر الحزين؟
Author: هدهد
Date: 08-31-2003, 07:09 PM
Parent: #16
العزيز بشرى
التحيات النواضر
قبل اسبوع
طلت صورتك البهية في مجلسنا الذي ضمتني والاستاذ الصديق زين العابدين وآخرين
ورجعت بنا الذكريات الى ايام جريدة الجريدة وذلك الكم الهائل من البشر الجمليين امين احميدي، خلف الله جسن فضل، محي الدين فارس، مصطفى سند ،احمد فرح ، مرسي ، عبد القادر الكتيابي ،والمرحومة الهام يا ...الله كم نتمنى ان تعود الايام
زين يغريك عميق التحايا
|
Post: #19
Title: Re: شاهد العصر الحزين؟
Author: bushra suleiman
Date: 08-31-2003, 07:27 PM
العزيز ابا
ياسلام عليك رائع،وشكرا على المعلومة القيمة ويكفينا صدق مودتك
|
Post: #20
Title: Re: شاهد العصر الحزين؟
Author: bushra suleiman
Date: 08-31-2003, 07:37 PM
والله ياهدهد رجعتنى لى زمان جميل مابيرجع والذكريات هى المحرك والدافع البخلينا نعيش ايامنا القادمة،كيف حبيبنا الزين طياره؟والله مشتاق كتير ولو فى تلفون ليهو ارجوك رسلو لى،طبعا امين الحميدى هنا فى لندن ونتواصل من وقت لاخر
ياسلام عليك ياهدهد شلال من ذكريات،هلاوى والتجانى والكتيابى واحمد فرح ومرسى وحسن السر واسراب الحسان ياسلام عليك
|
Post: #21
Title: Re: شاهد العصر الحزين؟
Author: ولياب
Date: 08-31-2003, 07:55 PM
لك التحية يا بشرى
الأهل بحلفا الجديدة بخير والحمد لله ، الأجواء كانت جميلة حيث الأمطار وكالعادة معظم القرى عانت من الوصول للمدينة ، بإستثناء قرانا _ قرى دبيرة الواقعة على شارع السلفت . ,اهلكم طيبين بخمستاشر . والحمد لله لمينا في العفش بعد خمسة ايام من تاريخ وصولي
شكرا للأخبار والتواصل ،،، مع التحية للأسرة الكريمة
الجميع هنا بخير ولا سيما أبو مرام
|
Post: #34
Title: Re: شاهد العصر الحزين؟
Author: bushra suleiman
Date: 09-13-2003, 09:12 PM
Parent: #21
up
|
Post: #22
Title: Re: شاهد العصر الحزين؟
Author: bushra suleiman
Date: 09-01-2003, 01:22 PM
مشكور ياولياب وتحياتنا لابومرام وبقية العائلة والاصدقاء طرفكم
|
Post: #23
Title: Re: شاهد العصر الحزين؟
Author: ahmad almalik
Date: 09-01-2003, 11:09 PM
لك الشكر استاذنا بشري علي هذه الروعة والفن الجميل
|
Post: #24
Title: Re: شاهد العصر الحزين؟
Author: bushra suleiman
Date: 09-02-2003, 02:49 PM
كيفك يااحمد ياملك ماتنسانا من ابداعاتك برضو ياراقى
|
Post: #25
Title: Re: شاهد العصر الحزين؟
Author: Yasir Elsharif
Date: 09-02-2003, 03:04 PM
الأستاذ بشرى سليمان
تحية طيبة
يبدو أنني أقرأ لك شعرا لأول مرة.. ولست بشاعر، ولكن يطربني الشعر وأحفظ الكثير منه في ذاكرتي.. عندما قرأت تذكرت البيت الذي يقول
ودخلت في ليلين فرعك والدجى
ولثمت كالصبح المنور فاك
رائعة شوقي التي درسناها في المدرسة الوسطى فأحببت أن أكتب بعض ابياتها.. وفجأة جاءني خاطر أن أبحث عنها بواسطة القوغل في الشبكة، فكتبت الشطرة الأولى فإذا بالقصيدة كلها تظهر أمام عيني..
http://www.geocities.com/SoHo/Studios/4142/jart.html
أعتقد أن بها بعض الأخطاء الإملائية وفي بعض الكلمات ولكن لا بأس، فارجو قبولها حتى أرفع بها هذا البوست إلى أعلا..
وشكري
|
Post: #26
Title: Re: شاهد العصر الحزين؟
Author: bushra suleiman
Date: 09-02-2003, 04:39 PM
شكرا دكتور ياسر وقلت اسجل زيارة للموقع بس ودانى لى حته تانيه كنت عاوز استرجع الذكريات القديمه معاك
تحياتى وتقديرى
|
Post: #27
Title: Re: شاهد العصر الحزين؟
Author: Yasir Elsharif
Date: 09-02-2003, 05:32 PM
لقد نقلتها لك هنا بعد أن أجريت التصحيح..
با جــــارة الوادي
أحمد شوقي
يا جارة الوادي طربت وعــادني
ما يشبه الأحلام من ذكـــراك
مثلت في الذكرى هواك وفي الكرى
والذكريات صدى السنين الحاكي
ولقد مررت على الريـاض بربوة
غنّاء كنت حيالهــــا ألقاك
ضحكت إلى وجوهها وعيونهـــا
ووجدت في أنفاسها ريـــاك
فذهبت في الأيام اذكر رفرفـــا
بين الجدوال والعيون حـواك
أذكرت هرولة الصبـابة والهوى
لما خطرت يقبلان خطــاك؟
لم ادر ما طيب العناق على الهوى
حتى ترفق ساعدى فطواك
وتأودت أعطــاف بانك في يدي
واحمر من خفريهما خداك
ودخلت في ليلين:فرعك والدجى
ولثمت كالصبح المنور فاك
ووجدت في كنه الجوانح نشـوة
من طيب فيك ومن سلاف لماك
وتعطلت لغة الكلام وخاطبت
عيني في لغة الهوى عينــاك
ومحوت كل لبانة من خاطرى
ونسيت كل تعاتب وتشاكـى
لا أمس من عمر الزمان ولاغد
جمع الزمان فكان يوم رضاك
|
Post: #28
Title: Re: شاهد العصر الحزين؟
Author: bushra suleiman
Date: 09-02-2003, 11:01 PM
رجعت بينا لدنيامن حروف عذبه وشاعرية متمكنه وايام مابترجع تسلم يادكتور ياسر
|
Post: #29
Title: Re: شاهد العصر الحزين؟
Author: singawi
Date: 09-10-2003, 11:31 PM
Parent: #28
Up
|
Post: #30
Title: Re: شاهد العصر الحزين؟
Author: abdelgafar.saeed
Date: 09-11-2003, 02:45 AM
ازيك يابشره
تسلم
فقدناكم فى الرحله
كنا متوقعنكم
الفتره الاحيره بقيت ماظاهر
بلغ الاسره التحايا
عبدالغفار سعيد
|
Post: #31
Title: Re: شاهد العصر الحزين؟
Author: bushra suleiman
Date: 09-12-2003, 04:21 PM
كتر خيرك ياسنجاوى
وشكرا ليك عبدالغفار تحياتى وتقديرى
|
Post: #32
Title: Re: شاهد العصر الحزين؟
Author: ودقاسم
Date: 09-12-2003, 06:33 PM
بشرى زميلي
أحييك
دخلت مرة على زميلي المصري وهو يردد أغنية أم كلثوم أغدا ألقاك لأستاذي الهادي آدم ، ولما رآني قال
أكيد الزول ده في واحدة زولة حرأت ألبو وخلتو يوول الكلام الجميل ده
ولما كان الهادي آدم أستاذي قلت أنه لم يكن شبابا بعشق ويقول الشعر في معشوقته حين كتب هذه القصيدة
لكن المعشوقة يمكن أن تكون حقيقة ويمكن أن تكون مجازا ، ولا عمر للعشق طالما أن قلوبنا ما زالت تنبض
زدنا بشرى
زادك الله بسطة في الصحة والعمر والمال والأدب وبسطة من كل ما هو جميل
|
Post: #33
Title: Re: شاهد العصر الحزين؟
Author: bushra suleiman
Date: 09-12-2003, 08:34 PM
الحبيب ودقاسم
طبعا الحروق كتيره الله لاوراك منها،فيها الممكن يبرى وبعضها زى البركان بيجى يوم ويقلب عاليها واطيها.واهو بنحاول نداوى البنقدر عليهو ونطفيهو بى حبة كليمات
ربنا يديك العافيه ويبعد منك ستات الحسن والجمال البقصرن العمر،كان باقى فيهو حاجه
|
|