الله لينا.... نحنا

يااخوان
سلام
ياجماعه الخير انا جد بستغرب لمن القي ناس كبار وبيقعدوا يتكلموا عن اجيال وانها اصبحت اجيال فارغه ما عندهم غير الحفلات والاغاني وا وا وا..... الخ
كيف بنكون او تكونوا عايزين تطلع ليكم اجيال واعيه وعارفه وانتو اصلا لم تعطوهم شئ,وبعدين من اين لهم ان ياتوا بشئ وهم ما شايفين غير الشايفينوا الان يعني الانسان بيتعلم من الحاجه القداموا.
العايز اقولو انو ياجماعه الخير البورد ده وغيرو وغيرو بيتصفحم عدد كبير جدا من الشباب فالو انتو فعلا عايزين بناء دوله سليمه وسليمه ده قاصد بيها كلوا ديمقراطيه علي باقي الكلام الكبار كبار فالناس تنسي وتكتب بكل تجرد وتكتب مش عشان تجدي استعطاف احد لا ..لا ومليون لا وتتذكر انو في ناس بيتعلم منكم فاذا بقت الشغله حمر لي واحمر ليك فا معناها علي البلد السلام.
ياجماعه ارجو انو اكون وصلت العايز اقولوا وبعتزر للاستخدام لغتنا البسيطه لكن هي بتصل اسرع.
مع ودي

تسلم آود اخوي
وانا بعتذر ليك اعتذار خاص اذا كان شكيتك دي مني او ماكانت
علا تعال انحدثك
اسي انتا قاعد وين؟؟؟
حتى لو ما قاعد في السودان بتكون عارف الامور البتحصل فيهو
في ناس يا ولدي ما بعجبا انو زول يوري النصيحة
الجرايد مثلا ما بتجيب كل الاخبار البتحصل للناس
معاناة المساكين
(والشعب السوداني كله بقى مساكين)
من ناس الضرائب والمحليات والالزامية والمسميات الكثيرة المعمولة عشان تمتص دم الناس وما تقدم ليهم حاجة نافعة
الناس البموتوا او يختفوا وهم ما عملوا حاجة غلط
الوظائف البتسند لي ناس اقل كفاءة ويشرد منها الناس الاكثر كفاءة
التعب والشقاوة العمت كل السودانيين مع انه موارد البلد وخيراته كثيرة يبرطع فيها قلة بالسحت والحرام والنفاق والاجرام
دي كلها حاجات وغيرها كثير دايرة البنضم فيها
ومثل ما قت ليك
ناس الانقاذ جيهوا امورن بحيث انه الحاجات دي ما تظهر في الاعلام المحلي
قام ربك رب الخير جاب لينا المنبر دا
والمشاكل البتشوفا هنا دي واحمر ليك وتحمر لي
دي بين ناس دايرين يظهروا الحقايق دي وناس مادايرنها تظهر
عشان يوهموا الناس انه الانقاذ الحرامية المجرمة كتالة الكتلى
سمحة
فهمت؟؟؟؟؟؟

واحييك آولدي
ربنا الهمك واديت بوستيك دي اسم فالو كثثثثثثثثثثثثثثثثثيييييييييييييير خلاص
فعلا
الله لينا نحن

عمنا البحيري
سلام,اولا لم اوجه كلامي ليك شخصيا والدليل اني مستخدم صيغه الجمع والمساله ما انا براي لا ))اجيال((.
انا بفتكر حسب مفهومي والكلام ده استنتاج لكلام سمعته او قريتو عن تاريخ السودان السياسي انو معظم الحاجات الذكرتها لم تكن حصرا علي الانقاذ لانو كان في زمن النميري والصادق او الديمقراطيه التانيه بعتبار انو كان رئيس وزراء,فا معناها في معضله في الحكومات او خلينا نقول الاحزاب كلها.ودي

اشكرك ود اخوي
حكاية انه الانقاذ زبها وزي القبالا دي اكذب كذبة
انا قريت الابتدائي والمتوسط كله في زمن نميري
نميري اجرم في حق الشعب دا ولدي اجرام ما سبقه اليهو زول
لكن اجرام النميري كان محصور في مجالات بعينها
التعليم كان مدعوم لي درجة ما تتخيلا الان؟
مرتب المعلم في شهر ممكن يعيشه سنة
الطلاب يجدوا كل ما يلزمهم للتحصيل
مدارس مهيئة مما جميعه
كتب كاملة
كراسات تفيض عن الحاجة
وكل ذلك بلا رسوم على الاطلاق
اللهم الا حاجة رمزية جدا جدا يفرضها اباء التلاميذ على انفسهم تمشي لتحسين البيئة المدرسية الممتازة اصلا
والداخليات كمان
معظم اعمامك المن الاقاليم ويمكن يكون كتير منهم معانا هنا
الدولة اتكفلت باكله وشرابه من اولى ابتدائي لي حد ما خلص الجامعة
وما بعد الجامعة كمان
تخيل!ـ
وما تقول لي انه مقدرات الدولة زمان كانت اكثر من هسا
اسي المقدرات اكثر لانه الجباية اكثر ولانه الموارد من مغتربين وبترول وخلافه اكثر
ولا بيئة صالحة
لا مرتبات مجزية في التعليم تغري الاكفاء بالالتحاق به كمعلمين
وبياخدوا من الطلبة رسوم كثيرة وما بتعود الرسوم دس على خدمات لهم
حتى الطبشير واجلاس طالب وووحاجة تخجل العندو دم
دي ياولدي مقارنة بين زمن نميري الاصلا سيء وبين زمن المجرمين ديل
تقول لي الحال ياهو ذاتو الحال
ديل بعيد عنك جو متعقدين وقعدوا مخلوعين
وفي اخرة ايامن اسا بتراجفوا
منزوهة منهم الرحمة والضمير
والله لينا