Post: #1
Title: ختَّني هنا
Author: بدرالدين شنا
Date: 08-27-2003, 03:55 AM
بسم الله الرحمن الرحيم
زمان حكوا لينا عن ود عمي قالوا لمن جاء الخواجة يعمل معاينات معاهم في فندق هيلتون كانت إجابات ودعمي
O.K - O.K - O.K
عندي إتنين من أولاد أهلي النوع القرو الإنجليزي القديم داك ويطقطقوهو زي ما الله خلقو
أها يوم جاهم خواجة زميلهم في الشغل وهم كانو ساكنين في الفتيحاب وأنا قاعد معاهم وكان عندي مشوار لغاية بانت قالوا لي خلاص أنتظر أمشي مع الخواجة دا أها ركبت معاهو ومشينا بس بعد أديناهم ضهرنا قعدوا يقولوا البدري لمن يصل بانت حايقول للخواجة
Put me here
أنا أعلم كتير من السودانين حتى العارفين لهذه اللغة لا يستخدمونها ولو حصل إتكلمت بالإنجليزي الناس يقولوا
ياخي دا فقعنا بي إنجليزيهو القاطعو من راسو دا
هسع الشايفو انا السودانين تنزل ليك بوست بالإنجليزي يردوا ليك وبي إنجليزي أسمح منو أو يردوهو لك
وهسع أنا شغال مع خواجات والله أتونس معاهم ونحكي نكاة وفي أحيان كتيرة إنسى إنو ديل خواجات وكأنهم من حلتنا
وهسع بتجيني رسائل من أخوة سودانيين كمبيوتراتهم ما فيها عربي والله تلقاهم راصيين ليك الإنجليزي دا رص
فأنا أتساءل هل السودانيين ديل بعرفوا إنجليزي من كانو في السودان لكن ما بحبوا يتعاملوا بيهو ولا إتعلموهو في الغربة والشتات على حسب نظرية بلد ما بلدك طقطق فيهو الإنجليزي عريان؟؟؟
|
Post: #2
Title: Re: ختَّني هنا
Author: bayan
Date: 08-27-2003, 04:09 AM
Parent: #1
لووووووووووووووووووووووول يا
ابنكنبة
تذكر الخواجية الكانت بتدرسنا انجليزى فى سنة تانية
وانت كنت السبب انها تجى فصلنا سكرانة عشان تستحملك
قصة مجهولة البطل
كان عندنا مدرسة انجليزية وكان من تدخل الفصل فى واحد كدا( غير معروف )
بيقول عايز يمشى ال
W.C
المهم مرة كدا جاب ليها العصبى قامت فرشت كل الشتائم العارفاها
وقالت ليهفى الاخير
Oh plzz grow Up
المهم صاحبنا دا
رجع قعد فى حتتو والخواجية مشت اشتكتو
جا المسجل قاليهو يا فلان ياخى خفو عليها المرة دى والله تمشى تانى ما بنلقى ليكم واحدة
قام صاحبنا قال للمسجل
يا اخى دى قالوا لى ما خلت لى صفحة اتكى عليها
المسجل بخلعة قاليهو هو انت طلعتا من الفصل؟!!
قام صاحبنا المجهول قاليهو
لا يا استاذ قاااعد ديل الناس الفهموها
|
Post: #3
Title: Re: ختَّني هنا
Author: SAdo7
Date: 08-27-2003, 10:46 AM
Parent: #2
ود شنا
سلامات يا زول يا لذيذ
والله تعرف مرات زى مابقلوا المصريين المعايش
جباره يعنى فى ناس الغه الانجليزيه دى فى المدراس
كانو بكرهوها لكن لمان الظروف حكمت اضطروا
اجيدو اللغه دى وكمان فى ناس بسبب المعايش جودو لغاة اصعب
من الانجليزى رغم انو زمان كان زول سفتى فايف فى اللغه الانجليزيه
والمعايش جباره لك كل الود
|
Post: #4
Title: Re: ختَّني هنا
Author: ابو جهينة
Date: 08-27-2003, 11:03 AM
Parent: #3
بدر الدين
السلاااااااام ألوف
إنت كويس الناس ديل بيراسلوك بالكمبيوتر. أنا معاى ناس دفعتي و قرينا سوا ، لما يتكلموا معاى جملة فيها عشرة كلمات ، تلقر سبعة منهن إنجليزى و الباقي لغتنا الجميلة.
حسب نظرية بلد ما بلدك طقطق فيهو الإنجليزي عريان و في واحدين بيدوهو سوط و هو .....
تسلم أيها الشفيف
|
Post: #5
Title: Re: ختَّني هنا
Author: بدرالدين شنا
Date: 08-27-2003, 05:40 PM
Parent: #1
بسم الله الرحمن الرحيم
المحترمة د. بيان
سلااااااااااام يادفعة
هي بالله كانت سكرانة؟؟؟
والله أنا قايل الخواجات أصلهن ريحتهم كدا والله عدم الشم مصيبة
وبعدين عدم الفهم ما تقصير مننا إنما تقصير في فستانها اللابساهو
هاهاهاهاهاهاهاهاها
الغالي صادوح
سلااااااااااام وإحترام
ياخي أنا رايح لي زول في أمريكا إسمو صداح ما لاقاك؟؟؟
والله فعلاً يا صدوح المعايش جبارة وأنا هسع قربت أتعلم كلام البدو لكن ما عارف اقشر بيهو وين؟؟؟
الأستاذ أبوجهينة
سلااااااااااام مليارات
طبعاً في ناس بدخلوا كلمات إنجليزية بين المفردات العربية ولكن بدون قصد أها زي ديل أنا بتكيف أتونس معاهم عشان القط لي منهم كلمة كلمتين أزيد بيهن (الفوكابلري) بتاعتي
عليك الله رايك شنو في الفوكابلري دي ما بتملأ العين؟؟؟
لكن كمان في ناس الواحد تلقاهو عشان يدخل ليهو كلمة إنجليزية يلف ليها بالشنقيطي عديل لغاية ما يلقى ليها محل
تسلم إنت وعيالك وأم عيالك
|
Post: #6
Title: Re: ختَّني هنا
Author: anwar abu gaidaa
Date: 08-27-2003, 06:30 PM
Parent: #5
كدى النطايبك اول تبادى؟
ومش لاقيت ليك صداح وزوجته داكى الليله فى كازينو النيل الازرق؟
وبعدين انا اول مره الاقى زوجته والنصيحه سميحه قلت لى صداح انا ما مصدق انو دى مرتك قال لى دفع فروق شنا؟؟
انا مشيت وجيت
امتلات افراحا واحزانا؟؟
وخموج وطمله ومويه راكده؟
ووحل؟
والجزيره عاوزه جون قرنق؟؟
والله شنو يا مستر؟؟
|
Post: #7
Title: Re: ختَّني هنا
Author: بدرالدين شنا
Date: 08-28-2003, 03:24 AM
Parent: #1
بسم الله الرحمن الرحيم
ود أمي بتول
سلاااااااااااااام يحمل حنان ومودة
الف حمداً لله على سلامتك وسلامة العيال وأنتم عائدين من بلد الدينار
بلد الخير والطيبة وهنيئاً لك برؤية صداح والله إني أشتاقه وياريت يكون أداك عنوان ولاّ رقم تلفون
وكان رجعنا لي موضوع البوست طبعاً إنت وصدام عفواً صداح بتكونوا الإنجليزي دا جضمتوهو عديييييييييييل كدا
عليك يا أنور (تيبار) بالإنجليزي شنو؟؟؟
الجزيرة عايزة جون قرنق؟؟؟
بري يا يمة إتحوينا النبي
|
Post: #8
Title: Re: ختَّني هنا
Author: HOPELESS
Date: 08-30-2003, 04:15 AM
Parent: #7
الناس الحلوه سلاااااام
بالعنقليزي والعربي
بابا انا مافي موضوع راس مرررررره فاضي
دا عنقليزي معرب عن طريق بنغلاديش
شيلوه صره كدا
وسموها مشاركه
|
Post: #9
Title: Re: ختَّني هنا
Author: almulaomar
Date: 10-05-2003, 04:53 PM
Parent: #1
الأخ الرائع بدر الدين شنا
وأن أنبش كعهدي في دهاليز المنتدى وقفت عند هذا المقال مما لاشك فيه أننا كسودانيين شعب أقرب اللغات الثانية له هي لغة المستعمر الإنجليزي ، وكانت إلى عهد قريب لغة التعليم وهي على ما أعتقد ما أنفكت لغة الدولة بعد العربية.
ربما يكون مستوى اللغة عندنا أصبح مثل مستوى كرة القدم لا قواعد ولا نطق ولا كتابة سليمة حتى أى أخبطها وتوكل. والتجني على أى لغة يكون عادة في الترجمة الحرفية للكلمة أو الجملة دون النظر إلى المعني فالذي جعلك تقول للخواجه put me here وأنت تعني دليني هنا يمكن أن يجعلك تنطق أم رقيقة Mother of thin أو House of Money لبيت المال وتكون في ورطة ما بعدها إذا ترجمت إسم مثل ست البنات Master of Ladies أو حمد النيل Thanks Nile
|
Post: #10
Title: لوووول لوووولين علي
Author: توما
Date: 10-05-2003, 05:18 PM
Parent: #1
لوووول لوووولين علي
والله يا بدر اشتقنالك علي قولم
و
thanks للملا عمر علي الدفره الظريفه دي
والترجمه الممتازه وبما انو الليله كان غدانا
chicken tears
ومعانا ود عما لينا استفاد ايمااستفاده من البوست لانو في الانجليزي
my mother
عديييييل
ضحكتني يا الملاعمر ويجيبك بالسلامه يا شنا ياود اخوي
توما
|
Post: #11
Title: Re: ختَّني هنا
Author: abuarafa
Date: 10-05-2003, 05:37 PM
Parent: #1
الاخ/ بدرالين
فى بدايات التسعينيات كنت ادرس اللغة الانجليزية فى احدى الجامعات السودانية و كان من ضمن الاسئلةالتى و ضعتها فى مادة الترجمة الانجليزية ترجم الاتى : اكد الفريق عمر حسن البشير ان العلاقات ..... الخ احد الطلبة ترجمها
team corner omer hassan elbasheer
|
Post: #12
Title: Re: ختَّني هنا
Author: falcon
Date: 10-05-2003, 07:01 PM
Parent: #1
اخي بدر
اظنك سمعت بأنجليزي الموظفين
و دا كان زمن الرفيرا و كازينو حماد
و تلقي الجماعة بعد مرور ساعة من الجلسة
حتي الطلبات بالانجليزي
الوالدة الله يديها العافية كانت تردد
بعض المفردات الانجليزية التي كانت تسمعها
من الاخوان و الاخوات ايام الدراسة
تسألها يا حاجة وين فلانة
تقول ليك و الله قالت مدبرسة
و جاية من لتشر تقصد ليكشر
يديك العافية...
|
|